الأسلحة الكيميائية وحقيقة استخدامها في السودان في منتدى ميديكس للحوار
|
|
 بشـري سـاره (( للمشكوكشين)) ... الطب قد يعالج "القلوب المحطمة"
|
الطب قد يعالج "القلوب المحطمة"
كتشف العلماء أن من الممكن مداواة القلوب المحطمة والمكلومة.
وأجرى باحثون أمريكيون تجارب على سبعين من المرضى يعانون "ظاهرة القلب المحطم"، وهي ظروف صحية ناجمة عن الضغوط التي تسببها متاعب عاطفية ونفسية.
وتبين أن هؤلاء المرضى يتماثلون للشفاء بمجرد تناولهم للأسبرين أو للعقاقير التي توصف عادة للمرضى بالقلب، على الرغم من أن نسبة 20 في المئة كانوا في حال حرجة.
وقال هؤلاء الخبراء في تقرير نشر بالمجلة الأمريكية لطب القلب إن ارتفاعا في هرمون الضغط والقلق قد يكون السبب في "ظاهرة القلب المحطم".
وتعرف هذه الظاهرة علميا باسم تاكوتسوبو كارديوميوباثي، وكان باحثون يابانيون هم أول من اكتشفها في تسعينيات القرن الماضي.
وعلى الرغم من أن أعراض الظاهرة تشبه إلى حد ما أعراض الأزمة القلبية من قبيل آلام الصدر وضيق التنفس، فإنها تظل ظاهرة مؤقتة يمكن الشفاء منها تماما إذالا ما عولجت على وجه السرعة.
يُذكر أن العينة التي خضعت للبحث -وهي مكونة من مرضى مستشفيين من بروفيدانس بولاية رود أيلند الأمريكية- عانى أفرادها من أعراض الظاهرة ما بين سنتين 2004 و2008.
http://news.bbc.co.uk/hi/arabic/sci_tech/newsid_7968000/7968075.stm
|
|
 
|
|
|
|
|
|
|
 Re: بشـري سـاره (( للمشكوكشين)) ... الطب قد يعالج "القلوب المحطمة" (Re: عاطف عبدون)
|
العزيز / عاطف
--------------------------------------------------
Quote: الطب قد يعالج "القلوب المحطمة"
|
طبها ( دوها بالتي كانت هي الداء )
يعني ما يحلك من حب قديم إلا تصادف حب جديد
ياخدك لدنيا وعوالم تانية
وينسيك ( سيرة القلوب المحطمة ) دي نهائي
وتستغرب أنو في الدنيا دي في قلوب (بتتحطم)
بالله معقول في قلوب بتتحطم ؟؟؟؟؟؟؟؟
يأخي ماظن الكلام ده شطحات خيال ساي 
* قبل مدة كدة كنت متابع حكاية ( نوع من الشمار ) لزميل لى في العمل
عمل مجهودات كويسة لكين ربنا ما وفقوا في حكايتو كنت متضامن معه جدا
وهو في جولات ماكوكية بين المملكة والسودان وحادي وفارش وقصة كده تستغرب ليها
من جواى كنت بشوف البحصل منو ده كلام اكتر من فارغ
ممكن يحصل لكين للحظة وفي حدود وبتفوق منها سريع لانو اكيد حتجي اللحظة والانسانة
الحتقسم معاك قدرك وتمشي معاك طريقك فما في سبب يخليها تلاقيك انسان ياس او محطم بسبب فشل عاطفي
لازم تلاقيك في أفضل حالاتك ...
وده السبب الوحيد الحيخليك بفرص كويسة
صاحبي البديت القصة بي هسه بقول لغي الفكرة من رأسوا
شكلو محتاج علاجك البتوصف فيهو ده
أى فشل عاطفي حساب النفس فيهو مالازم يكون عسير اكتر من اللازم
لانو أكيد الشي الما بتملك كل أسباب فشلو أو نجاحو في يدك وبقسمه معاك طرف تاني
تعمل البتقدر عليهو وبس ...وتتاكد أنك أستفدته منو حاجات أكتر بكتير من الخسرتو
وتثق أنو في الاخر حتقابل الطرف الحتسعد وتتوفق معه
المهم ما تسلم لحظة أنو دي نهاية الدنيا
وما تقعد كتير في الحته دي ...
لانو بالتاكيد ( اليوم البنعيشو ما برجع تاني )
والحتجيبوا اقدارك من حقوا يلاقيك انسان في كامل أهليتو ولياقتوا العاطفية
ولسه ما مصدقك أنو في الدنيا دي لسه في قلوب بتتحطم
تحياتي
| |
|
|
|
|
|
|
|
|
 Re: بشـري سـاره (( للمشكوكشين)) ... الطب قد يعالج "القلوب المحطمة" (Re: محمد الامين محمد)
|
العزيز / عاطف
-------------------------------------------------
صدقني في
لمن تحب جد
بتعرف انو كل شئ من غير الحب ولا شئ
عشان كدا لمن تفقدوا بتفقد كل شئ
لحظتها بكون لازمك الدواء دا
وصدقني برضوا ما حيعالجك
ما لم تصادف الحب اليخليك تنسي أنو في الدنيا دي في ألم وقلوب بتتحطم
وده القصد أنو العلاج في قدرة الانسان وعزيمتوا ان ينسي ويبتدي
وما يسلم لحظة انو دي نهاية الدنيا
ولا يسيب نفسوا للحزن والالم
معاك أنو في قلوب بتتحطم
لكين برضوا في نهاية كل حزن عميق بتجي فرحة طاغية
تنسيك ليهوا وتخليك تعيش حياتك بلون وطعم جديد
للحد التستغرب في أنو في تحطم قلوب من أصلوا
يبقي انساك من الطب وخلى الايام هي التعالج
وصدقني ده العلاج الفعال
ومنتظر عودتك
| |
|
|
|
|
|
|
|
|
|
Re: بشـري سـاره (( للمشكوكشين)) ... الطب قد يعالج "القلوب المحطمة" (Re: عبد الناصر الخطيب)
|
سلام تاني يا ناصر
معاك انو الايام بتنسي
ولولا نعمة النسيان كنا تعبنا في كل شئ
ولولاهو كانت كل مشاكلنا ومصائبنا حتظل بعد عمر زي اول يوم ونحنا بنكتوي بيها
بس لو الطب حيديني حبه عشان انسي عذاب عمري المضي ليه لا؟
ولي انتظر الايام تداويني بعد عذاب وبعد تعب
اما حكايه الحب البنسي القبلو
انا شايف انو لو قلبك دا ما استعاد توازنو ووقف علي حيلو
ما بكون عندي مقدره انو يشوف الحوالينو
عشان يفتش الحب من جديد بينهم
ولمن يصل المرحله دي بكون إكتوي عذاب
والمرحله دي هي البنحتاج فيها لي اي قشه نتعلق فيها
دا طبعا مع تحفظي علي فكرة انو الزول يحب عشان ينسي حب
| |
|
|
|
|
|
|
| |
عاطف عبدون
محمد الامين محمد
فيس بوك
تويتر
انستقرام
يوتيوب
بنتيريست