|
|
 لماذا مر خبر انشقاق قائد الهجوم على أم درمان من حركة العدل والمساواة مرور الكرام في المنبر؟؟؟؟؟
|
أورد المركز السوداني للخدمات الصحفي خبر وقوع خلافات بين قادة حركة العدل والمساواة
لم اكن اتخيل ان يمر هذا الخبر مرور الكرام في منبرنا هذا ؟؟؟
Quote: وقعت خلافات حادة بين القادة الرئيسيين في حركة العدل والمساواة مع رئيس الحركة د. خليل إبراهيم الأمر الذي أدى لانشقاق عدد من القيادات وخروجها برفقة قواتها.
وأوضح قادة ميدانيون بالحركة لـ(smc) أن القائد عبد الكريم شُلي قائد هجوم الحركة على مدينة أم درمان في مايو الماضي (والذي يشغل القائد الأعلى للعدل والمساواة) خرج بعدد كبير من القوات والسيارات متوجهاً صوب منطقة مردي بشمال تشاد معلناً انسلاخه من قوات خليل إبراهيم. كما انشق تيمان ديلو أبرز القادة الميدانيين للحركة وتوجه إلى منطقة تقع بالقرب من مدينة الطينة التشادية.
وبحسب القادة فإن الرئيس التشادي إدريس دبي أتصل بالقائدين المذكورين وخيَّرهم ما بين العودة إلى الحركة العدل والمساواة أو الانضمام للجيش التشادي للحيلولة دون حدوث مواجهات تؤثر على الأوضاع الأمنية شرق تشاد.
|
المصدر
http://arabic.smc.sd/armain/artopic/?artID=47262
|
|
 
|
|
|
|
|
|
|
|
Re: لماذا مر خبر انشقاق قائد الهجوم على أم درمان من حركة العدل والمساواة مرور الكرام في المنبر؟ (Re: Osama Mohammed)
|
الاخ أسامة
مساءك خير
Quote: enough reason more than
??????????? |
لااتفق معك
فالـ SMC يتميز بمهنية عالية كمصدر للخبر
ويبذل الاخوة فيها مجهودات كبيرة لتقديم الخبر والمعلومة
وتجد الان بحمد الله الكثير من الاخبار تتصدر صفحات الصحف مصدرة بالاس ام سي كمصدر
حتى انها تقوم بدور وكالة السودان للانباء والمفترض ان تكون وكالة وطنية الا انها تراجعت لتلقى بالعبء الاساسي على مركز الاس ام السي واللي نحسبهم نحجوا في القيام بذلك
والمركز مؤهل في المستقبل ليتحول لوكالة انباء ....
| |
|
|
|
|
|
|
|
|
 Re: لماذا مر خبر انشقاق قائد الهجوم على أم درمان من حركة العدل والمساواة مرور الكرام في المنبر؟ (Re: mayada kamal)
|
Quote: لماذا مر خبر انشقاق قائد الهجوم على أم درمان من حركة العدل والمساواة مرور الكرام في المنبر؟؟؟؟؟
|
اهلا ميادة
طيب قائد الهجوم على ام درمان مش الحيكومة قالت خليل ابراهيم شخصيا؟؟؟
وبالأمارة كدا مش كانت اعلنت جائزة فى التلفزيون للقبض عليه.
وبعدين مش كل ما كتلوا واحد قالوا دا قائد الهجوم.
وكل ما اعتقلوا واحد قالوا قائد الهجوم.
وكل ما انشق واحد قالوا دا قائد الهجوم.
طيب كانن فى كم هجوم؟؟؟؟؟
ــــــــــــــــــــــــــ
smc
دا موقع جهاز الآمن ومصنع ترويج وتزييف الأخبار.
انا ما متابع التطورات الأخيرة عليك الله يا ميادة لو فى حد اشتراه منهن كلمينا.
ولك الشكر
| |
|
|
|
|
|
|
|
|
|
Re: لماذا مر خبر انشقاق قائد الهجوم على أم درمان من حركة العدل والمساواة مرور الكرام في المنبر؟ (Re: ود محجوب)
|
الاخت ميادة كل الخير ليك
الخبر دى عايز تكذيب من السادة القادة الميدانيين المذكورين فى خبر الـ smc فى الصفحة الرئيسية لحركة العدل والمساواة .
ولـو كان الخبر صحيح بيكون القادة الميدانيين ديل تم شراؤهم من قبل الحكومة .
عشــمك فى المنبر واهلــه عشــم اوباما فى حكم السودان .
Quote: أن القائد عبد الكريم شُلي قائد هجوم الحركة على مدينة أم درمان في مايو الماضي (والذي يشغل القائد الأعلى للعدل والمساواة) خرج بعدد كبير من القوات والسيارات متوجهاً صوب منطقة مردي بشمال تشاد معلناً انسلاخه من قوات خليل إبراهيم. كما انشق تيمان ديلو أبرز القادة الميدانيين للحركة وتوجه إلى منطقة تقع بالقرب من مدينة الطينة التشادية.
|
| |
|
|
|
|
|
|
|
|
|
Re: لماذا مر خبر انشقاق قائد الهجوم على أم درمان من حركة العدل والمساواة مرور الكرام في المنبر؟ (Re: بدر الدين اسحاق احمد)
|
ميادة ؟
Quote: أن القائد عبد الكريم شُلي قائد هجوم الحركة على مدينة أم درمان في مايو الماضي (والذي يشغل القائد الأعلى للعدل والمساواة) خرج بعدد كبير من القوات والسيارات متوجهاً صوب منطقة مردي بشمال تشاد معلناً انسلاخه من قوات خليل إبراهيم. كما انشق تيمان ديلو أبرز القادة الميدانيين للحركة وتوجه إلى منطقة تقع بالقرب من مدينة الطينة التشادية.
|
جماعتك ديل اقصد ناس الاس ام سى ,, اتاكدو انو القوة دى ما متجهه اى حته تانية ؟؟
لوووووووووووووول
انشق ،، بلعتو الواطة .. ما مهم ،، المهم اخدو ساتر وشوفو العربات دى مرقت مشت على وين ؟
ـــــــــــــــــ
انتى مسئولة من الخير هو قاد الهجوم على امدرمان ,,, ومرق من امدرمان رجع تشاد كيف ؟
يعنى الرصد حركتو فى شمال تشاد دا كان وين لما هو جنبو فى ام در ؟
يا ختى كان فى اكيده كانو جابوها لما هو جنننننننبهم ؟؟
| |
|
|
|
|
|
|
|
|
|
Re: لماذا مر خبر انشقاق قائد الهجوم على أم درمان من حركة العدل والمساواة مرور الكرام في المنبر؟ (Re: بدر الدين اسحاق احمد)
|
الاخ بدر الدين اسحاق
حج مبرور وذنب مغفور مقدما ان شاء الله
وربنا يتقبل منك
| Quote: الخبر دى عايز تكذيب من السادة القادة الميدانيين المذكورين فى خبر الـ smc فى الصفحة الرئيسية لحركة العدل والمساواة . |
طبعاالتذكيب صدر قبييييييييييييل ..... ودا ليس تكذيب حقيقي وانما نوع من حفظ ماء الوجه للتكتل اللي داخل الحركات هذه وعشان ما تظهر ضعفها السياسي ... بالذات في المرحلة الحالية اللي قاربت انها تفقد مقومات استمراريتها والمساندة اللي كانت تجده من المجتمع الدولي كالذي كان في بداية ظهور ازمة دارفور كازمة دولية ..... فالحركات هذه الان قليل جدا اللي يستمع اليها في الخارج وشوية شوية حتنكمش وترجع وتتقوقع داخليا بفعل إنحسار العامل الخارجي اللي كان يدعهما وبفعل الانشقاقات اللي تطالها وتقسيم المقسم وتجزءه المجزأة أصلا....
إحتمال شراؤهم من قبل الحكومة وارد وغير مستعبد
وممكن يكون حلقة من حلقات الصراع الدارفوري الدارفوري
فكانما الحركات دي بتعيش حالة من عدم الثقة داخلها او فيما بينها
يعني السمة المميزة للحركات في دارفور لو قارنها بالحركات السياسية او المسلحة اللي كانت في الجنوب ادبان الحرب ان الاولى تتميز بكثرة الانشقاقات والتفريخ .... ودا يمكن راجع لعدم دراية او حنكة سياسية... وعدم ثقة في الاخر المعاك .... مصحوبة بصفات شخصية تميل لعدم قبول الاخر او تقبله او الاستماع لوجهة نظرالاخر
ود للاسف بنلاحظة في بعض الاشخاص هنا في المنبر ... فقط لاحظ لطريقة ردودهم او مجرد كلامهم حول موضوع ما....(نجيب اسماء ولا هم براهم عارفين نفسهم؟؟؟؟؟)...
| Quote: عشــمك فى المنبر واهلــه عشــم اوباما فى حكم السودان |
أو عشم ناس كدا في حكم أوبما اللي صوروه لينا كانه المهدي المنتظر ... وان كان بركات الشيخ اوباما ظهرت في تعييناته في طاقمة الحاكم .... وحنشوف...
| |
|
|
|
|
|
|
|
|
|
Re: لماذا مر خبر انشقاق قائد الهجوم على أم درمان من حركة العدل والمساواة مرور الكرام في المنبر؟ (Re: mayada kamal)
|
Quote: وتجد الان بحمد الله الكثير من الاخبار تتصدر صفحات الصحف مصدرة بالاس ام سي كمصدر
حتى انها تقوم بدور وكالة السودان للانباء والمفترض ان تكون وكالة وطنية الا انها تراجعت لتلقى بالعبء الاساسي على مركز الاس ام السي واللي نحسبهم نحجوا في القيام بذلك |
بالله سونا بقت ما وطنية ؟
و طنية كيف يعني ؟ تتبع للمؤتمر الوطني ؟
طيب هي ما تابعة ليهو ؟ و لا بقت شعبية ؟
الاخبار ما بعرفها لكن لحدي منتصف التسعينات " سونا " كان فيها كافتريا خطيرة جداً . . . برضو الكفتريا بقت ما وطنية ؟
ازيك يا ميادة يا ظلامية
جاية تشكري لينا في اخبار الاس ام سي في عز الخريف ؟
كدي نمشي نلبس قنابيرنا و نجيك نصدق
| |
|
|
|
|
|
|
|
|
|
Re: لماذا مر خبر انشقاق قائد الهجوم على أم درمان من حركة العدل والمساواة مرور الكرام في المنبر؟ (Re: قيقراوي)
|
قيقا إزييييييك
وسلامات
Quote: بالله سونا بقت ما وطنية ؟
و طنية كيف يعني ؟ تتبع للمؤتمر الوطني ؟
طيب هي ما تابعة ليهو ؟ و لا بقت شعبية ؟
|
وكالة سونا تراجعت الان في اداءها...... يعني دفعها ما رباعي وكدا
فقط الان هي تعيش على الميزة اللي ما زالت ممنوحة ليهاوهي انا معروفة في العرف الاعلامي بانها الوكالة الناطقةباسم السودان يعني وكالة وطنية بالتسمية وكالة السودان للانباء....
نحن ما بنتكلم الان عن هي شعبي ولا وطني ولا معارضة زاتو....
| Quote: الاخبار ما بعرفها لكن لحدي منتصف التسعينات " سونا " كان فيها كافتريا خطيرة جداً . . . برضو الكفتريا بقت ما وطنية ؟ |
كافتريتهم دي ما بعرفها لكن عندهم أمراة في قسم البحوث والدراسات تاكل ظلط بس
انا كنت عملت معاهم بحثي بتاع البكلاريوس عن العلاقات السودانية الامريكية بعد احداث الحادي عشر من سبتمبر2001م... الأخت دي كانت تتعامل مع المعلومة كانها ملك ليها فقط... وياويلي لو طلبت منهاارشيف صحيفه معينة عشان اضطلع على المعلومة الوردت فيه....
غايتو الله يطراها بالخير....
| Quote: ازيك يا ميادة يا ظلامية |
تلبع في الاول وبعدين تجي تسلم
لييييييييه؟؟؟؟
Quote: جاية تشكري لينا في اخبار الاس ام سي في عز الخريف ؟
كدي نمشي نلبس قنابيرنا و نجيك نصدق |
الدور البتلعبة الاس ام سي ما دايره ليه قنابير تشيلها وتخطها
جيب لي مركز او قناة سودانية تقدم نشاط مثل الذي تقدمه الاس ام سي سواء للصحف او المواطنين كمصدر للخبر والتحليل والمعلومة...
وتسلم
| |
|
|
|
|
|
|
|
|
|
Re: لماذا مر خبر انشقاق قائد الهجوم على أم درمان من حركة العدل والمساواة مرور الكرام في المنبر؟ (Re: mayada kamal)
|
Quote:
بيان من حركة العدل و المساواة السودانية حول إفتراءات مركز السودان للخدمات الصحفية SMC
15.11.08 - 23:00:42
بسم الله الرحمن الرحيم
www.sudanjem.com
[email protected]
بيان من حركة العدل و المساواة السودانية
حول إفتراءات مركز السودان للخدمات الصحفية SMC
خرج علينا مركز السودان للخدمات الصحفية – وكالة أنباء جهاز قوش القمعي- كعادته دائماً بفرية جديدة - بعد كل ما مارسته من تشكيك في وجود رئيس الحركة الدكتور خليل إبراهيم على قيد الحياة ثمّ في صحتة - مفادها أن قائد قوات حركة العدل و المساواة السودانية الفريق عبدالكريم شولي و نائب أمين قطاع دارفور القائد تيمان درو حجر قد انشقا عن الحركة و خرجا على قيادتها، و قد تناولت الصحافة السودانية الخبر المختلق على نطاق واسع و سعت به قناة النظام الفضائية المسماة بالشروق ما وسعها من سعي.
و الحقيقة أن الخبر محض اختلاق؛ و لا أساس له البتّة؛ و قد نفاه الفريق شولي اليوم بنفسه بتصريحات لوكالة رويترز للأنباء، و لراديو عافية دارفور. كما طلب منّا القائد تيمان درو نفي الخبر نيابة عنه، و طلب ممن يريد المزيد من الاستيثاق الاتصال به على الهاتف 008821621205599 .
و بقي لنا أن نقول أن على النظام أن يحلم بأمنياته كيفما شاء و على مركز الأكاذيب نسج ما يشاء من خياله المريض خدمة لكل شيء عدا الحقيقة و الصحافة الرصينة و صدق من قال: "إذ لم تستح فافعل ما شئت".
أحمد حسين آدم
أمين الاعلام الناطق الرسمي للحركة
15 نوفمبر 2008 لندن
GB
|
| |
|
|
|
|
|
|
|
|
|
Re: لماذا مر خبر انشقاق قائد الهجوم على أم درمان من حركة العدل والمساواة مرور الكرام في المنبر؟ (Re: mayada kamal)
|
يا ميادة
انت انسانة واضح انك على نياتك رغم الشهادات الكبيرة المعاكي.
المركز دا اساسا تابع لجهاز الامن ودي معلومة معروفة.
الاجهزة الامنية في معظم بلاد العالم(الا من رحم ربك) تعتبر ان دورها تغبيش الرؤية و طبخ ما لا يطبخ.
جهازنا الامني ومن خلال ذراعه الاعلامي (SMC) بيكذب زي ما عايز لانه لا يوجد قانون يحاسب
رجل الامن او الاعلامي الامني. ايضا الشعب ملزم وبالجزمة ان يصدق ما تفرخه
تلك الالة المفرخة للاكاذيب لانه مجبر. لا توجد اي جهة لها الحق في تكذيب ما تفرخه آلة (SMC).
بعدين انت لسه بت صغيرونة في اول الطريق ما بتعرفي الاعيب الرجال الكبار ... فما تدافعي عن شيء
انت تجهليه ... حتى لا تتهمي بان دفاعك دفاع عن مصلحة جارية او توقع نصيب قادم.
الناس كلها ملزمة ان تشيد بفرعون العريان.
تحياتي
| |
|
|
|
|
|
|
|
|
|
Re: لماذا مر خبر انشقاق قائد الهجوم على أم درمان من حركة العدل والمساواة مرور الكرام في المنبر؟ (Re: Zoal Wahid)
|
Quote: يا ميادة
انت انسانة واضح انك على نياتك رغم الشهادات الكبيرة المعاكي |
يازول
دا مدح ولا اعتبره ذم ......
Quote: المركز دا اساسا تابع لجهاز الامن ودي معلومة معروفة.
الاجهزة الامنية في معظم بلاد العالم(الا من رحم ربك) تعتبر ان دورها تغبيش الرؤية و طبخ ما لا يطبخ.
جهازنا الامني ومن خلال ذراعه الاعلامي (SMC) بيكذب زي ما عايز لانه لا يوجد قانون يحاسب
رجل الامن او الاعلامي الامني. ايضا الشعب ملزم وبالجزمة ان يصدق ما تفرخه
تلك الالة المفرخة للاكاذيب لانه مجبر. لا توجد اي جهة لها الحق في تكذيب ما تفرخه آلة (SMC).
بعدين انت لسه بت صغيرونة في اول الطريق ما بتعرفي الاعيب الرجال الكبار ... فما تدافعي عن شيء
انت تجهليه ... حتى لا تتهمي بان دفاعك دفاع عن مصلحة جارية او توقع نصيب قادم.
الناس كلها ملزمة ان تشيد بفرعون العريان.تحياتي |
رايك دا عشان هم مختلفين مع وجهة نظرك .... ولا عشان حاجة تانية
وليه كل من يختلف معنا في الراي نرميه باي اتهام... ويكون موقفكم على اساس انكم انتم الصح والمناؤي لكم هو خطاء على طول.......
| |
|
|
|
|
|
|
| |
mayada kamal
ASHRAF MUSTAFA
Osama Mohammed
عمر صديق
Tragie Mustafa
حواء سليمان ابراهيم
ود محجوب
بدر الدين اسحاق احمد
دينا خالد
قيقراوي
عبدالمجيد صالح
عبد المنعم سليمان
علاء الدين صلاح محمد
المسافر
فيس بوك
تويتر
انستقرام
يوتيوب
بنتيريست