Quote: واتتنا العصفورة بالخبر اليقين ان الصديق كيكي في طريقه لحضور تنصيب الرئيس اوباما بدعوة كريمة منه مرحبا مقدما بصديقي كيكي في امريكا
هلا يا فردة والشوق مطر ياخي.. ولكن لقيت العصافير الامريكاني جياااابة ياخي النية واصلة يا متولي بس شوية ترتيب كده وبعدها بديكم الو للموعد... ياخي طمني عليك دينك البرد البرد يا متولي زي بتاع السنة الفاتت داك ولا خف شوية.. ومشتاقين للوقفة في البيت الابيض العجيب محل الطيارة بتقوم وبوش كان بنوم.. والمراءة العجوز ديك ملمة هدوم(اسمعني لسع قاعدة العجوز ديك ولا اتلحست)...
اوباما ود الخالة يستاهل الوقفة معاه في اليوم التاريخي ده. وتحياتي يا متولي ولكل الربع بقيادة عمدة ودبز..وصاحبي ود الحلة الجديدة الكان مسرح بوب مارلي في تمرين الكوامر والفتي الراقي خالد...ابراهيم باخت وحسين وخليك قريب يا فردة..
Quote: صديقي كيكي خير من يمثلنا لهذه المهمة واحد من ابرز اعضاء الرهط وانجم نجومو مزيد من النجاحات
يا وهبة، كيكي سفيرنا للنوايا الحسنة والسيئة معاً.. __ والله السنة دي في برد ياكيكي، أجارك الله، الواحد أكان "............"، تصدق غلبني أكتبها ليك، يا بكري رجع الماسنجر؛ هسي الواحد يوصل فهمو لي كيكي كيف!
01-12-2009, 09:57 AM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32523
Quote: انا قلتا كيكى ده خلاص ماشى يستقر فى أمريكا وتانى ما بجينا السودان بى سرعة ياخ
هلا بالفردة شول وبلد ديك ياشول برد تقيل ياخ واخوك زول مولانا ورانديد كبير لو مشيت هناك بتعلم (دق المو) وانا ببوظ ساااكت ياخ حبابك يا شول وباذن الله لو حيين بنلاقي يا شول
Quote: الصور.. الصور،، (دايرين شيكينغ هانز و كدة...)،،
هلا يا هالة وياريت يا هالة الزول يقدر يحصل المولد الرهيب ده عشان الواحد يشكنغ لاوباما ده يدو لمن بكرة امريكا كلها تقول اوباما جاتو فلايت تحية وتقدير علي نجاحه في تغيير مفاهيم وكلامات كثيرة واعجااااااب
01-13-2009, 01:22 AM
Mutwali Malik Mutwali Malik
تاريخ التسجيل: 12-08-2005
مجموع المشاركات: 2720
الشكر لجميع المتداخلين وسوف تكون هناك مجموعة في استقبال الود كيكي في مطار واشنطون وهم يحملون اللافتات للترحيب به كيكي البيت الابيض ياهو ذاتو بس في توصية بتغيره للبيت الاسود والمراة المعتصمة بجواره موجودة للان وتذكر لما تحاورنا معها وقالت سوف تظل هناك حتي تزول اسباب اعتصامها في انتظارك
01-13-2009, 02:06 AM
سارة علي سارة علي
تاريخ التسجيل: 07-08-2008
مجموع المشاركات: 4413
كيكي... انا قاعدة هنا في واشنطن والمولد بتاع اوباما دة فايتني.. ناس الشغل قبال اسبوعين رسلوا لينا ايميل قالوا مااااااافي واحد يفكر ياخد اجازة اليوم داك.... لو بعذر او بدون عذر.... زعلت زعل...لاني اليوم داك كنتا مضربة اتمارض... يا زول قالو ليك العميان حيشيل المكسح... ما بتتخيل التجهيزات كيف...
ما لينا فيها نصيب.... نعوضا يوم جيتك... بس ادينا اااالو....
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Mutwali Malik
عبدالوهاب علي الحاج
عبدالكريم الامين احمد
شول اشوانق دينق
khaleel
Yassir Tayfour
Safia Mohamed
سارة علي
فيس بوك
تويتر
انستقرام
يوتيوب
بنتيريست