|
|
 Re: لماذا ولدت مبادرة (أهل السودان) ميتة؟ (Re: برير اسماعيل يوسف)
|
برير إزَيك ... علك طَيِب ...
أنا وإنت مُتشاكلين شكلا لِرب السما ... والعداوه بيناتنا كِبرت تب ... ناس الحِلة فترو مِن عداوتنا فتر شديد ... قُمت أنا جمعت شوية مِن ناس الحلة ... ناسي ... البتربطُم معاي مصالِح ... وقُلت ليهُم نعمِل جودِية عشان نحل الشكلا البيني وبينك ... وسويت روحي رئيس الأجاويد ... سويت روحي الحكم ... إنت بترضى بِكِده ... أكان رضيت < مُبادرة أهل السودان > بتنجح ...
أطراف القضِية :
(1) المؤتمر الوطني (الحِزب الحاكِم)
(2) حركات الغرب المُسلحة (ناس مطالِب ومظالِم أكان كِضب ولا صاح)
المحكمة :
القاضي المؤتمر الوطني
المُحامي :
شُركاء المؤتمر الوطني (المُنشقون عن أجنِحة الأحزاب الكُبرى ... ناس تهليل تكبير)
هدي شكل < مُبادرة أهل السودان > ظنك بتنجح ...
أنا سبب في المُشكِلة كيف أكون فيها الحكم والرئيس ... أنا جُزء مِن المُشكلة أكان ما كُنت كُل المُشكلة ... أقوم بعد ده أجمع ناسي الحوليني وأترأسمُ وأفرِض حل فرض ... مُش كمان كِده سميتا < حل أهل الحِله > أها ناس الحِله ما كُلهُم معاي ... الشلاقه العلي شنو أقَـوِِلُم كلام ما قالوهو أو مابِيِنو
أكان دايِر العركه بيني بينك تِنفك ... نشوف زولاً بيناتنا يخُش ... زول أنا بحترِمو وإنت بتحترِمو ... زول نتفق عليهو ... نقنِب بعدين ... ونحكِمو بيناتنا ...
| |
 
|
|
|
|
برير اسماعيل يوسف
عزام حسن فرح
فيس بوك
تويتر
انستقرام
يوتيوب
بنتيريست