|
|
 بالنسبة للمسنجر .... نصيحة
|
آي حمدالله على السلامه وفقدناه و مشتاقين ليه وأي شي
لكن يا اخوانا خلّوا بالكم
و خصوصا الأخوان النالوا العضوية مؤخرا - مبارك لهم بالمناسبة دي -
السترة و الفضيحة متباريات و مؤخرا بقت الفضيحة سابقة أختها
البورد مرق من تجربة تهكير مريرة لا زالت آثارها باقية - وفي رواية هي في روحها باقية
فبالله الناس ما تاخد راحتها في المسنجر وهاك يا حنك و سيرة الناس و شمارات و قرع و ما إلى ذلك
فجاة كدا واحد من الجماعة الطيبين ناس اتلميتوا علي يا معفنين يجيه مزاج يعمل حركة كدا ولّ كدا
تلقى الفلم كلّو بي تواريخو مصور في سهلة الله دي
نبقى بعدين في دا ما انا و ما كنت قاصد و هكروني و غشوني و الغنماية أكلت عشاي*
فيرحمكم الله خلو المسنجر للتواصل و التراحم و فقد الناس
ولو كان لابد من حنك ملح او شمار لا يحتمل ففي الإيميل رحمة و سترة
يرحمنا الله و يستر علينا بفضله و ستره و إياكم
ملحوظة...
الغنماية المعنية أعلاه غنماية عادية غير اللت الدقيق
لذا لزم التنويه (وش ضاحك بدوّر )
|
|
 
|
|
|
|
|
|
|
|
Re: بالنسبة للمسنجر .... نصيحة (Re: osman righeem)
|
Quote: فجاة كدا واحد من الجماعة الطيبين ناس اتلميتوا علي يا معفنين يجيه مزاج يعمل حركة كدا ولّ كدا
تلقى الفلم كلّو بي تواريخو مصور في سهلة الله دي
|
والله الفلم من يوم سجلنا عملنا حسابه...الا الليلة اتناولت فيه تلفون ايمن الطيب
تشكرات يا عمك للنصائح الغالية...والخوف ما مسنجر...الخوف ياخوي باقي العدة الشايلا معاه...
| |
|
|
|
|
|
|
|
|
|
Re: بالنسبة للمسنجر .... نصيحة (Re: ضحيه ابراهيم)
|
حمووودي ...
بلا ياخدك بالمناسبة السعيدة دي
كدي خليني من ثعلب و روميل و جنا جداد ,رايك شنو في الفكرة المطروحة
رايك يهمني جدا باعتبارك مسنجراتي خبير ذو باع في حكاية الشمارات و الشغل الكرباوي
وهبة يا عمك
ما فهمنا حاجة, مؤيد حمووودي في خطرفاته نعلك
تبلدينا يا عمك ...
اولا كامل تضامني معك في محك , قلت لي Quote: بطلوا فيهو القطيعة ..
كدا كيف .. خيرالكلام ما قل ودل :) |
لا يا حبة ما حزرت
لأنو القصة ما القطيعة براها
في حنك في بكا في قديم أوراق في نظام حبيبي ارفع لي وانا بكتب ليك وفي حاجات تانية حامياني
لو داير تختصر - ما عارف ليه - ممكن تقول كل ما تخجل من قوله في العلن
أو كل ما لو لم فيه الجلاعيم و نشروه على الملأ احرجك
دكتور بشير ..
ميكي الدخلها في البورد ما ظنيتها تمرق باخوي واخوك
اها شفت يا روغيم زي كلامك دا اراهنك بكون جاك كم مسنجر دايرن التفاصيل
ايام الأسابيع - الله يطراها بالخير - كل أسبوع مشفر كان بجيني عليه مسنجر مسنجرين قاصد من؟و اوعى تكون قاصدني ؟ اموت ليك وريني ؟ أكيد قاصد هناية ... إلخ
أمر با عمك ...
صدقت والله الهم بالجد في باقي العدة
تخيل ممكن يشيل حسابك و ينعل بيه خاش اكتر زول عزيز عليك مثلا او يكتب بيه كلام يخالف قناعاتك
أو أخطر من كدا
لكن المشكلة الجد جد إنو دي تبقى مكنة و مراقة للشباب هنا
كل ما تحس انك طبزت او حتى تتعمد تاخد راحتك في زول تغيب يومين بعدها تضرب لواحد من جماعة يا بكري تلحقنا و تنجدنا تقول ليه انا مهكر لي اسبوع
ضحية يا عمك ...
لكن ما إنتهيت مني بلمتك لي مع الجوز الزعاط دا
ما علينا ...
قلت لي داير تحب و تجكس
تخيل انك فاتح ليك اكتر من قناة و سايق في كل تراك بي راحتك
قوم يا هناي هكر باسويردك و شيل صور مسنجراتك و شرها في واطاة الله دي
تقبل وين؟
اقع الإيميل او الفيس بوك اسمع كلام اخوك
بعدين ياخي بي محينتك دي حب شنو عليك الله يهديك
| |
|
|
|
|
|
|
|
|
|
Re: بالنسبة للمسنجر .... نصيحة (Re: محمد البشرى الخضر)
|
هوووووي يا شباب
شنو شبكتونا ثلاثي و سباعي و ثعلب و كندورة
نصيحة و قلناها
العجبتو ياخد بيها و الما شغالة معاه يكبر لفتو منها و يديها البحر
العندو عليها تعديل و عايز يضيف ليها حبابو
و الرافضها من اساسو برضو حبابو - لكن ما شديد
وكدا
| |
|
|
|
|
|
|
|
|
|
Re: بالنسبة للمسنجر .... نصيحة (Re: Rawia)
|
Quote: أنا عندي فكرة
الزول يكتب الماسنجر براحتو جدا ويعمل منه كوبي ينزلو في البورد
في اقرب بوست يلاقيك
وبكدا الهكر ماحيلقى فضيحة ولا يحزنون
وتكون بيدي لا بيد عمرو |
والله برضو فكرة
| |
|
|
|
|
|
|
|
|
|
Re: بالنسبة للمسنجر .... نصيحة (Re: محمد البشرى الخضر)
|
Quote: اها شفت يا روغيم زي كلامك دا اراهنك بكون جاك كم مسنجر دايرن التفاصيل
ايام الأسابيع - الله يطراها بالخير - كل أسبوع مشفر كان بجيني عليه مسنجر مسنجرين قاصد من؟و اوعى تكون قاصدني ؟ اموت ليك وريني ؟ أكيد قاصد هناية ... إلخ
|
يا عمك
9 بس حتي الان
لكن انا ماسنجرات الرياييل بفتحها بعد 24 ساعة
عشان تصفي دمها
اتصل بي اسامة
عشان موضوع الجمعة ( عشان ما اعمليك ماسنجر)
| |
|
|
|
|
|
|
|
|
|
Re: بالنسبة للمسنجر .... نصيحة (Re: محمد البشرى الخضر)
|
هيا يا راوية الفكرة واضحة ما محتاجة شرح.
لكن بيني وبينك بالغتي فيها
خنساء....
ما قلنا شي معمول للشمارات لكن الشمار زاتو ما خشم بيوت
فيه الأبيض الناعم ودا نشره لا يضر
وفيه الأسود الخشن و دا بطّال
وفي الأخدر الدراش و دا بين بين
شفتي كيف؟
نعوم ...كيفك مع السهر
تعرفي مقولة تباري السترة و الفضيحة محتاجة إعادة صياغة
يعني مقروض نقـ...
ولّ اقول ليك بتم ليك بالمسنجر (وش اصفر مبتسم ببلاهة)
ياخي ما كرهتونا بي برامجكم يا ناس الخرطوم , شنو الحكاية؟
روغيم ... عٌلم , بتصل إن شاء الله
| |
|
|
|
|
|
|
|
|
 Re: بالنسبة للمسنجر .... نصيحة (Re: محمد البشرى الخضر)
|
ود البشري ابوي
كيفنك
وصباحك شوق ونور
Quote: ميااااااااااااادة
مخصوص فطيتك عشان عارف الحركة دي بترفه ضغطك
إزيك وكدا |
النصيحة .... حصل حصل
.
...
.....
شعارنا للمرحلة الجاية
المسنجر داخل المنبر على مسئولية صحابه
وصاحبه دي انا قاصدة بيه بكرينا ابو بكر ابصلعه الوجيه الجميل
| |
|
|
|
|
|
|
|
|
 Re: بالنسبة للمسنجر .... نصيحة (Re: محمد البشرى الخضر)
|
محمد البشرى وتماضر وعبد الوهاب
أنتو عارفين فكرتي جات من وين
ناس الهكر والناس الوحشين البيعتمدوا على نظرية الـskeleton in your closet
تريحهم شديد وماتدي اي فرصة لي زول to dig بي وراك
أها تخت ماسنجراتك هنا دا ... يعني هتكون أكعب من الشايفنو بي عينا دا في البورد؟
________________
تماضر سألة منك شديد
وبنتواصل بإذن الله قريب
| |
|
|
|
|
|
|
| |
محمد البشرى الخضر
محمد عبد الماجد الصايم
mayada kamal
عبدالوهاب علي الحاج
بشير أحمد
osman righeem
GamarBoBa
ضحيه ابراهيم
Rawia
انعام عبد الحفيظ
haroon diyab
العوض المسلمي
هاشم أحمد خلف الله
فيس بوك
تويتر
انستقرام
يوتيوب
بنتيريست