خطر ببالى تساؤل هل يعاني بعضهم من عقدة حبش!!!!!!!!!!
فيرونهم بتلك العين التي تتجاوز ... كل شي وتراهم اهل صعلكة وعري *بافتراض غرابته يراهم من دون باقي خلق الله أختصوا بكل منقصة
بملاحظة إن كل بوست هجمات على( قناة زول) يتحول لبوست هجمات على جيرانا( الأحباش )
وفي الأخر النتيجة ( الخلاصه ) التي يصلها بعضهم واحدة :
الأحباش : سبب رئيسي للسرطان وأمراض الرئة والقلب وشلل الأطفال
* عرى الحبش المفترض في قناة زول فارق شنو من العري البيجي في ( mbc ) و ( LBC ) ... وغيرهم من قنوات الجيران التانيين ترى لو أرتبطه تلك القناة بثقافة اخري هشك بشك أو ياليل ياعين أمان يا للى هل سيكثر منتقديها أم يسكت عنها باعتبارها تمثل جزء اصيل من ثقافتنا العربية النقية؟؟؟؟
*شمه رئحة البن :
أسؤ الناس على الإطلاق .... من يعتقدون السؤ في الآخرين
*شيلة الفاتحة قبل تقديم فناجين الجبنه :
ليتنا أؤتينا ما أوتي ( جيراننا ) من صبر على مكاره الدنيا... وجمال دواخل وصفاء ود ونقاء طوية .............. وأعتداد بالنفس وطيب خلق ومعشر وحسن ظن بالأخريين
أمين يارب العالمين
*فنجان جبنه ( بكر ):
الصعلكة بمعناها ( الدارجي ) المقصود ليس في مطلقها كسلوك مرتبطة بالجيران أو غيرهم ...
نحن نتصعلك وهم يتصعلكون وحسبهم أن الصعلوك فيهم لا يدعي أبدا انه محترم وعلى خلق وتلك محمدتهم ... لا يتجملون صعلوك عجوز قال لى مره : شن فائدة الراجل الربوا زي اختو !!!!
ليهم مواقعهم في النت وتواجدهم الأسفيري الطاغي وأى تيست بسيط في يوتوبي ( مثلا ) حتلاحظ فرق الزوار المهول بين مقاطعنا ومقاطعهم
وليهم مراكزهم الثقافية في جميع انحاء العالم وقنصلياتهم البتقوم بادوار اجتماعية وثقافية وسط جالياتهم المختلفة بفعالية فماظن تكون قناة زول الوسيط الوحيد البقدمهم للدنيا والمزعل الناس قدر ده
*فنجان جبنة أخير ( بركه ):
بوست ليس بؤسه (دبل قبينة) أو كما قالوا بل بطاح بمقطوره شاسيه طويل :
قناة زول لية وقفت
حكمة اليوم :
في معرفتك بغيرك حاول ولو مجرد محاولة لا تغني مع الجوقة ولا تتبع القطيع ---------------------------------------------------- *البوست من واقع بعض كتابات بأئسة هنا... لاتنال من الجيران بقدر ما تشي بنفوس اصحابها شفاهم الله
من واقع بوست لى في مداخلات من قبيل( السخرية) لتطرف الطرح فسألت بدايات المساء أن افسر ... وكلام لضيفي امس على العشاء الكان محور كلاموا في السودان والسودانيين والله بعرف منو عن بلدي اكتر من ناس كبار في سنهم وسودانيينوبرضوا ما بصلوا عمق معرفتوا للسودان وأصولوا وثقافاتوا زي الحبشي ده
Quote: الحبش ناس خلوقين ومهذبين جدا,,,
بعرفوا يتعاملوا مع الانسان كانسان لا غير,,,
ودوديين,,,
وبحبونا نحن السودانيين جدا بصدق,,,
وبعتبرونا جزء منهم وبحترموا اشياؤنا بصورة ما عادية ولما يتقارن ده ببعض البتقرى عنهم من بعضنا والله الواحد يحتار وينهم الحبش المفترضين في خيال أصحابنا ديل
Quote: يعني تلقي ليك بعض السودانيين يمجدوا ليك في شعب ابعد كتير مننا في الجوار والعادات والتقاليد,, رغم انه الشعب ده بكون بعاملم زي الزفت,,ويحتقرم,,,
ودي برضه حاصلة من بعضنا ...عقدة النقص من الاخرين وأبسطه لاحظي للسودانين من دون خلق الله كيف بقلبوا لسانهم مع السعودي سعودي ومع المصري مصري ومع الشامي شامي * خائفين غيرهم ما يفهم كلامهم طيب لى فهم ديلك كلهم وجات لعندك وفهموا كمل !!!
Quote: وبعدين نحن أحسن منهم في شنو,,,؟
لو ماظاهرين في القنوات,,,ظاهرين تحت تحت,,,
ليه مانعالج نقصنا قبل ما نعيب الآخرين؟
أحسن منهم طبعا بكتر ولا في مقارنة إننا بنتجمل كتير وبنخت لراى غيرنا فينا أهمية اكتر من رائنا في نفسنا وقناعاتنا ونعيش حياتنا كلهانقدس و نحافظ على عقدنا دي والبطلع منها قيد أنملة يبقي كفر
Quote: لقد زرت ايس ابابا بها ملامح من الخرطوم لاتحس انك قريب من السهل تعلم اللغة .. التغرنجة او الامهرا .. قنزب يلم
الناس ديل عندهم خطوط جوية تعادلklm الخطوط الاثيوبية
هم اناس طيبين بس ما عاف نظرتهم للسودانى شنو؟
بيني وبينك الامهرية ساهلة لكين التجرنجية سهل ممتنع بلادهم جنة الله فى الارض بطبيعة ساحرة يجتهدون في تنميتها وتطويرها لتليق بسمعتهم في العالم كواحدة من أقدم وأعرق حضارات أفريقيا
الكويس فيهم انهم بفرزوا كويس يعني ما بياخدوا الصالح بالطالح وبميزوا بين منو البحترم ودهم ومنو البظاهر بي ودي برضه ميزه فيهم لى فيهم كثير من المعارف والاصدقاء ... واعتز بهم وأتشرف كبارهم لسه على حبهم القديم أجيال جديده منهم أبدت تفهم أن جيرانهم ينظرون لهم بشي من التعالى والاتهام فبادلهوهم نفس النظره ... وأجد لهم بعض الحق ما لم نجتهد ان تفي الود بود ونعامل من يعاملنا بتعالى بنفس ما يفعل
لك التقدير ,,
01-23-2009, 08:10 PM
ابراهيم محمد موسي
ابراهيم محمد موسي
تاريخ التسجيل: 10-25-2008
مجموع المشاركات: 1089
العزيز / حامد محمد حامد مساء الجمال ,,, --------------------------------------------------------
يصعب أن تميز مجتمع كامل بصفات يمكن ان تجدها في أى مجتمع أخر وفي نفس الوقت تتجاوز صفات ومحامد وخصائص عديدة يتصف بها نفس المجتمع
في نظره بعضنا لجيراننا الأحباش تعميم مخل وظالم ... لأناس يكادون أن يكونوا الوحيدون العندهم اهتمام حقيقي بكل ماهو سوداني واكثرهم جهل بنا يكاد يكون يعرف كل الاساسيات عنا ... ولدي معظمهم رغبة في معرفتنا بحقائقنا بعيد عن اى تصورات مسبقة او أوهام...
كالتي يخصنا بها أخرون... ومعرفتهم بنا لفرط جهلها أحسن منها عدم المعرفة
Quote: عبد الناصر لك التحايا
للاسف الكثير من السودانيين... اما معقدين وتلك النظرات ومعظمهم حاقدينبالمناسبة ظاهرة الحقد جديدة لافرازات عديدة
قد لا اتفق معك صفت ( الحقد ) من ابغض الصفات ولا تكون مطلقا نتاج نفس سؤيه ... بل نفس طال بها مرضها لكن أميل ( للجهل بالاخر )
فلا يصل منهم الامر تلك المرحلة لكنه تنبيه أن يجتهد الناس في معرفة الاخر قبل ان يبنو أفتراضهم عنه *خصوصا لو كان كثيرون من الاخر لديهم اهتمام ان يقرؤوا _ هنا _ ويحبطون من تلك النظرة الظالمه لهم ويندهشون لها أن تكون نظرت أناس يضعون لهم تقدير خاص
تقديرى
01-23-2009, 09:08 PM
عبد الناصر الخطيب
عبد الناصر الخطيب
تاريخ التسجيل: 10-25-2005
مجموع المشاركات: 5180
سعدت بمرورك طبعا تبدأ مراسم الجبنة بالفاتحة والدعاء كطقس ثابت لا ينساه الجيران مطلقا إن جلسوا لشراب الجبنة .......
فيدعون الله أن يديم نعمت الود والتوفيق ودعوات أخري تختلف من شخص لاخر لكنه طقس تبدأ به جلست البن وبنفس طقوسنا القديمة في شرابة ثلاثة فناجين بمسمياتها المختلفة ( بكر _ تني _ بركة )
*الامر ليس قاصر على المسلمين فقط حتى المسيحيين يبدؤن بالثلالوث بحركات اليد المميزة ويبدؤن في الدعاء
العزيز / حامد محمد حامد تحية للعودة مجددا,,, ----------------------------------------------------
قراءتي المتواضعة في تاريخهم يجعلني أفتخر بجيرتهم لنا ... مثال تاريخي لبأسهم ( الحرب الايطالية) الثلاثينات من القرن الماضي
وقعوا في قبضة المستعمر الطلياني لسبع سنوات لم يهدؤ فيها قط ظل الحبوش يحاربون في شراسة الايطاليون كل يوم حتى خرجت ايطالية من بلادهم وعاد أمبراطورهم لعرشه
القصة الاخرى تفكير الاتراك يوما في غزوهم تقريبا في 1873 م وتحركت حملة مازنجر من طوكر فهزمت الجيوش التركية بقادتهم الخواجات وجنودهم المصريين في جوندت بسهول عدوة ( أرض التجراى ) شر هزيمة وخلد في تاريخهم الراس شلاقة قائد الجيش الحبشي في تلك المعركة ولم يجرؤ الاتراك بعدها مطلقا على أرسال حملة للحبشة
ما أتسخلصه أن القوم أهل طيبة وود لكن لو داس لهم أحد على طرف يجدهم اهل بأس شديد *ودي صفة بتخيله لازم تكون في أى سوداني .... لانها من صميم صفاتنا
لك أكيد ودي
01-23-2009, 10:01 PM
عبد الناصر الخطيب
عبد الناصر الخطيب
تاريخ التسجيل: 10-25-2005
مجموع المشاركات: 5180
د. شهاب الفاتح حبابك عشرة -----------------------------------------------
Quote: جار كريم , وعـــراقه التاريخ نسب , ونيلنا باسم الثغـــر.
حبابهم , وحبابك.
_______________________________________________
تشكر على كريم عباراتك ... في حق ( الجيران ) ووأحد من النيلين ياتينا متدفق من هضبتهم وهو ( الازرق ) ضيق المجرى بعيد الاعماق في عنفوانه يشبه ( الجيران ) أهل الارض التي نبع منها هناك في بحيرة تانا
ما يصل مجموعة 80 قومية عرقية كل منها تتميز بنكهة وطعم مختلف أفريقيا المصغرة بمعني الكلمة ... والهضبة التي كانت مقصد هجرات المجموعات البشيرة على مدي التاريخ
في الملنيوم غني مجموعة من الفنانيين الحبش (Selam Yehager Sew) * وقالوا نحنه بكل قومياتنا *الحبشة أمنا وأبونا
يا سّو أمهرة أرميلا ومانو يا سّو أرومو أرميلا ومانو يا سّو قوراقي أرميلا ومانو يا سّو كتجراى أرميلا ومانو يا سّو كديبو أرميلا ومانو
كنا في بدايات المساء و كانت الجبنه وتساولها وهي تقراء _هنا_ عليك الله هسه علاقت ده بدي شنو!!!!!!!!!!!!!!!!
Quote:
Quote: لئلا يوصفوا بالصعلكه
والحفتية
عملته رايح... أصرت تعرف :
(تناقر فقري ...)
*تجرنجة
*بتترجم عربي ( أتكلم)
أتكلمته ...وكان البوست وأنتهي الكلام او قد يتواصل ...
وإن كنت لست مؤهل لنصح او توصية فهو رجاء صادق مني لكرامنا وإحبائنا من لا ياتي الباطل من بين ايديهم او خلفهم فيظلموا الناس ويخوضون في سيرتهم دون أى تثبت أو أكتراث ...
رجائي الصادق أن نحاول في معرفتنا بالاخر اى كان أن لا نغني مع الجوقة او نتبع القطيع ولا نفترض السؤ بالاخر فمطلق السؤ استحالة إلا لو اخد صالحهم بطالحهم ولا نخوض فيما نجهل ... فنجتهد لنعرف ... فإن لم نحبهم على الاقل سنحترمهم وهم بحق اهل لاحترامنا
Quote: قراءتي المتواضعة في تاريخهم يجعلني أفتخر بجيرتهم لنا ... مثال تاريخي لبأسهم ( الحرب الايطالية) الثلاثينات من القرن الماضي
وقعوا في قبضة المستعمر الطلياني لسبع سنوات لم يهدؤ فيها قط ظل الحبوش يحاربون في شراسة الايطاليون كل يوم حتى خرجت ايطالية من بلادهم وعاد أمبراطورهم لعرشه
القصة الاخرى تفكير الاتراك يوما في غزوهم تقريبا في 1873 م وتحركت حملة مازنجر من طوكر فهزمت الجيوش التركية بقادتهم الخواجات وجنودهم المصريين في جوندت بسهول عدوة ( أرض التجراى ) شر هزيمة وخلد في تاريخهم الراس شلاقة قائد الجيش الحبشي في تلك المعركة ولم يجرؤ الاتراك بعدها مطلقا على أرسال حملة للحبشة
الحبيب الخطيب ماذكرت نماذج دفاعية، اما محاولاتهم التوسعية فكانت شبيه بحملة البازنجر وعداوه
01-24-2009, 03:28 AM
عبد الناصر الخطيب
عبد الناصر الخطيب
تاريخ التسجيل: 10-25-2005
مجموع المشاركات: 5180
المعز أبو نورة بجاله قدره هنا يامراحب أتفضل فنجانك ومكانك في صدر المجلس ونسمع منك ... والتاريخ بيننا وبين جيراننا ممتد لقرون طويلة يصعب أن يحصر بمحطات معينة او يختزل في وقائع بعينها لبلاد تفوح منها رائحة التاريخ من كل مكان وكل اثارها تشي بالعراقة والقدم وتقلب الايام وصروف الدهر عليها
أكيد وعدي ان احاول بوقت لاحق أن أعود للبوست بكثير من المحطات التاريخية المميزة في تاريخهم
ما يجعل الانسان سعيد مغالى في سودانيته وإنتمائه لتلك البلد ما وجدت سوداني به روعة وتميز مثل الافاضل من مروا من هنا ولم يزالوا يمرون إلا عرف للأخرين قدرهم وتكلم عنهم بتقدير
فمن أين اتي هولاء المؤسفين ؟؟؟؟؟؟؟؟؟؟
01-24-2009, 05:52 AM
يوسف الولى
يوسف الولى
تاريخ التسجيل: 12-28-2005
مجموع المشاركات: 1312
الاخ عبد الناصر جيت جارى بعد ما شميت رائحه الجبنه .. فهل فى الفنجان شيئ اناله داير اكتب سطر واحد فى مسألة اللغه عشان حاسس انها عندها علاقه ( بالعقد ) نتفق اولا ان البيعملو فيهو الناس دا كلو لهجات .. كلام محصور فى عدد معين من الحروف والافاظ والجمل المحدوده ولامن يعجزو عن فهو اللغه الحقيقيه بيرفعو صوتم بلهجاتهم عشان يدارو عجزهم .. وال( عقد ) ما هى الا لفظ اخر مرادف للعجز ان شاء الله تكون متفق معاى كدى اسمع معاى الغنا التحت دا .... ما بيفهو وما بيحس بيهم الا كل من عافاه الله من العقد وعشان انا حسيت بيهو وفهمتو حبيت اشارك الناس الما معقده عشان نسمع ونحس ونفهم وانا مستنى الجبنه
01-24-2009, 06:16 AM
تبارك شيخ الدين جبريل
تبارك شيخ الدين جبريل
تاريخ التسجيل: 12-04-2006
مجموع المشاركات: 13936
قبل التهكير كان للزميل زول وأحد مداخلة مميزة كنت عوز أرد عليها ولما فضيت كان المنبر اتهكر برضها كانت إيجابية جدا وبتطرح نقاط كتيرة مهمة
أخت عزيزة وزميلة دراسة أسعدتني برسالة : الجزئية الوحيدة الما متفق معاها فيها :
Quote: وبشوف العامل الاقتصادي من اهم الا سباب في الموضوع الزواج السوداني مكلف عشان كده الشباب بفكروا في زواج اقله تكلفه
لانو بعرف مقدار اهتمام الجيران بمناسبة الزواج وطقوسه وبعرف الاشياء المفروض يقدمه الزوج للزوجة وتكلفه زواجهم ماظن تكون قليلة بالمقارنه مع الزواج السوداني على أى حال العامل الاقتصادي بيجي بعدين لانو أكيد بنات الجيران كزوجات عندهم تقدير لظروف ازواجهم وعدم تكليفوا باكتر ما يحتمل من مطالب مادية بجانب حسن تدبيرهم وادارتهم لموارد اسرهم .
**
أخت أسعدتني أنا وبت ابوبكر بمعرفته .... زولة في منتهي الروعة والتميز :
Quote: have alway's been keen to know more about.. the hidden secrt of my beloved country..
and here you are..coming like a fresh summer breez.. writing with passion, filling all the space with
برضوا في كم رسالة من اخوه حيروني بمقدراتهم على الكتابة الهجومية والمحير في كلامهم توجيهوا لزول ما عندهم اى خلفية عنو ... وعدم ألمامهم بالناس محل هجومهم بصورة مقنعه وترقي لإقناع الغير بها
Quote: I love U selection of Aster Aweke songs this guide of one my patter song http://www.youtube.com/watch?v=4TfSmRnwaC4 love all mohammed wardi Songs , am not visit Sudan before but I hope in soon time
Aster Aweke one of best Ethiopian singer to me this song (Ethiopia)i found it in new CD i think it new
هدية لصاحبنا (((( الاملط ))) الهناك يتفرج في النسوان ديل بمارسن في الاتولدن ليها ............. يمكن يعرف حاجات غير ( الهواء ) زي ماكتب والهوي زي ما قاصد بتخلى الواحد يساند الناس لما يعرفهم
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة