شدي حيلك يا منافي مدي ايد القدرة مرة و وسّدي المطر العوافي وكوني مافي يا مطافي الوجعة واصحي وصحّي دمعك يا قوافي ابقي طين النيل وارضو طول وعرض الموج وعِرضو و لو قست ليك المرافي جيبي خافي الليل امرقي الموية من جدول يرقرق الفة لي وطنا اضافي وشافي شايل من سماحة الطيبة والناس البتزرع ايده لي فرحا مجافي ويا فيافي الروح اطرقي وطرّقي الوجع الخرافي من لحاف الهجعة شُرّي ابقي قِرّي وفِرّي حزنك شيلي همّك وانصرافي اصلو مافي اللسه مافي ما بوافي وببقى حاضر لو سبق حرفو الاضافي ويا حروف الشدة مدّي ,,,العلة سدّي الغربة فينا وهدّي من وحل انكسافي وقدر مد البحر عَدّي وابقي عِدي وشدّي حيل القُدرة كافي ابقي قدر الحال وعرضو كوني برضو وشيلي من عرض المنافي ابقي وطنك كوني ارضك وابقي من ذاتك عوافي ابقي انتي
عبدالله وداعه الامين لندن 03.01.2009
01-04-2009, 09:58 PM
كمال علي الزين كمال علي الزين
تاريخ التسجيل: 11-14-2006
مجموع المشاركات: 13386
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
كمال علي الزين
فيس بوك
تويتر
انستقرام
يوتيوب
بنتيريست