|
الأسلحة الكيميائية وحقيقة استخدامها في السودان في منتدى ميديكس للحوار
|
|
 Re: اليوم الذكرى السنوية لذواجي (11يناير82-11يناير09) ...أعمل شنو ؟؟ (Re: صديق عبد الجبار)
|
Quote: هل نستحق نوط الذواج الطويل المستديم ....؟؟
هل أنا مؤهل لأن تستجلبني حكومة السودان كخبير أجنبي في علوم الذواج ...!!؟
وتستضيفني الفضائيات كمتخصص في شئون الحاجات دي ...!!؟
عليكم الله وروني أحتفل كيف .. واللا ما فاي داعي ..!!؟؟ |
ألأخ/أبوفواز..حفظكم الله أنت وزوجتك وأسرتكم مع أمنياتى الطيبة لكم بحياة سعيدة مديدة ترفل فى بحيرات من السرور والنعيم والبهجة....
عليك بأبسط الكلمات الطيبة الرقيقة وهدية متواضعة..تفعل فى تلك المراة المكافحة الكثير ..
خلد زكرياتك الجميلة فى مذكرات لعل يستفيد منها الغير.........
يا كابتن .لك خالص الود والتحايا لك ولأسرتك..............مودتى.إسماعيل محمد احمد عباس
| |
 
|
|
|
|
|
|
|
|
Re: اليوم الذكرى السنوية لذواجي (11يناير82-11يناير09) ...أعمل شنو ؟؟ (Re: ismeil abbas)
|
شكرا على الاريحية التي تتمتع بها
وما مداخلتي الا للمداعبة
Quote: ياخي واضح إنك راجل بتاع QUALITY .. و مريت الAUDIT بناع ال ISO9001 .. !!!
في داعي تحرجونا كدة ياخي !! شنو يعني زاي وذال بين الأصدقاء ..
لك تحياتي .. ولك وللغة الضاد العتبى حتى ترضون ... !! أوعك تقولي ترضون دي غلط .. بخلي البوست دا وأمشي أشتكيك لي أم العول ...!! |
يا فنان يا بتاع الكوالتي
تمنياتنا لك بالززززززززززواج السعيد
ونفيدك بأننا اكثر منك سنوات خبرة في الززززززززززواج المديد ولكن لا بأس في ان ترشح نفسك في ان تكون خبيرا في علوم الزززززواج وتستحق نوط جدارة الززززززواج المستقيم ( وهنا اخط خطين) يعني ولا يوم ما اتخاصمتوا؟؟؟
واسع ناس قناة الشروق يجوك ناطين وشايلين معاهم بتوجاز ب27 عين.
| |
|
|
|
|
|
|
|
|
 Re: اليوم الذكرى السنوية لذواجي (11يناير82-11يناير09) ...أعمل شنو ؟؟ (Re: ابراهيم عدلان)
|
Quote: سبعة سنين و انت يا صحبي في المانيوال و عشرين سنة ام فواز خاتاك في الاوتوبايلوط
و الزواج يا صديقي زي jet liner كل ما ترتفع لي فوق تزيد الايفيشنسي
خليك في الhold
و قرط علي كدا
___________
عيد زواج سعيد و نوط الجدارة لي ام فواز |
عزيزي إبراهيم عدلان .. كيفك يا حبيب .. إنشالله رايق و2009 شغالة معاك كويس .. وشكراً على هذه الزيارة الطايرة ..!
إنحن يا صديقي من أول ثلاثة سنة حصلينا هايدروليك فيلير .. واللاندنق قير بينزل مانيوال .. وأحياناً بالقرافيتي .. وأصلو الأتوبالوط داك مختوت ADD من فترة طويلة ..!!
في مرة من المرات سأل أحدهم كابتن محمد عبد الله العريفي ..ربنا يطراه بالخير .. قال ليه: إنتو يا طيارين ليه ما بتنجحوا في التجارة ..؟؟ فقال ليه : لأنها ما فيها CHECK LIST ...!!!
لك تحياتي ومودتي
"أبوفواز"
| |
|
|
|
|
|
|
|
|
|
Re: اليوم الذكرى السنوية لذواجي (11يناير82-11يناير09) ...أعمل شنو ؟؟ (Re: nada ali)
|
العزيزة ندى علي
شكراً على مرورك الرائع .. وربنا يديم الأفراح لجميع الأسر .. ويسعد الجميع ..!!
تعرفي أولادي السنة الفاتت عملوا كدة .. وأنا دخلت قبل قليل من القاهرة .. وأحضرت الهدية وكنت متوقع حاجة .. وفوجئت بأن مجلس العيال قد إجتمع وقرر الآتي :
إلغاء الإحتفال التقليدي وصدر توجيه بأن نخرج غداً أنا ووزارة الداخلية لوحدينا .. من غير مرافق ....
شفتي غتاتة الشفع ديل عليك الله ...؟؟؟
تحياتي ومودتي
"أبوفواز"
| |
|
|
|
|
|
|
|
|
|
Re: اليوم الذكرى السنوية لذواجي (11يناير82-11يناير09) ...أعمل شنو ؟؟ (Re: صديق عبد الجبار)
|
حاجه بسيطه! ليه يعني حاجه بسيطه.. ما هو مدام انت عامل نايم ليك 27 سنة، حقوا وقت قررت تصحى، تجيب حاجة كبيرة.. جيب ليها كانت نفسها فيها... الهدية البسيطة قيمة صحيح، لكن مع اعترافك الضمني بالنوم زي اهل الكهف، فأنا احتج وبقوة.. ما بالضرورة حاجه كبيرة معناها حاجه غالية.. لكن حاجه ابذل فيها مجهود... اقتراح الاخ عمار جميل جداً.. اليوم ده اعملوا الغدا بدلها.. ولا بلاش.. اخدها اتغدوا برّه، براكم.. من غير الاطفال.. اديها هدية.. اتذكر معاها ايام ما قبل الزواج.. واشكرها على البتعملوا في البيت.. وريها انك بتلاحظ اهتمامها بنظافته.. ومراعاتها للأطفال.. حتقولوا لي واجب، حأقول ايوم.. لكن ما بمنع انه الزول يشكروه على أداء واجبه عشان يتفانى فيه.. النفس بتدور الشكر..
ما تقول بعرف مرتك.. انا بتكلم من راسي ساي 
ربنا يديم عليكم السعادة والهناء.. وعقبالنا
بنت الحسين
| |
|
|
|
|
|
|
|
|
|
Re: اليوم الذكرى السنوية لذواجي (11يناير82-11يناير09) ...أعمل شنو ؟؟ (Re: مريم بنت الحسين)
|
Quote: حاجه بسيطه! ليه يعني حاجه بسيطه.. ما هو مدام انت عامل نايم ليك 27 سنة، حقوا وقت قررت تصحى، تجيب حاجة كبيرة.. جيب ليها كانت نفسها فيها... الهدية البسيطة قيمة صحيح، لكن مع اعترافك الضمني بالنوم زي اهل الكهف، فأنا احتج وبقوة.. ما بالضرورة حاجه كبيرة معناها حاجه غالية.. لكن حاجه ابذل فيها مجهود... اقتراح الاخ عمار جميل جداً.. اليوم ده اعملوا الغدا بدلها.. ولا بلاش.. اخدها اتغدوا برّه، براكم.. من غير الاطفال.. اديها هدية.. اتذكر معاها ايام ما قبل الزواج.. واشكرها على البتعملوا في البيت.. وريها انك بتلاحظ اهتمامها بنظافته.. ومراعاتها للأطفال.. حتقولوا لي واجب، حأقول ايوم.. لكن ما بمنع انه الزول يشكروه على أداء واجبه عشان يتفانى فيه.. النفس بتدور الشكر..
|
شايفين ناس حزب تاء التأنيث المتحد جونا نابلين كيف .. ؟؟ أيوة أظهر وبان عليك الأمان ....!!!
إزيك يا مريم .. يا بت الحسين .. مشكورة يا اختي على الزيارة والمجاملة .. بس بطلي العنصرية الجندرية دي .. وأوعك تحاولي تنتهكي حقوق الرجال ... وإلا بنكلم ليكي أوكامبو .. والله صدقيني ما بتنفعك لا مبادرة أهل السودان ولا لحس الكوع ولا جلد الكديسة ولا عصاية .. الجماعة وأولاد الجماعة ...!!
لكي التحايا المليونية .. على وزن المسيرات المليونية ..!
ودمتي بخير وعافية
"أبوفواز"
| |
|
|
|
|
|
|
|
|
|
Re: اليوم الذكرى السنوية لذواجي (11يناير82-11يناير09) ...أعمل شنو ؟؟ (Re: PLAYER)
|
اولا تهانى القلبية لكما
على التابيدة
"تابيدة دى قراصة او تابيدة بطرس "
اى احدة
اقول لك حاجة اعملو شهر عسل
وزع العيال
وسافروا حته ما مشيتوها قبل كده
واعملوا نفسكم عرسان جداد
ما تنهرا اوعك
والكلام يكون همس بالله
مافينا يا ... العشا وين ياخ ؟
كلام حنين تستاهلوا لانها صبرت كل هذه الاعوام
ياخ دى ايوب عديل
طبعا بقول ليك كده لانى ما عندى صبر حتى لكتابة مقالة ناهيك عن زواج
حولة ولاقولة زى ما كانت بتقول بتى لمن كانت صغيرة
المهم ياعمنا شهر عسل كارب
وطنشوا العيال خلوهم مع اخوانهم الكبار بافتراض انه فى بنات كبار
وادقشوا الدنيا دى
اتفسحوا وارجعوا حتلاقوا انكم بديتو من جديد
غايتو دا اقترحى فى القضية على راى عادل امام
كل سنه وكل يوم وانتو الاتنين طيبين ويخليكم لبعض يارب
| |
|
|
|
|
|
|
|
|
|
Re: اليوم الذكرى السنوية لذواجي (11يناير82-11يناير09) ...أعمل شنو ؟؟ (Re: عبدالغني كرم الله)
|
الأديب المتمرد الجميل عبد الغني كرم الله ..
شكراً يا رائع على إطلالتك البهية . وأسمح لي أن أهدي نفسي وأم فواز والأبناء الستة نتاج خلق إستمر 27 عاماً .. هذه اللوحة المقتبسة من إحدى تهويماتك الحرة :
Quote: وأبي، صار محموما بالرغبة المباركة، بالشعر، بالفناء في أنثى تحضنه بحنو، ورحمة، ولذة تتسامى، وتخضر وراء قدرة الحروف والخيال..
وجه أمي يشئ بأسارير غريبة، ..
وجه أبي ملاك، توغلا كثيرا، في نبض الكون، فلم تعد أمي أمي، ولا أبي أبي، خلجات، وانفعالات تشف عن الضوء، والوصف، إنهم في لبوس فناء، خارج مملكة الليل والنهار..
فدفق فيها ماء الحياة (بذرتي الأولى)، كائن صغير، يسعى بغريزة الحنان، لبيوضة دافئة، في رحم أمين....
خلق أبي ..
وخلقت أمي انسان،
ما أعظمها... ما أجملهما.. سطرا كينونتي، في قمة هرم اللذة..
وفي غرفة تشع بهاء، وبخورا، وحنانا..
رسما كينونتي...
في حال، وزمان، و مكان جميل..
لأنهما، في ذلك ا لوصال العجيب، استغرقا كفنان أصيل، توقفا في اللحظة الحاضرة، حقيقة، وثملا، وخرجا عن سلطان الزمان والمكان، وغرفا من نبع الروح، وردة صغيرة، تسمى (أنا... فاطنة)..
أنا وليدة لذة...
لذا صرت عمري كله أسعى لها، أرتعش ألقا، سواء في وطني الأول (رحم أمي)، أو وطني الثاني، هذا الكون المحسوس..
|
لك التحايا والود حتى تستغيث ...!!
"أبوفواز"
| |
|
|
|
|
|
|
| |
صديق عبد الجبار
jini
Zomrawi Alweli
محمد الجزولي
عمار عبدالله عبدالرحمن
اسعد الريفى
Badreldin Ahmed Musa
ismeil abbas
almulaomar
هشام المجمر
Safia Mohamed
ابراهيم عدلان
nada ali
.
مريم بنت الحسين
PLAYER
سلمى الشيخ سلامة
عبدالغني كرم الله
جعفر محي الدين
عبدالله كع
علاء الدين محمد بابكر
فيس بوك
تويتر
انستقرام
يوتيوب
بنتيريست