|
|
 قرار تربوي حكيم : منع الكورسات المقفولة
|
Quote: منع الكورسات المقفولة
الخرطوم: أماني اسماعيل
اصدرت وزارة التربية والتعليم بولاية الخرطوم أمس قراراً قضى بمنع الكورسات المقفولة سواء اقامتها بالمدارس الخاصة أو الحكومية أو المنازل، وأشارت الوزارة الى انه تم وضع كل الآليات وأكدت متابعتها للقرار بفرض عقوبات صارمة لكل من يخالف القرار وذلك بإغلاق أية مدرسة خاصة مخالفة وتوزيع الطلاب على المدارس.وقال د. الأمين عبد القادر وزير التربية والتعليم إن القرار تم اصداره لدواعٍ تربوية، مؤكداً ان الوزارة لا مانع لديها في كورسات التقوية المفتوحة.
|
|
|
 
|
|
|
|
|
|
|
 Re: قرار تربوي حكيم : منع الكورسات المقفولة (Re: SHIBKA)
|
بالله يا شبكة اتشبكي لينا في الزول ده لغاية ما نعرف حكاية الكورسات دي..غايتو نحن
زمنا كانت الكورسات صيفية..و بتكون داخل الفصول و مرات الباب بيكون مقفول و مرات
مفتوح حسب مزاج الاستاذ...بس كورسات الزمن ده يبدو انها مختلفة كتير.
| |
|
|
|
|
|
|
|
|
|
Re: قرار تربوي حكيم : منع الكورسات المقفولة (Re: SHIBKA)
|
غريبة زاتو ما عارف المقفولة شنو والمفتوحة شنو.
لفح الخبر من الجريدة عشان يعمل بيهو بوست زي بوستات الصافي جعفر ديك.
ووصف القرار بالحكيم وهو ما عارف القرار المقصود بيهو شنو. يعني نظام قشرة وكدا.
Quote: انت ربطت المقفولة دي بباب الفصل
لكن انا ربطتها بامخاخ الطلبة |
بعدين الكورسات المقفولة لا مقصود بيها باب الفصل يكون مقفول ولا مقصود بيها أمخاخ الطلبة. إنما المقصود بالكورسات المقفولة هي تلك الكورسات التي تؤخذ لكل المواد. يعني ما يجي طالب يقول أنا عايز كورس في الرياضيات والإنجليزي بس. لا. لازم ياخد كورسات في كل المواد حتى ولو كان إينشتاين في بقية تلك المواد. يعني المنهج مقفول.
أها الحكومة عشان تخفف علينا ، وكنوع على التوسيع على الرعية من الراعي، قامت عملتا لينا بالقطعة. يعني ممكن تاخد كورس تقوية في مادة واحدة، أو ممكن في سطر واحد يعملوا ليك كورس. يعني قدر ظروفك.
فهمتوا يا كرور؟
والله صلاح غريبة ليهو الحق ما يرد عليكم.
| |
|
|
|
|
|
|
|
|
 Re: قرار تربوي حكيم : منع الكورسات المقفولة (Re: SHIBKA)
|
يا شماشي باين عليك كنت بتاخد كورسات مفتوحة بس..مادة مادتين كده..
المهم العارف معنى مقفولة و مفتوحة دي هو الوزير و صلاح غريبة..يعني تفسيرك ده
اجتهاد ساكت ممكن يطلع صاح و للا غلط...عشان كده اقيف معانا في الصف و انتظر رد
غريبة.
| |
|
|
|
|
|
|
|
|
 Re: قرار تربوي حكيم : منع الكورسات المقفولة (Re: سيف النصر محي الدين محمد أحمد)
|
يا غريبة شنو ياخي مطنشنا كده؟؟
طيب خلينا نزود ليك في لستة الاسئلة شوية..
هل الأخ الوزير لديه قرارات تربوية حكيمة أخرى إلى جانب هذا القرار الخطير؟؟
يعني عمل شنو مثلا لمشكلة تكدس الفصول؟؟
و الابنية المدرسية المتهالكة؟؟
و نقص المعلمين؟؟
و عدم توفر الكتاب المدرسي؟؟
و الرسوم الدراسية التي تثقل كاهل الأسر الفقيرة و هي تقريبا 99% من الأسر؟؟
بعدين عمل شنو في حكاية "الإجلاس" و دي طبعا جديدة لنج و ما سمعنا بيها قبل عهد
السادة التربويين الحكماء ديل؟
و وين شبكة و شماشي؟؟ هجروا البوست ليه؟
| |
|
|
|
|
|
|
|
|
|
Re: قرار تربوي حكيم : منع الكورسات المقفولة (Re: نصار)
|
Quote: انا اطالب بعودة شبكة وشماشي للبوست
مع اعطاء صلاح غريبة اجازة مقفولة من البوست ده |
يا كيكي بالله عليك ما تخمنا ساكت..انت مع الكورسات المفتوحة و للا المقفولة..؟
أجب مع ذكر الاسباب موضحا اجابتك بالرسم.
| |
|
|
|
|
|
|
|
|
|
Re: قرار تربوي حكيم : منع الكورسات المقفولة (Re: سيف النصر محي الدين محمد أحمد)
|
| Quote: سألت ابراهيم احمد عمر و للا نافع ظاطوو من الفيس بوك باقي ليك بيعرفوا؟؟ |
يازول غريبة يعجب تب..
والعاجبني فيهو انو متطور والاسافير دي محل ما امشي القاهو قاعد
وبعدين هنا عندو استايل ثابت وطريقة شغل مميزة ولو جاء المنبر ده كلو كورك في راسو ما بهمو
بجدع البوست بتاعو وو بلبد... وما برد لاي زول الا بمزاجو
الناس تكوررك وتجوط كددددددده وغريبة قاعد يكشف
ليفاجي الجميع بموضوع تاني ..عله عن الكورسات المقفولة او المفتوحة وهكذا
| |
|
|
|
|
|
|
| |
ghariba
SHIBKA
عبدالكريم الامين احمد
نصار
Marouf Sanad
فيس بوك
تويتر
انستقرام
يوتيوب
بنتيريست