|
|
|
 Re: قدامك المشوار عمر ! الي إشراقة مصطفي حامد (مناجاة وونسة من ما فيش) (Re: خضر حسين خليل)
|
لو كنت أعلم
ما وراء الضوء من لغة
لقرضت ماتبقي من
حجيم العمر صمتاً
وأنا الذي أهدرت
نصف العمر ’,,
كل العمر
بحثاً
عن يقين
(فـ)
حشوت ذاكرتي
بأسئلة الحياة
ثم ركضت
ثم ركضت
ثم ركضت
علني ؟
الآن
ماعاد يلزمني السؤال
ماعدت إلتزم السؤال
فهل اليقين
أن تطارد عمرك
الأشواق واللعنات
والأحلام ؟
أم أن تمارس
حرفة الركض
الذي ما عاد
آخره (الوصول) ؟
وتلك أسئلة الحياة
لو كنتني ياصاحبي :
لو كنتني
طائراً
لنفقت عمري كله
باحثاً
عن ضوء أنفذ عبره
للضوء ثانية
ليعيدني للروح
وهي تجلس في
بهاء
لوكنتني ياصاحبي
لخلعت جلبابي
المرتق
ونسجت
أنفاس الصبايا
الحائمات علي رصيف القلب
ألف جلباب
من الآهات
والأحلام
والأسف الذي
ماعاد يسترني
إذ كلما
هيأت روحك للنشيد
هربن
ثم جئنك معزيات
(جزء من قصيد نعي طويل)
| |
 
|
|
|
|
|
|
|
|
Re: قدامك المشوار عمر ! الي إشراقة مصطفي حامد (مناجاة وونسة من ما فيش) (Re: خضر حسين خليل)
|
| Quote: الصور الجبتيها دي فيها حاجات كتيرة |
التقطتها وانا افكر فى امر الروح يا خدر
افكر فى امر {ارتعاشاتهاْ}....
عن رعشة تخصنى وحدى وتحرضنى ان ارتدى تنورة احلامى
ان انظر الى زرقة السماء بلا خوف
بلا جلد ذات
وبلا ندم...
وان لا اسأل السمبرية وحبال صوتى تلفها فى غمرة انسراب روح حبيبى وهى ترتعش من شدو جديد
.....
...
.
السمبرية ام قدوم
عيش ابوي متين بقوم
ياللسؤال العجيب؟
يالحبيبى العجب!!
تفوح رائحة القهوة من جلده حين اكون وحدى سيدة الرعشة...
رعشة الروح ياخدر امرها غريب...
Quote: ومبروكين الخامس يا شروق
أها في الدنيا لسع في حاجات تماسك الواحد |
تتبارك الارض
يتبارك ملحها,,,
شفت ياخدر...
تابعت وراقبت
فرحت ووجعنى قلبى على الوجع العليهو...
القلم ليهو ارادة رافعة..
خلى لىّ المباركة دى واجمعها مع تبريكات قادمات... ربما
| Quote: ما تغيبي كتير يا زولة |
لن اعدك فالامر ليس بيدى... بيد عمر.. ليس بيدى!!
عموما انا بخير نوعا ما..
شاغلنى امر قشرة الموز...
نشفت اقدامى من عرق اشواقها لدروب شتوية استطعت قمع جمراتها الراقدة كقطة اليفة تحت فيران الرماد
جففت اقدامى كيلا تنزلق...
قشر الموز بيزلق ....
اما ان توقف اكل الموز وترمى قشره فى مكان آمن
او ليستعد المرء لثرثرات الاحلام اللعينة...
انسى.... ربما ماقلت محض جنون ليس الاّ
واختم ب بومة غادة السمان,,,, إقرأ وتأمل
{ ولكن من يخلّد عشقها غير شاعر لم يعد يتطرق جنون الحب إلى قلبه,
بل جنون الشعر وحده؟
حين يعشق الشاعر حقا يعجز عن الكتابة ويصير قادرا على الموت فقط...
حين يهجر الشاعر الحبيب. يكتشف ابجدية الحب
هكذا قالت البومة واضافت
انك لاتطلق سراح اللحن إلا حين ينكسر العود!}
البومة فى الثقافة الالمانية تعنى الحكمة,,,
ولانها حكيمة فلن تقول ماقالته بومتنا اعلاه,,,
لان الشاعر حين يعشق حقاتنفتح كل قوارير الروح
مجامرها
محابرها
ومراجلها
حبر اخضر..
يلون الارض بملاية خدراء.....كان حبيبى يسميها انوثة العشب...
كان ذلك يحرضنى على الغناء...
اغنى فترتعش روح كل انثى غرس فيها حنيته, وضع بصمته ثم عاد الى غاره حيث على جمر الشوق انتظر,,,
| |
|
|
|
|
|
|
|
|
|
Re: قدامك المشوار عمر ! الي إشراقة مصطفي حامد (مناجاة وونسة من ما فيش) (Re: Ishraga Mustafa)
|
هذا المساء بدأته بالذهاب توووشك لمطعم (الخرطوم) وأغرب مافي الغربة
أن مطعم (الخرطوم) يا إشراقة يقع في شارع يضج بالسودانيين
بتاعين تمباك وواحدين يبيعوا عراريق وطواقي بيضا وحمرا وخدرا
وغايتو ! دخلت المطعم ورائحة الكوارع تسد الآفاق .
ضلافين شديدة
تذكرت مقولة صديق عزيز في مساء خرطومي
قال لي :
هسي يا ربي الضلافين دي كانت لافة وين !؟
تذكرته وعامل البوفيه يضع أمامي فتة الكوارع كأجمل ما يكون
الغريبة إنني تذكرت كوجان أيضاً يحكيني كثيراً عن علاقته بالكوارع
ماعارف لكن حسيت إني في اللحظة دي تحديداً عايز إتكلم عن الكوارع !
فعذراً لهذه اللخطبة إشراقة ! وأظنك تفهميني جيداً .
عن الروح وإرتعاشاتها
دي لحظة صادقة ما بمر بيها إلا من أتي جبريل بقلب سليم
شحتفة شديدة لا يدري بعدها الانسان شيئاً من أمره
حالة بين التوازن وفقدان التوازن بين الشئ والضد
بين الجدل والدجل وبينهما كثير أشياء متشابهات !
يعني شنو الزول يحرق دم قلبو في العدم!؟ يعني شنو؟
اليومين ديل أنا مليان بأسئلة حياة كتيرة
أحس أنني أفقد كل يوم شيئاً عزيزاً ! لكن الأمر ليس
بيدي .
شماعة الظروف والقسمة
فيها نعلق أي جريمة
أنا زهجان شديد ياخ
| |
|
|
|
|
|
|
|
|
|
Re: قدامك المشوار عمر ! الي إشراقة مصطفي حامد (مناجاة وونسة من ما فيش) (Re: خضر حسين خليل)
|
Quote: عن الروح وإرتعاشاتها
دي لحظة صادقة ما بمر بيها إلا من أتي جبريل بقلب سليم
شحتفة شديدة لا يدري بعدها الانسان شيئاً من أمره
حالة بين التوازن وفقدان التوازن بين الشئ والضد
بين الجدل والدجل وبينهما كثير أشياء متشابهات !
يعني شنو الزول يحرق دم قلبو في العدم!؟ يعني شنو؟
اليومين ديل أنا مليان بأسئلة حياة كتيرة
أحس أنني أفقد كل يوم شيئاً عزيزاً ! لكن الأمر ليس
بيدي .
شماعة الظروف والقسمة
فيها نعلق أي جريمة
|
انت ثعلوب ذكى ياخدر
عرفت من ووين بتوجعنى الحكايا
والحوائط اياها- الفاتحة على السماء مباشرة....
على امر الجدران
وهروبا من جدار سميك بنيته لحمينى العدم...
ومنو القال الزول بيحرق دمو فى العدم؟
العدم ده فراغ عريض..
ممكن يتملىء بارتعاشات روح حتى لو ماليك
المهم انها بتصلك
تفتح ابواب قلبك المصنوعة من سنط يمتص كل قطرة دمعة تنزل حارة
وتغسل جواك وحبيبك كتاب مفتوح ومكشوفة فيه ضمة الشوق
وشولة طرح الحنين
والفاصلة اللى بتقول ليك هووووى اقيف بعيد
والكسرة اللى بتكسر شوكة قلبك وتفك مسامير الشبكة {بكسر الشين}
معقولة رعشة الروح الصادقة ما تصفر عصافيرها وتنقر فى الجرح وتخليهو يضوى
وتشوف الدرب,,, دربك عديييييييييييييل
درب بكرة حانفتش ليهو ونتحسر اننا فقدنا بوصلة سلامنا الداخلى...
مافى حاجة اسمها عدم..
العدم تملاهو بجنس الامر الحميم - لمن تقول ليهو اكتب.. بس يكتب وخلاس..
مامهم فى شنو ولمنو ومتين..
ولا تخلى شواردك تشرد بيك تسأل وتفك قش شرقانيات الاسئلة
امر حميم..
وتكون عارف... تعرف وتسكت..
لانو منطق الاشياء بيعلمك السكوت,,,
حاول امسك السماء بيدك..
حاول اخترق سقف غرفتك بسطوة روح صادقة بتفتش عن توأمها
حين لا افعل اصحو مسكونة بصداع كل البنات اللآتى عشقن نونات كتابة حبيبى....
السماء يبدو اقرب الى روحى الآن...يقترب كلما تشرق السحابة فى منعطفات الشوق وتهزنى
تخج عصارة قلبى, تعصر سمسم تعب روحو, سمسها يدّر الماء - ماء يفيض فى انهار روحى
روحه اثداء عافية نساء الكون الاجمل,,,
| |
|
|
|
|
|
|
|
|
|
Re: قدامك المشوار عمر ! الي إشراقة مصطفي حامد (مناجاة وونسة من ما فيش) (Re: Ishraga Mustafa)
|
أكتر شئ كيفني إضافة (لوجبة الكوارع الدسمة) رؤيتي
لهذا اللون الاخير الذي إخترتيه في مداخلتك الأخيرة
أخضر عديل ! وهو علامة المرور بإطمئنان !
أنا سعيد لمرورك أولاً وعبورك محطات جهجهات الروح
مسكتني عشراقة من يومين
قالت والدتي عبر الهاتف
عدوينك !
وأنا ليس لي أعداء أو هكذا أظن !
قال صديق يقاسمني السكن
أظنها أنفلونزا الطيور
وتذكرت بوست كاتبه بقال كانت تدور حول فكرة الانسان
عندما يرفض التحليق
قال بقال بلهجة حاسمة لصديقتنا أم حازم
يا تراجي لو سمحتي أنا ماطيرة !
قرقر القوم وضحكو شهوراً عدة
الي أن من الله علينا بنعمة الارشفة
ما يهمني في الحديث أعلاه
هو رفض الانسان لفكرة الطيرنة (إن جاز التعبير)
التحليق الفضاء
عالياً من كل السجون وأشكال الدويلات الهلامية التي تحبس الانفاس
أتخيل مرات مرات يا اشراقة
أن الدول النامية تفرغ مقابل كل شهيق جندي مدجج ومدجن
ومقابل كل زفير جندي آخر مدجج بالرصاص والسلاح والبمبان
باخ باخ باخ
طاخ طاخ طراخ وما علينا
كل هذه الاشياء تذكرتها وأنا أنظر للصورة إياها
أشتهي أنا لسماء زرقاء
وقفزة بذات التصميم والارادة قفزة في فضاء الممكن والمعقول
قفزة لاحراز هدف واحد في مرمي الحياة !
فهل دة العدم برضو يا شروق ؟
غايتو الحاجات مربطة ربيط شديد وكل خيبة تنتعل حذاء خيبة قادمة
وكل سنة وانتي طيبة واللون دة جميل ما تفكيهو !
والحكمة في مر السحاب
والعلاقة البينو ما بين الجذور
واللسة في الباطن بذور
وغنا الطيور
| |
|
|
|
|
|
|
|
|
|
Re: قدامك المشوار عمر ! الي إشراقة مصطفي حامد (مناجاة وونسة من ما فيش) (Re: Amin Mahmoud Zorba)
|
صبرى...
وكنت لنا الصبر وبقيت حكاية باب السنط...
Quote: اشراقة
ازعل منك واجيك تايب
القاك محل قابلني المطر
سحابة
محقونة بالحنين |
تاااااااااااااانى الحنين يا زوربا؟
Quote: ماتنكسري
ابري قلمك واكتبي
في الكتابة العلاج |
فى الكتابة....
أيوه فى الكتابة....
هل داهمتك مرة وعول الكتابة؟
لايشغلنى الآن امر الكتابة ياصديق...
مايشغلنى هذا....
اشارت غزالات روحى واهالت عليه الرماد...
فما احترق سوى باب السنط..
واضاء ماكندو...
اشتاقها..
واشتاق ذلك الحصان المعتوه الذى انتظرته وجدة كثيرا .....فما أتى.....
هذه السيرة تؤلمنى,, شوكها فى نخاع احلى ايام عمرى..
فغطيها ولاتحنطها..
ربما لم تمت...
ربما ينهض فنيق قلبى من جديد,,, ربما.....
هكذا داهمتنى الشجون اللعينة اليوم..
هكذا تبدو الساحة اما بيتنا...
وهكذا بدأت روحى مشتعلة بالبياض...
--------
الزمن وقف وقلبى نهيق الكتابة, تلك التى تقف حردانة شيلة الحنين!!
| |
|
|
|
|
|
|
|
|
|
Re: قدامك المشوار عمر ! الي إشراقة مصطفي حامد (مناجاة وونسة من ما فيش) (Re: خضر حسين خليل)
|
Quote: أكتر شئ كيفني إضافة (لوجبة الكوارع الدسمة) رؤيتي
لهذا اللون الاخير الذي إخترتيه في مداخلتك الأخيرة
أخضر عديل ! وهو علامة المرور بإطمئنان ! |
كنا و الدنيا صيف 2004 في احدي المدن الامانية بصحبة صديقي الموسيقي
العاشق للموشسقي و (البنقو) التعليقات التي تضحككـ غصباَ عنكـ
..
.
في طريقنا (قبل الحف المُعلن) الي ارض البروفات بأبوجنزير
توقفنا بإشارة مرور , و صديقي منهمكـ في حَكي لذيذ
و انا السائق المتلهف لحكي الصديق الحميم و تعليقاته البارعة
فتحت الاشارة و انا غافل
صاح صديقي صاحب البنقو و الفن و الذاكرة الحاضرة ( ادونا خدار يا حبيبنا)
و انفجرنا جميعا في ضحكـ , و حتي الان
__
اشراقة , خضر ده و نحن معاهو , فترنا من المناشده, ما تجي البورد , تعالي امستردام (وش مستهبل)
| |
|
|
|
|
|
|
|
|
|
Re: قدامك المشوار عمر ! الي إشراقة مصطفي حامد (مناجاة وونسة من ما فيش) (Re: خدر)
|
خدر
ازيك ياخ !
طيب أنا أجي أمستردام كيف يعني ؟
عارف ياطارق
أنا شكلي البوست دة حأبقيهو مسائي
الصباح ياخ بقي ضيق شديد
وبمناسبة ضيق
عندي صاحبي اسمو اشرف فنان عديل كدة
مشينا معزومين (جلسة استماع) في عيدحسين
ولك أن تتخيل ! المهم الجلسة دي لظروف المواصلات
تحولت بقدرة قادر لي مبيت
في الصباح بي جاي جاي وصلنا التقاطع بتاع الازهري
ودة أضيق تقاطع في الدنيا يعني عامل زي شارع
(المليون......) بتاع كسلا داك
المهم تعبانين تعب شديد
وبنشق في الجماهير دي بي مهارة لا عبي السامبا
أشرف عاين لي كدة وقال لي
ياخي إنت الشارع دة ضيق ولا أنا متضايق !
فالواحد بي صراحة حاسي بانو البورد ضيق
إضافة لاني متضايق شوية
بجيكم المساء ياخ أمستردام ولا همام زاتو!
هذا والسلام
ــــــــــــ
أمس كيفتني بي جني الوزين
ياخ ما تحاول تنزلا لي اخوك بي جاي
وينوبك وزة ياخ
| |
|
|
|
|
|
|
|
|
|
Re: قدامك المشوار عمر ! الي إشراقة مصطفي حامد (مناجاة وونسة من ما فيش) (Re: خضر حسين خليل)
|
Quote: تعال نغوص شوية في أمر جبريل إشراقة
جبريل دة ممكن ينقذنا كلنا بالمناسبة!
|
هنا... هنا ياوليد..
جوة فى الغار ده بدأت حكاية امر الروح..
روحى..
روحكم,,
روحهن...
الروح بتصعد ولا بتمشى للسماء؟
الصعود ام المشى؟
ثم ما امر العنكبوت؟
العنكبوتة إسمها بالالمانى
Spinne
ويغزل جاية من نفس المفردة باضافة N فى النهاية
اها.. كنت بظن انو روحو مغزوله فى عناكب روحى ومامنها فكاك..
كنت بحكى عن الصبر واول من فك حباله
ترجع غار شجونك
وتحاحى حمام غضبك
وتفلى جبريلك..
تقردنو.. تقردنو وتحولو لسحابة خضراء..
عمركم شفتو سحابة خضراء؟
تعالوا لجوة وشوفوا بعينكم...
ولا تشغلوا امر فواطركم بالبنات الجميلات
ان الامر يفرح جبريلى..
يسعده ولو لبرهة من الزمان
وهذا يسعدنى..
ان احسه ضاحكا..
فرحا..
ومجنونا...
احزروا جنونه... احزروا عناكب روحه..
حاتتشربكوا وتتحولو الى موية..
ماتخافوا حاتلقونى قدامكم... فى قاعه انتظر؟
وما تملوا {ثوانى الانتظار]
| |
|
|
|
|
|
|
|
|
|
Re: قدامك المشوار عمر ! الي إشراقة مصطفي حامد (مناجاة وونسة من ما فيش) (Re: خضر حسين خليل)
|
يا خضر
ياخي الجميلات هن الجميلات ...
أو كما قال محمود درويش
والجمال غول الجمال
زي ما قال محسن خالد تغشاه المحبة ...
ياخي خليني أسلم علي محمود أمين زوربا دا ياخي
يازول مشتاقين شديد ...
تعرف ياخضر انا الجابني سودانيزاونلاين دي ياهو الزول الجميل الاسمو زوربا دا ...
بعد داك اول ناس عرفتهم هم ناس اشراقة المشرقة دايما بالاحساس الجميل والمحبة للناس , وكان في ناس تانين رد الله غربتهم ....
ياجماعة : انا اصلو خان عشقي الوعي
وكتل ملامح طلعتك كتر النعي .....
- البيت الاخير لعثمان بشري -
.
| |
|
|
|
|
|
|
|
|
|
Re: قدامك المشوار عمر ! الي إشراقة مصطفي حامد (مناجاة وونسة من ما فيش) (Re: الوليد محمد الامين)
|
خضر
بين غياب اشراقة وحضورك( المتفن ) فى واطات الزمن المهترىء الاوصال
اكون والكيبورد ننعم بحضورنا فى غمرة تواصلكم
خضر
الليل المساءات الهدوء
لنحتفى اذن فى مساءاتك تلك بنجمة
حددت موقعها ظهر هذا الليل هذا المساء
هذا الهدوء هذا السكون
ولنغنى ياخضر قبل بزوغ فتنة نجمة مساءاتك
الاولى وهى ملتفة فى مقامات صوت خطوات
عالقة فى حلم ابواب الدخول
اشراقة شروق
امد لك عبر كوة حديث خضر... همس
ولن احسب معك كم سيبقى على حذف ( مأتم) مدينة شتاءاتك...
اتانى ذات صحوة صديقة حرفى اشراقة مااتاك ولم يترك لى القليل
الذى استمد منه زاد مشوار كيبورد معكم
هى حالة اذن تعترينا رغم عدم مناصبتنا لها العداء
فصدقينى
صدقينى القليل اكثر الحديث... همسه
اشراقة... خضر
خضر.... اشراقة
ثالثكما شيطان الكتابة
كونوا بخير
فقط
| |
|
|
|
|
|
|
|
|
|
Re: قدامك المشوار عمر ! الي إشراقة مصطفي حامد (مناجاة وونسة من ما فيش) (Re: dardiri satti)
|
Quote: اما ان توقف اكل الموز وترمى قشره فى مكان آمن
او ليستعد المرء لثرثرات الاحلام اللعينة... |
إستوقفتني الفكرة أعلاه يا صديقتي !
حاجة عجيبة قشرة موزة تجيب آخر الزول أو أجلو عديل !
كل الذينماتو مؤخراً
قتلهم الموز ويا لبلاد الموز !
موز موز حياة حياة !
أننصح المواطنين بالإبتعاد عن الموز أم بالإبتعاد عن قشور القضايا
يا لله
يا الله من القضايا يا صاحبتي
| |
|
|
|
|
|
|
|
|
|
Re: قدامك المشوار عمر ! الي إشراقة مصطفي حامد (مناجاة وونسة من ما فيش) (Re: dardiri satti)
|
Quote: والبركة في القصة الجابت همك علي همي !
أهو موش قلت ليك
سيرة لا تنقطع |
الله لا قطعها سيره يا خدور
سيره طاعمه وحلوه
ودااااااااافيه
فايتك بالصبر يا حبيب..
والغباء الاصطناعى يا (ثعلوب)
أو كما اتهمتك اشراقتنا الراقيه
الغباء مرات بكون راحة بال يا خدر ..
بس أنا ختيت الرمله وانت وقعت (البكان) الهش
لا يهم من منا هو ال(ممطور) يا خدور
فستظل هى تتأبط ذراعاً آخر
وستظل أنت تطارد الجمال والابداعات المستحقة الانتباه فى الخرطوم
وأظل أنا أنأى بقلبى فى المنافى
ويظل الطيبون حسنو النيه يوردون الى الأخبار.. بأنها بخير
وأنها (تنشد منك فى الأفراح وفى الاتراح)
وأنها أنجبت صبياً اسمته مزمل..
حبيب انجبته حبيبتى ..وأسمته اسمى يا خدر
أحببته قبل أن أراه
ليس منى .. ولكنه سيشبهنى حتماً
بحكم جينات المحبه
الله الله الله
كم أشتاق لمعانقة هذا الصبى يا خدور
فأنا أعلم أن الذنب ليس ذنب أمه
ولكنها الحوجه يا حبوب
ــــــــــــــــــ
دعك من هذا الزخم المزعج ودعنى انقل اليك سلاماً من حبيب يقطن بقربى
حبيب الله العبيد أو (حبيب العربى).. رفيق غربه ونديم منافى يغريك السلام أجزله
| |
|
|
|
|
|
|
|
|
|
Re: قدامك المشوار عمر ! الي إشراقة مصطفي حامد (مناجاة وونسة من ما فيش) (Re: مزمل التريكى)
|
حبيب يا مزمل قصة تانية
ممكن يحكيها بصدق أكتر مني عبدوش أو عيدروس (أسأل حبيب من عبدوش وعيدروس)
وإثنينيهم هنا للمفارقة !
كلامك هبشني في جرح
وإتذكرت كتابة لي صاحبنا اسمامة معاوية رد الاسافير حرفه
قال فيما قال كلام اشبه بي كلامك !
ياخ حبيب الله عامل كيف
حبيب الشعب عامل كيف
حبيب الاصحاب عامل كيف؟
عادي يا مزمل أن أعود وأجدها تتأبط ذراعاً آخر وأن تعود وتيقدم لك (مزمل) كوباً
من قهوة والدته والـ هي في الحقيقة حبيبتك فيما ما مضي من عمر !
قصص يا رفيق !
ياخ أنا متضامن معاك الله ورقبتي !
ولحبيب أقول :
سويناه الخامس يارفيق اليسار !
تهانيناللحركة اليسارية عديل !
حترجعوا تين يا التريكي !
| |
|
|
|
|
|
|
|
|
|
Re: قدامك المشوار عمر ! الي إشراقة مصطفي حامد (مناجاة وونسة من ما فيش) (Re: خضر حسين خليل)
|
قبيل يا إشراقة وأنا بقرأ في بوست نزلو خالدالعبيد بخصوص أخونا طلال
جاني إحساس إنو الدنيا دي مهما الواحد إتكحل عشان خاطر عويناتا
ما بتديك فرقة (كحلة أو شوف أو مجرد نظرة) ياخ الدنيا دي عجيبة !
أها فجأة يتخارج زول زي طلال دة من شوارع البلاد سوري (يتسرب) لضبط
المصطلح لأنو طلال لما خش في جسد البلد خشاهو إستيب باي إستيب وون تو ون
وحبة حبة وبراحة براحة !
خنقتني العبرة قلت في سري هي يا طلال معقول لكن ؟
غايتو المغايص ماسكة في ايدين المغايص زين
مافي شئ يستوجب التفاؤل والفأل السمح والعديل الزين ! كلو بقا أرضاً سلاح
في شنو يا إشراقة ياخ ؟ والناس
وأعني بهم المواطنين السودانيين ديل حيستقروا في واطات الله الاخترناها دي
متين ؟
مود بطال والتمارين زاتها ما نفعني يا شروق !
| |
|
|
|
|
|
|
|
|
|
Re: قدامك المشوار عمر ! الي إشراقة مصطفي حامد (مناجاة وونسة من ما فيش) (Re: خضر حسين خليل)
|
Quote: مود بطال والتمارين زاتها ما نفعني يا شروق !
|
{الحقيقة مطفأة
لاعقاب قلبى
غابة الرماد الخلفية
تقودنى نحو النار
دموع تنتح اوراق الكستناء
حديقة حبيبى سمراء
تثمر النخيل
و{تبلحنى} نخلات البرد
شربوت كتابة
تطرب النساء
فتنتشى روح حبيبى}
بعد يوم حافل بالعلم والتجارب لعدد اربعة عشرة مستشارة من كل المقاطعات النمساوية,كنت حكمة ربك احداهن....
شعرى ولون عيونى يشىء بغربتى
مخارج حروفى ما اعاقتنى ان احدد لرؤيتى ولا قدامى موقعها,,,
بعدها خرجت الى الدنيا العريضة واجلستنى روحى فى نفق مهندم بالحضارة فى انتظار القطار
بديت اخربش بعد ان حركنى ماركيز,,, عشت لاروى,,,,,
ساعيش ايضا لاروى,,,,,,,,
جلست فى قطر الانفاق اخربش
خربشات عن {الصمت.. ارجوحة الليل}
عن شجرة كستناء تشغلنى
وعن ابنوس قلبى
بدأت ومأ.......
غلبتنى ووقفت لىّ فى حلق ماسورة العناد
اتذكرت وصيتى ليك ذات زمان....
قوم لف دور ياخدر
افتح النافذه وغير مكانك
وفعلتها اليوم حين داهمتنى الوساوس
حبست دمعة فى حدقات الكبرياء
شابة تبنه طفلها... لينظر كيف انى اكتب من اليمين للشمال..
نظرت فى خضرة عينيها وغمرنى مرجان الذاكرة
وددت لو سألتها.. ان نجحت فى تغيير لون عينيها
عودة للكتابة من اليمين ...
للشمال دور...
اليمين والشمال دوائر من تحتها دوائر من فوقها سموات دوائر
دردشت معى الشابة, عن اللغات, قالت لى انها ايضا غريبة,,, المانية الزولة طلعت
قلت لها انت غريبة بامتيازات,,,, امتيازات صارعت سنينا عددا لا حصل على بعضها
ومع ذلك....
مع ذلك.....
تبادلنا الكروت,,,
غمرتنى دهشتها.... Sie sind hoch qualifiziert, super
وتعنى- انتى تأهيلك عالى-هذا ممتاز
قبل ان تغادر قلت لها... يكفى ان اكون مؤهلة لمحبتك كانسانة...
بسمتها تبعتنى ليس كظلى , اذ لا ظل فى شتاء هذه المدينة
ثم...
من قرأت عن سفر طلال ذات يوم بنى غائم, حسيت بروحى موجعانى..
طيب, ماحال خرطوم غاب فيل صبرها وعصافير شدوها...
المرات الاخيرة اللى مشيت فيها السودان كان طلال فرح ايامى..
احلام ومشاريع وشجون
حكايات لم تكتمل,,
ودموع ما استطاع ان يحتملها ذات غناء...
الود طلال بهار انسانى, حادق ونطيف جواهو...
النصيص اللى بالاخضر حرنت قرونو هنا,,
خلاص قوم لف دور,,,
------
هل عرفت لماذا تاكى صبرى الباب؟ باب السنط؟
لمتين ياصبرى حاتكون ماسك نوافير الكتابة,
لمتين ينفك ساجور الذاكرة التى جمعتنا يا زوربا؟
اقول ليك حاجة.... ماتشغل بالك, اقدامى تلامس الارض بسلام
يعنى ذلك ان نوافذ القلب وابوابه الصدئيه ستنفتح بارادة العصافير الطليقة كما قلت ذات جنون لجبريل..
لا عليك يا صبرى, اعرف انى اقودك نحو الورطة... ورطة الكتابة وال.......
-------
على كيفى اعدّل ومن غير ذكر الاسباب!!
(عدل بواسطة Ishraga Mustafa on 02-03-2009, 09:43 PM)
| |
|
|
|
|
|
|
|
|
|
Re: قدامك المشوار عمر ! الي إشراقة مصطفي حامد (مناجاة وونسة من ما فيش) (Re: خضر حسين خليل)
|
Quote: يا الشايل شمسك في جواك
خليها تبين للناس تطلع !! |
تطلع شمس باكر لمن نكون عارفين الطريق
الطريق اللى بيؤدى لتلك البوابة الكبيرة
تنفح فيها من ماضيك
ينفك صدأ الابواب
تنطلق العصافير..
اجنحتها نار,,,
ليست كتلك التى حرقتنى, ليست كتلك التى ناديت رجلا عبر ان لايطفئها
ولكنها نار برد وسلام...
وقدامى المشوار عمر...
2009 عام لن يعبر دون احداث عظيمة
حياة او موت
وبينهما تنهض غابتنا الجريحة....
-----
شكرا ياخدر...على صدقك ونبلك وانسانيتك
| |
|
|
|
|
|
|
| |
خضر حسين خليل
بدر الدين اسحاق احمد
Ishraga Mustafa
Amin Mahmoud Zorba
خدر
ibrahim kojan
baha eassa
شوقي مهدي مصطفي
rosemen osman
ناهد بشير الطيب
Baha Elhadi
فيس بوك
تويتر
انستقرام
يوتيوب
بنتيريست