|
تضامنوا مع الرشيد بدوي عبيد
|
يتعرض الاعلامي الرشيد بدوي عبيد هذه الايام الى ضجة اعلامية اثر كلام غير اخلاقي قيل انه صدر منه بعد انتهاء مباراة المنتخب وعودة الكاميرا الى الاستديوهات والرجوع مرة اخرى الى المباراة اولا يجب محاسبة من قام بالرجوع الى المباراة ونقل كلام يعتبر كتعليق شخصي صادر من اي مشجع يهمه فوز الفريق القومي
شخصيا اعتقد ان الرشيد بدوي قلبه على الفريق القومي لذلك يجب اعطاءه وسام ابن السودان البار .
تحياتي ،
زاتوووو
|
|
|
|
|
|
|
|
Re: تضامنوا مع الرشيد بدوي عبيد (Re: ALZOLZATOO)
|
Quote: يتعرض الاعلامي الرشيد بدوي عبيد هذه الايام الى ضجة اعلامية اثر كلام غير اخلاقي قيل انه صدر منه بعد انتهاء مباراة المنتخب وعودة الكاميرا الى الاستديوهات والرجوع مرة اخرى الى المباراة اولا يجب محاسبة من قام بالرجوع الى المباراة ونقل كلام يعتبر كتعليق شخصي صادر من اي مشجع يهمه فوز الفريق القومي
شخصيا اعتقد ان الرشيد بدوي قلبه على الفريق القومي لذلك يجب اعطاءه وسام ابن السودان البار .
تحياتي ،
زاتوووو |
الرشيد دا تانى الا يذيع نشرة جوية! حيسافر مع لعيبة ونزل معاهم فى فندق واحد كيف! جنى
| |
|
|
|
|
|
|
Re: تضامنوا مع الرشيد بدوي عبيد (Re: jini)
|
ياحبيبنا جني
اللعيبة مفروض مايركبوا لحدي مايتعلموا المسئولية ويحترموا شعار الدولة اللاعبين بي اسمها
الراجل قصدوا انو مفروض يكون لعبهم رجولي وبطولي
شكرا للمرور
زاتوووو
| |
|
|
|
|
|
|
Re: تضامنوا مع الرشيد بدوي عبيد (Re: ALZOLZATOO)
|
Quote: الرشيد دا تانى الا يذيع نشرة جوية! حيسافر مع لعيبة ونزل معاهم فى فندق واحد كيف! جنى |
يا جنى، شنو الحكاية ياخ الما قاعد يقولا اليفنوا بى حجر، ياخ عمر البشير زاتو مرة قال البجينا مشمر بناقبلوا عريانيين، ما طردوه ليه. ما كل الشعب السودانى عشان بى وجهين، وجة للعامة و جه للخاصة زول دقس نمسكو نتكيه نضبحو؟
| |
|
|
|
|
|
|
Re: تضامنوا مع الرشيد بدوي عبيد (Re: abubakr salih)
|
Quote: يا جنى، شنو الحكاية ياخ الما قاعد يقولا اليفنوا بى حجر، ياخ عمر البشير زاتو مرة قال البجينا مشمر بناقبلوا عريانيين، ما طردوه ليه. ما كل الشعب السودانى عشان بى وجهين، وجة للعامة و جه للخاصة زول دقس نمسكو نتكيه نضبحو؟ |
دا دقس! دا نام عديييييييل كدا! تلقى قوم لوط ذاتهم طالعين فى مظاهرات محتجين على تشييه آداء اللعيبة بآدائهم! دا تضامن مع البشير ! جنى
| |
|
|
|
|
|
|
Re: تضامنوا مع الرشيد بدوي عبيد (Re: abubakr salih)
|
بكوري ياحبيبنا ،،
دي كلمة اي واحد ممكن يقولها في البورد ده لو الاستديوهات مشت للماسنجر ح تسمع كلام اكبر من كلام الرشيد بدوي
الزول كان زعلان وزول بيزعل للوطن مفروض تكون محمدة اليومين ديل
تحياتي
زاتوووو
| |
|
|
|
|
|
|
Re: تضامنوا مع الرشيد بدوي عبيد (Re: ALZOLZATOO)
|
الاخ الزول
هو زي ناس الرشيد ديل هم جزء من ماساة الكرة
السودانية. حتى لو قال الكلام ده في اضيق نطاق
دي ما اخلاق معلق رياضي.
الواحد طالما هو في منصب مرموق يجب عليه
ان يجد حل للتناقض بين منصبه واخلاقه لمصلحة
منصبه اذا اراد الاستمرار.
تحياتي
| |
|
|
|
|
|
|
Re: تضامنوا مع الرشيد بدوي عبيد (Re: ALZOLZATOO)
|
العزيز ود الارباب
ياخي الرشيد بدوي معلق لا يشق له غبار
بعدين مجتمع الكوره الشيطان ثالثهم دائما ماتصدر كلمات بذيئة لكن متداولة في بعض المجتمع
انا اعتقد تاريخ الرشيد بدوي كمعلق رياضي يجب ان لا نحاسبه على كلام يعتبر شخصي اي بعد نهاية المباراة
اما اذا كان قصدك اي واحد عندو مركز لازم يكون منزه من الاخطاء ده يكون عمله نادره خاصة في المجتمع الرياضي
تحياتي
زاتوووو
| |
|
|
|
|
|
|
Re: تضامنوا مع الرشيد بدوي عبيد (Re: ALZOLZATOO)
|
[الراجل دا قال شنو بلاي ..؟؟؟؟؟؟؟ ]
العزيز طلحة
الراجل ده قال ياخي اللعيبة ديل اليومين ديل لعبهم بقى مارجولي ولاي ..
بس قالها بي طريقة ناس الكورة لمن يكونوا زعلانين
تحياتي
زاتوووو
| |
|
|
|
|
|
|
Re: تضامنوا مع الرشيد بدوي عبيد (Re: ALZOLZATOO)
|
Quote: انا اعتقد تاريخ الرشيد بدوي كمعلق رياضي يجب ان لا نحاسبه على كلام يعتبر شخصي اي بعد نهاية المباراة |
طيب لو اللعيبة ديل فتحوا فيه بلاغ كيف ؟
او لو اتلموا فيه ودقوهو برضو الراي شنو ؟
| |
|
|
|
|
|
|
Re: تضامنوا مع الرشيد بدوي عبيد (Re: وليد محمد المبارك)
|
[طيب لو اللعيبة ديل فتحوا فيه بلاغ كيف ؟]
[او لو اتلموا فيه ودقوهو برضو الراي شنو ؟]
حبيبنا وليد ،،
ياخي انت زول بتاع كورة وكمان في الليق يعني الكلمات دي ماغريبة عليك
بعدين الراجل ده برضو ماعندو تيم الاحرار يعني لامي التعليق والادارة
مرة عندنا مباراة في دوري ابطال الروابط اها يازول الشوط الاول مغلوبين واحد زي السم
اها بين الشوطين عندنا اداري بنحترموا جميعا جابوا لينا عصير في صبارة كبيرة وواحد فتحها عايز يوزع للناس اها صاحبنا الاداري جه من هناك ودخل ليك رجلو في الصبارة قال والله مافي ..... يشرب من هنالووول يكه
اها يامعلم الشغلانة زعلتنا ودخلنا الشوط التاني وغلبنا 3/1 اها الاداري بعد المباراة دفع لي اي واحد مبلغ محترم واتبرع بي صينيتين باسطة
ناس مابتمشي الا بالعين الحمراء
تحياتي
زاتوووو
| |
|
|
|
|
|
|
Re: تضامنوا مع الرشيد بدوي عبيد (Re: ALZOLZATOO)
|
Quote:
بس قالها بي طريقة ناس الكورة لمن يكونوا زعلانين
|
وفي النهاية نحن أبناء هذا الشعب ، بمختلف فئاته، وطبقاته ، وسلو كياته، وهنالك مالم يرد لنا أحد أن نتعلمه، ولكننا ، ورغماً عنا ، تعلمناه في المجتمع ، في الشارع ، وفي المدرسة، وفي المسجد ، وفي السوق ، وفي ملعب الكرة، وفي كل مكان ذهبنا إليه أو ارتدناه. لسنا ملائكة . والرشيد واحد منا ؛ إنه سيء الحظ ليس إلا؛ وإلا فما الذي جعلهم يفتحون المايكروفون؟!! تحياتي
| |
|
|
|
|
|
|
Re: تضامنوا مع الرشيد بدوي عبيد (Re: dardiri satti)
|
[ وفي النهاية نحن أبناء هذا الشعب ، بمختلف فئاته، وطبقاته ، وسلو كياته، وهنالك مالم يرد لنا أحد أن نتعلمه، ولكننا ، ورغماً عنا ، تعلمناه في المجتمع ، في الشارع ، وفي المدرسة، وفي المسجد ، وفي السوق ، وفي ملعب الكرة، وفي كل مكان ذهبنا إليه أو ارتدناه. لسنا ملائكة . والرشيد واحد منا ؛ إنه سيء الحظ ليس إلا؛ وإلا فما الذي جعلهم يفتحون المايكروفون؟!!] الاخ الدرديري
كلامك 100%
تحياتي
زاتوووو
| |
|
|
|
|
|
|
Re: تضامنوا مع الرشيد بدوي عبيد (Re: ALZOLZATOO)
|
أري ان تقرر الأذاعة في شان ما قاله فهذا حقها ولو كان من باب تبييض الوجه لكن لا أر داعي أبدا لسلخ الرجل في الشارع العام الذي يقال فيه ما لا يقال ومن كان منكم بلا عبارات من أياها فليصق لاصق علي فم الرشيد بدوي عبيد
| |
|
|
|
|
|
|
Re: تضامنوا مع الرشيد بدوي عبيد (Re: طلحة عبدالله)
|
Quote: أري ان تقرر الأذاعة في شان ما قاله فهذا حقها ولو كان من باب تبييض الوجه لكن لا أر داعي أبدا لسلخ الرجل في الشارع العام الذي يقال فيه ما لا يقال ومن كان منكم بلا عبارات من أياها فليصق لاصق علي فم الرشيد بدوي عبيد |
أخوتى ( طلحه وزولوووا ) لكم التحية والتقدير وأحترام أراءكم الراقية والجميله والتى تدل على الوعى وإدراك الامور .
لكن ومن وجهة نظرى لايجب أن يحاسب الرشيد بدوى عبيد لانه ختم قوله بالرجوع للاستوديوهات الرئيسية .. ومن ثم قال ماقاله .. وهذا شئ طبيعى وكلانا نخطى ونصيب .. وهنالك أحاديث يشيب لها الرأس ومع هذا لانعطيها أهتماما ؟؟ فلماذا إذا يحاسب الرشيد بدوى عبيد لكلام قاله بحسه الوطنى لهذا القوم الذين لايقدرون ولايعرفون ماهو الوطن !!
فإن كان هنالك حسابا فلابد أن تحاسب تلك الاذاعة التى لاتحسن خواتم الختام .. أليس كذلك أخوتى الافاضل ( طلحه وزولووا) ..
تاج
| |
|
|
|
|
|
|
Re: تضامنوا مع الرشيد بدوي عبيد (Re: ALZOLZATOO)
|
من كان منكم بلا خطيئة فليرمها بحجر ...
لا داعي لإقامة مشنقة للرشيد فالرجل قد أخطأ و هو يعلم ذلكـ لكن تاريخ الرشيد الرياضي الناصع يشفع له هذه الزلة كذلكـ لاحظ أن الرجل غضب على أداء لاعبي المنتخب و ليس على أداء لاعبي الهلال أو المريخ أو غيرهم من الأندية فهذه ملكـ لأصحابها و لكن المنتخب ملك للجميع أو من المفترض أن يكون كذلك.
ياخ الرشيد ده ليوم الليلة زول عارفو هلالابي و لا مريخابي مافي .. شفت المهنية العالية دي كيف؟؟
| |
|
|
|
|
|
|
Re: تضامنوا مع الرشيد بدوي عبيد (Re: خالد عبد الله محمود)
|
الاخ خالد
تعليق الرشيد بدوي عبيد قمة في الروعة
زمان ايام كاس سيكافا وخوض المريخ المباريات في ادغال افريقيا كنا نعيش مع الرشيد بدوي عبيد جو المباراة بوصفه حالة الطقس والملعب ومايحيط به وتشعر بانك سائح مش مستمع لي مباراة
تحياتي
زاتووووو
| |
|
|
|
|
|
|
Re: تضامنوا مع الرشيد بدوي عبيد (Re: طلحة عبدالله)
|
Quote: أبو الخلد الرشيد بدوي عبيد رشاشة معروف |
طلــوح يا عمكـ طيب أنا في زول برضو قال لي الرشيد ده مريخابي معروف !!! هي دي المهنية البنتكلم عنها إنو لي يوم الليلة الناس متغالطين في إنتماءو الرياضي ..
| |
|
|
|
|
|
|
Re: تضامنوا مع الرشيد بدوي عبيد (Re: jini)
|
وصلني الآن اتصال من كمبالا من سوداني اسمو "طارق" كان شاهد عيان و حاضرا للمباراة المذكورة و شرح لي بمكالمة مطولة ما حدث بالضبط و من الذي الذي تلفظ بألفاظ نابية في تلك الأثناء و هو ليس الرشيد و إنما شخص آخر كان بجانبه يدعى(عادل ح.) و كان طوال المباراة يتلفظ بمثل تلك الألفاظ و أسوأ من ذلك(ذكر لي الأخ طارق كل الألفاظ التي قيلت و لم تظهر على الهواء) و قال أن الرشيد قد نبهه اكثر من مرة بالابتعاد بتلك الألفاظ عن المايك. خلاصة الأمر أن الأخ طارق قد برأ الرشيد تماما مما قيل على لسانه. أنا من جانبي اصدق تماما كل ما قاله لي طارق و أنا احتفظ بتلفونه لمن أراد أن يكلمه
| |
|
|
|
|
|
|
Re: تضامنوا مع الرشيد بدوي عبيد (Re: MOHAMMED ELSHEIKH)
|
يا حبيبنا
Quote: ياخي انت زول بتاع كورة وكمان في الليق يعني الكلمات دي ماغريبة عليك |
اي زول اتخطى حدود في كورة او في خلافها وكان عندي القدرة اصلله الزمته حد هي كورة ما قلت ادب
الناس بتتكلم عن حق من قال العبارة طيب حقوق الاعبين الاتنبزوا وين ؟
__________
Quote: وصلني الآن اتصال من كمبالا من سوداني اسمو "طارق" كان شاهد عيان و حاضرا للمباراة المذكورة و شرح لي بمكالمة مطولة ما حدث بالضبط و من الذي الذي تلفظ بألفاظ نابية في تلك الأثناء و هو ليس الرشيد و إنما شخص آخر كان بجانبه يدعى(عادل ح.) و كان طوال المباراة يتلفظ بمثل تلك الألفاظ و أسوأ من ذلك(ذكر لي الأخ طارق كل الألفاظ التي قيلت و لم تظهر على الهواء) و قال أن الرشيد قد نبهه اكثر من مرة بالابتعاد بتلك الألفاظ عن المايك. خلاصة الأمر أن الأخ طارق قد برأ الرشيد تماما مما قيل على لسانه. أنا من جانبي اصدق تماما كل ما قاله لي طارق و أنا احتفظ بتلفونه لمن أراد أن يكلمه |
كويس جدا اول شي ( عادل ح ) ده منو ؟ والمقعده جم الرشيد شنو ؟ يعني هو من طاقم التلفذيون طاقم الازاعة طاقم السفارة ، مدرب اداري لاعب
المقعده جم المزيع شنو ؟ وطارق شاهد العيان ، المقعده جم المزيع شنو ؟
| |
|
|
|
|
|
|
Re: تضامنوا مع الرشيد بدوي عبيد (Re: MOHAMMED ELSHEIKH)
|
Quote: وصلني الآن اتصال من كمبالا من سوداني اسمو "طارق" كان شاهد عيان و حاضرا للمباراة المذكورة و شرح لي بمكالمة مطولة ما حدث بالضبط و من الذي الذي تلفظ بألفاظ نابية في تلك الأثناء و هو ليس الرشيد و إنما شخص آخر كان بجانبه يدعى(عادل ح.) و كان طوال المباراة يتلفظ بمثل تلك الألفاظ و أسوأ من ذلك(ذكر لي الأخ طارق كل الألفاظ التي قيلت و لم تظهر على الهواء) و قال أن الرشيد قد نبهه اكثر من مرة بالابتعاد بتلك الألفاظ عن المايك. خلاصة الأمر أن الأخ طارق قد برأ الرشيد تماما مما قيل على لسانه. أنا من جانبي اصدق تماما كل ما قاله لي طارق و أنا احتفظ بتلفونه لمن أراد أن يكلمه |
أخى محمد .. لك تحياتى ايها العزيز وياحبذا لوكتبت لنا رقم الاخ عادل حتى نستطيع التحدث معه أتمنى ذلك .. ونحن فى إنتظار ذلك أو يمكنه الاتصال بى على الرقم 00966508730423 ولكم جميعا شكرى وتقديرى
تاج
| |
|
|
|
|
|
|
Re: تضامنوا مع الرشيد بدوي عبيد (Re: jini)
|
ياجني مداولات مجلس الوزراء والبرلمان دي بيجيبوها على الهواء ياجني
دي بيجيبو ليك اللقطات السمحة في الاخبار بس
ومال ح يخلوك تموت بي مغستك كيفن
الحصة رياضة يازول لووول يكه
زاتووووو
| |
|
|
|
|
|
|
Re: تضامنوا مع الرشيد بدوي عبيد (Re: ALZOLZATOO)
|
Quote: ياجني مداولات مجلس الوزراء والبرلمان دي بيجيبوها على الهواء ياجني
دي بيجيبو ليك اللقطات السمحة في الاخبار بس
ومال ح يخلوك تموت بي مغستك كيفن
الحصة رياضة يازول لووول يكه
زاتووووو |
معلوم بس نحن دايرين الرشيد يذيع المداولات! عشان يتلفظ وكدا! باقى ليك فى زول بزعل! جنى
| |
|
|
|
|
|
|
Re: تضامنوا مع الرشيد بدوي عبيد (Re: الطيب بشير)
|
و الله يا جنى عهدناك راجل حكيم، لكن موقفك من قضية الرشيد بصراحة شككنى فى حكمتك دى ولا كمان تكون زعلان من الرشيد بدوى عبيد دا ساى. بعدين الناس عاملة غلبة فوق كم؟ الاذاعة لو طردت الرشيد عشان القصة الفارغة دى هى الخاسر الاول و الاخير، الرشيد رجل خبرة كبيرة فى جدا فى مجال الاعلام الرياضى، ياخ انا من شافع و بهاجر للتلفزيون هجرة عشان احضر الكورة فى حلة فوق كان بيقفلوا صوت التلفزيون و بيشغوا الرادى عشان يسمعوا تعليق الرشيد. هسة مية اذاعة او وسيط اعلامى ممكن يستقبل الرشيد بدوى عبيد قبل ان يرتد اليك طرفك.
الناس الشايفاهم عينك ديل كلهم بيقولو نفس كلام الرشيد دا و زيادة، و الراجل ما قال الكلام دا اثناء شغلوا، قالوا فى ونسة بعد نهاية الشغل، كون الطاقم الفنى رجع الاستاد تانى و لفخ ليكم ونسة الرشيد و اصحابه دى مسؤليتهم يا ناس.
| |
|
|
|
|
|
|
Re: تضامنوا مع الرشيد بدوي عبيد (Re: abubakr salih)
|
يابكوري
انا ماعارف جني مصر بضم الميم يسمع كلام الوزراء لي شنو هو ماسمع بالجواب باين من عنوانوا لووول
ياخي اي واحد عايز يقول حاجة مع صاحبو ولا مع نفسوا يتاكد انو ا لمايكروفونات مقفولة والموبايل مامفتوح
عشان تتكلم وانت مرتاح ، انتو ياجماعة القران قالوا ولا تجسسوا
زاتووووو
| |
|
|
|
|
|
|
Re: تضامنوا مع الرشيد بدوي عبيد (Re: الطيب بشير)
|
الاخ الطيب بشير
والله كلامك عين العقل لكن الناس عينها للفيل تطعن في ضلوا يعني خلوا انتكاسة الفريق القومي ومسكوا في كلمة الرشيد بدوي عبيد يعني الكلمة دي مفروض تنتهي بانتهاء مراسم الدفن يعني في الميدان وخلاص لكن تقول شنو بس ربنا لطف انو طلعت بالخلال في زمن ماكان فيهو فضائيات ولا انترنت كان اسع سموك الطيب ابو خلال بضم الخاء .
تسلم على الكلام الطيب وتضامنك مع الزول المغلوب على امرو
زاتوووو
| |
|
|
|
|
|
|
Re: تضامنوا مع الرشيد بدوي عبيد (Re: عمران حسن صالح)
|
يا سلام عليك يا خالد اذا فعلا للدرجه دي مهنتيت فلايبقى.
Quote: ياخ الرشيد ده ليوم الليلة زول عارفو هلالابي و لا مريخابي مافي .. شفت المهنية العالية دي كيف؟؟ |
شكرا اخي الزول زاته طبعا قدرت احمن الزول ده قال شنو وللاسف كما قلت هي الفاظ عاديه في الاواسط الرياضيه.
لكن ما انه شهد له البعض بانه ما بتعرف هلالابي ولا مريخابي وشتمه في مباره للفريق القومي اذن هو كورنجي فقط متعصب للكرة القدم في حد نفسها فله التحيه وليبقى.
| |
|
|
|
|
|
|
Re: تضامنوا مع الرشيد بدوي عبيد (Re: Tragie Mustafa)
|
Quote: ياجماعة الرشيد بدوى ده ياهو القال :- هيثم مصطفي بيراوغ ويراوغ وباص خطير وجميل لهيثم الرشيد خلعو !
|
انتا يا سفيان نابرى العرّفك بالكورة شنو، زمنك كلو مضيعو ثقافة سااااكت.
خليك معانا فى صف المتضامنيين مع الرشيد بدوى عبيد.
_____________________________ ازيك ياخ، و تعال لينا فى المسنجر عندنا معك بعض من شمارات.
| |
|
|
|
|
|
|
Re: تضامنوا مع الرشيد بدوي عبيد (Re: Tragie Mustafa)
|
العزيزة تراجي
شكرا على المرور
الراجل كورنجي لي نخاعو
متعصب للفرق السودانية لي نخاعو
متعصب للفريق القومي لي نخاعو
المشكلة عندنا في الفنيات في الاخراج يعني قبل كده شاهدت برنامج ماجابوا الضيف الا لمن مسك كباية الموية وشرب لووول ماعارف كباية الموية دي لازم يثبتوا للحسابات شربها الضيف ولا شنو لووول يكه
مشكلتنا دائما نتمسك بالحاجات الصغيرة وندع الحاجات الكبيرة تمر مر السحاب
اتمنى مرورك الجاي يكون مس كول انشاء الله لوول
تحياتي
زاتوووو
| |
|
|
|
|
|
|
Re: تضامنوا مع الرشيد بدوي عبيد (Re: ALZOLZATOO)
|
زاتووووووووو يا قريبك سلام وبس .. الرشيد بدوي .. اكيد قال فيهم احلي كلام .. وشجعهم بكل جوارجه وما خلي ليهم شي .. وفي النهايه طلعو زي ما قال .. لانهم اشباه لعيبه .. ولا يقدرون المسئوليه تخيل لو لعبوا هؤلاء ................ بقوة ومسئوليه وطلعو مقلوين 5 /صفر كان قال عليهم يا ...... ؟؟؟؟ معاك ومعاهو تتضامنا .. برغم شناة الكلمة .. ولكننا بنستعملها في اي حاجه وفي اي حته !!! عاااااااااااااااااااااااادي ..
| |
|
|
|
|
|
|
Re: تضامنوا مع الرشيد بدوي عبيد (Re: عبدالله كع)
|
حبيبنا عبدالله كع ،
اكيد كل من سمع الرشيد بدوي في تعليق مباراة لا يناله الا اعجابه
عارف كل ماكان المدرب شديد اللهجة مع اللعيبة كل ما كان اداءهم قوي وبي مسئولية
لكن يبدو ان مفاهيم الكورة في السودان اتغيرت
عارف كان في واحد الله يرحمو ويحسن اليه مجننا ليك بالتعاليق في الرابطة تعمل اي حاجة يعلق بي طول حسو ماعندو فريق معين بس بيحب اللعبة الحلوة وجنو وجن اللعب بدون مسئولية اها ده ذاتو كان ليهو جمهور يلتف حوالينو بعدما توفي الكورة ذاتها بقت ماليها طعم
تسلم
زاتوووو
| |
|
|
|
|
|
|
Re: تضامنوا مع الرشيد بدوي عبيد (Re: ALZOLZATOO)
|
Quote: و الله يا جنى عهدناك راجل حكيم، لكن موقفك من قضية الرشيد بصراحة شككنى فى حكمتك دى ولا كمان تكون زعلان من الرشيد بدوى عبيد دا ساى. |
انا لم اتحامل على الرشيد ولم اطالب بتنحيته ولكن قلت ما اتوقع ان يحدث! الجميع يعرف كم وكيف حرم السودانيين من دكتور عمر خالد صحة وعافية وشخصيته المحببة ومهنيته العالية وعونه للعاجزين عن دفع كلفة العلاج الباهظة فضلا عن ما يقدمه من تثقيف وتوعية صحية فى مجال الطب الوقائى لا تقدمه جامعات السودان مجتمعة فى انشطتها الصيفية! كل ذلك لم يشفع له! جنى
| |
|
|
|
|
|
|
Re: تضامنوا مع الرشيد بدوي عبيد (Re: jini)
|
Quote: ياخ الرشيد ده ليوم الليلة زول عارفو هلالابي و لا مريخابي مافي .. شفت المهنية العالية دي كيف |
هلالابي (رشاشة)..
في واحدة من المرات كان المريخ يلعب في اليمن.. وكان مغلوب واحد الشوط الأول.. بث تلفزيون السودان شوط المباراة الأول واعتذر عن بث الشوط الثاني عشان نشرة الأخبار التي قدمها عمر الجزلي.. بعد ان انتهى من تقديم النشرة قال إن فريق المريخ ما زال متأخراً بهدف وننتقل الآن مع الزميل كمال حامد والنشرة الرياضية.. قبل أن تتحول الكاميرا إلى كمال حامد أو أن عمر الجزلي اعتقد الكاميرا تحولت إلى كمال حامد.. قام بإخراج لسانه للزميل كمال حامد (نظام يا رشاشه).. أحلى حاجه لما اكتشف أن الكاميرا ما زالت موجهه له..
أظن أن مخرج نشرة الأخبار كان مريخابي.. متآمر مع كمال حامد.. تسلم يا زول
| |
|
|
|
|
|
|
Re: تضامنوا مع الرشيد بدوي عبيد (Re: هشام حسن)
|
الاخ هشام حسن ،
شفت بتاعين الكميرات ديل التايم بتاعهم تعبان كيف ، اسع الراجل ده لو عمل حركة ماكويسة كان موقفوا امام الامم المتحده شنو مش تلفزيون السودان كان راح شمار في مرقة .
بعدين بتاع الاستديوهات الرئيسية ياربي يكون متآمر مع منو
مايكون عندو قريبوا عايز يديهو فرصة في التعليق لوووووول يكه
الزمن العلينا ده عشان تترقى في منصبك لازم تضبح القدامك كلهم
تحياتي
زاتوووو
| |
|
|
|
|
|
|
Re: تضامنوا مع الرشيد بدوي عبيد (Re: mekki)
|
الاخ مكي
والله انت بي قوتك دي مفروض تكون كابتن الفريق القومي حرارة قلب ساكت مابتتغلب
تضامنا مع الرشيد عشان الزول بيستحق بي ادائه انو نتضامن معاهو مش عشان نحن صعاليك بنحب الكلمات الماكويسة لووول
تحياتي تاني
زاتوووو
| |
|
|
|
|
|
|
Re: تضامنوا مع الرشيد بدوي عبيد (Re: الكيك)
|
اولا هذا الفعل يطلق عليه السدومية ,, ولايجوز تسميته كذلك اشتقاقا من اسم النبى لوط عليه السلام .. ثانيا ,, ماقاله الرجل يعتبر من اللمم الذى يغفره الله ونحن لايحق لنا ان ننصب له مشنقة ,, واذا فصل عن عمله فهذا حكم لايتناسب مع الجرم ,, وتعسف فى استعمال الحق ,, فيكفى الرجل ان يستغفر الله ,, فالذين تسمروا امام الكيبوردز ,, واظهروا غضبهم ,, ادعوهم لمراجعة انفسهم فاذا لم يستعملوا هذه الألفاظ بل اسوأ منها فليكتبوا,,
| |
|
|
|
|
|
|
Re: تضامنوا مع الرشيد بدوي عبيد (Re: الكيك)
|
الكيك الحبيب
ياخي كلامك ده كلو ما صااااح
سبب تدهور الكورة السودانية وتصرفات المسئولين عن الكرة سببها الرئيسي هي
كلام الرشيد بدوي عبيد لاغير
شفته الكلام ده كيف خلو كلامك الفي محلو ده كلو وح يمسكوا ليك بس في الكلمة دي
وانت قايلهم قاعدين في كراسيهم دي كيف مابالاهتمام بالفارقات بس والله شداد ده انا زمان قلت لو الراجل ده مسكوهو الاتحاد ح نشيل كاس العالم لكن للاسف شلنا الكاس بس طلع كاس العوالم لووول
زاتوووو
| |
|
|
|
|
|
|
Re: تضامنوا مع الرشيد بدوي عبيد (Re: ALZOLZATOO)
|
Quote: انتا يا سفيان نابرى العرّفك بالكورة شنو، زمنك كلو مضيعو ثقافة سااااكت.
خليك معانا فى صف المتضامنيين مع الرشيد بدوى عبيد.
_____________________________ ازيك ياخ، و تعال لينا فى المسنجر عندنا معك بعض من شمارات. |
يا عمك شنو ياخ خلينا ندقش مع الداقشين ديل ياخ يازول اها مدام انت مضامن انا معاكم تب بس كلام جنى ده ما تهملوهو خلونا نضامن ونطالب بتحويل الزول ده علي اذاعة مجلس الوزراء وحياتك تانى لا سمع لا شوف .
يازول انا ذاتى عايزك بي هناك النقه كتيييييرة والجماعة ح يعملوها المرة دي تعال سريع .
| |
|
|
|
|
|
|
Re: تضامنوا مع الرشيد بدوي عبيد (Re: ALZOLZATOO)
|
الأخ الزول زاتو
أعلن تضامني مع الرجل الشهير الرشيد بدوي عبيد وذلك لعدة أسباب: 1- المتهم برئ حتى تثبت إدانته وبالتالي يجب التريث والتحقيق في الأمر بحيادية وإذا ثبت بالدليل القاطع أو باعتراف المتهم بالحادث فعندها ننادي بالمحاسبة والمعاقبة. 2- بما أننا بعيدين عن موقع الحدث فلا نستطيع أن نحكم على الرجل بالإدانة أو البراءة. 3- أقول بالفم المليان أن الكلمة التي أقامت الدنيا ولم تقعدها, رغما عن أني لم أسمعها, هي كلمة عادية في المجتمع الرياضي ولا يستطيع أحد أن ينكرها إلا إذا كان غريبا أو دخيلا على ذلك المجتمع والرشيد بدوي جزء من ذلك المجتمع وله الحق في أن يقولها ولكن ليس له الحق في اسماعهاللملأ. 4- هذه الكلمة مثار الحديث أصبحت رائجة التداول في الأوساط السودانية وأظنكم سمعتم بقصة الولد وأبيه في النادي أثناء لعبة الدومينو. يحكى أن جماعة في النادي يلعبون الدومينو واللعب مسخن, دو - جهار - يك - شيش - بيش - فوق, المهم الولد لاعب ضد أبوه... وأبوه جالس في شمالو وخلاص الولد عندو آخر كرت وحايضمن وداير زميلو يثبت أبوه- يعني ما يلعب ويقول فوق - أها الولد قال لي زميلو: أسمع ثبت الل....ي ده مايخت أي كرت
أتمنى أن تنتهج إدارة الإذاعة منهج العقلانية والتروي في التحقيق قبل ذبح الرجل وإدانته دون دليل وكذلك يمكن الاستشهاد برأي السفارة في يوغندا وأكيد سفيرنا بكمبالا يكون حضر المباراة وشاهد أين كان يجلس الرشيد ومن الذين كانوا حوله.
| |
|
|
|
|
|
|
Re: تضامنوا مع الرشيد بدوي عبيد (Re: جعفر سومي)
|
الأستاذ تاج السر حامد تحية طيبة و لكل الأخوان
المتصل هو طارق و تلفونو :#00256757300414
و المتحدث احد افراد الجالية اسمو عادل حسين اما المقعدهم هنا شنو ؟ اجابة للأخ المتسائل:" لا أعرف"
| |
|
|
|
|
|
|
Re: تضامنوا مع الرشيد بدوي عبيد (Re: جعفر سومي)
|
الاخ جعفر سومي ،
انا لمن كتبت التضامن ده كتبتوا عشان البند بتاعك رقم تلاته زائدا انو الراجل له تاريخ مشرق
اها انت اضفت واحد واتنين واربعة والخاتمة الظريفة بتاعتك
قصة الولد وابوهو انا سمعتها بيلعبوا كوتشينة ماضمنه الراجل اكيد لعبوا ماكويس لوووول يكه
تحياتي ،،
زاتوووو
| |
|
|
|
|
|
|
Re: تضامنوا مع الرشيد بدوي عبيد (Re: ALZOLZATOO)
|
الحبيب زاتو وين يازول انت حليل زمان نفتح التعليق من الرادى و نشوف التلفزيون لو كان هسع الواحد كان يحكم انو كلامو دا صح والله ..... بس متضامنين معاهو لانو اى واحد استعمل الكلمة دى على الاقل مرة فى حياتو
| |
|
|
|
|
|
|
Re: تضامنوا مع الرشيد بدوي عبيد (Re: abo ahmed)
|
العزيز ابو احمد
مشتاقين كميات
اي زول لعب كورة ولا شجع كورة اكيد لو ماقالها يكون سمعها
بس المشكلة بتاع الاستديوهات الرئيسية عملها في الراجل
الصورة دي ماتقول لي بتاعة الولد والبت الما اكلنا سمايتها
تحياتي للاولاد
زاتوووو
| |
|
|
|
|
|
|
Re: تضامنوا مع الرشيد بدوي عبيد (Re: ALZOLZATOO)
|
سلامات يا الزول وتحايا أمس في إتصال هاتفي للإذاعة الرياضية بسفير السودان بكمبالا حسن جاد كريم واللي كان حاضر المباراة برأ الرشيد بدوي عبيد تماماً وذكر إنو ديل ناس من الجالية وإنو الرشيد بدوي عبيد كان يطلب منهم الإبتعاد وأنه كسفير طالب طاقمه بإبعاد المتجمهرين بالقرب من المعلق الرشيد وأنه قد قام بإبلاغ المسؤولين بما جرى دي حاجة الحاجة التانية إنو إداري نادي قمة إتصل على الزميل عوض الجيد الكباشي بالإذاعة الرياضية وقال له إذا كنت بالإذاعة "أفتح لي الخط والله أسمعهم الما سمعوهو يمرمطو في سمعة البلد وعايزننا ما ننبذم؟" الحاجة التالتة للناس الما بعرفو عمل الإذاعة لما مذيع النقل الخارجي يسلم الأستديو طوالي المفروض مذيع الربط يشكرو ويوري إنو الإذاعة كانت في نقل ...و ومعكم تتواصل برامجنا نتمنى أنو يتم تجاوز المحنة دي بالحكمة ما قصة هاشمياتنا الجاهزة كلما دعت الضرورة
| |
|
|
|
|
|
|
Re: تضامنوا مع الرشيد بدوي عبيد (Re: عبدالبارى العجيل)
|
الاستاذ عبد البارئ العجيل
تحية طيبة وشكرا للمرور
حقيقة الراجل ليهو باع كبير في نقل المباريات وما ظنيت انوممكن يقع في خطا زي ده
الحاجة التانية حتى لو وقع في خطأ مفروض الناس تنظر لماقدمه الرشيد مقارنة بماقاله
والله انا من زمان سامع مذيع ربط وماعارف معناهو شنو بس كنت بفتكر انو للمذيع الجديد وكده
شكرا لما اوردته من حقائق مادار في الميدان ويجب على كل من اتهم الرجل الاعتذار له
ياخي والله كمان لو اديتنا حصة عن عمل المذيعين ومذيع الربط والنقل الخارجي
نكون ضربنا تلاته عصافير بي درابة
شكرا يا استاذي
زاتوووو
| |
|
|
|
|
|
|
Re: تضامنوا مع الرشيد بدوي عبيد (Re: هشام حسن)
|
كتب اسماعيل حسن فى الصدى:
Quote: * كنت واثقاً من أن الأخ الزميل الرشيد بدوي عبيد لا يمكن أن يتفوه بتلك العبارة الساقطة.. وها هي السفارة السودانية في يوغندا برأته ـــ مشكورة ـــ من التهمة التي ألصقت به، وأكدت أنها (أي تلك العبارة)، فلتت من لسان أحد الإخوة المقيمين هناك في لحظة غضب على المستوى المخجل للاعبينا في مباراة جيبوتي التي انتهت بالتعادل. |
| |
|
|
|
|
|
|
Re: تضامنوا مع الرشيد بدوي عبيد (Re: عبدالعزيز الفاضلابى)
|
وصلتني مجموعة كبيرة من صور المباراة توضح كيف شيد جالس ومن حوله من الناس من اعضاء الجاليةو بينهم الأخ عادل حسين و الذي خرج عن طورهكما نفعل كلنا-انا اعذره تماما-اذاننا جميع لم نسلم يوما ما من تلك الألفاظ وكلكم تسمعو حتى سب الدين -و العياذ بالله - من الكثيرين. انا الآن لا استطيع انزال الصوربالله لو واحد بيعرف يعمل ليها تنزيل يرسل لي ايمميلو عشان ارسلها ليهو او تورووني كيف ارفعها.
| |
|
|
|
|
|
|
Re: تضامنوا مع الرشيد بدوي عبيد (Re: ALZOLZATOO)
|
Quote: والله انا من زمان سامع مذيع ربط وماعارف معناهو شنو بس كنت بفتكر انو للمذيع الجديد وكده |
الزول الله يديك العافية المعروف يا جماعة في العمل المباشر إنو أصعب في الإذاعة من التلفزيون في التلفزيون ممكن الصورة تتكلم بدلاً عن المذيع يتهكهك ويتكرش ولا يعمل إي حركة طالما إنو في حاجة الناس بشوفو فيها لكن في حالة الإذاعة أصدق تعبير اللي قاعدين يرددوهو ناس راديو سوا في أخبارم العالم الآن "ننقل لك الحدث بالصوت لتكتمل عندك الصورة" وفي حالة التعليق الرياضي أنت مطالب بالحضور على مدى أكتر من 90 دقيقة بالذات "زي حالاتنا" لأنو من ساعة يسلموك "ضنب الككو" ده تاني إلا تسلمم بعد النهاية المحزنة "متعودة دااايماً" لا فيها فاصل إعلاني ونعود لا فيها نشرة أخبار زي ما كان بحصل زمان بس تقعد إنت وأعصابك وحضورك الذهني أكتر من ساعة ونص ومش كده وبس كمان تشوف بين الشوطين دي تملاها بي شنو بعد الغلبة دي كلها يا جماعة وكمان في إستاد ما فيهو مدرجات غير مقصورتو ووصفو مدرب زامبياإنو يصلح فقط للخيول يقوموا الناس يلوموا الرشيد بدوي على كلام مرق من الهردبيسة الجمبو في الإستاد؟
| |
|
|
|
|
|
|
Re: تضامنوا مع الرشيد بدوي عبيد (Re: ALZOLZATOO)
|
يا أخوانا نتضامن مع المذيع الرشيد بدوي عبيد...وأشكره على فشفشة ما في قلوبنا وصدورنا تجاه لعيبة الكرة في السودان، خصوصاً منتخبنا "الوطني" وما هو بالوطني...
أيام دراستنا في الاسكندرية...جاء هذا المنتخب "الوطني"، وأنا أقول اللاوطني...وعسكر في اسكندرية لأيام....وقد أتصل بي أحد الزملاء من وهو ولد قطب من أقطاب فريقي "القمة"، أتصل بي طالباً مني أن أفضي ليهم الشقة، لأنو لعيبة المنتخب "دايرين يعيشوا الجو مع الجكس المصري"...طبعاً بعد رفضي للطلب...قررت أن أعالج قلبي وضميري من الكورة السودانية، حتى لا أفقد أصبعاً أو فردة من فردة أضنيني الجوز ديل... الجدير بالذكر أنو قلبنا أتهرد وفشفاشنا أتورم...منذ غانا 2008...وأستغرب في قلوبك الحديدية وأعصابكم المثلجة لمتابعة البقية!!!
المهم... ضحكتا هنا وكده:
Quote: المشكلة عندنا في الفنيات في الاخراج يعني قبل كده شاهدت برنامج ماجابوا الضيف الا لمن مسك كباية الموية وشرب لووول ماعارف كباية الموية دي لازم يثبتوا للحسابات شربها الضيف ولا شنو لووول يكه |
شكراً لك يا زاااااااااااتو... وشكراً للرشيد بدوي عبيد... والشكر موصول لكل من يعبّر عن دواخل المكتوين بنيران الصبر!
| |
|
|
|
|
|
|
Re: تضامنوا مع الرشيد بدوي عبيد (Re: طلحة عبدالله)
|
اللخو طلحة ... لن أبتعد كثيراً عن أيام الأسكندرية لأجيب عليك...فبالإضافة لتلك الواقعة التي سمعت قصص كثيرة زيادة عليها تصب في نفس الإتجاه ، إضافة عليه يتم تكوين المنتخب نفسه من فريقي "القمة" وكأن هذا المليون ميل مربع يتم إختزالها في أمدرمان!
لو تم تجميع عدد 50 لاعب من السودانيين من حواري السعودية فقط...لكانت مهارات اللعيبة أفضل من التي شاهدتها سابقاً -حتى تاريخ غانا 2008- وهذه إضافة أخرى للبعد "الوطني" الرايح في خبر كان!
وطني عندما يجمّع اللاعبين السودانيين من المليون ميل مربع...وما أكثرهم، وطني عندما يجمّع لاعبين سودانيين في كل أنحاء المعمورة كما تفعل منتخبات دول كثيرة!
أمّا بالنسبة لفريقي الهلال والمريخ...فمن أسماءهم فقط...اتمنى نزولهم الى كوكبنا هذا حتى يتثنى لهم اللعب مع توفر الأوكسجين!
| |
|
|
|
|
|
|
Re: تضامنوا مع الرشيد بدوي عبيد (Re: AnwarKing)
|
العزيز انور الملك ،، شكرا للمرور قالوا الما لامك مادارك اكيد عزوفك عن الفريق القومي ماهي الا غيرتك على الفريق حتى يكون في مستوى المسئولية ، ماحدث لك في الاسكندرية ليس غريبا لان اللاعب يفكر في السياحة قبل الغرض الاساسي من السفر . دي نقطة مفروض ماتكون فايته على الاتحاد والمسئول عن البعثة .
كلنا تفاجانا من غانا 2008م قلنا المنتخب السوداني بعد غياب ح يعمل عمايل كمايقول المثل الجنيات الغابت جابت لكن طلع سافر زمان ولا جاب جواب ولا خبر ولا رسل مصاريف زاتو.
اهو في النهاية خادم الفكي مجبورة على الصلاة نعمل شنو ياهو منتخبنا ولازق فينا .
كويس انو بعد المصائب دي كلها قدرنا نطلع منك ابتسامة
خليك CHEER طوالي انت عندك احلى بنوته
زاتوووو
| |
|
|
|
|
|
|
Re: تضامنوا مع الرشيد بدوي عبيد (Re: ALZOLZATOO)
|
والله يا حنش ما فهمت علاقة واقعة ايام دراستك في الاسكندرية ب( لا وطني ) الخميت بيها منتخبنا شنو لكن بجاوبك من نص كلامك التاني بتاع لعيبة الهلال والمريخ وارض المليون ميل والحاجات دي لك ان تعرف أن لاعبي الهلال والمريخ ديل جايين من كل بقاع السودان شرقا من كسلا وبورتسودان والقضارف وغيرها وغربا من الابيض وبارا والنهود وغيرها وجنوبا من جوبا ومريدي وواو وملكال وغيرها وشمالا من عطبرة والدامر ولحدي الخرطوم ووسطا من الجزيرة وغيرها المريخ والهلال عندهم الإمكانات المالية عشان كدا قاعدين يكوشوا علي اللعيبة ديل ويسجلوهم في الناديين الكبيرين بعد كدا يااللخو ال ( لا وطني ) دي الا كان اتهام ساي عايز تبهت بيهو المنتخب الوطني دا
| |
|
|
|
|
|
|
Re: تضامنوا مع الرشيد بدوي عبيد (Re: ALZOLZATOO)
|
أوفدت الإذاعة السودانية المعلق يوسف محمد يوسف إلى يوغندا للتعليق على مباراة السودان وزامبيا والتي ربما تكون الأخيرة لمنتخبنا في سيكافا ما لم يتفوق على زامبيا بخماسية نظيفة وخسارة كينيا أمام بورندي لأن ترتيب المجموعة كما يلي:
1 منتخب بوروندي 7 2 منتخب كينيا 5 3 منتخب زامبيا 5 4 منتخب السودان 2 5 منتخب جيبوتي 1
| |
|
|
|
|
|
|
Re: تضامنوا مع الرشيد بدوي عبيد (Re: عبدالبارى العجيل)
|
ياجماعة !!
قبل كدا التلفزيون في برنامج "ديني" بيقدمه واحد دكتور إسمه مين كدا (الفريق أو البكباشي موش عارف!!) برنامج بيقدموا فيه جوائز للمتسابقين والمتسابقات ، الدكتور دا شرح الآية: "الذين يجتنبون كبائر الإثم والفواحش إلا اللمم" وقال إن "اللمم" هي الحاجات "السلاَّخية" أيوا : السلاخية، السلاخية كدا عديييييييييييييل!!! رايكم شنو؟
الرشيد دا لا دكتور في الفقه، ولا بيقدم برنامج ديني تعليمي. خلاص قوموا شوفوا ليكم شغلة، الراجل خلاص قالوا الإذاعة برأته وردت ليهو إعتباره ورجعته شغله.
ويابكري بالله أقفل الباب دا خلاص وخلينا في البلاوي الأكبر من كدا ، البلاوي الفينا ، والبلاوي الجايانا، واللي لحدي الليلةلا نحنا ، ولا حكومتنا، الله لاتكسبها، عارفين نعمل فيها شنو!!
تحياتي
| |
|
|
|
|
|
|
Re: تضامنوا مع الرشيد بدوي عبيد (Re: ALZOLZATOO)
|
سلامات للجميع، وكل عام جديد وأنتم بخير.
من وجهة نظري؛ مفروض يحصل الآتي:
1- استدعاء الرشيد بدوي عبيد من قِبل الجهة المسؤولة في الإذاعة، 2- التحقيق معاهو، 3- لو ثبت تلفظه بما نُسب إليه؛ يحاسب، ولو ثبت خطأ نسبته إليه؛ يُبرأ.
صحيح أن مثل هذه الألفاظ تكثر من المتابعين للمباريات -من داخل الإستادات على وجه الخصوص-؛ لكن ده ما مبرر لغض الطرف عمن أوقعه "سوء حظه" في مشكلة التلفظ بلفظ بذيء عبر مايكروفون الإذاعة.
الدعوة لمحاسبة الرشيد لا تعني بالضرورة السعي لإعدامه أو تحين الفرصة -النادرة- للنيل منه، لكن المحاسبة يجب أن تكون تثبيتاَ لمبدأ يرفض "مشروعية مثل هذه الألفاظ من واقع شيوعها".
كلنا شفنا كابتن الهلال هيثم مصطفى قبل أسابيع في التلفزيون وهو يتفوه بألفاظ بذيئة أثناء إحدى المباريات، لم يتم استدعاؤه -ولا يحزنون- رغم أن إحدى ضوابط الاتحاد العام تنص صراحة على حق لجنة الانضباط في استدعاء ومحاسبة الخاطئين استناداً إلى "مشاهدة شريط الفيديو أو حسب تقارير الجهات الرسمية المكلفة".
ما قدمه الرشيد من خلال التعليق على المباريات على العين والرأس، رغم إنو كان بيؤدي عمل وبياخد عليهو قروش، لكن لو غِلِط؛ مفروض يحاسب زي الترتيب.
| |
|
|
|
|
|
|
|