|
Re: اين الاخت اميرة الشيخ (Re: GamarBoBa)
|
بت الشيخ قاااعدة وبالف خير وعافية شغلها مزدحم ولكن كما قال قمر بوبا الليلة ادت طلة علي وعد منها للنزول الي الملاعب قريبا وساعتها سنري خطابها الاسفيري المميز وعود نغمة (الليلة ووووووووووب) السمجلة باسمها في الملكية الاسفيرية.. ويا قمر بوبا ياخي طلب خاص الرسول كان نزلت لينا بعد اذن الاخ مجدي الاغنية الشالها الهكر ديك.. غيرها ما في شي بجيب الحنينة اميرة الشيخ دي جارية جري
| |
|
|
|
|
|
|
Re: اين الاخت اميرة الشيخ (Re: GamarBoBa)
|
يا سسسسسلام يا قمر بوبا ياخي الله يخضر ضراعك ويديك الفي مرادك.. والاغنية ياقمر تخيل بتعمل في الزول عمايل عجيبة خلاص... والزول ببقي مسكييييييييين
وصيتك وصلتها لاميرة ولكن لم جات تسمعها كان الهكر قد لطش البوست وهو مجدي اتاح لها ولنا فرصة اخري ... وانت تميت الباقي وولعت جمر ليس الحي اللايتني بل احياء عديدة
وكل المودة والتقدير يا قمر بوبا
| |
|
|
|
|
|
|
Re: اين الاخت اميرة الشيخ (Re: Magdi Algorashi)
|
الاخ مجدى....
صباحك او نهارك سعيد انشاءالله...
مافقدتك شينة ياقول حبوبتى بت باعو الله يرحهما...
كانت من تصحى من النوم ودقشا بدرى تكورك لجيرانها زول زول
وتصبح عليهم...اقول ليها ياحبوبة الوقت بدرى وبتزعجى الناس النايمة
تقول لى...يابت النوم دا موت ومامعروف البحصل فى الليل شنو وانا جيرانى
ديل اهلى وحبانى ...تنهرنى يابت برا فلفسة معاكى زحى من وشى...
اها اسي فتها حبوبتى بهناك فى موضوع المطايبة دا...
الكلام الفوق دا كتير لكن دايرة اقول المنبر بقى فيهو ناس اهلك
وناس اصحابك وناس جيرانك بتفقدهم وبفقدوك..
فعلا انا اخدت لى غيبة كدة منها اجازة فى السودان ولما رجعت لقيت الشغل
تقول زعلان منى...
بس لى زى تلاتة ايام بجى مارة سريع سريع وبتخارج...
شاكرة لسؤالك وبوست طويل عريض باسمى ...
تانى برجع وبقول ليك مافقدتك شينة
| |
|
|
|
|
|
|
Re: اين الاخت اميرة الشيخ (Re: Amira Elsheikh)
|
أميرة الشــــيخ كمية من الأشواق
والتحايا ,, لا زالت حرارة إستقبالك لناأول مرة تهز الوجدان
أخوة سودانبز أون لاين تجعل لنا نصيب من دفء مشاعر جبوبتك وصدقها
نشتهى الطلة ولك الود الجميل ,, وللعزيزة إنعام حيمورة التى أسعدتنا بالمعرفة
| |
|
|
|
|
|
|
Re: اين الاخت اميرة الشيخ (Re: Amira Elsheikh)
|
الأخ العزيز / مجدى قريشى
والأخت / أميره الشيخ
بوست جميل يا مجدى
وأجمل ما فبه إنه ذكرنى حاجات جميله وعزبزه
كيفك يا مجدى وكيف حال الأخوان محمد ومجيد
وكيف حال الوالده
أنا على العموم على إتصال من فترة لأخرى بالأخ/عبدالرحمن قرشى
و أميره الشبخ بعد الماستر بقى ظهوره خفيف
ليه كده ي أميره يا بت أسياد القبايل
| |
|
|
|
|
|
|
Re: اين الاخت اميرة الشيخ (Re: saber alhawatti)
|
عزبزي الغالي دائما
صابر
انت يالصابر وعندالله جزاك
والله ياصابر الشوق ليك غلبني وغالبني
كيفك ياصابر اخبارك واحوالك
عرفت انك قبل فترة في حضرة مولانا اخونا بابكر عمر البشير
في لندن, ياخي انحنا برضو ماناسك مالك ماخطفت رجلك علينا
تحياتي لك وللاسرة الكريمة
وشكرا للمرور
| |
|
|
|
|
|
|
Re: اين الاخت اميرة الشيخ (Re: Huda AbdelMoniem)
|
هيــا .. يم .. يا بحــر المودة وكييت يفيض ... يا قمـر ويا كيكي .. ويا مجدي الله يسامحكم
يا أميرة .. شيلي اغنيتك دي من قدامنا وامشي ابكي لينا هناك بي راحتك .. حسع نحن ذنبنا شنو نبكي معاك قبال ما الواحد يفطــر ؟ الحاجة التانية.. إنت مرفودة من المنبر .. ح نعمل ليك منبر نسمهو أميرة أونلاين ولمن نجيك هناك ارفدينا برضو ..
| |
|
|
|
|
|
|
|