دي تقريباالمرحلة ما قبل الاخيرة لقرار المدعو اوكامبو ..
القرار وصل الى هذه المرحلة المتقدمة بعد مروره بمرحلة البلل ثم الموص ثم القرطعة .. لم نكن ننوي الوصول الى هذه المرحلة الخطيرة وهي مرحلة الغرغرة . وكلنا يعرف الغرغرة وما تحتاجه من مجابدة وملاواة وشق حنك . باختصار لو قمتم بقرطعة القرار لكفيتمونا وانفسكم شر الغرغرة وما ينتج عنها من سوالب ..
Quote: انتقال القرار من مرحلة القرطعة الى مرحلة الغرغرة .....
صدقني ما ودا صدام الحفرة إلا الحاجات دي......
وما عارف بي شغلكم ده ما شين تودوا عمر وين؟؟؟ وتراه يا عمر، عمر بشر ومصيرة تمر عليه سنة الأولين والآخرين وقال الشاعر كل إبن أنثى وإن طالت سلامته ،،، يوماً على آلة حدباء محمول... ويا خوفي يحمل معاه المليون ميل دون رجعة،،، ونبقى في يا ريت الكان ما كان....
_________________ تصدق بالله قرار الجنائية واجعني أكتر منك،،، لكن الفرق في نوع سبب الوجع ناس وجعته لي زول وناس حسرتا على وطن، في بيوت البكا في زول بيقطعه في مصارينه لامن تجيه قرحة ويطرش دم،،، وزل تاني بيجعر ويخم التراب مع وصل وفود المعزيين وبمجرد جلوسهم بعد الفاتحة يسرع إلى شلة الأنس يتونس وينكت ويقطع في الداخل والمارق والمرحوم زاتو بيديه حقه، لغاية ما يصل وفد جديد يجعر معاه... والميت واحد والقرابة واحدة؟؟؟
الفريطيق الهريطيق دينق البشير سافر اريتريا رغم انف اوكامبو، ود الباوقة هسي موفاضي لك اتلقي يعرض دا اذا ما كان مشي السفارة يبارك، غايتوا شيل شيلك وانتظر الراجيك بعد سكرة النشوة حقته دي تفك. شخصياُ اتوقع ينعم عليك بلقب جديد اضافة الي مناصبك السابقة كفريطيق وهريطيق. تحياتي
قال المدعي العام للمحكمة الجنائية الدولية لويس مورينو أوكامبو في مقابلة مع الجزيرة إنه إذا أصدر قضاة المحكمة مذكرة توقيف بحق الرئيس السوداني عمر البشير فسيعتقل حالما يتجاوز حدود السودان
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Al-Shaygi
Deng
محمد عمر الفكي
فيس بوك
تويتر
انستقرام
يوتيوب
بنتيريست