|
|
|
 Re: /*/*/ شفــيـف الــروح /*/*/ (Re: mohmed khalail)
|
Quote: فيا فَـــارِع ..
مداك في الدم
يصارِع في الهوي الفَضَّاح
ويـــا زارِع ..
هواك والنـمّ
علي ضفة سنا الإصبَاح
غُتاك قمر السما الأوسم
علي شجن الجوي الرَجَّاح
|
يازول
انت بي صحك
الله يديك الصحة والعافية
وانت تجمل دواخلنا
بهذا الالق
تسلم يا ابو حوة
| |
 
|
|
|
|
|
|
|
|
Re: /*/*/ شفــيـف الــروح /*/*/ (Re: جمال السنوسي)
|
Quote: يازول
انت بي صحك
الله يديك الصحة والعافية
وانت تجمل دواخلنا
بهذا الالق
تسلم يا ابو حوة |
المتورِّد: جمال السنوسي:
رغم أوجاع الحياة .. الكثيره.
لا ننفك من .. المراوغة
علنا نخرج بحديقة .. قول
نبحث في كل أقاصي الروح..
في مضارب .. الوجد
ونواحي القلب ..
نتزين لقادم فرح..
وليس لنا ..
غير إعتلاء صهوة الحرف ..
قاصدين وجهة البوح ..
فبنا ظن يتعدي الرهق اليومي ..
ليصل مُشرع .. اليقين.
أن الذي ننشد ..
شفيف ..
الروح.
ممتن لك السنوسي ..
علي حُسن وجمال..
(جمالك الإبن).
ودِّي لك..
| |
|
|
|
|
|
|
|
|
|
Re: /*/*/ شفــيـف الــروح /*/*/ (Re: mohmed khalail)
|
Quote: ابوحوة يا فاروق
نجي في بوستك عشان ننجم
ونطرب بالشعر نرتـــاح
ونبعد من دروب الــــهم
ومن وجع الحياة النتّاح
الله يديك العافية يا وليد
|
حبابك يا رفيق النــم
مراحب حرفك الوضَّاح
تعال نتسامي فوق الهم
نتيرب حسنك الفضَّاح
الصديق : محمد خليل..
الله يزيدك حسن..
الود كيمان
كيمان.
| |
|
|
|
|
|
|
|
|
|
Re: /*/*/ شفــيـف الــروح /*/*/ (Re: ابو جهينة)
|
Quote: فاروق
لله درك .. فقد دوْزنْت ليلتي بهذه الشفافية ..
كلام من جوة الجوة .. نضم له بهار البوح الصادق
واصل إتحافنا فنحن نحتاج مثل هذا النضمي السمح في غباش أيامنا
كن بخير |
الزول السمح بالحيل .. أبو جهينه:
من صحية جروف النيل..
مع الموج .. الصباحية..
(مرقت إت)..
تمسح غباش الصدي..
عن صوت المصابة (بالبَّحة)..
تلك التي (وسط اللمة منسيه)..
..
أزيدك شي؟
..
.
بيك منتشي..
.
.
حد التوهان..
ممتن جداً..
يا إنسان.
| |
|
|
|
|
|
|
|
|
|
Re: /*/*/ شفــيـف الــروح /*/*/ (Re: هند محمد)
|
Quote: نحن هنا نحلق فوق حرفك وكلماتك لنصافح بياض نبضك
نصك جميل بصدق
دمت للحرف
|
الشاعره الأنيقه هند..
(قجّيت) شركـ شوفِك ..
غتيتو حِن من فوق ..
حاحيت طيور خوفك ..
ختيتو حسنك روق ..
حتيت خريف جوفِك ..
لقيتو عِبّ الشوق ..
كثيرون هم الرائعون..
ولكن من يشابه نيلنا..
وسمرتنا..
وطيبتنا..
يبقي وبلا شك..
صديق..
الحرف.
والحلم..
والأمنيات.
كل الصدق ..
بجمال حرفك..
وروعة مرورك.
مودتي ..
وأشياء أخري..
| |
|
|
|
|
|
|
|
|
|
Re: /*/*/ شفــيـف الــروح /*/*/ (Re: عبدالله الشقليني)
|
Quote: وديع شفيف ،
رقيق الحاشية ،
خلوق لا تراه إلا وتقول أنه الشاعر :
أبو حوة
فسحة من الوقت ثم نعود لماذا فعل الشاعر
|
الشقليني الزول (القيمه)..
يختلف العامة والحامة ..
في إيجاد تعريفٍ وافٍ لقيم الجمال..
ولكني لا يساورني شك إطلاقاً..
في أنك من الذين يتصفون بها..
خلقةً وخليقه..
تلكم الروح ..
الرحيق.
تلك ..
الغيمة..
القيمه.
أو كما قال الصديق يحي فضل الله
في (رفقته) يوماً:
التقطني يا صديقي
في الدروب الما بتجيبك
ودفئ حضنك بالأغاني
كلما يضهب طريقك
وامسك الجمرة البتوقد
بين رمادك
وبين حريقك
رافق الدمعة البتعرف
شاسع الحزن البعيقك
ولو فضل في العمر خطوة
وسع الأحلام
واهرب منو ضيقك
لي براح في الشوق يتاوق
من شبابيك غربة حبيبك
مودتي ..
وأشياء أخري..
| |
|
|
|
|
|
|
|
|
 Re: /*/*/ شفــيـف الــروح /*/*/ (Re: فاروق أبوحوه)
|
وكما قالت الشاعرة :
نجلاء عثمان التوم :
تاكيت الباب واستنيت
صيفين و شتا ورشّة مَطرة .
ما حِسَكْ كان صاحي وبى خير
.. ألوانَكْ وَاضحة ومُختصرة
وكتين ما جيت ...
ضايرتَ الخوف،
حَزمتَ التوب ،
وَصيت الغيمة تَلاوح الباب و ما تسد الباب ...
جايين راجعين .
| |
|
|
|
|
|
|
|
|
|
Re: /*/*/ شفــيـف الــروح /*/*/ (Re: عبدالله الشقليني)
|
Quote: وكما قالت الشاعرة :
نجلاء عثمان التوم :
تاكيت الباب واستنيت
صيفين و شتا ورشّة مَطرة .
ما حِسَكْ كان صاحي وبى خير
.. ألوانَكْ وَاضحة ومُختصرة
وكتين ما جيت ...
ضايرتَ الخوف،
حَزمتَ التوب ،
وَصيت الغيمة تَلاوح الباب و ما تسد الباب ...
جايين راجعين .
|
إلا يا ها ذاااته..
نجلاء ذاااااته:
متيمنة بيك ..وشاردة معاك
ح افتش ليك.. برٌات الضل …جوٌات الدمْ
ما بين النار و صراخ جمرة
ح أجيك……ح أجيك
وبراى ..هل كنت براي قايل ؟
صورتك جواي .
يآخي أحبك
وأتآمر ضدك . . .
أناْ...و....الشوق!!!
وانا كمان ..
يا شقليني..
أتآمر مع..
روعتك..
مودتي ..
وأشياء أخري.
| |
|
|
|
|
|
|
|
|
 Re: /*/*/ شفــيـف الــروح /*/*/ (Re: فاروق أبوحوه)
|
Quote: معاي الورده والميسم
معاي الريشه والمرسم
معاي وعد الغنا الصدَّاح. |
فاروق يأخي والله العظيم انتا مبدع
القصيدة في مجملها مموسقة ورنانة
لكن المقاطع الأخيرة دي خليها ساي
لامست فيني كل الأوتار الحساسة
| |
|
|
|
|
|
|
|
|
|
Re: /*/*/ شفــيـف الــروح /*/*/ (Re: هاشم أحمد خلف الله)
|
Quote: فاروق يأخي والله العظيم انتا مبدع
القصيدة في مجملها مموسقة ورنانة
لكن المقاطع الأخيرة دي خليها ساي
لامست فيني كل الأوتار الحساسة |
قريبي هاشم..
إنت عارف..
حروفي دي عامله زي عصا موسي..
أتوكأ عليها ..أهش بها حزني..
ولي فيها مواجع أخر..
..
مرات ..
أحنس الدوزنه..
أصلها طولت حردانه..
مرات تكاجر..تب..
تابا المروق من طاقة ..المشاتره..
ومرات كمان..
أرضيها بي حبات دفيق..
ومرات تغني براها..
( أحتاج دوزنه)..
.....
غايتو ترانا معاها..
فد معافره ..
مما تصدح ..
لامن ترسي..
هاشم إنت مني..
كما أنا منك..
ألتمس روعتك..
ماهل فجر قول..
وسلم إحساسك..
سلاماتي..
وأشياء أخري
| |
|
|
|
|
|
|
| |
فاروق أبوحوه
عزام حسن فرح
ابو جهينة
mohmed khalail
جمال السنوسي
عبدالوهاب علي الحاج
هند محمد
عبدالله الشقليني
هاشم أحمد خلف الله
معاوية عوض الكريم
فيس بوك
تويتر
انستقرام
يوتيوب
بنتيريست