دعوة لكل شعراء حلمنتيش للدخول من باب حلمنتيش والتعليق...
يا سنة الفين وتسعة يا كبيسة يا سنة عمر البشير والكديسة نحن منتظرين وحاتك لى اوكامبو وللحببسة وشلة "إنقاد" الفطيسة .... يا سنة الفين وتسعة يا طويلة كم صبرنا وليلنا اصبح الف ليلة والف زفتة والف نيلة والبلد تعبت وعانت ولسة ما خلت عويله والبشير الجاتو تارة وزادت الخرطوم حرارة والجماعة يبلو راسهم والحلاقة تكون فى لاهاى الجميلة يا سنة الفين وتسعة يا طويلة ويا جميلة ومستحيلة .. طال ليلى وليلى جنة والبشير كابوسو راحل عن بلادنا وعن وطننا ... ايها القلب المعنى بكرة ترتاح من جراحك وفى رحاب النيل تغازل فى صباحك وجه باسم... وديمة ضاحك رغم جرحو ورغم ألاف المعارك ما خلاص عمر الكديسة راح سنة الفين وتسعة الف مرحب بالكبيسة وبالكديسة وبى ابوها وبى شريها وبالمريسة يا وطن مبيور وعيسى ويا بلد اوهاج وموسى ويابلد فاطمة ونفيسة ويابحر ما ليهو شط ويا لحن ما تغنى قط ويا حرف مجهول وما فكو لو خط لسة سرك فى غموضك فى لغة مروى الحبيسة والبشير لسة بيناضل بالكديسة يا سنة الفين وتسعة يا كبيسة...... بيسة بيسة ..... .... ... .. . نورالدين منان
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة