|
الأسلحة الكيميائية وحقيقة استخدامها في السودان في منتدى ميديكس للحوار
|
|
 Re: يحكى لرامو فيها....... وقال فرمتو قايل.. (Re: ناهد بشير الطيب)
|
الأغرب من ذلك أن الفيروسات لم تقتصر فقط على الكومبيوتر
لكن امتد تأثيرها لجهاز الموبايل والثلاجة والغسالة فقد تعطلت كل هذه الأجهزة جنباً إلى جنب
مع الكومبيوتر فى ذات اللحظة التى وجه فيها الهكر ضربته حتى البوتوغاز
ماذا افعل لكنها مصيبة الهكر الذى أصاب الكومبيوتر وما جاوره
وهذا دلالة أن الهكر قد تخطى اسفيريته ....
وأصبح مجسدا طائرا مثله مثل أنثى الأنفولنيس فى ملاريتها المشهودة
لقد أصبح الفيروس الرقمى مثل الحمى إذا ضرب جهازا تداعت له كافة الأجهزة
حتى المكواة التصقت بالثوب وعملت استك أب ولم يشفع لها جدارها النارى
بمقاومة ذلك الفيروس الشامل ولكن
"نواصل
| |
 
|
|
|
|
|
|
|
|
Re: يحكى لرامو فيها....... وقال فرمتو قايل.. (Re: ناهد بشير الطيب)
|
ولكن....رأيت فيما يرى النائم .
.مغنياً اصابه الفيروس اللعين وهو يلعلع بأغنية يقول فيها"
هكرنى يا غالى الحروف
وفجأة يتمتم بكلمات غير مفهومة ليعود ويغنى
حبيبى هكرنى وأنا اهكرليك
بالماوس أو بكليكات ليك
وفجأة يصيح المغنى بأعلى صوته "
من طرف الجهاز جانى اجمل ماسنجر
يحكى لرامو فيها وقال فرمتو قايل..
قال فرمتو قااااايل ......
لا لا لا لا
| |
|
|
|
|
|
|
|
|
|
Re: يحكى لرامو فيها....... وقال فرمتو قايل.. (Re: اميمة مصطفى سند)
|
Quote: ]
كفارة والحمد لله ما ضرب
جهاز محمد أو موبايلات البنات |
اها ده كمبيوتر الاولاد يااميمة ....
ولا مايفوتك كمان اى زول عمل لى بلوك فى الماسنجر
لانه جهازه بيتهكر منى...... تخيلى روعة المنظر
يعنى انا حاملة فايروس .....
غايتو خليك بعيدة منى كم يوم كده ....
واحمدى الله انه الضربة الجاتك كانت خفيفة ...
هسى يعنى نحفظ الملفات تانى وين يعنى
| |
|
|
|
|
|
|
|
|
|
Re: يحكى لرامو فيها....... وقال فرمتو قايل.. (Re: اميمة مصطفى سند)
|
Quote: ]
من يوم ما قلتي لي في مشكلة وأنا زايغة منك
|
لا هو مابقى هكر بتاع بيت
الا عاد ماتجينى انتى
من زمن اسفيريته
Quote:
من يوم ما قلتي لي في مشكلة وأنا زايغة منك
كفاية الموقع الاديتيني ليهو والعملو فيني
؟؟ |
اها الموقع ده البيسجل فيه مابيقدر يعمل خروج
ماعارفة ليه .....
Quote:
يا ربي الهاكرز سمعني وطلع ولد ناس معاي
وخلص لي حقي منك...
|
محمد معانا ماتغشانا ..
| |
|
|
|
|
|
|
|
|
|
Re: يحكى لرامو فيها....... وقال فرمتو قايل.. (Re: ASHRAF MUSTAFA)
|
Quote:
انتي بالزات ما تستاهلي والله
اريتها لو جات فيني انا افداكي بيها
لكن لا تياسي
فالنصر قادم لا محالة |
عارف نحن كم هنا نفس المصيبة دى
عشرات وعشرات....مشاكل يومية
هكر ...ومستندات وصور وفايلات
ولابتوب عاوز ليه سى دى روم......
وواحد مابشتغل نهائى
والعمل يعنى نشتكى لمنو ونقول شنو
وحاجاتنا وين....
على قول خضر الله فى ......
ياخى حضرت ليك اغنية لشنطتك الضائعة دى
اها الهكر قضى على اخضر ويابس اى حاجة
وكدى
ونستنى النصر لكن من وين ومن منو
برضو نقول يارب......
| |
|
|
|
|
|
|
|
|
|
Re: يحكى لرامو فيها....... وقال فرمتو قايل.. (Re: العوض المسلمي)
|
Quote: الحصل ده حصل عليه نفسه وبالكربون ,,,
وبعد الفورمات ما تنسي الابديت ,,, |
العوض اخوى
اختك بقت خبيرة فى التكنلوجيا خلاص
بالله الناس بيقروها فى 4 سنين وشوية
هكر يجيك يخليك تتعلم تصلح فى 8 ساعات متواصلة
عارف
حاارجع زى زمان للورق
حااطبع اى حاجة واعمل ملفات ورقية وبلاستيكية
وضد الكسر والسرقة بوضعهم فى شنطة جلد عااادية هههه
________________
فى انتظار الجمعة والدعوات الصادقات
شكرا عوض
| |
|
|
|
|
|
|
|
|
|
Re: يحكى لرامو فيها....... وقال فرمتو قايل.. (Re: انور التكينة)
|
Quote: ان شاء عين الياباك
يا اختى خليك من الاحتياطات التكنولوجية و سوى ليك ورقة كاربة تحفظك من عين خلقو .... حروفك ...تعابيرك ....خيالك ....
و ما يصدر عنك الا جميل و معيون
عين السواد ا يمة ...
|
الحافظ الله ياانور
وتسلم والله من كل شر يااارب
لكن ماتطمن لاجهزة الكمبيوتر نهاااااااائى
وارجع زى زمان نلم حاجاتنا فى الورق
والفايلات ....دى احسن طريقة
لاسيديهات نافعة ولا فلاشات نافعة
غايتو حسب حالتى
وقال فرمتو قااااايل
| |
|
|
|
|
|
|
|
|
 Re: يحكى لرامو فيها....... وقال فرمتو قايل.. (Re: ناهد بشير الطيب)
|
دا شنو يا ناهد
أنتي قاعد تسطلي معانا إسفيريا ولا شنو!
ياخ حالتكـ دي أخير منها الهكر والله
قلت لي الحاجات كلها ضربت!
هي كـدا غايتو .. سبحان الله
لمن تبوظ حاجة في البيت .. تتداعى له سائر الأجهزة
ابتداء من الفيوزات إلى الهاردسكات
ياخ الهكر دا أنا وصيتو لي زول تاني
شكلو كــدا دقـس وجا لافي بي حارتكم!
عموما كــدا
ممكن نعمل صندوق ونديكـ الصرفة الرابعة .. بنفع؟
| |
|
|
|
|
|
|
|
|
|
Re: يحكى لرامو فيها....... وقال فرمتو قايل.. (Re: ناهد بشير الطيب)
|
ألأخت/ناهد.السلام عليكم
Quote: حتى انا ماسلمت من ضربته
بقانى .....عياااانة .....
هكر الدمار الشامل ده
هسى البيعوضنى منو عن الدمار ده
بكرى ولا الهكر
|
طبعآ أخوك عارف السبب............الله يستر علينا............
كفارة ليك....وإن شاء الله ربنا يعوضك فى مالك وصحتك..لكن الفيك إتعرفت..منك خوف.....
إسماعيل محمد احمد عباس....
| |
|
|
|
|
|
|
|
|
|
(Re: ناهد بشير الطيب)
|
اختي ناهد الجاتك في كمبيوترك سامحتك ... لكن يظهر ان الفيروس او الهكر عرف انكم مغتربين وعايز يتجمل معاكم عشان ترسلو القديم للبلد.... على العموم عندك خيارات كتيرة لجهاز جديد.... اما من الجمعية او من الرابطة .... اها اخترتي منو.... نحنا جاهزين وماتكلمي زول.
| |
|
|
|
|
|
|
| |
ناهد بشير الطيب
ASHRAF MUSTAFA
ابراهيم قناوي
هاشم أحمد خلف الله
العوض المسلمي
Ashraf Abdel-Muty
انور التكينة
محمد عبد الماجد الصايم
ismeil abbas
كمال ادريس
فيس بوك
تويتر
انستقرام
يوتيوب
بنتيريست