|
|
|
 Re: كلتشى باع الهلال المريخ دفع الى كلتشى مبلغ 300 الف دولار كاش (Re: محمد عادل)
|
Quote:
كلتشى باع الهلال المريخ دفع الى كلتشى مبلغ 300 الف دولار كاش |
اهو زي دا كدا كلام واضح وطابز إبرة في عين الوضوح .. مش زي بتاعين العوامات ديلك ..
يبقي ياخوي عادل دي دعوة غير معلنة منك لينا عشان نجىء نتحكر ليك في بوستيك دا في إنتظار التفاصيل بضبانتا وأي شىء ..
مع مرعاة إستصحاب الأدلة والوثائق التى تؤكد كلامك الخطير أعلاه ..
| |
 
|
|
|
|
|
|
|
|
Re: كلتشى باع الهلال المريخ دفع الى كلتشى مبلغ 300 الف دولار كاش (Re: طلحة عبدالله)
|
الأخ محمد عادل
أرفق لكم خبر نشر في جريدة قوون الرياضية .. وما عارفين نصدق منو أه هي
كما يقولون كلام جرايد....
Quote: .::.الهلال يجدد ليوسف هوت ويستغنى عن كلتشى
تفيد متابعات قوون بان الهلال اكمل اجراءات تعاقده مع محترفه يوسف محمد لفترة جديدة تبدا منتصف الشهر القادم كما اكمل اتفاقه مع داريوكان واحكم قبضته على اخطر نجوم الساحة المحليين ابرزهم طرف شمال ومهاجم هداف·
الهلال يصرف النظر عن كلتشي |
| |
|
|
|
|
|
|
|
|
|
Re: كلتشى باع الهلال المريخ دفع الى كلتشى مبلغ 300 الف دولار كاش (Re: محمد عادل)
|
اخوي عادل ..
السيد الله يابا خلينا من البروتكولات دي هسع ..
انت جبت كلام واضح زي اللمبة اهو ..Quote:
كلتشى باع الهلال المريخ دفع الى كلتشى مبلغ 300 الف دولار كاش
|
عشان قلنا ليك كلامك زين مو شين بس جيب لبنا أدلتك ..
تلف بي هناك وتجي تحك راسك عشان تقول ليناQuote:
كلتنشى استلم فى شهر 6 من قطب مريخى كبير فى القاهره مبلغ 50 الف دولار
انا ومعاى شخص قابلنا كلتشى فى القاهرة وبالتحديد فى مدينة الرحاب قال لى ناس المريخ ادونى عرض بغير مجرى حياتى فى نيجريا
ويوم الكوره تم تحويل مبلغ 250 الف دولار |
نحن كلامنا عن أمس القريبة دي ما ستة شهور لي وراء ..
جيب دليلك علي أنو المريخ رشى كلتشي عشان ما يهزمو......
واللا كان قاصد غير كلامي دا قول ..
| |
|
|
|
|
|
|
|
|
|
Re: كلتشى باع الهلال المريخ دفع الى كلتشى مبلغ 300 الف دولار كاش (Re: محمد عادل)
|
حبايبنا الأخوة الهلالاب
تحية لكم جميعا" وهكذا حال كرة القدم .. يوم ليكم ويوم لينـا
ارجو ان لا تفسدوا فرحة المريخاب بهذه الأخبار المفبركة عن النجم الخطيـر كليتشي أوسونوا
ماذا كان سيكتب الرشيد علي عمر اذا تمكن كليتشي من أحراز تلك الضربة الرأسية في آخر دقائق
المباراة؟ علي ما أعتقد كان سيختفي مانشيته في عدد اليوم من صحيفته "حبيب البلد" والذي قال فيه
كليتشي باع الهلال!!
كليتشي وقودوين هما من صنعا للهلال ذلك الأسم القوي في دوري الأبطال للعام الماضي ولكن عندما
قرر قودوين الرحيل والبحث عن محطة احترافية جديدة شاهد كليتشي بأم عينيه ذلكم التعامل القاسي
من الهلال لدرجة حظره من السفر!! وعندها عرف أنه وقع فريسة نادي لا يعترف بالجميل .. وقرر الرحيل
في هدوء حتي لا يتعرض لما تعرض له زميله السابق! والآن ثبت له ذلك بهذا المانشيت اليوم.
كليتشي لاعب محترف (الكورة أكل عيشو) وتبقي لعقده مع الهلال 45 يوم فقط! والقانون يسمح له
بالتفاوض مع الأندية الراغبة في الأستفادة من خدماته حال تبقت 6 أشهر لانتهاء العقد، المريخ
نادي كبير يفاوض من يشاء من اللاعبين في اطار القانون ، فاوض كليتشي قبل 4 أشهر من انتهاء عقده
ولما كان كليتشي حرا" لا نادي له فالتفاوض يكون معه مباشرة" أو من خلال وكيله وتأكيدا" لجدية التفاوض
قبض اللاعب جزء" من الاتفاق (حاله حال ستيفن وورغو) ولكن الشهادة لله لم يتخاذل اللاعب في المباراة
اخيرة بل كان شوكة حوت في حلق أمير دامر ولكن الصحيح أن مفاتيح لعب الهلال لم تكن في يومها حتي
تمونه بالتمريرات لذا فشل في التسجيل .. قبض اللعب أو لم يقبض هذا حقه الشرعي والذي كفله له
القانون كما حقه في التفاوض مع أي نادي طالما أنه لم يجد العرض المغري من الهلال.
ضحكنـا عندما قرأنا أن الهلال لا يرغب فيه لهبوط مستواه! فاللاعب يملك في رصيده 16 هدفا" هذا العام
بفارق 5 أهداف فقط عن طمبل المتصدر .
كل ما في الأمر أراد الأخوة في الهلال تبخيس فوز المريخ بالدوري بهذه الأخبار المفبركة!
طيب لو كليتشي مستواهو ما كويس وما عايزين تجددوا ليهو ، افياني ومرق وجوليت وجبريل والبقية
في الفريق الأحتياطي حيقعدوا والا حتشطبـوهم؟
يجب أن لا تدفنوا رؤسكم في الرمال ، المريخ فاز بالدوري لأنه الأكثر استعدادا" واستقرارا" بدنيا"
ونفسيا" ومعنويا" واداريا" و حتي ماديـا" ، كليتشي لاعب كبير وتتشرف به الفانلة الحمراء ان صحت
الأخبـار وسوف يجد منا كل ترحيب لأنه لاعب قناص حقيقي بجانب مواطنيه ايداهور والقادم وورغو!
ستيفن وورغو حضر الي الخرطوم علانية بعد مباراته مع الأهلي مباشرة للتفاوض مع المريخ (عينك عينك)
ولم نسمع أن ناديه نعته بالخائن أو البائع لهم مع أنه كان يمكن أن يوقع للأهلي حال وصولهم لأتفاق
وقبض من المريخ مقدم العقد ورجع الي بلده دون أي مشاكل بل وشارك مع انييمبا في بقية مباريات
الدوري والتي كانت مؤجله بسبب ارتباطهم بدوري الأبطال! ولكن الفرق أن وورغـو وكليتشي وايداهور
يتعاملون بالفهم الأحترافي السائد في بلدهم الأكثر تطورا" واحترافية" منا في مجال كرة القدم ، لذلك
تجدهم يستغربون لتلك الحملات التي تشن في اللاعب المنتقل من الهلال للمريخ أو العكس ، بسبب بسيط
اننا عاطفيـون وليس احترافيـون ، كليتشي له كل الحق في الانتقال للمريخ أو غيره كما ليس لكم الحق
في التشكيك في ذمته بعد كل تلك الفترة التي قضاها معكم!!
انتو ما فاوضتو علاء الدين يوسف ودفعتو ليهو يوم المباراة وجبتوهو تاني يوم للتوقيع بينما
كان علاء قابض من جمال الوالـي مبلغ كبير! دي تسموها شنو؟ أفيدونا ياأهل الرأي!
---------------------------------------------
مبروك للمريخ وهارد لك للهلال ودعونا نستمتع بالفوز ونترككم في نيران الأنتظار حتي نهائي الكأس
وبرضو تاخدو من طمبل المعلـوم ونحقق الثنائـية باذن الله تعالـي.
فوتناكم بعافية ،، قال كليتشي بـاع الهلال قال 
| |
|
|
|
|
|
|
|
|
 Re: كلتشى باع الهلال المريخ دفع الى كلتشى مبلغ 300 الف دولار كاش (Re: محمد عادل)
|
يامحمد يا أخوي إن كان شيلة الكأس دي حرقتكم قولوها ، بالله شفت ليك زول يرشوه قبل ( 6 ) شهور .. ياخي هم كان عارفين منو البتأهل ولا يحي هو ولا يموت .. ولا كان ممكن يشيلوا الكأس حتى قبل لقاء الهلال ؟ وبعدين شفت ليك زول بدهو رشوه بجي بقول أدوني رشوة .. ياخي أتق الله اتهام الناس بالباطل حرام ... بطل جرسة وسيبك من ألاوهام دي ... قولوا أتجرسنا والليلة ووووووووووب .
أرقد عافية لو خلى شيلة الكأس فيك عافية ..
قال رشوه قال ـــــ عجبي .
| |
|
|
|
|
|
|
|
|
|
Re: كلتشى باع الهلال المريخ دفع الى كلتشى مبلغ 300 الف دولار كاش (Re: محمد عادل)
|
بصراحة يا هلالاب موقفكم بقي بايخ شديد وكل مرة تحاولوا تزوغوا من الهزيمة تقعوا في مستنقع هزيمة من نوع آخر ..
مشكلتكم في جرايدكم القاعدين تصدقوها دي ..
ولو علي جريدة (فقير البلد) فقد كتبت بعد مباراة (أمل الهلال الضائع ) أنو الحكم قال (أنا مضغوط) ..
الحكم دا ياربي جن وفقد المحنة عشان يجي يقول أنا اتساهلت مع المريخ ويعترف علي نفسو بعدم النزاهة والامانة واللا كيف ..؟؟
طيب لو كدا ما كان يكبر الشغلانية شوية ويقول ناس المريخ رشوني وهددوني بالقتل لو ما فوزت فريقم ..
مصيبة كبيرة وقمة الإستفزاز والله لو الجريدة دي كتبت الكلام دا وفكرت مجرد تفكير أنو في غنماية ممكن تصدقو
الله يهديكم .
| |
|
|
|
|
|
|
|
|
|
Re: كلتشى باع الهلال المريخ دفع الى كلتشى مبلغ 300 الف دولار كاش (Re: طلحة عبدالله)
|
Quote: والمريخ نادي بتاع رشاوي وانتو في خفاياكم عارفينها لكن ما بتقدرو تقولوا الكلام ده
|
البيتوا من قزاز مايجدع الناس بالحجارة
منوا القدم رشوة للحكام الافارقة عشان يغيروا رقم الثعلب وكندورة فى فضيحة 2و12 المعروفة حتى للاطفال
ياللة ورينا رشوة واحدة قدمها المريخ .
اكتبوا ماتريدون
فالكاس فى الدولاب
وقون طمبل فى الشباك
والمعز ومرق فى التراب
| |
|
|
|
|
|
|
|
|
|
Re: كلتشى باع الهلال المريخ دفع الى كلتشى مبلغ 300 الف دولار كاش (Re: شهاب الفاتح عثمان)
|
دكتور شهـاب .. امنياتنـا لك بالتوفيق وأنت في الغربة
نحن انهزمنا خمسة سنوات .. يشهد الله كل مرة نغير المدرب ونشطب لاعبين ونقول للوالـي
انت ما بتعرف شغـل الكورة وعاطفي زيادة عن اللزوم وتعرض المريخ لأستهداف الاتحاد العام
أكثر من الهلال .. رفض شيكوزي ورفض تجنيس حراس المرمي ورفض احتراف من هم فوق سن الثلاثين
لم يكن مقصود به سوي المريخ .. وكان رئيسنـا يقدم للهلال التهنئة ويقول مازلنـا نتعلم
ونستفيد من عثراتنا.. حتي صنع فريقا" جيدا" وجلب مدربا" ذو سيرة طيبة (اتوبفيستر) .. انظروا
لتصريحات الأرباب بعد فقدانه للدوري الممتاز ..
أكمل كروجر ما بدأه اتوبفيستر وكانت المحصـلة آداء جيد وفريق متماسك ونتائج مرضية بكل الأحوال
حتي لو كنا خسرنا الدوري .. بعكس الهلال الذي تركه مدربه والموسم تبقي له من نهايته 5 مباريات
وهذا عدم استقرار فنـي و نفسي بالنسبة للاعبين ، اهتز مستوي الهلال منذ البطولة الأفريقية
وانشغل اداريوه بالمعارك ضد اتحاد الكرة ولم يلتفتوا لفريقهم فكان هذا الخسران المبين!!
------------------------------------
هاك الخبر ده:
بالأمس قـام رئيس القطاع الرياضي بالهلال بمنع كليتشي من الدخول الي الملعب بأمر رئيس النادي
وطالبوه فورا" باخلاء الشقة واعتباره حرا" طليقا" (هو أصلا" حر طليق ليهو 6 شهور) .. ولم ينتظروه
لاكمال الموسم الرياضي ومباراة كأس السودان علي الأبواب (خليهم يلعبوا بمانديلا  )
نادي يتعامل بردود الأفعال ومانشيتات الصحف المفبركة!!
كليتشي أوضح الحقائق في صحف اليوم وأولها "قوون" وقال الأدارة تريد أن تغطي فشلها في الأحتفاظ
بالدوري في اتهام كليتشي بالتواطؤ وترغب في تكرار الأحداث التي حدثت مع قودوين معي!!
------------------------------
قال الجمهور في تمرين الأمس بالهلال "" كليتشي الوالـي .. شطـب طوالـي""
 
| |
|
|
|
|
|
|
| |
محمد عادل
طلحة عبدالله
عادل عوض بلال
Talal Halfa
ABUHUSSEIN
الحاج حمد الحاج
abas
hassan bashir
معاوية محمد الحسن
عبدالله كع
khaleel
شهاب الفاتح عثمان
فيس بوك
تويتر
انستقرام
يوتيوب
بنتيريست