|
|
|
 Re: كدي بلاي دقيقة ... (Re: tmbis)
|
قريت لي تلاتة اربعة بوستات .. فتحو لي شهيتي من الصباح ..
يعني الواحد يكون عامل ريجيم .. تجي تقرا ليك بوست يزيدك خمسة كيلو .. لانو مليان كلو سعرات حرارية ..
دي بوستات واللا بابا قنـووج ..؟
| |
 
|
|
|
|
|
|
|
 Re: كدي بلاي دقيقة ... (Re: tmbis)
|
اخي نمبس ..
الان الحادية غشر صباحا بالقاهرة والبوستات كلها عن فوز اوباما
وكان مشاكلنا كلها متوقفة علي هذا الفوز؟ السياسة الامريكية لايمكن
ان تتغير وفي اكثر من اربعون رئيس امريكي ياتي والعرب والافارقة
مازالوا في تخلفخم وتهميشهم من امريكا واوربا ..
المهللين بفوز اوباما يجب ان يدركوا ان السياسة الامريكية لاتدار
بفرد .. او باغلبية في مجلسي الشيوخ والكونغرس او غيره؟ انها
سياسات ثابتة معروفة للرئيس والغفير .. هي حواجز لايمكن ان يتخطاها
احد؟ اليوم لايمكن لاوباما ان يقرر دولة فلسطينية وان تسانده كل
الهيئات التشريعية والتنفيذية والحزبية حتي ؟
فليهللوا كما يريدون وكاننا ولاية تابعة لامريكا فهي ايام وننسي
اننا لانتبع هؤلاء؟؟
| |
|
|
|
|
|
|
|
|
 Re: كدي بلاي دقيقة ... (Re: baha eassa)
|
سلامات يا بهــاء ..
والله أنا فاكر انو اوبامـا دا عندو باص وورد معانـا .. | Quote: وكان مشاكلنا كلها متوقفة علي هذا الفوز؟ السياسة الامريكية لايمكن ان تتغير وفي اكثر من اربعون رئيس امريكي ياتي والعرب والافارقة مازالوا في تخلفخم وتهميشهم من امريكا واوربا .. |
والله يا بهـاء كلامك في الصميم .. لكن نعمل شنو مع الحالمين ديل .. الظاهر لي سياسة اوباما على حسب اعتقاد الناس ديل .. أنو يقوم يصحى من النوم الصباح بدري .. ويجيبو ليهو الفطـور الوجبة مكونة من:
1- روووب .. أو غباشة..
2- عصيدة دخـن..
3- كجيك + كول + مرس
العصيرات:
1- أم جنقـر ..
2- عرديب أو قنقليز أو قضيم
التحلية:
مديدة حلبه
يحبس بي شاي أحمر ..
يللا بعداك يقطع ليهو ورقة من اي كراس .. ويضع سياستو وخطتو لي باقي اليوم .. والحاجات الح يعمله .. ويمشي البيت الأبيض ..
بعدما يصل (البيض الأبيض ) يمسك ليهو اقرب واحد (أبيض) يقطع فوقو (أم دلدوم) لمن يعرف حاجة .. ساكت كدا
يللا بعداك يديهو الورقة دي .. ويقول ليهو اعمل الحاجات دي كلها حسسع دي قبال ما امشي البيت .. ويقول ليهو أنا عندي ردود في بوستات في سودانيزاونلاين ما عايز زول يزعجني ..
Quote: اليوم لايمكن لاوباما ان يقرر دولة فلسطينية وان تسانده كل
الهيئات التشريعية والتنفيذية والحزبية حتي ؟
فليهللوا كما يريدون وكاننا ولاية تابعة لامريكا فهي ايام وننسي
اننا لانتبع هؤلاء؟؟ |
.. عودونـا هؤلاء على الفرحة التي سرعان ما تذهب ادراج الريح ..
التاريخ ح يسجل هذا اليوم المشهود ..
بكرة القريبة دي كان الله حيانا .. بنشوف بي عينا دي .. ونسمع بي اضانا..
| |
|
|
|
|
|
|
|
|
|
Re: كدي بلاي دقيقة ... (Re: tmbis)
|
تامبا ياجميل
ازيك
Quote: قريت لي تلاتة اربعة بوستات .. فتحو لي شهيتي من الصباح ..
يعني الواحد يكون عامل ريجيم .. تجي تقرا ليك بوست يزيدك خمسة كيلو .. لانو مليان كلو سعرات حرارية ..
دي بوستات واللا بابا قنـووج ..؟ |
وانا قايل نفسي براااااااااااي
وحاتكـ....
مش بابا قنووج
دي ام علي عدييييييل كده.....!!!
| |
|
|
|
|
|
|
|
|
|
Re: كدي بلاي دقيقة ... (Re: Mohamed E. Seliaman)
|
Quote: أحلى طبق!
يا سلام على أيام مطعم (سفرة) الجامعة وحلاوة أم علي |
.. إن شاء الله وبي جاهـ سيدنا النبي يا محمد سليمان . اوباما دا يعمل ليهو دعوةغداء في البيت الأبيض .. لي كل البورداب الهنا ديل ..
حتى الجمهوريين منهم .. والحركة الشعبية والكيزان .. ويكتر ليكم في أم علي ..
أنا بقترح انك تكون مسؤول امداد وتنسيق وتكون ماسق الجردل بتاع أم علي .. تدي العايز تديهو والما عايز تديهو ما تديهو .. وإن شاء الله يا محمد الحسن أم علي بتاعت البيت الابيض دي تعمل ليك ( فقرة)
| |
|
|
|
|
|
|
|
|
|
Re: كدي بلاي دقيقة ... (Re: haroon diyab)
|
Quote: وانا قايل نفسي براااااااااااي
وحاتكـ....
مش بابا قنووج
دي ام علي عدييييييل كده.....!!! |
.. هاروون .. ازيك يا لذيذ ..؟
كمان ما قدر دا يا هاروون .. أم علي دي ما في (المنيو) بتاع المهمشين .. راجع القائمة بتاعت الفطـور .. أنا جبت بابا قنووج لانو الايامات دي (الباتنجان) رخيص .. ملاحظ انو قلنا باتنجان ما قلنا (اسود) لانو من هنا ولي قدام تقول اس .. قبال ما تتم الباقي بيجيك اوبــاما جاري شايل السيف بتاعو .. والله لو كنت تبعد في زحـل زاتو ح يصلك ..
| |
|
|
|
|
|
|
|
|
|
Re: كدي بلاي دقيقة ... (Re: tmbis)
|
تمبس العزيز،،
1- مبروك فوز أوباما ،، فرحنا لكن خايفين على فرحتنا شايف في منتداكم دا الفرح عندو ناسات والكره كمان،،
2- شفتو تكلم ود الصائم دا شابكنا ياعمك ياعمك ، من الليلة أنا بالتحديد يقول لي (عمي)،،
3- النيو لوك دا (يازول) تحسباً لتمدد ثورة الهامش وأخير نشوف آهالينا بلدن وين،،
4- في شيء غريب خلاص حاصل |(يازول) : في ناس ناس كدا عاملين فوز أوباما كأنه خسارة لحكومة السودان
مع أنو أوباما لو أستعمل نفس لغة أهل الحامش في السودان والله ماكان ينال إلا الكرابيج،،
5- أمريكا صنفت نفسها الأمة الأكثر أهمية في العالم ، وصلت لهذه المرحلة بعد قرنين من الإستغلال فنحن لسة قدامنا 150 سنة،،
6- تكفى لا تنسى ود الصائم ، وايشلون عن الشماغ والمرزام ،،
الله بالخير،،
| |
|
|
|
|
|
|
|
|
|
Re: كدي بلاي دقيقة ... (Re: عبد اللطيف بكري أحمد)
|
عبد اللطيف آل بكري ..
شلونك طال عمرك ..؟  .. إنت كنت في حفلة تنكرية واللا شنـو..؟
1. والله يا عبد اللطيف شهرا ما عندي فوقو نفقة ما بعد ايامو .. حبوبتي كانت بتقول لي طوالي الكلب ود أعم البعشوم .. نحن ناس كورة يا عبد اللطيف ومزازيك .. والبيعملو فوقو بعض الجماعة هنا .. والله مضحك لي ابعد درجة .. مضحك لحد الاغماء ..
2. ما كدا وبس .. كل سنة يجي يدفع ليك (حق العتب) ..
3. طال عمرك النيو لوك متوافق واحتمال تاني نناديك بي عبد اللطيف الشمراني واي واحد من المهمشين ديل يقول بغم .. بنشتكيهو لي اوبامــا .. مش هو زعيم المهمشين واللا انـا مالي ..؟
4. الكرابيج بس ..؟ والله يا عبد اللطيف الغالباهو الحيلة بيعمل اكتر من كدا .. والخيالو واسع برضو ليهو حق إنو يحلم ويتخيل ويرسم سيناريوهاتو زي ما عايز .. رفعت الاقلام وجفت الصحف من بدري .. الاجراءات الشكلية وبعض البرتكولات كافية جدا بي انها تغير الكثير من الخبز الذي كان يحلم به الجوعى .. يعني أوباما دا تطير عيشتو يسحب الجيوش من العراق ويجي داخل بيها الصحافة زلط ..؟
5. قدامنا مية وخمسين بس ..؟ والله مع العقلية الشايفه دي طال عمرك .. المية وخمسين دي اضرب في مية وخمسين مية وخمسين مرة ..
6. (سـم) طال عمرك , دلحين اببلغه إنك زهمت عليه .. .. اكلم اوبامـا واللا عايز محمد الصائم بس .. ؟
| |
|
|
|
|
|
|
|
|
|
Re: كدي بلاي دقيقة ... (Re: tmbis)
|
تمبس سلام
يا اخي الكريم في ناس مشتهيه تفرح وبس ,,,علشان كده طوالي تصدق انه ده درب
ممكن يؤديهم للخير ,,,فرحانين وكانهم لايدرون ان امريكا تحكمها المؤسسات ,,,
عدل لتكملة نقص في حروف كلمة سلام
(عدل بواسطة العوض المسلمي on 11-05-2008, 10:52 AM)
| |
|
|
|
|
|
|
|
|
|
Re: كدي بلاي دقيقة ... (Re: العوض المسلمي)
|
تمبس سلام
يا اخي الكريم في ناس مشتهيه تفرح وبس ,,,علشان كده طوالي تصدق انه ده درب
ممكن يؤديهم للخير ,,, فرحانين وكانهم لايدرون ان امريكا تحكمها المؤسسات ,,,
عدل لتكملة نقص في حروف كلمة سلام
الله يفرحم يا مسلمي .. والله يكتر دروب الخير ..
الفرحة بتطول العمر .. ومطلوبة علشان نعيش حياتنا بي شكل خالي من الأمراض والكولسترول .. إلخ
لكن باقي ليك في نوعية كدا الفرحة حقته زاته شترة .. وتبوظ ليك فرحة الناس الجد جد .. دي الفئة المقصودة في البوست دا .. ولو راجعت في حتات تانية بتلقى نماذج من الفرحة دي .. ومن ناس ما اتعودنا منهم غير خرمجة زي دي .. كلامك عن الموسسات الحاكمة دي كلام كبار زي النوعية القلتها ليك دي .. ما بيعرفوهو ليك .. ديل عايزين يجو ياكلو الحلاوة ويجيبو ليهم العصير .. ويجو بعدين في الحلة يتونسو والله الليلة اوباما جاب لينا كترت عصير وحلاوة .. إلخ.
تحياتي يا مسلمي ..
| |
|
|
|
|
|
|
|
|
|
Re: كدي بلاي دقيقة ... (Re: tmbis)
|
سيد البوست سلام،
والله يا جماعة ،
أنا من زمان دايرة أقول...،
و ما عارفة أقول لمنو!!!!
الجماعة فرحانين شديد،
تقول أوباما مثلا مثلا كدة،
ح يرفع الحد الأدنى من الأجور فى السودان،
و يوزع عائدات البترول زى عملات عمكم القذافى،،،
غايتو خوف قلبى (على وزن شوف عينى)،
لو ما قبل على السودان أول حاجة،
عشان يجامل حبايبه الصوتو ليهو،
و خلى ريحتنا طيرطير،
جماعتنا ديل ما برعووا،،،،،
| Quote: بعدما يصل (البيض الأبيض ) يمسك ليهو اقرب واحد (أبيض) يقطع فوقو (أم دلدوم) لمن يعرف حاجة .. ساكت كدا |
| |
|
|
|
|
|
|
|
|
|
Re: كدي بلاي دقيقة ... (Re: Hala Hassan)
|
العزيز تمبس
تحايابحجم المحبة
راي قلنا في بوست العوض المسلمي
حفظ حقوق وكده "
التحايا عطره
والله أنا خايف نكون كالمستجير من الرمضاء بالنار
أمريكا دي دولة مؤسسات ونحن بنتعامل معاها
بي عقلية دول العالم الثالث
أتفق معك لن يكون هناك تغيير جوهري في السياسة الخارجية الأمريكية
يعني "أوباكين" ياهو "ماكيباما""
طبعاً لن يكون هنالك تغيير لكن
حسنة هذه التجربة أنها أكدت على تحول في المزاج العام الأمريكي
الأزمة الاقتصادية التي ضربت أمريكا مؤخرا
دعمت المطالبة بالتغيير
كما أن وجود رئيس أمريكي اسود
هو تتويج لجهود بدأها الجمهوريون
"رايس وباول"
يعني الموضوع توجه عام لكن الخلاصة أمريكا ستبقى كما هي
فرايس السوداء لم تقدم للعرب
إلا مزيداً من الدماء
ولم تقدم لأفريقيا إلا مزيدا من نهب الثروات
وما أعتقد أنه حيكون في فرق كبير
وربنا يكضب الشينة
| |
|
|
|
|
|
|
|
|
|
Re: كدي بلاي دقيقة ... (Re: اسامة الكاشف)
|
غنوج يا حبيب ألبي .. غنوووووج ..
قنووج بتاعتك دي تنطقها ( أبوي قنوووج ) ..
بعد داك تلايقها بالويكة .. تلحسها .. تخرتا من كورية .. بي راحتك ..
لكن بابانا غنوج تديهو حقو .. لو سمحت .
و تلميحاتك بتاعت البتنجان و الأسود دي لن نألوا جهداً في كشفها ..
حاقد .
....
" غانج " ليك يا أصلي ..
الكيتة دي فاتت عصام جبرالله ..
كنا الإتنين ( قنووج ) عليك
| |
|
|
|
|
|
|
|
|
 Re: كدي بلاي دقيقة ... (Re: Emad Abdulla)
|
Quote: قنووج بتاعتك دي تنطقها ( أبوي قنوووج ) ..
بعد داك تلايقها بالويكة .. تلحسها .. تخرتا من كورية .. بي راحتك ..
لكن بابانا غنوج تديهو حقو .. لو سمحت . |
  .. غايتو جيهتني تب يا بوليص ..
اقول ليك حاجة ..؟ قنووج يازول العايز تعملو أعملو
أمس بالليل كنت في السلمانية .. وزي ما عارف المنطقة كلها مليانه بي (أونكلاتنا .. وطنطاتنا القنانيج) يقبرو اللبي كلهم وما يفضل فوقم واحد ..
بعدين قرصت معاي قلت ادخل اي مطعم اشوف لي كان عندهم كسرة بايته يا قراصة يا باقي عجين .. المهم يا اصلي جابو لي المنيو لقيتو ليك كل الحاجات القلتها دي .. شئ هريسة وشي ظلبطة .. وشئ البلابل .. وشئ علي وأمو .. قلت للويتر اسمع انا ما بحب اجيب سيرة زول وهو مافيش جيب لينا فول وطعمية وخلينا من الخط المعلق دا .. وحيات ابتسامتك ضربت ليك الفول دا وحبسته بي موية وكباية شاي وركبت الظلط .. خليت ليك القنانيج ديل يعافرو ليك في الصنوبر وورق العنب .. يعني كنت عايزني اسفسف لي حاجة أقوم اكوفــر في البرد دا وأنا متغرب وبعيد من امي ..؟
ـــــــــــ
بالنسبة لي عصام جبر الله يعمل حاجاتو براهو .. الغنجة دي ما محسوبة نانو ما كلمتني أعمل حسابي من بدري
بعدين اعمل حساب انو انا برضو دافنه ليك ما اللقاك في خط ميت يا عماد عبد الله
قال ايه .. أبوي قنوووج .. ؟؟
| |
|
|
|
|
|
|
|
|
|
Re: كدي بلاي دقيقة ... (Re: اسامة الكاشف)
|
والله أنا خايف نكون كالمستجير من الرمضاء بالنار
أمريكا دي دولة مؤسسات ونحن بنتعامل معاها
بي عقلية دول العالم الثالث
أتفق معك لن يكون هناك تغيير جوهري في السياسة الخارجية الأمريكية
يعني "أوباكين" ياهو "ماكيباما"".. العزيز اسامة الكاشف .. نحن ناس دول العالم الثالث ديل ماخدين المسالة (عضـل) هتافات ، ويافطات ـ المسالة ما كدا .. ولو كدا ما كان امريكا بتحكم في العالم من خلال برامج مدروسة موضوعة .. وما على الناس البتجي الكراسي إلا .. التنفيذ وإلا فالعصاء .. وسياسة الاغتيالات المعنوية المرسومة وفق برامج استخباراتية .. موسادية .. تتحكم في كل أنظمة الدولة ..
من حق الشعب الأمريكي الأسود إنو ينتخب ويدعم اوبامـا .. جرا ما عاشو من سياسات استعملت ضدهم وكان الفرز فيها باللون والسحنة .. وتاريخ طويل من الهوان ..
من حق الشعب الأمريكي الأبيض ينتخب أوبامـا الأسود كاسرا حاجز الرتابة البيضاء لسنوات عديدة ما نال منها سواء غطرسة كل الحكام .. والاحتكارية (البوشية) المبرمجة على الحروب (الصليبية) .. والتغول على حريات الغير .. وفرض سياسة العصى لمن عصا .. على المنطقة .. دون حسابات جيدة .. العائد المعنوي .. للشعب الأمريكي ابيض على اسود .. كمية من الصناديق والنعوش .. الطائرة ..
يعني ناس جوه .. بيعملوا في حاجاتم وعبروا عن ذلك بي حق الانتخاب البوفرو ليهم الدستور الأمريكي ..
طيب ناس قريعتم راحت ديل يعني عايزين اوباما دا قبال ما يعرف الحاصل شنو .. توووشك يقول للجماعة كدي دقيقة بلاي اشوف المهمشين بتاعين سودانيز ديل دعموني وجو اتصورو معاي اقوم ارد ليهم بعض من جميل ..
احتمال يكون في تغيير يا اسامة .. لكن السؤال البفرض نفسو متى ..؟ ووين ..؟ وكيف ..؟ وخت في بالك المسالة بتاعت (الفرمطة) الح تتم لي رئيس أسود خلف ليهو مجموعة بتاعت لوبي صهيوني .. كان قائد العالم وفق سياسات مدروسة ومحكمة .. يعني شقي الحال دا .. (وود المهاجرة) دا .. والمهمش دا تاني وين نلقا ياربي ح يفضى لي سياسات الفرمطة الداخلية .. والعلاج بالصدمة الح يمارس ضدو من داخل اللوبي ، واللا كمان من ما يستلم كدا ح يبتدي يعمل حسب نظامو ووفق ما كان يتمناه الناس الانتخبتو ديل ..؟ حسنة هذه التجربة أنها أكدت على تحول في المزاج العام الأمريكي
الأزمة الاقتصادية التي ضربت أمريكا مؤخرا
دعمت المطالبة بالتغيير
كما أن وجود رئيس أمريكي اسود
هو تتويج لجهود بدأها الجمهوريون
"رايس وباول".. كلامك في السليم طبعا واي زيادة مني معناته اي كلام..
يعني الموضوع توجه عام لكن الخلاصة أمريكا ستبقى كما هي
فرايس السوداء لم تقدم للعرب
إلا مزيداً من الدماء
ولم تقدم لأفريقيا إلا مزيدا من نهب الثروات
وما أعتقد أنه حيكون في فرق كبير
وربنا يكضب الشينة لو كان في فرق يا كاشف .. ما ظنيتو يكون قريبات دي .. تحول امريكا من ابيض لي اسود .. بيحتاج لي شغل شديد جدا من جوه البيت .. والشغل دا كان ما كفى ناس البيت .. حرم على الجيران طبعا.
| |
|
|
|
|
|
|
|
|
|
Re: كدي بلاي دقيقة ... (Re: Hala Hassan)
|
Quote: الجماعة فرحانين شديد،
تقول أوباما مثلا مثلا كدة،
ح يرفع الحد الأدنى من الأجور فى السودان،
و يوزع عائدات البترول زى عملات عمكم القذافى،،، |
.. إزيك يا ما ست البوست ..
والله بالجد يا هاله المسالة تحير الزول حيرة شديدة جدا ..
غايتو في واحدين عينم على التركة .. وواحدين المتصورين مع اوباما ديل .. يكونو امس طبعو ليهم تي شيرتات ورسلوها لي زويهم في السودان .. غايتو في واحد كدا انا ضامنو يكون حسع دي تحويشة العمر يكون كمله فنايل سقط وفيها صورتو مع اوباما .. وكاتب تحت ليها ناشط حقوقي وصاحب اوبامـا Quote: غايتو خوف قلبى (على وزن شوف عينى)،
لو ما قبل على السودان أول حاجة،
عشان يجامل حبايبه الصوتو ليهو،و خلى ريحتنا طيرطير،
جماعتنا ديل ما برعووا،،،،، |
يقبل وين يا بت امي ..؟
إنتي ما قريتي السيناريو بتاع فطور اوباما الفوقاني دا ..؟ المساة محسوبة واحد زايد واحد يساوي اتنين .. يعني ام دلدوم الضحكتك دي .. والله يشموها قدحة ..
دا طبعا يا هاله لو ما اخد ليهو قرصة قرصتين كدا من ابهات طواقي صغيرة في نص الراس ديلاك .. في اول اسبوع ليهو ..
الوصول لرئاسة بكل امنايتو كان مفروش بالورود .. لكن تبقى مسالة القعاد في البيت الابيض دا .. ليهو ادبيات وفلسفة وحكم .. جماعتنا ديل فرحانين ساكت الله يديم الفرحة والانبساطة .. وقالو يسوطو مع السايطين ..
| |
|
|
|
|
|
|
|
|
|
Re: كدي بلاي دقيقة ... (Re: tmbis)
|
ترزينا تمبس
كيفك يا مان..
ياخ معقولة لكين؟؟..تستهون بي خبر زي دا؟؟
دا خبر يعملوا ليو منبر كااااامل..و يجي داخلو هكر زي مكافيلي دا يعمل منو كم نسخة كدا في الاسفير
رئيس أمريكا..المطلعا زيت العالم كلو..أفريقي حبوبتو جابوها ترقص و تحتفل في كينيا!!!
دي حاجة هييينة كدا؟؟؟
Quote: سياسات ثابتة معروفة للرئيس والغفير .. هي حواجز لايمكن ان يتخطاها
احد؟ اليوم لايمكن لاوباما ان يقرر دولة فلسطينية وان تسانده كل
الهيئات التشريعية والتنفيذية والحزبية حتي ؟ |
دا كلام غير دقيق...و ألا لما كان هناك فرق بين سياسات الكاوبوي بوش و كلنتون (مع انو بي مساوءه برضو)..
بوش دا نجح عن جدارة في خستكة الاقتصاد الامريكي و خستكة العالم كله خستكة السنين..
على العموم أنا مع عدم الامعان في التفاؤل في أن الرئيس الجديد ممكن يعمل من الفسيخ ..شربات!!
حتى و ان كان صادقا في عزمه على (نيو أميريكا ) داخليا و خارجيا كما زعم...
| |
|
|
|
|
|
|
|
|
 Re: كدي بلاي دقيقة ... (Re: زياد جعفر عبدالله)
|
Quote: ترزينا تمبس
كيفك يا مان.. |
وينك يا زياد .. شنو يا مان إنت كلما العيد يقرب تجي ناطي .. المقاسات ظبطت معاك واللا فيها شوية ضيق ..؟
Quote: ياخ معقولة لكين؟؟..تستهون بي خبر زي دا؟؟
دا خبر يعملوا ليو منبر كااااامل..و يجي داخلو هكر زي مكافيلي دا يعمل منو كم نسخة كدا في الاسفير
رئيس أمريكا..المطلعا زيت العالم كلو..أفريقي حبوبتو جابوها ترقص و تحتفل في كينيا!!!
دي حاجة هييينة كدا؟؟؟ |
والله يا مهينة يا زياد .. لكن القال ليك استهمنته منو..؟ إنت الفرحة دي يا زياد التعبير عنها لازم يكون بي حفلة بي ديانا روز يا كمان اللبس لي (جلابيــة) واطبع فيها صورة أوباما يا كمان اجيب المونيكان البتعلق فوقو مدام أوبامـا الكلوووش حقها ..؟
ياخ والله يا زياد لو الواحد وصلت مرحلة فرح زي دا .. لدرجة يطلع من طورو .. ويلفلف الأسود مع الابيض مع الرمادي .. ويصدر التصريحات ويتوعد ويتهدد الناس .. والله دا طرفي من الفرح زاتو .. يازياد والله كلامي واضح بل .. أنا معجب خالص بي الاصرار حق أوبامـا لكن كمان ما لدرجة إني اشطح واتخيل .. وأخدر الوااطـة .. كمان في مساحة بتاعت (فاقد) الواحد بيخلي ليها بالو .. اي نعم الحدث شكلو لا يصدق .. لكن كمان ندي مساحة لعنصر الدهشة والمفاجأة والحفر .. من الجانبين طبعا ..Quote: دا كلام غير دقيق... وألا لما كان هناك فرق بين سياسات الكاوبوي بوش و كلنتون (مع انو بي مساوءه برضو)..
بوش دا نجح عن جدارة في خستكة الاقتصاد الامريكي و خستكة العالم كله خستكة السنين..
على العموم أنا مع عدم الامعان في التفاؤل في أن الرئيس الجديد ممكن يعمل من الفسيخ ..شربات!!
حتى و ان كان صادقا في عزمه على (نيو أميريكا ) داخليا و خارجيا كما زعم... |
غير دقيق .. ودقيق في آن واحد يا زياد .. غير دقيق فيما يتعلق بالحته الخاصة بي الاقتصاد دا مع اني ما متفق فيها معاك مية المية .. لكن بمشيها ليك وممكن نوسع ليها المقاسات وتكون فضفاضة ..
ودقيق لانو غصبا عن أي رئيس إنو يواصل في نفس التراك القديم لسياسات مستقبلية وضعت بي احكام لي أكبر دولة في العالم للمدى الطويل طبعا أووعك تسقط لي زيارة اوباما لإسرائيل وتعيين رامبو جوه خالص .. وقريب جدا.
عدم الأمعان في التفاؤل يا زياد هو الخلاني اقول كلامي دا .. عكس ما حاصل قدام عيني من الافتكرو إنو بين يوم وليلة كل الشعارات ح تتغير ويإمكانم يشيلو فرشة الوان ويرسمو بيها أي لون عايزنو .
| |
|
|
|
|
|
|
|
|
|
Re: كدي بلاي دقيقة ... (Re: tmbis)
|
Quote: غنوج يا حبيب ألبي .. غنوووووج ..
قنووج بتاعتك دي تنطقها ( أبوي قنوووج ) ..
بعد داك تلايقها بالويكة .. تلحسها .. تخرتا من كورية .. بي راحتك ..
لكن بابانا غنوج تديهو حقو .. لو سمحت |
الله يجازي محنك يا عماد
تمبا ازيك ياخ
| |
|
|
|
|
|
|
|
|
|
Re: كدي بلاي دقيقة ... (Re: طارق جبريل)
|
Quote: الله يجازي محنك يا عماد
تمبا ازيك ياخ |
يا طـارق ..  كويس أنك قاعد وشفت الحصل دا .. بلاي عماد عبد الله يخترقالسيرفر بتاعي أنـا دا ..؟
وينادي عصام جبر الله ..؟
إنهـا الحرب يا طـارق .. انها الحرب
| |
|
|
|
|
|
|
|
|
|
Re: كدي بلاي دقيقة ... (Re: tmbis)
|
سلامات يا تمبس
انا شخصيا الفرحه لا تسعني بفوز اوباما ليس لان فوزه سيغير او لا يغير حكومه السودان
وكما ذكر اخوه هنا امريكا دوله تحكمها المؤسسات لذا التغيير الذي يحدث بتغيير الرئيس قد لا يكون ملحوظا فالرئيس الامريكي - اي رئيس - يضفي فقط شخصيته علي السياسات - الا في حالات نادره حيث تؤثر شخصيه الرئيس الطاغيه حتي علي السياسات المرسومه
فرحي لفوز اوباما لا لانني ارجو منه تغييرا ولكني اعتبر فوزه انتصار كبير للانسانيه كون امريكا التي استرقت الافارقه وكان فيها حتي منتصف الستينات مطاعم مكتوب عليها بالخط العريض " ممنوع اصطحاب الكلاب والعبيد"
ان يتطور فيها الفكر الانساني الي ان تختار بكامل حريتها اسود ليحكمها وان يفوز هذا الاسود فوزا كاسحا بهذا الشكل فهذا في تقديري نقله نوعيه في الفكر الانساني وهزيمه للعنصريه
| |
|
|
|
|
|
|
|
|
|
Re: كدي بلاي دقيقة ... (Re: Omar Bob)
|
تمبا سلام
ما مرت عليك لحظات وانت بتشاهد فى مباريات كاس العالم,,,
تحاول تشجع اقرب فريق ليك فى السحنة
تبدا كاعادة بالكمرون,,او المغرب او السنقال’’
وتحلم معهم,,ثم يخرجون من دورى ال16
ثم ثم تبحث عن البرازيل,,,وتتمايل مع زنوجها,,,
طبعا فى سودانين بشجعو البرازيل من اول وهلة
لانهم ضامنها بتصل,,
اها ياخوى بالضبط كدا نتعامل مع السياسة,,,
الزول بشبهنا ,,,ولقينا اولاد الخالة بشجعو فيه,,
لكن مسعول من الخير,,,انت دينق دا جمهورى
الى الان لم يدلى بصوته
ودمت
| |
|
|
|
|
|
|
|
|
|
Re: كدي بلاي دقيقة ... (Re: abuguta)
|
Quote: امريكا دوله تحكمها المؤسسات لذا التغيير الذي يحدث بتغيير الرئيس قد لا يكون ملحوظا فالرئيس الامريكي - اي رئيس - يضفي فقط شخصيته علي السياسات - الا في حالات نادره حيث تؤثر شخصيه الرئيس الطاغيه حتي علي السياسات المرسومه
فرحي لفوز اوباما لا لانني ارجو منه تغييرا ولكني اعتبر فوزه انتصار كبير للانسانيه كون امريكا التي استرقت الافارقه وكان فيها حتي منتصف الستينات مطاعم مكتوب عليها بالخط العريض " ممنوع اصطحاب الكلاب والعبيد"
ان يتطور فيها الفكر الانساني الي ان تختار بكامل حريتها اسود ليحكمها وان يفوز هذا الاسود فوزا كاسحا بهذا الشكل فهذا في تقديري نقله نوعيه في الفكر الانساني وهزيمه للعنصريه |
الله يمتعكـ زي ما متعتني يا عمر بوب ...
ويا بكري أبوبكر ( إن شاء الله حتي الهكر ) تعال شيل السطرين الفوق ديل ولصقم في الفراغات الموجود في كلمة سوانيز أون لا ين الفوق دي ...
ريحني تمبس في حنان حناني لأني من الصبح ميت "دهشة" ...
وريحني عمر بوب أكتر بي (بروفايل ) الرئيس الأمريكي الفوق ده
هـــــــــذا ما يهمني كمبدأ ... باقي الفتاوى ... مجرد وهم
| |
|
|
|
|
|
|
|
|
|
Re: كدي بلاي دقيقة ... (Re: عمران حسن صالح)
|
| Quote: هـــــــــذا ما يهمني كمبدأ ... باقي الفتاوى ... مجرد وهم |
...| Quote: الله يمتعكـ زي ما متعتني يا عمر بوب ... |
.. والله يا عمران بعد الكلام الكتبو عمر بوب حقو في ناس كدا تاني ما تتكلم في موضوع اوبـاما دا .. لانو الفرق شاسع ما بين السما والأرض ..
بالمناسبة:
إنت شنو الحاصل في موضوع العضــل دا ..؟
أوبـاما لابس تش شيرت ومطلع لينا عضلاتو ..
وقالو عين ليهو واحد في البيت البيض اسمو رامبــو .. قالو بيلعب (كـــراتي) يعني نحن ناس العالم (ماينص التالت) ديل .. نجيب ( بدينقاتنا) ونبقى مارقين واللا كيف ..؟
دي النجيضة ذاته وبتعزز الفكرة بتاعت امريكا روسيا قد دنا عذابهـا ..
روسيـا راحت فيها .. باقي لينا ناس كوستاوي وصبري الشريف .. وإلخ
| |
|
|
|
|
|
|
|
|
|
Re: كدي بلاي دقيقة ... (Re: abuguta)
|
Quote: لكن مسعول من الخير,,,انت دينق دا جمهورى
الى الان لم يدلى بصوته |
ابقوتة ياعمك...
والله تكون دى نشوة الفرح ....منتشى جنس إنتشاية
| |
|
|
|
|
|
|
|
|
|
Re: كدي بلاي دقيقة ... (Re: abuguta)
|
Quote: تمبا سلام
ما مرت عليك لحظات وانت بتشاهد فى مباريات كاس العالم,,,
تحاول تشجع اقرب فريق ليك فى السحنة |
سلامات يا باشمهندس ..
والله لوقت قريب جدا كنت شغال بالفكرة دي .. لكن بعد مااللاعب الطلع العلم الاسرائيلي وقام جاري بيهو بعدما جاب القوون .. وحيات ابتسامتك ختيت خطين تحت التشجيع .. والسحنات دي .. بلا دركبه بلا صمويل ايتو .. الجماعة ديل الواحد مجرد ما ليبيا تفتح معاهو .. يقوم يتطنقع ليك حتى على ناس الحلة بتاعنو تقول لي شنو..؟
Quote: تبدا كاعادة بالكمرون,,او المغرب او السنقال’’
وتحلم معهم,, ثم يخرجون من دورى ال16
ثم ثم تبحث عن البرازيل,,,وتتمايل مع زنوجها,,, |
لا والله يا هندسة .. ما للدرجة دي .. أنا عندي البرازيل والهلال لسببين ..
البرازيل مما عرفت حاجة اسمها كورة عالمية وعيت على البرازيل ..
والهلال لانو أنا من فصيلة اصحاب الدم الأزرق بي ابيض ..
ما دون ما نفتهم اعلاه .. بيدخل لدي في مصاف الترفيه والتسلية .. لا العقيدة والانتماء يعني كان فاز الفريق والله بفرح ليهو وكان اترشه ما بيهمني كتير .. يعني زي ما تقول كدا بايع المسالة دي .. Quote: اها ياخوى بالضبط كدا نتعامل مع السياسة,,,
الزول بشبهنا ,,, ولقينا اولاد الخالة بشجعو فيه,,
لكن مسعول من الخير,,,انت دينق دا جمهورى
الى الان لم يدلى بصوته |
أها يا هندسة أولاد الخالة فرزو العيشة مما الزول دا جا الأول. بقو الراجل كان قحـه يجو يقولو ليك الليلة أوبامــا قحه يا وزير الصحة ..
| |
|
|
|
|
|
|
|
|
|
Re: كدي بلاي دقيقة ... (Re: Omar Bob)
|
| Quote: فرحي لفوز اوباما لا لانني ارجو منه تغييرا ولكني اعتبر فوزه انتصار كبير للانسانيه كون امريكا التي استرقت الافارقه وكان فيها حتي منتصف الستينات مطاعم مكتوب عليها بالخط العريض " ممنوع اصطحاب الكلاب والعبيد"ان يتطور فيها الفكر الانساني الي ان تختار بكامل حريتها اسود ليحكمها وان يفوز هذا الاسود فوزا كاسحا بهذا الشكل فهذا في تقديري نقله نوعيه في الفكر الانساني وهزيمه للعنصريه |
تشكر يا بــوب يا واعي على الفرحـة الواعية ..
دي فرحة واعية جدا يا بوب فرحة لم تتخللها انتظارات تصفية حسابات أو معاملة بالمثل .. كما فرح بعضهم وهلل بعقدة اللون في انتظار أن يغير رجــل ميزان العالم فقط لكونه اسود ودخل البيت الأبيض محمولا على اكاليل الزهـور ..
| |
|
|
|
|
|
|
|
|
|
Re: كدي بلاي دقيقة ... (Re: tmbis)
|
تمبس ..
شكلك ضد التغير !!!
بس انا في قمة السعاده اليوم .. ,,,,,اليوم الاربعاء 5-11-2008 ..
بالله شوف المصادفه ..
وضعت حرمنا المصون بنوته زي الورد .. فجر هذا اليوم
نستنا والولايات المتحدة كلها
| |
|
|
|
|
|
|
|
|
|
Re: كدي بلاي دقيقة ... (Re: Shamael Elnoor)
|
السلام عليكم ناس البوست
أنا لي يومين محل ما اقبل في الفيسبوك ألاقى ليك كل الفرد السودانيين رافعين شعارات مناصرة لأوباما
طلعت منهم اتنين قاعدين في أمريكا وقلت ما برضك بلدهم (النمرة كم ماعارف)
بس الباقين
التاكلين هنا ومتصورين معانا
انا عذرت ناس كينيا كون ولدهم فاز و هم بقو الولاية الثانية والخمسين
بس ناسي ديل مالهم؟ ما فهمت؟
قلت اجي أقول الكلام ده هنا بس بصراحة خفت
قلت يطلعوني مع ماكين وللا حاجة و دي اخير منها يقولو جرقاس الشنو مابعرف داك
بس بجد
لو طلع أنو نحنا السودانيين ديل ح نستفيد شنو بالله كلموني سريع سريع عشان ألحق أشارك و أرسل لي برقيه تأييد
ينولنا من الحظ جانب
..
| |
|
|
|
|
|
|
|
|
|
Re: كدي بلاي دقيقة ... (Re: Salahaldeen Nadir)
|
Quote: انا عذرت ناس كينيا كون ولدهم فاز و هم بقو الولاية الثانية والخمسين
بس ناسي ديل مالهم؟ ما فهمت؟ |
ناسك ديل يا صلاح كونياك اكتر من الكنيين ديل .. حسع عليك الله لاقاك كيني يا كينية متصورين مع أوبامـا دا ..؟
ياخ قول لاقاك (واحد وواحده) (متصور ... متصورة) مع أوباما شفت ليك واحد فيهم يا واحدة طابع صورتو في الفنلة بتاعتو ورسله لي اهلـوو وقال ليهم أنا في أمريكا متصور مع الرئيس القائد ..؟
اشك في ذلك .. | Quote: لو طلع أنو نحنا السودانيين ديل ح نستفيد شنو بالله كلموني سريع سريع عشان ألحق أشارك و أرسل لي برقيه تأييد |
اسالني دبل يا صلاح .. برقية ما ترسله يا اخوي .. لو عندك كلام عايز تقولو قولو هنا دا .. وح يشيلوهو يودوهو لي اوبامـا بعدين في البيت الأبيض .. يقولو ليهو الكلام دا كاتبو ليك صلاح وبيسلم عليك ..
شفت كيف يا صلاح ..؟
| |
|
|
|
|
|
|
|
|
|
Re: كدي بلاي دقيقة ... (Re: Shamael Elnoor)
|
| Quote: تكمن الفرحة فى ان اوباما اول رئيس اسود لامريكا،، نحن سعدنا بخبر الفوز ونتفاءل لكن بتحفظ |
.. الشهيدة شمايل:
كيف الاسبلت بتاع المرة الفاتت معاك بلاي ..؟
أول رئيس اسود لي أمريكا دي ما شايفاها فرحـة ملونـة يا شمائل..؟ يعني بالطريقة دي الناس البيض العندهم حساسية مع الالوان والقاعدين في البيت الأبيض جـوه ممكن عاااادي فرحتكم دي يبلعوكم ليها بعد شهر شهرين ..
مش احتمال وارد ..؟
أنا بتفق معاك في التحفظ دا .. واضيف عليهو عدم الأفراط .. علشان بعدين ما نرجع لي العادة البايخه بتاعت يا فرحة ما تمت والاكلشيهات دي..
| |
|
|
|
|
|
|
|
|
|
Re: كدي بلاي دقيقة ... (Re: عبدالله كع)
|
Quote: تمبس ..
شكلك ضد التغير !!!
بس انا في قمة السعاده اليوم .. ,,,,,اليوم الاربعاء 5-11-2008 ..
بالله شوف المصادفه ..
وضعت حرمنا المصون بنوته زي الورد .. فجر هذا اليوم
نستنا والولايات المتحدة كلها |
العزيز كــع ..
أولا الف مبروك البنوته الاوبامية .. ح يوثق ليها في التاريخ كحدث فريد في نوعو ..
المتزوج بت خالتنا بعثي على السكين .. اجتياح صدام للكويت الول في سنة تسعين فجر الاقتحام جابو ليهو ولد .. قام طوالي بدون ما يشاور أي زول سماهو صدام .. وحسع دي اتكسر ليهو الدش في يدو والولد فعلا طلع صدام جنو دموم .. لكن ما زالت لحظات ميلادو وما صاحبه من تفاصيل عالقة بالزاكرة .. كانها اليوم.
أنا ما ضد التغيير يا عبد الله .. بالعكس الديناصورية في تفاصيل زي دي ما حبابه لكن في نفس الوكت شن فائدة التغيير لو كان بيحمل نفس الجينات الوراثية ..؟
طبعا ما ح تكون ورطت نفسك واقنعت المدام إنو البنية دي تسميها ميشيل .. يا اوبــرا والله لي قدام تشوف ليك جنس ورطـة .. مع الكيته الحاصلة اليومين دي ..
| |
|
|
|
|
|
|
|
|
|
Re: كدي بلاي دقيقة ... (Re: tmbis)
|
سيد البيت
سلام
والله ضحتني دي ضحك لمن
Quote: تبدا كاعادة بالكمرون,,او المغرب او السنقال’’
وتحلم معهم,,ثم يخرجون من دورى ال16
ثم ثم تبحث عن البرازيل,,,وتتمايل مع زنوجها,,,
طبعا فى سودانين بشجعو البرازيل من اول وهلة
لانهم ضامنها بتصل,,
اها ياخوى بالضبط كدا نتعامل مع السياسة,,, |
ودة كمان برضو
لكن بصراحة انا فرحانة بسببي براي
اوقل ليه ولا قريته في حتى تانية
Quote: اجل باستطاعتنا نحن االفقراء المستضعفين المهمشين المسلوبي الحقوق الانسانية
باستطاعتنا بايماننا بمقدرتنا على التغيير والعمل من اجل ذلك
باستطاعتنا نحن نساء العالم ان نغير ايضا من واقعنا الذي نرفضه ليكون العالم مكان للجميع وليس حكرا للذكور فقط
اجل بامكاننا yes we can
بالتاكيد سعدنا للخبر
بالتاكيد باراك اوباما لا يحمل عصا موسى للتغيير ولكنه اعطانا دروسا قيمة هو والشعب الامريكي المؤيد له دروس قيمة بالايمان والامل والعمل من اجل التغيير الذي ننشده.
التحية والتهئة للانسانية جمعا ولباراك اوباما وللشعب الامريكي ولكل الديمقراطييين /ات في العالم
في درب التغيير سائرون
نحن فقراء العالم
نحن نساء العالم
وحتما سيحدث التغيير
الذي شهدته المراة الممسنة السوداء التي استطاعت ان تعبر على رايها بالانتخاب في انتخابات 2008 بعد ان كانت محرومة من هذا الحق من جانبين لكونها سوداء ولكونها امراة
تحياتي وفرحتنا تكتمل بفرح الانسانية و عالم تسوده قيم السلام والمصالح المشتركة بدلا عن الحرب واقصاء الاخر
صفية |
yes we can
| |
|
|
|
|
|
|
|
|
|
Re: كدي بلاي دقيقة ... (Re: Safia Mohamed)
|
Quote:
السلام عليكم ناس البوست
أنا لي يومين محل ما اقبل في الفيسبوك ألاقى ليك كل الفرد السودانيين رافعين شعارات مناصرة لأوباما
طلعت منهم اتنين قاعدين في أمريكا وقلت ما برضك بلدهم (النمرة كم ماعارف)
بس الباقين
التاكلين هنا ومتصورين معانا
|
الأخ تمبس والأخ صـلاح الدين نادر ولـكل المتداخلين والمتداخـلات ســلام.
وبمـا أن الارض كـلهـا أرض الـلـه فـان اميريكا صـارت وطـنا الثانـى.
معلوم ان المدينه المنوره اصبحت وطن ثـاني للرسـول صلى الـلـه عليه
وسـلم بعـد مــكه.
اميركا بـلد طيبه ورغــم حضـورنا لـهـاكـلاجئين مضـطهـدين مـن قـبل
حـكومة بـنى جـلدتنا الا أنـهـا آوتنا ومنحنا دسـتورها المشــاركه الكامله
فـى الانتخابات, ليس بالتصـويت فـقـط بـل كضـباط انتخـابات (ELECTION JUDGE )
شـاركت شـخصيا كضـابط انتخابات فـى محافظـة منتقمري بولاية ميريلاند ومارسـت حـقي
فـي الاخـتراع في هـذه الانتخابات والتي سـبقتها لعـدة سـنوات ..يـا لـهـا مـن متعه.
لكنها متعه يتخللها فـي بعـض الأحيان نـوع من الكدر عندما أتذكر السـودان, وأقول
أيـن وطـني الأم الســودان مـن كـل هــذا؟
كسـودانيين امريكان مـن المشـاركين عـمليا لفوز اوباماحـسـب الحــق الذي منحنا لــه الدستور الأمريكي ومبسـطين جـدا لذلك.
بـس لدي ســؤال
مـا مـدى مـشـاركـة الأخـوه السـودانيين والمقـيمين فـى دول الأغـتراب فـى
اخـتيار حــكام البـلاد الـتى يقيمون فـيهـا؟؟
اريــد اجـابه لـهـذا السـؤال تحــديدا.
| |
|
|
|
|
|
|
|
|
|
Re: كدي بلاي دقيقة ... (Re: ABDALLAH ABDALLAH)
|
الاخ عبدالله عبدالله
وكما قلت سابقا
الموضوع بالنسبة لي
لا يعدو كونه خبر عن دوله بعييييييده
ماعندي ليه غير التعجب (والله الخواجات ديل صوتوا و فرزوا و فوزوا في يوم واحد)!!!
مواطني الولايات المتحده الامريكية هم المعنيين بالأمر وهم الشي وأسياده
نحن ومن (لف لفنا) مال اهلنا؟ نشيل ونشجع مانشستر يونايتد و نحمممبك لو إتغلب و نقول لو فيرجسون كان دخل كريستيانو من الشوط الأول ماكان و كان!!
مامدى تأثير خروج تشلسي من دوري الأبطال على نادي جزيرة التمساح؟
الاخ عبدالله (انتو) عندكم مارادونا ... ... ونحن ناسنا ديل مرضونا !
| |
|
|
|
|
|
|
|
|
|
Re: كدي بلاي دقيقة ... (Re: ABDALLAH ABDALLAH)
|
Quote: بـس لدي ســؤال
مـا مـدى مـشـاركـة الأخـوه السـودانيين والمقـيمين فـى دول الأغـتراب فـى
اخـتيار حــكام البـلاد الـتى يقيمون فـيهـا؟؟
اريــد اجـابه لـهـذا السـؤال تحــديدا. |
يريد إجابة لـهـذا السـؤال تحــديدا:
Quote: اميركا بـلد طيبه ورغــم حضـورنا لـهـاكـلاجئين مضـطهـدين مـن قـبل
حـكومة بـنى جـلدتنا الا أنـهـا آوتنا ومنحنا دسـتورها المشــاركه الكامله
فـى الانتخابات, ليس بالتصـويت فـقـط بـل كضـباط انتخـابات (ELECTION JUDGE ) |
.. وعلشان هو بقى ضابط انتخابات يف امريكاعايز اجابة سريعة جدا ..
ضابط انتخابات ما عارف كوع اللجوء السياسي من بوووع التعاقد .. راس الهجــرة من قعر الدراسة .. بس المهم عايز اجابة لسؤاله وكمان تحديداً.
معانا ناس في البورد دا .. قاعدين في أمريكتك الفرحان بيها إنك بقوك (فوكه) ضابط انتخابات دي .. ليه ما سالت نفسك عن مدى مشاركة الناس ديل في الانتخابات من عدمو .. مع العلم إنو فيهم ناس قاعدين (ليقال) وبشكل قانوني وبيدفعوا كمان .. يعني قاعدين بي حقهم .. زي ما نحن قاعدين بي حقنـا في دول الاغتراب .
بعدين تعال هنـا يا ضابط الانتخابات واللا يا ضابط السجــن إنت ..؟
ياخ أنا مالي ومال اختيار حكام البلاد ..؟ عنهم ما اختارو .. يعني أكان ما اخترت حاكم البلد .. معناته دي حاجة كعبه ..؟
إنت بقيت ضابط انتخابات أنا القدامك دا عندي الشهادات بتاعت الكشافة وأنا صغير .. ممكن اقدمه ليهم وابقى رئيس مجموعة وامشي الحج .. اكون سايق لي مجموعة .. واديهم تعليمات واضحة واوقفم حزية .. ويتحركوا على الوصل معتدا مارش .. واحد اتنين تلاتة وخبطة على الأرض واحد اتنين تلاتة وخبطه على الأرض .. وان يادوا التحية الكشفية بشرف ويهتموا بمساعدة الغير ..
كدا برضيك يعني ..؟
مش كل زول بي قدرتو ..؟
خالد بحـر يقول ليك اضغطوهم علشان يغيرو نظام الحكم .. ويجيك عبد الله مرتين دا .. يقول ليك جاوبو لي بسرعة انا ضابط انتخابات أمريكي ..
يعني حسع دي الواحد يبطل ريالات .. ويمشي يشيل ليهو لافته يقعد بيها في حراج بن قاسم يطالب بي حقو في الانتخابات الجاية .. واختيار الرئيس ..
بعدين في حكومات ملكية في البلدان متوارثة وتسلم فيها مقاليد الحكم وفق برنامج محدد .. يعني حسع دي نبطل المسالة دي ونقول ليهم عبد الله ضابط الانتخابات قال ليكم شركونـا معاكم..؟
يعني حسع دي لو كنت في بريطانيا العظمى لازم اجيب فيش وتشبيه مش كدا؟؟ | Quote: شـاركت شـخصيا كضـابط انتخابات فـى محافظـة منتقمري بولاية ميريلاند ومارسـت حـقي فـي الاخـتراع في هـذه الانتخابات والتي سـبقتها لعـدة سـنوات ..يـا لـهـا مـن متعه. |
يا بوي تستمتع وتضحك لي آخـر ضرس دي حاجة بترجع ليك .. لكن ما تفتي في حاجة ما ليك بيها معرفة .. يعني بي صورة أوضح لو غنت اساسا متكيف بي أنك ضابط انتخابات يا ضابط ايقاع في غيرك دي ما لافقه معاهم القصة دي .. والبتوفر ليك ما قاعد يتوفر لي غيرك والبتوفر يل غيرك ما بتوفر ليك .. ووضعك المتكيف منو دا وفرحان بيهو .. ما بيدخل في مصاف اهتمامات البعض وأنا منهم .. لكن قطعا وبدون شك اللاقيهو انا أو اللا قيهو غيري وبالرغم من عدم تصويطم دا .. احسن بمليار سنة ضوئية بما تجــده إنت او غيرك ، ولو بتفتكر إنو امريكا دي لمتك بعدما الحكومة شردتك أو النغمة بتاعتكم دي .. برضو البلدان العربية دي لمت مليون واحد اتشرد واتسجن .. إلخ وفتحت ليهو من المجالات ما لم تفتحه اي من البلدان الأخرى .. اقلاهـا عايش بيمارس حريتو ما اتحبس ليهو في معسكر خمسة ستة سنوات .. إلخ من المنوالات اللي هي اساسا ما موضوعنا ..Quote: بـس لدي ســؤال
مـا مـدى مـشـاركـة الأخـوه السـودانيين والمقـيمين فـى دول الأغـتراب فـى
اخـتيار حــكام البـلاد الـتى يقيمون فـيهـا؟؟
اريــد اجـابه لـهـذا السـؤال تحــديدا. |
يريد اجابة لسؤاله .. لانه ضابط انتخابات ..
طيب شفت لما يعينوك سيناتور وتترشح زي أوبامـا دا .. أنا القدامك دا ح ارشح نفسي في دائرة (سكاكــا) يا بلدية (حفر العتش)..
بتعرف حفـر العتش دي وين .. واللا ضابط انتخابات ساكت إنت ..؟
أنا ما عندي فكرة عن محافظة (أم قمري) حقتك دي وإنت لا تعرف شئ عن (سبت العلايــا).
قال ايه .. اريد اجابة ..
عليك الله تعال احكي لينا فلم ابي فوق الشــدرة..
| |
|
|
|
|
|
|
|
|
|
Re: كدي بلاي دقيقة ... (Re: Safia Mohamed)
|
yes we can ايوة يا صفية .. ممكن وبنقدر
لكن ما بتتفقي معاي أنو القدرة زاته ليها حدود ..؟ وكل مرحلة بتحتاج لي آليات وشغل محدد ..
| Quote: بالتاكيد باراك اوباما لا يحمل عصا موسى للتغيير ولكنه اعطانا دروسا قيمة هو والشعب الامريكي المؤيد له دروس قيمة بالايمان والامل والعمل من اجل التغيير الذي ننشده. |
| |
|
|
|
|
|
|
|
|
|
Re: كدي بلاي دقيقة ... (Re: tmbis)
|
الاخ تمبس تحياتى.
والله يا اخى كلنا فرحنا لفوز اوباما. ربما يكون ذلك بسبب الدافع السيكولوجى او العقل الباطن الذى يدفعك فى كثير من الاحيان الى تشجيع الملاكم او المصارع الاسود او الضعيف.
انا شخصيا ارى اوباما قنبلة موقوتة ستنفجر فى وجهنا لان اميركا تحكمهاالموسسات او ستفجر فى وجه الامرياكان انفسهم اذا خرجت الامور عن اليد.
لسنا عنصريين ولا ندعو لعنصرية لكننا ضد حملة لواءالعنصرية فى هذا المنبر المنتظرين اميركا او اوباما لتحرير السودان.
كل الود.
| |
|
|
|
|
|
|
|
|
|
Re: كدي بلاي دقيقة ... (Re: Fawzi Babiker)
|
Quote: انا شخصيا ارى اوباما قنبلة موقوتة ستنفجر فى وجهنا لان اميركا تحكمهاالموسسات او ستفجر فى وجه الامرياكان انفسهم اذا خرجت الامور عن اليد.
لسنا عنصريين ولا ندعو لعنصرية لكننا ضد حملة لواءالعنصرية فى هذا المنبر المنتظرين اميركا او اوباما لتحرير السودان. كل الود. |
سلامات يا فوزي ..
عامل كيف..؟
يا فوزي كلامك عن القنبلة دا صحيح .. اي تحول غير طبيعي في مكان زي دا بتصاحبو سلبيات وايجابيات شديدة .. النازية لم تتحرر منها المانيا بعد .. موجات اغتيالات اللون في جهات عديدة في العالم ما زالت غامضة .. للعنصرية عدة اوجـه .. أن يكون الطريق ممهدا ومفروش بالورد داخل البيت الأبيض للقادم الجديد من أجل التغيير وفق نوايـا أقليات يقال عنها وافدة .. بالمفهوم الأبيض .. لا اعتقد انه يتم بالسهولة التي يتخيلها البعض .. وسيبقى الحال كما هو عليه لفترات طويلة .. ومؤشر القنبلة الموقوته في الوضع التنازلي ..
من ناحية أخرى .. وما يعول عنه انصار اوباما في تغيير سوداني .. لا اعتقد ان الحديث الان عنه مجدي لكن الأمنيات دائما مشرعة .. والاحلام متاحة عند النوم أو أوان اليقظـة..
| |
|
|
|
|
|
|
|
|
|
Re: كدي بلاي دقيقة ... (Re: tmbis)
|
سلامات يا تمبس
كيفك ...
والله تجدنا سعداء لان لاول مرة رجل من اصل افريقى يحكم امريكا ..
هذا انتصار للديمقراطية ...
اتمنى ان يحصل فى السودان ...
ولا انت رايك شنو ؟؟؟؟
| |
|
|
|
|
|
|
|
|
|
Re: كدي بلاي دقيقة ... (Re: عاصم ابوبكر حامد)
|
Quote: والله تجدنا سعداء لان لاول مرة رجل من اصل افريقى يحكم امريكا ..
هذا انتصار للديمقراطية ...
اتمنى ان يحصل فى السودان ...
ولا انت رايك شنو ؟؟؟؟ |
يا عاصم العجب وغريب..
كيفنك..؟
يا ابوي ديمقراطية دي شعرا ما عندك وما عندي ليهو رقبة .. كلمنة ديمقراطية دي ما تفكها لي ساكت كدا لما تكتبه لصق لي معاها طوالي ديكتاتورية الاتنين ما بنفصلو من بعض .. البتاخد في عالم السياسة باليمين .. بيسترجع باليسار ..
إنتو الآن سعداء لكن السؤال البطرح نفسو .. هل طيلة الفترة الكنتو محكومين فيها بواسطة الرجل الأبيض كنتو تعساء للدرجة البتخليكم تفرحوا بالطريقة دي ..؟
اها
المرحلة القادمة شنـو..؟ برضو ح ندخل في جلابة أمريكــا والعبيد البيض ..؟
أنا رائي أن تمدوا رجلينكم على قدر لحافكم وخليكم من الجلابة المستوردين .. المحليين ديل احسن ليكم.
| |
|
|
|
|
|
|
|
|
|
Re: كدي بلاي دقيقة ... (Re: tmbis)
|
تمبس
سلامات ومشتاقين ..
خليك من سياسة أمريكا الثابتة والمعروفة الما بتتغير دي ..!!!
بس بالله عليك كنت بتتصور يجي يوم رئيس لأمريكا إسموا ( باراك حسين أوباما ) ؟؟؟
ياخي أنا متخيل القيامة تكون قربت بعد دا ..
تخريمة أولى :
جاء في متن الكتاب الأخضر .. السود سيسودون العالم !!!!
تخريمة تانية :
معتصم دفع الله حيجي متين ...
وشكرا ليك ..
| |
|
|
|
|
|
|
|
|
|
Re: كدي بلاي دقيقة ... (Re: عادل جبارة)
|
عشان نقدر نشارك في البوستات الكتيرة عن اوباما في سؤال لازم نلقى ليه اجابة :
اوباما هلالابي ام مريخابي ..
كدي لاقتك دي يا تمبس ؟؟
غايتو كان هلالابي من بكرة بندخل على البشرية دي ..
طبعا وصلوه انو من اصول سودانية يعني بكرة حا نتوقعو جلابي ...
| |
|
|
|
|
|
|
|
|
|
Re: كدي بلاي دقيقة ... (Re: علاء الدين حيموره)
|
| Quote: اوباما هلالابي ام مريخابي .. |
| Quote: طبعا وصلوه انو من اصول سودانية يعني بكرة حا نتوقعو جلابي ... |
يا علاء ... مفترض تكون مفتح اكتر من كدا .. طالما أنو أوبامـا مهمش والمهمشين نصبوهو رسول .. كيف عايزو يشجع ليك الهلال أو المريخ .. وديل اتيام بتاعات مركز .. الكلام دا طوالي معناتو استلاب ..
غايتو انا بديك فرصة تجيب ليك لستة بتاعت فرق مهمشة وتختها لينا بالترتيب الاهمش فالاهمش فالاهمش ..إلخ
حتين بعداك انا اجاوب ليك عن السؤال بتاعك دا والله يرضى عليك يا علاء تاني ما تجيب لينا اسئلة صعبة زي دي ..
| |
|
|
|
|
|
|
|
|
|
Re: كدي بلاي دقيقة ... (Re: عادل جبارة)
|
عادل جبارة سلامات .. وكيف أمورك؟؟
Quote: بس بالله عليك كنت بتتصور يجي يوم رئيس لأمريكا إسموا ( باراك حسين أوباما ) ؟؟؟
ياخي أنا متخيل القيامة تكون قربت بعد دا .. |
,, والله عادي جدا أنا متخيل سيناريوهات اكتر من كدا .. لسه الجاي كتير..
من ما كينيدي اتناش بي رصاصة وراح فيها من سنوات بعيدة ولحدت الآن في بلد كشف الجريمة والـ CIA والـ FBI والشنو وشنو ما عارف .. مافي زول عايز يقول بغم ..
من ما كلينتون عمل حركتو البايخه ديك مع مونيكــا في البيت الأبيض وشالو هدومو وباقي الحاجات حقته ولقو فوقه الثابته كزول رئيس دولة عظمى ما قادر يتخلص من النزوة الغريبة دي .. أو يشوف ليهو اي خرابــة يمشى ليها بعيد عن رمز الرئاسة ..
من ما ما لكوم اكس .. ومحمد علي كلاي .. وجونسون .. وتايسون وكارلويس اصبحوا عظماء سود من عمق المعاناة والاحياء الفقيرة .. هتف لهم البيض على أعلى المستويات ..
من ما طيارات مدنية تضرب العمق الأمريكي والبنتاغــون .. عينك يا تاجر..
دا كلووو القيامة ليه ما قامت يا عادل ..؟
تغيرات الشكليات ساهل جدا .. لكن هل يمكن أن تتغير الثوابت وخاصة أنو دي اكبر لعبة سياسة في العالم ..؟
تخريمة أولى ..لو دا الكتاب الأخدر حق الليبي معمر .. الزول دا ما مضمون احتمال كبير ينط من كلامو وبكرة القريبة دي يشطب الكلام دا ..
تخريمة تانية.. معتصم دفع الله حمدو في بطنــووو يا عادل ..
| |
|
|
|
|
|
|
|
|
|
Re: كدي بلاي دقيقة ... (Re: tmbis)
|
المحترم تمبس
أهنئكم بفوز أوباما الكاسح على مكين ، فقد قالت الهرة في زمان سابق قولاً جامعاً كل المعاني أشتهي أن أرى ..... ولا ..... يراني (بالمناسبة النقط دي قدر بعض بالضبط يعني ما تعمل فيها تفتيحه وتطلعني غلطان ولا أقول ليك أعمل ليها زوووووم وعدها ومحل رهيفه تنقد.
وما دمنا جبنا سيرة الرهيفة والقدود لابد أن نضيف أن الفائق بهمز أمو ، وأمو يمكن أن تقرأ على أنها ضرب من ضروب الصابون خاصة وأنني أقف عاجز عن تشكيلها بالشكل الذي ينبغي.
أنا معاك إنو الكورة أخير والموسيقي أكثر خيراً وبصراحة أخوك دايش وما ناقش وكنت قايل نفسي تفتيحه وطلعت أي كلام أنا ، تصور فكيتها في نفسي وقربت أفكها في أولادي لولا أن ألهمني الله الصمت ، أنا قايل أوباما ده بلعب سله في ديترويت بستونز تصور كديسه بخمسة أرجل وضنبين. يا أخي للناس في ما يعشقون مذاهب وبعض العشاق هنا يمارسون دورهم على المذهب الأوبامي الباراكي فليهنأوا بفوز فريق برشلونه على ريال سرقسطه في كأس سيكافا وليفرحوا بالنصر المؤزر للديمقراطية بسوق الناقه والتي لا ناقة لنا فيها ولا عقال بعير ولا عتوت حتى. لكن لا تنسي أن الإهتمام بمثل هذه الأحداث يرفعكم لمقام الإستنارة فتكون مستنيراً حتى لو الكهرباء بح والحال كذلك أصبح ليل المنتدى نهاراً بفضل ثلة من مناصري أوباما في منتدانا هذا والذين كان لهم دور لا يقل عن الذين إقترعوا في ولايتى كالفورنيا وكافوري
والسؤال الذي يطرح نفسه ويذهب أبعد من ذلك فيطرح جميع أنصار بارك أوباما أرضاً ، ماذا بعد ؟
| |
|
|
|
|
|
|
|
|
|
Re: كدي بلاي دقيقة ... (Re: almulaomar)
|
في كأس العالم 2006
وبعد ما حفلة استلام الكاس خلصت
طلعت مع الشباب نتعشى... ياخ أول مرة أعرف أنو السودان ده ملان طليان بالكوم
شفت ليك شباب كميات لابسين فنايل أيطاليا و الراكبين عرباتهم و ملوحين بعلم إيطاليا !!
وعلى العليه الشباب قالو شنو؟ قالو يتعشو بيتزا !! بالله شوف
أنا ك فرنسي غيور أبييييييت و قلت ليهم
باقيت فرنسا و لا بيتزا إيطاليا واكيد أكيد
ما لالوب السودانيين !!
!
| |
|
|
|
|
|
|
|
|
|
Re: كدي بلاي دقيقة ... (Re: Salahaldeen Nadir)
|
Quote: ياخ أول مرة أعرف أنو السودان ده ملان طليان بالكوم
شفت ليك شباب كميات لابسين فنايل أيطاليا و الراكبين عرباتهم و ملوحين بعلم إيطاليا !! |
.. دي حاجة عادية يا صلاح الدين .. ياخ عندي عمي برازيلي هلالابي من قبال ما يلدوني والغريبة انو يوم مباراة الهلال مع المريخ بيربطوهو في كراع السرير .. واي فاينال لعب فوقو البرازيل برضو كان مربوط اقول ليك حاجة..؟
أخير عمي دا عندي خالي دا في تمارين الهلال قاعدين يربطوهو في الدرابزين في الاستاد.. | Quote: وعلى العليه الشباب قالو شنو؟ قالو يتعشو بيتزا !! بالله شوف |
.. لا دي واسعة شوية يا صلاح .. دا استلاب اوبامي عديل كدا .. وما ليهو اي علاقة باللالوب ولا الحرجل .. ولا حتى الجردقـة..
| |
|
|
|
|
|
|
|
|
|
Re: كدي بلاي دقيقة ... (Re: almulaomar)
|
سلام يا علاء،
شخصيـا فرحـان لفوز أوبوما، ليس لأنه سيحل مشكلـة الشرق الأوسط غدا، ولا لأنه سيرسل طائرة للخرطوم
تشيل البشيـر وتوديه لاهاى.. ولكن للأسبـاب التاليـة:
أولا: القفزة التأريخيـة فى أمريكـا، بأن يكون رجلا أسـودا رئيسـا للبلاد.. أمريكـا التى لم تسمـح حتى
الستينـات القريبـة، أن لا يجلس أسـود فى مقعـد بص حيث يوجد أبيض واقفا، اليوم يجلس فى مقعـد رئاستهـا
فى البيت الأبيض رجل أســود.. وقد شـاهـدت دموع الرجال والنسـاء ممن عاصـروا حركـة الحقوق المدنيـة،
(الله يستـر ما يجى واحد ناطى ويقول حركة الحقوق المدنيـة بدأت منذ سيدنا سليمان).. دموع الفرح، وهم
يرون أنهم عاشـوا ليشهـدوا حلم مارتن لوثر كنج يتحقق، بل يسيـر على رجلين أمامهم.
هـذه لا تعنى أن الســود إنتصـروا كما يود البعض أن يفهـم، وإنما الذى إنتصـر اليوم هـو ميزان العدل
والحق.. إنتصرت أمريكـا اليوم على نفسهـا وعلى بعض تأريخهـا البعيـد، وعلى تأريخهـا القريب الذى خطته
سياسات بوش الحمقـاء فى الإقتصـاد والحرب حول العالم، وعدم إحترام المؤسسيـة من ضرورة العمل وسط
المنظومـة الدوليـة فى الأمم المتحـدة.
ثانيـا: لقد أثبت أن الشعب الأمريكى قـد لا يستطيـع محاسبـة رؤسـائه وهم فى السلطـة، مهما تظاهـروا أمام
البيت الأبيض ضـد السياسات المختلفـة، ولكنهم يستطيعون إستعمال أمضى سلاح، وهو سلاح ورقـة الإقتراع، التى
لا تعاقب الرئيس فحسب، وإنما تعاقب الحزب ومرشحـه للرئاســة، وأعضاءه فى الكنقرس، لتجاهلهم إياهم طيلة
حكم الحزب ورئيسـه.
| |
|
|
|
|
|
|
|
|
|
Re: كدي بلاي دقيقة ... (Re: almulaomar)
|
مولانــا وملمالتنا عمـر .. ياخي مشتاقين والله
وين الحي بيك ..؟
| Quote: أعمل ليها زوووووم وعدها ومحل رهيفه تنقد. |
بعدما زووومناها حسب توصيات ملتكم .. لقينا انو رهيفتكم دي زاته جبتوها لينا مقدودة ويوزليس وسكندهاند واسكراب وكرته عديل كدا.. والله القدقدة الاتقدقدته الرهيفة دي في بورد بكري دا .. في أم (قداده) ما تتقدقد .. قدود قدر القدود دي .
| Quote: ضرب من ضروب الصابون خاصة وأنني أقف عاجز عن تشكيلها بالشكل الذي ينبغي. |
ما تشكله إنت اكتبه وخلي الباقي علينا نحن بنغسله ونشرها ليك .. مع إنو الواحد عندو حساسية مع الفنيك .. لكن ماف مشكلة ممكن نجيب ليكم كرتونة صنفرة بدل التايد .. ونغني ليك في السيرة ويوم سد المال .. واحدة من روائع اعلانات قنواتنا ..
صابون بدرة ما اعتيادي .. هلا هلا
وشنو كدا ما عارف صلصتو تجنن .. واسالي ناس البيت لو ملاحك يبيت
ونختم ليكم العرض بي رائعة شعبان (عبرحيم) .. وهو وااقف قودام الشدرة
لو عايز(اساس) ومفروشات من عند هلا هااات .. طب اييييييه
خرتوم اتنين أهووو .. بس خلاص ..
ونقوم نقلب الشريط .. إلخ. المهم المسالة في النهاية رغــوة صابون.. | Quote: أنا قايل أوباما ده بلعب سله في ديترويت بستونز |
. والله كان كدا يا ملا أنا اللعب منك .. لاني بعد الشفتو وخلاني افتح البوست دا .. والله انا كنت فاكر القطية بتاعتو المتصور فوقه دي بي قميصو الاحمر الما مسطر والله كنت قايله في (قوقش) يا (أم صونجو).. غايتو كان اتشفتنته وعرفت لي قوقش وامصونجو ديل وين في المليون ميل .. أنا بديك جائزة ومن دربي دا بقطع لي تذكرتين لي السكــا واجي غاشيك تشيل ليك عراقي وسروال وتنزل المخلاية حقتك تديها نفضة وتدرع بدينقتك في ضهرك ، ونمشي نقضي باقي الشتوية دي مع البطاريق وعربات تجرها الرنـة ومدن من البرد تموت حيتانها.. واهو بالمرة ننقلك إلى مصاف العالمية ونصلح ليك ونبيض ليك وشك بالتلج ونثلج ليك صدرك .. برضو بالتلج.
| Quote: والسؤال الذي يطرح نفسه ويذهب أبعد من ذلك فيطرح جميع أنصار بارك أوباما أرضاً ، ماذا بعد ؟ |
بلاي يا ملا يا عمـر حسع دا سؤال محتاج ليهو رتاين وفوانيس وحبوبة ونسيني ..؟ ياخ سؤال زي دا أنا ممكن اطفي ليك النور واجاوب ليك عليهو .. يا اجيب ليك واحد مستنير وواحدة ظلامية يتجاذبو لينا اطراف الحديث لحدت منتصف الليل أو قل الخيط الأبيض من الشنو كدا ما عارف .. بالمناسبة أنا بحب الغروب وبكره عمرو موسى ..
مش على كيفي ..؟
بــس خـــلاص
| |
|
|
|
|
|
|
|
|
|
Re: كدي بلاي دقيقة ... (Re: tmbis)
|
تمبس
| Quote: بالمناسبة أنا بحب الغروب |
سنة يا انا تفصل ؟
الغروب دا ما ياهو ذاتو امريكا
يعني من زمان كان سمعت كلام ناس تراجي
ما كان حصل عليك الكلام دا
| |
|
|
|
|
|
|
|
|
|
Re: كدي بلاي دقيقة ... (Re: tmbis)
|
Dear Tamba
بعد الإستعانة على أسئلتكم بكافة محركات البحث النفاثة منها والتوربيدية والـ manual لم تفلح محاولاتنا في إيجاد معنى واضح أو قريب من قوقش ناهيك عن أم صونجو ، ويقال والعهدة على قوقل أن صنجو هي الرقم ثلاثون باللغة الصينية لكين بدون أم ، أى صنجو بس مشرد ، وأحسب لذكاء فطري مشروم في شخصي الضعيف أن كلا العبارتين هما أسماء في حياتنا لقري أو حلال على مستوى محافظة أم بطناً طويلة وهي لعمرك لا ظهر لها لذلك كثيراً ما تضرب على قفاها وعلى قفا من يشيل.
البغيظ في أوباما أن معظم المحبين الذين مروا من هنا مهنئين وصفوه بالأسود للبيت الأبيض ، وهو لم يكن أسوداً بقدر ما هو ينحدر من أصول أفريقية. وده كلام محطات التلفزة والصحف الأمريكية التي وصلت قريتنا الكائنة.
فالإنسان الذي يفتقر لشئ ربما يجد ضالته في فوز أوباما الكاسح ، وفوز أوباما ليس إنتصاراً للضعفاء فالراجل جامعي وهو خطيب مفوه وحتى لو كان ينحدر من أسرة فقيرة فقد أصبح من الطبقة المتوسطة إن لم يكن برجوازياً وفي النهاية ما يصلح في أمريكا لا يصلح في غيرها ، يعني ديمقراطية أمريكا دي مع ناس سيد بشبش ما من وراها فايده لمن يقول نحنا يا جماعه بي صوت مقروش من الغبار والعطش والزعل ، والجماعه ما يصدقوا يقرصوا للماسك المسجل ويقوم يخت ليك شريط النار ولعت وعييييك رقصة الآذان ما يفكك منها تقول لي أوباسانجو وقائد التمرد الكنغولي رقاصين.
| |
|
|
|
|
|
|
|
|
|
Re: كدي بلاي دقيقة ... (Re: Faisal Elrasheed)
|
| Quote: دي حالتك صلحتها... political يا عمك بوليتكاااااال |
شكراً للتصحيح .... بس قول لى أنا صححّت كتابة العربى ولا الإنجليزى؟
المهم:
ما مناسبة التصحيح المتلفز والمذاع هذا؟
لإبراز العضلات وإظهار مقدراتكم اللغوية ؟
إن كانت هنالك أمر ما ... نعشم بالإفادة حتى لو كان الأمر مجرد Prejudice
إن كان على الأخطاء اللغوية فلا أظن أنك منزّه عن الأخطاء اللغوية ولو قمت بمسح سريع بمداخلاتك لوجدت منها الكثير.
قول لى - والسؤال تقريرى- ياتو طاقية من ديل تناسبك ؟
Those who give too much attention to trifling things become generally incapable of great things – Francois Rochefoucauld
Beware lest you lose the substance by grasping at the shadow – Aesop.
A wise person does at once, what a fool does at last. They both do the same thing only at different times – John Acton.
بالمناسبة قريت وين؟
| |
|
|
|
|
|
|
|
|
|
Re: كدي بلاي دقيقة ... (Re: tmbis)
|
..
.
Quote: الجماعة فرحانين شديد،
تقول أوباما مثلا مثلا كدة،
ح يرفع الحد الأدنى من الأجور فى السودان،
و يوزع عائدات البترول زى عملات عمكم القذافى،،،
غايتو خوف قلبى (على وزن شوف عينى)،
لو ما قبل على السودان أول حاجة،
عشان يجامل حبايبه الصوتو ليهو،
و خلى ريحتنا طيرطير،
جماعتنا ديل ما برعووا،،،،، |
__________
غايتو يا تامبا ..اوباما دا لو ركز على الاقتصاد الامريكى
وسحب القوات من العراق وأمن اسرائيل ..
فى ناس بتجيهم حالة نفسية وزهايمر .. والاجندة بتاعتكم بتتبل موية
| |
|
|
|
|
|
|
|
|
|
Re: كدي بلاي دقيقة ... (Re: tmbis)
|
الاخ/علاء الدين
تحياتي ياحبيب؛
انت عارف ياحبة فوز اوباما الفرحانيين بيهو جماعة الهامش حقننا
زي الزول الدقاهوا واحد عضلاته تبش ؛جا واحد تاني عضلاته تبش تربيع دق الزول العضلاته
تبش ؛اها صاحبنا الاولاني فرح شديد لانو اتسدي دقتو عن طريق الزول العضلاته تبش تربيع.
وطبعا اوباما مثّل ليهم اشواقهم ؛
_____________
بعدين تعال هنا ياخوي ؛كلام اخونا ابوقوته ده فطيتو مالك ؟
Quote: لكن مسعول من الخير,,,انت دينق دا جمهورى
الى الان لم يدلى بصوته
|
ياخي انا عملت دشليون ريفرش عشان اشوف الرد ؛
وتحياتي لناس الرياض .
| |
|
|
|
|
|
|
|
|
|
Re: كدي بلاي دقيقة ... (Re: بشير أحمد)
|
ألاستاذ علاء
لك التحية
تعرف يوم فوز اوباما ........
كل الناس الفى العمل معاى جاين الى مكتبى للمباركة
مبروك ... مبروك و انا اشيل و ارد و فى راسى حاجة تانية
و بعد شوية اسمع ليك اصحابك يسألوا بعضهم البعض " بالعربى"
هو الراجل قريب الطيب و لا شنو؟
طبعا ابن عمو كلهم عبيد امريكا
| |
|
|
|
|
|
|
|
|
|
Re: كدي بلاي دقيقة ... (Re: الطيب رحمه قريمان)
|
تمبس يا عمك
أقول ليك سر ربما أكون أنا الوحيد في هذا البورد على حد علمي الذي عاش الحدث فعلا لكن و الله من قرف الجماعة حلفت بديني لا أكتب و لا أنزل صورة .
ده شنو ديل يا أخي
| |
|
|
|
|
|
|
| |
tmbis
baha eassa
haroon diyab
Mohamed E. Seliaman
العوض المسلمي
اسامة الكاشف
Emad Abdulla
زياد جعفر عبدالله
طارق جبريل
Omar Bob
abuguta
عمران حسن صالح
حسن الجيلى سعيد
عبدالله كع
Salahaldeen Nadir
Safia Mohamed
ABDALLAH ABDALLAH
عاصم ابوبكر حامد
علاء الدين حيموره
almulaomar
عبدالعزيز الفاضلابى
Abureesh
Hassan Makkawi
ASHRAF MUSTAFA
Osman Musa
Tragie Mustafa
حمد عبد الغفار عمر
أبوبكر أبوالقاسم
Faisal Elrasheed
بشير أحمد
الطيب رحمه قريمان
أسامة الفضل
فيس بوك
تويتر
انستقرام
يوتيوب
بنتيريست