الله...!! نهار دي انا جي لنقا لنقا داخل يوتيوب انا لقو بنية دي جي كلمو عربي تا جوبا ياهو كلام تا جوبا يا واني...يا مودي...ياكاك...يا اميقو دي بنية دنجر يا جك
11-14-2008, 11:56 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
Quote: يا حليلك يا هندسة بقيت تهضرب الاغنية دي نزلها تيتاوي قبل يومين بس
مالكم يا اركلوجيات قطر
هلا يا طارق وفعلا والله اركلوجيات قطر اسفيرهم فكا ومعقولة تيتا ينزل اغنية وانا اكون اخر من يعلم ياخي اغاني تيتاوي دي انا (كلكها تعليماتو 24 ساعة عندي) ولكنه الغياب يا طارق...شوف بالله غياب 6 ايام يجهحة دفاعنا كيف(الله يستر بس ما نلحق دفاع المريخ)
11-14-2008, 11:59 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
اولي الاماني بعودة الروح هو الحلم برجوع لسانها الفصيح وصوت تماذج اهلها المرح في لكنتها التي فاقت شهرتها الافاق هي الرغبة في عودة الالق الي تلكم اللغة السلسة ذات المساحة العالية التمدد ما بين اللغة العربية وسواحلية تسربت عبر الحدود وبعد الكلمات النشطة من اللهجات المحلية.. الا وهو عربي جوبا... يتحدثها الجميع وكما اتفق في اسواقها في اغانيهم في مدارسهم وفي خطابهم اليومي ما بينهم فتاتي لغة سلسة عالية التون ومليئة بالحنين والانصهار ما بين اشياء عديدة بجانب سهولة تعلمها وفصاحة كلماتها...مثل (قتا لي انا موية)..اي اقطع لي بعض الماء..او( زول دي جي كوري) او(وحياة كراع جدادة في كيزون) وهي حليفة مرحة تتمتزج دوما بالباعة المستهبلين..
11-15-2008, 00:10 AM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
الحرب هي حرب.. فعلت بنسيج هذه المدينة المدهشة ما فعلت ..مدينة كتب علي وجدانها ان تخرج من حرب لتجد امام بوابتها حربا طويلة اخري..فنزح من نزح ... ولاتكاد تذهب ما بين سراديب النقل العام في تلكم المدينة التي سكنها الكاب حتي تصل الي مسامعك تلكم اللغة المميزة ذات الشحنة العالية من الحنية والمرح... الله دي منو دي ياجك... -سلام ياجك دي.. روبي انا جاء امس من جوبا(بلد خربو)..جيش خربو بلد.. لتذهب بك الاحزان وتقضي مع روبي ليلة حزينة علي اطراف مدينة الخرطوم الفقيرة لتسمعا معا الحانا حزينة تخلد للموت في عزف نادر لموسيقي الكلاسيك لفرقة جاز الرجاف وتعلم اخبار الجميع (واني) موتو...كينجي هو روه تبع (اس بي ل يي).. عزيزة كراع تاهو قرنوق قتو..!!
11-15-2008, 00:15 AM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: عسل يا كيكي كثر خيرك بت زي الورد ربنا يحفظها. بالله شوفته الرقة دي كيف؟؟؟
هلا يا تراجي وايوووه يا تراجي دي رقة استوائية وغصون الفافاي ورحيق فراشات الجنوب المحلقة برقة ورقي الزولة استايلها حنين وطريقة ادائها تحملك عاليا ياتراجي في كل فيافي جنوبنا الحبيب ولكنها بشكل خاص توديك جوبا في كل مداراتها الجميلة ملكية كتور اطلع بره رجال مافي وحي ملكال خور باعو او خوربعو
نتمني ان نسمع ونشاهد الكثير من الاصوات من الجنوب فانهم قوم فنانين جقا
11-15-2008, 00:15 AM
عامر تيتاوى عامر تيتاوى
تاريخ التسجيل: 01-14-2006
مجموع المشاركات: 3328
Quote: حالة سعبة خلاس واركلوجيا اميبية عديل كده بعدين ياكيكى انا لمن نزلت الغنية دى عارفك حتجى تشمشر بعربى جوبا اللذيذ ده والبنية الحلوة دى لكن الظاهر دفاعك بقى داير زى دفاع الجماعة اياهم
هلا يا تيتا والله انا شكل حالة سعبة زي دي انا ما لقو كلو كلو يا تيتاوي تخيل النت بتاعي كان اوووف ..ودشيت علي اليوتيوب ولقيت شكلو منقة دي رشيت القصة بوست ولو ما طارق كان لسع برش ياخ ارفع الو لمن تنزلو حاجات رهيبة زي باقي دفاعنا انت عارفو زي دفاع الجماعة الحيتلطشو يوم 17
وحجل بالرجل هنا وهناك يا تيتاوي فالبنية جديرة بالاحتفاء فالزولة غناها شكل منقة يا سحبي
11-15-2008, 00:28 AM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
ـــــــ عبد الكريم وعامر,,, سلامات والله حقيقة مشاء الله تبارك الله الخالق .. يا ناس هوووي الزولة دي ( بُقاقة) حارة , نظراتها وعيون ناعسة تريح في الحنان جوه وإبتسامتها, الواحد يفك بيها الريق وعليها يصوم . بعدين الأغنية عربي مخلوط بي لهجة محلية , خلق موسيقة جعلت جسدها ينساق بكل طواعية غزال مستعيرة رقبة زرافة , مضمون الكلمات قيم جمالية وحب الحياة حيث الموية بدايتها , وقيمة الكرم والإهتمام بالضيف , وثقافة الإفتخار بالشكل الانوثي المتفرد , وإضافه مهمه في الزوله (شكل بنية زي دي انا ما لقو) أخذت من الطبيعة طول القامة بسحر الأشجار وأكاد أن اقول أنها عطرت المكان بعبيرها من مبداء الانفعال والرشاقة , ذكرها لسماء ربما يكون صافياً أو ملبداً بالسحب في كل الاحوال منظر خلاب وجميل وبديع لم يفلت من ذاكرتنا حين حدوثونا من ذهبوا إلي الجنوب غير مقاتلين , لكن السؤال ناس عندها ثقافة واساطير وسحر طبيعي فاتن وتداخل قبلي من شرق القارة واوساط القارة لماذا تهمش طيلة هذه الفترة وحتي بعد نيفاشا لم يسلط الضؤ علي تلك القيم ؟! والله أنا بشوف غباء وفشل في الساسة والمفكرين بتاعننا وعجز تام من المبديعين والمثقفاتية . والحرب اللعينة أنهكتنا وأخذت الكثير فمن المفترض كان أن يكون حدث تمازج تام بكل الثقافات المحلية والإقليمة , بلورت تنوع ثقافياً وإجتماعياً ودينياً فريداً في إثر اء ما يسمي بالسودان .. ولكن هيهات هيهات .
11-15-2008, 08:43 AM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: والحرب اللعينة أنهكتنا وأخذت الكثير فمن المفترض كان أن يكون حدث تمازج تام بكل الثقافات المحلية والإقليمة , بلورت تنوع ثقافياً وإجتماعياً ودينياً فريداً في إثر اء ما يسمي بالسودان .. ولكن هيهات هيهات
مرحب يا عماد وحباب لوحتك الملانة تفال وامل وبساطة ومشحونة بوهج السودان الكبير والحرب يا صديقي اخذت من الوطن الكثير واعاق الساسة قسرا حراك المجتمع ولكنها حتما سترسم اللوحة التي تلاقح كل الاشياء الجميلة غصبا عن محبي الدماء واللصوص...لصوص الشعوب
11-15-2008, 08:09 AM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: تطل عليك مثل هذه الجميلة كزهرة برية بين الطرفة..... والانتباه
نعم يا ناهد انه رحيق الفافاي وصهيل الفراشات التي تحلق علي بساط بحر الجبل وفعلا نهتف معاك وبكل قوي ...يجب الانتباه فالوطن الحميم يغسل الوجدان دون استئذان
11-15-2008, 05:59 AM
معتز القريش معتز القريش
تاريخ التسجيل: 07-07-2006
مجموع المشاركات: 11343
Quote: يا بنج البنية دي بيجيب بقر كتير انا كنت في جوبا الاسبوع الماضي القاعة بتاع ناكوري الان فتحت بصورة جديدة جنب سوق كستم
هلا يا مبارك وحبابك يا بنج وسنة دي لازم انا اسوي شغل كثير في قطر ده عشان يشتري بقر كثيييييير وبعدين نجي نشيل بنية دي ومن حسع معزومين حفلة دنجر في ناكروي بجاز رجاف
11-27-2008, 12:01 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: هلا يا عزيز وطيارة زي دي يا عزيز كلنا لو لقبناها حنحجز فيها لوووووج ونحصل بيها الكريسمس في صالة ناكوري حيث الافرقة الجدد جدد
رايك شنو نمشي سوي سوي
الأخ العزيز عبدالكريم الأمين أحمد
سلام
يا عزيزي.. هذا هوى المنى أن أنزل بعد طول الغياب عن السودان في مدينة جوبا.. وغاية المنى أن أذهب والمدينة تعيش العيد.... 20 عاما لم أحضر عيدا في السودان.. والرفيق قبل الطريق.. وحاجات تانية..... هذه كلها معطيات تحفزني للذهاب الى جوبا.. وزي دي انا ما لقوا.. فهيا سوى سوى..
تحياتي عبدالعزيز
11-29-2008, 09:22 AM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
هلا يا عبدالعزيز وده يوم المني وستكون رحلة رهيبة وجوبا مدينة يجب ان يزورها كل سوداني ويمكننا البرمجة عبر [email protected] واكيد الافكار ستتحول الي واقع دون شك
وفي انتظارك
11-30-2008, 08:30 AM
Abdlaziz Eisa Abdlaziz Eisa
تاريخ التسجيل: 02-03-2007
مجموع المشاركات: 22291
هلا يا عبدالعزيز وحبابك ومرحب بيك في اي لحظة وستسعد بدليل سياحي خطيرررر جدا في كل ازقة وشوارع واسواق جوبا واحيائها التي اتمني ان يكون التغيير بعد هذه السنين..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبدالكريم الامين احمد
طارق جبريل
Tragie Mustafa
عامر تيتاوى
Abdulbagi Mohammed
ناهد بشير الطيب
emad altaib
معتز القريش
فيصل محمد خليل
Abdlaziz Eisa
زهير الزناتي
كمبورة
فيس بوك
تويتر
انستقرام
يوتيوب
بنتيريست