|
Re: رابع ايام عيد الاضحي ... رحله ترفيهيه لاطفال دار المايقومه ... باذن الله (Re: naeem ali)
|
مخزون اللعب والملابس في الدار مكتظ منذ العيد الفائت .. رجاء لا تحضروا منها شيئ احضروا (اب) واحضروا (ام) الرجاء احضار ابتسامه كاملة الدسم ومعقمه (بالمحنه) وخاليه من عيوب التصنيع تحتاج الدار في العيد لشوالات (محبه) كما انه لازال هنالك نقص في كراتين (الاحترام) لقاطنيها من اطفال
(امشي يا ود الحرام) لازالت اساءه ... للاسف
كما تتوفر بالدار ماكينات جديده (لغسيل الروح) وهي تستخدم صابون (غير عطري) لازالة الانانيه وتقديس الذات الرجاء زيارتها بعنبر سبعه الاطفال (المبروكين) قاطني الدار في طور (التكوين النفسي) قبل الجسدي فلنستصحب هذا في حملنا (للحوجه الاسبوعيه) كما نشير لتوجيهات الوحده النفسيه بعدم حمل الاطفال الكبار لما يصاحب ذلك من اشكالات نفسيه لهم
أخر رحله لاطفال المايقومه هرب الاطفال من الحديقه للحافله (خافوا) من الاطفال الاخرين هم يحتاجون لهذه الرحله كحوجتهم للاحترام شان بكرة يبقي احلي
| |
|
|
|
|
|
|
Re: رابع ايام عيد الاضحي ... رحله ترفيهيه لاطفال دار المايقومه ... باذن الله (Re: naeem ali)
|
Quote: مخزون اللعب والملابس في الدار مكتظ منذ العيد الفائت .. رجاء لا تحضروا منها شيئ احضروا (اب) واحضروا (ام) الرجاء احضار ابتسامه كاملة الدسم ومعقمه (بالمحنه) وخاليه من عيوب التصنيع تحتاج الدار في العيد لشوالات (محبه) كما انه لازال هنالك نقص في كراتين (الاحترام) لقاطنيها من اطفال
(امشي يا ود الحرام) لازالت اساءه ... للاسف
كما تتوفر بالدار ماكينات جديده (لغسيل الروح) وهي تستخدم صابون (غير عطري) لازالة الانانيه وتقديس الذات الرجاء زيارتها بعنبر سبعه الاطفال (المبروكين) قاطني الدار في طور (التكوين النفسي) قبل الجسدي فلنستصحب هذا في حملنا (للحوجه الاسبوعيه) كما نشير لتوجيهات الوحده النفسيه بعدم حمل الاطفال الكبار لما يصاحب ذلك من اشكالات نفسيه لهم
أخر رحله لاطفال المايقومه هرب الاطفال من الحديقه للحافله (خافوا) من الاطفال الاخرين هم يحتاجون لهذه الرحله كحوجتهم للاحترام شان بكرة يبقي احلي
|
النعيم يا صديقي مشتاقين
معاك انشاء الله لغرز المحبة والطمناينة للاطفال
زوبا
| |
|
|
|
|
|
|
Re: رابع ايام عيد الاضحي ... رحله ترفيهيه لاطفال دار المايقومه ... باذن الله (Re: Zeinab)
|
Quote: النعيم يا صديقي مشتاقين
معاك انشاء الله لغرز المحبة والطمناينة للاطفال
زوبا
|
صديقتي (جدا) ست البنات زينوبه والله كمية شوووق مخيفه يا الزينه ازييك ويين اراضيك اسا..؟ المحبه ... والطمأنينه عارفا ده الناقصم بالجد وناقصنا نحن تجاهم عزيزي ال (ما) لقيط.... لا تحمل معك لدار المايقومه (دقيق) اذا كنت تحرص علي نمو عضلات (زرياب) ليمسح زجاج سيارتك يوما..... ما..... ولا تحمل معك (لبن) اذا كنت ترغب في الاطمئنان علي (هنادي) ومقدرتها علي غسل (سيراميكك) دون ان تصقط عليه (وتزيده اتساخا).... ابداء.... (في الاول)... بحمل (الاحترام)... هذه الاعشاب لا تريد ماء ولا (تقاوي محسنه) سيريلاكية المذاق فقد ولدت بالانقسام الثنائي البسيط وتتغذي بطريقة التمثيل الضؤي لذا ....... هي ..... تسعي فقط... للاحترام المبني علي المحبه والطمانينه دمتي دايما (كده) يازوبه وشكري الاكيد
| |
|
|
|
|
|
|
Re: رابع ايام عيد الاضحي ... رحله ترفيهيه لاطفال دار المايقومه ... باذن الله (Re: naeem ali)
|
تقرر ان يكون رابع ايام عيد الاضحي المبارك باذن الله يوم ترفيهي للاطفال (خارج الدار) وذلك بالتنسيق مع (ماما احسان) وادارة الدار ومكتب المتطوعين بالدار ومجموعة اطفال المايقومه بكتاب الوجه والمقترح حتي الان حدائق الطفل بالخرطوم ,, ننتظر اقتراحاتكم لشكل البرنامج ونثق في حضوركم ومشاركتكم (امهات وابا) للاطفال في ذلك اليوم وليس كمتطوعين (خلونا نتزكر كنا بنحب يعاملونا كيف في العيد) ونجي نحاول نحاكي ... ممكن..!!؟ شان بكرة احلي
[اطفال المايقومه
| |
|
|
|
|
|
|
Re: رابع ايام عيد الاضحي ... رحله ترفيهيه لاطفال دار المايقومه ... باذن الله (Re: naeem ali)
|
الغرض الاساسي:-
اذالة الحاجز النفسي بيننا وبين هؤلا الاطفال وكسر احتكار الغرف لهم ومحاولة جعلهم يتمتعون بهوأ (اسري نوعا ما) وان يجد ايا منهم حال حوجته لانسان بشخص يقوم (بتعليمه المشي والكلام وفقه الابتسام) هم يحتاجون لان يسمعوا دقات قلب شخص اخر يحتضنهم بمحبه, هذا الامر يساعد في نمو نبتتهم الانسانيه في مقبل الايام (وهذا ما توصل اليه العلم ) لديهم ايضا اعياد ميلاد (وثق بعضها بتاريخ دخولهم الدار عمر يوم) هم يحتاجون لمن يطفئ نيابة عنهم تلك الشموع ويحملهم بسعاده غير مسطنعه ولا معلبه في وظيفه وغنيه بفيتمينات الاحترام , لهم ولطفولتهم , هم مثلنا يحتاجون كثيرا ان يشعروا (بالاهتمام) وانك تاتي لزيارتهم (مشتاقا) غير متفضل ولا منان قد يسعدهم عندما يكبرون رؤية صورتهم (جميعنا نحب ان نوثق لتلك الايام) ولكن ما قد يسؤهم صورهم ونحن نحملهم بكل شفقة واحزان فلنقلل منها بقدر الامكان
بكرة احلي
| |
|
|
|
|
|
|
Re: رابع ايام عيد الاضحي ... رحله ترفيهيه لاطفال دار المايقومه ... باذن الله (Re: naeem ali)
|
العيد ... هو عندي مثل التلفاز .. والسرير .. والمرجحانيه ... مجرد (شيئ) جديد اتعرف عليه كل عام وانا احتفظ بتساؤلاتي عنه... مثله مثل (الباب) ... ذلك الشيئ صاحب الصوت المزعج والصرير المخيف يدفعني دوما صرير باب العنبر للبكاء... دائما ما ابتدر البكاء انا معطيا الاذن لعشرين طفل مثلي بالنحيب.. فانا القائد الباكي العظيم في هذا العنبر (القياده هنا لمن هو ابكي).. فقط لو اجد من يخبرني عن معناه ..الصرير ... والباب .. والعيد ... اعرف قدوم العيد منذ الصباح .. المسجد المجاور لايتوقف عن التكبير والتحميد (اشياء اسمعها ايضا ولم يقم شخص يوما ما بشرحها لي) هي كالموسيقي المميذه للاخبار اعرف من خلالها ان هذا (الشيئ) قد جاء ... العيد.. العيد في كل عام اتلفت باحثا عنه .. هنالك الكثير من العمالقه (المبتسمين) والكثير من اللعب وملابسي التي يتم تغييرها مرتين في اليوم جديده ويمتلئ عنبري (القديم) باناس جدد ... (لا اخفي اني سعيد بحملهم لي) لكن من منهم يخبرني اين (العيد)..؟؟ وماهو (العيد)..؟؟
| |
|
|
|
|
|
|
Re: رابع ايام عيد الاضحي ... رحله ترفيهيه لاطفال دار المايقومه ... باذن الله (Re: الطاهر عثمان)
|
نحاول يا شباب
فينا المشغول والعيان والتعبان والرايح... امورنا جايطة
مافى زول فاهم حاجة
والخايف لكن لازم نحاول
عمرى كله بمشى من بره
ما حاولت اخش العنابر،،، الا قريييييب
لكن صدقونى اللحظة دى بس، بتحس انك بنى ادم
لمن يجيك طفل يقول ليك بابا
او طفلة بى شرايط فى شعرها تقول ليكى ماما
ولمن تشوفهم ينطوا من زائر للتانى
بيحاولوا يوقفوا الزمن .. عشان تفضل معاهم
حقهم علينا... اقله نعيد جنبهم
| |
|
|
|
|
|
|
Re: رابع ايام عيد الاضحي ... رحله ترفيهيه لاطفال دار المايقومه ... باذن الله (Re: عمرو كمال ابراهيم)
|
عمرو يا اقرب قريب
Quote: نحاول يا شباب
فينا المشغول والعيان والتعبان والرايح... امورنا جايطة
مافى زول فاهم حاجة
والخايف لكن لازم نحاول
عمرى كله بمشى من بره
ما حاولت اخش العنابر،،، الا قريييييب
لكن صدقونى اللحظة دى بس، بتحس انك بنى ادم
لمن يجيك طفل يقول ليك بابا
او طفلة بى شرايط فى شعرها تقول ليكى ماما
ولمن تشوفهم ينطوا من زائر للتانى
بيحاولوا يوقفوا الزمن .. عشان تفضل معاهم
حقهم علينا... اقله نعيد جنبهم |
البوست ده بوستيك والدعوه حقتك انت وحسين شركاء معي هنا فلا شكر واجب بل (عشق) ابدي دمت يا رفيق
| |
|
|
|
|
|
|
Re: رابع ايام عيد الاضحي ... رحله ترفيهيه لاطفال دار المايقومه ... باذن الله (Re: كمال علي الزين)
|
في الزمن العلينا فينا الرايح والجايط والخايف والمهموم والملان احلام ووووو زي ما قال عمروكمال لكن في يوم زي ده كلنا حضور كلام يا نعيم مسؤل ومنظم ومرتب ودراسة عدبل عشان كده حتقدر تقنع الناس وتحي تجي للفهم والمخبة والحنية اولادنا ديل عايزين حنان خنان مسؤل ماهي رحلة قتدفة وونسة هي رحلة ابوات مع الادهم بمنحوهم الامان والعطف والفرحة شفتك يانعيم في قناة هارموني وحسيت بعرفك قبل ما يلدوك ربنا اديك الفي مرادك بركة الوقفة بعرفات وتشيل اسمك نعيم دنيا وفرحة محتاجين وبسمة ترد للضايع روحو بركة العيد ناجح في كل خطوة وربنا اديك العافية انت والطاهر عثمان ملوكما المتوجين في عمل الخير والإحسان محبتي اكيدة وياليت لو كنت معكم رجعتني 30 سنة وانا طالب انشاءت مركز في قرية الأطفال sos ومركز في دار شيشر للأطفال ذوي الحاجات الخاصةكان معي منعم الجزولي وموسى الأمير وكان بيذخب معنا يغني للأطفال الفنان الانسان ابوعركي كنا طلبة في المسرح مليانيين حبك مثلك لكم اشتاق اليك وامني النفس لو كنت معكم لكم احبك وصحبم الميامين
| |
|
|
|
|
|
|
Re: رابع ايام عيد الاضحي ... رحله ترفيهيه لاطفال دار المايقومه ... باذن الله (Re: محمد سنى دفع الله)
|
Quote: في الزمن العلينا فينا الرايح والجايط والخايف والمهموم والملان احلام ووووو زي ما قال عمروكمال لكن في يوم زي ده كلنا حضور كلام يا نعيم مسؤل ومنظم ومرتب ودراسة عدبل عشان كده حتقدر تقنع الناس وتحي تجي للفهم والمخبة والحنية اولادنا ديل عايزين حنان خنان مسؤل ماهي رحلة قتدفة وونسة هي رحلة ابوات مع الادهم بمنحوهم الامان والعطف والفرحة شفتك يانعيم في قناة هارموني وحسيت بعرفك قبل ما يلدوك ربنا اديك الفي مرادك بركة الوقفة بعرفات وتشيل اسمك نعيم دنيا وفرحة محتاجين وبسمة ترد للضايع روحو بركة العيد ناجح في كل خطوة وربنا اديك العافية انت والطاهر عثمان ملوكما المتوجين في عمل الخير والإحسان محبتي اكيدة وياليت لو كنت معكم رجعتني 30 سنة وانا طالب انشاءت مركز في قرية الأطفال sos ومركز في دار شيشر للأطفال ذوي الحاجات الخاصةكان معي منعم الجزولي وموسى الأمير وكان بيذخب معنا يغني للأطفال الفنان الانسان ابوعركي كنا طلبة في المسرح مليانيين حبك مثلك لكم اشتاق اليك وامني النفس لو كنت معكم لكم احبك وصحبم الميامين |
سيدي العارف بامر الحب محمد السني اشهدت الله سابقا علي محبتك فيه وها انا اشهده مرة اخري ما كتبته تاج علي راسي ساحرص علي وضعه بكل فخر وهي رحلة ابوات مع الادهم بمنحوهم الامان والعطف والفرحة وانا شوفتك في قناة (الروح) وعرفت انه العرفه البينا قبل التكوين المادي كتير وكت الروح ربنا يحقق ليك امانيك ويحفظك لينا وكل عام وانت (تمام) كما الانسام تحجينا استاذنا الطاهر عثمان قمه نحن بنحبي في حوشه الواسع ربنا يديم خيره علي غيره ويا (بختنا) بمحبتك (الاكيده) واريتك كنت معانا مع انك (معانا) ربنا يديك العافيه وطول العمر
| |
|
|
|
|
|
|
Re: رابع ايام عيد الاضحي ... رحله ترفيهيه لاطفال دار المايقومه ... باذن الله (Re: حسين محي الدين)
|
غداً البرنامج الترفيهى لأطفال دار المايقوما الخامسة عصراً بمدينة الطفل...جوار عفراء
غداً البرنامج الترفيهى لأطفال دار المايقوما الخامسة عصراً بمدينة الطفل...جوار عفراء
غداً البرنامج الترفيهى لأطفال دار المايقوما الخامسة عصراً بمدينة الطفل...جوار عفراء
غداً البرنامج الترفيهى لأطفال دار المايقوما الخامسة عصراً بمدينة الطفل...جوار عفراء
غداً البرنامج الترفيهى لأطفال دار المايقوما الخامسة عصراً بمدينة الطفل...جوار عفراء
| |
|
|
|
|
|
|
Re: رابع ايام عيد الاضحي ... رحله ترفيهيه لاطفال دار المايقومه ... باذن الله (Re: انعام حيمورة)
|
العزيزه انعام
Quote: بكرة احلى
التحبة للمرأة العظيمة .. ماما احسان |
بكرة احلي بوجودكم يا انعام الخير وماما احسان دي دايره ليها بوست براها مشرفة الامهات البديلات وهي (متطوعه) لا يوجد بدل وجبه كما هو معلوم (ماما) احسان تصرف علي المطبخ يعني زوله زي دي ولا بنقدر نلحقا تحايا ولا حاجه بس انحنائات احترام لمقاما العالي ده ربنا يديم خيرا علي غيرا والله نحن زاتنا بقت لينا ام ربنا يديها لينا الصحه وطول العمر وعلي شرف زكراها العطره دي هاك الحلاوه دي يا انعام
| |
|
|
|
|
|
|
Re: رابع ايام عيد الاضحي ... رحله ترفيهيه لاطفال دار المايقومه ... باذن الله (Re: naeem ali)
|
سحس يا حبيب
Quote: متأكد انه الاطفال دي نامت نوم ما أعتيادي بعد جري الأمس... القائمين على أمر مدينة الطفل يجب أن يكونوا أكثر تفهما |
الحمد لله مسخر ما جري لكن الزول بتاع الباب حاسبنا (بالراس) يا سحس ورفض يستسني حتي سواق الحافله لمن قلنا ليه ايتام ودار وشنو اكتفي بالرد التقليدي (البايخ) بلاااااااااااهي ... يا سلااااااااااااااام (الفين جنيه) الراس!!!!!!!!!!!!!!!!!!!!!!!!!!!!!!!!!!!! بعد مجابده قال (بشيل ليكم السبعه الفوق) لانه العدد كان سبعه وعشرين والحمد لله علي كل حال لكن بلدنا دي (مجنونه) والله
| |
|
|
|
|
|
|
Re: رابع ايام عيد الاضحي ... رحله ترفيهيه لاطفال دار المايقومه ... باذن الله (Re: naeem ali)
|
Quote: بكرة احلي بوجودكم يا انعام الخير وماما احسان دي دايره ليها بوست براها مشرفة الامهات البديلات وهي (متطوعه) لا يوجد بدل وجبه كما هو معلوم (ماما) احسان تصرف علي المطبخ يعني زوله زي دي ولا بنقدر نلحقا تحايا ولا حاجه بس انحنائات احترام لمقاما العالي ده ربنا يديم خيرا علي غيرا والله نحن زاتنا بقت لينا ام ربنا يديها لينا الصحه وطول العمر وعلي شرف زكراها العطره دي هاك الحلاوه دي يا انعام |
عارف يا نعيم ماما احسان دي خليها كدة بس (لا تكشف عن شخصيتها)
ماما الكل .. انا بعرفها كويس جدا ويوم مشيت بيتهم ما قدرت الاقيها لاني خفت م الاقي (ملاك) بالجد (رهبت) من اني اشوفها ..
النوع الذي ديل يا نعيم بعملوا في الخفاء تكلمت عنهم يوما !!
عارف انا عندي زي ماما احسان دي كتاااار ..
كدي امشي اسالها قول ليها عايز اكتب عنك .. شوف بتقول ليك شنو .. بتلقى اجبتها زي اجابات كتيرة انا تلقيتها ..
خلينا انا وانت وكم زينا !! لي أجر المناولة (فقط)
عارف مرات انا بكون نفسي اقول واوري الناس لكن بكون واعدة الزول ما اكشف عن شخصيته ..
نعيم قدرت تفهني عايزة اقول شنو !!؟؟ قدرتوا انتوا تفهموني ؟؟!!
في ميزان حسنات الجميع يارب
| |
|
|
|
|
|
|
|