|
|
 ناس .. ناس .. ناس
|
مشيت امس لي ست الشاي الجنبنا
قعدتا لي في حجر
وقتا داير واحد شاهي
قاعد في حجر طبعا لانو الكراسي كلها مكسرة
ادوني شاي ولقيمات
اللقيمات مدتو لي بيدها بعد مسحت خاخيت ولدها السايلة
.................................................
طبعاً .. انا خطاب .. وما لى علاقه بالكلام المكتوب فوق ده ..
وما دايره .. ليها شطاره , او درس عصُر .. عشن اتفهم انو الكلام المكتوب اعلاه ..
من فعل الهكر , والعياذ بالله الواحد الأحد , فلقد أبنت وبصمت بالعشره , ضد الحمله
على من صرن تخشاهن الشرطه , وحملات ولاية الخرطوم , اخواتنا وامهاتنا , بائعات الشاي
.
فناس .. ناس .. ناس
.
سعاود الانطلاق .. بعد تفكر طال .. منذ بيان الاستنكار .. الذى قامت حوله العديد
من التساؤلات .. اتفاقا ًواختلاف .. وهذ ليس موضوعى
او موضوع .. البوست ناس .. ناس
.
ولقد ابقيت على المداخله .. التى احتلت الصدر , ليطالعها الجميع ,
وليعلم الجميع ايضاً , ان الهكر , كاحدى محاولات اقصاء الرأي الحر , مستمره
و ستحاول باستماته , الوصول الى فك هذا التواصل الاسفيرى , المزعج
وستحاول بكل السُبل , اسكاته او عل الاقل التشويش على ممارسيه ,
وستضرب بكل ما توفر لها من تقنيه وامكانيات ,
على شله واسكاته .. وليس لنا سوى المزيد من الحيطة ِ والانتباه
.
الموقع على البيان .. رقم تسعتاشر
.
الموقع رقم 22 .. على البيان المفتوح للعضويه ..
.
خطاب
.
(عدل بواسطة khatab on 10-29-2008, 10:05 PM)
(عدل بواسطة khatab on 10-30-2008, 01:30 AM)
|
|
 
|
|
|
|
|
|
|
|
Re: ناس .. ناس .. ناس (Re: khatab)
|
أهم حاجه الشكله .. خليك من المُشاكلين مِنو !
ولا منو .!
شاكل
مُنو .!
.
تشاكل أول التبادى .. ايوه ومال ايه ..
.
بعدين تسأل ديجانقو ..
ولا شنو .!
.
كمان نحن بنلعب ولاا بنلعب .!
.
| |
|
|
|
|
|
|
|
|
|
Re: ناس .. ناس .. ناس (Re: khatab)
|
فنانين أكانوا والحق لله .. الناس*
الراهنت عليهُم .. من الممثلين
الأوغاد .. كما يسمى طارق ابوعبيده .. اصدقاءه ومماحكيه فى الرأي
لذا وجب التنويه .
.
كاجرنى أولى الرأي .. بهنا أم درمان .. لكننى صمدت لهم
.
: خلو الناس *
أنضموا وبدون نص كمان .. فهم مسئولوون عما يخستكون .!
وشخصى الضعيف , مسئول .. عن كامل الخستكه ,
دون نص .. يعنى بالنقليزى ما فى اسكربت ,
الا الحلقه , ذات الربع ساعه ..
وعلى الهواء
من عُمر البث ..
.
وللجمال وثقوا بى , وصحبى الممثلون والممثلات
وانطلق البرنامج
ناس
ناس
ناس
.
وها انا ذا اطلقه من جديد
.
ناس
.
| |
|
|
|
|
|
|
|
|
|
Re: ناس .. ناس .. ناس (Re: khatab)
|
فضحك مستمعى هُنا ام درمان , حتى بانت والضعين
الغزاله جاوزت .. وحجر الطير , ضحكوا مع ..
المرتجلين للنص , الناسي الجرئ ..
ضحكوا
ومحمد السنى .. القاعد معانا هنا و هذا الفضاء
ضحكوا والعميرى والشبلى وعبدالحكيم وقرنى
ضحكوا وسميه عبداللطيف و الهام بابكر
.
ضحكوا ما شاء للضحك ان ينطلق .. وجمال حسن سعيد
امير عبدالله جمال عبدالله وعثمان جمال الدين
عزالدين هلالى و موسى الامير
.
ضحكوا وكل كوميدى شاد .. ناس بموهبته
.
وكانوا يرتجلون
.
المدهش ان لم يكن هنالك نص , كما جرت العاده
.
!!
.
لقد كان هنالك ناس
ناس
.
ناس
.
!!
.
| |
|
|
|
|
|
|
|
|
|
Re: ناس .. ناس .. ناس (Re: khatab)
|
الأعزاء .. العزيزات , لقد حاول الهكر .. الاحتيال على هذا البوست
الذى بعد ان أعيتنى الحيله , فى فتحه .. عله يكون ضمادة أمان ,
لما نعانيه .. الاّن ..
ناس
ناس
ناس .. ولقد تمكن من افتتاحيته , وهذه التى .. تطالعونها أعلاه .. هى من تصاميمه
وزجها .. تحت اسمى , ولقد نبه الى ذلك احد الاخوه الحادبين , مما اوقننى من بخطورة
ما تناديتم به , منذ اول لحظه .. وحتى الاّن .. ان
محاولات التكميم , ستتصاعد , حسبنا فقط
الاتفاق والمنازله والمقارعه , المنتبهه والواعيه
.
وها اناذا اعود .. بفضل الرابض والمرابط , سيد الحوش
بكرى ابوبكر .. وضحكنا سويا ً
طفولة .. محاولات الهكر
واجتهاداته .. التى لن تنال من العزم
.
فى اطلاق الصيحه .. ألا تهكير ولا أصمات
للأصوات
.
لكم خالص الود
حتى
نعود
.
خطاب ود حسن ود احمد
.
| |
|
|
|
|
|
|
|
|
|
Re: ناس .. ناس .. ناس (Re: محمد الجزولي)
|
حماده يا جزولى .. كيفنك يا عابر القارات .!
مفحضه فى عينك .. مبدع يا .. ولا مافى داعى .!
شوفت كيف .!
من دون الموقعين .!!
اتهكر صاحبك المسكين , واقول للعضو فيهم انا فلان ياخى .. بعد الهكره .!!
اقوم اقول لى ..
:.. لا لا انت .. ما فلان .. كان انت فلان
: .. قول الرووب !!
.
كيفك يا صاحب ليك وحشه ..
.
سلِم على كافةالاُسترالاب
.
| |
|
|
|
|
|
|
|
|
|
Re: ناس .. ناس .. ناس (Re: Marouf Sanad)
|
(يا اخا الناس
كيف الأهكار
بين أهل الهكر كاس الوحيح داير )
..
. معروف يا سند .. كيفك يا اخا البدر و الشموس المداريه .. كيفك يا اخا ً
. لنا حبتنا به الامهات , فى الدروب العصيه على العطب ,
.
وتشاء الأهكار بى ترصدا ً
ومادرت اي المُترصين , نازلت .. فأنا لهم ..
مقارعا ً بالحُجة ومنازلا ..
.
اما عن كاس الوحيح , فأدره و لا حرج
والرهيفه التنقد ..
والليله
هوي
يا ليل ..
.
لم تلجم السنتنا الحكومات
المنافى
كانت اشطر
.
لا اسكت الله للجميع حِس
.
ما بنتهكر بى الهينه .. وسودانا فوق
.
| |
|
|
|
|
|
|
|
|
|
Re: ناس .. ناس .. ناس (Re: Marouf Sanad)
|
الصديق معروف .. شكرا ً للانتباه والتنبيه .. فعلا ً ما اورده مزعج ومنفر , ولانه يعمل فى الخفاء
كما اللصوص , فلقد مسح مداخلتين , ورمى بهذه .. ولقد حرصت على ابقاءها , هكذا .. لأنها قد تفيد
فى تتبعه ومن يكون , ولقد قطع العديد من الاخوه , اشواطا ً
مقدره فى هذا الخصوص .. اذا كان شخصا ً, اوعدة اشخاص
او جهه .. مناط بها هذا الخراب ..
.
فلا ضير يا عزيزى من الابقاء عليها كما هى .. حتى ولو .. الى حين
.
والسايقه واصله .. ولا شنو !
تسلم يابا..
.
خطاب دائماً
.
| |
|
|
|
|
|
|
|
|
|
Re: ناس .. ناس .. ناس (Re: khatab)
|
up
ارفع هذا البوست .. وارجو من المتابعين تقنيا ًالانتباه الى اننى .. وارجو ان يكون
زعمى غير صحيح , اننى خطاب , بعد تغيير الباسوورد , اعانى من فايروس او محاولات حجب
اذ قمت خلال الساعه الفائته .. بكتابة مداخله .. طويله عريضه وفوجئت بتبخرها فى الفضاء
.
هذا للمعلوميه .. وربنا اكضب الشينه
.
| |
|
|
|
|
|
|
|
|
|
Re: ناس .. ناس .. ناس (Re: khatab)
|
Quote:
مشيت امس لي ست الشاي الجنبنا
قعدتا لي في حجر
وقتا داير واحد شاهي
قاعد في حجر طبعا لانو الكراسي كلها مكسرة
ادوني شاي ولقيمات
اللقيمات مدتو لي بيدها بعد مسحت خاخيت ولدها السايلة
|
..
هذا ما اورده الهكر على صدر .. البوست .. ناس .. ناس .. ناس
.
.
| |
|
|
|
|
|
|
|
|
|
Re: ناس .. ناس .. ناس (Re: khatab)
|
الحمد لله الجات على كده ..
سأعود مجددا ً.. لموضوع
ناس .. ناس
كوميديا الزمن الما جميل خالص .. لكن احسن كتير
من زمن الكوميديا السوداء *..
الراهن ..
..
*
حول مصطلح الكوميديا السوداء ..
يحق لى مساء لة العضويه الكريمه , رجالا ً ونساء .. صبايا وفتيان
حول المفهوم والدلا ت ..
.
ناس
.
ناس
.
وهكر
.
| |
|
|
|
|
|
|
|
|
|
Re: ناس .. ناس .. ناس (Re: khatab)
|
الله ارحمك يا عمى الامين ابوبكر ادريس .. كم حزنت لرحيلك عاية الحُزن
ضاقت بى الوسيعه .. لى رحيلك وانا اسمع بيهو بعد اسبوع ..
رحلت قبلك اّمنه حسن .. المرأه العملاقه .. اي والله عملاقه .. ام حاتم وخالد
هاجر والاخوات الحبيبات , والعزاء موصول فى الفقد الراهن والفات , ضريبة الغربه
اموتوا يا صديقى محمد عبدد الرحيم قرنى .. ونحن بُعاد
مات اللمين ود أبكُر .. وانا متفِن هنا .. فى بلاد نائيات .. مات اللمين ود عشه بت الفكى
عامل الكُهرباء .. شركة النور .. مات من له الحضور كله فى الشدائد والملمات
مت يا سيدى ورحلت الى جنان سيد الكون ..
الذى بالكاد سيحسن وفادتك ..
حتما ً مضيت الى حمد النيل .. لكننى لم اكن هناك لأحمل عنقريبك فوق اكتافى كما عادتنا فى
فى التشييع , ولم ارمى جينتة ً بارده .. موقع الرأس
ليكون معلما ً انك ترقد هنا .. حين يزورك الاحفاد فى الاعياد .. انرت وصحبك ام درمان كلها
فلا ضير ان يحفظ ويحف الاحفاد قبرك ويضاء فى الزيارات الصباحية للأعياد
فنم .. ايها الامين هانئا واغفر لى .. هذا البُعاد
ولا حول ولا قوة َ الابه .. تسامى وعلا
سيد الكون
.
| |
|
|
|
|
|
|
|
|
|
Re: ناس .. ناس .. ناس (Re: khatab)
|
الكوميديا السوداء ..
سميت بهذا الاسم .. لأنه الاضحاك فى اقسى حالاته , لا اجد له ترجمة ً و العربية ِ
سوى ضحك الطير مذبوحا ً .. من الألم
وضحك الرجال بكا .. ولا اجد له فى الواقع السودانى سوى
تلك الابتسامه .. ووقفة بابكر النور .. كاتفا ً يديه الى صدره .. التى اوردها
الصديق .. رأفت ميلاد .. وهو يشعل الذاكره ..
الكوميديا السوداء .. هى ذاك كله .. وما يجابه الوطن .. من ضحك اصفر
وانياب بالغة النهش فينا .. ونحن ما زلنا نجادل الحلوى .. فيما القته علينا
سلطة الانقاذ .. من فتات .
انها الكوميديا السوداء ..
وما ادراك ماهى ..
.
ناس
ناس
نااااس ..
.
| |
|
|
|
|
|
|
|
|
|
Re: ناس .. ناس .. ناس (Re: khatab)
|
العزيز خطاب
حمداً لله على سلامتك من الهكر يا مشرق ...
خشيت أن لا نرى سطوعك قريباً ...
و لكن ...
لا يستطيع الهكر حجب شموسنا ...
و لا نامت أعين الجبناء ...
| |
|
|
|
|
|
|
|
|
|
Re: ناس .. ناس .. ناس (Re: أشرف البنا)
|
(العزيز خطاب
حمداً لله على سلامتك من الهكر يا مشرق ...
خشيت أن لا نرى سطوعك قريباً ...
و لكن ...
لا يستطيع الهكر حجب شموسنا ...
و لا نامت أعين الجبناء ... )
..
. اشرف يا بنا .. نادو لينا البنا .. ابنى لينا الجنه ..
. مراحب يا صديق .. ليك وحشه ..
. وهكر ..
. ناشط ألم بنا..
. نعالجه بالحكمة ِ.. ومواصلة الكتابه ..
. فى الهموم المتعارف عليها ,
. واسمح لى .. لتعزُر الاقتباس .. بطريقته المُثلى , وضع تحيتك المُضيئه ,
. بين قوسين ..
. فعزرا ً
. اخى الحبيب ,
.
. سلام من ود البنا الكبير , لي الحاج محمد احمد سرور
. ولكرومه .. عبدالكريم
. ولعمنا ود الفكى .. وهم يدونون نوتة
. الغناء السودان
. بدايات نشكلها ..
. والقصه جارا ..
.
..
.
.
لا نامت اعين الجبناء
.
ولا حتى من
من يرون انهم , شجعان
.
وبعد داك بيان بالعمل ..
.
و القصه جارا
.
ومازال الغناء ترياق هذا
الشعب
.
و موجه حركته ..
.
| |
|
|
|
|
|
|
|
|
|
Re: ناس .. ناس .. ناس (Re: khatab)
|
ياجماعة بي جدكم
ارتجال في الاذاعة السودانية
منو البسمح بيهو
سمحوا لينا يرد علي خطاب
ياجماعة ارتجال على الهوا
طيب نفرض طلع بايخ
الحلقة طلعت بايخة
ابتسم خطاب
كان يثق فينا
كنا نثق في بعض
ورمينا المواضيع في بحر الارتجال
وخكمة ربنا نافي حلقة طلعت بايخة
وضحكنا وضحك الناس معانا
ناس ناس ناس
يا خطاب في برامح في اذاعات الدنيا
زي البرنامج ده
ناس ناس
على الهوا
غايتو العارفوا
في بلاد العرب والافارقة
مافي زول بعمل برامح زي دي
اها انت في بلاد الدنيا البعيدة
في برامج زي دي
ياخطاب ؟؟؟
في ؟؟ ولا مافي ؟؟؟
خطاب !!
لكم احبك ايها الفنان ...
| |
|
|
|
|
|
|
|
|
|
Re: ناس .. ناس .. ناس (Re: محمد سنى دفع الله)
|
Quote: ]ياجماعة بي جدكم
ارتجال في الاذاعة السودانية
منو البسمح بيهو
سمحوا لينا يرد علي خطاب
ياجماعة ارتجال على الهوا
طيب نفرض طلع بايخ
الحلقة طلعت بايخة
ابتسم خطاب
كان يثق فينا
كنا نثق في بعض
ورمينا المواضيع في بحر الارتجال
وخكمة ربنا نافي حلقة طلعت بايخة
وضحكنا وضحك الناس معانا
ناس ناس ناس
يا خطاب في برامح في اذاعات الدنيا
زي البرنامج ده
ناس ناس
على الهوا
غايتو العارفوا
في بلاد العرب والافارقة
مافي زول بعمل برامح زي دي
اها انت في بلاد الدنيا البعيدة
في برامج زي دي
ياخطاب ؟؟؟
في ؟؟ ولا مافي ؟؟؟
خطاب !!
لكم احبك ايها الفنان ...
..
|
عزيزى محمد السنى ..
.
شكرا ً على الطله .. البتقيف خلق الله ..
.
. اذكر جيدا ً والاذاعه .. ذاك الزمان .. ان معتصم وصلاح تولوا , حركة التغيير
. باعتبارهم حينها .. كانوا ,
. مسئولين , عن قسمى الدراما والاخراج ..
. تولوا مهمة الدفاع ..
. عن البرنامج .. باعتباره ,
. البرنامج المعنى .. ناس .. كان ان ,
. تسرب اساسا ً , من بدايات , ما عُرف لاحقا ً , باليوم المفتوح , عهد الاعلامى المميز ,
, الراحل الاستاذ .. محمود ابوالعزايم .. الذى كان مديرا ً للاذاعه وقتها ,
.
.
.
. ان تدخل الاستديو , وبدون نص .!!
. فتلك اشبه بالجرائم وقتها..
. وقد كان ان دخلنا الاستديو , دون نص
. فقط كوكبه مقتدره , من الممتلين الاساتذه , الزملاء المجودين , فكان ذاك البرنامج
. ناس
.
. نعم يا صديقى كنت اقف فى غرفة المراقبه .. صاحب الفكره .. نعم .. المخرج المسئول
.
. لكنكم كنتم ملح الماده .. روعتها , التى تدانى .. وكان حفتكم .. مستمعى الاذاعة
. غير الضحك , بالاعجاب ..
. أذكر حلقة ً بعينها .. وكنت ابنا ً للممثله البارعه .. سميه عبد اللطيف ,
. وكانت اُمك سميه , ترقد طريحة سرير المستشفى , وان عمك , فيما تقدم من الحلقه , اياها
. يرقد طريح مسشفى اّخر .. وانك كنت تساسق , بين المستشفيين , وانها الام حريصه على معاودتك له
. كما حرصها , ألا تخرج من المستشفى , الا بكامل مواجبتها , التى انفقتها قبل الرقاد ِ هنا ..
. ودار هذا الحوار
: مشيت لى عمك ؟
: اّاي يمه مشيت ..
: واجبتو .؟
: اّاي يمه .. واجبتو ..
: انشالله شلت ليهو معاك تُفاح .!
: اّاي ..
: تُفاح .؟؟
: هو عيان يمه .. لاكين ما لدرجة .. التُفاح
.
.
ناس
ناس
ناس
.
| |
|
|
|
|
|
|
|
|
|
Re: ناس .. ناس .. ناس (Re: khatab)
|
ليس اقسى الاّن .. لمن هو خارج الرقعه الجغرافيه , خارج الوطن .!
من سماع اخباره , او ما يعتمل بين طرقاته , الوطن , من تحولات حادثه ..
تضرب الذاكره , البعيده , بحكم الزمان وانشطار المكان , وحتى المعايشون لواقعه ,
تشتتهم .. سبل كسب العيش فيه .. واختلافاتها , كل صباح ٍ جديد ..
ولا نحجر على وسائط التقنيه , تبوغها , حيث صار بالامكان , المخاطبه الفوريه , الهاتف
او الجوال ..
ولكن برغم سرعة الاتصال , تظل الهوة ِ
عصية على الردم ..
.
ولقد أفلح هذا النظام الحاكم .. فى تدمير الذاكره .. و تشويهها ,
لكنه أفلح ايضا ً
فى اذاعة الكنز , الذى جهد فى دسه , بعيدا ً عن بصارة الشعب
.
هذا الشعب الصبور والحريف , الذى من صمته , يمكن ان يعار بالبكم
.
وهو من افصح الشعوب .. وان فى الصمت
كلام
.
من يرفدنى الاّن .. بخضر بشير عليه رحمات المولى ..
من يرفدنى ..
ب
عسعس الليل ونامَ
واكتسى الوادى ظلامَ
ان يكُن صمتى رهيبا ً
ان فى الصمت ِ
كلاما ..
.
نكون شاكرين ومقدرين ..
.
| |
|
|
|
|
|
|
|
|
|
Re: ناس .. ناس .. ناس (Re: المكاشفي خضر بشير)
|
يا سلا م عليك .. لقد فعلت فى فعل الخير , ولقد بريتنى برا ً كثيرا ً
لك الجمال اينما تلفت َ
ولك الود .. كاملا ً غير منقوص
انه .. طرب لا يُضاهى .. وانه خضر
الذى علمنا.. التأدُب
وحضرة ِ
الغناء
.. له الرحمة .. ولنا العناء
.
اسوى ليك شنو ..!!
يا مكاشفى ..!!
الله يحفظك بس .. ويخليك لينا
.
انه الصمت .. هذا الذى ينطقنا ..؟؟
.
فكيف بالله عليك .. حين يكتسى
بالظلا م .!!
كيف ؟
؟
| |
|
|
|
|
|
|
|
|
|
Re: ناس .. ناس .. ناس (Re: على عمر على)
|
الكدرو الله ارحمو .. واحسن اليو .. وكل الشهداء اولاد الشعب
.
انا قايلك مشيت .. حلتكم ديك , الجابت لينا .. ال
.
يقول الشاعر امحد طه القدال .. فيما يقول
أمرق منى يا ..
.
على .. سلم لي .. على المدام
.
| |
|
|
|
|
|
|
|
|
|
Re: ناس .. ناس .. ناس (Re: khatab)
|
خطاب يا زمن .. والناس عزاز
شلت منى الكتير ..
بعد طلتك ديك .. مشيت "أبحث" عن ناس وناس ..
تطلع صفحة مكعوجة .. وكلام ما بجرو الماوس
أها لامن ود الحلال .. أنت .. ناولتنى البوست قدام ..
ما عارف يا خطاب .. زى ما تقول الهكر شابك فى راس الماوس .. مرات يطير فى الكورنر ..
شوية بسملة مسلمين وتعاويز قبطة .. لامن يرك تانى ..
الله يستر ما أكون ناقل متنقل ..
لكن بوستيك ده ما دخلتو .. يعنى ماوسى بريئ من عرق ستات الشاي ..
ولسة بنطل ونطل ونطل .. ناس وناس عزاز
كابوس ياريت يكون ونصحى .. ولا ده كلام هروب ووجع منى ؟؟؟
| |
|
|
|
|
|
|
|
|
|
Re: ناس .. ناس .. ناس (Re: رأفت ميلاد)
|
اسمه رأفت .. من معنى الرأفه ..
ووالده .. اسمه ميلا د .. وبين الميلا د .. والحياة , معروف
لو تفكرنا قليلا ً .. حتى فى اسماء نا .. وكيف راّنا .. من ساهم..
بالاتيان بنا .. بعد حُب ٍ
معزة واختيار , لعرفنا من نحن ولمشينا .. بالحب .. السلا م
بين الناس ..
( سميناهو يحيى .. ليحيا .. )
.
ما اسعدنى يا صديقى بك ..
.
.....
.
(خطاب يا زمن .. والناس عزاز
شلت منى الكتير ..
بعد طلتك ديك .. مشيت "أبحث" عن ناس وناس ..
تطلع صفحة مكعوجة .. وكلام ما بجرو الماوس
أها لامن ود الحلال .. أنت .. ناولتنى البوست قدام ..
ما عارف يا خطاب .. زى ما تقول الهكر شابك فى راس الماوس .. مرات يطير فى الكورنر ..
شوية بسملة مسلمين وتعاويز قبطة .. لامن يرك تانى ..
الله يستر ما أكون ناقل متنقل ..
لكن بوستيك ده ما دخلتو .. يعنى ماوسى بريئ من عرق ستات الشاي ..
ولسة بنطل ونطل ونطل .. ناس وناس عزاز
كابوس ياريت يكون ونصحى .. ولا ده كلام هروب ووجع منى ؟؟؟ )
.
..
.
شكراً .. رأفت ميلا د
.
ومعا ً ضد كل انواع الهكر
.
| |
|
|
|
|
|
|
|
|
|
Re: ناس .. ناس .. ناس (Re: khatab)
|
لايقاع النبات عليك اذا ساء لك ,
فى حالة الشعر بالتحديد ..
عليك
الابانة والافاضة..
بساهل الكلام,
واعمقه..
...
قشيشة الخريف خدرا ..
.
.. ساء لت الكاظم الشاعر الضخم ..
.
.. وساء لت المغنى الجليل ..
.
.. ابراهيم موسى أبا ..
.. عليهما الرحمه والرضوان ً
.
. وباسق ووارف الجنان ..
. ساءلتهما ..
. قشيشة الخريف .!!
..
. ولقد كانت شايلالا نواره ..
. ياريت زول انزِل الغُنيه ..
.
قشيشة الخريف ..
خدرا ..
شايلالا نواره ..
.
من يرفدنا هنا بهذه الاغنيه ..
يكون قد فعل بنا كا الخير
وله فى العالمين , أجزل العطاء
.
. والشكر موصول للعزيز المكاشفى خضر بشير .. الذى برنى اعلى ..
. هذا البوست
. بالاستاذ شخصيا ًوهو يحاضر فى فن الغناء ..
.
. وهى بالمناسبه يا مكاشفى ..
.اول الاغانى التى قارعتها وانا بعد طفل ..
. والحلبةالشائكه للغناء .
..
.
| |
|
|
|
|
|
|
|
|
|
Re: ناس .. ناس .. ناس (Re: khatab)
|
أبو مريود سلامات
كيفك ؟
شنو ؟
من ديك ؟
من يوم عرس ودالزين داك ؟
نعم
كان يوم عرس الزين .
صاحبك د/ صلاح الزين هو حداد الكلام بلا شك
كانت سعادة كبيرة بحضورك ..
اتابع ناس .. وناس .. وناس .. كيف شديد .. نعم
متكيف
تحياتى
| |
|
|
|
|
|
|
|
|
|
Re: ناس .. ناس .. ناس (Re: Osman Musa)
|
Quote:
أبو مريود سلامات
كيفك ؟
شنو ؟
من ديك ؟
من يوم عرس ودالزين داك ؟
نعم
كان يوم عرس الزين .
صاحبك د/ صلاح الزين هو حداد الكلام بلا شك
كانت سعادة كبيرة بحضورك ..
اتابع ناس .. وناس .. وناس .. كيف شديد .. نعم
متكيف
تحياتى
|
...
.
عتمان ود موسى .. ناس الذيداب .. من هنا لى غادي سلا مات ..
شوق والله ووحشه شديدي
لو بايدى كنت حضرت كل الندوات .. لاكين الله غالب .. وود الزين جاييو بي مهله
بس عندى شوية أغراض
أقضيهن و بجيك
صاد ..
اكان سين ما عارف .!
..
.. هيئ هيئ ها ..
.. الله ارحمك يا يس ين .. عبدالقادر ..
.. ويا حليلك ياود البصير
.. سوق ليبيا وذاك الرادى ,الملبس قُماش وصاحبك اب صديري ..
.. علا بجيك صاد وبى
. مهله العباديه .. وبي كل البنات .. حدود
..أمونه ياخرتوم , ألت هاشم صديق ود الملك
.
.. هيئ هيئ ها ..
.
| |
|
|
|
|
|
|
|
|
|
Re: ناس .. ناس .. ناس (Re: عبدالوهاب علي الحاج)
|
Quote:
وناس الحلة الغاضي
.
|
عبدالوهاب البتاعه دي .. اي الغاضى .. الاوردتها فى مُداخلتك .. ما شغاله
لا بالعربى الفصيح .. لا بالدارجه .. لا بالعامه ..
مرات التوضيح بكون مهم ولا شنو ..
.
شكرا ً على المرور ..
.
فى انتظارك يا حبيبى , اغنيه للفنان محمد الامين , له التحايا الطيبات
وله اغان ٍ اُخريات .. ياريت تجيب لينا , منهن واحده .. تكون حقيت الإسِم ,
وفرحت خلق الله .. تتذكر يا عُبد .. واسمح لي بالمخاظبه المفتوحه , برفع
الكُلفه وكده .!
ود مدنى .. رائعة .. الخليل .. !
ياريت تتحفنا بيها .. ينالك عنا ثواب
.
يا ريت ..
.
| |
|
|
|
|
|
|
|
|
|
Re: ناس .. ناس .. ناس (Re: emad altaib)
|
( أستاذنا خطاب ,,, التحيات الذاكيات
معليش أنا رفعة الكُلفه ورفعة الإغنية
ــ
فالسماح علي التطفل ... )
..
. شكراً العزيز .. عماد الطيب على التطفل الجميل .. وياريت كُل الطلا ت , تكون
. شايله .. معاها اغانى ياصاحِب ..
..
وهديه صغيره منى ليك .. بيتين الشعر الحأقولهمم ليك ..
وهما من ذات القصيده .. التى ابدع فيها استاذى وصديقى الفنان
محمد الأمين ..
..
يقول شاعرنا ومعلمنا .. خليل فرح
..
يالقلب ٍ
بالهموم حُبِكا .. طرفُه مُسهد ..
عِيشتُه
ديما بُكا..
كم تألم بالنوى
العبكا ..
وكم ذكركم , وفِكرُه
كم رُبِكا ..
..
.
شكرا على الحضور الحميم ..
.
| |
|
|
|
|
|
|
|
|
|
Re: ناس .. ناس .. ناس (Re: khatab)
|
التحيه للباشكاتب الفنان .. الذى اقتطع خمس ابيات .. ليبهجنا بود مدنى ..
عملت لينا شنو يا باكاتب .. فى موضوع الغنا وكده .. !
شكرا ً مجددا .. يا عماد ..
.
| |
|
|
|
|
|
|
|
|
|
Re: ناس .. ناس .. ناس (Re: khatab)
|
ياناس ..
يانااااس ..
في ناس زي ناس (خطاب) ديل .. عرفناهم وصاحبناهم وانتشينا وانفعلنا بغناهم
ومسرحهم وطق الحنك الليلم ، ناس ادت ولسة بتدي .. ناس شايلا الناس جواها ..
.. واشجار مروية بموية الطيبة والأبداع فروعها مدلدَلة عملالنا ضُل .. نصنقر في براحو
( وقت نضيم، والدنيا تحجب غيمتها .. ) .
خطاب ..
لا ..
كتاب ..
لا ..
خطاب ..
ده كلو ممكن تسميه .. حب .. شوق .. (تضامن) .. (شجب) .. او قول ساااي ..
لأنك زول ماساااي ..
.
.
ومعليش الإقتحام ده .. لكن زعلان وزعلان اكتر انو شكَل الكيبورت ده ماليننا .. الليننا
واحد تاني خابرين دروبو .. ومقددِنَها .. إلا الله غالب ..
واصل ياصاحب ..
في الناس ..
وغير الناس ..
واصل وبس ..
ـــــــ
كده انت اتهكرته مرتين 
| |
|
|
|
|
|
|
|
|
|
Re: ناس .. ناس .. ناس (Re: محمد الجزولي)
|
Quote:
ياناس ..
يانااااس ..
في ناس زي ناس (خطاب) ديل .. عرفناهم وصاحبناهم وانتشينا وانفعلنا بغناهم
ومسرحهم وطق الحنك الليلم ، ناس ادت ولسة بتدي .. ناس شايلا الناس جواها ..
.. واشجار مروية بموية الطيبة والأبداع فروعها مدلدَلة عملالنا ضُل .. نصنقر في براحو
( وقت نضيم، والدنيا تحجب غيمتها .. ) .
خطاب ..
لا ..
كتاب ..
لا ..
خطاب ..
ده كلو ممكن تسميه .. حب .. شوق .. (تضامن) .. (شجب) .. او قول ساااي ..
لأنك زول ماساااي ..
.
.
|
ساي ونص وخمسه .. كتر خيرك يابا .. اخونا وولدنا الصغير ..
يا ابوالحسن مما عرفناك ,
مولود بسنونك .. كبير من يومك وواعى ,
ودارك لشئون الدنيا ..
.
عافاك يا صاحب
.
مازالنا نغنى
.
وحنظل ..
.
| |
|
|
|
|
|
|
|
|
 Re: ناس .. ناس .. ناس (Re: Ibrahim Idris)
|
Quote:
الحبيب الكتاب
قول أهلنا لإسـمك فوق التـل الهِنـاك!
...
..
.
زمـان قالوا: "ده الفرق بين نـاس ....ناساً.. تأكـل اللحـم بالسـيخ ....
وناساً تنضرب بالسيخ فى الراس"
الليله دى زي قولتك " للروب"
ناس بلهكر تنضرب فى " أصابعينه"
غايتو الهكر غير فى معانى الشـعر
وكأنى السمعت الحين قولت ودالأمين
" الهكر الجاب الناس
لينا ما جابك
يعنى نسيتنا خلاص؟؟
مع إنك ....إنت الخليتنا نغـنى
للهكر و الناس"
....
..
.
ودى قولت " التيت"
نشوفك فى دار " الـكُتبى"
يا أجمل الناس
أخيك
إبراهيم وشـكراُ لِقولت " الخال"
|
اعودك اليوم يا ود الدويم .. يا ماركس , يابا ادريس ..
واسمح لى معاودتك بعد طول انقطاع ..
وللخال .. بشار الكتبى ..
وذاك كان ..
نداءا يحبه منى ويحبذه ,
بحكم العلاقه والتأدُب فى حضرته البهيه ,
وصحببته من الملتقين .. بداره العامره دوما ً
بالألق السودانى الحميم .
..
اعودك يا صديقى بعد طول غياب , رغم تهاتفنا ذاك .. لاسباب حياتيه واسفيريه ,
اعودك متاخرا وذاك كان يا ابوخليل , لاصلاح حال الاثنين .. وها قد تم اصلاح العود
والمياه الدافئة دفقا ً .. قد عادت للانطلاق .. اروع مايكون الانطلاق
.
والحمد لله من قبل ومن بعد
.
| |
|
|
|
|
|
|
| |
khatab
Magdi Ahmed Elsheikh
محمد الجزولي
Marouf Sanad
أشرف البنا
محمد سنى دفع الله
المكاشفي خضر بشير
على عمر على
رأفت ميلاد
Osman Musa
عبدالوهاب علي الحاج
emad altaib
Ibrahim Idris
فيس بوك
تويتر
انستقرام
يوتيوب
بنتيريست