|
|
|
 Re: د الفاتح حسين ......... وابو عركى البخيت ......... بدار الاوبرا المصرية ... (Re: قاسم المهداوى)
|
الاخ قاسم
كل التحايا
اكدت مصادرنا الخاصة والموثوقة ان فنان السودان الكبير ابوعركى البخيت والدكتور الفاتح حسين سيقدمان حفل ساهرا فى يوم 12 اغسطس وعليه نرجوا ان تتقاطر وفود السودانيين باكرا صوب دار الاوبرا المصرية لتشهد احد ليالى الفن الراقى وعلى سبيل الترويج ساقدم جزءا مختارا من كلمات بعض اغانى الفنان المتطور ابوعركى البخيت
فقدم عركى رائعة حسن السر (بخاف)
بخاف اسال عليك الناس
وسر الريده بينا يذيع
واخاف اكتر كمان ياغالى
من ايدى انت تضيع
واعيش بعدك حياتى جفاف
مواسم بينها مافى ربيع
ثم نختار من ماكتب هاشم صديق (كل البنات امونه)
كل البنات امونه ياخرطوم
معاى ساعة افتح الدكان
معاى ساعة الدرب بالليل
معاى فى البص على ام درمان
وفى الكوبرى الكبير فى الليل
اعاين فى البحر مهموم
الاقى وجيها شاقى النيل
وفى ساعة التعب والخوف
تشيل خطواتى وامشى عديل-------والى ان تقول الاغنية
من ضيق الزمن والناس
والقى دمى يفور
تمد ايدينا تمسح
فى العصب والراس
امانة كلاما كان رفرف
وكت ساعة الدرس ياخوى
يطير قلمى ويزغرد سنو فى الكراس
ومن كلمات (التجانى حاج موسى) الاغنية الزائعة الصيت ((واحشنى))
واحشنى ياالخليت ملامحك فى حياتى
ياالرسيت مراسيك جوه ذاتى
الا باكر لما ترجع
انا بحكى ليك عن الحصل
عن بعد المسافة وقربها
لمن يفارق زول عيون
غاليات عليهو كتير وبحبها
والله احكام ياقدر
والله احكام يامسافة وياسفر
ولسعد الدين ابراهيم عن حبيبتى حاحكى ليكم ولخطاب وكامل عبد الماجد ولغيرهم وروائع اخرى لا استطيع عرضهااو استعراضها وهذا بمثابة فتح شهية للجمهور ولهذه الفرصة النادرة . والكل فى انتظار ابوعركى البخيت وكما تعودنا من الدكتور الفاتح حسين فى ليالى ومهرجانات الاوبرا الاختيار الموفق
والمتجدد .
شكرا قاسم ..الدكتور الفاتح فى انتظار (جمال جياتك).
| |
 
|
|
|
|
|
|
|
|
Re: د الفاتح حسين ......... وابو عركى البخيت ......... بدار الاوبرا المصرية ... (Re: hanadi yousif)
|
الاخت هنادى
انا ما عارف برضو ليه دمجتى ولاية الجزيرة بالجيزة ؟؟؟؟ انا بشارك فى مهرجان الاوبرا منذ العام 2002 وبستلم دعوة شخصية من ادارة الاوبرا لهذه المشاركة --- وكان من المفروض ان اشارك بتقديم موسيقى بحته اى دون مصاحبة مطرب لكن لغيرتى الشديدة على الفن السودانى ومحاولة نشرة ووتقديمة للاخر رأيت ان اختار مطرب معى فى كل عام حتى ازيد من رقعة المشاركة ، فى عام 2002 اخترت معى وليد زاكى الدين ، فى عام 2003م اخترت معى عصام محمد نور ، فى عام 2004م اخترت عمر احساس ، فى عام 2005م اخترت عبدالقادر سالم ، وفى هذا العام اخترت الفنان ابو عركى والفنان الشاب عمر جعفر، طيب ببقى السؤال من اين اجد الامكانية المادية التى تغطى تكاليف هذه المشاركة أى ترحيل الفرقة وتوفير تذاكر السفر والاقامة والاعاشة ؟؟؟؟ كل الذى اقوم به هو مكاتبات للجهات الرسمية والاهلية لانجاح اى مشاركة أى الرعاية --- فى هذا العام قامت ولاية الجزيرة بدعمى وبحكم انتمائى لها بالتالى اخترت المطربين ابو عركى وعمر جعفر باعتبارهم من ابناء ولاية الجزيرة باعتبار ولاية الجزيرة هى الجهة الراعية والتى تبنت تكاليف الرحلة وده كل الموضوع ......
| |
|
|
|
|
|
|
|
|
|
Re: د الفاتح حسين ......... وابو عركى البخيت ......... بدار الاوبرا المصرية ... (Re: قاسم المهداوى)
|
قاسم او كما يحلو لنا ان نسميك علي الطريقة المصرية... أأأأأأأأأأأأأأأأأأسم....
تشكر علي هذا البوست الجميل والذي اتمني ان تتبعة ببوست اخر يكون توثيقا للحفل حتي يتثني لناالمشاركة من علي البعد
دكتور الفاتح انا متابع لبرنامجك في نشر الاغنية السودانية او الموسيقا السودانية بصفة عامة عبر الانتقال بها خارج حدود الوطن وعرضها للجمهور الجديد في المسارح المتاحة للجميع انة حقا لعمل رائع والدعوة موجهة لكم لزيارة استراليا
التحية للعملاق الاستاذ عركي والاستاذ عمر جعفروالفرقة الموسيقية
| |
|
|
|
|
|
|
|
|
|
Re: د الفاتح حسين ......... وابو عركى البخيت ......... بدار الاوبرا المصرية ... (Re: ابراهيم برسي)
|
عزيزى : قاسم المهداوى
من زمن بعيد جداً .. وأنا أردد مع نفسى
وبين أصدقائى وأهلى , بأن هذا العركى هو
كاشف العصر الحديث فى الأغنيه السودانيه !!
هذا إن لم يك محمد الأمين .. أو يوسف الموصلى ..
على كلٍ هو بلا شك واحد من ( الكواشف الجدد ) ..
وهل غاب إبراهيم الكاشف عن ضمير هذه الأمه ؟!
أبوعركى البخيت صديقى منذ فجر السبعينات .. وصديق
كل أفراد أسرتى .. وإن لم نلتقيه حتى الآن ! وأنا
قد أهديته بينى وبين نفسى... كل قصائدى الماضيه
والآتيه .. وما كان وما لم يك !.. ولأخى الموصلى وهو
على ذلك شهيد ...
مامون أحمد إبراهيم
| |
|
|
|
|
|
|
|
|
|
Re: د الفاتح حسين ......... وابو عركى البخيت ......... بدار الاوبرا المصرية ... (Re: قاسم المهداوى)
|
Quote: تعالو نغنى
كلمات د.عفاف الصادق
ألحان وأداء أبوعركى
----------------------
تعالو نغنى غنى الأيام الجاية كتير
ونفرح بيها سمــــا السودان
تعالو نلم ألوان الطيف الفى الخرطوم
أبناء شعبى والفى أم درمـان
تعالو نفكر أيه البحصل فى السودان
الجوع...المرض...الخوف...الشك...
عدم أطمئنان هــد الأنسان
تعالو نقعد نحسب خطونا
مما أخدنا الأستقلال احدى الآن
أتقدمنا ولاأتاخرنا..أتاخرنا ولاأتقدمنا
سؤال مطروح لكل فئة
من فئات الشعب بألف سؤال
دم أجدادنا بحرض فينا أمل حرية..
وبذكرنا عشان مانحافظ على وحدتنا الوطنية
بس مكتسباتهم بصراعاتنا
وبخلافاتنا دفناها وبقت منسية
حقو نشوف من وين بتجينا مشاكلنا..
ومنو البعطل حركة شعبنا بزندية
نجيبو نحاسبو وبديمقراطية
أنا شايف الجوع بيطل من وقت
لآخر وليهو بلدنا سهول
أطفال بتشردوفى الطرقات وبيأكلو
الذل ومنو المسوؤل
والحرب لعينة وممتدة وبتحصد فينا
وياللهول ياللهــــول
وبلدنا الغالية وأم الخير فيها
كمان زار البتــــــرول
أشياءنا بتتناقض وفى الواقع نحن كتير وكتير
بندور فى الحلقة الواحدة كما البلور
نكســـرها كيف الحلقة الواحدة نكسرها كيف
ونمدها جسر يوصلنا
والدنيا عجـــــــــــــــــول
ياحكامنا الدنيا عجول
ياساستنا الدنيا عجول
ياسادتنا الدنيا عجول
ياجنرلاتنا الدنيا عجول
**************
منقول - منتدى الراكوبة
|
الاخ مطر
تحياتي
لك كل العتبة علي طول الانتظار
والي أن نلتقي في
| Quote: (فرحة الافراح)فى يوم الحفل الكبير |
لك الشكر مسبقا
| |
|
|
|
|
|
|
|
|
|
Re: د الفاتح حسين ......... وابو عركى البخيت ......... بدار الاوبرا المصرية ... (Re: قاسم المهداوى)
|
أمونة
----------------
كل البنات أمونه ياخرطوم
معاي ساعة أفتح الدكان
معاي ساعة الدرب بالليل
معاي في البص علي أم درمان
وفي الكوبري الكبيرفي الليل
أعاين في البحر مهموم
ألاقي وجيها شاقي النيل
وفي ساعة التعب والخوف
تشيل خطواتي وأمشي عديل
دحين خاتي أكان يا يُمه
صبحت نفسي ساعة الكتمه
من ضيق الزمن والناس
وألقي دمي يفور
تمد إيدينا تمسح
في العصب والراس
أمانه كلاما كان رفرف
وكت ساعة الدرس ياخوي
يطير قلمي
ويزغرد سنـّو في الكراس
| |
|
|
|
|
|
|
|
|
|
Re: د الفاتح حسين ......... وابو عركى البخيت ......... بدار الاوبرا المصرية ... (Re: مطر قادم)
|
الاخ المهداوي
لماذا لم تدعى الجهة الراعية لامسية (لبنان تبني) بدار الاوبرا فنانينا السودانيين في الوقت
الذي يشارك فيه فنانيين من العالم العربي في الامسية؟
Quote: يشارك 11 مطربا عربيا بأمسية بعنوان "لبنان تبني وتعلو بالحلم" خصصتها دار الأوبرا المصرية الجمعة القادمة للتضامن مع الشعب اللبناني الذي يتعرض لقصف إسرائيلي دمر معظم بنيته الأساسية في البلاد على مدى ما يقرب من شهر.
وقالت دار الأوبرا في بيان إن الأمسية التي ستقام على مسرح ساحة الأوبرا هي فكرة وألحان عازف العود العراقي نصير شمة وشارك في كتابة الأشعار العراقي أسعد الغريري والفلسطيني ماجد أبو غواش والمصريان بشير عياد وعبد العزيز جويدة.
ويشارك فيها من المطربين، المصريون مدحت صالح وسيمون وخالد سليم ومي فاروق ووسام حمدي والعراقيان ماجد المهندس ورضا العبد الله واللبنانية نسرين والمغربية أسماء لمنور والسعودي حسين قريش والسوري مجد القاسم الذي سيغني موالا دمشقيا للشاعر الراحل نزار قباني.
وسيقدم كل مطرب أغنية جديدة ثم يشارك المطربون في غناء عملين بعنوان "صبرا جميلا يا عراق" و"حماك الله يا لبنان" حيث أكد عبد المنعم كامل رئيس دار الأوبرا المصرية أن دخل الأمسية مخصص لصالح أطفال لبنان والعراق.
وسيقدم الحفل من الممثلين، المصريون خالد الصاوي وآثار الحكيم ومحمود حميدة وسامح الصريطي وستصاحب المطربين فرقة عبد الحليم نويرة للموسيقى العربية بقيادة صلاح غباشي. |
الرابط:
http://www.aljazeera.net/NR/exeres/F265BE18-28A1-4473-9B6A-FC5D5380F22B.htm
| |
|
|
|
|
|
|
|
|
|
Re: د الفاتح حسين ......... وابو عركى البخيت ......... بدار الاوبرا المصرية ... (Re: د.الفاتح حسين)
|
أمونة
----------------
كل البنات أمونه ياخرطوم
معاي ساعة أفتح الدكان
معاي ساعة الدرب بالليل
معاي في البص علي أم درمان
وفي الكوبري الكبيرفي الليل
أعاين في البحر مهموم
ألاقي وجيها شاقي النيل
وفي ساعة التعب والخوف
تشيل خطواتي وأمشي عديل
دحين خاتي أكان يا يُمه
صبحت نفسي ساعة الكتمه
من ضيق الزمن والناس
وألقي دمي يفور
تمد إيدينا تمسح
في العصب والراس
أمانه كلاما كان رفرف
وكت ساعة الدرس ياخوي
يطير قلمي
ويزغرد سنـّو في الكراس
| |
|
|
|
|
|
|
| |
قاسم المهداوى
مطر قادم
مبيوع
hanadi yousif
Elmosley
Alsa7afa_30
akram saeed
Tumadir
AMNA MUKHTAR
peace builder
ghariba
HOPEFUL
ابراهيم برسي
محمود ريحان
ayman haroun
حيدر حسن ميرغني
فيس بوك
تويتر
انستقرام
يوتيوب
بنتيريست