|
|
|
 Re: لا تعتذر عما فعلت ! في شأن البسيمات !!! (Re: خضر حسين خليل)
|
وتر الكمنجات أترخي
وسكب الاغاني علي الارض
وليل المغنين أنهزم
وياداك صباح المشتهين
مشرور علي قيف الامل
والنيل موهط في الجبين
لا أتبل شوقنا من الهتاف
لا رجعن قوافل الكلمة
لي هادي الدروب !!
ثم : إنو
الله في ياخ
ـــــــــــ
أقول قولي هذا وإستغفر الله العظيم لي ولكم و( لها) وهي
تقايض الابتسامة بالرغيف وبالطحين وزيف الأمسيات!!
إنا لله
| |
 
|
|
|
|
|
|
|
|
Re: لا تعتذر عما فعلت ! في شأن البسيمات !!! (Re: هند محمد)
|
ثم السلام عليك ياهند
سعيد بحضورك أنا للغاية ! أهو نحاول يا صديقتي أن
نواصل علنا إستطعنا ياهند !
موش يمكن !!؟
هكذا كانت البنت في سودان النساء الحالمات الجميلات
حد الدهشة ثم غابت ويا للأسف في ذات خرطوم الهزيمة!!!
القومة ليكي ياهند !
| |
|
|
|
|
|
|
|
|
|
Re: لا تعتذر عما فعلت ! في شأن البسيمات !!! (Re: محمد سنى دفع الله)
|
اتذكر حين كنا صغار
يلمونا علي حوش كبير ونحن اصغر ناس
كانت الدنيا مشروعة للهجرة
فهاجرنا حين كبرنا
ولا زلنا كغيرنا من غرب البلاد(نكسي الكعبة) ونحن شماله مهاجرون في نص البلد او خارجه(جمعياتنا لها رسالة..ووصلت)
ولا زلنا نجوب في هذا الوطن ولم نجد الهدف
وبعضنا لا يعلم
وبعضنا يعلم تماما
_
يا ابن خالتي نوووم و بس
| |
|
|
|
|
|
|
|
|
|
Re: لا تعتذر عما فعلت ! في شأن البسيمات !!! (Re: GamarBoBa)
|
Quote: ولا زلنا كغيرنا من غرب البلاد(نكسي الكعبة) ونحن شماله مهاجرون في نص البلد او خارجه(جمعياتنا لها رسالة..ووصلت)
ولا زلنا نجوب في هذا الوطن ولم نجد الهدف |
تذكرت وأنا أقرأ أعلاه يا موسي الاتي نصه
مازال أبو سفيان
بلحيته الصفراء
يؤلب بإسم اللات
العصبيات القبلية
فشكراً لمظفر النواب ! هذا الرجل يطمئنني دوماً أن الدنيا لازالت بخير
تماماً كما الدوش وسع الرب مرقده !! هي يا سعاد !
آه من وطن يلملم جرحنا
لنعيث في الأرض النعيم
أمشي الآن بذاكرة ماضوية لا تجيد سوي نحت الذاكرة والعودة لحيث
المدرسة ، البستلة، حصة الفطور ، يوم النتائج !
ياخ بعد كلامك دة كلو من وين يجيني النوم
| |
|
|
|
|
|
|
|
|
|
Re: لا تعتذر عما فعلت ! في شأن البسيمات !!! (Re: محمد سنى دفع الله)
|
السني
تحياتي يافنان
سعيد كما تعلم بحضورك ! هي مجرد ذكريات أيام مشيتها يا السني
هي الآن تمشيني ! تمشيني بتفاصيلها الدقيقة ! تذكرني بأشياء
ما كنتني أحس بها وأنا سائر يومها ! هل الحياة هكذا يا صاحبي
خطوات تمشيها ومن ثم تأتي الخطواط لتمشيك وأنت ممدد في غربة
عرضها السموات والأرض ! سنكتب ياصاحبي في الحياة!
سنكتب !
ــــــــــــ
معركتي لم تكن وهمية يا السني لكنها تصاريف البورد!
لك المحبة والأمنيات المن زمان !!
| |
|
|
|
|
|
|
|
|
|
Re: لا تعتذر عما فعلت ! في شأن البسيمات !!! (Re: خضر حسين خليل)
|
قمر بوبا
يا بن الذين أحبهم !!
إتفضل جاي أعملك
شاي
دي القعدة معاك
بتساوي سنين
يقيني أنني حاولت ! لكن هذا وطن أشد بأساً من وطني !
لذا دعنا يا صاحبي فلربما يأتي وقت آخر نتدبر فيه
أمر الوطنين !! ربما ياقمر
تذكرني دوماً ببستلة الفطور إن كنت تذكر ياصاحبي
ونحن نتجه في شتاء ما بعده شتاء نواحي مدرستنا التي نحب!
كرة السلة (وياللمفارقة فقد حولناها لكرة قدم ولكأن لم يكن)
متذكر ياموسي!!
الله يعل الكان سبب
| |
|
|
|
|
|
|
|
|
|
Re: لا تعتذر عما فعلت ! في شأن البسيمات !!! (Re: محمد سنى دفع الله)
|
عارف يا السني !
وجودك هنا مرةً أخري أعاد لي كثير أشياء وآراء كدت أن أفقدها
وسط هذه الأجواء المعبأة بالتناقضات !!
عارف يا السني !! المعركة دخلتها وأنا أكثر قناعة بأجواء نضيفة
علي قول صاحبنا في البلاد السليبة عماد عبدالله نافخ الجمال هنا!
كنت علي ثقة إنني أخسر الكثير لكنني كنت علي ثقة أنني سأكسب
علي الأقل إحترامي للمكان!! هذه السودانيز بقعة مباركة لكنهم يحاولون
مدها بكثير سموم يا صاحبي في الحياة !!
وما عليناموش !
نحن الفي ايدنا
القدرة عدالة العوج
كم جانا سيل
والدنيا ليل
صرفنا والفجر انبلج
الله الله علي هيك قناعات يا صاح !! سنهزمهم بوجودنا لا أكثر يا السني
أقسم بذلك !! فأنفض غبار المحنة ياصاحبي وتعال وأكتبنا
أو تعال وأكتبني أو تعال فوجودك مطمن للغاية!
خليك قريب أبوي
ـــــــــــ
جاييك بي غادي
والشكر كل الشكر لدعوتك يا صاح
| |
|
|
|
|
|
|
|
|
|
Re: لا تعتذر عما فعلت ! في شأن البسيمات !!! (Re: حامد محمد حامد)
|
خضر
حدثتها عن كون النيل لا يأتي من الهضبة الأثيوبية بل هو نتاج طبيعي لإحتفال الأرض بخطاها ،
حدثتها إن (الدميرة) ليست لها أدني صلةٍ تذكر بقوانين المد والجزر بل فعل تابع لحركة صدرها العامر بالحكايات ،
حدثتها وكلي ثقة بأن الجاذبية لا علاقة لها بالفيزياء وأن قصة التفاحة ما هي إلا مزحة يحاول مدرسو الحكومة أن يحشو بها رؤوسنا ذلك لأن الجاذبية ببساطة ذاك الخيط الفاصل بين خصرها وما تبقي من علياء جسدها الأسطوري
مجنون إنت ياخي
النيل و الدميرة و الجاذبية ...
أراك كتفاحة نيوتن ... تسقط في النيل عز الدميرة و لا تغرق ... بسبب جاذبية هذا الجنون ..
حفظك الله
| |
|
|
|
|
|
|
|
|
|
Re: لا تعتذر عما فعلت ! في شأن البسيمات !!! (Re: ابو جهينة)
|
اوعك تعتذر عما فعلت ..كان لابد انك تهابش جوانا بكتابات تذكرنا what we did last summer
| Quote: يبكيني الحال المائل والأنثي التي تذهب دونما وداع |
وانثاي مثلهم ايضا ذهبت دونما وداع هي عارفة انو حاجاتنا ما تمت عشان تبقي حنين تتلوه جمل الرحمة والمغفرة ...
بيقولو انها مشت حتة احسن طيب هل هذا يبرر عدم الوداع؟؟؟
عموما لازلت انتظر مجيئها في ليلة القدر او ليلة ميلاد او يوم الوقفة لأقول ليها الحل شنو؟؟؟
| |
|
|
|
|
|
|
|
|
|
Re: لا تعتذر عما فعلت ! في شأن البسيمات !!! (Re: ريهان الريح الشاذلي)
|
الأخر المشرق ..
اصبحنا في ازمان النُدرة ، الندرة من كل شئ حتى الرخيص منها ، والتافه ، كيف ؟ .. مثالا زمان كانت الخلافات والمشاكل لها شرف
متعارف علية وكان الناس تصل ماتصل من الخلافات، لكن في حذر ان لا تتخطى الخطوط الحُمر في الخصام ــ سبحان الله حتى الخصام له خطوط حمراء لايستجوب عليك تخطيها ـ اين هذا النوع من الخصامات الأن ؟!! ندر موش ؟ .. وهذه من ابسط الامثلة ..
واذا عرجت على العكسيات ، امثال الخير والجمال و ...... مشهيات الحياة ، فهذه اصبحت في العدم إلا من القليل القليل ولا أُبالغ
اذا اتممتهم ثلاثة (غلظ) من القِلة .. وهذا يجعل مهمة الباحثين عن هذه القِلة في تعثر ومجاهدة ..
وسرعان ما يزوب كل هذا التعب بمجرد الحصول على (ََضالتك) فتزوب فيها انت (نشوة ومتعة) وتصبح رصيد(تكنكش) فيه حتى تعثر على الأخرى ..
.
.
فهنا لنا رصيد .. لن نحيد عن ( كنكشتنا) عنه ..
متعك الله بالصحة يابديع ..
وواصل برمي الجمال ..
يعني طقع ساكت ..
ــ
وشكلنا كده لنا ونسة كتيرة في (معلمين الحياة) الذين لايتغاضون الأجور المادية ..
| |
|
|
|
|
|
|
|
|
|
Re: لا تعتذر عما فعلت ! في شأن البسيمات !!! (Re: محمد الجزولي)
|
ود الجزولي !!
ياصاحب
كربك كرب !! يا الله هوي دة وكت مطر!!
طبعاً إنت واحد من الناس الشافو أي حاجة والاحتجو علي أي حاجة
وفي النهاية زيك زي وزي غيرنا وزي (خدر) اللساه بحلم
الما حيسووا أي حاجة!! آمنت بقدرة الجهل يا صاحبي !
صحي السوق كعب يا محمد ياجزولي !!!
قيل يا محمد
أن رجلاً من أقصي الريف جاء يسعي نواحي البندر
أها وداك يا (الخلال) والرادي الترانزستور
والدمورية الما كضب !! وهاك يا خراتيم
جاك بلا !!!
لمو ليك فيهو إتنين (شرامة) شهوه العافية
حتي خلالو ما لمي فيهو!!!
تعلم صاحبنا يومها درساً مفيداً خلاصته
إنو كلما إتجهت نحو البنادر(الحضارة والتمدن)
قلت الاخلاق والمروءة يا أبو مروة !!!
وقس علي ذلك بحاصل الحاصل
أخلاق مافي يا قريبي !! فجور في الخصومة
ولا خصومة في الفجور لست أدري ! المهم هوذا ما يحدث
شرامة الاسافير لا يقلون خطورة عن سالبي قروينا ذاك
الذي أتاهم ضيفاً !! هؤلاء تمترسو وتمرسو علي ساقط قول
لنا به قبل !! لكن أخلاقنا دي يا قريبي عاد نوديها وين!!؟
إتذكرت كلامك لي إنو في ناس لاعبين بالبورد
وناس لاعبابا الا...... (مريكان) !!
غايتو بس ربو يسهل
ــــــــــــــ
حول معلمي الحياة
سألتك بالله النبداها ياخ !!!
سلمت ياود الجزولي
| |
|
|
|
|
|
|
|
|
|
Re: لا تعتذر عما فعلت ! في شأن البسيمات !!! (Re: ريهان الريح الشاذلي)
|
ريهان
ياصاحبة في الزمن العنيد!!
حتجي ياريهان !! سوف تأتي يقيني أنها ستأتي
قرأت منذ قليل في صفحة من صفحات رواية جميلة
للكاتب صنع الله ابراهيم مقولة عجيبة!!! يقول في ما معناه
(أن لاشئ يأتي بعد أن يأتي الأخير)
إذن فالجية حتمية يا ريهان
فحتي الاخير يأتي فما بالك باللذين ننتظرهم علي جمر اللقاء!!!
ياخ أنا سعيد وممتلئ بك يا شابة
ـــــــــــ
سوينا مؤتمرنا
والعاقبة عندكم في المسرات
أو والعاشق عقبالو
أو كما قال!!!
سلمت ريهان
| |
|
|
|
|
|
|
|
|
|
Re: لا تعتذر عما فعلت ! في شأن البسيمات !!! (Re: ابو جهينة)
|
ويسعدني للغاية
أن تكون هنا أيها المك العزيز أبو جهينة!!
عارف مرات كتيرة يا أبو جهينة بقعد إتذكر في أيامنا الراحت
حق الله بق الله !! قمر بوبا الجا بي جاي هو برضو جزء لا يتجزأ
من ذكريات البلاد القريبة من الروح ديك!! أهو قمنا ووقعنا
شقينا وعرقنا وتعبنا وفي الآخر ياهو النيل واقف متحدي!!
عجيب أمر النيل يا أبو جهينة!!
حقاً يستحق الغناء !! غناء الربابة والصفقة والجابودي
والشبال !! ياخ خليك قريب وجدع معاي سيرة البحر!!
يمكن نلقالنا قيف!!
يمكن يا مك!!
لك التحايا ياعزيز
| |
|
|
|
|
|
|
|
|
|
Re: لا تعتذر عما فعلت ! في شأن البسيمات !!! (Re: خضر حسين خليل)
|
يا خضر
أما بعد ...
فيما يخص محمود درويش فدا ياصديقي عالم براهو ...
مرات كتيرة لما باقرا للزول دا باستغرب في المقدرة غير المحدودة في استخدام العدد المحدود دا من حروف اللغة في توليد الصور
والمعاني البديعة دي !
بالنسبة لي يا خضر كان درويش بيمثل هو وعرفات صورة فلسطين في الذاكرة بتاعتي .
حقو يوم ياخي نفتح لينا بوست عن الموضوع دا ... عن درويش وتأثيرو علينا وعن ارتباط فلسطين في ذاكرتنا بالاناشيد القديمة ابتداء من
انا نازح داري هناك وكرمتي والمنتدي وليس انتهاء بالغريب الذي يشرب الشاي في بيتنا!
ياخضر انت زول كتاب وبتعرف من اين تؤكل الحروف ...
وكان بتسمع كلامي الكتابة الحتة حتة دي بتستهلكك وعلي المدي الطويل ما عندها مردود يذكر ...
وفي مكان زي سودانيزاونلاين دا بعد شوية بتضيع تحت سنابك لاعبين الكورة وشعب التضامن دا ،
اها يازول انا رأيي انك تستفيد من المنفي الاختياري الانت فيهو دي وعزلة الروح دي في انك تطلع - وما باقول تكتب - النصوص المخزنة
جواك .
كلامي دا يا عزيزي لا ينم عن اي روح ابوية او استعلائية او حتي توجيهية .
الكتابة دي عندها حق عليك ومافي حاجة بتجي بالساهل .
ثم : ليلة هانئة يا صديقي .
.
| |
|
|
|
|
|
|
|
|
|
Re: لا تعتذر عما فعلت ! في شأن البسيمات !!! (Re: الوليد محمد الامين)
|
عارف يا الوليد
أمس وأنا بتونس مع واحد من أصحابي قال لي كلام سمح عن درويش
إتذكرنا سوا أمسية شعرية جانا فيها درويش وجمل ليل الخرطوم
بمفيد الكلام !!! قهوة أمي وريتا وعيون البندقية ولا تعتذر
عما فعلت وكلام كتير !! درويش حالة عجيبة مرت لاسفي علي عجل
يوم مات درويش كتبت كلام حأحاول أجيبو هنا !! ماعارف
حألم فيهو كيف لكن بجيبو ليك ياصاحب !! وتعال
نكتب سوا عن درويش وعن سميح وعن النواب وعن كثيرين أثرو وجدانا
بكل ماهو جميل بالرغم من انهم ما من نفس ثقافتنا السودانية
لكن كما قال مظفر !!
للثوار وجه واحد في روحي
أما الكتابة فربما حأبشرك عما قريب !! وسودانيز دي ياصاحب
خلينا نكتب فيها قدر قدرتنا وقدر ماجينا بي جاي نرمي طوبتنا
ونمش !!!
لك الشكر والامنيات المن زمان ياصاحبي
| |
|
|
|
|
|
|
|
|
|
Re: لا تعتذر عما فعلت ! في شأن البسيمات !!! (Re: خضر حسين خليل)
|
هاهو درويشك ياخضر.
درويش: كما غنته الاحزان
(1)
كلما ضاق صدري أيقنت أن كارثة ما في الطريق …. جلست أنتظر وما القادم يا مولاي ملل هو الإنتظار مميت ذاك الطعم غير أني لا أملك سواهـ .
ذات أمسية من أمسيات الخرطوم فاجأنا درويش كثورةٍ شعرية تريد رفع الظلم لا عن كاهل الفلسطينيين بل عن كاهل الانسانية ويومها كنا نحن الشعب السوداني جزء من الانسانية التي تبحث عن انسانيتها التي ضاعت بين ليلة وضحاها .ولأن كان الشاعر قلب أمته فدرويش كان قلباً للإنسانية في أعظم وأنضر تجليها .
قطعت وصديقي (حكيم) المسافة مابين (أتني) حتي قاعة الشارقة في ذاك المساء الخرطومي البهي سيراً علي الأقدام كان (حكيم) يقرأ علي مسامعي ما تيسر من خبز درويش وقهوة أمه وريتا والبندقية بعض أشعار يلقيها (حكيم) بطريقة تجعلك أسير المفردة وأسير الحرف وأسير الصور التي تمر من أمامك بذات إنسياببية حركة الحافلات التي تحمل هموم المواطنين السودانيين من خرطوم الهزيمة الي حيث منازلهم هنا وهناك .
(حكيم) يقول أنه سيهدي درويش في مساؤنا المرتقب قميصه الذي يرتديه إذ لا يملك ما يهديه لذلك الدرويش الذي تعلق به منذ أن عرف للثورة معني سوي ذلك القميص الذي لطالما إرتداه في شوارع الخرطوم وهو يقوم بجولاته المكوكية من أقصاها الي اقصاها بحثاً عن وطن … حبيبة … كتاب …. حق مواصلات …. حق تمباك … حق جريدة
(2)
قاعة الشارقة إمتلأت بجموع الناس شباب سودانيين وشابات واعدات خرجن لاستقبال شاعر المقاومة الفلسطينية بل شاعر الثورة محمود درويش في إحتفال بهيج ضمن فعاليات مركز الدراسات السودانية بالإحتفاء باليوبيل الذهبي لاستقلال البلاد . أي والله هكذا إحتفلنا باستقلالنا والبلاد ترزح تحت وطأة مستعمر جديد فأي قوم نحن ؟
غير أن الداخل للقاعة يلفت إنتباهه أول دخوله ذلك الملصق الكبير الذي وضع بعناية كخلفية لتقول فيما تقول (أهرب يا صديقي فإن الماضي يطاردك) وقد كان .
جاء درويش أنيقاً بسيطاً جميلاً كعادته إلتهبت أكف الناس تصفيقاً وإمتلأت عيون الشعب بالدموع وأنا بكيت حال الناس و(حكيم) لم أجد له أثراً إذ تسرب هكذا .
درويش يقرأ بصوتٍ منقطع النظير ويشكر بين الفينة والأخري أخلاق شعبي درويش يقرأ بطريقة تدخلك في تفاصيل التفاصيل تتزكر وأنت برفقته كلما يمكنك ان تتزكر صوت الناي … حمامات السلام …. دموع الامهات …. عسف السلطة …. فنجان قهوة إحتسيتها في قارعة الطريق ….. حبيبتك … أصدقائك …. شهداء ماتو وآخرون في الطريق أحلام التغيير …. العدالة الاجتماعية …. صوت الناس …. العمال …. والفلاحين . أحلام وأحلام وأحلام .
(3)
جالس كعادتي وصدري يضيق ساعة فساعة الآن أقرأ خبر عاجل ورد علي طريقة الاثارة يقول فيما يقول : طبيب الشاعر درويش يؤكد(أن الشاعر يمر بمرحلة حرجة إثر عملية جراحية فاشلة في قلبه) . سبحان الله قلب كذاك يشق ؟
هو درويش الذي لطالما هربنا بكلماته لمواجهة الموت فكيف لنا أن نهرب الآن من هذا الحصار حالة أن يحاصرك الموت في رجل هزم الموت بالكلمات رجل أفني جل العمر بحثاً عن وطن وحبيبة وحال مستعدل .
عالجت الموقف بقراءته …. ديوان شعر أهدنيه صديق وأنا أهم بالخروج من ذاكرة الشوارع يوم عز فيه ميلاد القصيد في تلك الأجواء الماطرة بالأحزان نفدت بجلدي خرجت ولعنت رائحة الدماء كثيراً …. قال لي صاحبي : خذه عله يقنعك ذات يوم أن تعود !!! كان حالماً هذا الصاحب حالماً كدرويش الذي رحل قبل أن يحصد بنفسج الثورة الذي زرعه بإقتدار في قلوب الثوار .
(4)
يقول أحد الذين رافقوهـ حتي الرحيل أن وصيته كانت أن ينزعو عنه أجهزة التنفس حالما حدثت مضاعفات تناقشنا في ذلك الامر كثيراً وفي الاخير رأينا أن ننفذ وصيته وقد كان فأي شجاعة تلك وأي زهد في الحياة وأي وطن بعدك ايها الرجل الوطن !!؟
قالت لا أحد
سأعبئ إسمك شهوةً
جسدي
يلمك من جهاتك كلها
جسدي
يضمك من جهاتك كلها
لتكون شيئاً ما
ونمضي باحثين عن الحياة
فقال (لا شئ)
الحياة جميلة معك ….
الحياة جميلة
معك
(درويش)
الآن لن نبكي لكن علينا أن نفكر في طريقة جديدة نهزم بها الموت أو فلنتحفي به طالما لم يكن لدينا خيار سواهـ
شكرا لك يا خضر بمثل كتاباتك هذه تنعش فيناروح الحياة.
شكرا صديق الروح والحرف والزمن الصعب.
| |
|
|
|
|
|
|
|
|
|
Re: لا تعتذر عما فعلت ! في شأن البسيمات !!! (Re: حنين للبلد)
|
حنين
(تشبهي العيد في بلدنا)
كيفنك ياجميلة
ماعارف أقول ليكي شنو!!! لكن وجودك هنا
يعني ببساطة إنو الدنيا لازالت بخير!!
شاكر حضورك هنا!! وشاكر أكثر لجلبك درويش
القومة ليكي يا بت ياجدعة !!!
ــــــــــــــ
ماسنجري من أمس
عليهو العوض ومنو
العوض آريتو يتصلح!!
| |
|
|
|
|
|
|
|
|
|
Re: لا تعتذر عما فعلت ! في شأن البسيمات !!! (Re: حنين للبلد)
|
حنين
(تشبهي العيد في بلدنا)
كيفنك ياجميلة
ماعارف أقول ليكي شنو!!! لكن وجودك هنا
يعني ببساطة إنو الدنيا لازالت بخير!!
شاكر حضورك هنا!! وشاكر أكثر لجلبك درويش
القومة ليكي يا بت ياجدعة !!!
ــــــــــــــ
ماسنجري من أمس
عليهو العوض ومنو
العوض آريتو يتصلح!!
| |
|
|
|
|
|
|
|
|
|
Re: لا تعتذر عما فعلت ! في شأن البسيمات !!! (Re: خضر حسين خليل)
|
تحتضن ( صفيحة ) الماء الفارغة ..
تنقر عليها محدثة إيقاعاً يتماشى مع دندنتها و خطواتها الوئيدة نحو النهر ..
ترقد إحدى ( مسايرها ) مرتاحةً على كتفها الأيسر.. في عناد خصلاتِ مهرةٍ لم تُرَوَّض..
بينما ( المسيرة ) الأخرى تتأرجح في عفوية و كأنها تلاعب النسمة الصباحية الباكرة
( طرحتها ) الحمراء المزركشة تُضْفي على وجهها الطفولي براءة و عفة ..
تقف على طرف ( القيف ) تلقي على صفحة النهر الخالد تحية الصباح اليومية ..
التيار و كأنه قد أبطأ من إندفاعه الأزلي ليتلقى تحيتها ..
تتكسر بعض الموجات عند منتصف النهر .. و ترسل زخات من الأمواج لترتطم عند حافة القيف ليطالها رذاذ بارد ينعش وجهها ..
***
خضر
دي تداعيات بفعل البسيمات أعلاه ...
كتبتها و أنا أرنو إلى النيل من جهة ( حلتكم ) نحو تلك الجزر التي تطل كأسنمة النياق ..
ثم عدلتُ بعضها و أنا أتذكر ( حسين ألالا ) الغائب الحاضر و هو يترنم على ظهر ( بيلق ) علي سليم ..
ثم ...
برجع ليك اني
| |
|
|
|
|
|
|
|
|
|
Re: لا تعتذر عما فعلت ! في شأن البسيمات !!! (Re: ابو جهينة)
|
عزيزي أبو جهينة
تحياتي لك مرةً أخري
سرحت مع إفتتاحيتك البديعة واتمني ان تواصل في هذا النص
كونه مليئ للغاية بصور ومشاهد لطالما مررنا بها !!
الصفيحة والبنت أم مساير والطرحة المزركشة لكأنني أعرفها
بالإسم بخطاها وهي ذاهبة الي النهر !! موجع انت ياصديقي
الجميل !! موجع للغاية !!
ثم جولتك وصوت الالا يأتي من (البيلق) يا الله (شوقرن كنتين)
دي مشاعر جميلة ومليئة في نفس الوقت بتفاصيل سمحة
والله لكأنني الان في انتظار البيلق ! لكأنني ياجلال !!
واصل رجاءاً فالسكة أبعد من مشيك!!
| |
|
|
|
|
|
|
|
|
|
Re: لا تعتذر عما فعلت ! في شأن البسيمات !!! (Re: خضر حسين خليل)
|
صديقي اللدود
متخم بك تماما وبهذا النص
وساخرج من وستصاحبني هذي
التخمه لحين تجديد منك
يذهب بها وتحملني بتخمة أخرى لا تنتهي ..
_______________________________________
اراهن بكتاباتك التي استوعبها
واراهن بك ايها البهي فقط لو انصرفت لشأنك وتركت في اصلاح الآخر
بمباشرتك الفاضحه تلك.
| |
|
|
|
|
|
|
|
|
|
Re: لا تعتذر عما فعلت ! في شأن البسيمات !!! (Re: فيصل عباس)
|
صديقي
فيصل عباس
تحياتي الصباحية
ثق يا صاحبي إنني إنصرفت !! طبعاً منصرف وفي البال
حكمة سعد زغلول ! بأن :
مافيش فايدة !!
للأمانة يا صاحبي إقتنعت بحكمة سعد أخيراً
فلنبحث إذن عن ما يفيدنا
ـــــــــــــ
جيتك بالدنيا يا فيصل
وجاييك في الحوائط
| |
|
|
|
|
|
|
|
|
|
Re: لا تعتذر عما فعلت ! في شأن البسيمات !!! (Re: طارق جبريل)
|
Quote: ماسنجري من أمس
عليهو العوض ومنو
العوض آريتو يتصلح!!
|
تقوم تعمل الاتي
تدخل الهوت ميل جوة
علي يدك اليمين فوق حتلقي options جواها في Profile
عدل الدولة من السودان للسعودية واعمل حفظ
مسنجر الهوت الميل ممنوع للمسجل وكاتب انو من السودان حسب قانون الصادر الامريكي
____
غلبنا معاك بخرات من زمن الابتدائي
| |
|
|
|
|
|
|
|
|
|
Re: لا تعتذر عما فعلت ! في شأن البسيمات !!! (Re: GamarBoBa)
|
رغم حزننا يا خدركةعلي الذهاب بعيدا
الا ان العرب مثلنا يعانون
كما نعاني
حين غني محمد عبده الماكن
كان يخصناجميعا
الحزن حالة انسانية
الفرح كذلك
وتجربة الناس في الحياة اليومية
من تشرد
وضياع
وفرحة فوق فرح
| |
|
|
|
|
|
|
|
|
|
Re: لا تعتذر عما فعلت ! في شأن البسيمات !!! (Re: GamarBoBa)
|
الله مرتب كل حاجة
الله مرتب كل حاجة
الله مرتب كل حاجة
يوماً ما ياموسي ونحن في ذات معاركنا تلك يوماً مع صبية النظام ويوماً آخر
مع الحرس الجامعي ويوماً ما مع كماسرة البصات وآخر مع صاحب مطعم باعنا
طعام مغشوش ! عدت برفقة الشفيع رمزي بعد يوم مارأيت مثل طوله ! علي الاطلاق
من الجامعة الأهلية ! بعد أن خسرنا معركة من معارك العمل النقابي أظننا
خسرنا يومها رابطة من الروابط إياها!!
ذهبنا حتي آخر حمد النيل راجلين بعدها إنحشرنا مع المنحشرين في (دفار) قادم
من نواحي السوق الشعبي أمدرمان في طريقه الطويل نحو السوق الشعبي الخرطوم
وصلنا الي مقابر اللاماب بعد المغرب بقليل ! كنا علي درجة من الجوع والغضب
جلسنا في سور المقبرة دون أن ينطق أحدنا مع الآخر بكلمة !! ياها كنا ثوريين
يومها للغاية وما دري كلانا أننا في الآخر سنفقد وطناً بحاله !
صمت كصمت القبور التي خلفنا بعدها وجدنا أنفسنا في منزل العم رمزي واللي هو
أبانا الاثنين !!
قال لنا العم رمزي بثباته المعهود ! ولا يهمكم إعتبروها إستراحة محارب ! وإعتبرناها
وهدأ قليلاً تأنيب الضمير الذي كان يشعر به كلانا !!
بعدها بعام عاد الفارس !! موش بتطلع كل يوم الشمس أجمل !!؟
كان حافظون بصلعته الملساء يبشر هو الآخر بوطن يسكنه ! كان نموزجاً لثوري أنيق
ماشي وجاي وقلبو علي الوطن الي أن إنتهي به الحال نوبياً ينشد أرض الاجداد !
أتذكر فيما أتذكر يا موسي أيامي الأخيرة في البلاد السودانية ! وربما أنت أكثر من يعلم
بأنني ما خرجت بأخوي وأخوك ! ضاقت ياموسي يابن خالتي ضاقت !أعود الان لذات
الأماكن عبر مداخلتك السوت فيني الشئ وشويات ! ياخ أنت موجع للغاية
ولا أدري في أي الأماكن أنا !!؟ دي الماقادر أصل ليها ياصاحبي !
بالله تحياتي عبرك للشوارع ولوجوه الأصدقاء
وللعرق النازل شووو من وشوش الغلابة !
ثم أحبك يا إبن آدم
| |
|
|
|
|
|
|
|
|
|
Re: لا تعتذر عما فعلت ! في شأن البسيمات !!! (Re: خضر حسين خليل)
|
تعرف يا ابن خالتي
في الدنيا
مشيناها كم ينبغي
ولسة ماشين
لا اعتذارات لا بسيمات بتمرقنا
لا اماكن لا ذكريات جميلة
طيب الباقي شنو؟؟؟
الباقي حيكومتنا لكن الزمن ....(تم الباقي خيال)
ختوها واطة وقد (نصل)
أو
لا نصل
وفي ستين داهية لو ما وصلنا
_
بس تابع بخيت وعديلة بتوع البورد
| |
|
|
|
|
|
|
|
|
|
Re: لا تعتذر عما فعلت ! في شأن البسيمات !!! (Re: خضر حسين خليل)
|
| Quote: يبكيني الحال المائل والأنثي التي تذهب دونما وداع ، الآن لم تعد سوي صورة صغيرة إحتفظ بها في أقصي أقاصي القلب أخرجها ساعة وددت العودة لكل ما يربطني بالأرض أخرجها فأتحسس جبهتها ثم أقبلها بما ملكت من دموع قبل أن أدعها تنصرف |
عارف البزعجني في كتاباتك دي بالاضافة الي كم الحنين الطالع منها ... عدم مقدرتي علي التعامل معها كنص ابداعي منفصل عن شخصية الكاتب ... موش الكاتب بس ياخي الواحد ما قادر يطلع نفسو شان يقدر يقراك ... رفقا بنا قليلا
في زات امسية بعيدة اجتمعنا بفعل الصدفة في الاهلية ثم يممنا وجوهنا غربا تجاه امبدة وتزودنا بخير الزاد لليالي البهيجة وكانت غزوتنا لاستاد الهلال... في تلك الامسية دون مال يخول لنا الدخول الي الاستاد ودون معارف يظهرون في الاوقات الحالكة ليحلوا لك مشاكلك اقتحمنا الحفلة وتحلقنا حول وردي وهو يصدح ب اقابلك .... كانه كان يغني لنا دون كل العالمين
لا اعرف كيف وصلنا الكلاكلة حينها ... ولكن تلك الليلة تظل طافية علي الزاكرة كلما استدعيتها بامثالها من الليالي
انت تعال هنا؟ شنو كلما اتذكرتا حاجة مع اصحابك بتكونوا غشيتو يا مكة يا بحرية وما تعرف من اخواتهن
طيب خليت لي تروتسكي شنو
| |
|
|
|
|
|
|
|
|
|
Re: لا تعتذر عما فعلت ! في شأن البسيمات !!! (Re: Abdalla aidros)
|
عيدروس
كيفنك يا بن أتبرا
قريت كلامك كلو وغلبني عديل فشن أجاوب يامولاي ؟ عارف متذكر اليوم داك كويس
مرقتنا من الجامعة غشوتنا لي ..... قعدتنا في مسطبة العمارة الجمب طرمبة
ود البشير ، الحفلة الدخلناه لاشلن لا تعريفة!! غايتو جنس مجازفات
المستغرب ليهو لي هسي هو كلامك إنو بعد داك كلو رجعنا الكلاكلة !! شئ عجيب
هي لكن كيف !!؟
البلاد علي ضيقها كانت سمحة ياصاحب
واللقمة كانت بتكفي مية
والنيل زاتو كان مستقر وحامد ربو طالع ونازل ـ دنيا كانت وسيعة بشكل
شئ عجيب يا صاحب !!
تروتسكي اخبارو شنو بالله لسع بجازف في الدنيا ؟ ولا إقتنع بي حاصل الحاصل
انا جاييكم قريب يا صاحب !!
سلمت عيدروس
| |
|
|
|
|
|
|
|
|
 Re: لا تعتذر عما فعلت ! في شأن البسيمات !!! (Re: خضر حسين خليل)
|
Quote: يبكيني الحال المائل والأنثي التي تذهب دونما وداع ، الآن لم تعد سوي صورة صغيرة إحتفظ بها في أقصي أقاصي القلب أخرجها ساعة وددت العودة لكل ما يربطني بالأرض أخرجها فأتحسس جبهتها ثم أقبلها بما ملكت من دموع قبل أن أدعها تنصرف .
الآن ،، سأفعل كما يفعل الناس إثر كل معركة يخوضوها من معارك الجسد ... أذنت لك بالإنصراف فـ إإذني لي بالحضور .
قصدت نهر الحياة .... قصدت ضفافه الخالدة ..... إرتميت في النهر كمن يطلب الغفران وانا عارٍ إلا من إبتسامتها التي ما عادت تخصني بها كسابقئذٍ إرتميت وكأنها في إنتظاري في أعماق هذا النهر الذي يشبه لحدٍ بعيد روحها الخالد ...... ثم غصت عميقاً ، عميقاً غصت وفي البال أجمل إبتسامة ما عادت تخصني بها . |
خضر يا أخوى ... الله يديك العافية ياخ.
دم بخير
شول اشوانق دينق
| |
|
|
|
|
|
|
| |
خضر حسين خليل
هند محمد
GamarBoBa
محمد سنى دفع الله
ابو جهينة
ريهان الريح الشاذلي
محمد الجزولي
Abdlaziz Eisa
فيصل عباس
طارق جبريل
شول اشوانق دينق
فيس بوك
تويتر
انستقرام
يوتيوب
بنتيريست