|
|
 فلتذهب جمعيات حقوق الطفل الى الجحيم
|
تناسلت فى الاونة الاخيرة منظمات وجمعيات وفرق وجماعات تهلل وتدعى انها لحماية حقوق الطفل وانها وانها ........ الخ
اضف الى ذلك المجلس القومى للامومة والطفولة ووزارة الرعاية الاجتماعية وشئون المرأة والطفل ( ديل مامنهم رجا )
الحكاية اصلها فاتت الحد واصبحت حاجة مقرفة
اكيد الناس دايرة تعرف سبب الكلام ده شنو
طبعا الاخوة اعضاء المنبر كلهم من مواليد ماقبل حكومة الكوارث والجبايات القاعدة دى
ولغاية وقت قريب اى زول عندو شهادة ميلاد مكتوب فيها فوق وقبل البيانات بخط احمر واضح
(تمنح مجانا ) الان هذه الشهادة اصبحت تباع وتم حذف كلمة تمنح مجانا...... لقد ذهبت لاستخراج شهادة الميلاد لابنتى وبعد ملأ البينات طلب منى الموظف ان اتوجه للحسابات لدفع مبلغ 50 الف جنيه كرسوم استخراج شهادة
انا الواجعنى هنا ليس المبلغ وقيمته وانما الفهم بتاع المسألة فشهادة الميلاد من اول حقوق الطفل لمن يجى الدنيا انو تكون عندو شهادة ميلاد ......... ولا ماكده ياجماعة
انتو عارفين بعد الجيل الحالى ده يكبر شويه حيكتشف عدد كبير من ابناء الفقراء انهم ماعندهم شهادة ميلاد لانو ابوه قروشو قصرت بعد مادفع للولادة ومصاريفها
والطفل معقولة بس ياجماعة اول مايجى الدنيا نقوم ندفعو رسوم قدوم للحياة لو كان الجية بى مرادو حيقول ماداير اجى الدنيا او بالذات ماداير اجى البلد دى
ثم تانيا الناس بتسأل عن الوطنية راحت وين ؟؟؟ كدى قولو لى الوطنية تجى من وين اذا كان الوطن عايزنى ادفع ضريبتو قبل ما اطلع راسى وبجرد ما اشم الاوكسجين الفي البلد
وعلى قول شبونة
اعوذبالله
|
|
 
|
|
|
|
|
|
|
 Re: فلتذهب جمعيات حقوق الطفل الى الجحيم (Re: مدثر محمد احمد)
|
Quote: انا الواجعنى هنا ليس المبلغ وقيمته وانما الفهم بتاع المسألة فشهادة الميلاد من اول حقوق الطفل لمن يجى الدنيا انو تكون عندو شهادة ميلاد ......... ولا ماكده ياجماعة
انتو عارفين بعد الجيل الحالى ده يكبر شويه حيكتشف عدد كبير من ابناء الفقراء انهم ماعندهم شهادة ميلاد لانو ابوه قروشو قصرت بعد مادفع للولادة ومصاريفها
والطفل معقولة بس ياجماعة اول مايجى الدنيا نقوم ندفعو رسوم قدوم للحياة لو كان الجية بى مرادو حيقول ماداير اجى الدنيا او بالذات ماداير اجى البلد دى
ثم تانيا الناس بتسأل عن الوطنية راحت وين ؟؟؟ كدى قولو لى الوطنية تجى من وين اذا كان الوطن عايزنى ادفع ضريبتو قبل ما اطلع راسى وبجرد ما اشم الاوكسجين الفي البلد |
ده أمر محزن ومخزى حقيقى ..
لوين مودينا احباطهم
كل شئ فرضوا عليه ضريبة ورسوم جباية
لم يبقى الا الهواء اللى بنتنفسه
كان الله فى عون المواطن الانسان
والبلد الصابرة ..
| |
|
|
|
|
|
|
|
|
|
Re: فلتذهب جمعيات حقوق الطفل الى الجحيم (Re: مدثر محمد احمد)
|
الاخ العزيز محمد السنى دفع الله
فى البدء شكرا على المرور
الاخت
هند محمد
شكرا كذلك على المرور
الامر يحتاج لوقفة قوية من الناس عشان على الاقل نرجع الحقوق البسيطة المسلوبة دى وبالذات من الاطفال
والله ياجماعة الموضوع ده الناس بتتعامل معاه على انو موضوع بسيط لكن بتترتب عليهو حاجات كتيره وكبيره اهمها احساسهم وتفاعلهم مع المجتمع من حولهم و القدره النفسية علي مواجهة متطلبات البيئة المحيطة بيهمالكلام ده كلو جراء هذه الرسوم المفروضة عاى استخراج الشهادة بتاعت الميلاد دى
عشان كده لازم الناس تقود حملة لالغاء هذه الرسوم ويا بكرى ارفع البوست ده فوق
فووووووووووووووووووووووووووووووق
فوق
فووووووووووووووووووووووق
| |
|
|
|
|
|
|
|
|
|
Re: فلتذهب جمعيات حقوق الطفل الى الجحيم (Re: Muna Khugali)
|
مدثر التحية
يا اخوي....
ديل بدفعوك رسوم جيتك للدنيا ام بنايآ قش .. ولو ابيت
ينتظروك لغاية ما تكبر..لما تجيهم يقولوا ليك افتح خشمك
يعدوا سنونك و طاخخخخ يدبجوك من مواليد 1/1/... برضو تدفع
و بنوع الغلط لو مشيت تعمل اي ورقة رسمية بحكم انك من مواطنين الدنيا
يدفعوك ضريبة واحد بعدين ح(يعرس فى الجنة ) .... برضو تدفع
وكان ابيت وربنا اكرمك و خارجك من الدنيا دي براهو ..بدفعوا اهلك شهادة خروجك من الدنيا
و لو ناس الحكومة هم الخارجوك بالقوة ذي الفى دارفور...برضو يجو يدفعوا اهلك ضريبة مجاهد ( قاتل )..برضو دافع
يعني ...دافع دافع!!!!
غايتو....الله في
!!!!!!
| |
|
|
|
|
|
|
| |
محمد سنى دفع الله
هند محمد
Muna Khugali
اسماعيل عمر ابراهيم
فيس بوك
تويتر
انستقرام
يوتيوب
بنتيريست