|
|
 الخرطوم .. الخرطوم .. الخرطوم .. كرهتونا فيها !!
|
مع احترامي وتقديري لكل أهلي و أحبابي مواطني السودان من ابناء الاقاليم والمدن الاخرى ... الخرطوم هي عاصمة وطنكم الحبيب السودان .. ولكل منكم الحق في التمتع بكل شبر من أرضها .. وان تنزحوا إليها زرافات و وحدانا ... كما لكل منكم الحق في تملك أي جزء منها .. بالمتر أو بالفدان .. بمثل ما لكم الحق و كل الحق بالتمتع بكل مرافقها و حدائقها و فنادقها .. و السباحة على ضفاف مقرن نيليها الأبيض و الأزرق ... ولكم الحق في اللعب.. في الهلال و المريخ و التمتع بأموال " صلاح إدريس " و " جمال الوالي " و صديقي " الكاردينال اشرف " ... وأيضا الزواج من حسانها ... أما حكم ولايتها ... فخليكم حلوين .. عملتوها ظاهرة !!
أثار انتباهي الخبر المنشور و بالخط العريض في الصفحة الأولى من صحيفة الخرطوم هذا الصباح :
" حركة خليل تطالب بإشراكها في حكم ولاية الخرطوم على أعلى المستويات .. " ... اكتفيت بالعنوان ولم اذهب إلى التفاصيل خوفا من الانهيار الجسدي أو المعنوي !!
كان قدر الكثير من الأجداد و الأباء و الأمهات والأبناء .. أن يولدوا في الخرطوم ... منذ أن أسسها الأتراك في 1820 م ... سكنوا و تربوا فيها... وتعلموا في مدارسها .. تزاوجوا و تكاثروا فيها .. منهم من قضى نحبه و منهم من ينتظر .. ولم يفكروا أو يرغبوا في حكمها .. ليس ضعفا أو عدم مقدرة لحكمها .. بل كانوا يظنون أن الخرطوم محكومة من قبلهم بإرثهم من عادات وتقاليد.... ووعى .. و حضارة .. و انضباط .. وليس بالمناصب الوزارية أو التنفيذية .. لذلك تعاملوا مع كل الأنظمة التي حكمتهم من مستعمر ووطني .. بشيء من اللباقة و الوعي و الكثير من الحس الوطني .. و بذلك كانوا هم المعلم و القائد الملهم لكل أقاليم السودان الأخرى .. لذلك في كل العهود ... منذ الحكم التركي مرورا بالحكم الثنائي و إلى ما بعد الاستقلال .. حرصت كل الأنظمة على أن تولى أبنائها المراكز الإدارية الهامة في مدينتهم .. بل حرصت أن تكون الأولوية في - الامتيازات الممنوحة للمواطنين فيها - لابنائها .. إلا .. في عهد الإنقاذ ... فقد صارت ترزخ تحت هيمنة وسيطرة الذين " هبروا .. وملوا " .. فاصبغوها ... بخلقهم .. و.. بطبعهم .. !! ... فغدت غريبة علينا نحن أبنائها .. بل أصبحت ذكرى في عيون الكثيرين منا .. لذلك هجرها الكثيرون .. و اغترب عنها العديدون ... وبقى فيها منهم القليلون .. يزرفون الدمع على ما آل إليه حالها !!
معقول بس .. يا دكتور .. يا خليل ..و يا عدل .. يا مساواة .. ثلاثة ولايات في دار فور ما كفتكم ؟ ؟ ديرين معاهم الخرطوم .. وليه الخرطوم ؟ .. عشان القصر الجمهوري ؟ .. إنشاء " صاعقة " ما تخلى فيه حجر ..عشان نرتاح من كل من هب ودب و عايز يحكم الخرطوم !! .. اما اذا كان عشان حاجة تانية .. فابشركم .. اخوكم الوالى الحالى و ابن " النيل الابيض " .. ما خلى فيها نفاخ النار !! .. اولادنا بقوا يلعبوا " الدافورى " فى حيشان البيوت ..
خليكم فى ولاباتكم احسن ليكم !
و الله .. كرهتونا فيها
|
|
 
|
|
|
|
|
|
|
|
Re: الخرطوم .. الخرطوم .. الخرطوم .. كرهتونا فيها !! (Re: ناذر محمد الخليفة)
|
بعدين خليك من الحركات المسلحة ..
يا خي أهل العوض بتاعين الجزيرة زاتم كرهونا فيها !!
الواحد في قريتو ولا مدينتو عندو حواشات ما شاء الله ، وأعمال تجارية بالهبل !! وبعد دا عندو مرضة إسمها الخرتوم ..!! ليه ما عارف !
الواحد يخش الخرتوم بي بوكسيهو السمح داك يصل سوق أمدرمان يشتري عشرة دستة فنايل داخلية من تاجر الجملة ، يجي سوق الجمعة يركن بوكسيهو بي ورا جامع البرهانية ويقعد يبيع في فنايلو ، !!
طيب قول قصدهم يخموا القروش !!
البيخم القروش دا مش برجع صاد لي أهلو !!؟
ديل بعد ما يخموها بيحتلو قبلم ليه أنا ما عارف ؟!!
والغريبة في إجازات الاعياد ..
تكون البلد فاااااضية لحدي مغرب أخر يوم في الإجازة ... فجأة كدي تلقى الشوارع في المدن التلاتة إتملت بكاسي موديلات الستينات والسبعينات وأول التمانينات ، وحمير وكواري ما تديك الدرب !! التقول الجماعة ديل كانوا معسكرين في راس تفتيش سوبا وادوهم صفارة الدخول وجونا منكشحين !!
معقولة ياخ !!
| |
|
|
|
|
|
|
|
|
|
Re: الخرطوم .. الخرطوم .. الخرطوم .. كرهتونا فيها !! (Re: يوسف محمد يوسف)
|
يوسف ..
Quote: ناذر .. اهل العوض براهم !!
تعرف يوم لقاءنا معكم فى " قندهار " .. انا كنت متخيل نفسى فى " انجمينا " او " فورتلامى "
اها .. الجماعة ديل باقى ليك برجعوا تانى ؟ الله اعلم !! |
وديل كمان اخير منهم أهل العوض ..!
على الاقل أهل العوض في أيامات كدة بيرجعوا فيها ..!
لكن ديل التقول قالوا ليهم لو رجعتوا بنقفلا بي وراكم ..!!
| |
|
|
|
|
|
|
|
|
|
Re: الخرطوم .. الخرطوم .. الخرطوم .. كرهتونا فيها !! (Re: ناذر محمد الخليفة)
|
!!
Quote: تخيل يا ناذر كان عندنا فى نمرة ( 3 ) سته ميادين كرة ( ميدان عبدالمنعم ) . و اثنين ميادين
دافورى ( دكاكين الجاك المامور / ميدان العروبة ). وعشان كدة كانت من اكثر المناطق انجابا للمميزين
من لاعبى كرة القدم فى السودان .
|
أنا والله ما في شي مزعلني إلا ميدان سهم تلاتة (ميدان الزيت) الجمب فرن الضو حجوج قدام بيوت ناس فقيري ورا سينما جنوب ..
سنة 1993 ناس المحلية قالوا يقلبوا الميدان دا مركز صحي .. الوكت داك نحن إحتجينا وإتظاهرنا ووقفنا ألف أحمر ضد قلع الميدان ..
غايتو في النهاية قلعوهو وسوروهو .. من الوكت داك لي يوم الليلة الميدان مسور وما إتعمل فيهو المركز وبقى مكب للنفايات ومكب للشماسة من كل العاصمة ..!
الميدان دا كل الخرطوم تلاتة أظن إتعلمت فيهو الكورة ..!
| |
|
|
|
|
|
|
|
|
|
Re: الخرطوم .. الخرطوم .. الخرطوم .. كرهتونا فيها !! (Re: ناذر محمد الخليفة)
|
الحبوب ناذر ..
ملتقيات ابناء الخرطوم ثلاثة كانت و مازالت طوال ابام الاسبوع .. ليلا و نهار العطلات ..
نهار العطلات .. كانت اكثرها فى الهواء الطلق .. تحت اشجار " النيم " الوارفة امام
العديد من منازل الحى .. تحلو بالافطار " فسيخ " الذى تميزت باعداده و بيعه كثير من الاسر
خاصة العوائل القبطية التى اسست و سكنت معنا فى هذا الحى " النموزجى " فى كل شىء !!
كانت جلسات تطول وتستمر طوال النهار ... فسيخ وشاى و قهوة .. تتخللها الونسة و " الشغل "
لبعضنا البعض .. و قفشات فؤاد السيد " فوفو " ولقطات عبد العظيم طه " ابو شراب " و صخرية
ابراهيم طلعت .. و حسن مصطفى " المظعط " ... ثم الانتقال بعد ذلك الى ميادين الكرة - وما اكثرها -
فى ذلك الوقت ... ثم بعد ذلك الانتقال الى بوفيه عيده دهب .. حيث شاى " حسن قوز " الصاموطى .. وينتهى
اليوم بصحن فول من كشك " فضل المولى " .. ثم سينما جنوب - دور ثانى - لان الدور الاول كان خاص للرجرجة
من خارج الحى ..
فى اجازتى الاخيرة .. اصبح مكان اللقاء الصباحى فقط فى مكان واحد .. هو شجرة دكان اخونا نبيل عبدالرحمن
وهو حريص على التقاء كل ابناء الحى .. يحرص على خدمتهم من منزله العامر بكل ما هو متاح .. هذا كل
ما تبقى لنا ..
بس المشكلة يا ناذر .. اثناء الونسة لازم تخلى عين مع الجماعة .. وعين على الشارع ... لان الحافلات و اليكاسى و الامجادات و الرقشات .. الحاملة لـ " للرجرجة و الدهماء " تتسابق فى كل شوارع الحى لحمل " المتخلفين "- تعبير خاص بدوائر الجوازات و الهجرة السعودية يطلق على من ليس لديهم اقامة نظامية فى المملكة -
و ديل طبعا ما خلوا لينا و لا فسحة يلعب فيها اولادنا " دافورى " ..
بالمناسبة يا ناذر بحكم وجودك بالخرطوم افيدنى افادك الله .. زمان كانت الحركة فى الخرطوم تشتد فى الصبح
الباكر و بعد الثانية ظهرا و حتى الثالثة .. هذه هى فترات ذهاب الناس لمكاتبهم وكذلك العمال و الطلبة
ثم عودتهم الى منازلهم .. عرفت الفترة ما بين الساعة التاسعة صباحا و ختى الواحدة و كذلك بعد الرابعة
عصرا بهدوء الحركة فى الشوارع - كلنا تعلمنا قيادة السيارات فيها - .. الان ياخوى الحركة مشعللة الاربعة
وعشرين ساعة ... الناس دى شغالة شنو ؟؟
(0) حركة العدل و المساواة .. تطالب بمناصب عليا فى ادارة و حكم ولاية الخرطوم (*)
ناذر ... حضر ليك طاقية ( حمراء) ... انا ماشى !!
| |
|
|
|
|
|
|
| |
يوسف محمد يوسف
وليد محمد المبارك
ناذر محمد الخليفة
فيس بوك
تويتر
انستقرام
يوتيوب
بنتيريست