|
|
|
 Re: عااااااجل ...... مطلوب شخص يعمل (طباع كمبيوتر) في مركز كمبيوتر.... (Re: ALazhary2)
|
جمعة مباركة عليك أخوي أزهري
كيفنك
| Quote: (طباع كمبيوتر) دي بالغتي فيها |
معليش نحن الحلفاويين والرطانة ديل عجم وليس عرب
وبعدين لغتي لغة سوق .... عندنا في سوق العمل بنقول للسوق البكتب على الكمبيوتر
طباع وكدا
| Quote: بعدين من تمانية صباحاً لحدي تسعة مساء دي ماكتيرة شوية ؟ |
تصدق حالتي بقفل بدري 
الحمد لله الشغل كتير.... والزباين أكتر... ونحن سمعتنا في السوق كويسة.... لذلك مقارنة بحجم الشغل الزمن دا قليل...
وبعدين كويسة معاه... عشان نسبته الحتطلع ليه حتكون كويسة.............
شكرا على مرورك
يلا لو عندك زول أجدع لينا تلفونه هنا واكون شاكرة ليك
أختك ميادة
| |
 
|
|
|
|
|
|
|
|
Re: عااااااجل ...... مطلوب شخص يعمل (طباع كمبيوتر) في مركز كمبيوتر.... (Re: ASHRAF MUSTAFA)
|
Quote: ميادة
مسكاقتي
مشتاقين والله
اها يا ميادة انا جاهز من بكره بس وريني حا تديني كم؟؟؟
وهل عايزة شهادة او C.V ام لا؟؟
وبعدين في فطور ولا لا؟؟ |
أشرف مصطفي
مسكاقمي
كوريقون آنجا نللي
وانا بالاكتر والله
شنو بوستاتك مولعة كدا
بس المزعلني عملت مداخلة ولفيت كم بوست جيت لقيت مداخلتي مافي ....
Quote: اها يا ميادة انا جاهز من بكره بس وريني حا تديني كم؟؟؟
|
حباااااااااااابك ألف
نحن بندي نسبة 50% من الانتاج بتاعك
والحمد لله المركز شغال كويس ...يعني الشغل كويس.... الا يزهج الزول من كترة الشغل
تعرف اخر زول خلى الشغل امس ليه.... داقي جرس عشان الشغل كتير وانه زهج من شغل الطباعة...سبحان الله!!!!!!!!!!
| Quote: وهل عايزة شهادة او C.V ام لا؟؟ |
لالا نحن نطالب بالخبرات ... يعني بس تكون زول بروفيشنال في الطباعة.... ومظهرك كويس... وتلتزم في مواعيدك مع الزبائن اهم شئ... وما تشوفني كدا انا صعبة في الشغل...
| Quote: وبعدين في فطور ولا لا؟؟ |
فطور ساي
ياخي باااااالغت.... الاكل والشراب دا بنقدمه لاي زول خلي تكون زميل او زول شغال معانا
يعني فطورك ووجبة غداك وعليه شاي سادة من يد الاخت ميادة ثلاثة الى اربع مرات في اليوم وتشرب باردكله نثريات من المركز او على حساب المركز.. بس اهم شئ تلتزم في العمل وتوفيه.....
#### أخبارك شنو.... وجيت السودان ولا لسع
| |
|
|
|
|
|
|
|
|
|
Re: عااااااجل ...... مطلوب شخص يعمل (طباع كمبيوتر) في مركز كمبيوتر.... (Re: mayada kamal)
|
Quote:
ستكون ساعات عمله من 8 صباحا لغاية 9 بليل..... |
أها وبعد 9 بالليل يمشي عد بابكر ؟؟
تعرفي يا ميادة في 98 ما خليت مكتب طباعة عشان فرصة عمل معاهم ولا حتى لقيت من يطيب بخاطري
جريت جري الوحوش عشان امتلك كمبيوتر... بعد تحصلت على السي بي يو لم استطيع شراء شاشة..
كانت بنصف مليون جنية سوداني في ذلك الوقت...
بعت الكمبيوتر عشان أشتري تذكرة السفر...
أها يا ميادة من ديك وعيك شلت شيلتي وشردت والمحل البتوصفي فيه ده يا ميادة أعتقد انه صاحبته كانت تديره وكالة سفر وسياحة.. دي انتي؟؟
أها كان رجعت بتشغليني معاك.. ؟؟
| |
|
|
|
|
|
|
|
|
 Re: عااااااجل ...... مطلوب شخص يعمل (طباع كمبيوتر) في مركز كمبيوتر.... (Re: المسافر)
|
ميـــادة صباحك ورد ....
أنا أنفع ؟
هسع جيبت جاري قلت أعمل خروج وعودة ستة شهور كده ونشوف كان لفقت معانا يانا القاعدين معاكم ولم صعبت كمان بنجي تارين لي وراء .. بس أكان الاقي ليك دي :
| Quote: ستكون ساعات عمله من 8 صباحا لغاية 9 بليل..... |
يعني الواحد يمشي البيت زول نوم سااااكت ولا كيف ؟ لا زيارات ولا مقابلات ؟ بري يابت أمي ده مابنفع معاي ... قصري المدة شوية كده ....
ومشــتاقيـــــن .
| |
|
|
|
|
|
|
|
|
|
Re: عااااااجل ...... مطلوب شخص يعمل (طباع كمبيوتر) في مركز كمبيوتر.... (Re: عماد محمود علي)
|
العمدة عماد محمود علي
مساءك نور ان شاء الله
| Quote: يعني الواحد يمشي البيت زول نوم سااااكت ولا كيف ؟ لا زيارات ولا مقابلات ؟ بري يابت أمي ده مابنفع معاي ... قصري المدة شوية كده .... |
أي والله الالتزام مع الناس مشكلة وهو اللي بيخليني اشتغل كدا.... حالتي بقفل بدري
يعني الساعة9 دي بدري.... وعشان كدا انا طالبة للشغل دا شخص لانو لو بنت من الساعة 5 حتقول لي ماشه البيت...
بالاكتتتتتتتتتتتتتتتتتتتتر والله
شفت النت القاطع دا اهو قطع راسنا عديل.....
نشوفكم ......
| |
|
|
|
|
|
|
|
|
|
Re: عااااااجل ...... مطلوب شخص يعمل (طباع كمبيوتر) في مركز كمبيوتر.... (Re: المسافر)
|
الاخ المسافر
تحية طيبة
معليييييييش للتاخير في الرد..... بس اكيد بتعرفوا مشكلة الانترنت في السودان القاطع لليوم الثالث على التوالى الان... وللان ما رجع
Quote: أها وبعد 9 بالليل يمشي عد بابكر ؟؟
تعرفي يا ميادة في 98 ما خليت مكتب طباعة عشان فرصة عمل معاهم ولا حتى لقيت من يطيب بخاطري
جريت جري الوحوش عشان امتلك كمبيوتر... بعد تحصلت على السي بي يو لم استطيع شراء شاشة..
كانت بنصف مليون جنية سوداني في ذلك الوقت...
بعت الكمبيوتر عشان أشتري تذكرة السفر... |
بس أكيد اسفتدت من التجربة دي... وبقت ليك دافع كمان....
Quote: والمحل البتوصفي فيه ده يا ميادة أعتقد انه صاحبته كانت تديره وكالة سفر وسياحة.. دي انتي؟؟
|
لا والله مووش انا.... نحن كنا فاتحين المركز في موقف امدرمان القديم
ومع انتقالنا لمنطقة الاستاد تم تحويل المواقف بتاعة المواصلات للاستاد... يعني جات معاي باسطة...هههههههه
| Quote: أها كان رجعت بتشغليني معاك.. ؟؟ |
ياريت ..... الشرف لينا نحن...
ومكسب لينا كمان...
شكرا ليك على المشاركة
| |
|
|
|
|
|
|
|
|
|
Re: عااااااجل ...... مطلوب شخص يعمل (طباع كمبيوتر) في مركز كمبيوتر.... (Re: نوسة)
|
| Quote: ستكون ساعات عمله من 8 صباحا لغاية 9 بليل..... |
بالتوفيق أختي ميادة كمال
بس الوردية دي عايزة ليها سرير "قيلولة" بعد الغدا أو يمسكها بوردابي مدمن والأخير دا ممكن عادي يجيب سريره في المحل ينوم قبلوا ويصحى يتابع البورد ويواصل شغلو
مكسب
حسب خبرتي:
لو خيّرتي بين واحد له خبرة عالية وواحدة لها خبرة معقولة أمسكي في الواحدة
خاصّة في أعمال الكتابة على الكمبيوتر
النساء بيهتمن بالعمل بصورة افضل من الرجال وبسمعن الكلام بصدر رحب وصبورات على كترة الشغل
تحذير شديد: مافي واحد يجي ناطي لي في رقبتي
دا حسب تجاربي
تحياتي كمال
| |
|
|
|
|
|
|
|
|
|
Re: عااااااجل ...... مطلوب شخص يعمل (طباع كمبيوتر) في مركز كمبيوتر.... (Re: Frankly)
|
الاستاذ كمال
مساء الخير
Quote: بالتوفيق أختي ميادة كمال
بس الوردية دي عايزة ليها سرير "قيلولة" بعد الغدا أو يمسكها بوردابي مدمن والأخير دا ممكن عادي يجيب سريره في المحل ينوم قبلوا ويصحى يتابع البورد ويواصل شغلو
مكسب
حسب خبرتي:
لو خيّرتي بين واحد له خبرة عالية وواحدة لها خبرة معقولة أمسكي في الواحدة
خاصّة في أعمال الكتابة على الكمبيوتر
النساء بيهتمن بالعمل بصورة افضل من الرجال وبسمعن الكلام بصدر رحب وصبورات على كترة الشغل
تحذير شديد: مافي واحد يجي ناطي لي في رقبتي
دا حسب تجاربي
تحياتي كمال |
اتفق معك فيما ذهبت اليه
وانا زمان ما كنت بشغل الا بنات
بس لقيت البنت صحيح بتخاف وامينة يعني ما زي الشاب في الطباعة
بس كمان فقعوا لي مراراتي باعذارهم الكتيرة.... شنو ديك عندها مناسبة وما عارفة اليوم ما حاجي عشان امي عندها شنو داك ما بعرف... والليلة طبيخ وووووو
وياريت لو بدوا الزول خبر من بدري,,,و الا اعذارهم دي ما بتجي الا بعد ما يكونوا ضيعوا يومهم....
وفي النهاية ممكن الولد اشاكله او اوبخة لو قصر بس البنت مجرد ما تتناقش معاها بتحرد الشغل وبتمشي.......
في النهاية خلصت الى انو افضل الاولاد.... وبشروطي انا
واللي هي لازم يلتزم للزبون ولو حيغيب او حيتاخر يدينا خبر من بدري عشان نتصرف مع زول تاني يجي يحل محله... واكره ما اكره التقصير مع الزبون او يحي يشتكي لي ما عملواوما سووا ناس الطباعة
في الاخر ارجع واقول من خلال تجربتي برضوا الاولاد بتحملوا الدرش اكتر من البنات... وما زي البنت حيقول لي داير امشي البيت من الساعة 5 مساء........
رايك شنو في كلامي دا وعن تجربة برضو.....
| |
|
|
|
|
|
|
|
|
|
Re: عااااااجل ...... مطلوب شخص يعمل (طباع كمبيوتر) في مركز كمبيوتر.... (Re: نوسة)
|
هلا حبيبتي نوسة
مساء الخير
كل سنة وانتي طيبة
Quote: سلامات
صحي يا ميادة زي ما قالت هويدا، رجال بس و لا بينفع من الطرفين؟؟؟
لأني ممكن أشوف ليكي واحدة من صاحباتي البيفتشو على شغل في السودان، و لو دايرة رجال بس برضو بشوف ليكي أخوي "ما يقوم يكسل من قصة القومة البدري دي و الساعات الطويلة" لووووووووووووووووول
بالتوفيق يا حبيبتنا و لو كنت في السودان كنت جيتكم طوالي لأني بحب الطباعة بجد...... |
ياريت تشرفينيا لمن تكوني جاية للسودان
وبشكرك على اهتمامك لامري...
اختك ميادة
| |
|
|
|
|
|
|
|
|
|
Re: عااااااجل ...... مطلوب شخص يعمل (طباع كمبيوتر) في مركز كمبيوتر.... (Re: هويدا شرف الدين)
|
العزيزة هويدا
كل سنة وانت طيبة
مافي شئ ضد النساء..
بس من خبرتي وجدت ان البنات اعذارهن ومماطلتهن في الالتزام للزباين كتييييرة...
وبالنسبة لي الالتزام للزبون مهم جدا....لضمان استمرارية المركز...
يييييييييييك لو حكيت ليك عن شغلات البنات واعذارهن في الشغل ما حاخلص
بجيك برواقة في وقت واسع
حبابك الف
حضرتك مووش استاذة هويدا بتاعة صحيفة السوداني
يلا تعالي سجلي لينا زيارة يوم في المركز...
| |
|
|
|
|
|
|
|
|
|
Re: عااااااجل ...... مطلوب شخص يعمل (طباع كمبيوتر) في مركز كمبيوتر.... (Re: naeem ali)
|
- ميادة
مسكاقمي
كوريقون آنجانللي
| Quote: شنو بوستاتك مولعة كدا |
والله يا ميادة يا ختي لا ايدي لا كراعي..
| Quote: ستكون ساعات عمله من 8 صباحا لغاية 9 بليل..... |
لو حا بيت هناك ما عندي مانع
بعد داك زاتو ما حا يكون عندي مروة امشي البيت
لسه انا ما جيت السودان لكن قبل ما اجي للعمل وريني حاخش المنبر كم ساعة في اليوم؟؟
- ازهري 2
ازيك اخوي
مشتاقين والله
- نوسة ازيك:
كيف لوزة وعاطف ومحب وتختخ؟؟
- فرانكلي ازيك:
| Quote: النساء بيهتمن بالعمل بصورة افضل من الرجال وبسمعن الكلام بصدر رحب وصبورات على كترة الشغل |
قصدك شنو يعني؟؟!!
نعيم علي ازيك:
Quote: لكن ده ما مخالف لقوانين العمل يا مياده يا اختي
ولمن يحصل بكون اتفاق شبه شخصي كده
يعني ما مفروض يكون من الشروط
ولا شنو.؟؟ |
يعني ميادة تتفرم هنا في المنبر وما تفرم العمال بتاعينها ولا شنو؟؟
| |
|
|
|
|
|
|
|
|
|
Re: عااااااجل ...... مطلوب شخص يعمل (طباع كمبيوتر) في مركز كمبيوتر.... (Re: naeem ali)
|
الاخ نعيم
مساء الخير
كل سنة وانت طيب
Quote: لكن ده ما مخالف لقوانين العمل يا مياده يا اختي
ولمن يحصل بكون اتفاق شبه شخصي كده
يعني ما مفروض يكون من الشروط
ولا شنو.؟؟ |
هو غير ملزم بيه يعني مافي زول الزمه
نحن قطاع خاص
وهو حيعمل بنسبة وليس مرتب
وبالتالي الشخص ليه حق القبول او الرفض ........
دي مواعيد عمل المركز فالشخص من حقه يقبل ويواصل معانا او يرفض وبالتالي نحن غيرملزمين بيه......
عموما عموما...... الشغل شيق ومتاح ليه انترنت مع العمل يعني بمشي اموره
وبعدين انت من مكتب العمل ولا شنو بتعصر فينا كدا
| |
|
|
|
|
|
|
|
|
|
Re: عااااااجل ...... مطلوب شخص يعمل (طباع كمبيوتر) في مركز كمبيوتر.... (Re: جعفر محي الدين)
|
الاخ الاستاذ جعفر محي الدين
كل سنة وانت طيب
صباحك زين
| Quote: غايتو أنا أول إجازة لي حأمر عليك |
حبابك ألف والشرف لينا نحن....... وحاعتبره وعد منك تسجل لينا زيارة..
| Quote: على الأقل نشوف درش المديرات دا كيف شكله |
دا مدح ولا ذم
وبعدين عندكم في القنصلية الكورية مافي إمراة مديرة او رئيسة قسم حتى...
واتخيل لي الكوريات واليابانيات ومعاهم الصينيات ديل بقطعوها ناشف يعني مجاملة مافي...
| Quote: أتمنى من قلبي أن توفقي في الحصول على طابع ممتاز |
شكرا على الامنيات الطيبات....
ومنتظرين وعدك بالزيارة
حبابك في اي وقت
| |
|
|
|
|
|
|
|
|
|
Re: عااااااجل ...... مطلوب شخص يعمل (طباع كمبيوتر) في مركز كمبيوتر.... (Re: mayada kamal)
|
| Quote: لالا نحن نطالب بالخبرات ... يعني بس تكون زول بروفيشنال في الطباعة.... ومظهرك كويس... وتلتزم في مواعيدك مع الزبائن اهم شئ... وما تشوفني كدا انا صعبة في الشغل... |
كون بروفيشونال دا عرفناه
لزومو شنو المظهر الكويس - ما الزول بكون مقبل على الحيطة ويطبع طول اليوم مين الحيشوفو
ولا انتو ظاتكم عايزين تتكحلوا بيهو
ومن شكلك يا ميادة ما صعبة يبدو انك حنينة ومتساهلة في الاستذان والتأخير خاصة لسكان الكلاكلات
انا كان عندي محل خدمات طالب لكن مااشترطت الوسامة حتى من البنات اللي كانوا بشتغلوا معاي.
بس والله طول الدوام بخلي الواحدة ما يقدر ينتج كويس (عن تجربة)
وبعدين محلك في السوق زحمة والكجس كتير بشاغلوا الطباع خاصة وانتي طالبة المظهر الكويس انصحك غيري الشكل المطلوب ويكون واحد دبش زيي لضمان سير العمل.
| |
|
|
|
|
|
|
|
|
|
Re: عااااااجل ...... مطلوب شخص يعمل (طباع كمبيوتر) في مركز كمبيوتر.... (Re: Zomrawi Alweli)
|
البوست دا انا قايلاه مشى الخور
الحمد لله لميت فيه
االاخ زمراوي
مساء الخير
بعتزر عن التاخير في الرد
Quote: كون بروفيشونال دا عرفناه
لزومو شنو المظهر الكويس - ما الزول بكون مقبل على الحيطة ويطبع طول اليوم مين الحيشوفو
ولا انتو ظاتكم عايزين تتكحلوا بيهو
ومن شكلك يا ميادة ما صعبة يبدو انك حنينة ومتساهلة في الاستذان والتأخير خاصة لسكان الكلاكلات
انا كان عندي محل خدمات طالب لكن مااشترطت الوسامة حتى من البنات اللي كانوا بشتغلوا معاي.
بس والله طول الدوام بخلي الواحدة ما يقدر ينتج كويس (عن تجربة)
وبعدين محلك في السوق زحمة والكجس كتير بشاغلوا الطباع خاصة وانتي طالبة المظهر الكويس انصحك غيري الشكل المطلوب ويكون واحد دبش زيي لضمان سير العمل. |
يا سيدي المظهر الكويس انا قصدت بيه انو يلبس نضيف
وجني وجن البسموا شنووو (آه جيفايص ) داك
وما يكون عامل شعر كيف كيف
ويا حبذا لو ما بسف او بشرب سجائر
ههههههههههههه
وبعدين اقول ليك وعن تجربة
المظهر الكويس واجهة للمحل برضو
يعني الناس حتثق فيه وفي قدراته واللي بينعكس بدوره على سمعة المركز وزباينة
اللهم الا انت لو قاصد حاجة تانية بكلمة مظهره دي...
الوفق دا الانا قاصداه
| Quote: وبعدين محلك في السوق زحمة والكجس كتير بشاغلوا الطباع خاصة وانتي طالبة المظهر الكويس انصحك غيري الشكل المطلوب ويكون واحد دبش زيي لضمان سير العمل. |
مافي حاجة اسمعا بيشغالوا الجكس والكلام من دا
لو في مشغالة بيكون هو السبب
لانو بيتوقف عليه هو
انا دائما بدي الحق للزبون
بعد داك لو الزبون اخطاء
ما عنده خاطر عندي بعد داك
ياريت طالما انت برضو عندك مركز كمبيتور
تسجل لينا زيارة وتقيم اداءنا ميدانيا وكدا
بس قبليه
شوف لي زول طبااااااااع بالمواصفات الفوق دي معاك
والا مافي ليك شاي
ههههههههههه
| |
|
|
|
|
|
|
|
|
 Re: عااااااجل ...... مطلوب شخص يعمل (طباع كمبيوتر) في مركز كمبيوتر.... (Re: محمد عبد الماجد الصايم)
|
سلامات يا ود الصايم
Quote: طباع شنو يا ميادة ياخ!
اسمو (صفيف)
والتسمية من (صف) الحروف وكــدا!
|
طباع دا كلام السوق يا بركة
لو قلت ليهم صفيف دايره لي ساعة عشان يفهموا لي
وبعدين
انا ما دايرة مشاطة
انا دايرة زول يطبع في الكمبيتور تقول لي
صفيف (ما يهو البصفف الشعر)
الحقونا يا ناس العربي
احنا الاثنين عجم بالنسبة للغة العربية
فاحسن تدخل طرف ثالث وكدا
هههههههه
| Quote: الراتب كم يمكن نفكر نجي |
حبابك أبوي
انت بس كدي تعال
وانا أخلي ليك المحل كله
انا اصلي دايرة لي مخارجة
| |
|
|
|
|
|
|
| |
mayada kamal
ALazhary2
almogira alemam
ASHRAF MUSTAFA
المسافر
هويدا شرف الدين
نوسة
Frankly
ذواليد سليمان مصطفى
naeem ali
ابراهيم قناوي
جعفر محي الدين
عليش
Zomrawi Alweli
Elsamani A.Malik
محمد عبد الماجد الصايم
Abureesh
محمَّد زين الشفيع أحمد
حذيفه ابراهيم الكباشي
فيس بوك
تويتر
انستقرام
يوتيوب
بنتيريست