|
|
|
 Re: حين استغراب ...يا بكري ابوبكر هل تعمل بغض النظر (Re: خضر حسين خليل)
|
الاستاذه / ريهان ( الاسم دى ماذا يعنى ان امكن )
سلامــــات ثم سلامــــات
اول سؤال سالته للاخ بكرى بعد مقابلتى الثانية لــه هو ...
التحدى بتاع الهكر دى تحدى تقنى مقصود بــه انت فى نفسك ام المنبر ؟ تجربة الهكر كانت تجربة قوية كيف ادرتها ؟
.......
الى حــد ما احسب انو بكرى يفصل تماما بين البورداب وادارة وتشغيل المنبر ..
الادارة و التشغيل يعتقد بكرى انها من صميم اختصاصه ولا علاقة للبورداب بذلك ودونك ( اللوائح )
نترشــه خفيفة :
التصنيف دى حتـــمي ونهائــى ... لانـى ما شايف نفســـى فيــه
وكمان ما اعتقد انو الاستاذ كمال عباس ينطبق عليه هذا التصنيف .
مع الاحترام والتقدير
Quote: استغرب من بورداب يستمتعون بلمات تجمعهم بالريس بكري ولا يكلفون انفسهم عناء مناقشته او سؤاله عن ما يتم بالمنبر من احداث ، ارفق بهم من قراءة بوستات تنعيهم وهم احياء...
|
| |
 
|
|
|
|
|
|
|
 Re: حين استغراب ...يا بكري ابوبكر هل تعمل بغض النظر (Re: بدر الدين اسحاق احمد)
|
ريهان ..
سلام ..
| Quote: استغرب ان بكري لا يكلف نفسه عناء الرد عن تسأولات المنبريين عن قصص الهكر وما وراءها من احداث ولا اجد ما يبرر اختفائه وتزيينه صور اللمات الاجتماعية |
انا برضو بستغرب معاك ..
لكن ..
..
..
..
النقط دي بتعبر ليك عن رأيي بصراحة و استفاضة
اما
| Quote: استغرب من بورداب يستمتعون بلمات تجمعهم بالريس بكري ولا يكلفون انفسهم عناء مناقشته او سؤاله عن ما يتم بالمنبر من احداث ، ارفق بهم من قراءة بوستات تنعيهم وهم احياء |
دي يا اختي قد تكون اخطر عبارة في بوستك ده و هي التي قد تقتل البوست و الحوار المفترض
اي بوردابي سئل بكري او ناقشو حيجي يقول ليك انا ناقشتو و يبرئ نفسو
و النسا او خجل حيجي يغلظ ليك القول عشان يمرق من الاحراج ده
انا شخصيا في اول لقاء ما سألتو و لا اهتميت
لكن كنت مع اتنين بورداب سألوهو و جاوبم
هل ده بيطلعني براءة ؟
ما ناقشتو و ما اظن اناقشو لأنو الامر ما خاص عشان اتوقع منو اجابة خاصة لي
لو عاوز يجاوب فالبورد حقو و عندو باسويرد كان جا و جاوب او عمل بيان اواي شي
يبقى سؤالي غالبا ما حيقدم او يأخر
لكن تصدقي الغريبة انو جاوب البورداب السألوهو عن الهكر
و قال ..
شفتي بعد قال دي ما ببقى في حِل اني اقول
القالو قدامي ( ما لي ) لو هو عاوز ينشرو كان جا قالوا
لكن صدقيني البورداب هروهو اسئلة
دومي بخير
عايني كلام خضر ده ما ترميو ..
اعملي تعديل
و امسحي م طرف الخط القاطع الانتي عاملاو ــــــــــــ
لانو البوست مفتول فتله شديده
| |
|
|
|
|
|
|
|
|
|
Re: حين استغراب ...يا بكري ابوبكر هل تعمل بغض النظر (Re: ريهان الريح الشاذلي)
|
طـــق خاااص
الوريفه ريهان الريح ..
تحية وود ..
تعرفي ياهو ده نوع الكلام الانا سميتو ولخصتو في انو المنبر
بقي قاعد علي ( رمال متحركة ) ..
واشهد بانو في اعضاء ابدو نقاش جاد مع ( بكري ابوبكر) وسمع منهم
وان كان عندي قناعه بانو مناقشات ( الصالونات) .. واصحاب اصحاب
لا تفضي الي نهايات مرتجاه .. ( ممكن تقولي اني واقع تحت تاثير المؤتمرات)
والنقاش المفتوح والجامع .. والشفاف ..
وقلنا ما يشبه تسميته ( بالمؤتمر الاول ) لسودانيز اونلاين
| |
|
|
|
|
|
|
|
|
|
Re: حين استغراب ...يا بكري ابوبكر هل تعمل بغض النظر (Re: خضر حسين خليل)
|
تحياتي لجميع المتداخلبن وشكرا للتنبيه
بالنسبة للاستغراب الاخير عشان اللبس الحاصل يا خوانا انا اعرف عن لماتكم دي فقط ما تحكيه صوركم وتعليقاتكم في بوستات ما بعد اللمة
لم اقرا لأحدكم كلاما يفيد ما تم نقاشه من مواضيع عالقة في راسنا واسئلة لم تاخد حقها في الاجابات ...
لذا اعتبركم لم تسالو الي ان يأتيني ما يفيد ...
معليش لكن جاياكم بالنفر...
| |
|
|
|
|
|
|
|
|
|
Re: حين استغراب ...يا بكري ابوبكر هل تعمل بغض النظر (Re: خضر حسين خليل)
|
Quote: أظن أننا بحوجة فعلاً لعقد ؤتمر لسودانيز أونلاين
ومناقشة تجربة سنواتها التي مضت
ومن ثم وضع رؤي مستقبلية لغد أفضل لهذا المنبر |
يا خضر اتخيل لي اول شي نحن بحوجه لتحديد رؤية هامه بيتبني عليها كل كلامك ده
ادارة المنبر هي بكري ابو بكر صاحب المنبر لا غير
نحن بين حالين
الاقرار.. باي شكل من اشكاله و الاستمرار في الكتابة
او الرفض و اتخاذ موقف .. و اظن اول موقف رافض بيكون التوقف عن الكتابة باعتبار انو لأ ما بكتب عند بكري
خليني اكون صريح معاك شوية
مسألة الاعتراض على الادراة دايما بتجي من المشاكل
يحصل خلاف فيتمسح بوست او مداخله اويتم ايقاف زول
كلنا بنقوم نلوم بكري
ليه وقفت فلان رغم انو فلان البدا بالعدوان
ليه مسحت المداخله القالت لفلان يا ابن الكلب رغم انو فلان قال ليو يا ابن الوسخة
زيي زيك زي الباقين بزعل من بكري و بقول مفروض يدي الموضوع وقت اكتر و يحقق و يراجع و يشوف كم بوست لورا و يتتبع جزور الخلاف ثم يقرر بدل قرار ريح دماغك ده
لكن ..
لما افكر فيها براحه بلقى الملا الاول ما بكري
الملام الاول هو نحن الكتاب
اتخيل معاي
كتاب بيكتبو للقارئ ما يفيد
كتاب لما يختلفوا بديرو حوار اما يصل لنقطة او يتوقف في هدوء
وين بكري بيلقى ليو فرقة يمسح او يوقف ؟
هل حصل ( بصفتك اقدم مني ) بكري وقف زول لأنو كتب انتقاد اقتصادي لاتفاقية الكوميسا ؟
هل حصل بكري مسح بوست ادبي فيو نصوص شعرية ؟
المسح و الايقاف بيجي في الخلاف
و الخلاف عندنا انو لما اختلف مع خضر اقول ليو يا جاهل يا تافه
و اعتبر دي حرية رأي لانو رأيي انو خضر ( معليش في المثل ) جاهل و تافه
يقوم خضر يرد لي انو تافه انتيا حيوان يا صعلوق السينما الوطنية
و كلو في اطار حرية الرأي
عزيزي خضر
عاوزين الادارة تكون كوسه خلينا نكون اول شي كتاب كويسين
بكري الكعب ده نقطعا ليو في صعلتو و ما يلقى فرقه يمسح
بستغرب في زول يرسل عاوز باسويرد و يطلعو ليو الناس مظاهره يا بكري فلان ببابك فهل تأذن
ده كلو عشان تكون اسهاماتو في البوردهي يا حيوان و يا جاهل و عاجبك وله تحلق حواجبك
او بوستات من شاكلة : احمد المهدي ابن كلب لانو انا شايف كده او محجوب شريف شعرو بيطمم البطن و الدليل بطني و هكذا
بكري يعتبر سودانيز وطن صغير .. و انا اختلف معه ( قلتها ليو يا ريهان ) سودانيز وسيط اعلامي
جريدة حية
بث كتابي مباشر
اتوقع من الكاتب يجي مستحمي و متريح و لابس نضيف عشان اقراو
لكن لما يجيني الكاتب بسفنجه و شعرو قنفد ما بيزعلني بكري لما يظلموا او يعاقبو بالحق
مافارق
| |
|
|
|
|
|
|
|
|
|
Re: حين استغراب ...يا بكري ابوبكر هل تعمل بغض النظر (Re: كمال علي الزين)
|
التحية والاحترام بدرالدين اسحق
| Quote: الادارة و التشغيل يعتقد بكرى انها من صميم اختصاصه ولا علاقة للبورداب بذلك ودونك ( اللوائح ) |
دي العوجة...
- بكري صاحب الموقع (وليس مشرف المنبر) يمتلكه وبالتالي يمتلك عائدات الموقع المالية كلام مافيه نقاش بالاجماع (افتكر كده)
- ادارة النواحي التقنية للموقع هي من صميم مسئوليات بكري ابوبكر
-
ادارة المنبر العام وما يكتب بداخله هي من صميم مسئوليات اعضاء المنبر العام ولا علاقة لأدارة الموقع بها فنشاط العضوية هو الذي خلق من المنبر بؤرة اعلامية وشهرة فائقة القت بظلالها علي الموقع (في جاه الملوك نلوك) .
المهم انو نعرف الفرق بين موقع سودانيز اونلاين وبين المنبر العام لسودانيز اونلاين وكده نكون حسمنا قصة تداخل الاختصاصات..
| |
|
|
|
|
|
|
|
|
|
Re: حين استغراب ...يا بكري ابوبكر هل تعمل بغض النظر (Re: ريهان الريح الشاذلي)
|
سلامات حمور زيادة وخالص الاحترام والتقدير
شكرا للتنبيه..
Quote: لكن تصدقي الغريبة انو جاوب البورداب السألوهو عن الهكر
و قال ..
شفتي بعد قال دي ما ببقى في حِل اني اقول
القالو قدامي ( ما لي ) لو هو عاوز ينشرو كان جا قالوا
لكن صدقيني البورداب هروهو اسئلة
دومي بخير |
السؤال الخطير لو زول زيي ما مشي عزومات الغداء يفضل قاعد (زيي برضو) كده ما عارف ماذا يجري حوالينو ؟؟
زي في الرد الفات وريت وجهة نظري فيما يتعلق بالمنبر العام اذا استنادا علي منهجية تفكيري تجاه المنبر(المذكورة سابقا) بفتكر انو من حقي ومن حق
كل اعضاء المنبر العام معرفة ما يدور وما معرفة ساي لكن مساهمة ومشاركة في تقرير المصير ..
فهمت من كلامك انو رد بكري بتخت في خانة بند السرية سؤالي الجاد هنا اي سرية يعنيها بكري ؟ ومنو البستحق انو يتقال ليهو الكلام السري ؟؟
وهل يمتلك بكري الملف الامني لكل العضوية هناعشان يختار منهم من يؤتمنو علي السر ؟؟
اذا السر في السر شنو ...
Quote: بكري يعتبر سودانيز وطن صغير .. و انا اختلف معه ( قلتها ليو يا ريهان ) سودانيز وسيط اعلامي
جريدة حية
بث كتابي مباشر
اتوقع من الكاتب يجي مستحمي و متريح و لابس نضيف عشان اقراو
لكن لما يجيني الكاتب بسفنجه و شعرو قنفد ما بيزعلني بكري لما يظلموا او يعاقبو بالحق
مافارق |
اخاف الاستحمام لمن يكون ما اصيل في ثقافة الكاتب واهاب الريحة لمن تكون شدة وتزول ..
لك التحية حمور زيادة كلامك مع اختلافي معه قورت راسي وفتحت منافذ...
زي ما قلت ليك فوق انو لا شفنا بوست اتفتح ولا حوار صحفي مع بكري ولا هو جاوب اسئلتنا
| |
|
|
|
|
|
|
|
|
|
Re: حين استغراب ...يا بكري ابوبكر هل تعمل بغض النظر (Re: ريهان الريح الشاذلي)
|
ريهان كيفنك ..
تعرفي انا كتير من الحاجات بفضل اخدا على علاتا ..
دي ما نصيحه .. دا تبيان موقف شخصي ..
بكري ما كتب ..
لكن لما بعض الناس ( و ده ما كان في الغدا على فكره ده كان في قعده اخرى ) ادا معلومات
القالوا ما مهم شديد .. يعني ما قال و الله المتهم اسمو فلان
و لا اظنو يندرج تحت باب السرية ..
لكن هو ما جا كتبو
عشان كده انا مثلا ما بقولو
و اكتر من بوردابي بيسألوا بكري حتى بالتلفونات و هو بيجاوبم و بيديهم معلومات
طيب الما بيعرفوا بكري و ما عندهم تلفون بكري ( و انا واحد منهم على فكره لأني ما لاقيت بكري ده الا الاسبوع الفات ) يعملوا شنوا ؟
انا بتفق معاك تماما انو من حقهم يعرفوا
ما عشان هم لازم يكونو ادارة او مشرفين
لأ
لأنو الكاتب من حقو يحس بالامان و انو شريك في المعلومة .. ما يتهمش يعني
لكن ..
بكري ما كلمنا
نسوي شنو ؟
انا شخصيا بخليها على علاتا
حتى لو ما كنت لاقيت بكري الاسبوع الفات و سمعت منو القالو فبرضو ما كان حيفرق معاي
تراني بكتب
في الوسيط ده
و ربنا يسهل
| |
|
|
|
|
|
|
|
|
|
Re: حين استغراب ...يا بكري ابوبكر هل تعمل بغض النظر (Re: محمد البشرى الخضر)
|
خالد ماساالمحترم جدا والواقع تحت تأثير المؤتمر الخامس والاخير..
ارجو ان لا تطلع من تأثير ثقافة المؤتمرات لازالت هي الاولي...
| Quote: وقلنا ما يشبه تسميته ( بالمؤتمر الاول ) لسودانيز اونلاين |
سكت دهرا ونطقت فرحا...
خضر حسين خالص الود والاحترام
Quote: أظن أننا بحوجة فعلاً لعقد ؤتمر لسودانيز أونلاين
ومناقشة تجربة سنواتها التي مضت
ومن ثم وضع رؤي مستقبلية لغد أفضل لهذا المنبر |
واعادة صواب العقول التي مالت وارجاع التي تقافزت ورج التي سكنت...
محمد البشري خالص التحايا والاحترام
التغالبة مشكلتهم محدودية الفكرة والاداء يعني التغلبي بامكانه انو يكون تغلبي واعي ولكنه اختار الانتقاد
كمال الزين خالص الود والاحترام
اما هولاء البكر فهم الوجع الخرافي وحصبلة الرماد من امال عظيمة تجاه افراد تكن لهم من الاحترام ما يفوق الاحترام فيقابلون احترامك بالابتسامات وبعض النفاق..
| |
|
|
|
|
|
|
|
|
|
Re: حين استغراب ...يا بكري ابوبكر هل تعمل بغض النظر (Re: ريهان الريح الشاذلي)
|
| Quote: بكرى دا زى سيدى محمد عثمان ا لميرغنى وسبدى الصادق المهدى رغم أنهم لايأبهون برأى الأعضاء ولكن لاعضو يستقيل من تبعيتهم. |
بلة موسي لك التحية والاحترام
وازيدك قطرة عارف بحكم وجيعي مع السادة احيانا لا تكون للعضوية اراء يأبه بها.. الغريبة انو باب التوبة عندهم مفتوح لا لحسن اخلاق السادة وقصص العفو عند المقدرة ولكن لعدم وجود تنظيم وبعد فتوحية باب التوبة لكن برضو ما في زول بستقيل ...
سبحان الله احزاب بها ولدان وبنات مخلدون...
لكن سيدي نحن لسة ما وصلنا لمرحلة احزاب السادة لايزال بكري اميرا ...
عمرو كمال العجييييييييييييب
خالص الاحترام وبالله بعد غسيل يدك من الكركار العجيب الملسلس تعال ورينا صيغة قانونية لفض التلابس بين منبر وموقع..
| |
|
|
|
|
|
|
|
|
|
Re: حين استغراب ...يا بكري ابوبكر هل تعمل بغض النظر (Re: Ishraga Mustafa)
|
ريهان لك التحايا
وكل عام وانت بالف خير
سؤال مهم كما الاجابة صعبة حتى وان وجدت عند صاحب الحوش كما يسمونه
حال هذا المنبر يا ريهان هو حال بلادنا المفقودة كمجتمع يحتاج الى رجة شديدة
ليست هناك اليه محددة لضبط هذا العالم الاسفيرى
وهذا ما يجعله مشوقا يملؤه التحدى
اوافقك تماما فى رايك كما اوافق الذين دعوا الى الانضباط الذاتى كثيرا
معليش يا ريهان قدرك انك لازم تستحملى فالتغيير دائما ياخد الوقت الاطول
ودمت
| |
|
|
|
|
|
|
|
|
|
Re: حين استغراب ...يا بكري ابوبكر هل تعمل بغض النظر (Re: ريهان الريح الشاذلي)
|
أتمنى أن يستمر النقاش في هذا البوست كما بدأ
بهدوء وعقلانية
وبدون إفراغه من مضمونه
حال الحوار هنا كحال من قيل له زوجتك تخونك مع دكتور فلان جاركم
قال ليهم هو ما دكتور هو مساعد طبي !
شكراً ياستي ريهان على إستغرابك المشروع
ومتابعة
ويا عمرو كمال
أدق توصيف ممكن الزول يقراهو هو توصيفك ده:
البورد فعلاً بقى ملسلس
| |
|
|
|
|
|
|
|
|
|
Re: حين استغراب ...يا بكري ابوبكر هل تعمل بغض النظر (Re: ريهان الريح الشاذلي)
|
اشراقة مصطفي خالص التحية وكل سنة وانتي طيبة
| Quote: والأدهى من ذلك الفهم القاصر بان النسب للاخوات {مذمة} |
للاسف حتي من يدركون ان النسب للاخوات ليس مذمة لا يدركون ان الاساءة والوعي لا يتجزاءان ...
حامد محمد حامد خالص الاحترام وكل سنة وانت طيب
عارف للاسف الاعتماد علي الانضباط الذاتي براهو خطأ كبير لانو للاسف غالبيتنا لا تمتلك ذات شفافة وصادقة تقوم بعمل الضبط كل مظاهر التطور والحضارة الفيها عبارة عن وهمة كبيرة وعوالم حدودها الكبيوردات فما افتكر نفوس بهذه الوضعية تمتلك قدرة للانضباط اذا الحل الوحيد تكوين جسم اداري يشرف علي عملية الضبط وبعد كم سنة ضوئية قد نمتلك الوعي وبالتالي نتمكن من اجراء الصبط الذاتي .
شوف كمية التناقضات الموجود جوانا اقرب مثل شوف حجم رد الفعل علي موضوع كاريكاتير محمد اي سليمان الناس اتضامنو ومن حقهم لكن الغلط انو كل الرافعين شعارات تحرير المراة اعتبرو الغلطة في الكاريكاتير انو محمد اي سليمان حاول الاساءة لعصام عبر اسرته ناسيين انو كده بكرسو للفهم الهم رافضنو ...
الاساءة في كاريكاتير محمد اي سلبمان هي في ذكر افراد لا علاقة لهم بحرب بكر وتغلب ولا علاقة للاساءة بنوع الافراد ذكورا كانو اما اناث.....
تيسير عووضة خالص التحايا والاحترام وامنبات السنة الجديدة
شكرا لمرورك ويدك معنا عشان لو كتف الحوار ميل..
| |
|
|
|
|
|
|
|
|
|
Re: حين استغراب ...يا بكري ابوبكر هل تعمل بغض النظر (Re: ريهان الريح الشاذلي)
|
| Quote: الاساءة في كاريكاتير محمد اي سلبمان هي في ذكر افراد لا علاقة لهم بحرب بكر وتغلب ولا علاقة للاساءة بنوع الافراد ذكورا كانو اما اناث..... |
الله عليك يا ريهان وعلى قرايتك السليمة
على السخف المتواجد بكثرة في البورد إلا ان حكاية الناس تخلط الخاص بالعام وجيب سيرة من لا علاقة لهم بالموضوع دي هي اسخف ما يمكن
| |
|
|
|
|
|
|
|
|
|
Re: حين استغراب ...يا بكري ابوبكر هل تعمل بغض النظر (Re: محمد البشرى الخضر)
|
(*)
هنا كل يغني على ليلاه ..
يعني في فئة بتعبر البورد ده ونسة ..
وفئة بتعتبروا (ساحة ) نضال ..
وفئة بتعتبروا (ساحة) تنوير ..
وفئة بتعبروا أداة توصيل (رسائل) عامة ورسائل (خاصة)
وفئة بتعتبروا (منفذ) لها على العالم لرسم (كاراكتر) معين
ويتعتقدون أن هذا البورد وسيلة للإنتشار (إجتماعياً) ..
والإنتشار حتى على مستوى التصنيف كمثقف (رائع) ساي
أو مثقف (حقيقي) ..
وهنالك فئات أخرى متفرقة تكافح كل الفئات أعلاه كل على حدة ..
(*)
المهم والأهم هنا ..
أن الذين يعتبرونه أداة للنضال لم يهنوا أو يهونوا
إلا لأسباب أهمها :
أنهم تحولوا (لشلليات) تمارس فن العلاقات العامة
في مواجهة (تنظيم سياسي)هو (الجبهة) أو (الوطني) سمه ماشئت ..
وغاب عليهم أن (التنظيم السياسي) ..
لا يواجه إلا بأناس منظمين و(ملتزمين) ..
لا بمجموعات تجمعها (السن البيضا) و(الطبطبة)
والمشايلة ..
حا أجيك بتوضيح أكتر ..
| |
|
|
|
|
|
|
|
|
 Re: حين استغراب ...يا بكري ابوبكر هل تعمل بغض النظر (Re: كمال علي الزين)
|
Quote:
في مواجهة (تنظيم سياسي)هو (الجبهة) أو (الوطني) سمه ماشئت ..
وغاب عليهم أن (التنظيم السياسي) ..
لا يواجه إلا بأناس منظمين و(ملتزمين) ..
لا بمجموعات تجمعها (السن البيضا) و(الطبطبة)
والمشايلة ..
|
كمال الزين اتفق معك تماما
ريهان كل سنة وانت طيبة
اسئلتك مشروعة
انا عندى سؤال جينا المنبر لى شنو ؟اكيد اجابته بتختلف من زول لى زول لكن قديكون فى اتفاق عام انه منبر اتاح فرص للجميع بغض النظر عن اهدافهم
انا شخصيا عندى امل واحد انه يرجع منبر فكرة وحوار ؟هل ممكن جهودنا جميعا بترجعه
| |
|
|
|
|
|
|
|
|
|
Re: حين استغراب ...يا بكري ابوبكر هل تعمل بغض النظر (Re: tayseer alnworani)
|
| Quote: شوف كمية التناقضات الموجود جوانا اقرب مثل شوف حجم رد الفعل علي موضوع كاريكاتير محمد اي سليمان الناس اتضامنو ومن حقهم لكن الغلط انو كل الرافعين شعارات تحرير المراة اعتبرو الغلطة في الكاريكاتير انو محمد اي سليمان حاول الاساءة لعصام عبر اسرته ناسيين انو كده بكرسو للفهم الهم رافضنو ... |
| |
|
|
|
|
|
|
|
|
|
Re: حين استغراب ...يا بكري ابوبكر هل تعمل بغض النظر (Re: Mohamed E. Seliaman)
|
Quote: الله عليك يا ريهان وعلى قرايتك السليمة
على السخف المتواجد بكثرة في البورد إلا ان حكاية الناس تخلط الخاص بالعام وجيب سيرة من
لا علاقة لهم بالموضوع دي هي اسخف ما يمكن |
Can you point directly to the point where MES mixed the two sides
instead of this dirty costless claims
I will bring you my quotes
where EG directly insulted a whole group of tribes as well as my father
Do you remember you-poor fellow- mentioned Habasyyat UAE and me in the same post
| |
|
|
|
|
|
|
|
|
 Re: حين استغراب ...يا بكري ابوبكر هل تعمل بغض النظر (Re: كمال علي الزين)
|
الاستاذة ريهان
سلامات
وصــف موقع سودانيزاونلاين من حيث الملكية :
سيدو بكرى
ملك بكرى
حق بكرى
المشرف عليه بكرى
مدير الموقع بكرى
البفصل البورداب بكرى
البسجل البورداب بكرى
البوقف بكرى
العوائد الماديه لبكرى
الحقوق الادبية لبكرى
البيشطب البوستات بكرى
البيمنح المكتبات بكرى
المسئول التقنى بكرى
لبكرى الحق فى كل الاشياء اعلاه دون حق الاعتراض لاى عضو على ذلك ..
وكمان لاى عضو الحق فى ان يقبل او لايقبل بذلك وعليه :
* عدم المشاركة
* المشاركة فى موقع اخر
* تصميم منبر جديد
وفقا للوائح والقوانين المنظمة لعمل المنبر
| Quote: بكري صاحب الموقع (وليس مشرف المنبر) |
| |
|
|
|
|
|
|
|
|
|
Re: حين استغراب ...يا بكري ابوبكر هل تعمل بغض النظر (Re: ريهان الريح الشاذلي)
|
ريهان صاحبي
سنتك سعيدة
شوفي يا زولة الموضوع ده لا نقاش بينفع فيهو ولا بجدي
وح تكتبي ويجو الاخوان والاخوات يناقشو ويشرعو والحال
في حالو ببساطة لانودي ما اول مرة .
الحل في وجهة نظري واحد وبس بكري ابو بكر يا يفعل
قوانين المنبر ويعمل بيها يا كمان يشله كلو كلو ويخلي
الناس بدون قوانين ونتصرف بمنطق الحال ومافي زول بينا
في النص ولما نعمل كده ونرد علي زول اوزولة اتعدت علينا
ما يجونا الناس افواج افواج يقولو لينا دي ما الاخلاق السودانية
لانو ببساطة واضح انها اخلاق سودانية ولو ما كده طيب ظهرت كيف ومن
وين والا كمان البيتعدو الحدود ديل ما سودانيين ؟؟
يا ستى صدقينى المشكلة دى واضحه وهي مشكلة السودان ذاتو .
ولمن ترى اعزف اغنيتى ؟
معاً لمنبر بقوانين مفعله
أو
منبر دون قوانين
ملحوظة :-
عندي مبادرة سميته مبادرة السلك الشائك لحل الازمة السودانية
فكرته الرئيسية هي :-
نسور السودان ده من كل حدودو بدايرة سلك شائك عالية عالية
عالية (قدر سلخ سلخ قدر الله ماخلق ) وتكون مافي سلطة او مؤسسة
دولة والناس دى كلها تتداوس دواس جد ويموتو ناس كتار في النهاية
في ناس بتتعب وتفضل ويرفعو يديهم لي بعض انو ما عايزين يتكاتلو
وديل بيسو بلد جد جد .
* سلخ سلخ قدر الله ما خلق
لما كنا شفع صغار بنعتبر انو مافي زول مننا مفروض يكون عندو اكتر مننا
فلما يسالوني عندك كم بقول :- عندي سلخ سلخ قدر الله ما خلق .
سفيان نابرى
| |
|
|
|
|
|
|
|
|
|
Re: حين استغراب ...يا بكري ابوبكر هل تعمل بغض النظر (Re: سفيان بشير نابرى)
|
Quote: هلا يا حبشي
لحدي ما تجينيا بالكيبورد العربي ارد على حسب ما فهمت من كلامك
خلط الخاص بالعام و ذكر اطراف بعيدة عن البورد و الموضوع افتكر واضح جدا في عباراتك الكتبتها في الكاريكاتير |
Why don't you quote it then if it is very clear and obvious
If you forgot what you wrote earlier please just forget what I wrote later
And I have no interest in any further discussion with you
I hope you will be able to understand and accept that
Thanks
| |
|
|
|
|
|
|
|
|
|
Re: حين استغراب ...يا بكري ابوبكر هل تعمل بغض النظر (Re: Mohamed E. Seliaman)
|
تيسير النوراني كل سنة وانتي طيبة وخالص الاحترام
لقد صدق كمال الزين في ان التنظيم يواجه بتنظيم ، سؤالك المفيد السالتيه كان قبل فترة خدر عامل استبيان حوالين السؤال ده كنت اتمني لو قام بتحليل الاجابات وطلع نتايج علي الاقل نعرف انو شايتين وين ومع ناس منو ...
جهودنا بترجعه وممكن تغيره للافضل بالتنظيم كما قال كمال..
| |
|
|
|
|
|
|
|
|
|
Re: حين استغراب ...يا بكري ابوبكر هل تعمل بغض النظر (Re: Mohamed E. Seliaman)
|
Quote: And I have no interest in any further discussion with you
I hope you will be able to understand and accept that |
زي ما تحب
أصلا كلامي ما كان موجه ليك
وحديثي كان بصفة عامة و دي ما أول مرة أقولو , براك اتبرعت بلبس الطاقية الصادفت مقاسك
عموما ريحتني من عبأ نقاش الكوتات و الروابط و الإرشيف الما بعرف ليه
شكرا ليك برضو
| |
|
|
|
|
|
|
|
|
|
Re: حين استغراب ...يا بكري ابوبكر هل تعمل بغض النظر (Re: محمد البشرى الخضر)
|
الأخت الغزيزة ريهان
كل سنة وانت طيبة..
موضوع سودانيز ده بقى زي موضوع زول عندو واطة بور وماعندو قدرة يزرع
فيها شتلة واحدة قام قال للناس تعالوا ازرعوها واستفيدوا منها بدل تقعد
ساكت ..اها الناس اتلمت وزرعت والزراعة نجحت ..فيهم الإختلفوا وقالوا
نصيبم أكبر ..وفيهم الإتشاكلوا وخلوا الغبار قايم في السما..والحكاية
جاطت ..وفيهم الجايبم الدرب ساكت ..ولقوا العوا قيراطا 24 وعيارها
فالت..فيهم البقى يحجز وفيهم القال المديدة حرقتني ..والمديده حارة وحارة
وفجأة يظهر صاب الارض ..يقول ليهم الإنتاج هولي وتسويقو بعرف ليهو براي
وانتو كفاكم قول الناس ..والله فلان بعرف يزرع وعلان داك أشولنجي
وبيعرف يهندس الحكاية ..والداير يعمل مشاكل يمشي إشوف حتة غير
هنا..أها الناس إحتارت ما عارفين يقلعوا شدرم الزرعوه وبقى علي
الحصاد ولا يقبلوا بالحال ده ويرجوا قدام يمكن سيد الأرض يغير
حالو ويديهم نصيب معاهو..
صحيح بكري إشترى الارض دي ..لكن نحنا العمرناها وصرفنا فيها وكتنا
وهسه هسه نحنا القاعدين نصرف عليها ..قولوا كيف ؟
أكشاك الإعلانات القاعده فوق دي تكب في جيب منو؟
وتبيع لي منو؟..مافي اي زول سألو.. ولو عايز
يساومنا بي إشتراكات كمان الحساب ولد..
بكري مفروض يجاوب علي الأسئلة الملحه ومشروعه
البورد ده ماشي بي إرادة منو؟
وماشي وين؟..
وقصة الهاكرز دي محتاجة ضو شفاف عشان نعرف
مشهادنا وين ..في مليون طريقة يتحارب بيها
الهكر لو سيد الحوش عايز..سيد الحوش دي
ذاتها فيها لولو مننا ساكت ..ياهن ويانا
نحنا أسياد الحوش...أنا شايف السكات بعد
كده مذلة ..والقعاد في الضل بجيب الركلسة
والبكتيريا ..وأمراض الكبر..والحمى الراجعة
انا هسة ماقادر أدخل ..
عشان كده مستخدم حساب تاني بعد الإذن طبعا
منعم ابراهيم
| |
|
|
|
|
|
|
|
|
|
Re: حين استغراب ...يا بكري ابوبكر هل تعمل بغض النظر (Re: ريهان الريح الشاذلي)
|
طــــق خاااااص
الوريفه ريهان / تحية وود
أما قبل ..
_ ما اعلمة الان ومتاكد منه تماما بان هناك واقع اصبح قائما علي مستوي
سودانيزاون لاين نتحاور الان في معرفه السبب فيه او تحديدا من المسؤول عن هذا الواقع
وما هو الواقع ؟؟؟
- هو واقع ذو تفاصيل كثيرة وممله لكن فيه حقيقة تمثل حجر زاوية في كل ما يحدث
( المنبر الان اصبح فيه مشجب كبير اسمة " الهاكر" من الان فصاعدا يمكن ان يكون مخرجا
لاي عضو هنا ليعلق علية ما يشاء ..ولن يستطيع كائن من كان ان يقول بانه العضو ام الهاكر
_ يعني بكرة خالد ماسا لو جا وكتب اساءة لريهان الريح وهوجم من قبل الاعضاء ممكن عادي انكر حطب
انو ده انا ..( وهاك يا بوستات تضامن معاي لاعاده الباسويرد المهكور)
- وبكري ابوبكر ذاتي لو جاء وعلق بوست فووووق ( انتخبوا المؤتمر الوطني ) نكورك في بوستين
تلاته ونسكت بتبرير انو سيد الحوش ذاتو اتهكر .. وقس علي ذلك ..
- يعني شنو يا وريفه ( يعني كان رضينا ولا ابينا انحنا الان في حقل رمال متحركة ) ..ارض غير صلبة
كما كانت ..
- غايتو ده راس الخيط الانا ماسكو .. وبصل بصل .. وما داير من هسه اخت او افترض
( طويل كالمدي نفسي واتقن حرفة النمل )
والشيء الانا متاكد منو اكتر انو وين ما كانت نهاية الخيط ( الحتوصلنا للمسؤول)
في حقيقة بتقول انو الاحداث من نهاية العام 2008 وصاعدا علي مستوي الدولة السودانية
لم تكن تحتاج لحقل الرمال المتحركة هذا .. فمن يحتاجة هكذا؟؟؟
- في كلام مهم جدا قالتو الاستاذه تيسير النوارني وهي بتعرف اني ناقشتها كتير في شان
المنبر .. وهي مسالة الاصطفاف والتنظيم للتعاطي مع مسائل علي الاقل في مجموع قاعد
يتفق حولها .. واهمها تعويلنا علي هذه المساحه في انجاز مهام تخص قضايانا العامه
والمصيرية والتي لا يمكن انجازها الا بتجاوز هذا الحقل ايا كان المسؤول عنه ..
ونواصل ..
| |
|
|
|
|
|
|
|
|
|
Re: حين استغراب ...يا بكري ابوبكر هل تعمل بغض النظر (Re: خالد ماسا)
|
سلامات اشراقة مصطفي
لمن اتشاكل مع زول واقول ليه يا كلب ويرد علي يقول يا حمار هل ازعل لانو اساءته كانت اكبر حجما من اساءتي ؟؟ الاساءة لا حجم لها ولا تتجرأ
هل اساءة صاحبي لعدوي هي محمدة تستحق الشكر ؟؟ الاساءة هي الاساءة
هل اتينا سودانيز اونلاين لنسئ الاخرين ولنستمع للاساءات بين الاخرين؟ سؤال للنقاش
يا اشراقة انا افتكرت لمن قريت عنوان بوستك الكاتباه لي عصام افتكرت انو استنادا علي حبك ليهو انك داخلة تنتقديه وتصوبيه بحكم الصحوبية لكني اتفأجات ببوست يحكي عن سيرة نساء عظيمات ادرك اهمية سرد تجارب المراة والعمل العام لكن الاولوية كانت انتقاد عصام وليس تمجيد سيرة اهله...عصام وحسب متابعتي لكتاباته اكاد اجزم انو من افضل كتاب المنبر وكون انو في غفوة عرج من طريقو يبقي من باب اولي انو الحوالينو ينصحوه ما انو يناصروه ظالما ومطلوما..
ولان الاصل في عصام هو الوعي فقد جاء رده علي بوستك كافضل ما يكون الرد بانو عصام واسرته الكريمة متجاوزين قصة نبذ النسوان والاساءة علي حسب ما فهمته من رده
عارفة غلطة الشاطر بي 10 وللاسف الغلطو كانو 10 شطار...
| |
|
|
|
|
|
|
|
|
|
Re: حين استغراب ...يا بكري ابوبكر هل تعمل بغض النظر (Re: ريهان الريح الشاذلي)
|
| Quote: ادارة المنبر العام وما يكتب بداخله هي من صميم مسئوليات اعضاء المنبر العام ولا علاقة لأدارة الموقع بها فنشاط العضوية هو الذي خلق من المنبر بؤرة اعلامية وشهرة فائقة القت بظلالها علي الموقع (في جاه الملوك نلوك) . |
كيف الكلام ده؟؟؟
الموقع ده بتاع بكرى....يعمل فيه اللى هو عاوزه. البورد ده ما جريده حكوميه سودانيه (اذا كان فى ديمقراطيه فى السودان) و اى زول من حقوا يكتب اللى عاوزو.
و ذى اى موقع... بكرى عندو لوائح لموقعه. و بصراحه...اللى عاجبه ..اهلا وسهلا. الى ما عاجبه...ممكن يفتش على موقع تانى . او ممكن يعمل موقعه الخاص.
| |
|
|
|
|
|
|
|
|
|
Re: حين استغراب ...يا بكري ابوبكر هل تعمل بغض النظر (Re: ريهان الريح الشاذلي)
|
Quote: يا خضر اتخيل لي اول شي نحن بحوجه لتحديد رؤية هامه بيتبني عليها كل كلامك ده
ادارة المنبر هي بكري ابو بكر صاحب المنبر لا غير
نحن بين حالين
الاقرار.. باي شكل من اشكاله و الاستمرار في الكتابة
او الرفض و اتخاذ موقف .. و اظن اول موقف رافض بيكون التوقف عن الكتابة باعتبار انو لأ ما بكتب عند بكري
خليني اكون صريح معاك شوية
مسألة الاعتراض على الادراة دايما بتجي من المشاكل
يحصل خلاف فيتمسح بوست او مداخله اويتم ايقاف زول
كلنا بنقوم نلوم بكري
ليه وقفت فلان رغم انو فلان البدا بالعدوان
ليه مسحت المداخله القالت لفلان يا ابن الكلب رغم انو فلان قال ليو يا ابن الوسخة
زيي زيك زي الباقين بزعل من بكري و بقول مفروض يدي الموضوع وقت اكتر و يحقق و يراجع و يشوف كم بوست لورا و يتتبع جزور الخلاف ثم يقرر بدل قرار ريح دماغك ده
لكن ..
لما افكر فيها براحه بلقى الملا الاول ما بكري
الملام الاول هو نحن الكتاب
اتخيل معاي
كتاب بيكتبو للقارئ ما يفيد
كتاب لما يختلفوا بديرو حوار اما يصل لنقطة او يتوقف في هدوء
وين بكري بيلقى ليو فرقة يمسح او يوقف ؟
هل حصل ( بصفتك اقدم مني ) بكري وقف زول لأنو كتب انتقاد اقتصادي لاتفاقية الكوميسا ؟
هل حصل بكري مسح بوست ادبي فيو نصوص شعرية ؟
المسح و الايقاف بيجي في الخلاف
و الخلاف عندنا انو لما اختلف مع خضر اقول ليو يا جاهل يا تافه
و اعتبر دي حرية رأي لانو رأيي انو خضر ( معليش في المثل ) جاهل و تافه
يقوم خضر يرد لي انو تافه انتيا حيوان يا صعلوق السينما الوطنية
و كلو في اطار حرية الرأي
عزيزي خضر
عاوزين الادارة تكون كوسه خلينا نكون اول شي كتاب كويسين
بكري الكعب ده نقطعا ليو في صعلتو و ما يلقى فرقه يمسح
بستغرب في زول يرسل عاوز باسويرد و يطلعو ليو الناس مظاهره يا بكري فلان ببابك فهل تأذن
ده كلو عشان تكون اسهاماتو في البوردهي يا حيوان و يا جاهل و عاجبك وله تحلق حواجبك
او بوستات من شاكلة : احمد المهدي ابن كلب لانو انا شايف كده او محجوب شريف شعرو بيطمم البطن و الدليل بطني و هكذا
بكري يعتبر سودانيز وطن صغير .. و انا اختلف معه ( قلتها ليو يا ريهان ) سودانيز وسيط اعلامي
جريدة حية
بث كتابي مباشر
اتوقع من الكاتب يجي مستحمي و متريح و لابس نضيف عشان اقراو
لكن لما يجيني الكاتب بسفنجه و شعرو قنفد ما بيزعلني بكري لما يظلموا او يعاقبو بالحق
|
أولاً بعتذر لغيابي عن البوست لوعكة صحية ألمت بي
طيب يا حمور نجي لي كلامك
أولاً خليني أوضح ليك نقطة مهمة للغاية تحديداً فيما يخص معارضتنا لسياسات إدارة المنبر والتي ليس من بينها علي الاطلاق ما ورد في مداخلتك (ليه حزفت لي البوست الفلاني ووووالخ) والكلام دة علي الاقل بالنسبة لي كخضر حسين !! أنا بشوف ياحمور إنو المنبر دة ما حق بكري براهو كدة رغم إنو شهادة البحث بإسمو المنبر دة خلقوه مجموع الأقلام المسؤولة الكانت بتكتب والبتكتب لي هسي !! حالياً في منبر وماشاء الله الحال ذي ما إنت شايف !! طيب في رأيك منو المستفيد ياحمور من تدهور المنبر وتدهور الحوار في المنبر وتحول المنبر لنادي إجتماعي كبير (فلانة وضعت وفلان جاء من الحج وفلان عزموه كبدة إبل.... إلخ) المنبر ماشي بي بساطة يبقي نموزج لي صحيفة (دار) إلكترونية كما ورد في مداخلة قرأتها هنا أو في بوست آخر لا أذكر !! هل الكلام دة مسؤولين منو أنحنا ديل كما أشرت !؟
بتفق معاك في نقطة مهمة أشرت ليها في مداخلتك إنو بكري مفروض يدي المنبر دة شوية من زمنو !!
علي الأقل يجي يرد علي تساؤلات الناس ياخ !!؟
المؤتمر الأشار ليه ماسا في تقديري قد يكون مخرج وطوق نجاة نتباحث فيهو كلنا وبكري زاتو يجي يورينا الحاصل شنو في (سودانو المصغر) لأنو بي بساطة الحاجة القدامنا دي ماعندها علاقة لا بي سودان جديد ولا بي قديم ولا يمت للمؤسسية بصلة !
| |
|
|
|
|
|
|
|
|
|
Re: حين استغراب ...يا بكري ابوبكر هل تعمل بغض النظر (Re: خضر حسين خليل)
|
سلام يا خضر
سلامتك و كفارة و ربنا يجعلا ليك طهور و اجر
قلت انو ما من اسباب معارضتك لسياسة بكري الحذف و الايقاف و دي صراحة ما كنت اتوقعا لأنو ده اغلب البيزعل الناس و بيزعلني انا زاتي
| Quote: أنا بشوف ياحمور إنو المنبر دة ما حق بكري براهو كدة رغم إنو شهادة البحث بإسمو المنبر دة خلقوه مجموع الأقلام المسؤولة الكانت بتكتب والبتكتب لي هسي !! حالياً في منبر وماشاء الله الحال ذي ما إنت شايف !! طيب في رأيك منو المستفيد ياحمور من تدهور المنبر وتدهور الحوار في المنبر وتحول المنبر لنادي إجتماعي كبير (فلانة وضعت وفلان جاء من الحج وفلان عزموه كبدة إبل.... إلخ) المنبر ماشي بي بساطة يبقي نموزج لي صحيفة (دار) إلكترونية |
في فرق بين حق بكري و بين خلقوه مجموعة الاقلام يا خضر .. مش كده ؟
المنبر حق بكري .. شهادة بحث و ادارة .. و خلقت شهرتو و سوقتو اقلام كثيرة في ازمان متعاقبه
سؤال منو المستفيد من الحاصل ده سؤال غريب .. لأنو قطعاً ما بكري و لا اي قلم ملتزم عندو شي يقدمو
و ربطك السؤال بالنقاش ظهر لي كأنو انت بتعتبر بكري مستفيد من حال المنبر المترنح
احكي ليك كلمة قالة لي قارئ محتج على وضع المنبر
قال لي ما ممكن انا افتح الصفحة الاولى القى 25 بوست ونسه و شكل و 25 بوست كضب و 3 بوستات مفيده مدسوسة بيناتم
هل بوستات الونسه و الاجتماعيات الكتيرة غلطة من بكري وله خطة محكمة لاغتيال البورد ؟
صراحة انا ما بؤمن بالاستهداف بتاع نحن خطرين و رهيبين عشان كده اعدائنا بيساهرو الليل يحفروا لينا
ما بقتنع بالنرجسية دي
اعتقد انو كثرة اخبار فلانه وضعت و فلان جا من الحج هي شي طبيعي لهروب الانسان من الواقع المأزوم و من الخيارات القبيحة و الحل المعدوم
لو خيرتني يا خضر بين التداخل في بوست "مبروووك زميلتنا فلانة تضع تيمان توجد صور " و بوست " مسودة اتفاق القوى الوطنية السودانية " حاختار تيمان فلانة بلا تردد
ممكن اقرا داك لكن حامشي اكتب عند التيمان
ما عشان هايف و طمعان في السماية
لكن عشان في بوست الاجتماعيات ده حألقا متعه بريئة و ونسه لطيفة و كلمة كلمتين حلوات مع اي عضو و قد كمان ربنا يفتحا عليك و تضحك
لكن خش بوست القوى الوطنية .. يا اخرق .. متين بقيت تعرف سياسة .. انا يا واطي ؟
ده غير الكذب و رؤية كل شخص للوطن من وجهة نظرو
راجع الان الصفحة الاولى ..اربعة بوستات حاليا تديك احساس انو النظام الحاكم ده بس لو زول عطس حيسقط
و بوستين يخلوك تفكر هسسسسسه تمشي تشتري كلاش لانو ظاااهر بوادر حرب اهلية
و بوست بيلمح انو خليل ابراهيم بكره بعد بكره كده حيخش الخرطوم
و بوستين انو البلد ميه ميه و احلى من كده مافي
وين الحقيقة هنا ؟
لو سألتني بقول ليك المغتس حجر المنبر هو بوستات عاااااجل البشير يطلق النار على وزير الدفاع قبل قليل
البخلي بوستات حبيبنا فلان عازمك كمونية ياخ هو كثرة بوستات سياسية عرجاء قتلت داخل الناس اي امل في خير او تغيير
و ما دام قفلت بالشيش دو خلينا نضحك شوية
ما ممكن يبقى لا امل في بكره لا ضحكة هسه
عشان كده القارئ الاحتج لي على حال البوست انا قلت ليو خت مية سطر تحت بوستات كلها كضب دي
يا خضر يا خضر يا خضر
ياخ خليتني اتكلم و انا ما كنت عاوز
عليك الله اكتب و اكتب و اكتب
اكتب الشي الحلو
كتر منو
املا الصفحة الاولى بالبوستات المهمة و المفيدة
و ريهان بتكتب معاك
و ماسا بيكتب
و اكيد في زول بيقرا و اكيد في زول بيستفيد
حارب البوست القبيح بتاع حج فلان ببوست جميل عن التحليل السياسي
حارب البوست الطارد بتاع فلانه توبك ده شده وله من سعد قشرة ببوست حالم عن شعر درويش
و ما تحسد بوست التوب لو قروا ناس اكتر او اداخلو معاو اكتر
لأنو ده حال السودان
انت عارف يا خضر الدار بتوزع كم نسخه ياخ ؟
دم بخير و اسف للسخرية المريرة الاتسربت لحروفي
لا قصد لاهانة اي شخص او اي حرف
| |
|
|
|
|
|
|
|
|
|
Re: حين استغراب ...يا بكري ابوبكر هل تعمل بغض النظر (Re: حمور زيادة)
|
الى ريهان و الجميع
امس في قندهار طلب الزملاء من بكري كلمة
قال بكري ان المنبر مستهدف و اجتماع الاعضاء و علاقاتهم حتى في لمة اجتماعية مستهدف و ان ما حدث للمنبر و ما سيحدث لن يتوقف و ان هناك مسئولية تقع عليه هو و هي الدفاع الالكتروني و هو يحاول القيام بواجبه فيها و طلب من الاعضاء القيام بواجهم بمواصلة الكتابة المفيدة
كرر :
اكتبوا و ما تقيفوا
اعتقد انها نصيحة جيدة
حتى لو اختلفنا مع بكري في اسلوبه الذي اعترض انا شخصيا عليه
فلنكتب الجميل و الجيد و المفيد و الممتع
انا شخصيا انضميت للبورد لأكتب ..
لذلك وقعت لي نصيحة بكري باردة طيبة
| |
|
|
|
|
|
|
|
|
|
Re: حين استغراب ...يا بكري ابوبكر هل تعمل بغض النظر (Re: حمور زيادة)
|
| Quote: قال بكري ان المنبر مستهدف و اجتماع الاعضاء و علاقاتهم حتى في لمة اجتماعية مستهدف و ان ما حدث للمنبر و ما سيحدث لن يتوقف و ان هناك مسئولية تقع عليه هو و هي الدفاع الالكتروني و هو يحاول القيام بواجبه فيها |
جزئتين مهمتيت يا(زيادة)
لمة البورداب المستهدفة (فوق شنو) ؟
يعني ملومين في شنو والناس إستهدفتهم (ملومين دائماً في الخير قول آمين)
ومسئؤلية الدفاع الإلكتروني والإدارة عموماً دي مهمة شاقة ربنا يعينو عليها ..
أنا بتكلم عن (المضمون) شنو والمحتوى والهدف ..
(من اللمة ) و(الكتابة) ..؟؟؟
Quote: اكتبوا و ما تقيفوا
اعتقد انها نصيحة جيدة
حتى لو اختلفنا مع بكري في اسلوبه الذي اعترض انا شخصيا عليه
فلنكتب الجميل و الجيد و المفيد و الممتع
انا شخصيا انضميت للبورد لأكتب ..
لذلك وقعت لي نصيحة بكري باردة طيبة |
الكتابة ما وقفت يابا .. (لكن الكتابة مستمرة عن شنو) ؟
ده السؤال ..
(الجميل والجيد والمفيد والممتع )
كلو موجود ..
طهور ناس فلانة (جميل)
وتعزية ناس علانة (جيد )
و(لمة بورداب وزحمة أحباب ) مفيد
و(الحب المبذول للحبان في كل مكان (ممتع)
أها يابا ..
خضر ورهان في الجريف غرب
والناس في الجريف شرق ..
على العموم شكراً على نقل التصريح الهام والعاجل ..
وتحديد أطر الكتابةأعلاه التي أجدها كلها مثالية ..
خضر وريهان:
وكان تعب منك جناح في السرعة زيد ..
الله يعينكم ..
شكراً يا أخي زيادة ..
محبتي ..
| |
|
|
|
|
|
|
|
|
|
Re: حين استغراب ...يا بكري ابوبكر هل تعمل بغض النظر (Re: كمال علي الزين)
|
كمال ..
ازيك يا زول يا راقي
Quote: لمة البورداب المستهدفة (فوق شنو) ؟
يعني ملومين في شنو والناس إستهدفتهم (ملومين دائماً في الخير قول آمين) |
طبعا بما انو انا لست القائل فشرح المعنى حيكون فيو كتير من الظن
لكن ممكن اقول ليك الفهمتو انا من العبارة دي
العبارة في اصلها ممكن تكون عبارة مبالغة في توضيح شكل الاستهداف .. لكن ما اعتبرتها مبالغة مستحيلة .. لأنو المنطق بيقول - في حالة وجود استهداف من الاساس للموقع - انو اي تجمع لكتاب الموقع بيشكل نواة لرأي موحد و جبهة متكاملة و بيضيق الفروقات بين المختلفين .. الحكومي الصميم البيكتب في الموقع لما يتعامل اجتماعيا في لمة قندهارية مع معارض شرس و يتعرف على جوانبو الانسانية تتخيل حيكون موقفو شنو نحو المعارض ده لو تم اعتقالو ؟ شكل حوارو معاو حيكون كيف في البورد بعد ما لاقاو و قعد معاو و اكتشف انو المعارض ده ما عندو انياب و لا لابس العلم الامريكي وما عندو نجمة داوود في جبهتو .. لو اعتمدنا فرضية استهداف المنبر من دوائر نظامية فاستهداف التجمعات المنبرية وارد منطقيا .. ده فهمي انا لعبارة بكري
Quote: الكتابة ما وقفت يابا .. (لكن الكتابة مستمرة عن شنو) ؟
ده السؤال ..
(الجميل والجيد والمفيد والممتع )
كلو موجود ..
طهور ناس فلانة (جميل)
وتعزية ناس علانة (جيد )
و(لمة بورداب وزحمة أحباب ) مفيد
و(الحب المبذول للحبان في كل مكان (ممتع)
|
يسلم قلمك .. اتفق معاك تماما كل هذه ممفتعه و مفيدة .. و انا عن عمد تحاشيت الكلام عن نوعية معينة هي وحدها اعتبرها غير مجدية و لا تعني اي شئ .. نوعية بوستات المطاعنة و الصراعات الدونكيشوتية التي تصفي حسابات الاعضاء بعضهم البعض بلا صراع فكري او جدل مستنير بل شتائم و مساخات و ترصد اخطاء و سخرية
لكن خضر الزعلان ده كان قلت ليو بوستات الطهور سمحه كان عمل لي بوست
الحاولت اوصلو ليو انو الانت رافضو قاومو بالمثال العملي الجميل
يا خضر ما تصرف جهدك في الاعتراض على بكري و شكل ناذر .. اكتب الشي الجميل العندك الخلاك تطلب باسويرد و خلاك لمن اتوقفت رسلت تاني تطلب العودة و خلى الناس تطالب بعودتك .. اكيد عندك شي غير الاعتراض لى بكري .. مش كده ؟
شكرا يا كمال و قنب عافية
| |
|
|
|
|
|
|
|
|
|
Re: حين استغراب ...يا بكري ابوبكر هل تعمل بغض النظر (Re: حمور زيادة)
|
حمور
طبت مساءاً
قريت ردك علي المداخلة الأولي وردك برضو علي كمال علي الزين
وأسمح لي أدمج الردين أو تحديداً ما يخصني من أمر المداخلتين
هنا !!
طبعاً يهمني للغاية أن تعرف ياحمور إنو سؤالي بتاع منو المستفيد
من الحاصل دة ؟ ما فكيتو لله والرسول بقدرما فكيتو عشان أي زول
يشوف قدر الله ما أداهو من الخيال عشان يمرق لينا بي نتيجة أياً كانت
بالنسبة لي علي الأقل ممكن أقول ليك المستفيد ياحمور هي السلطة
والموضوع دة ما عندو أي علاقة بي نضال الاسافير وغيره !!
يعني الكلام دة لو كتبو لي واحد من المجموعة إياه صدقني ما كنت حأكلف
نفسي عناء الرد !!
طيب ياحور بكري بفتكر إنو المنبر مستهدف ! خير وبركة ! إتفقنا !
طيب مستهدف من منو ؟ كان سألتك يابكري ولا يا حمور بإعتبارك لاقيتو وسألتو
عارف ياحمور أنا القصة دي عندي ما معارضة نظام وسلطة وغيرو
بقدر ما هي قناعة ومبادئ يا قدرنا نصونها يا كمان خمتنا ومشت في (منحني
الدرب الطويل) .
بوستات المواجبة ياحمور ما برفضها علي الاطلاق ما ياهو حالنا كسودانيين
وسودانيات لكن إنو يبقي هو الهم الأساسي للمنبر فلانة وضعت وفلانة طارت
وفلانة ركت !! أها دة المفروض الناس تقيف فيهو .
يبقي بعد دة ياحمور كيف نمرق لي سهلة الكتابة النضيفة الانت بتنشدها
وغيرك وغيرك !! هل بمباراة بوستات السماية والكتابة فيها أملاً في
ونسة بريئة حد قولك !1؟ أما كيفن الدبارة يا صاحب ؟
دي بالنسبة لمداخلتك الاولي
طيب نجي لي ما يخصني في مجمل تعليقك علي مداخلة كمال علي الزين
عارف ياحمور ممكن تقول كدة (صعقت) وأنا بقرأ في ردك !!
الله لا جاب الزعل ياخينا
عارف المنبر دة أنا ما بتعامل معاه بالعاطفة الشفتني بيها دي
غايتو مخير والرأي رأيك وماعندي ليك غير إحترم رأيك وأهو تبقالنا
شوفة لي قدام !!
لكن النسألك ياحمور ليه إختزلت البوست بتاع لي ناذر (في شكلة)
هل بتفتكر مثلاً إنو البوست مفتوح لي شكلة مع ناذر
يعني ياحمور المقدمة الطويلة عن الديمقراطية وحق الاخر في التعبير
داك كلو ما شفع لينا في قرايتك للبوست !
إنا لله !!
إنت رأيك شنو ياحمور في زول بقفل بوستات الناس لأنو بختلف معاهم!!؟
بقفل البوستات البفتكر إنها ما بتصب في قالب السمايات والمواجبات
وعديلة تقدمو وتبرا !!!
هل دة ماعندو علاقة بإلغاء الآخر !!؟ أها يا حمور دة الخلاني أعمل
(شكلة) حد تعبيرك مع ناذر ومحاولة لفهم الحاصل في المنبر حد فهمي!!
حاجة أخيرة ياحمور
المنبر دة أنا إتفصلت منو ساي !! حقارة بس ممكن ترجع للإرشيف وتشوف
وتتأكد أما رجوعي ياخينا رجعت برضو ساي يعني ماطلبت من بكري زي
ما قلت إنو يرجعني .
والعفو والعافية
| |
|
|
|
|
|
|
|
|
|
Re: حين استغراب ...يا بكري ابوبكر هل تعمل بغض النظر (Re: حمور زيادة)
|
خضر كيفنك
شكر للصبر و اسف على التأخير
مداخلتك عموما جميلة و ما اقدر اقول فيها شي
بس عندي تعليق على كم نقطة
تعليق لا رد
Quote: بوستات المواجبة ياحمور ما برفضها علي الاطلاق ما ياهو حالنا كسودانيين
وسودانيات لكن إنو يبقي هو الهم الأساسي للمنبر فلانة وضعت وفلانة طارت
وفلانة ركت !! أها دة المفروض الناس تقيف فيهو |
ده في الاول طبعا ما ليو علاقة بادارة المنبر .. يبقى نحن نأسف لحالنا .. حالنا دي تشمل حمور و خضر و اي زول هنا .. انو رواد بوستات تعالو شوفو حنة فلانه و توجد صور اكتر من رواد بوستات اخرى قد اعتبرا انا او انت اهم و اجدى .. اها دور المعترض على الحال ده شنو ؟ من الصعب تباري رواد بوست باركوا لي دفعت قسط فيلا دريم لاند من الصعب تباريهم نفر نفر و تقول ليهم عليكم الله تعالوا اكتبو لي عن الدياليكتيك .. يمكن يكون الزول زاتو ما عارف المصيبة دي نظرية و له مبيد حشري .. هل تمنعو من الكتابة او تزدريو ؟
خليو يكتب الربنا قدرو عليو
انا شخصيا بعترض على البيجي يعلق على الدياليكتيك ده و يقول ليك و الله الدياليكتيك احسن منو مافي و الراجل يغالطني .. ده البقول يا ريتو لو كان فتح بوست عن ولدو البيسنن .. لأنو مناقشة الامور الجادة او السياسية او الفكرية باسلوب صدقني و علي الطلاق و كان ما عاجبك احلق حواجبك ده هو ثقافة التفاهه الحقه
Quote: عارف ياحمور ممكن تقول كدة (صعقت) وأنا بقرأ في ردك !!
الله لا جاب الزعل ياخينا
عارف المنبر دة أنا ما بتعامل معاه بالعاطفة الشفتني بيها دي
غايتو مخير والرأي رأيك وماعندي ليك غير إحترم رأيك وأهو تبقالنا
شوفة لي قدام !!
|
بالجد اتمنى انو يكون كده يا خضر .. لأنو الخلاني اظن بيك الزعل انو الكلام عن الادارة و كيفية الادارة كنت بشوفو بيتكرر في بوستاتك كتير جدا .. و اضايقت من انو خضر حسين الفرحو برجعتو الناس يكون بيصرف وقتو في مناطحة بكري و بدون فايدة
لو بكري بيجي يقرا بوستك و يرد عليك كان يكون جميل
لكن انت بترد على نفسك او على ناس ماهم المعنيين قط بكلامك
و في النهاية مافي حل واضح
بكري كعب في ادراة المنبر و بيتعامل انو ده منبرو براااااو .. نسوي ليو شنو ؟ يا نمرق يا نسكت و نكتب الفيو الفايده لينا و للناس
انت قايلني ا عندي اعتراضات على حاجات بيعملي بكري ؟
اها النكلمك .. الايقاف و الحذف الفوقي ده بيخوفني
بيخليني اشعر بعدم الامان
لو اتناقشت مع خضر قام خضر شتمني .. انا زعلت و كتبت فيو بوست ارد عليو .. ممكن خضر يشتكيني لبكري و فجأه القى ليك روحي بقرا المنبر العام ده من بره
متين ممكن اتوقف ؟ متين بوستي ممكن يتحذف ؟
هسه عندي بوست خشت فيو تراجي و جابت سيرة ناذر .. لما لقيت اسم ناذر في قائمة الردود لامن قلبي طار .. قلت بس خلاس ده بوست و اتلحس
بكري بيعمل حاجات بصورة تبدو لي مزاجية و بتخليني يدي في قلبي
لكن ..
ده بكري كده
و ده البورد بتاعو كده
اسوي كيف ؟
بسوي كتابتي و الامر لله
حتشوفي سلبي ؟ حاقول ليك بعتبر نفسي منطقي
Quote: لكن النسألك ياحمور ليه إختزلت البوست بتاع لي ناذر (في شكلة)
هل بتفتكر مثلاً إنو البوست مفتوح لي شكلة مع ناذر
يعني ياحمور المقدمة الطويلة عن الديمقراطية وحق الاخر في التعبير
داك كلو ما شفع لينا في قرايتك للبوست ! |
انا قلت شكله لأنو الدعوة ليها جابت ليها ابو منو و قربت تكون تعالي لي كان راجل
عملية ناذر خطأ مافيها اتنين تلاتة .. لكن هل هو كان فعلا بيعملا ؟
احتمال نسبة المكاواه و الهزل كم في كلامو ده ؟
و لو كان بيعملا احتمال نسبة الشغب و رفع الضغط للاخر كم في المية ؟
انا اتعاملت مع ناذر الخليفة .. ابدا ما ممكن تقول انو غبي و لا اعرف عنو انو بيخش البورد سكران عشان يكتب على نفسو اعتراف خطير زي ده
اقلاها لو هو جادي و بيقفل البوستات عشان الغاء الاخر زي ما انت فهمت و جا اعترف علني بيكون خت بكري ذاتو في حته حرجه .. بكري خجل ساي كان يسمح المداخلة ده لو ما وقفو اسبوع كده او على الاقل يتفق معاو يقول ليو النبي فوقك اخد ليك لفة كم يوم و بعد داك تعال اكتب و خلي ناس حمور يقولو انت موقف
ثم ..
بيني و بينك يا خضر
فرق انو ناذر يخرب بوست لزول بحيلة تقنية اولية اي زول بيقدر يحلها حتى سيد البوست زاتو من زول بيجيك خاشي في بوست يخربو ليك بالمطاعنة و الشكل و الكوتات و الصور و السخرية لامن بوستك يبدا بعلوم الفضاء و ينتهي بشكلة سكاره شنو ؟
لو سألتني من عملية ناذر بقدم حسن الظن و بقول انو بيكاوي .. براك شفت الزميل الباقر قفلة البوست عن طريق الخطأ خلتو يصل لاستنتاج انو البورد يدار عن طريق مؤيدي النظام و انو البوست بعد قفلوهو جو فتحوهو لمنير ..ترع الزميل الباقر خلى منظرو ما جميل و ما انقذو الا تحول النقاش في خطوط اخرى
تعليق اخير على ما تكرر كثيرا انو المنبر نحن ككتاب شركاء فيو ..
طبيعي الكاتب الناجح بيسهم في نجاح المكان البيكتب فيو
لكن هل د.الطيب زين العابدين في جريدة الصحافة عندو حق في الادارة ؟
هل د.ناهد محمد الحسن في جريدة الاجراس عنهدا حق في الادارة ؟
نحن العملنا شهرة البورد لكن ما نحن العملنا البورد
يومنا الما يعجبنا بكري سيد البورد نشيل طوالي شهرتنا و اقلامنا و نمشي لمنتدى الراكوبة او بيت السودانيين او السودان الجديد و نخلي اي واحد فيهم المنبر السوداني الاول و نخلي بكري ده ينش الضبان في بوستات السمايات و ما يلقى زول زاتو يمشي معاو قندهار
الكتاب ساهمو في شهرة البورد و ده الشي الوحيد الحقهم .. الشهرة
و الزميل القمر بوبا في مداخلتو التحت دي قال كلام يتكتب بماء الذهب
شكرا خضر ..
و من نقاشك انت زول جميل
دع طواحين الهواء و انسج جمالك في بوستات مفيدة
ـــــــــــــــــــــــــــــ
بوست الزميلة ريهان الذي سطونا عليه و حولناه موضوعه مهم في رسالته الى بكري
فكيف لم يحذف الرسوم المسيئة حتى الان ؟
ان كان الاعضاء قبلوا ان يرسموا في بعضهم البعضك الكراكتيرات و يسخرون من بعضهم في اسلوب جديد للحوار الا ان الزج بشقيقة لطرف في الصراع لا اظنه يدخل في باب المساجلة
| |
|
|
|
|
|
|
|
|
|
Re: حين استغراب ...يا بكري ابوبكر هل تعمل بغض النظر (Re: Hussein Mallasi)
|
باستثناء مراهقة النت
...................
أحسنت يا حمور زيادة
هذا هو الوسخ الذي يحاول البعض تنظيفه
بمحارم سرد السير الذاتية للمحارم
لتعرف الحريم من هو صاحب هذا الخطاب :
Quote: يا واطي ؟
يا قواد
يا مريض
يا صرصور
يا خاساوي |
لقد أحسنت الدكتورة حين شرحت محتوى التصاوير
بمثال حي لكيفية تغطية توسيخ شخص ما على رؤوس (الإشهاد*)
وتنظيفه بسرد السيرة الذاتية العطرة لأسرته
________
* يا عملات الدكتورة
| |
|
|
|
|
|
|
|
|
|
Re: حين استغراب ...يا بكري ابوبكر هل تعمل بغض النظر (Re: خضر حسين خليل)
|
يا خضر تحياتي
كفارة ولا بأس عليك
نصحك يقع مني موقع التقدير
رغم أني لم أفهم مقصدك هنا تحديدا
ما يخص الإشارات القبيحة للغاية
لك الخيار أن تشرح ذلك هنا أو عبر وسيط آخر في مكان آخر
| Quote: فتدبر أمر لسانك يا صاح !! |
تجدني كافا عن التداخل هنا امتثالا لنصحك هذا حتى تضع يدك مباشرة
على ما تنكره من حبري .
| |
|
|
|
|
|
|
|
|
|
Re: حين استغراب ...يا بكري ابوبكر هل تعمل بغض النظر (Re: Mohamed E. Seliaman)
|
Quote: صحيح بكري إشترى الارض دي ..لكن نحنا العمرناها وصرفنا فيها وكتنا
وهسه هسه نحنا القاعدين نصرف عليها ..قولوا كيف ؟
أكشاك الإعلانات القاعده فوق دي تكب في جيب منو؟
وتبيع لي منو؟..مافي اي زول سألو.. ولو عايز
يساومنا بي إشتراكات كمان الحساب ولد..
بكري مفروض يجاوب علي الأسئلة الملحه ومشروعه
البورد ده ماشي بي إرادة منو؟
وماشي وين؟..
وقصة الهاكرز دي محتاجة ضو شفاف عشان نعرف
مشهادنا وين ..في مليون طريقة يتحارب بيها
الهكر لو سيد الحوش عايز..سيد الحوش دي
ذاتها فيها لولو مننا ساكت ..ياهن ويانا
نحنا أسياد الحوش...أنا شايف السكات بعد
كده مذلة ..والقعاد في الضل بجيب الركلسة
والبكتيريا ..وأمراض الكبر..والحمى الراجعة
انا هسة ماقادر أدخل ..
عشان كده مستخدم حساب تاني بعد الإذن طبعا
منعم ابراهيم |
كلام X في السليم
| |
|
|
|
|
|
|
|
|
|
Re: حين استغراب ...يا بكري ابوبكر هل تعمل بغض النظر (Re: ريهان الريح الشاذلي)
|
الاستاذة ريهان تحياتي وكل سنة انتي طيبة
خضر حسين أجر عافية انشاء الله
عشرة سنة تقريبا انا في هذا الموقع وكل فترة بقرا كلام جاد ومرتب ولذيذ في احوال البورد زي موضوعكم ده
البعرفه انا وبقناعاتي الشخصية الآتي:
1.الموقع ده حق بكري ابوبكر والناس جات سجلت وكتبت فيه بكامل ارادتها وبالعكس في ناس طالبت تسجل فيه و(سكوه).
2.بكري فيما اذكر جرب كل الوسائل والمقترحات سابقا لادارة البورد ...وكانوا في مشرفين من العضوية نفسها.
3.في الفترة الاخيرة بكري طلع حاجة اسمها (لوائح وقوانين المنبر) كتبها هو عشان يدير بياه حاجة حقته وملك شخصي بالنسبة ليه.والحال ماشي ليه كم سنة.
4.تقنيا وفنيا الموقع محتاج شغل كبير لتطويره ايضا.
يترتب علي الكلام الفوق ده وفق قناعاتي الشخصية برضو:
1.العضوية البتقول انو نحن ساهمنا وعملنا البورد ده بجهدنا وعرقنا وزمنا وشايفين انهم عندهم حق فيه يبقي ده كلام (ساي) لا سند له في ارض الواقع سوي بعض العواطف والحنين الي مكان انت تشعر فيه ببعض الراحة وتريد راحة كاملة.
2.ادارة بكري للموقع حاليا للموقع هو الصائب في نظري اذ لن يرضي احد من البورد بعد طول الصراعات الماضيةبين الناس هنا.
3.قوانين ولوائح المنبر يجب ان تعدل بحيث تكون وسيلة لتحسين اداء المنبر...انا شخصيا لا اسمع بالقوانين الا في حالتين ...في حالة فصل عضو او حذف مداخلة.
5.بكري يعلم تماما موقف الموقع فنيا وتقنيا ولا يريد ان يكون شفافا مع العضوية في هذا الموضوع وهو محق فيما يخصه ولكن غير محق فيما يخص العضوية من شئون.
أخيرا
عدم وضوح السياسة العامة للموقع واقصد به (شايت لوين)...فالغالبية (ليس الجميع) هنا مرتاح ويعبر عن نفسه ولما (يتضغط بس) بولول الحقني يا بكري... مع انه في الحالة العامة هو مرتاح في الموقع او كمان( قرفان) وما بجي بجاي اصلا.
تحياتي
| |
|
|
|
|
|
|
|
|
|
Re: حين استغراب ...يا بكري ابوبكر هل تعمل بغض النظر (Re: ناذر محمد الخليفة)
|
ريهان وكل من ساهم فى هذا البوست براى
كانت لى مشاركة فى بداية البوست
وهذا البوست بمثابة حجر القى فى مياه غير راكدة فحركها بموجات عالية احدثت جلبة
والهدف الوصول الى حل لهذه الازمة وانا اسميها ازمة الى ان تنفرج وتتضح الامور اكثر
الرجاء من الجميع المساهمة نحو مايمكن عمله من جديد يخالف ما انكرناه من ما حدث سابقا اويحدث حاليا
الرجاء البعد من الرد على الردود وكفى بل اخذ النقاط ومشاركة الاخرين باخذ اراؤهم ( اقتراح ليس الا)
ودمتم
| |
|
|
|
|
|
|
|
|
|
Re: حين استغراب ...يا بكري ابوبكر هل تعمل بغض النظر (Re: حامد محمد حامد)
|
ريهان العسل
كل سنه وانت طيبه
كتبت مداخله طويله عريضع وسخنه
لكن ربنا يمكن عرف لو رسلتها بيشتوونا كلنا عشان كده اتمسحت بلا مبررات
لذا قررت الصمت.
وضحكتني البت العسل الثانيه
الاسمها تيسير عوووووضه دي
Quote: حال الحوار هنا كحال من قيل له زوجتك تخونك مع دكتور فلان جاركم
قال ليهم هو ما دكتور هو مساعد طبي !
|
خسه عليك الله تيسير دي خلت لينا حاجة تنقال!!
يا ريهان ما تكوني مثاليه كثير ولا جاده
المحل ده بخيره وشره نحمد ربنا العرفنا بناسك زيك وكفى
لا بتصلح ولا بنعدل حاله صاحبه عايزه كده
واكيد نحن غلطانين القبلبنا نمط عضويه زي دي من الاول.
وبعدين ما لك حق تفتوتي العزومات
حسه ايا رايك تنكربي وتقابلي بكري ابوبكر بوفد عالي المستوى
من حزبك عشان يعرفك انت ذاتك منو جيدا وتقدمي ليهو نصائحك دي.
يا ريهان الحوار ما بنفع مع بكري
بكري بحب الاسماء اللمعه حتى لو كانت صفيح
فلمعلى انفسكم عشان يسمع لكم.
لما اصلا هو بيسمع لامثال ناذر الخليفه
وعارفهم هكر وعامل ما عارف؟؟
| |
|
|
|
|
|
|
| |
ريهان الريح الشاذلي
خضر حسين خليل
بدر الدين اسحاق احمد
حمور زيادة
خالد ماسا
محمد البشرى الخضر
كمال علي الزين
عمرو كمال ابراهيم
Salahaldeen Nadir
عبدالكريم الامين احمد
Ishraga Mustafa
حامد محمد حامد
Mohamed E. Seliaman
عبدالوهاب علي الحاج
سفيان بشير نابرى
somia gassim
smart_ana2001
Hussein Mallasi
ناذر محمد الخليفة
Tragie Mustafa
فيس بوك
تويتر
انستقرام
يوتيوب
بنتيريست