هل يجوز نقل كلية خواجة كافر الى مسلم!

Quote: هل يجوز نقل كلية خواجة كافر الى مسلم!

Quote: جزاك الله خير

الظاهر الشربوت بتاعكم الليلة كان "كوكتيل"؟؟؟؟

Quote: الظاهر الشربوت بتاعكم الليلة كان "كوكتيل"؟؟؟؟

Quote: دى عمايل الشربوت المبيتنو عشرة يوم ..المذكور فى بوست أبوجهينة

Quote: سلاماات jini و كل سنه و انت و اولادك الحلوين (ما شاء الله) بخير...و امهم برضوا بخير. مالك عاوز تبقينا ذى بنى اسرائيل ..اى حاجه عاوزين تحكوها لما تكب الدم. لما جيت اطلع رخصة السواقه فى بلاد الفرنجه دى سالونى اذا كنت عاوز اتبرع باعضائى لو حصل لى حادث و مت موت دماغى بس باقى اعضائى كانت كويسه. و بدون تردد وافقت. و قلت لو حصل لى كده يكن ربنى يجازينى خير بانقاذ حياة بنى ادم. و العرفنى شنو ؟؟يمكن اعضائى تنفذ حياة زول مسلم( بالرغم من انى ما عندى مانع انقذ زول ما مسلم)

Quote: قلت هي العملية بسيطة وانا صاغ سليم يقوموا الجماعة ديل يطمعوا فيني وانا مقطوعة من شجرة هنا وماعندي وجيع

Quote: حيدر اولا كل سنة وانت طيب تانيا ابراهيم دا معانا هنا في البورد وزوجته انوار برضو واخوهو انور كلهم اعضاء وعلى ما اذكر السنة الفاتت عملوا حملة هنا في البورد وجمعوا امضاءات ومعاهم رسالة شكر وتكريم وكرموا الدكتور المتبرع دا في رحلة جابوا صورها هنا في البورد دا ماممكن تكون غايب دا كله؟؟؟

Quote: بعدين الكلية بتاعت غير المسلم لو مارويانة امرها بسيت

Quote: الأخ جني أنا أؤمن وبشدة أن الإنسانية هي المعيار الوحيد للحكم علي البشر وأن ديانتهم لا دخل لها وكما قيل الدين للة والإنسانية للجميع

Quote: شهدت اليوم فى قناة الشروق مشهد انسانيا هزنى حتى امتلأت عينى بالدموع باختصار دكتور ابراهيم سودانى محاضر فى جامعة امريكية متزوج حديثا زميله محاضر امريكى مسيحى تحدث الى الطيب مقدم البرنامج قائلا حضر ابراهيم الى مكتبى زف الى نبا ميلاد طفله وزف الى الخبر الثانى وهو محزن انه يعانى من الفشل الكلوى فكيف يقوم بتربية ابنته! مارتنيز قال ففكرت كيف اساعد ابراهيم ووقتها قررت ان الحل الوحيد هو التبرع بكليتى لابراهيم وقد كان!

Quote: دكتور الأسـنان المشـهور بـشـرى العبيد بالخرطوم أذكر الشـعار الذى يـلاقيك به عندما تدخل عليه(لا أسـألك عـن دينك أو أصـلك لكن مـما تتألـم)

Quote: والله اذا واحد فيكم شاف فيلم( كوما)ما كان قرب لاى مستشفى امريكى او اوروبى عشان يتعالج.. لانه الفلم ده صوروه من واقع الحقيقة بانهخ فى اطباء بيتاجروا باعضاء جسم الانسان.. والواحد يدخل المستشفى لمرض بسيط ويحتاج لجراحة بسيطة يقوموا يدوه مورفين زياده ويقتلوه... على اساس انه مات فى العملية ويقطعوا اجزاء جسمه الداخلية للبيع

Quote: يسأل الكثيرون هل يجوز أن يزرع الإنسان المسلم في جسمه عضواً لإنسان غير مسلم؟ طبعاً يجوز لأن الأعضاء في الإنسان لا تسلم ولا تكفر، فالأعضاء كلها مسلمة، كل ما هو داخل جسم الإنسان يسبح بحمد الله، وما من شيء إلا يسبح بحمد الله، وكما يجوز أن يأخذ المسلم من غير المسلم يجوز أن يعطي المسلم عضوه لغير المسلم أيضاً، فلن يكونوا هم أكرم منا فهم يعطوننا ونحن لا نعطيهم، الله تعالى يقول (لا ينهاكم الله عن الذين لم يقاتلوكم في الدين ولم يخرجوكم من دياركم أن تبروهم وتقسطوا إليهم) فبرهم والإحسان إليهم مطلوب (ويطعمون الطعام على حبه مسكيناً ويتيماً وأسيراً) والأسير في ذلك الوقت كان من غير المسلمين (إنما نطعمكم لوجه الله لا نريد منكم جزاءًً ولا شكورًا).ـً