هو شكر كان لا بد لي أن أسجله لك في منبر عام حتى يبلغ مقامك الرفيع، فقد أتحفتنا بأغاني الفلاتة والبرتا والنوبة أهل الجبال. فيما سبق كانت تسحرنا كمنجاتك، لكن الآن سحرتنا كمنجاتك وعودك والباس جيتار وصوتك الأفريقي العجيب، والذي صاحب الآلات السابقة بالغناء الغني ... هو فرح وهو حزن في آن. الإبداع الحقيقي -الآن- للمبدع السوداني الثائر هو أن يعكف على إعادة الإعتبار لتراث الإثنيات المهمشة ولكم هو غني، ما عدا ذلك فهو تكرار وإعادة انتاج لأغنية الوسط الدائرية التي ما ترك فيها شاعر من متردم. لا بد أن أشكرك على هذه السهرة الدسمة على قناة النيل الأزرق ولابد من أشكر فرقتك التي بهرتنا بالالحان الأفريقية التي تحررت الآذان لسماعها بفعل ثورة أطلقها الراحل العزيز د. جون قرنق وانتصرت بالفعل.
سهرة قناة النيل الأزرق مع الفنان عازف الكمنجة عاصم الطيب بتأريخ 31 أكتوبر 2008.
شكراً يا عاصم وواصل.
مرتضى جعفر
11-01-2008, 07:10 AM
Murtada Gafar Murtada Gafar
تاريخ التسجيل: 04-30-2002
مجموع المشاركات: 4726
الأخ العزيز مرتضى .. كيفنك وكيفن المعاك .. مدة طويلة لم نتقابل .. الفنان عاصم لو لم أبالغ هو الفنان الوحيد الذي يستحق لقب الفنان في السودان ويمكن من القلائل المميزين عالمياً ... منذ مدة فتحت بوست منادياً له بالظهور وبح صوتي إلا أنه آثر أن يستعصم بالبعد عنا .. هو صديق مقرب لي منذ حوالي العشرين عاماً ... إلا أنه تفرقت بنا السبل ... التحية للفنان الفلتة والمميز عاصم جنكيز ...!
الأخ العزيز مرتضى .. كيفنك وكيفن المعاك .. مدة طويلة لم نتقابل .. الفنان عاصم لو لم أبالغ هو الفنان الوحيد الذي يستحق لقب الفنان في السودان ويمكن من القلائل المميزين عالمياً ... منذ مدة فتحت بوست منادياً له بالظهور وبح صوتي إلا أنه آثر أن يستعصم بالبعد عنا .. هو صديق مقرب لي منذ حوالي العشرين عاماً ... إلا أنه تفرقت بنا السبل ... التحية للفنان الفلتة والمميز عاصم جنكيز ...!
11-01-2008, 08:54 AM
Murtada Gafar Murtada Gafar
تاريخ التسجيل: 04-30-2002
مجموع المشاركات: 4726
Quote: الفنان عاصم لو لم أبالغ هو الفنان الوحيد الذي يستحق لقب الفنان في السودان ويمكن من القلائل المميزين عالمياً
العزيز عثمان دغيس فعلاً لينا طولة وأشواق
فعلاً ما قدمه عاصم الطيب بالأمس يؤكد أنه فنان سوداني من طراز فريد وعالمي. كمان يا عثمان ناسنا بتاعين الهامش ديل وتحديداً ناس جنوب النيل الأزرق وجبال النوبة وبقية الإثنيات الشبعت تهميش التطريب في موسيقاهم وأغانيهم كبير ومتفوق على أغنية الوسط الرتيبة، على الرغم من أنها أطربتنا سنين عدداً بفضل الهيمنة الثقافية لمجموعات الوسط، مع ذلك تقديرنا لجهود مبدعي تلك التجربة... عاصم جينكيز وآخرون ينفضون غبار التهميش على تراث سوداني أصيل لا تشوبه شائبة عروبة، لهم من الإحترام والمحبة.
مرتضى جعفر
11-01-2008, 09:18 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: أدعوكم لمشاهدتها على قناة النيل الأزرق وأرجو ممن يحصل على تسجيل فيديو لها أن يتكرم بإنزالها هنا
Quote: والنوبة أهل الجبال
.. تصحيح بسيط يا مرتضى جعفــر .. الغنا دا كلو ما فوقو حاجة خاصة بالنوبة بتاعين الجبال .. عاصم متخصص في تراث الانقسنـاء منطقة النيل الأزرق .. شتان ما بين البرتا فيالنيل الأزرق .. والنوبة في منطقة جبالهم . الحلقة المشار ليها سبق وأن تم عرضها في تلفزيون النيل الأزرق في العام السابق .. قام الأخ الصديق معتصم دفع الله .. بعرض الحلقة في المنبر .. في الرابط ادناهـ: عاصـم الطـيب الـقرشي ( تـاني ).. المواد تاثرت بالطبع بما تاثر به المنبر من عطب للملفات الموسيقية .. كتب الكثير من الأخوة عن عاصم الطيب في المنبر وجدت البوست الترحيبي بعاصم افردته ابان تسجيله: يا عاصم الطيب قرشي والبوست ادنـاهـ بعض من اسهام عاصم الطيب في المنبر الحــر وموجود في صفحة المواضيع التوثيقية المميزة: دعوة لورشة عمل موسيقية
ملحوظة: سبق وأن قمت بالتعاون معك في بوست لفنان الشرق محمد البدري الفنان البيجاوي محمد البدري دبايوا..و القومة ليك، فلنوثق له هنا .. بعد أن اعياك عدم المعرفة بتقنية الكمبيوتر .. وكان ما قمت به في اقرب ساحة للاختلاف معي .. بمناداتي بالديسك جوكي .. والجاهل .. وبتاع المزيكا إلخ من المفردات السوقية جدا التي تنم عن جهل مطبق يضاف إلى جهلك في الحوار الخالي من التجريح وعدم معرفتك التقنية لمثل هذا النوع من العمل التقني .. اليوم أنا هنا من أجل عاصم الطيب الذي عمل ويعمل في صمت منذ قبل أن تاتي هذه الحكومة التي اراك الآن تجنح إلى استخدام مفردات التهميش .. والعروبة وتزج بها فيما يقوم به عاصم الطيب من إبداع .. هذا الذي يقوم به عاصم الطيب .. لا علاقة له بقريب أو ببعيد بالعمل السياسي الذي لا تجيدونه .. ولا علاقة له بهذه النزاعات التي افرغتموها من اي مضامين .. ما يقوم به عاصم هو عرض ثقافة منطقته التراثية ونفض الغبار عن هذا الضرب من الابداع وبالتالي امتداد لسلسة الاسهامات التي سبق وأن قام بها من سبقه في هذا المضمار ..
اي طول لسان .. أنا جاهز قشة ما تعتر ليك .. من ناحية أخرى ح اعمل على اعادة تحميل الحلقة .. للفائدة العامة.
11-01-2008, 09:37 AM
khatab khatab
تاريخ التسجيل: 09-29-2007
مجموع المشاركات: 3433
Quote: .. تصحيح بسيط يا مرتضى جعفــر .. الغنا دا كلو ما فوقو حاجة خاصة بالنوبة بتاعين الجبال .. عاصم متخصص في تراث الانقسنـاء منطقة النيل الأزرق
يا علاء يونس
الحلقة التي أتحدث عنها هنا تغنى فيها الفنان عاصم الطيب بأغنية للفلاتة وأعتقد أغنية من جبال النوبة بالإضافة إلى أغنية للرصيرص دهـ طبعاً مع إهتمامه الواضح بأغاني جنوب النيل الأزرق والبرتا وخلافو من أغاني المنطقة ... احتراماً لعاصم الطيب وموضوع البوست لن أعير حركات الفتوة والبلطجة المعروف بيهاإنتا اي إعتبار، وفي مقام آخر تجدنا على كامل الاستعداد والفورة ألف. مفهوم
مرتضى جعفر
11-02-2008, 04:50 AM
بابكر التوم بابكر التوم
تاريخ التسجيل: 01-04-2008
مجموع المشاركات: 1580
Quote: فهو مبدع فى شتى ضروب الابداع لك التحية ياصديقى من الزمن الجميل وايام لا تنسى فى ربوع الامتداد ايام داخلية جامعة السودان الجناح الجنوبى برفقة الصديق اسامة مليجى وعازف الفلوت عبد الحليم . كل الامنيات ان يحقق عاصم الطيب كل ما يصبوا ألية. والتحية لك يامرتضى وتمبس الذى ابدع فى الاحتفاء بة ايما احتفاء
العزيز بابكر .. عاصم الطيب يستحق أن يقف الجميع على تجربته .. في مكان غير أمثال عاصم تقام لهم التماثيل لما قدموه من خدمة لشعوبهم .. اتمنى معك ان ينال عاصم التقدير بإقامة شعبة خاصة تعنى بها الضرب من التراتث السوداني في مناطق السودان المتعدد الثقافات والاعراق .. والعادات والتراثيات..
11-02-2008, 06:52 AM
tmbis tmbis
تاريخ التسجيل: 10-19-2002
مجموع المشاركات: 24862
وأعتقد أغنية من جبال النوبة علشان ما تعتقد أنـا جيت علشان اصححك .. وإنت راجل فنان مفترض تقبل المسالة بتاعت انك لو ما عارف حاجة وجا زول بلطجي يصححك تكون متقبل .. أكرر مرة أخرى .. مافي أغنية من جبال النوبـة ( لو بتقصد بالي سوا) دي من تراث البرتا.. وأغنية هابي دوناي من الشرق .. واغنية مردوم بمصاحبة العود (فتحت الرادي وما لقيت مرادي ود الناس اللبسو الرمادي) .. احتراماً لعاصم الطيب وموضوع البوست لن أعير حركات الفتوة والبلطجة المعروف بيهاإنتا اي إعتبار، تمام كدا علشان الناس تستفيد .. لانو كلامك الكتبتو فوق دا ما فوقو اي فائدة بل تبديد لي جهود عاصم الطيب .. زول فكرتو الاساسية ووهب ليها زمنو .. واكاديمياتو ليرتقي بي منطقتو ويرد ليها الجميل .. تجي تشبكنا جبال النوبة وجبال الالب .. والوسط و الهامش ومربع الوتر؟ المسالة ما قدر دا .. عاصم زول باحث موسيقي مهتم بي ضرب محدد من الغناء وطورو بي طريقتو الخاصة .. اقرا فوق هناك في اللنكات الجبته ليك دي .. قلت ليك الزول دا لما قام ما قال تهميش واللا قال جون قرنق ولا قال أوباما الزول دا قام في منطقة الصعيد والروصيرص تحديدا .. وعايز ينهض بالمنطقة عبر تراثة الغني جدا بي التعديده الفوقو ولقى جزء منو مطابق في مكان هجرتو في استراليا علشان هو عارف والناس المختصة عارفين أنو الحاجات الحايمة في الدنيا دي كلهاالايقاعات والحضارة وكل الحاجات دي احتمال الغلاط زاتو الزي حقك دا .. كل الحاجات دي منبعة السودان .. الزول دا متخصص وازا .. ودنقلن .. جبال النوبة ديك حاجة تانية براها. لو عايز تعرف عنها اسال عن أسطورة تانية زول فنان اسمو جراهام عبد القادر .. للمبدع السوداني الثائر هو أن يعكف على إعادة الإعتبار لتراث الإثنيات المهمشة ولكم هو غني، ما عدا ذلك فهو تكرار وإعادة انتاج لأغنية الوسط الدائرية التي ما ترك فيها شاعر من متردم. لا بد أن أشكرك على هذه السهرة الدسمة على قناة النيل الأزرق ولابد من أشكر فرقتك التي بهرتنا بالالحان الأفريقية التي تحررت الآذان لسماعها بفعل ثورة أطلقها الراحل العزيز د. جون قرنق وانتصرت بالفعل... ثورة الراحل جون قرنق دي ما ليها علاقة بي البوست دا .. ثورة الراحل جون قرنق دي براه .. لو ما عندك حاجة تكتبه في البوست دا غير الطلاسم دي .. اقعد هناك واتفرج خلينا نشتغل. وفي مقام آخر تجدنا على كامل الاستعداد والفورة ألف. مفهوم مفهوم.. أنا جاهز طالما بقي اسلوبك سوقي للدرجة البتقول فيها الفورة مليون .. بلاي بدل ما تهد فوقي اهد فوقك ..؟ .. . أنا قاعد اجهز في الاعمال دي ..وياريت عاصم يجي ماري بي هنا..
11-02-2008, 07:12 AM
tmbis tmbis
تاريخ التسجيل: 10-19-2002
مجموع المشاركات: 24862
تانيا على الرغم من موقفي الواضح منك ومن ما تقوم به من تهريج مدروس في هذا الفضاء، إلا إنني سأحاول أن أتجاوز كل ذلك ومناقشة بعض أطروحاتك-التي من وجهة نظري مسطحة- لكي استفيد أنا قبل الذين يمرون بي هنا.
قلت يا تمبس
Quote: لانو كلامك الكتبتو فوق دا ما فوقو اي فائدة بل تبديد لي جهود عاصم الطيب .. زول فكرتو الاساسية ووهب ليها زمنو .. واكاديمياتو ليرتقي بي منطقتو ويرد ليها الجميل .. تجي تشبكنا جبال النوبة وجبال الالب
طيب لنفترض جدلاً إن الحلقة التي كتبت عنها هذا البوست لم يتغنى فيها الفنان عاصم الطيب باي أغنية من جبال النوبة، طيب وبعضمة لسانك قلتا إنو غنى أغنية من تراث البرتاوأخرى من تراث شرق السودانوأخرى مردوم، طيب ما دي هي الثقافات المهمشة على حساب هيمنة ثقافة الوسط وغنائها وفنونها، لن يضير إن سقطت أغنية من جبال النوبة أو جنوب السودان من هذه السهرة. ودهـ المشورع الفني البيقود للسودان الجديد، إعادة الإعتبار لثقافات الإثنيات المهمشة بفعل فاعل، وهذا ما دعى إليه جون قرنق، لذلك أوردنا اسمه وإن لم يذكره عاصم ... واضح
Quote: ثورة الراحل جون قرنق دي ما ليها علاقة بي البوست دا .. ثورة الراحل جون قرنق دي براه .. لو ما عندك حاجة تكتبه في البوست دا غير الطلاسم دي .. اقعد هناك واتفرج خلينا نشتغل.
أها دهـ الخارم بارم بتاعك البتعرفو والبنعرفو زي الدكوة والشطة الخضرة ونخرينك وكلامك داك الما عندنا عليو رد، غايتو خاطرك في دي. الفكرة من البوست يا تمبس الإحتفاء بمشروع عاصم الطيب الإبداعي وتناولو كإبداع صرف يعني صوت جميل وعزف جميل فقط لن يعطيه حقه كاملاً، بالتالي لا بد من قراية أوسع، وأنا راي إنو هي محاولة لرد الإعتبار للتراث الغنائي بتاع الجماعة المهمشين، لو عندك رأي تاني بأدب قولو، لو عندك رأي في مقولتي بإنو مشروع عاصم الطيب الإبداعي هومحاولة لرد الإعتبار للتراث الغنائي بتاع الجماعة المهمشين، برضو قولو بأدب.
مرتضى جعفر
11-02-2008, 08:58 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: علاء يونس شكراً على تنزيل الأغنية. فشكرك واجب
أنا في عاصم الطيب ما عايز منك شكـر .. لكن غصبا عنك تشكر كل من يضيف ليك في مسيرة حياتك .. خاصة فيما يتعلق بالمزيكـأ .. علشان ما تجي تشبكو يا بتاع المزيكا .. كنما المزيكا دي كاكا.. دا واحد من الدروس المفترض انك اتعلمتها هنا دا .. من فترة والليلة وجب عليك اعادة الدرس من جديد ..
Quote: تانيا على الرغم من موقفي الواضح منك ومن ما تقوم به من تهريج مدروس في هذا الفضاء، إلا إنني سأحاول أن أتجاوز كل ذلك ومناقشة بعض أطروحاتك-التي من وجهة نظري مسطحة- لكي استفيد أنا قبل الذين يمرون بي هنا.
لا يهمني موقف الكثيرين امثالك وموقفهم أو حتى رائهم تجاهي .. لكن ما يهمني أن لا يمررون اجندتهم البالية ولا يكذبون ولا يدعون المعرفة .. فحال ما توفرت واحده من تلك وجب أن يتصدى لهم كل حريص على مصلحة هذا المكان .. أو اي مكان آخـر .. آفة السودان وثقافة السودان هم انصاف المثقفين .. مثلك ـ لكن لا خوف عليهم مطلقا من المهرجين امثالي .. وما لهم من دور مدروس .. على الاقل محاولات فضحهم من قبل انصاف المثقفاتية دائما فاشلة في مواجهتهم .. هذا بالاضافة إلى ما يتعلمونه من دروس مجانية من مفردات المهرجاتية .. وبعض الدروس التي يحتاجها امثالك .. ولتعم الفائدة في هذا البوست .. افكاري السطحية ستهزم الجهل الكامن بداخلك .. ح تسمع مزيكا وتضحك كل اكاذيبك .. وتبوس يدك بطن وضهر ,.
Quote: طيب لنفترض جدلاً إن الحلقة التي كتبت عنها هذا البوست لم يتغنى فيها الفنان عاصم الطيب باي أغنية من جبال النوبة،
..
Quote: وأعتقد أغنية من جبال النوبة
لتفترض .. وتعتقد. كانوا المسالة على كيفك إنت مش كدا..؟ يعني بعد شوية ممكن كان تجي تقول اندارا سوا دي من تراث الهنود الحمر .. دي مش كورة .. دي مزيكــا ما فيها حاجة اسمها افتراض .. دا شغل مكتوب في نوتة .. وثقافة بتاعت منطقة وكلامك دا جهل مطبق جدا .. وخلط لي ثقافات اثنيات .. وربما تمر هذه المعلومة واعتقادك دا .. على الكثير من لا يعرفون هذا النوع .. وربما تصبح المعلومة حسب ما افدت به .. مثبته لديهم برواية مرتضى جعفر نصف المثقف .. وبذلك تكون ساهمت بتفشي ثقافة انصاف المثقفاتية ..
Quote: طيب وبعضمة لسانك قلتا إنو غنى أغنية من تراث البرتاوأخرى من تراث شرق السودانوأخرى مردوم، طيب ما دي هي الثقافات المهمشة على حساب هيمنة ثقافة الوسط وغنائها وفنونها،
.. أوعك تنظر في حاجة ما عارفة .. ما تنظر وما تخلط الموية مع الزيت .. قلت ليك كلام واضح جدا أنا بتكلم عن الثقافة الموسيقية وقلت ليك بالواضح الكلام البعمل فوقو الرجل دا .. ما ليهو اي علاقة بالخطرفة بتاعتك دي .. يعني ما تشوف ليك حاجة وتجي تشبك تهميش .. وكلام فارغ .. كل السودان دا مهمش .. وما تشبكني وسط واغنية وسط وتقول ليك كلام محفوظ وما عارفو شنو زاتو .. اووعك تفتي في حاجة ما بتعرفه .. مفهوم..؟ إنت العرفك شنو بي ثقافات الغنا كان وسط أو كان في حتات تانية .. في السودان ..؟ إنت قايل المسالة لعب ... واللا قايلو ساي هو غنا..؟
Quote: لن يضير إن سقطت أغنية من جبال النوبة أو جنوب السودان من هذه السهرة
منو القال ليك لن يضير .. يضير ونص وخمسة .. الناس الشغالة تصنيف وفرز .. ومراجع وبحوث .. وسمنارات ونوتات موسيقية وعلم الآت .. ديل كلهم بي ضربة كيبورد تجي تقول لي ما بيضير .. منو القال ليك ما بيضير .. يعني تخلط موية جبال النوبة مع زيت الانقسنا وتقول لي مابيضير ..؟ الزول دا متخصص منطقة النيل الأزرق .. فرق شاسع جدا بين الانقسنا وجبال النوبة .. يعني خلاص علشان لقيت الناس لونه اسود .. وضعاف وكادحين طوالي عايز تعمل فيها سبارتاكوس ..؟ تغبش موروثاتهم في منبر سودانيزاونلاين وتشبكنا لا يضير ..؟ كل زول متخصص لي فن محدد أو تراث منطقة محددة واجتهد فوقو ياخد حقو بالكامل .. لكن ما يجي زي نوعك دا .. يصوط ساكت من طرف .. إنت باحث .. في علم السواطة ..؟ واللا تسمع وتسكت بس بدون اي تنظير ..؟
Quote: ودهـ المشورع الفني البيقود للسودان الجديد، إعادة الإعتبار لثقافات الإثنيات المهمشة بفعل فاعل، وهذا ما دعى إليه جون قرنق، لذلك أوردنا اسمه وإن لم يذكره عاصم ... واضح
.. يعني طلعت بتاع رؤية ميتافيزقية .. تترجم زي ما عايز .. الزول دا يلف السودان كلووو ويطلعه في استراليا وانت قاعد في مسقط راسك الكبير دا .. وتجي تقول جون قرنق قال الكلام دا .. علشان السودان الجديد ..؟ طيب ناس اسماعيل عبد المعين وديتم وين ..؟ وديت وين الناس العيونه لمن كملت مويته وهي بتبحث في حاجات السودان وتراثو وموسيقى الشعوب الفوقو .. علاقته شنو بالسودان الجديد .؟ مش قلت ليك انصاف المثقفاتية الزيك ديل أكبر كارثة في مسيرة تقدم الشعوب ..؟ نطلع من مشروع حضاري .. واسلمة غناء ومدائح بالاورغ .. ندخل في سودان جديد وموية كرن جبال النوبة .. مخلوطة بي زيت دنقلن البرتـا.. ويجي يقول ليك سودان جديد وياااي ..
Quote: وكلامك داك الما عندنا عليو رد،
ما عندك ليهو رد طيب فورتك الف كيفن..؟ دي الف .. واللا قوم لف كدا ..؟ الواحد في الرد الواحد يكتب ليهو مليون تناقض ويقول ليك انا مثقف ..
Quote: الفكرة من البوست يا تمبس الإحتفاء بمشروع عاصم الطيب الإبداعي وتناولو كإبداع صرف يعني صوت جميل وعزف جميل فقط لن يعطيه حقه كاملاً،
تحتفي بيهو في اليوم مية مرة .. أنا زاتي احتفي معاك وفوق لي الاحتفاء دا بوسة .. لكن نحتفي بيهو بالطريقة الصحيحة الطريقة الما بتبدد جهدو .. بتاع كل السنوات..
Quote: بالتالي لا بد من قراية أوسع، وأنا راي إنو هي محاولة لرد الإعتبار للتراث الغنائي بتاع الجماعة المهمشين، لو عندك رأي تاني بأدب قولو، لو عندك رأي في مقولتي بإنو مشروع عاصم الطيب الإبداعي هومحاولة لرد الإعتبار للتراث الغنائي بتاع الجماعة المهمشين، برضو قولو بأدب.
القراية الاوسع دي ياها القلناها ليك .. ما تجي تكتب افترض .. وربما واعتقد .. قلت ليك دي مزيكا مكتوبة بي حسابات معقدة .. عاصم دا بيشيل الحاجات دي خام .. بي ترابة بخمها .. وبيحوله لي الحاجات العايز تحتفي بيها دي .. في رحلة البحث والتحويل دي .. بيجتهد .. العمل دا الجاك ساهل واعتقدت وقلت فوقو ربما دا .. ساااكت ساي كدا دا .. اجتهد فوقو عاصم .. ووهب كل حياتو .. البتسمع ليك نغمة هنا دا .. لحن جميل وتقوم ترقص فوقو .. وتنظر كمان .. كان فيما سبق عبارة عن اصوات حايمة في الهواء وجايطه .. زول يمسك الريح ويحبسو في نوتة موسيقية بي ميزانه وبي تعقيداته كلها .. ويوظف ليهو الالات دي ويطلع علشانو استراليا .. وانت تجي تعتقد فوقو بالسهولة دي وتفترض .. ؟ ما ياهو زاتو عايزين نجي في حتة القراية الاوسع دي .. علشان نوقع ليك الحاصل .. بعدين رائي انا بقولو بالطريقة البتعجبني حسب متابعتي ومعرفتي لي عاصم .. ولي البيعمل فوقو وحسب معرفتي للمسالة دي من قبل ما تعرف إنت حاجة اسمها غناء زاتو .. إنت غصبا عنك تسمع كلامي البقول فوقو .. وغصبا عنك تتبع الخريطة بتاعتي في التصحيح .. إنت قايل المزيكا دي لعب عيال وكلام مثقافتية بيبرمو في شعرم واللا شنــو..؟ المزيكا دي حسابات معقدة جدا .. ما بيفك شفرته امثالك من انصاف المثقفاتية .. سمي المزيكا بي اساميها .. والمفردات التانية دي .. امشي اللعب بيها هناك في القناة الفضائية حقتك ..
11-02-2008, 09:18 AM
khatab khatab
تاريخ التسجيل: 09-29-2007
مجموع المشاركات: 3433
الكلمه البسيطه التى تغشاك وانت تحلق فى هذه المناخات التى حذق .. الصديق عاصم الطيب , فى توليفها واخراجها لنا فى هذا الثوب الذى ارتدانا , على مستوى السماع , و الفضاء الذى احتوانا .. هذا المناخ السودانى الحميم , من الشرق كان او نواحى النيل الازرق , وذاك الطرب المبين الذى اعترانا .. ونحن نمتزج .. بما للموسيقى و الكلام والتصويت , إحداثه فينا من تلاقى ومن ألق ..
. يا سلا م .. يا مرتضى جعفر ويا علاء منصور . لقد كان لاقتراح البوست وماتوفر لكم من كلا م .. ونقاش . محادثه لم يتجاوز عمرها .. عُدة دقائق , بعد طول غياب , وكان ان اخطرته .. نيابة ً عنكم .. بعد الإذن طبعا ً . اننا نشتاقه هُنا .. .. لكم منى و مُداخليكم ومتصفحيكم .. خالص الُود
.
11-02-2008, 10:32 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: هذا المناخ السودانى الحميم , من الشرق كان او نواحى النيل الازرق , وذاك الطرب المبين الذى اعترانا .. ونحن نمتزج .. بما للموسيقى و الكلام والتصويت , إحداثه فينا من تلاقى ومن ألق ..
سلامات يا استاذ خطاب .. هي لغة الانسانية وغذاء الروح .. الموسيقى . عاصم الطيب قدس الله ســره .. انعش روح الموسيقى في روحـه .. وما فعله واجتهد فيه جدير أن يجعلنا نفاخر بهذا العاصم الطيب لكل ما قام به من اجتهاد .. ومن بحث مضني .. مشروع عاصم أحسب أنه لم يكتمل بعد، لكن ثماره اينعت ..
Quote: يا سلا م .. يا مرتضى جعفر ويا علاء منصور . لقد كان لاقتراح البوست وماتوفر لكم من كلا م .. ونقاش . محادثه لم يتجاوز عمرها .. عُدة دقائق , بعد طول غياب , وكان ان اخطرته .. نيابة ً عنكم .. بعد الإذن طبعا ً . اننا نشتاقه هُنا ..
اذنك معاك دائما يا استاذ خطاب .. وكلنا نفتقد لعاصم واسهاماته .. تشكر يا استاذ وهناك المزيد من عاصم في حواره في قناة النيل الأزرق .. واشكر الأخ العزيز معتصم دفع الله .. للملفات المرفقة وامكانية توفر عرضها مرة أخرى ..
الروصيرص .. اضغط للتشغيل
11-02-2008, 04:01 PM
Azhari Nurelhuda Azhari Nurelhuda
تاريخ التسجيل: 03-01-2007
مجموع المشاركات: 1958
تعرف يا علاء في النموزج هابيي دوناي .. من تراث شرق السودان و الذي أوردته مشكورا إعلاه
أهم شئ بعد شيخنا عاصم الطيب الجميل الفنان عليه رضوان الله و ربنا يدخلوا الجنة يارب... دايرك توريني الزول بتاع الفلوت ده منو؟؟؟ الزول ده نفخ حاجة فى الأنبوب ده...لا حولا..... دي ما بدروسها في المدرسة و لا في نوته بتشرحه و لا بتفسره و لا في تمرين بجيبه
أنا عارف إنها بتمرق من الروح متخذة هذا الأنبوب المعدني وسيلة و فقط...و مرقت روحي انا ده... الزول ده جنجبيرة و رافع جناين و فنان شديد... فت لي الزول ده هنا ده عامل عيونه الدقاق ديل... مع الإحترام و التقدير له و الفورة مليار و نصف.....
Quote: عليه رضوان الله و ربنا يدخلوا الجنة يارب... دايرك توريني الزول بتاع الفلوت ده منو؟؟؟ الزول ده نفخ حاجة فى الأنبوب ده...لا حولا..... دي ما بدروسها في المدرسة و لا في نوته بتشرحه و لا بتفسره و لا في تمرين بجيبه
أبو الزهـور .. كيفنك ياخ ..؟ وعليك رضوان الله إنت وعاصم وغاندي بتاع الفلوت .. وصحبه عماد الدين محي الدين .. هذا الزول النفاخ جدا لهذا الانبوب .. المسمى بالفلوت .. دا اسمو غاندي أحمد .. وكتكتم الكنتو بتضربو العدادت مع عركي ومحمد الأمين هو اظنو لسه ما ولدوهو .. لكن كمان الله قادر .. شوف الزول دا فنان كيف .. غايتو كان لمو فيك هو وعماد ببو بالجيتار والفلوت .. يحلك الجليل الرحيم من المزيكا الشكلها غريب والتكنيكات الخاصة بيهم .. الجايبنها من عندهم وحيروا بيها البشرية .. طبعا عاصم الطيب في (القروب) دا اتشيطن شديد جدا والشباب ديل كلهم ناس مزيكا قاطعنها من راسهم قعدوا لي عاصم الطيب وعاصم الطيب قعد ليهم .. ديل يا ابو الزهور ما زينا عندهم فورة .. ديل الفورة عندهم (استريتش) وبتتمطه .. غايتو ادينا الفاتحة يا ابو الزهور لقيت ليك بوست قديم لي الفاضلابي وصحبه في مدح واشتياق لي غاندي أحمد زولك اب عيون دقاق دا .. غاندي أحمد ** عماد الدين محي الدين
يا بتاع السودان الجديد والتهميش والشعارات أنا عارفك دائما بتحب الشعارات وتلبس اي حاجة توب النضال بي طريقتك القاطعة من راسك .. الحلقة دي حضرتها وقعدت ليها لحدت ما جيت منزل ليها بوست هنا .. سمعت عاصم دا قال سودان جديد .. واللا قال سياسية ..؟ ليه عايز تنتزع منو الاجتهاد دا .. وتجي تكتب ليك كلام ما ليهو علاقة بالحاصل دا ..؟ ولي متين السخف بتاعكم دا ح يستمر .. اي واحد جاي عامل لينا فيها بطل في منبر سودانيزاونلاين بي حق الناس .. واجتهاد الناس ..؟ في الحوار المرفق قال (ناجي) من قناة النيل الأزرق لعاصم أنه كان اضافة للمعهد الاسترالي فيما قدم به من موسيقى وعلم موسيقي وشهادة تؤكد ذلك .. قال عاصم في تواضع العلماء: أنه لا يعتبر نفسه اضافة ما لم إنو ينقل مزيكتو السودانية القاعد يشتغل فيها وينقله إلى كل اذن غير سودانية .. ويعرف بيها.. دا بيؤكد اهتمامو بي فكرتو الموسيقية البحتة وعلم الموسيقى دون الميول إلى إي فرضيات أخرى .. .. يقول ايضا في الحوار .. أن هناك وزارة خاصة للفنون بتقيم الفنون وبتقيم الفنان اكثر من السياسي .. دا الشايفو أنـا وممكن السياسيين بشوفو بي عين تانية غير الشايفو أنا لكن دا رائي عمومـا .. الكلام دا مش واضح ..؟ تجي تشبكنـا دفاعنا الشعبي ياهو دي ..؟ إنت فاكرنـا وهم ما بنعرف نسمع .. عايز تخمنـا..؟ يعني بي طريقتك دي لو مشيت استراليا لا سمح الله .. وقلت ليهم انا سياسي وعايز اعمل لي قناة فضائية مع بعض الأخوان .. وح اجي اغني ليكم ..؟ ح يعملو شنو فيك ما معروف .. لانو الأمر بعداك بيرجع للسكان الاصليين هم البقررو يعملو شنو مع نوعيتك دي والسكان الاصليين السوايين فوقم ما حداثيين.
11-02-2008, 12:09 PM
tmbis tmbis
تاريخ التسجيل: 10-19-2002
مجموع المشاركات: 24862
نهايات صيف 2006 أو بالأحرى الأسبوع الثانى من سبتمبر، زار الموسيقار السودانى عاصم الطيب مدينة أمستردام فى طريقه من أسلو حيث شارك فى إحدى المهرجانات الموسيقية، الى سدنى بإستراليا والتى يقيم فيها مع اسرته منذ عدة سنوات. قدم عاصم الطيب للوجود السودانى بأمستردام نماذج من تجربته الموسيقية المختلفة عن تجارب الآخرين وتخلل ذلك حوار فلسفى عميق وثر بينه وبين سودانىِّ أمستردام اللذين حضروا عرضه الموسيقى. وهنا أقدم النموذج الأول الذى أداه الموسيقار عاصم الطيب وهو من الحانه أيضاً ويصحبة أسامة المليجى فى الإيقاع، هيثم موسى فى الجيتار وشهاب شرحبيل فى الباص جيتار، والتجربة من كلمات الشاعر عبداللطيف المجتبى.
11-03-2008, 07:04 PM
Murtada Gafar Murtada Gafar
تاريخ التسجيل: 04-30-2002
مجموع المشاركات: 4726
الحضور العزيز (بإستثناء علاء يونس) غيبني عن الرد عليكم الشديد القوي وكترة الشغلة، سأعود لكل واحد منكم على حدة في أسرع فرصة ... شكراً لعاصم الطيب الذي جعل ذلك ممكناَ ... أغنية المهمشين يجب أن تأخذ موقعها في خارطة الإبداع السوداني، ويجب مكافحة كافة أشكال الإستعلاء والتهميش.
مرتضى جعفر
11-03-2008, 07:47 PM
omar alhag omar alhag
تاريخ التسجيل: 10-03-2006
مجموع المشاركات: 2339
الموسيقى جغرافيا وليست تاريخ............... نظرة فلسفية للفنان عاصم الطيب.... فى حوارات متعددت المسارات مع الفنان عاصم الطيب عن الموسيقى السودانيةالمتعددة والتهميش الذى طال بعضها بفعل فاعل والتكريس لثقافة بعينها وطرحها كمنتج سوداني خالص.... فى العام 2005 بدار حزب الوفد بالقاهره قدم الفنان عاصم نماذج موسيقية سودانية ضربت عليها الشمولية سياجا عصيىً اردفها بعملين لاولاد حاج الماحي (القبة البلوح قنديلا) اخرجت الدمع سخينا فى تلك الامسية الشتوية والهبت بالتصفيق ايدى الحضور من غير السودانين............. لعاصم طموح اكاديمى لاحياء تراث وموسيقى النيل الازرق وتطوير الة (الوزا)......بصفة خاصة وتراث المناطق المهمشة عاصم الطيب ... فنان مكتمل مجتهد ومثابر... مودتي مرتضى
11-05-2008, 10:48 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: الحضور العزيز (بإستثناء علاء يونس) غيبني عن الرد عليكم الشديد القوي وكترة الشغلة، سأعود لكل واحد منكم على حدة في أسرع فرصة ...
وحات شيخي حسن ما بتجي .. لكن ولا يهمك ... بلقاك مطرف ليك في حتة بتاعت مزيكا .. وبتكضب فيها زي الكضب حقك دا .. المرة الجاية بدل اكتب ليك بالكيبورد دا ... احتمال كبير اربطك بي أوتار .. كونترباص ..
بعدما غلبك التسويهو في البوست دا قلت اخير تمشي بي استثناءاتك دي .. وتشوف ليك برنامج تاني .. بلاي تاني ما تجي تسرق جهود زول .. وتكتب ليك كلام خارم بارم .. فاتح ليك مية وخمسين بوست الاسود والابيض .. وغالبك تجي ترد في البوست دا .. علي الاقل تعال احفظ للزول دا حق جهدو بتاع السنوات دي .. واحفظ ليهو انو مجتهد من أجل الحاجات القلتها ليك فوق دي .. ما من اجل الزعيق حقكم دا .. يللا تعال بسرعة انا منتظرك في بوست عاصم دا .. علشان ما تسرق ليك جهد اي مجتهد تاني
11-07-2008, 09:56 AM
Murtada Gafar Murtada Gafar
تاريخ التسجيل: 04-30-2002
مجموع المشاركات: 4726
Quote: نبارك للجميع (عدا علاء يونس) انتصار أوباما الكاسح the landslide win وغير المسبوق في كل شئ
.. مشيت باركته وين ..؟ في ميدان السجانة بتاع المولد بتاع مسقط ..؟ واللا جامع السلطــان قابوس .؟ إن شاء الله تكون شلته معاك (معجنـات) ما تكون مشيت تبارك داخل عليهم محقب يدينك..
الأستاذ مرتضي جعفر أجزل الشكر علي الفرصة التي أتحتها لي للتعرف علي عاصم الطيب صدقوا أول مرة اسمع بيهو..(وشي أنا لروحي مستغرب) اللوم علي أنا وأكيد خسرانة كتيير حبي لآلة الكمان "وحأتعلم العزف عليها طال الزمن أو قصر" جزبني لكل الحاصل هنا وروعته
طبعا مت من الضحك لما قريت
Quote: الحضور العزيز (بإستثناء علاء يونس)
و
Quote: نبارك للجميع (عدا علاء يونس)
علاء ياعلاء عارف يا علاء أنا طابور خامس في كل ما تكتب بجد أنا متابعة وحأكون هنا طوالي لآني مبهورة لحد الدهشه علاء تحياتي وشكري علي المثابرة مها
11-08-2008, 04:17 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
بالمناسبة عاصم الطيب خلافا لانو موسيقي هو زول كتاب للحد البعيد زمان كان في كتابات وقعت في يدي ابان فترتهم في المعهد ان شاء الله القاها عشان ارفعها هنا
مع انو سيد البوست طرنقاشة ما بستحق لكن عاصم بستحق ومع ان ما فتح الموضوع للثقافة والمثاقفة لكن لسياسة الشترة زي افكاره حا نرفد البوست ده لو الله هون ببعض كتابات عاصم
البروف يا طيرة رب صدفة لك لم تلدها امك ( مثل جمجار للدين )
11-11-2008, 07:49 AM
tmbis tmbis
تاريخ التسجيل: 10-19-2002
مجموع المشاركات: 24862
والله يا وليد كلما نقول الزول دا عقل وبقي كويس .. تااني يقوم للحركات حقتو دي .. المرة دي عايز يفتي في المزيكا كمان ويعتقد .. المشكلة يا وليد إنو بيمسك ليهو حاجة ويقوم ينط منها ,. يا يعلقه في التمنيات : حسع دي موضوع الصرفة حقت القناة معلق لحدت الآن ما عمل لينا فوقو شئ .. موضوع تغيير شعار جامعة الخرتوم عمل فيها ما شايفو بعدما جبنا ليهو البوهية .. والسلم .. موضوع قناة الشروق شايفو جلاهو.. ..
Quote: هو زول كتاب للحد البعيد زمان كان في كتابات وقعت في يدي ابان فترتهم في المعهد ان شاء الله القاها عشان ارفعها هنا
جيب يا وليد .. يحليل الايام الراحت زمان .. وايام المعهد كان اسمو المعهد العالي للموسيقى والمسرح ..
Quote: مع انو سيد البوست طرنقاشة ما بستحق لكن عاصم بستحق ومع ان ما فتح الموضوع للثقافة والمثاقفة لكن لسياسة الشترة زي افكاره حا نرفد البوست ده لو الله هون ببعض كتابات عاصم
جيب عليك الله يا وليد الزول دا ما تشتغل بيهو .. نزل الحاجات وخي الناس تستفيد .. وتعرف عاصم الطيب ..اصلو زي ناس مرتضى جعفر ديل .. هم البكرهو الناس في اي حاجة جميلة .. ديل اسمهم انصاف المثقفين .. أو المثقفاتية
11-10-2008, 02:04 PM
tmbis tmbis
تاريخ التسجيل: 10-19-2002
مجموع المشاركات: 24862
.. نعمل ليهو شنو عاد يا مهـا .. في حفل الاستثناءات دا .. الضحك بس ..
Quote: علاء ياعلاء عارف يا علاء أنا طابور خامس في كل ما تكتب بجد أنا متابعة وحأكون هنا طوالي لآني مبهورة لحد الدهشه علاء تحياتي وشكري علي المثابرة مها
.. ياريت يا مها البوست بكل الفوقو دا حتى من استثناءات مرتضيية يكون مدخل تعريفي ليك بي عاصم الطيب .. وبي اجتهاد عاصم الطيب في توصيل فكرتو .. تشكري على المتابعة .. والله يجيب لينا مرتضى جعفــر تاني
11-11-2008, 11:52 AM
tmbis tmbis
تاريخ التسجيل: 10-19-2002
مجموع المشاركات: 24862
عاصم الطيب فنان يجيد العزف علي كل الالات الموسيقية باقتدار كماانه انسان وفنان في تعامله مع الجميع له اجتهاداتمقدر في التنقيب في التراث السوداني له التحية والاجلال
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Murtada Gafar
tmbis
khatab
بابكر التوم
Azhari Nurelhuda
عماد شمت
منعمشوف
omar alhag
وليد محمد المبارك
نعمل ليهو شنو عاد يا مهـا .. في حفل الاستثناءات دا .. الضحك بس .. 
فيس بوك
تويتر
انستقرام
يوتيوب
بنتيريست