|
/*/*/*/ إحتــرت فيــكـ /*/*/*/
|
إحترت فيك .. وفيك الأغاني اتحَّيرت حرنت خطاوي عليك مشت حاشاها يوم ما اتحيّلت قدر العصافير البكت حضنت صغاره وقّيلت قاسية الظروف الشيّلت كتف المسافة الميّلت ساساق دروبك ودَّرت خطوات خريفنا السيّلت شمس العِمير الفرهدت غتّيت شعاعه وليّلت والدنيا غرقت فى الدموع حارت معاك وحيّرت **** **** **** القال غناكَ بيطربو كضّاب وبلعب باللهب يا حليل مواويلك زمان تهبش زقاقات العصب قُبّال تغرِّب يا شروق غابت شموسك بالتعب كونك تسافر فى السفر أصلو العقول ما أتخيَّلت يوم إشتهت سفنك رحيل لكَنَت صواريها الرياح شديت مقاديف الوداع سنيت مراسيك والرماح وطعنت فى الزول القبيل متلفحك عافية وسماح فى قلبو كانت سكتك شوقارة لى كل البطاح يا حليلو ما كان فى الخيال تحرِق مشاعرو ويُستباح كانت نهايتك أولو وأول نهايتو معاك جراح كنت الشموس التفرحو كنت المشارق والصباح ياريتو ما عرف الهوى قبل الدموع .. كان إرعوَى .. وكان إستراح .. وزى ما اشتهت سفنك رحيل فى لحظة جات ليها الرياح ولو كنت صاح بتعزّنى وانا ليّْ مكان جواك صاح ماكنت رُحت وسبتنى يا سيدى مطعون بالرماح .
|
|
|
|
|
|
|
|
Re: /*/*/*/ إحتــرت فيــكـ /*/*/*/ (Re: تماضر الخنساء حمزه)
|
Quote: لو كان نسيت انت الغناوي الكان بتديك الطرب انا لسه متذكّر مشيك غطّى الشوارع بالتعب ولسه بشتاق لي مجيك ماالنار تجمّر للدهب |
حاشاها ما نسيته و يمين.. طعم الأغاني كما الرطب .. لساها في القلب الحنين نار المجامر في العصب.. قوليها منك .. ومن متين أقوي التعب والله اللهب ؟؟ رغم المسافات الأنين .. راجيكي في عمق المصب.
| |
|
|
|
|
|
|
Re: /*/*/*/ إحتــرت فيــكـ /*/*/*/ (Re: فاروق أبوحوه)
|
Quote: حاشاها ما نسيته و يمين.. طعم الأغاني كما الرطب .. لساها في القلب الحنين نار المجامر في العصب.. قوليها منك .. ومن متين أقوي التعب والله اللهب ؟؟ رغم المسافات الأنين .. راجيكي في عمق المصب. |
لو كان لقيتكم من زمان ما كان عتابكم فج شريان المكان وإدفق الشعر النزف شلال حنان يادرتين كيف منكم فيكم غنا وكيف حسكم نفس المنى ونفس الملامح والامان
| |
|
|
|
|
|
|
Re: /*/*/*/ إحتــرت فيــكـ /*/*/*/ (Re: mohmed khalail)
|
Quote: لو كان لقيتكم من زمان ما كان عتابكم فج شريان المكان وإدفق الشعر النزف شلال حنان يادرتين كيف منكم فيكم غنا وكيف حسكم نفس المنى ونفس الملامح والامان |
لو كان مشتتنا البعاد.. باكر بجمِّعنا الأوان.. حلم البلد حتماً معاد.. رغم المحطات الهوان.. كنك وطن .. رغم الزمن .. لا فاتنا يوم.. لا مره خان..
| |
|
|
|
|
|
|
|