كانت ليلة امس الجمعة جلسة مشاهدة لتلفزيون الشروق وكانت الشروق تمر باحد تجمعات اثرياء المغتربين في المنطقة الشرقية حيث يقوم الاستاذ محمد موسى ضيفا على مجموعة من المغتربين كان يسال اسئلة في غاية الهيافة على مستوى الهدايا المغلفة. اجوبة الاسئلة دلت على ان العصافير المهاجرة قد بعدت كثيرا عن السودان حتى ان محمد موسى طلب من احدى الفتيات ان تغني فما كانت منها ان لطمت على وجه مقدم البرنامج فتعنت بالخليجية الشرقية مما جعل المشاهدين يستاؤون من هكذا ضياع لهويتنا السودانية، كبار المتواجدين لم يستعطيعوا الاجابة على الاسئلة. اقدم مدينة في الشمال توجد كتابة باسمها - مروي فنان يعيش في المملكة ويغني يا فتاتي ما للهوى بلد - الطيب عبدالله لاعب سوداني ابدع في تسعينات القرن الماضي في المنطقة الغربية - عاطف عطا
اولم يكن اهلنا الغلابة اولى لهدايا الشروق من الوصول الى طبقة الاغنياء المهاجرين وتوزع لهم هذه الهدايا، ام هي دعاية لقناة فقدت مشاهديها داخل الوطن نسبة للضيم والضجر من الاماكن التي لم تمر الشروق من مناطقهم. حقيقة اول مرة نشاهد قناة تطارد مشاهديها لدول المهجر لتوزع لهم هدايا يعتقد بأنها هايفة لشركة سودانية لم تك معروفا الا عبر الحزمة الاعلانية التي يقدمها مقدم البرنامج.
01-31-2009, 08:38 AM
SHIBKA
SHIBKA
تاريخ التسجيل: 01-14-2009
مجموع المشاركات: 5759
بصراحة في اللقاء اتاكدت من البعد عن زيارة السودان باستمرار بيخلي الوحد فاقد هوية وفاقد شعور وفاقد كل شي
شفت الناس دي امس كانت ما عارفة البيها والعليها لياتو درجة انا مندهشة جدا من اغتراب هؤلاء البشر وبنات في عمر الزهور يكونوا اصلا ما شافوا السودان ليه ؟؟؟؟ الوضع الاقتصادي ابدا ما سبب
انا من امس واجعاني اللقاء دا ومندهشة انو في سودانين كدا....
Quote: بصراحة في اللقاء اتاكدت من البعد عن زيارة السودان باستمرار بيخلي الوحد فاقد هوية وفاقد شعور وفاقد كل شي
شفت الناس دي امس كانت ما عارفة البيها والعليها لياتو درجة انا مندهشة جدا من اغتراب هؤلاء البشر وبنات في عمر الزهور يكونوا اصلا ما شافوا السودان ليه ؟؟؟؟ الوضع الاقتصادي ابدا ما سبب
انا من امس واجعاني اللقاء دا ومندهشة انو في سودانين كدا.... ....
الاخت شبكة
انا زاتي مندهش من كلامك ده ، يعني ماعارفه هؤلا البشر اغتربوا لي شنو
والبنات الفي عمر الزهور مايشوفوا بلدهم والوضع الاقتصادي ماسبب
نكون ياربي جينا هنا نتفسح ولا شنو ، خلينا نحن نحمد الله كثيرا حالنا احسن من غيرنا كما قالت عائشة الفلاتيه يرحمها الله انا والكاشف اخوي اها شفتي الكواشف اخوانا في امريكا واروبا حالتهم كمان صعبة شديداها ديل اولادهم عربي زاتوو في تلتلة خليك من الدين والعادات ، واهلهم تعبانين مع الحياة هناك شغل شغل مش شغل زي بتاعكم داك الواحد يمشي الشغل الساعة تسعة صباحا ويرجع تسعة الا ربع صباحا لوووووول يكه في نفس اليوم طبعا المشاكل كتيره يابتي مابتقدري تحليها بي لي شنو بتاعتك دي استمتعي بي وقتك بس انا خايف الكمبيوتر البتتفاصحي بيهو ده ما يكون مرسلو ليك مغترب
واللي شبكنا يخلصنا
تحياتي
زاتوووو
01-31-2009, 08:39 AM
haroon diyab
haroon diyab
تاريخ التسجيل: 06-20-2007
مجموع المشاركات: 23215
Quote: ام هي دعاية لقناة فقدت مشاهديها داخل الوطن نسبة للضيم والضجر من الاماكن التي لم تمر الشروق من مناطقهم.
اتفقنا او اختلفنا مع القناة او مع طرحها الا ان هذه الجزئية تجافي الحقيقة تماما. قناة الشروق ومن خلال الشروق مرت من هنا ذهبت لابسط البسيطين من الشعب السوداني في قراهم ومدنهم ومزارعهم ومدارسهم وحتي اماكن الاعمال التي تعتبر هامشية ذهب اليهم محمد موسي..... اذا .....القناة لم تفقد مشاهديها داخل الوطن ...والشروق مرت من هنا من اكبر البرامج المشاهدة علي القناة .
كل الاحترام والتقدير
01-31-2009, 08:52 AM
حامد محمد حامد
حامد محمد حامد
تاريخ التسجيل: 11-19-2008
مجموع المشاركات: 3085
انا ما شفت البرنامج ولكن ما علاقة التالى فى تحديد معرفتهم بما يحدث فى السودان او ارتباطهم بالثقافة والمعلومات السوداني
Quote: لم يستعطيعوا الاجابة على الاسئلة. اقدم مدينة في الشمال توجد كتابة باسمها - مروي فنان يعيش في المملكة ويغني يا فتاتي ما للهوى بلد - الطيب عبدالله عب سوداني ابدع في تسعينات القرن الماضي في المنطقة الغربية - عاطف عطا
طبعا اوافقك على الواقع المرير وطبعا ده هو الجانب السلبى من طول الترحال والاغتراب بعيدا عن الوطن
هل انت تقيم القناة ؟ ام الجانب السلبى للاغتراب
صراحة ما عدا السؤال الاول ( مروى) باقى السؤالين ليس معيار للحكم
كن بخير( بروق ادكروسنا)
01-31-2009, 09:03 AM
Zomrawi Alweli
Zomrawi Alweli
تاريخ التسجيل: 08-04-2007
مجموع المشاركات: 3368
Quote: بصراحة في اللقاء اتاكدت من البعد عن زيارة السودان باستمرار بيخلي الوحد فاقد هوية وفاقد شعور وفاقد كل شي
شفت الناس دي امس كانت ما عارفة البيها والعليها لياتو درجة انا منتدهشة جدا من اغتراب هؤلاء البشر وبنات في عمر الزهور يكونوا اصلا ما شافوا السودان ليه ؟؟؟؟ الوضع الاقتصادي ابدا ما سبب
انا من امس واجعاني اللقاء دا ومندهشة انو في سودانين كدا....
ليس الوضع الاقتصادي وانما الآباء والامهات لا يزرعون حب الوطن في ابنائهم.
Quote: قناة الشروق ومن خلال الشروق مرت من هنا ذهبت لابسط البسيطين من الشعب السوداني في قراهم ومدنهم ومزارعهم ومدارسهم وحتي اماكن الاعمال التي تعتبر هامشية ذهب اليهم محمد موسي.....
حتى ولو مرت في كل مدن السودان فان تواجد الشروق في المهجر بهذا البرنامج فيه كثير من الاستخفاف وضياع لهيبة البرنامج والتعاطف الذي وجده داخل السودان. وهذا البرنامج ليس برنامجا توثيقيا او ترفيهيا او ربط المغترب باهله.. اولم تشاهد الفائز بالجائزة لم يكن مبسوطا؟
01-31-2009, 09:26 AM
ismeil abbas
ismeil abbas
تاريخ التسجيل: 02-17-2007
مجموع المشاركات: 10789
الشروق مرت من هنا..برنامج ترفيهى اكثر من أن يكون برنامج هادف يناقش قضايا وهموم الوطن إلا ويكون ثقيل الظل على المشاهد..فهناك برامج تناقض قضايا الوطن ..
فكرة الرنامج تعتمد على روح ألأخ/محمد موسى الفكاهية المرحة..وليس على من تقدم الجوائز أو ما قيمة الجائزة..والجائزة ملفوفة وحمدو فى بطنو...يعنى ما إتعرفت قيمتها..
أوافقك الرآى فى أن ألأسئلة التى طرحت لم تكن بمستوى الحلقة وألأغرب من ذلك كانت صعبة على الضيوف...
إختيار السؤال يجب ان يكون بذكاء وأن يكون مربوط بالوطن ولامانع بالتشكيل احيانآ مثل أسئلة من الوطن الثانى مع مراعاة كل الشرائح السنية.. بصراحة إستأت من موقف المرأة التى تحدثت باللغة ألأنجليزية....حتى ألآن لم أعرف السبب شنو الخلاها تتكلم باللغة ألنجليزية..؟؟
كل شىء خارج الوطن يكون باهت..حتى الفرح...
خالص مودتى................إسماعيل محمد أحمد عباس..
01-31-2009, 09:50 AM
Zomrawi Alweli
Zomrawi Alweli
تاريخ التسجيل: 08-04-2007
مجموع المشاركات: 3368
Quote: الشروق مرت من هنا..برنامج ترفيهى اكثر من أن يكون برنامج هادف يناقش قضايا وهموم الوطن إلا ويكون ثقيل الظل على المشاهد..فهناك برامج تناقض قضايا الوطن ..
تعلم يا اخي كم اكون فرحا واحيانا يمتزج الفرح دموعا عندما يهدي الاستاذ محمد موسى جائزة لاحدهم ليزيل الحزن من قلب اهلنا الغبش عندما يفوز احدهم بالجائزة البسيطة وكم تكون سعادتي غامرة عندما يدخل الفائز حاملا ثلاجة صغيرة في منزل قد يكون فيه تيار كهربائي او بوتاجاز في حوش به منقد فحم مهتريء ولسان حاله يقول ها قد تغير الوضع يا ام مريم.
01-31-2009, 11:02 AM
أحمد الشايقي
أحمد الشايقي
تاريخ التسجيل: 08-08-2004
مجموع المشاركات: 14611
عندي مقال اعد فيه الآن عن قناة الشروق ضرورات النجاح ومآلات الإخفاق من خلال ثلاث تجارب شخصية معها خلال تواجدي في الدوحة، وسوف أبين للقارىء كيف تعمل هذه القناة وهل بمقدورها الخروج من عباءة المؤتمر الوطني الى رحاب الوطن، سيما ان القناة تدعو لسودان للجميع!
مولانا عبدالاله لك التحية ولاسرتك الصغيرة والعائلة الكبيرة الف تحية
Quote: وسوف أبين للقارىء كيف تعمل هذه القناة وهل بمقدورها الخروج من عباءة المؤتمر الوطني الى رحاب الوطن، سيما ان القناة تدعو لسودان للجميع!
لا اعتقد ان القناة ستخرج من عباءة المؤتمر الوطني وصاحب القناة مؤتمر وطني الطابع والميول والانتماء والقناة وان كانت تبث من خارج الوطن الا انها كسابقاتها ولاحقاتها ستكون داخل منظومة المؤتمر الوطني.
02-01-2009, 06:42 AM
الحاج حمد الحاج
الحاج حمد الحاج
تاريخ التسجيل: 03-29-2008
مجموع المشاركات: 4800
:D :D :D قال أثرياء.. الأخ زمراوي تحياتي.. العنوان كان عن هيافة الجوائز لكن لما دخلت لقيتك مركز على هيافة ثقافة بعض المغتربين... داخليا أشاركك الرأي أن الجوائز أحيانا تكون غير مناسبة مثل بوتجاز تربيزة..يعني تلفزيون ملون معقولة..غسالة معقولة...لك ودي
برنامج الشروق مرت من هنا من اجمل البرامج التي تبثه قناة الشروق وتجدني من المتابعين له باستمرار والاخ محمد موسى استطاع تقديم هذا البرنامج بصورة ناجحة وممتعة . الشروق مرت من هنا مرت تقريبا على كل مدن السودان وعلى العديد من احياء العاصمة الخرطوم وحققت بذلك نجاحا جعل الجميع يتمنى المرور من عنده . التحية لامر القائمين على امر القناة وتحية خاصة للاخ الاستاذ محمد موسى . والتحية لصاحب البوست ولكل من مر من هنا ...
ولي عودة ...
02-01-2009, 07:17 AM
ALZOLZATOO
ALZOLZATOO
تاريخ التسجيل: 03-14-2002
مجموع المشاركات: 4216
اولا احي قناة الشروق والبرامج الذي ذهب الى شريحة تكاد تكون مجهولة من الدولة ومن المجتمع
بعدين يا اخي هؤلا ليس اثريا المغتربين والدليل على ذلك معظم الذين شاهدتهم من بنات واولاد لم يذهبوا الى السودان طول حياتهم هل سالت نفسك لماذا ؟ هل تعتقد لانهم يحبون الغربة او يكرهون بلدهم اكاد اجزم انهم لا تتوفر لديهم مصاريف الاجازة او الماوى في بلدهم . بعدين المنطقة الساكنين فيها ليست منطقة ا ثريا بل تكاد تكون ثاني اسوا منطقة بالدمام .
ثانيا الاجابات الخاطئة دي دايره ليها قعده يعني واحده عرسوها من المتوسط او الثانوي وجات اتقفلت هنا بين اربعة حيطان عشرة سنة دي لو سالوها عن جدها الرابع ممكن تكون ناسياهو لووول خليك من الجيل الجديد المرتبطة ثقافته بالمنطقة الموجود فيها . لو سالنا نفس الاسئلة في السودان ممكن تلاقي اجابات خاطئة كتيره صدقني انا لو ما كنت بتاع حفلات ما كنت عرفت اجابة الطيب عبدالله .
ثالثا الجائزة دائما تكون قيمتها المعنوية اكبر من قيمتها المادية
رابعا
شايفك ياحبيبنا سالي سيفك على المغتربين ما عارف لي شنو بعدين انت العامل فيها عارف ومنقطها ده اسم اللاعب عاكف وليس عاطف لوووول يكه عاااااااكف عطا لعب بالهلال والوحده السعودي بمكة المكرمة وساكن الثورة الحارة السابعة بالشنقيطي لوووووول اها انا اسع مغترب المعلومة القلتها ليك دي نص السودان مابيكون عارفها وش مليان بالحيرة .
بالمناسبة انا ضرب لي واحد تلفون قال لي شوف حلقة الشروق مرت من هنا من الدمام يعني ما عندي علاقة شديدة مع البرنامج ، الحاجة الماعجبتني الاخت الاتكلمت انجليزي ماكان في داعي .
ارجو ان تهتم الدولة بشريحة غير قليلة من المغتربين وحل مشاكلهم من تعليم وسكن وفرص عمل بالوطن
تحياتي
زاتوووو
02-01-2009, 07:56 AM
Zomrawi Alweli
Zomrawi Alweli
تاريخ التسجيل: 08-04-2007
مجموع المشاركات: 3368
تعرف يا zolzatoo انا لما كتبت العنوان كنت عايز اركز في هيافة الجائزة يعني بتوجاز 3 عيون (مثلا).. لشريحة من المغتربين احسب انهم احسن حالا من غيرهم ولعلمك ان عائلتين ظهرتا في هذا المسهد هم من اهلي بالمحس.
ولكن بعد ان بدأت في الكتابة سرحت وتحول الى موضوع غير موضوع العنوان وقلت احسن اواصل في نقد المغتربين وقد صعب علي تغيير العنوان الذي بعد كثير عن الموضوع. اوازيد بيتا بما انني من الهلالالبيين القديمين الا انني لا اعرف الكثير من ( لعيبة الهلال الزغار يعني من بداية التزعينات)
نحي قناة الشروق تماما وخاصة محمد موسى فوالله هذا الرجل صاحب فضل كبير على متابعتنا لهذه القناة ((المريخية ... لووول يكا)). فوالله يعجبني عندما يسلم الجائزة ايا كانت نوعها ومضمونها الى احد الغلابة في الحاج يوسف او امبده او صنقعت او السليم او العيلفون او كجبار.
لكن والله والله حكاية الجائزة لناس الراكة باخبر او السوق ما جاية مزبوت
02-01-2009, 06:53 AM
SHIBKA
SHIBKA
تاريخ التسجيل: 01-14-2009
مجموع المشاركات: 5759
احمد الشايقي انت ما شفت الحلقة !! لانك لو شفتها اكيد ما كنت سالتني سؤال دا! لانها بالجد حاجة توجع المشكلة لا الامهات لا الابهات لا الاولاد............. كلو حمدو في بطنو
شبكة يا حليلنا فيها الدنيا إنتي من زمن المغتربين أثرياءيا حبيبة؟ كلامك عن أن الوضع الاقتصادي ليس مبرراًً لعدم العودة و لو في الإجازة للوطن أتفق معك فيه
Quote: واتخيل لي ديل من نوعية الناس لو قالوا ليهم ارجعوا السودان نهائي بيموتوا في محلهم نسوان ورجال
ذكرتيني بسودانية الله يطراها بالخير لمن إتفنش زوجها و آن أوان العودة للسودان هجت من البيت حتى لا يصحبها للوطن و أرجعتها الشرطة العمانية من حدود الولاية التي حاولت العبور منها لولاية أخرى، هذه السيدة عندما ذهبت النساء لوداعها كانت تقول في هستيريا:"البتقول لي مع السلامة دي عدوتي" فما كان منهن إلا الرجوع مع آلاف علامات الاستفهام!
02-01-2009, 09:12 AM
SHIBKA
SHIBKA
تاريخ التسجيل: 01-14-2009
مجموع المشاركات: 5759
Quote: ذكرتيني بسودانية الله يطراها بالخير لمن إتفنش زوجها و آن أوان العودة للسودان هجت من البيت حتى لا يصحبها للوطن و أرجعتها الشرطة العمانية من حدود الولاية التي حاولت العبور منها لولاية أخرى، هذه السيدة عندما ذهبت النساء لوداعها كانت تقول في هستيريا:"البتقول لي مع السلامة دي عدوتي" فما كان منهن إلا الرجوع مع آلاف علامات الاستفهام!
مسكينة والله هذه السيدة ما ممكن من الراحة العمانية بمكيفاتها الباردة وعصاير المشكل والجنبة المهدرجة والسكر المكيس بأناقة تمش في كوقنكي او اسمكول وتدخل المطبخ المعرش بالزنكي على احسن الفروض (نار منقد بس) وتركب الركشة بدل الباثفايندر والزحمة والكتاحة.. لابد من الهروب.. لا زال ابليسي الانيق بقول لي يا زول ما تروح السودان كلو كلو اصلوا انت قعدت 30 سنة وباقي ليك زيهم عيشهم هنا وخلاص..
02-01-2009, 09:29 AM
SHIBKA
SHIBKA
تاريخ التسجيل: 01-14-2009
مجموع المشاركات: 5759
Quote: آخر كلام الا اذا انفصل الجنوب وقالوا خلاص العايز يكون بي جاي ولا بي جاي حنكون بي هناك لانه لدي صداقات كثيرة مع اخوة من الجنوب من ايام فندق الاكسلسيور.
يعني احتمال العودة وارد ودا العايزة اوصل ليهو انو كل زول يلف يلف والاخر لبلدو حتى لو كان ثري وما جوهوا ناس الشروق
02-01-2009, 10:02 AM
Zomrawi Alweli
Zomrawi Alweli
تاريخ التسجيل: 08-04-2007
مجموع المشاركات: 3368
Quote: يعني احتمال العودة وارد ودا العايزة اوصل ليهو انو كل زول يلف يلف والاخر لبلدو حتى لو كان ثري وما جوهوا ناس الشروق
يا شبكة انا قلت لو انفصل الجنوب حامشي الجنوب الافريقي مش السودان العربي وافتكر باقان اموم امبارح كان بيؤكد ان أكثر من 90% يؤيدون الانفصال اذا ايه الحيوديني السودان حتى ولو الشروق مرت من جمب بيتي اللي في الكلاكلة.
02-01-2009, 10:12 AM
SHIBKA
SHIBKA
تاريخ التسجيل: 01-14-2009
مجموع المشاركات: 5759
Quote: الخروج من عباءة المؤتمر الوطني الى رحاب الوطن، سيما ان القناة تدعو لسودان للجميع!
من نافلة القول والمعرف الذي لا يعرف ان الشروق هي قناة المؤتمر الوطني الممولة باموال الشعب القناة لا يمكن لها ولا تستطيع و لا ترغب في الخروج من عباءة المؤتمر ولن تخرج الا بخروج المؤتمر الوطني من جسد هذ الشعب والادلة كثيرة و اخرها 1- برنامج الدباب المنعم حديثا( والله نست اسمو ) لقاء الوحدة والسلام والذي استضاف فيه مندور المهدي و الناطق الرسمي للحركة الشعبية لتحرير السودان من جوبا حيث كان الانحياز الواضح والمخزي المذيع لاولياء نعمته في الخرطوم . 2- استعراض الصحف في نشرة صبيحة اليوم (2/2/2008) حيث تجاهل مستعرض (صحفهم) اهم حدث تناولته صحف اليوم الا وهو المؤتمر الصحفي للقائد باقان اموم وحديثه عن موقف الحركة الشعبية من المحكمة الجنائيات الدولية
حب الناس مذاهب لكن الكلام فى الشروق نفسها صحيح بدأت بداية قوية لكن بدأت تنتنى !!
Quote: انا اقيم القناة لهيافة الموضوع ولما الشروق تمر في بيوت المغتربين والاسئلة
قال ايه شمس السودان التى لا تغيب عنها الشمس !! بس للأسف بتشرق عند ناس وتزداد كسوفا عند بعض الناس !! نحن قبيل شن قلنا!! ولأنها واصلة من بعض المندسين حذف الكلام عن موضوع الشروق !! قالوا : إتنين إذا قالوا ليك رأسك ما فوقك أحسن تتحسسه !! مثل سودانى شايع
02-02-2009, 07:21 AM
Zomrawi Alweli
Zomrawi Alweli
تاريخ التسجيل: 08-04-2007
مجموع المشاركات: 3368
اسمح لى عنوان البوست لا يتوافق مع مضمونه ..فما فهمته من عنوان البسوت - قبل الدخول- انها مسألة (هيافة الجوائز) ولكن يبدو ان البوست يركز على ضحالة ثقافة المستضافين (بضم الميم) وعدم إلماهم واسرهم بأبسط ما يمكن ان يعرفه المغترب السوداني عن بلده . ومسألة أحقية أهلنا الغلابة بالجوائز دون المغتربين (الأثرياء) هو إستنكار ليس فى محله ،، فقناة الشروق وكما نعلم مرت على مناطق كثيرة فى السودان ولا غضاضة ان تذهب الى سودانيين فى بلاد المهجر بجوائزها (الهايفة) فليس الغرض هو الجوائز ولكنها تحمل ايضاً رسالة تنويريه لمن هم بعيدين عن الوطن بدليل- ولو كان قليل- بدليل ان كل الأسئلة التى سُئلت لم تخرج من نطاق ما يخص الوطن.
لك ودى،،،
02-02-2009, 01:09 PM
Zomrawi Alweli
Zomrawi Alweli
تاريخ التسجيل: 08-04-2007
مجموع المشاركات: 3368
Quote: فقناة الشروق وكما نعلم مرت على مناطق كثيرة فى السودان ولا غضاضة ان تذهب الى سودانيين فى بلاد المهجر بجوائزها (الهايفة) فليس الغرض هو الجوائز ولكنها تحمل ايضاً رسالة تنويريه لمن هم بعيدين عن الوطن
اعتقد انني وضحت سابقا ان العنوان لم يتناسب مع المحتوى ولك ان ترجع للتوضيح اعلاه.
ولكن كيف يستقيم ان تمر سيارة الشروق مرت من هنا في شوارع الخبر والدمام، واذا اوقف المرور ان سيارة الشروق مرت من هنا وعليه علامة الشروق دونما تصريح، دع من كل هذا اولم يكف الشروق الساحات الفضائية لنشر منتجاته حتى تنزل الى ارض المملكة ويقصد السودانيين اينما تواجدوا. وماذا يعني ان تمر سيارة الشروق مرت من هنا في منطقة كالعليا مثلا او البطحاء.. لا لا لا.
محمود ان نرى سيارة الشروق مرت من هنا في وطننا بس لنرى اهلنا فقط وتوزيع الهدايا على تلك الشاكلة تكافل نتمتع بها نحن السودانيين دون غيرنا.. وبالرغم من البرنامج مأخوذ من قناة ايطالية ومن ثم لبنانية الا ان الشروق مرت من هنا قد مسح دموع مئات من الناس في السودان فاهلاُ به وسط اهلنا لا أن تأتينا في الرياض او دبي او طرابلس الغرب.
02-02-2009, 02:52 PM
walid taha
walid taha
تاريخ التسجيل: 01-28-2004
مجموع المشاركات: 4198
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة