|
يعقوب البشير: بتكتب بي باسووردك بعد سلّفتني ليها لييه ؟؟ !!
|
بينما أتصفح المنبر اليوم *"فجعت" بمداخلة كتبها الأخ يعقوب البشير مستخدماً باسوورده التي سلفني إياها أول أمس بعد باسووردي لحقت الزينين.. حقيقة إندهشت جداً..أول مرة ألاقي زول بيستخدم حاجة بعد سلّفها للناس وعليه لو سمحت يا أخ تاني ما تشيل باسووردك و تكتب بيها و إلا ستجدني مضطرة لتغييرها!! هاهي المداخلة سبب الأزمة: Re: التقي جيل تأكل عيش بجيل الحنك البيش ... لنا مهدي التاسع من يناير 2009م *أي حوار حول الموضوع سيكون هنا، -ما في البيت- و عليه أي دفوعات داير تدافع بيها عن نفسك ملّيني ليها و أعدك(بكل أمانة)أنزلها للبورداب هنا!
|
|
|
|
|
|
|
|
Re: يعقوب البشير: بتكتب بي باسووردك بعد سلّفتني ليها لييه ؟؟ !! (Re: Marouf Sanad)
|
Quote: Quote: Quote: وعليه لو سمحت يا أخ تاني ما تشيل باسووردك و تكتب بيها و إلا ستجدني مضطرة لتغييرها!! |
يا لنا
سلام
اي حاجة تصدر من الاخ يعقوب البشير خلال الايام القادمة دي انحنا بنتهمك بيها طوالي
لا للهاكر المنزلي |
والله يا معروف أنا جيت جارية لمن قريت إسمك مداخل قلتا معروف مؤكد مؤكد مناصر لقضيتي و لمظالمي لكن لقيتك ضدي و هذا يعني إنك ضد الجندرة بإطلاقها و عليـــــــــه: حأحرش عليك الجندريات هنا! (((أصحاب آخر زمن البتغيّرو!!!!!))) لنا
| |
|
|
|
|
|
|
Re: يعقوب البشير: بتكتب بي باسووردك بعد سلّفتني ليها لييه ؟؟ !! (Re: Marouf Sanad)
|
Quote: Quote: Quote: والله يا معروف أنا جيت جارية لمن قريت إسمك مداخل قلتا معروف مؤكد مؤكد مناصر لقضيتي و لمظالمي لكن لقيتك ضدي و هذا يعني إنك ضد الجندرة بإطلاقها و عليـــــــــه: حأحرش عليك الجندريات هنا! |
يالنا خلاص انا غيرت رايي
اي مداخلات ليعقوب خلال الايام القادمة , سوف نعتبرها اشياء في نفس يعقوب |
معروف يا خوي أنا الدايمة ليك يعقوب دة بوردابي موسمي وأنا -بيني و بينك-مفكرة بعد يبتدي الشغل تاني أستولي على الباسوورد حقو نهائي بس معقول يـــــا بـــــكري في 5 سنين و نص(سنة تنطح سنة) تكون مداخلات يعقوب (626)؟؟؟!!! و200منهم حقاتي أيام ضياع باسووردي في الأسبوعين الفاتو؟؟؟!! دة حتى تعطيل للمواهب!! لنا مهدي/المالكة المستقبلية للباسوورد حق يعقوب
| |
|
|
|
|
|
|
Re: يعقوب البشير: بتكتب بي باسووردك بعد سلّفتني ليها لييه ؟؟ !! (Re: yagoub albashir)
|
Quote: بينما أتصفح المنبر اليوم *"فجعت" بمداخلة كتبها الأخ يعقوب البشير مستخدماً باسوورده التي سلفني إياها أول أمس بعد باسووردي لحقت الزينين.. حقيقة إندهشت جداً..أول مرة ألاقي زول بيستخدم حاجة بعد سلّفها للناس وعليه لو سمحت يا أخ تاني ما تشيل باسووردك و تكتب بيها و إلا ستجدني مضطرة لتغييرها!! |
من أول أمس!!! إنتِ ما سمعتِ المثل العارية ما بتدوم للعشية؟؟؟!!! أنا البغير الباصوورد بعد دا؛ ما دام بقت فيها نبيشة و كشف حال. يعقوب البشير صاحب الباصوورد الأصلي
| |
|
|
|
|
|
|
Re: يعقوب البشير: بتكتب بي باسووردك بعد سلّفتني ليها لييه ؟؟ !! (Re: تيسير عووضة)
|
Quote: Quote: Quote: وعليه لو سمحت يا أخ تاني ما تشيل باسووردك و تكتب بيها و إلا ستجدني مضطرة لتغييرها!! |
دي إسمها شحات وأليط |
تايسا يا غالية شفتي الظلم؟؟؟ أنا ما شحات لاكين أليطة و براااااهو الإتبرع و أحكي ليكي القصة حصلت كيف من أول مرة و من طقطق لي سلامو عليكم: يومتا يوم تهكير باسووردي الأول..أها هو جا من برة لقاني خاتة يديني الإتنين في راسي...مالك يا لنا مالك يا لنا..قلتا ليهو باسووردي إتهكر..وقبل ما أفتح خشمي عشان أطلب باسوورده بدون كرامتي تنجرح و البرستيج حقي يتدمر قام ردا لي :"ياخي بتكوني نسيتيهو بس"..قلتا آآخ مهمتي في حفظ البرستيج و الكرامة جد صعبة! قلتا ليهو لالالالا ما نسيتو...قام قال لي بتكوني إستعملتي حروف كابيتلز...قلتا ليهو أبداً أبداً(وأنا حاسة يا تايسا غنو المهمة بقت أصعب و أصعب)اها قام قال لي بتكون مشكلة تقنية في المنبر..قلتا ليهو أبداً أبداًً أنا سألتا صاحباتي قالو عادي.. المهم سكتتا كداااااااا و قلتا ليهو و أنا أتحاشى النظر المباشر ليهو -عشان قصة البرستيج و الكرامة-:والله بكري لو عمل لكل عضو باسوورد إسبير بيكون شي عظيم.. إتخيلي يا تايسا قال لي :إقتراح عظيم، أول ما بكري يرسل ليكي باسوورد جديد أطلبي منو دة.. المهم رديت ليهو:أنتظر لممممممممممن بكري يرسل لي باسوورد؟ قال لي رسلي ليهو إيميل بإقتراحك.. قمتا قلتا ليهو :أكيد زولة من صاحباتي حتشاركني باسووردها.. قال لي : والله صاحباتك ما بيقصرو..حقو تبدي بي تيسير! قمتا قلتا ليهو:وتيسير الفي أبو ظبي ليه؟؟؟وحسة تكون نايمة و لا برة ألم فيها كيف؟ قال لي :خلاص شوفي راوية-رجا-حنو-غادة-و وقبل ما يتم عد بقية صاحباتي يا تايساقاطعتو و قلتا ليهو:بسسسسسس وجدتها.. قال لي:وجدتي شنو؟وجدتي صاحبة تسلفك باسووردها..والله كويس ياخي.. قلتا ليهو لا لا :مش إنتا أول ما عرسنا و قبل العرس طوالي طوالي بتقول لي (نحنا في الأول أصدقاء)؟ قال لي: آي..طبعاً..لاكين مناسبة الكلام دة شنو؟! قلتا ليهو:مناسبتو إنك صاحبي و تديني باسووردك.. أها يا تايسا قام أداني باسوورده بدون أي إهدار للكرامة و تضييع للبرستيج.. (صفقة بالله)
Quote: السيدة لنا مهدي تنفذ أحلى إنقلاب على الديموقراطية |
خليك قريبة بالله و جهزي الكاتيوشا.. لنا مهدي
| |
|
|
|
|
|
|
Re: يعقوب البشير: بتكتب بي باسووردك بعد سلّفتني ليها لييه ؟؟ !! (Re: yagoub albashir)
|
Quote:
إنقلاب و ين نحنا قواتنا صاحية و واعية وأي تدخل من الحكومات الصديقة للنا سوف نواجهه بحزم يتناسب مع حجم التواطؤ |
مستمتع يا يعقوب ولنا ومنذ بدايات هذا الانقلاب والسطو المسلح علي سلطة وثروة الباصوريد قف نشد من ازرك يا يعقوب ونويد كل الاجرات التي تقومون بها ضد الانقلاب اللني الفاشي وقواتها الصديقة والثورة مستمرة والمهكر يطلع بره
| |
|
|
|
|
|
|
Re: يعقوب البشير: بتكتب بي باسووردك بعد سلّفتني ليها لييه ؟؟ !! (Re: عبدالكريم الامين احمد)
|
Quote: Quote: Quote:
إنقلاب و ين نحنا قواتنا صاحية و واعية وأي تدخل من الحكومات الصديقة للنا سوف نواجهه بحزم يتناسب مع حجم التواطؤ |
مستمتع يا يعقوب ولنا ومنذ بدايات هذا الانقلاب والسطو المسلح علي سلطة وثروة الباصوريد قف نشد من ازرك يا يعقوب ونويد كل الاجرات التي تقومون بها ضد الانقلاب اللني الفاشي وقواتها الصديقة والثورة مستمرة والمهكر يطلع بره |
الفيك إتعرفت يا كيكي!!!!!!!!!!!! أصلهم الرجال كدة..الزول ينصر أخاه ظالماً أو ظالماً..دة بدل تتعاطف معاي أنا أختك لي كم سنة و تجي تشجب و تدين التدخل السافر ليعقوب في باسوورده المسلفو لي؟؟!! والله آخر الزمن المقاييس كلها إتقلبنت!!..والمظلوم يدينو كلامو و يشجبو مواقفو! و الظالم يحملوهو على الأعناق! لنا مهدي المظلومة!
| |
|
|
|
|
|
|
Re: يعقوب البشير: بتكتب بي باسووردك بعد سلّفتني ليها لييه ؟؟ !! (Re: jini)
|
Quote: قومى قمطى الوليد ورضعيعهو ونوميهو وبطلى فصاحة! |
حتى أنتا يا جنوتس؟؟؟؟؟؟؟؟؟!!!!!!!!!! يا لفجيعتي في الأقربين!!! الوليد نايم متضامن معاي..أنا جريت سريرو جنب المكتب قلتا عشان لو إحتجتا أستعين بصديق يكون قريب..خاصة مع تساقط معروف(قبل الأوبة) و كيكي و إنتا ....ويعقوب قدر ما حاول يصحيهو باعتبار الجنس للجنس رحمة..أبى كلو كلو..ولدي أنا حبيبي..
Quote: اها اشتريتوا ليهو الكوكاب وجناح ام جكو ولا لسة! |
والله يا جني تصور يعقوب قال ما (نقولبو من أسة) لأن الدنيا ديمقراطية و كدي..لكن أنا مؤمنة بالديمقراطية الموجهة: أهل بلوليهو بقول ليهو: إن شا الله تبقى كبير و تبقى مدير..وتبقى أنصاري خطير.. في اللحظة دي برفع يدو.. معناتا دي إشارة قبول و رضا و أعتبرو خلاص إتنظم.. مش؟؟؟؟
Quote: الله يحفظ ليكم الوليد ويديمكم عليهو جنى |
ويحفظك إنتا يا جني بقلبك الطيب و روحك الحلوة و خوتك الصادقة..دمت لنا.. لنا مهدي المالكة المستقبلية لباسوورد يعقوب البشير..
| |
|
|
|
|
|
|
Re: يعقوب البشير: بتكتب بي باسووردك بعد سلّفتني ليها لييه ؟؟ !! (Re: محمد الجزولي)
|
Quote: نعلن نحن (الموهكرين) ادناه ــ
كامل تضامنا لا ينقص الحبة ...
مع ...
الوليد |
محمد أخوي الحبيب الوليد قال ليك الداير يتضامن معاهو يتضامن مع أمو
Quote: ــــ قف .. (تأمل) لنا (ليدس فيرست) و يعقوب (المنكوب) ابو جلابية وتوب .. يســـــــــــــعد أيـــــــــــــــــــامكم يارب ..
ـــــ الموهكرين اعلاه ــ |
ويسعد أيامك يا محمد الجزولي و يحقق لك مناك
Quote: ــ عُدل لإستعدال كُم الجلابية انتهى نقطة |
إتذكرتا بوست نادية مختار الحبيبة الغالية ---------------- النصر لنا (لنا مهدي)
| |
|
|
|
|
|
|
Re: يعقوب البشير: بتكتب بي باسووردك بعد سلّفتني ليها لييه ؟؟ !! (Re: Hawari Nimir)
|
Quote: سلام وتقدير... (لنا ويعقوب).... ياخي ده اجمل انقلاب,,,, وارق بيان ... ياريت كل الانقلابات زي دي.... .. . ياخي انتو ناس جميلين بشكل.... ربنا يديم(الانقلاب)...عفوا....قصدي(تغير الباسوورد) ربنايزيدسعادتكم اخوكم\هواري |
أخونا الحبيب هواري ويديمك أنت لنا و لكل من تحب ويسعد أيامك كل سنة و أنت بألف خير (يعقوب و لنا في حالة هدنة مؤقتة منتظرين قرار مجلس الأمن تايسا عووضة)
| |
|
|
|
|
|
|
Re: يعقوب البشير: بتكتب بي باسووردك بعد سلّفتني ليها لييه ؟؟ !! (Re: yagoub albashir)
|
Quote: الجنرال جاكوب مشي يصلي؟
طيب خليهو يخم ويصر أهو دا إستلمنا السلطة تاني
عشان كده قلنا فصل (الدين) عن (الدولة)
تيسير عووضة/ قائد فيالق القوات الصديقة |
طبعاً نحن صلينا صلاة الخوف لذلك جزء من قواتنا كانت تحمل اسلحتها و هي حذرة لذلك تصدت لفيلق العلمانيين بقيادة تيسير عووضة و دحرناهم بعونٍ من الله و استلمنا كل المواقع الإستراتيجية سنوافيكم ببيان تفصيلي عما يدور في الميدان و نطمئن القوات الصديقة لنا أن الموقف مطمئن صاحب الباصوورد الأصلي أبو الوليد
| |
|
|
|
|
|
|
Re: يعقوب البشير: بتكتب بي باسووردك بعد سلّفتني ليها لييه ؟؟ !! (Re: Abureesh)
|
Quote: الحل العاجل هو الإتفاق على تجميـد الباصـوورد، بحيث لا يغيره يعقوب ولا لنا، وكل واحد يحافظ على الأرض التى يستولى عليها. |
الحبيب أبو الريش أنا عملت بنصيحتك و حافظت على الأرض التي استوليت عليها و هي الباصوورد بالكامل؛ لنا تشوف ليها حل آخر؛ ممكن نقبل تتفاوضون؛ لكن على أسس جديدة ممكن بناءً عليها نبني باصوورد((جديد)) و نتخلى عن الباصوورد ((القديم)). تحياتي أبو الوليد.
| |
|
|
|
|
|
|
Re: يعقوب البشير: بتكتب بي باسووردك بعد سلّفتني ليها لييه ؟؟ !! (Re: الطاهر ساتي)
|
الحبيب الطاهر ساتي سلام Quote: ابو وليد ليهو حق ينفرد بالباسوورد من ما لقيت فى اسمو البشير عرفت انو بيحب الانقلاب الداخلى .. لكن يا لنا انتى برضو غلطى غلطة الشيخ .. ماكان تفكى ليهو الشفرة كلها .. |
غلطة الشاطر ب 1000% الشيخ أصبح خارج السلطة و الشيخة أصبحت خارج المنبر
Quote: ربنا يسعدكم اكتر واكتر وعامكم الجديد سعيد يارب |
ربنا يسعدك إنت كمان و يخلي ليك من تحب و كل سنة و إنت وهم بألف بخير. أبو الوليد
| |
|
|
|
|
|
|
Re: يعقوب البشير: بتكتب بي باسووردك بعد سلّفتني ليها لييه ؟؟ !! (Re: yagoub albashir)
|
Quote: من ما لقيت فى اسمو البشير عرفت انو بيحب الانقلاب الداخلى .. |
CONFESSED Illegal password dealings and UNPRECEDENTED man's (Ya3gob and Bakri) tolerance!!!X WE need a password for LANA now Ya Bakri Sweeeeeeeeeeeet post Sweeeeeeeeter family
Sine we all are expecting too Ya Lana, do yo think The Queen-Wives will confiscate our passwords?X May be, just to show some solidarity and nothing more, I have to loudly shout...X Down down with the GENDER disguised BABY supported FEMININE hegemony
| |
|
|
|
|
|
|
Re: يعقوب البشير: بتكتب بي باسووردك بعد سلّفتني ليها لييه ؟؟ !! (Re: yagoub albashir)
|
Quote: مستمتع يا يعقوب ولنا ومنذ بدايات هذا الانقلاب والسطو المسلح علي سلطة وثروة الباصوريد قف |
الأخ الحبيب عبد الكريم الأمين سلام السطو كان على السلطة فقط؛ الثروة في مأمن،المهم الآن سيطرنا على الواقع الاستراتيجية بالكامل؛ إلا قليل من المواقع خارج أسوار المدينة؛ يتحصن بها الإنقلابيون و يتلقون امدادات من واحدة من دول الجوار التي هي في الأصل صديقة للإنقلابيين؛ نشكركم على مساندتكم القوية؛ و ربنا لا يريكم الإنقلابات الداخلية. صاحب البصوورد الأصلي أبو الوليد
| |
|
|
|
|
|
|
Re: يعقوب البشير: بتكتب بي باسووردك بعد سلّفتني ليها لييه ؟؟ !! (Re: متوكل بحر)
|
Quote: يومتا يوم تهكير باسووردي الأول..أها هو جا من برة لقاني خاتة يديني الإتنين في راسي...مالك يا لنا مالك يا لنا..قلتا ليهو باسووردي إتهكر..وقبل ما أفتح خشمي عشان أطلب باسوورده بدون كرامتي تنجرح و البرستيج حقي يتدمر قام ردا لي :"ياخي بتكوني نسيتيهو بس"..قلتا آآخ مهمتي في حفظ البرستيج و الكرامة جد صعبة! قلتا ليهو لالالالا ما نسيتو...قام قال لي بتكوني إستعملتي حروف كابيتلز...قلتا ليهو أبداً أبداً(وأنا حاسة يا تايسا غنو المهمة بقت أصعب و أصعب)اها قام قال لي بتكون مشكلة تقنية في المنبر..قلتا ليهو أبداً أبداًً أنا سألتا صاحباتي قالو عادي.. المهم سكتتا كداااااااا و قلتا ليهو و أنا أتحاشى النظر المباشر ليهو -عشان قصة البرستيج و الكرامة-:والله بكري لو عمل لكل عضو باسوورد إسبير بيكون شي عظيم.. إتخيلي يا تايسا قال لي :إقتراح عظيم، أول ما بكري يرسل ليكي باسوورد جديد أطلبي منو دة.. |
والله بهعد الغتاتة دي كلها ليكـ حق يا ام الوليد انا لو منكـ بغير الباسوورد و اخليهو يرجي بكري
| |
|
|
|
|
|
|
Re: يعقوب البشير: بتكتب بي باسووردك بعد سلّفتني ليها لييه ؟؟ !! (Re: خدر)
|
الحبيبة .. لنا كلنا .. مبروك الولد وابوهو . عليك اولا بتامين القيادة العامة ومن ثم المعابر والجسور الفى الخرتوم فى الخرتوم وال فى امدرمان فى امدرمان .. اما الاذاعة خليها فى اخر اولوياتك وارجو ان تحرصى على ابعاد المايك من السيد الامام . عشان نفسياتنا وكدا وقومى على الفور بتسليم كل اللستة ،، واخيرا افتحى الجهاد الى غزة ! انت قايله الحكم دا صعب ؟؟ النسونة ملحوقة دا اسمو سيك سيك معلق فيك .. وخلى عاليا لافتة الشكك ممنوع والزعل مرفوووووع .
| |
|
|
|
|
|
|
Re: يعقوب البشير: بتكتب بي باسووردك بعد سلّفتني ليها لييه ؟؟ !! (Re: yagoub albashir)
|
Quote: المداخلة من فائزة موسي المنقلبة علي شمس الدين تضامنا مع انقلاب لنا
...... لنا عليك الله رسلي لي ايميلك علي fairooz3athotmail.com |
الأخت فائزة المنقلبة على شمس الدين سلام عطلنا كل سبل الاتصال بالعالم الخارجي كما قمنا بإغلاق المطار الرئيسي بالعاصمة و المطارات الأخرى بالأقاليم، و بعد سحق التمرد الداخلي عندنا سوف نرسل قوات لدعم الحبيب شمس الدين. حتى الآن نحن مسيطرون على الوضع بالكامل؛و لم تشارك القوات المتمردة باطلاق نار منذ ظهر اليوم؛ مما يؤكد إننا حطمنا مقدرتها القتالية؛ و كذلك اسكتنا نيران القوات الصديقة لها. صاحب الباصوورد الأصلي أبو الوليد .
| |
|
|
|
|
|
|
هيييييييييييييييع النصر لنا (Re: yagoub albashir)
|
ارى العديق يعقوب يتحدث عن نصر و استلام مواقع استراتيجية مستغلاً غيبتي منذ ظهيرة الأمس جراء جيوب أنفية ألمت بي من وقع حوافر الجياد و الغبار على أرض المعركة فلما كان اليوم الجمعة فلم اجد طبيب فاتح فحمت على عدد من العطارين جبت ليْ كمون اسود و أتيت ليلاً لقيت المنبر قفل..!!@@ جيت صباح الرحمن لأجد ادعاء أن كل شي تمام! فاجتمعت مع اللواء أركان حرب تايسا لنقاش الاستحكامات الحالية زهاء الساعات الثلاث سأعود لكل المنتصرين للقضية الوطنية من المناصرين لموقفي و المعضدين للانتصار المؤزر و على رأسهم الغالية الحبيبة دينا لنا مهدي المالكة المستقبلية لباسوورد يعقوب
| |
|
|
|
|
|
|
Re: هيييييييييييييييع النصر لنا (Re: lana mahdi)
|
والله يا جماعة الحكاية دي كلها نحن بهمنا فيها الوليد نتمنى أن يكون خرج سليما من الاضطرابات الأمنية الحاصلة دي لأنه طبعا الإنقلابات دي أصلا بيتضرروا منها المشاهدين والمشاهدين فقـــــــــــط
أنا أتضامن مع الوليد وبس
وبي كده نكون اتخارجنا من حكاية خونة وطابور خامس وما شاكل الغبراء وداحس
| |
|
|
|
|
|
|
|