|
المنبر كان شابى نار اليوم.....سيد الحوش طفى الحرايق!!
|
منذ ليلة الامس والمنبر مسخن
بعد شوية ولغ
ياربى يكون آخر الشهر والناس فلست؟
لا..لالالا.. يا دابو قبل نص الشهر
طيب..full Moon والثعالب اتحيرت؟
برضك لا...
الزوجات كرهن الازواج وديل جو فشوا غلهم فى الناس؟
لا..لالالا.. الناس ديل واعين
الازواج عضاهم رئيسم فى الشغل وجو كرهوا الزوجات والجيران؟؟
مااااا أظن..ما ممكن تكون جماعية لأنو فى عزاب و عازبات كمان
يكون الحاصل شنو؟
ليلة ويوم متعبات؟؟
ناس الشرق لسة صاحين... وأهل الغرب البعيد
شاخرين..
وقبل النوم حساب الضمير
نواصل؟؟؟؟؟
|
|
|
|
|
|
|
|
Re: المنبر كان شابى نار اليوم.....سيد الحوش طفى الحرايق!! (Re: Hassan Makkawi)
|
بقال صحى الصباح بدرى
عمل( مسكول ) لى ناذر
رد ناذر مالك ياخ من الصباح
ياخ قوم شوف مقاول يجى يشترى كوم الحجار دى
هسة يا بقال مصحينى بى (مسكول) عشان كوم حجار؟؟
لا ياناذر هو ماكوم واحد....يعنى كمية..بعدين المثقال بقى بالشى الفلانى
صاح... آآى ... انحنا زاتو شغلنا وقف...مالاقين حجار نلقم بيها مع الاسمنت
انت يا بقال اشتريت الكمية دى احتكار يعنى؟
لا..ياناذر اشتريتا تلقيم
تلقيم مبانى وكدة؟
لا ياناذر تلقيم كلاب
يا بقال والله دة حنك جديد... فيها (عضة) الشغلانة دى؟
مافيها ياناذر...طلعت ( بيش ) ضيعنا وكتنا ساكت وفرجنا فينا الناس
ضيعت الوقت دى عرفناها يا بقال ياخ..فرجة الناس الجابة شنو؟
انت ياناذر ماعارف ناس حلتنا؟ بقوا يطلعوا فى الكوم وعينم جوة البيت
خلاس يا بقبق بجيك نضرب الفول..ونحل الموضوع..اسمع عرضت الموضوع على زول تانى؟
معقول ياناذر؟..أخلي صاحبى وامشى لى واحد غريب؟ تعال بسرعة بس
عشان الفطور...
| |
|
|
|
|
|
|
|