|
في زيارة خاطفة للسودان التقيت فيها بالدكتور الطيب ابراهيم محمد خير ( سيخة )
|
في زيارة سريعة وخاطفة ذهبت للسودان لتقديم واجب العزاء في وفاة المغفور لها باذن الله تعالى الحاجة مريم عثمان خواجة والدة الاخ وليد شريف ووالدة زوجتي وفي ثاني ايام العزاء التقيت بالدكتور الطيب ابراهيم الذي جاء الينا معزيا في وقاة الفقيدة ولقد انتهزت فرصة اللقاء به ودار بيننا حوار طويل استمر لاكثر من الساعة والنصف فالى مضابط الحوار ........
نواصل ......
ود الباوقة(
|
|
|
|
|
|
|
|
الطييب سيخه (Re: ود الباوقة)
|
ود الباوقه تحياتي نحن نفتش فيك وانت قاعد مع الطيب سيخه المره الجايه شوف الطيب مصطفي يمكن تتصالح مع دينق تحياتي
| |
|
|
|
|
|
|
Re: في زيارة خاطفة للسودان التقيت فيها بالدكتور الطيب ابراهيم محمد خير ( سيخة ) (Re: مصعب عوض الكريم علي)
|
كتب ود الباوقة
Quote: السيخة يا مدثر كانت علاجا ناجعا للمتفلتين من الشيوعين وقوى اليسار الاخرى . وقد اتت اوكلها ولو بعد حين |
عليك الله يا ود الباوقة ما تكمل لنا الباقي. انت وسيخة بتاعك دا الاداكم السلطة منو عشان واحد يعالج الشيوعيين وقوى اليسار بالسيخ والتاني يحكم على العلاج بالنجاعة؟ بعدين الشيوعيين وقوى اليسار ديل يا ربي كلاب ولا غنم ولا هاملين ولا ماعندهم والي ولا كفار . مرة تناية نناشدك ونستحلفك ونبوس رجلك حوارك لمه عليك فيكفين البداية فقط لكي نطرش الاكلناه قبل شوية.
| |
|
|
|
|
|
|
Re: في زيارة خاطفة للسودان التقيت فيها بالدكتور الطيب ابراهيم محمد خير ( سيخة ) (Re: ود الباوقة)
|
عاش متزن ونبيل زيو وزي اي زميل كالخضرة في الاشجار والموية جوه النيل عاش متقد زي نار خلوية عز الليل تهدي الضهب محتار والطاش بقتلو دليل النار تجيب التار يومها تصير قنديل زول لطريقه اختار اختاره دغري عديل ماصد .. لاوز .. تار نفسه التملي .. طويل غير الغبش ما اختار جيهة عليها يميل كل ما تقل مشوار يلحق رفاقته يشيل بذرة حياتو ثبات ساقيهو كم تكوين ميسسيبي نيل .. وفرات امازون ونهر السين يجي الزمان الفات في طلعة الجايين علمنا حتين مات ميته الشيوعيين دخلتنا في السهلة ومرقتنا يوم العيد ضد الرجي الدجلي شلناك هتاف ونشيد دم صعب ياعلي زولك وراك صنديد والشارع اليغلي ساعة يسل الايد لا بنفع الصهلي لا حي وووب بتفيد
| |
|
|
|
|
|
|
Re: في زيارة خاطفة للسودان التقيت فيها بالدكتور الطيب ابراهيم محمد خير ( سيخة ) (Re: Zoal Wahid)
|
ود الباوقه ثاني اصدق التعازي في فقيدتكم.
الطيب ( سيخه) تعلم الطب مجانا من مال الشعب السوداني المسحوق ليكون طبيبا ومعالجا فصار سيخه يضرب المختلفين معه ويعوق من لا يتفق معه ويقتل بقلب جامد البقيه!! لعنة الله عليه و على الطب الذي درسه واموال شعبنا الاتعلم بيها ما عافينها له ليوم الدين.
ما يقال ان نميري في عهدهه رفض قبوله مرتين في الكليه الحربيه لمعرفته بتشدده واسلاميته, ويبدو انها من لحظات التجلي القليله للسيد نميريويعلم الله انه كان مصيبا.
يا ود الباوقه يا اخوي الكلام واضح...عمك ده ختوه في الرف ليه؟؟؟؟ هو كان ما ختوه في الرف كان لقى لك ساعتين يزورك ويتفرغ للنضمي الفارغ معاك؟؟؟!! جتى لو قريبك بيعزي على عجل ويتخارج ده لو كان زي زمان لكنه بقى زول معاش وما صدق يلقى زول يذكره بالامجاد.
وبعدين الدكتوراه في جامعة القرآن الكريم في شنو؟؟؟ يعله خلى الطب كمان وبقى كايس للدين في الجامعات؟؟؟
سؤال آخير للناس كلها انتو الراجل ده اتخصص ولا لايص لسه.
| |
|
|
|
|
|
|
Re: في زيارة خاطفة للسودان التقيت فيها بالدكتور الطيب ابراهيم محمد خير ( سيخة ) (Re: ود الباوقة)
|
شكرا أخي عمر ود الباوقة علي فتح هذا البوست.. مما لا شك فيه ابدا..أي انسان يمتلك مكونات من العنف ومثلها أو أكثر من الانسانية.. الرجل لا أعرفه.. ولكن من خلال السرد عنه من كارهيه.. نستطيع أن نعرف شخصيته..ومع ذلك.. فهو انسان يحمل كل مكونات الانسانية .. ولو كان فيه جزء من العنف.. فلأنه سوداني المولد والنشأة.. ولأنه تربى في كنف مجتمع ينادي بالعنف مع احتفاظه بالانسانية.. نظرة سريعة للحياة السياسية السودانية .. نعرف أن الرجل لم يخرج من طور ساستنا العظااااااام.. تناقض في كل شيء.. شكرا ود الباوقة والتحية عبرك للواء طبيب الطيب ابراهيم محمد خير..
| |
|
|
|
|
|
|
Re: في زيارة خاطفة للسودان التقيت فيها بالدكتور الطيب ابراهيم محمد خير ( سيخة ) (Re: ود الباوقة)
|
ود الباوقة
تحياتى
والبركة فيكم
" ما تشكر الراكوبة فى الخريف"
الراجل قال بحضر دكتوراه فى جامعه القرآن الكريم ده ما الخريف ذاتو؟
يا ود الباوقة اشد الرجال فتكا فى التاريخ الانسانى و الاسلامى بالذات كان لهم جوانب انسانية و كان بعضهم يقرض الشعر فهل ينفى هذا حقيقة انهم سفاحون؟
ما يمثله الطيب واقتران اسمه بادادة عنف لا يمكن أن تمحيه أكبر استيكة فى العالم. ذاكرة الناس حية ولا يمكن تغبيشها.
| |
|
|
|
|
|
|
Re: في زيارة خاطفة للسودان التقيت فيها بالدكتور الطيب ابراهيم محمد خير ( سيخة ) (Re: هشام المجمر)
|
رحمة الله على نسيبتك. والبركة فيكم.
إنت مقابلتك دي حتتمها بعد سيخة ما يخلص الدكتوراه وللا شنو؟؟؟
بعدين ياخي إن شاء الله تكون سألتو عن الطريقة الصفى بيها بولاد، وعلى فضل وتكون سالتو عن تفاصيل سقوط طيارة الزبير. وتكون سألتو عن لماذا تم تهميشه ووضعه في الرف. بس أوعي يكون قال ليك عشان يتفرغ للدراسة. لو قال ليك كدا بيكون كذاب. لأنو الحصول من الجامعة دي على درجة الدكتوراه ما داير أي تفرغ. تكون كوز تاخد أي درجة علمية. حتى لو ماعندك ابتدائي ممكن تاخد دكتوراه. بعدين هو ما عندو شغل وللا شنو. قاعد عاصر بيت البكا ساعة ونص؟؟؟
| |
|
|
|
|
|
|
|