|
يا ناس الكورة (football) رايكم شنو فى الاقتراح ده ......؟؟!!
|
السلام عليكم
كلام بالدارجى : رأيكم شنو ..بدل الملطشة اللى كل يوم دى ..وفقع المرارة على طول ..والتصرفات اللى تخلى الواحد يهضرب ونفسو يقوم.. وحتى يكون عندنا منتخب وطنى ..نشجّعو كلّنا ويساهم فيه الجميع واكرّر منتخب وطنى .. واللاعبين يكونو غيورين ..ويحترمو الشعار اللى على فنايلهم ..!!
تكوين فرق تعتمد على اندية المدن ..مثلا مدينة كوستى تقيّم وتختار لاعبين حسب الاندية التى بالمدينة ، ليمثّلوا مدينتهم ويسمّى الفريق بـ (كوستى) و يلعبون باسمها ، وهكذا فى جميع المدن فريق مدنى وفريق الخرطوم وفريق جوبا وفريق نيالا ..وكسلا ..!! مثلها مثل ( ليفربول - مانشيستر ..الخ )0 ومن ثم تتنافس تلك الفرق ..فيما بينها ثم يتم اختيار الفريق القومى منها !! اما الهلال والمريخ وغيرهما ..فاليتنافسوا كما هو الحال الآن
رايكم شــنــو ؟؟؟؟!!!!
|
|
|
|
|
|
|
|
Re: يا ناس الكورة (football) رايكم شنو فى الاقتراح ده ......؟؟!! (Re: أنور سيد ابراهيم)
|
أ. انور مساء الخير
Quote: تكوين فرق تعتمد على اندية المدن ..مثلا مدينة كوستى تقيّم وتختار لاعبين حسب الاندية التى بالمدينة ، ليمثّلوا مدينتهم ويسمّى الفريق بـ (كوستى) و يلعبون باسمها ، وهكذا فى جميع المدن فريق مدنى وفريق الخرطوم وفريق جوبا وفريق نيالا ..وكسلا ..!! مثلها مثل ( ليفربول - مانشيستر ..الخ ) |
طبعا اقتراح يمكن تطبيقه ولكن كدي شوفني اكان فهمته ولا لسه.......؟ اول هم..... هل من المفترض ان يكون اعضاء الفريق من ابناء المنطقة ام ان العملية مفتوحة......؟ عشان مايجي واحد يقول ليك هيثم مصطفي من دنقلا ولازم يلعب في فريق دنقلا ...وهكذا....
اها كدي النشوف اول هم ده وبعدين نشوف الباقي راجع ليك بزااااااااااااااااااااااااااااااج سلام
| |
|
|
|
|
|
|
Re: يا ناس الكورة (football) رايكم شنو فى الاقتراح ده ......؟؟!! (Re: أنور سيد ابراهيم)
|
الحبيب أنور الاقتراح جيد بس للأسف ما عندو رجلين يمش بيهن لي قدام .. والرجلين اعني بهما الإمكانات المالية تحديدا .. قبل فترة طرحت اقتراح مشابه وطالبت بإنشاء مجلس رياضي ( زي مجلس الوزراء ) تخصص له الدولة ميزانية قائمة بذاتها علي أن يكون نظام الحكم فيه لا مركزي بمعني أن يتفرع من هذا المجلس مجالس رياضية أخري بحيث يكون لكل ولاية مجلسها الذي يرأسه الوالي مباشرة بما يضمن الرعاية الكاملة لهذا المجلس وتاليا يتوفر الدعم المالي الذي يمكن من خلاله تسيير النشاط الرياضي في الولاية المعينة دون متاعب .. الإقتراح وجد حظه من الترويج لكنه مات بعد فترة بسب القروش ..
| |
|
|
|
|
|
|
Re: يا ناس الكورة (football) رايكم شنو فى الاقتراح ده ......؟؟!! (Re: طلحة عبدالله)
|
العزيز طلحة ..لك التحية والتقدير كما واشكرك على المداخلة .. حيث انّنا متّفقان من حيث المبدأ ولكن ..بالنسبة لتمويل ؟ لا اعتقد ان ابناء المنطقة يبخلون على ما يمثّلهم وكذلك كل رجالات الاعمال وهل المنطقة سيبخلون من الدعم ..خاصة الفريق يمثل المدينة..وبطبعنا غيورين على الشيىء الجميل ..كذلك المؤسسات والمصانع بالتبرعات.. ثم ان الفرق التى هى يتم اختيار المنتخب منها ..حتما سوف تقوم بعمل مباريات لدعم (المنتخب) ويقدّم كاس للتنافس عليه وكذلك دعم الولاية ..بالجد لن تكون هنالك مشكلة كبيرة
| |
|
|
|
|
|
|
Re: يا ناس الكورة (football) رايكم شنو فى الاقتراح ده ......؟؟!! (Re: أنور سيد ابراهيم)
|
سلام أنور وكل الاخوه المرور أعتقد نصف كلامك موجود على أرض الواقع حاليا لانه أغلب الولايات عندها فرق بتنافس فى الممتاز مثلا هلال كادوقلى الميرغنى والتاكا كسلا أهلى واتحاد ونيل مدنى هلال حى العرب بورتسودان مريخ جوبا فرق عطبره فرق الحصاحيصا
بالنسبه للمنتخبات القوميه فانا أرى أن المشكله يا صديقى فى اتحاد شداد وشلته ليس غير غيروا اداراتكم وشللياتها الامور حا تمشى كويس انشاء الله
أيضاَ ضعف التمويل فى أندية الولايات مقارنه باندية الخرطوم له كبير الاثر فى تردى المنافسه بالدوريات السودانيه .
تعليق على نقطة الاخ هارون دياب : اذا حصرنا مشاركة اللعيبه فى ولاياتهم فقط ، سوف نفتح باب لجهويه و عنصريه وقبليه لا طاقة للسودان بها الآن . لذا أرى أن يظل تنقل اللاعبين بين الأنديه كما هو ،حتى لا يضيع المعنى الحقيقى لكرة القدم (التواصل والمحبه) . عاطر تحياتى
| |
|
|
|
|
|
|
Re: يا ناس الكورة (football) رايكم شنو فى الاقتراح ده ......؟؟!! (Re: مزمل التريكى)
|
حبيبنا مزمل سلام
Quote: تعليق على نقطة الاخ هارون دياب : اذا حصرنا مشاركة اللعيبه فى ولاياتهم فقط ، سوف نفتح باب لجهويه و عنصريه وقبليه لا طاقة للسودان بها الآن . لذا أرى أن يظل تنقل اللاعبين بين الأنديه كما هو ،حتى لا يضيع المعنى الحقيقى لكرة القدم (التواصل والمحبه) . |
واتفق معك تماما في هذه النقطة
--------- وين ياعمكـ مشتاقيييين وكده....؟
| |
|
|
|
|
|
|
Re: يا ناس الكورة (football) رايكم شنو فى الاقتراح ده ......؟؟!! (Re: النذير الطاهر عثمان)
|
باشمهندس النذير... كيف حالك واحوالك ولعلّك طيب واهلك طيبين
يجازى محنك ..!
انت النذير ولد عمّنا الطاهر عثمان موسى ولا منو ؟؟
ياهو انا ..أنور سيد ..وعم صديقك هشام هاشم ..وهو معاى فى المملكة وفى طريقه للزواج (بس انت اقعد لى عذّابى كدة )
وطبعا استاذ ميرغنى شقيقى ..هو الاستاذ اللى كان فى المدرسة الفنيّة اما انا فكنت بجى بدرّس (متطوّع ) فى الاجازات ..وكده
يا حليل كوستى ..
كدى قول لى انت النذير منو عشان ندّيك رقم تلفونا ونتواصل معليش سرحت فى الكلام لانى بتجينى هستيريا لمن اعرف واحد من كـــوســـتــى تحياتى لك وللجميع
ومنتظرك
اخوك انور سيد
| |
|
|
|
|
|
|
Re: يا ناس الكورة (football) رايكم شنو فى الاقتراح ده ......؟؟!! (Re: النذير الطاهر عثمان)
|
معقولة ياالنذير ؟؟!!
بالغت ياخى ..ياراجل مفروض انا افتح ليك (بوست) عديل كدة !! ياخى والدك من اعظم الناس والذين اعتز بهم جدّا جدّا جدّا ربنا يحفظكم جميعا ..آمين انت بس قول ليهو (أنور سيّد) وهو براهو بيقول ليك الباقى
وطبعا الكلام - كتابة - مابينفع بس انت اعمل لى رسالة على الرقم ده واكتب عليها (النذير الطاهر) وبعد ذلك ساتصل عليك لانى والله مشتاق ليكم جدا ( 00966554413905)
يا سلاااااااااام
واعذرنى لتاخير الرد طبعا الخميس والجمعة مع العيال
| |
|
|
|
|
|
|
Re: يا ناس الكورة (football) رايكم شنو فى الاقتراح ده ......؟؟!! (Re: أنور سيد ابراهيم)
|
Quote: اولا الفرق التى ذكرتها هذه ..هى تتنافس مع سبب المرض الهلال والمريخ !! وانا اقصد ان الفرق التى اتحدث عنها ..لا علاقة لها بالهلال او الموردة او التاكا وغيرها |
برضو حا نجى راجعين لحتة القروش يا أنور انت عرف تكلفة انشاء فرق جديده بالمستوى الانت بتتكلم عنه ده محتاجه كم ؟ الكوره قروش يا أنور فى قروش فى كوره
أحذر من تسريح أندية الولايات ودمجها فى فريق واحد يمثل الولايه للآتى : 1/ دمج فرق الولايه فى فريق واحد من شأنه أن يضيق الفرص على الناشئين ولاعبى الروابط والدرجات الأدنى .. نأخذ ولاية الجزيره كنموزج فهى تضم : اهلى مدنى +الاتحاد +جزيرة الفيل + العصمه والكمال الكاملين +النيل الحصاحيصا وغيرهم ... كل نادى من هذه الانديه يستوعب كشفه 30 لاعب .. فكم سيستوعب كشف النادى الموحد؟ بالتأكيد سنفوت الفرصه للكثير من الناشئين . 2/ ستضيع المنافسه بين أندية الولايه الواحده .. ومعها ستضيع المتعه والاثاره (الشعب ده بتنفس كوره يا أنور وهى الفضلت ليه ) . مثلا فرق الكاملين دى .. الناس ديل قالوا فى الاستاد الشحمه والنار وعكاكيزهم فى السماء .. وبالمساء بكونوا قاعدين فى صحن فته واحد و يوم المباراه زااااااتو بكونوا (للميدان مارقين سواء ) .
Quote: وين ياعمكـ مشتاقيييين وكده....؟ |
أبو دياب ازيك والله الشوق يهاتى عليك اليومين الفاتوا كنا مشغولين بنفتش فى (القاروره) الشاتها السعودى فى جنجا دى اها سفارى انشاءالله جمع ؟ تحياتى أنور أبقوا عافيه
| |
|
|
|
|
|
|
Re: يا ناس الكورة (football) رايكم شنو فى الاقتراح ده ......؟؟!! (Re: مزمل التريكى)
|
اوافق ,, لكن اقتراحك ده عشان يتنفذ ,, لازم تهتف ,, عائد ,, عائد ,, يانميرى
| |
|
|
|
|
|
|
Re: يا ناس الكورة (football) رايكم شنو فى الاقتراح ده ......؟؟!! (Re: أنور سيد ابراهيم)
|
Quote: ومن ثم تتنافس تلك الفرق ..فيما بينها ثم يتم اختيار الفريق القومى منها !! |
العزيز انور
صحيح وحتى ريفي كوستي ممكن تتنافس قراهو ويطلعوا منهم فريق كوستي وهكذا
للشباب والرياضة وزارة لها ميزانيتها التي يساهم في دعمها سكان الارياف ولم تصل هؤلاء قطرة دعم لفرقهم الرياضية - فلو احسنا توزيع الميزانية المخصصة للوزارة لكل السودان لاستطعنا تاهيل وتدريب كوادر قادرة على المنافسة .
| |
|
|
|
|
|
|
|