|
القنان المصري مصطفى قمر يجلب للسودان لإحياء حفل رأس السنة ....ما هذا العبث
|
إعلان منشور ويزاع في مختلف وسائل الاعلام الفنان المصري مصطفى قمر يحيي حفل راس السنة الميلادية في الخرطوم عادة درج عليها اعضاء بعض الجمعيات... وان كان الغرض عمل خيري كأن تسخر عوائد تلك الحفلات للاعمال الخير والرعاية الاجتماعية كالمبادرة التي جلبت من اجلها الفنانة الاردنية كروز لتغني لصالح مستشفى السرطان بالسودان ومن قبل تم جلب الفنان العراقي كاظم الساهر..وبين هذا وذاك كانت هنالك مناسبات عدة زار فيها فنانون عرب السودان كالفنانة اصالة والفنانة شرين عبد الوهاب..... نحن لسنا ضد الفن العربي والفنانون العرب لكن ما جدوي ان يأتي فنان مثل مصطفى قمر ويغني مثل اغانيه تلك على أناث لا ثقافتنا ولا بيئتنا مثل بيئة وثقافة مثل اغانية ماذا سنستفيد من اغانية تلك وبرضو نحن لسنا ضد الحب وووو وما جدوى ان اتكلف بدفع مبلغ 600 جنيه (بالجديد)يعني 600000 بالقديم عشان اقعد على تربيزة واسمع كلام هايف في الحب... اليس هذا هو نفس السودان اللي مثقل بالهموم والحرب والاعباء السياسية في الجنوب وفي دارفور والشمال ولا خلاص مشاكلنا كملت لمن نفكر نجلب فنانين زي ديل ونقعد نسمع ليهم ولو خلااااااااااص انا متكيفة ليه شديد... ما ممكن اخش اي ويب سايت واعمل كليك واحدة بس على اي غنيه ليه واستمع ليها واتم كيفتي.. لزوموا شنو ادفع المبلغ دا كله عشان استمع ليه... ثم ايضا ألفت نظر سيادتكم الى الظواهر السلبية اللي تبدر من بعض الفتيات وحالة الهياج والهستيريا اللي تصيبهن ومحاولتهن تقبيل ذلك الفنان (مثلما جرى مع الفنان كاظم الساهر في حفله التي اقامهما في فندق الهيلتون)... هل مجتمعنا متعود على مثل هذه الممارسات والسلوك الدخيل على المجتمع السودان... رغم اني في هكذا موقف بلوم طبعا البنت او الفتاة... لانها هايفة وما عندها موضوع طالما ابتدر منها هكذا سلوك غير المسئول.....
ما هذا العبث.... ومن الذي سيتحمل نتيجة هذه الظاهرة... وعواقبها ونحن في مرحلة بناء الذات وترميم اطراف المجتمع. وبعد ما نسلح الفرد بثقافة قوية ومتينة... من الممكن بعده نلقى على مسمعه هكذ طرب ثم لماذا لا تقوم هذه الجمعيات اللتي تكلف نفسها بجلب الفنانين العرب والمصريين بالتعاقد مع فنانين سودانيين .... وخصوصا عندنا فرق مضمونة بتدخل قروش او دخل كبير .. والسنة دي خاصة تعتبر سنة مميزة نسبة لرجوع البلابل لامتاعنا بصداح الغناء.... تقولوا لي مصطفى قمر!!!!!!!! والشئ المحير انو سمعنا ان جهاز الامن والمخابرات رخص ليهم بجلب ذلك الفنان واصلا علاقة جهاز الامن والمخابرات بهكذا موضوع شنو!!!!!!! وفوق هذا وذاك... خلاص يعني السودانيييييين بيعرفوا يحبوا لمن يقوموا بجلب فنان مثل مصطفي قمر عشان يجي يغني ليهم عن الحب وما ادراك ما الحب. عالم عجيبة
|
|
|
|
|
|
|
|
Re: القنان المصري مصطفى قمر يجلب للسودان لإحياء حفل رأس السنة ....ما هذا العبث (Re: Deng)
|
دينق سلمات كل سنةوانت طيب
Quote: بيني وبينك كده هسع لو انتي لقيتي لك تزكرة مجانية للحفلة دي بتابيها?
دينق |
باباهاأكييييييد... ما عاشان اناما بسمع اغاني .... عشان ما بعجبوني فنانين امثال مصطفى قمر ولا تامر حسني ولا حتى نانسي عجرم زاااتها
Quote: تربيزة قدام كده مع العائلة الكريمة, فيها حاجة? |
عائلتي الكريمة لا تناسبها هكذا حفلات وبعدين على جنب كدا انقولها ليك لو ادوني تربيزة مع الجكس زاتو باباها.... البحصل في الحفلات دي تضييع زمن ساااااااكت وعدم موضوعية.. وتشبث بي حاجات لا تشبهنا كسودانيين
| |
|
|
|
|
|
|
Re: القنان المصري مصطفى قمر يجلب للسودان لإحياء حفل رأس السنة ....ما هذا العبث (Re: فتحي الصديق)
|
الاخت ميادة
لك كل الاحترام
كلامك هذا فيه تناقض كبير , هل انت ضد او مع اقامة مثل هذه الحفلات
بغض النظر عن مصطفى قمر او البلابل لان ما يحدث هنا قد يتم هناك
وبعدين جزء من ريع هذا الحفل مقدم فى عمل خير وعلى كده كل كلامك طلع بح
الفن ليس له وطن من القمر اتى ام من المريخ الجريح كما ذكر الاخ فيصل
ولئن عرفناه من قرب انه كلام فاضى وحب زى ما انتى بتقولى اخذنا منه ما اخذناه واما الزبد يذهب جفاء
يعطيك القوة
| |
|
|
|
|
|
|
Re: القنان المصري مصطفى قمر يجلب للسودان لإحياء حفل رأس السنة ....ما هذا العبث (Re: mayada kamal)
|
اختي ميادة .....
سلام من أخ لا يحمل لك الا مودة واحترام .......
حقيقة جانبك التوفيق في هذا الموضوع لسبب بسيط وهو أن لكل شخص مزاجه وقدراته ... مزاجه هو الذي يحدد له ما يحب ... وقدراته هي التي تتيح له ما يحب .... ولسبب ما جعل الله عز وجل هذا المزاج خاصاً لا يمكن التحكم فيه بسهولة ويمكن تغييره بسهولة ... بل ويمكن حلول مزاج معين لوقت معين فقط .....
قصة الفن و الغناء هذه اختيار شخصي و( مزاج شخصي ) لا تخضع لتعميم ابداً ....
Quote: لكن ما جدوي ان يأتي فنان مثل مصطفى قمر ويغني مثل اغانيه تلك على أناث لا ثقافتنا ولا بيئتنا مثل بيئة وثقافة مثل اغانية ماذا سنستفيد من اغانية تلك |
هذه النظرة هي سبب عدم انتشار الأغنية السودانية فالمفهوم الخطئ اعلاه ساهم في محدودية انتشار الاغنية السودانية .... ليس للفن بيئة يا سيدتي ... في الصيف الماضي حضرت حفل للفنانة الراحلة مريام ماكبا كان الحضور تقسيمه كالتالي (احصائية عشوائية داخل المسرح من مركز الأقليات التابع لمجلس المدينة ..) :- 60 % من العرق الأبيض .... 20 % عرق مختلط ... 10 % افريكان 05% اسيويين 05 % هامش خطأ ....
ما علاقة ال 65 % بالبيئة والثقافة التي ذكرتها ......
أما كلامك والذي ساقتبسه ادناه يلوك بعضه بعضاً في شكل تناقض في ارائك .....
هذه
Quote: وبرضو نحن لسنا ضد الحب |
أم تلك
Quote: وما جدوى ان اتكلف بدفع مبلغ 600 جنيه (بالجديد)يعني 600000 بالقديم عشان اقعد على تربيزة واسمع كلام هايف في الحب... |
أم هذه ...
Quote: هل مجتمعنا متعود على مثل هذه الممارسات والسلوك الدخيل على المجتمع السودان... |
وتلك
Quote: رغم اني في هكذا موقف بلوم طبعا البنت او الفتاة... لانها هايفة وما عندها موضوع طالما ابتدر منها هكذا سلوك غير المسئول..... |
ثم حكمت على الامر كله بأنه عبث ونحن ( في مرحلة تكويت الذات القومية أو شنو كده ما عارف ) ثم قبلت الطاولة على من يقدم فنه ( للشعب السوداني الفضل ) بان اشرتَ :-
Quote: ثم لماذا لا تقوم هذه الجمعيات اللتي تكلف نفسها بجلب الفنانين العرب والمصريين بالتعاقد مع فنانين سودانيين .... وخصوصا عندنا فرق مضمونة بتدخل قروش او دخل كبير .. |
اما في ما سأنقله لاحقاً لن ارد عليه ولكني اوصيك الاستماع اكثر وقراءة الشعر السوداني الحديث منه والمعاصر بل وحتى القديم حتى تجدي اجابة وانا متأكد من انك ستجدي اجابة شافية ...... لأنك بنت النيل وهذا يكفي ...
Quote: وفوق هذا وذاك... خلاص يعني السودانيييييين بيعرفوا يحبوا لمن يقوموا بجلب فنان مثل مصطفي قمر عشان يجي يغني ليهم عن الحب وما ادراك ما الحب. عالم عجيبة |
ملحظة اخيرة .... لم استطع تبيان رأيك ..أهو رأي سياسي محض ... أم اجتماعي أم فني ....
مودتي اخوك
اسامة ( ابو سولارا )
| |
|
|
|
|
|
|
Re: القنان المصري مصطفى قمر يجلب للسودان لإحياء حفل رأس السنة ....ما هذا العبث (Re: mayada kamal)
|
ميادة كل سنة وانت طيبة
معاكي حق في انو مصطفي قمر مابيتهضم (^_*) بس لو جابو كاظم ولا فضل شاكر او اليسا او شرين ما كان احسن شويه
يعني مشي الحفلات دي حرية شخصية كل انسان ومباده التي شايفها صح في الحياة وحرية السماع لشخص معين او حضور حفلة لشخص معين ترجع للشخص يعني ما ممكن مثلا نقول يا فلان لازم تسمع لي فلان او ما تسمع لي فلان وبناتنا الهيافات كثار جدا ودي الموضة بقت تقليد العرب والغرب فما توجعي قلبك بالموضوع كثير انت استمتعي براس السنة بطريقتك الخاصة وخلي ناس الحفلات لي حفلاتهم مع كل الود والتقدير
| |
|
|
|
|
|
|
Re: القنان المصري مصطفى قمر يجلب للسودان لإحياء حفل رأس السنة ....ما هذا العبث (Re: mayada kamal)
|
Quote: لكن ما جدوي ان يأتي فنان مثل مصطفى قمر ويغني مثل اغانيه تلك على أناث لا ثقافتنا ولا بيئتنا مثل بيئة وثقافة مثل اغانية ماذا سنستفيد من اغانية تلك |
ميادة سلامات و كل سنة و انتي طيبة
بقت على اغاني مصطفى قمر و اغانيه مش احسن من اغاني نجي و لا تجي و ياخاينة و راجل المرة
و بعدين ما في فرق كبير بين الثقافتين المصرية و السودانية عشان يبقى سبب يمنع الناس انها تستمع لمصطفى قمر و للا غيره
البغيظ انه الحاجات دي ما كانت في ايامنا زمان كل ما نمشي حفلة في راس السنة يجو الكيزان الوهم ديل
امنجية على نظام عام و يوقفوا الحفلة و يكشوا الناس
راس السنة عيد ميلادي 31 \ 12 شفتي مولوده في يوم جميل كيف
| |
|
|
|
|
|
|
|