|
|
 ...... خطابات البشير تتفوق علي خطابات اوباما....
|
شوفوفو خطابات اوباما دي مسيخة كيف........
خطاب لا فيهو زول يكووورك بعد كل كلمتين لي اوباما
سير .. سير... سير.. يا أوباما .. نحن جنودك للتعمير..
دا خطاب شنو دا ....
لا فيهو تماااام .. تماااام .. يا اوباااما ...
برنجي برنجي ..رئيسنا زنجي ..
أنحنا وراااك يا باااراااك ..أنحن وراااك يا باااراك ..
خطاب ما سمعنا فيهو إستيف ووندر "شنان" بي الاورغن يهتف :
غزة يا غزة ويييينا غزة .. واددددي السدر هزة وييييينا غزة ..
خطاب يا كافي البلا لا فيهو زول عرقان
لا فيهو براميل موية لا فيهو بتاع الساوند
لا فيهو زول ماسك ليهو عشرمية مايك في يد
ويد ظاهرة فيها ساعة سيكو فايف حدها الكوع ...
خطاب لا فيهو عساكر بيلزو في الناس ومتشابكين بي اليدين عاملين صفوف
ويضربو الناس بي العكاكيز ...
خطاب ولااااا غصن نيم وااحد حايم فيهو...
ده خطاب شنو دا ؟
خطاب ولا ريييالة واااحدة .. ولا زبد من الخشم ينزل .. من الناس النافخا جضوما وهي بتقدم في الرئيس وتكسر في التلج
أريتو ما خطاب ..
خطاب ما يتبرع فيهو الرئيس لي قرية داكوتا بي كراكتين وداية و1000 شوال فحم
ده ماااا خطاب ..
خطاب ما فيهو يافطة مكتوب فيها ابناء جون كروز يقفون معك في خندق واحد يا اوباما
ده ماااا خطاب ..
خطاب ما فيهو ولاااااااااااااااااا حتى رقصة وااحدة ؟؟؟؟؟؟؟ ... دا ما خطااااب ....
معقول لكن يااوباما ماخجلتنا..حرك نفسك شوية.....
الرقصة وحلفة الطلاق دي بعدين تندم عليم ندم ...
By e-mail from Ibtihal Eltayeb Mustafa
|
|
 
|
|
|
|
Mohd Ibrahim
فيس بوك
تويتر
انستقرام
يوتيوب
بنتيريست