|
|
 اوباما تخاف من اول يومين
|
حسين اوباما في اول تصريح عن احداث غزة
قال علي حماس ايقاف اطلاق الصواريخ
وتاني ما قال اي حاجة عن الست اسرائيل
ياخي تم الجملة عشان نقدر نحبك
وللا نصدق كلام القذافي عنك بانك حاتكون (عقاد)
وتاني رئيس الوزراء الاسرائيلي يكون هو حاكم امريكا
وتبقي زي الانقاذ لما كان فيها رئيسين (وغرقو المركب)
|
|
 
|
|
|
|
|
|
|
|
Re: اوباما تخاف من اول يومين (Re: khaleel)
|
Quote: ياخي ظلمناك يا اوباما
سمعت الجزيرة هسع
وانت طالبت اسرائيل بفتح المعابر لمساعدة الفلسطنطين |
يا خليل أوباما دا جانا رحمة من رب العالمين ... أصبر شوية وحا تشوف العجايب.
تحياتي
| |
|
|
|
|
|
|
|
|
|
Re: اوباما تخاف من اول يومين (Re: khaleel)
|
انا شخصيا لا اعول علي اوباما كثيرا
لاني سمع كلام حبوبتي بت موسي
قالت اذا سالت اسال الفضل الاول ما تسال غنيان بعد الفقر تمول
يعني بالعربي وبلغة ناس الكورة لو كنت مزنوق في قروش امشي ادين من البرير
ما تتدين صلاح ادريس
واوباما بعد الفقر اتمول
غايتو بخت مرتو الشكلوتة دي
| |
|
|
|
|
|
|
|
|
|
Re: اوباما تخاف من اول يومين (Re: khaleel)
|
ياخليل
قبل ما نتظر شي من باراك...
الفلسطينين زاااتهم وينم..؟؟
حماس داقة اضان جلد
وابومازن عامل فيها الاله الفلسطيني
والعرب يوم في الدوحة ونصهم حردان..
قبل ما قول اباوما ولا اسحاق
ماذا فعل الاعراب لقومهم.
| |
|
|
|
|
|
|
|
|
|
Re: اوباما تخاف من اول يومين (Re: عبدالكريم الامين احمد)
|
Quote: بس كلامو صعب وقاسي بالحيل
وبعدين في ناس كده الكلام ده ببيقي ليهم بمبي |
والله يا كيكي
انا خائف الاربعة سنين ما تكفيهو فرجة وخلعة في كراسي بيت الابيض
عشان المثل بقول الما بتشوفو في بيت ابوك بخلعك
وبعد الاربعة سنين يطلع كييييييييييييييييت
| |
|
|
|
|
|
|
|
|
|
Re: اوباما تخاف من اول يومين (Re: khaleel)
|
Quote:
شوف لينا معاك
كتاكو ياخ انفعنا لي الدبس دها |
انا ماعارف بكري ودا الوشوش البتضحك ديك وين...
لكن حكاية اوباما شكلو(سكسي ) دي دايرة مراجعات
علي قول المثقافتية
| |
|
|
|
|
|
|
|
|
|
Re: اوباما تخاف من اول يومين (Re: khaleel)
|
دايرين في السودان الجامعة الامريكية
والمستشفي الامريكي في القضارف ودنقلا و عطبرة وواحد هنوووك في نمولي..
ولو بقينا عندنا حكومة نجضيةوقفلت ملف دارفور ده باقل الخسائر*
واوباما ده شتتنا ليهو شوال شوالين من سكر كنانة
السنارة بتقبض تب..
...............
اقل خسائر طبعا حكاية لاهاي والبشير دي
ضرورية في التمرين في كل الاحوال
| |
|
|
|
|
|
|
|
|
|
Re: اوباما تخاف من اول يومين (Re: عبدالكريم الامين احمد)
|
Quote: واوباما ده شتتنا ليهو شوال شوالين من سكر كنانة
السنارة بتقبض تب..
|
والعجب يا كيكي
لو مشي معاي الهلالية لو المرين اكلي مهيوبة واسوقو طابت للشيخ الجيلي اديهو بخارات ومحاية
وانت تسوقو مايرنو وتديهو رتينزة
تاني نقول ليهو يا اوباما يمين يمين شمال شمال
| |
|
|
|
|
|
|
|
|
|
Re: اوباما تخاف من اول يومين (Re: حنين للبلد)
|
حنين
اذا عطست امريكا يصاب العالم بالزكام
وعليه فان المهمة ثقيلة جدا علي ولدنا اوباما
لن ياكل العالم في عهده المن والسلوي
ولن ناكل فوما وعدسا وبصلا
والمي حار ما لعب قعوج
| |
|
|
|
|
|
|
|
|
|
Re: اوباما تخاف من اول يومين (Re: khaleel)
|
معجبة انا جدا بقدرة الشعوب هنا انها تلاقي شماعة لضعفها
انتو راجين (قودو) يحرر ليكم فلسطين و يوقف ليكم التطهير العرقي في دارفور و يصالح ليك الصومالين و يرجع الصحرا الغربية
و انتو في مكانكم سر،
لا حكومات منتخبة
لا صناديق اقتراع
لا حرية تعبير
تتصلبطوا في امريكا في البيعجبكم و تفطو 250 سنة من عثرات و مواقف و تطوير ذاتي
ووقت ما دايرين تشتموها و تبقوها شيطان رجيم
اوباما ده انتو دافعين ليهو ماهية؟
حرارة النفس دي ما توروها لرؤسائكم بالأول
اللي انتخبو اوباما ما انتخبوهو علشان السياسة الخارجية بما فيهم العرب و المسلمين و الافارقة الهناك
(قودو) حقكم ده إلا تمشوا تفتشوهو في حتة تانية
أوباما .. اوباما ... رسالة ليكم انو القوانين و النظم ممكن تتغير و تتبدل و تستوعب التغيير و انو كل شيء ممكن
غير كده ..
اكلو ناركم براكم و انتو الضيعتو ارضكم و رخصتو دمكم ...
ا
| |
|
|
|
|
|
|
|
|
|
Re: اوباما تخاف من اول يومين (Re: عزاز شامي)
|
Quote: اوباما ده انتو دافعين ليهو ماهية؟
حرارة النفس دي ما توروها لرؤسائكم بالأول
اللي انتخبو اوباما ما انتخبوهو علشان السياسة الخارجية بما فيهم العرب و المسلمين و الافارقة الهناك |
عزاز
اذن بنفس المنطق لماذا فرح الناس هنا بفوز اوباما
وكثر الهتيفة اوباما فاز انا بحب اوباما
وما دام هو شهرا ما عندنا فيهو نفقة ما نعد ايامو
او كما قال
| |
|
|
|
|
|
|
|
|
|
Re: اوباما تخاف من اول يومين (Re: khaleel)
|
يا خليل ...
بالله اعمل استفتاء و حتلاقي انو السبب الاول هو (الأمل في التغيير)
و علشان تستفيدو من الظاهرة دي التغيير ده لازم يكون محلي وعلى مستوى القراس رووت ...
غيروا ما بانفسكم
أغلب الناس اعتبرته انتصار للأقليات .. ده جوهر الفرح العام..
التفاصيل صدقني بتلاقيها 3% سياسة خارجية لانو اي زول بيفهم في السياسة و بالتحديد سياسة امريكا الخارجية بيكون موضوعي في توقعاته
| |
|
|
|
|
|
|
|
|
|
Re: اوباما تخاف من اول يومين (Re: عزاز شامي)
|
Quote: أغلب الناس اعتبرته انتصار للأقليات .. ده جوهر الفرح العام..
|
يا عزاز
صدقيني اوباما لم يفز لخطبه العصماء ولكن وجد حملة عالية من الاعلام الامريكي
ورغبة في تغيير وجه امريكا القبيح امام العالم
ولكن ستظل اللوبيهات تحكم امريكا
فاز اوباما او حسن ابو سبيب
| |
|
|
|
|
|
|
|
|
|
Re: اوباما تخاف من اول يومين (Re: khaleel)
|
المطلوب من تحسين اوباما
تحسين العلاقات السودانية الامريكية السودانية
حتي وان كانت تحكمه طالبان
لان سوء العلاقات السودانية الامريكية ينعكس علي المواطن السوداني
ولن يوثر علي الحكومة ولا علينا نحن ناس الضل البارد كما يقول السيد ميكا الهكوري
| |
|
|
|
|
|
|
| |
khaleel
Mohammed Haroun
عبدالكريم الامين احمد
فيس بوك
تويتر
انستقرام
يوتيوب
بنتيريست