|
|
|
 Re: نادر سالم إشترى خروف ميت .. (آخر نوادر نادر) ..!! (Re: كمال علي الزين)
|
Quote: لفحتيهو طوالي ياناهد , الكوبي ده مفروض لبوست (أطفال المايقوما)
جا معاي بي جاي بالغلط |
مسحته ياكمال ... وخليت ردى ينعق فيه البوم
هسى البيجى داخل يقول ناهد لافحة الاقتباس ده
من وين بالغت
ياكمال ياخوى...
____________
احسن زاتو ماامسح الاقتباس ...
الواحد فى العيد ده يجب عليه انه
يتذكر الايتام ديل ...لما يكون وسط اولاده
كل سنة وهم طيبين ...
| |
 
|
|
|
|
|
|
|
|
Re: نادر سالم إشترى خروف ميت .. (آخر نوادر نادر) ..!! (Re: ناهد بشير الطيب)
|
Quote: مسحته ياكمال ... وخليت ردى ينعق فيه البوم
هسى البيجى داخل يقول ناهد لافحة الاقتباس ده
من وين بالغت
ياكمال ياخوى...
|
طبعاً حا يصلبطوها فيك يقولوا طوفشتي ..
Quote: احسن زاتو ماامسح الاقتباس ...
الواحد فى العيد ده يجب عليه انه
يتذكر الايتام ديل ...لما يكون وسط اولاده
كل سنة وهم طيبين ... |
تسلمي يارب ..
ربنا يحفظهم ويجعلهم في بال الناس دائماً ..
محبتي ..
| |
|
|
|
|
|
|
|
|
|
Re: نادر سالم إشترى خروف ميت .. (آخر نوادر نادر) ..!! (Re: كمال علي الزين)
|
Quote: (*)
يقول (نادر) حسب فلسفته في التعاطي مع الأمر :
أنه ولما وجد (خروفاً ) ميتاً أصر على شراءه لأنو أصلاً حايضبحوهو ..
وطالما ده أصلاً ميت فمافي داعي لإراقة دم جديد وقتل خروف آخر ..!! |
ههههههههههههه الله يجازي محنك يانادر
Quote: (*)
شكر الله سعيكم ياسعادتك ..
بس التحقيق لسع ما إنتهى لمعرفة ملابسات الحادث وبعدين التصريح بالدفن ..
و(نادر) لسع عندو كلام حول الموضوع ..
محبتي .. |
بس ياكمال.. ما يقوم ينسي كمان.. ويقوم يقول ليك خروف شنو هو مات متين والجابو منو..
تبقي زي قصة المصطول.. القاعد مع واحد مصطول .. المهم اثنا ما بيصطلو قام الاول قال لي التاني
بالمناسبة انا امي ماتت امبارح.. صاحبو ما اشتغل بيهو الشغلة.. المهم بعد كم نفس من السجارة.. صاحبك تاني قام قال ليهو.. اسمع انا امي مات امبارح.. التاني قال ليهو.. ماتت تاني..
.
.
بس ما تبقي قصتك مع نادر زي دي..
.
.
ياخ انا الشقي دا مشتاق ليهو عديل كدا.. حاول رسل لي التليفونات بتاعتكم لانو زي ما قلت ليك انا ضيعت موبايلي وفيهو كل الارقام..
سلام بالاحضان لكل الاخوان وبالاخص نادر، عمر سعيد، عادل وكمال سالم.. بلغهم تحياتي عليك الله.
.
.
ودي
راني السماني
| |
|
|
|
|
|
|
|
|
|
Re: نادر سالم إشترى خروف ميت .. (آخر نوادر نادر) ..!! (Re: rani)
|
كل سنه وإنت طيب يا كمال
تصدق خايف نادر يكون جاب خروف تاني
وقام ذبحوا اليوم قبل بكره
وبعدين يجي يقول ليك
لا تؤجل عمل اليوم الغد
الحكايه ما فارقه الليله من بكره ما بتفرق
الله يجازي محنك يا نادر
والله يادووووب عرفت بكرى أبوبكر ما عايز يدي الزول ده باسويرد ليه
مع عظيم التقدير والإمتنان.
| |
|
|
|
|
|
|
|
|
 Re: نادر سالم إشترى خروف ميت .. (آخر نوادر نادر) ..!! (Re: كمال علي الزين)
|
كل عام و أنتم بخير
كمال و مداخليك الكرام
حسب علمى: نادر موجود أعزب (على الأقل بالدوحة)
وهو برفقة عادل سالم فى السكن و كده، لغاية هنا كويس !!!
السؤال: نادر ضــحية شنو العليهوووو ؟؟؟
ياربى يكون (عادل/كمال) كلفوه يشترى ليهم الخروف
يعنى يجس و يفحص و يفاصل فى الثمن و يقاول بتاع البوكس
و يكون شايل القروش و محتفظ بيها إلى أن يتم المهمة بسلام
و يوصل الخروف البيت.... مش دى كتيرة شديد
غايتو لو السيناريو الفوق طلع صاح....!!!!!!! ؟؟؟؟؟؟؟
ش
| |
|
|
|
|
|
|
|
|
 Re: نادر سالم إشترى خروف ميت .. (آخر نوادر نادر) ..!! (Re: كمال علي الزين)
|
غايتو الحمد لله الطلعنا منها بسلام
قبل ما شريكة حياتى (ندلع المرأة شوية) تقرر تسافر السودان لقضاء العيد
و كالعادة إتصلت بآل سالم (د.عمر محمد سعيد كان بقوم بالمهمة و الواحد مطمئن)
حاتم سالم(؟؟؟): مدير حسابات المقصب الآلى - شركة مواشى المسؤولة عن التسويق
سألناه عن البهائم السودانية: قبل ما يرد، بدأ يشكر فى الهجين السودانى /الأسترالى
ضنبو طويل،،، كرعينو غلاض،،، نافش صوفوو،،، رافع نخرته و كده، تعال قبل الوقفة = 500ريال
حى ،، لو داير تضبح ،، تعال الخور زحمتها بتاعة السلخانة خفيفة و كده....
الكلام ما دخل لى فى رأسى و أم العيال(شريكة حياتى) لاوزت من قصة هجين، و كده !!!!!!
ش
| |
|
|
|
|
|
|
|
|
|
Re: نادر سالم إشترى خروف ميت .. (آخر نوادر نادر) ..!! (Re: كمال علي الزين)
|
الموضوع ده بدا يوم سبت من الصباح،، دغش يعنى
و زى ما عارف السبت عطلة فى الدوحة،،،،
و ظل مدور بين الأم (الشريكة يعنى) و أولادها
شىء تحريش، و شىء تحنيس، و بمملوء فى رأس
أخوك راسوو خفيف،،، أقصد خفيف قصاد نقة النسوان و كده
مسكت التلفون و جريت ليك سلك للصديق/هاشم العبادى
( و قدامنا بكم دفعة) مش كده يا كمال سالم؟؟
هاشم ده بقى سيد الشىء ذاتوووو،، بالمناسبة و د عمت آل سالم و عمدتهم فى الدوحة
و مدير شركة مواشى و مؤسسها ( لفترة من الزمن) و البجيب الخرفان و الساس و الراس
أكد لى إنو مواشى ما حتجيب السودانى السنة دى
لكن (ما اصلواا زول سوق) فى واحد جابهم من السعودية الرأس بـ= 1500 ريال
العيال و أمهم فاتحين أذنيينهم يسمعوووا و خشومهم يتمطقواا فى ما سيكون من الشطط و كده
ش
| |
|
|
|
|
|
|
| |
كمال علي الزين
محمد فضل الله المكى
ناهد بشير الطيب
rani
محمد خليل ساني
كمال سالم
محمد سنى دفع الله
شكرى سليمان ماطوس
فيس بوك
تويتر
انستقرام
يوتيوب
بنتيريست