|
|
 موزارت + فيروز + الرحبانية = إبداع من السماء التاسعة
|
موزارت
معروف طبعا
الزول النمساوى العجيب
البطرب لى سماع مزيكته الإنس والجن
وفيروز
أعذب صوت نسائى من نزول أمنا حواء لى نواحى هذا الكوكب الشغوف، السمح/الكعب
ولحدى موعد طلوعنا تانى
برضو معروفة وفايته اضنين وارواح وقلوب جميع الكائنات والمخلوقات
والرحبانية
عاصى ومنصور
عاملين زى ال Q و ال U
ما بتفارقو ابدا، ولو غاب أى واحد منهم المعادلة الفيروزية السحرية حتتلخبط
عاصى يغزل المزيكا ومنصور ينسج الكلام عشان يطلعو لينا بردة فيروزية بديعة
عاصى ومنصور وفيروز قامو شالو "الحركة الأولى" من سيمفونية موزارت رقم 40
أو بالتحديد الإستهلال الأول فى الحركة الأولى
وعملو أغنية فيروز الشهية
يا أنا يا أنا أنا واياك
وعرفو إنك حبيبى
ولا هم قالو نحن الخلقنا الجمال ده، ولا الناس قالو ليهم انتو حرامية
يا ريت "الحرمنة" كلها تكون زى دى
زى حرمنة "روبن هود" شالو من مزيكا يمكن تسعة وتسعين فى المية من الخلائق ما بسمعوها
عشان يسمعوها لكل زول
يا الله
http://www.youtube.com/watch?v=ZC2ePGkmopg
ده الرابط بتاع حاج موزارت
وهنا الرابط بتاع الثلاثى الفيروزى
http://www.youtube.com/watch?v=lFyvt8QzPYg
شوف ليك حلاة سرقة بالله
|
|
 
|
|
|
|
أبوذر بابكر
فيس بوك
تويتر
انستقرام
يوتيوب
بنتيريست