|
|
|
 Re: سبعة يا كرّوم حافي حالق ... بالدفاع الشاقيه الترام (Re: محمد البشرى الخضر)
|
Quote: يا حارس المغلوب تضحك لك القينان
يا ذو الشعر مربوط أرحم بني صهيان
مين لحماك يذود محتاج معاك إثنان
الحالة ديك ناقصين فضيحة يا ميتان
أقوان فضيحة عديل حليل بريمة زمان
من ام بدة خشت فيك ياخ تقول عميان
وكان لعبو دونك أخير علي بالإيمان |
ودالبشرى
يايها الشاعر الانسان
زيدنا كمان وكمان
_______________
شايف ليك طلوح ظهر
| |
 
|
|
|
|
|
|
|
|
Re: سبعة يا كرّوم حافي حالق ... بالدفاع الشاقيه الترام (Re: محمد البشرى الخضر)
|
بين نجيل الاردن وبين شباك كروم
الوصيف اتبهدل وجاب اقوان بي الكوم
تلجة زالقة كراعنا ودخلوها القون
كورة شاردة وواردة نقوم عليها جنون
كل ما نجيب واحد يمسخولنا الدرون
فريق حماماً ميت والحكم موزون
الدفاع يتهابل والوسط معدوم
وداك كروجر حايم في بلاد الروم
مازدا قام اتحير واخد المعلوم
مسكين سفاري الميل في ختام اليوم
سفن اب
يالذيذ يا سايح
| |
|
|
|
|
|
|
|
|
|
Re: سبعة يا كرّوم حافي حالق ... بالدفاع الشاقيه الترام (Re: altahir_2)
|
ود البشري سلام
كنا في غياب قسري و دخلنا لقينا ما يطلبه الوصيفون دا و قلنا نهدي ليهم بادي محمد الطيب
ما بخاف من شئ ما بحاذر
المقدر لا بد يكون
##########
جيت مشيت للاردن قلبي طاير
بالثلاث خشبات ماني شاعر
الهجوم كاسح ياخي ناس عباقر
القذائف صواريخ داخلة قووون
ليلة هوي يا ليل و سبعة قون
المقدر لا بد يكون
| |
|
|
|
|
|
|
|
|
|
Re: سبعة يا كرّوم حافي حالق ... بالدفاع الشاقيه الترام (Re: حمد عبد الغفار عمر)
|
وهبة يا عمك
شاعر شنو ياخ القصة لتيق ليس إلا
قوم لف عامل أمورك الغريبة دي
أحمد محمد عثمان يا عمك
ياخي ابدعت عديل كدا في مجاراة بين جناين الشاطئ لخليل فرح
زيدنا و متعنا الله يرضى عليك
الطاهر 2 ...
في انتظارك يا معلم
حمد يا عمك
هههههههه بالغت مع بادي
الشاعر منو بالمناسبة
شنو يا سبيعاب وين مشاركاتكم
إذا الحقيبة ما شغالة معاكم ما مشكلة نقلبها ليكم اغاني بنات
كااااااااااكـ 
| |
|
|
|
|
|
|
|
|
|
Re: سبعة يا كرّوم حافي حالق ... بالدفاع الشاقيه الترام (Re: محمد البشرى الخضر)
|
صفوة جمالك , عبيد عبد الرحمن
كفوة لعيبتك ديل
كالريش على الطرطور
اشطب حنانهم أخير
يمكن تشوف النور
المال من جمالك بان
لا مال نصاح لا دهور
فت المعاك في الجيل
بصرفك المشهور
يا الكل فضيحة تزيد
طابق تعلي الدور
ضقت الهلاك يا جمال
بي سبعة من مغمور
طرفي السهر يا وصيف
للنوم يضره ضرور
إنسحابي لو سراك
برشك اكون مسرور
أوعد جفوني غميض
سبعة تزيدني حبور
و افرح شديد بالحيل
و احسب و اعيد الدور
| |
|
|
|
|
|
|
|
|
|
Re: سبعة يا كرّوم حافي حالق ... بالدفاع الشاقيه الترام (Re: محمد البشرى الخضر)
|
Quote: شنو يا سبيعاب وين مشاركاتكم
|
أصلو طبعكم ما بتغيّر بتفرحوا بحق الناس.
نفس الشئ الحاصل فى الرقشات فى شوارع الخرطوم وأعلام الهلال.
يا ربى تكون دعاية " يا لذيذ يا رايق" مالية أستاد الجزائر وكانت السبب فى............
ودالبشرى:
يا أخ ما عندى عندك طلب وكدا بعيد عن مولد:
| Quote: 'مولد أبو حصيرة' اليهودي، الذي يحتفل به إسرائيليون، ويهود من جنسيات أخرى، في محافظة البحيرة شمال مصر ويبدأ الاحتفال السنوي بالمناسبة من يوم 25 كانون الاول /ديسمبر حتى نهاية العام |
| |
|
|
|
|
|
|
|
|
|
Re: سبعة يا كرّوم حافي حالق ... بالدفاع الشاقيه الترام (Re: أبوبكر أبوالقاسم)
|
محمد البشري
مساء الخير
ياخي قبيل مستعجل و شكلي لخيت الموضوع شوية و هديت ليهم بادي كلو
اليومين ديل مزنوقين في الارشفة بتاعة المؤسسة شغالين من 7 صباحا لي 7 مساءا( شفت السبعات دي كيف )
| Quote: الشاعر منو بالمناسبة |
شاعر قصيدة مابخاف من شئ برضي خابر ( او ما بحاذر كما يغنيها بادي احيانا)
هو علي ما اعتقد محمد عبد الله الامي
| |
|
|
|
|
|
|
|
|
|
Re: سبعة يا كرّوم حافي حالق ... بالدفاع الشاقيه الترام (Re: محمد البشرى الخضر)
|
http://www.nubian-forum.com/vb/showthread.php?t=145
كتب ابراهيم عوض فى احد مشاركاته عن سيره نادى المريخ مايلى
فعندما هزم المريخ الهلال بعد مباراة إفتتاح إضاءاة إستاد الخرطوم أنشد مرسي صالح سراج
Quote: في العصر أو في نور ( الرتاين ) نحن نغلب ولو في الصباح
جينا نغلب أحسن ( زباين ) نظرة يا جقدول يا أخطر (جناح )
هلال إيه ده هلال ملجن محن النقاد يا ( صلاح ) |
مرسى صالح سراج ( رحمه الله)
شاعر اغنية يقظة شعب التى غناها الاستاذ وردى
قلب أفريقيا بوعي نابض
حلّ منا بالجنوب الناهض
منعة الغاب بليث رابض
وكاتب صحفى رياضى شكل مع السر احمد قدور ثنائى قدم فنا راقيا فى الصحافة الرياضية فى الخمسينات من القرن الماضى
انقل هذا للتوثيق رغم انى هلالابى حتى النخاع
| |
|
|
|
|
|
|
|
|
|
Re: سبعة يا كرّوم حافي حالق ... بالدفاع الشاقيه الترام (Re: خليل عيسى خليل)
|
اسبوع تمام انا كنت عايش في الخيال
انسج حروف سياله زي نجماًًخجول من عيني سال
اسبوع تمام انا والنجوم بنسأل الليل الحزين لو مره طيفِك ليهو طال
ونبكي زي زولاً مِودع الزمن لي كأسو شال
ونسرد كأساتنا المحمولة جواً للصهاينة ياريتنا نقدر نلقى حال
ما حالنا من بعدك سبعات وفرحنا من بعدك محال
لوشفتي كيف إحن بنشيل كل الأمل نفرُش طريقٍك بالنجوم ولا مره هان لينا الوصال
وفي عينيا شوقك ياعظيمه زي السحاب إناجيني واتقاطر ليا فال
ما إنت الشتارة في كل عيد..وانا البعيد..لما المطر حكى ليا قال
قال لي إنتي بعيده جنبو وانا الهناك فوق الردكاسل ببني القصور من الرمال
اشتت النجم الحزين واسأل الودِع البيخدع إقول ليا جايه ومعاي وجودك إستَحَال
انا اسأل أبو الهل العظيم، إقبِّل وجيهو ومني مال
انا اسأل الله لا يجيبني ليك اخجل كتير من الهلال
ما مرماي بعدِك ما جاهو خيرً وشباكي ترجف تهز من الشبّال
وبخلتي انتي بنجمة ليّ اساهر بيها ساعاتي الطوال
بس عزاي فوق الزمن وقوم يا مزمل اسرع تعال
نوِّر بنجماتك ضلامنا وطوف بالبوادي غنا للهلال
رقِّص شبابنا الكلو ريد افرد سبعاتنا الطوال
ما انت ما اول صدمة لي خجلانه من التهديف بره المجال
ما ترُدي قولي بريدك انتَ وللا قولي ليا كفاك مرمطة ولملم قريشاتك يا جمال
انا اصلي ما سألتك براي.. بيسأل معاي كل الصهاينة في ابتهال
انا اصلي ما بشتاق براي.. بشتاق معاي الليل ونجمو فيهو والإنعزال
انا اصلي ما ردتك براي.. رادوك معاي ناس طلحة ودياب و دكتور شهاب حردالهلال
ده كلو في اسبوع تمام صوَّرتك عروس مليانه بي أهداف كتيرة ترقص تميل في الإنهدال
واهدل معاك عيني عجب سبحان الخلقِك ذو الجلال وخلقني حارسِك بأكرم سليم حأظل احرسك ياجمال
| |
|
|
|
|
|
|
|
|
|
Re: سبعة يا كرّوم حافي حالق ... بالدفاع الشاقيه الترام (Re: طلحة عبدالله)
|
Quote: بنفاثة أو بصاروخ ما لحقوك
لو سكوك
واهن مهلهل من يوم خلقوك
ياالجروووك
أصلك سبة
فضائحك مرتبة
ياالبشتنوك |
وااااااي من الشتارة
هاك دي
الملطشوك
بالبرد أو بالثلج هم ما اكرموك .. يا وصيف كم بهدلوك
كيف يغلبوك و بي عشرة لاعبين يبشتنوك
لو لاعبوك سيجة أو بلي هل يخرتوك
بالراس أو بالساق أو بقدر ما ملّص كروم .. ملطشوك
دفنسك حفا و نصك جفا سبعة كفا واهلك نعوك
| |
|
|
|
|
|
|
| |
محمد البشرى الخضر
عبدالوهاب علي الحاج
Ahmed Mohammed Osman
altahir_2
حمد عبد الغفار عمر
هجو الأقرع
Adam Mousa
أبوبكر أبوالقاسم
Yassir Tayfour
طلحة عبدالله
Magdi Ahmed Elsheikh
فيس بوك
تويتر
انستقرام
يوتيوب
بنتيريست