|
نانسي عجاج لو جاية الدوحة كتري لينا من التاء
|
صحي نانسي عجاج عندها حفلة في الدوحة يوم الخميس
بس يا نانسي اي اغنية فيها (تاء) غنيها
وزي ما قال الراجل لكمال ترباس بالله غني لينا يا ريت وكتر لينا من تعبت
انتي كتري لينا من تعبت
|
|
|
|
|
|
|
|
Re: نانسي عجاج لو جاية الدوحة كتري لينا من التاء (Re: Shamael Elnoor)
|
Quote: تعرف يا خليل ما افتكرت انو فى زول غيري معجب ومتيم بتاء نانسي،،وبهذا تكون نانسي اضافت تاء جديدة للغة العربيةواصبحت التاءات كما يلي:-
- تاء المتكلم - تاء التأنيث - تاء نانسي
|
شمائل النور
فريد شوقي والله
تاء نانسي انا عندي فيهو سبق صحفي وعملت ليهو بوست مخصوص
بتليقهو في المكتبة بتاعتي
| |
|
|
|
|
|
|
Re: نانسي عجاج لو جاية الدوحة كتري لينا من التاء (Re: khaleel)
|
خليل كيفك و سلام الهضربة شنووو يا زوول أثبت شوية و أركز
قولت لىّ تاتى بتاعة وداليمنى ما بتغنيها لينا؟؟؟؟
أدونا خبر عشان نجهز و نجهز العيال و أمهم كسرة
Quote: عشان نحن ما عندنا نخبة |
وناس الجلاليب البيض و العمم أم شالات ملفحة و مراكيب الأصلة ديل ما عاجبنك هى النخابة دى قايلة شنو يا خليل؟ شهادات ؟ قروش ماليها حد؟ أم كترة "عوين"؟؟؟ ( فى حدود الشرع)
كترة "عوين" = تعدد زوجات يعنى
ش
| |
|
|
|
|
|
|
Re: نانسي عجاج لو جاية الدوحة كتري لينا من التاء (Re: شكرى سليمان ماطوس)
|
وناس الجلاليب البيض و العمم أم شالات ملفحة و مراكيب الأصلة ديل ما عاجبنك هى النخابة دى قايلة شنو يا خليل؟ شهادات ؟ قروش ماليها حد؟ أم كترة "عوين"؟؟؟ ( فى حدود الشرع)
ماطوس المهندس
ازيك
نعم نحن لم تنسينا الغربة ريحة الطين في جروفنا
ولا تنستعمل مستوحش اللغة
نحن ناس محجوب شريف واسماعيل حسن
نحن عوام ودهماء وسوقة
ولكن ليسو مثقافتية
حباب بت عجاج
| |
|
|
|
|
|
|
Re: نانسي عجاج لو جاية الدوحة كتري لينا من التاء (Re: khaleel)
|
الجميل / خليل مساء الخير ويااخي اسف لتأخير الرد
Quote: هاروون دياب هل هناك تاكيد للخبر |
الخبر الاكيد انوا نانسي عجاج عندها حفلتين في الخليج وده لاول مرة الحفلة الاولي في سينما الخليج في الدوحة بتاريخ 13/11/2008م والحفل التاني في ابو ظبي وسيحدد موعدها في مابعد وبالمناسبة نانسي شغالة بروفات اليومين ديل وحتجي بفرقتها الموسيقية كاااااااااملة والكلام ده كلوا علي مسئوليتي
بالمناسبة..... تذكرتك مجاني وعلي حسابي بس انت تجي.....
مودتي هارون دياب
| |
|
|
|
|
|
|
Re: نانسي عجاج لو جاية الدوحة كتري لينا من التاء (Re: haroon diyab)
|
Quote: يااخوي انا من الهمج الرعاع
رعاع باللبن هيييييييييي يكاااااااااااا |
هارون
حاشاك يكفيك فخرا انك اطربت وجداننا بالحقيبة ويكفيك فخرا عشقك بالاحمر الوهاج
ويكفيك فخرا التصاقك بمهمشي بلادي
ويكفيك فخرا كتابتك عن عبدالله ماسورة وصاج لحم ولم تحدثنا عن ثقافات المكسيك القديمة
خليك سوداني
| |
|
|
|
|
|
|
Re: نانسي عجاج لو جاية الدوحة كتري لينا من التاء (Re: haroon diyab)
|
شكراً أخي هارون دياب على هذا النغم الجميل والأختيار الأجمل شكراً على أسعادنا بهذا الطرب الأصيل والأداء الجميل بهذه المناسبة أود أن أشير إلى مجموعة من الفنانين الشباب الذي ظهروا هذه الأيام والذين يتغنون بأغنيات بسلالم وأنغام غير سودانية بالمرة بالرغم من أن كثير منهم يمتلك صوت جميل وأمكانية أداء بنغمة سودانية أصيلة ولكن لا أدري ما الأمر ، هل هي مؤامرة لاضاعة هوية النغم السوداني وإجبار المستمع السوداني على ألحان وسلالم ليست سودانية ، فمرة عربية ، ومرة خليجية ، ومرة غربية ، ومرة لا ندري هويتها . من أمثال الشباب الذين يمتلكون جمال الصوت وإمكانية التغني بأنغام سودانية الفنان / معتز صباحي وعلى الرغم من ذلك يصر على ألحان خليجية الهوية ، أو مصرية ، أو أنغام لا نعلم هويتها، ومن هؤلاء الفنان الذي قدمت له قناة النيل الأزرق سهرة أول أمس ( محمد الخاتم ) الذي تغني بأغنيات بالحان ليست سودانية ، ولا أدري هل وجدت من تقبلها، عموماً بالنسبة لي أنا ليست مقبولة بالمرة وليس لها أي وقع وصدى في نفسي . ولو أردتم التحقق من أمر المؤامرة لاضاعة هوية النغمة السودانية ، راقبوا قناة ساهور وشوفوا ألحان بعض المدائح ذات الهوية غير السودانية ، والتي شوهت النغمة السودانية المتربعة في وجداننا ودواخلنا. بالله عليكم شاركوا في مناهضة هذه الحملة لاضاعة هوية الغناء السوداني . وشكراً مرة أخرى الأخ هارون دياب .
| |
|
|
|
|
|
|
Re: نانسي عجاج لو جاية الدوحة كتري لينا من التاء (Re: Mirghani Ali AlAmin)
|
الاخ / ميرغني صباح الخير
ولكل جزيل الشكر علي هذه النقطة تحديدا
Quote: راقبوا قناة ساهور وشوفوا ألحان بعض المدائح ذات الهوية غير السودانية ، والتي شوهت النغمة السودانية المتربعة في وجداننا ودواخلنا. |
والله يااستاذ اخر حاجة جايبين ليهم وحده مصرية تمدح مدحة الشيخ الماحي ( سمح الوصوفو) عملت فيها جنس عمايل كرهتنا المديح زااااااتو. بس نقول شنو....؟ التجي من السماء تتحمله الواطة وساهور دي جات من السماء ووقعت فوق راسنا.
| |
|
|
|
|
|
|
Re: نانسي عجاج لو جاية الدوحة كتري لينا من التاء (Re: Mirghani Ali AlAmin)
|
Quote: ولو أردتم التحقق من أمر المؤامرة لاضاعة هوية النغمة السودانية ، راقبوا قناة ساهور وشوفوا ألحان بعض المدائح ذات الهوية غير السودانية ، والتي شوهت النغمة السودانية المتربعة في وجداننا ودواخلنا. بالله عليكم شاركوا في مناهضة هذه الحملة لاضاعة هوية الغناء السوداني .
|
الفاتح
اضاع بعض الشباب هوية الاغنية
| |
|
|
|
|
|
|
Re: نانسي عجاج لو جاية الدوحة كتري لينا من التاء (Re: khaleel)
|
خليل والله ود أهلك مستعجل حبتين لكن حبيت تأكيد خبر وصول نانسي
الحفل كان من المفترض يوم الخميس السادس من نوفمبر تغير الي يوم الخميس الثالث عشر من نوفمبر وذلك للمزيد من الترتيب والمزيد من حروف ( التاء )
ستملأ البوسترات شوارع الدوحة وتملأكم نانسي طرباً حد الدهشة أكوي بدلتك وخليك في حال ترقب بس اوعى يكون البدلة مقاس 58 وفوق ؟؟
إنت خليك من التاء راقب ( الدال ) نانسي دي دكتورة عدييييييل
| |
|
|
|
|
|
|
Re: نانسي عجاج لو جاية الدوحة كتري لينا من التاء (Re: Rasha Hatim)
|
Quote: خلاص نكرتو حطب؟ طيب الشمعة كيف؟ |
رشا حاتم ياااخ ما نكرتو ياااخ بس إنتي غلطانة أنا مش بتاع البلاط .. أنا بتاع مرمر مرمر ملكي فاخر .. تمشي فيهو تنزلقي
دااك مش بلاط .. مرمر قولي معاي مررررررررررمر مرمر ملكي والشمعة ترتجف سهراً وأمنيات تضيء أقبية الروح .. تسيل عشقاً أخوياً دافقاً ( لاحظي أخوياً دي ) شمعة وحيدة في ظللام دامس لا تتراقص الا حين ينقر العشم نوافذ العشق اها يا رشا لقيتيني كيف ؟؟
ود أهلي خليل مش طلعت مثقفاتي ؟؟ شفت ( أقبية الروح ) دي بهجة كيف ؟؟
خلينا من ده كلووووو جاهز للحفلة ؟؟
| |
|
|
|
|
|
|
Re: نانسي عجاج لو جاية الدوحة كتري لينا من التاء (Re: khaleel)
|
يا خليل
إنشاءالله (تـ)جيك في دوحـ(تـ)ك دي
و(تـ)نطرب
و(تـتـ)نط كدة
و(تـ)عيش حفلة حلوة
و(تـ)جينا (تـ)اني يوم
(تـ)حكي لينا
((كُنت أحب السُكر
بِنون النسوة
أُضيف عليها
نقطة خمرً
تُصبِح تاءاً للتأنيث
فأشربُ تاءا))
هاك جّغِم
وعلى وزن مؤونة طن من إيه كدة ما عارف:
نزل الصور
| |
|
|
|
|
|
|
Re: نانسي عجاج لو جاية الدوحة كتري لينا من التاء (Re: khaleel)
|
now and now
سجلو علي لساني نانسي عجاج فنانة فنانة حتي النخاع
حفل بهيج بسينما الخليج بالدوحة امتد حتي الثانية صباحا
اداء منقطع نظير واغنيات خالدة
تغنت بيا صديقي وتغنت لوردي خاف من الله وتغنت للحقيبة في الضواحي
وجسمي المنحول وغنت لابراهيم عوض وعثمان حسين وعركي ومصطفي سيد احمد
وكانت اجمل تاء في الدنيا
| |
|
|
|
|
|
|
Re: نانسي عجاج لو جاية الدوحة كتري لينا من التاء (Re: khaleel)
|
Quote: يا زمن وقف شوية
واهدي لي لحظات هنية
وبعدها شيل باقي عمري
شيل عيني
بالغتي يا نانسي |
حالتو دي يا خليل الفوق ده كلووووو مافيهو ولا ( تاااء ) واحدة
ود أهلي ما قلت لي الحفلة كانت كيف ؟؟ إنتو ما عندكم كاميرات ولا ناس بتسجل ؟؟ ولا خلعتكم نانسي ؟؟
غايتو حظكم
| |
|
|
|
|
|
|
Re: نانسي عجاج لو جاية الدوحة كتري لينا من التاء (Re: ثابت محمد)
|
Quote: حالتو دي يا خليل الفوق ده كلووووو مافيهو ولا ( تاااء ) واحدة
ود أهلي ما قلت لي الحفلة كانت كيف ؟؟ إنتو ما عندكم كاميرات ولا ناس بتسجل ؟؟ ولا خلعتكم نانسي ؟؟
غايتو حظكم |
والله يا ثابت
اجمل حفلة احضرها منذ الثمانينات
نانسي مهنية عالية صوت دافي حضور طاغي علي المسرح تغني بطريقة الكبار
ربنا يحفظنا لينا
| |
|
|
|
|
|
|
Re: نانسي عجاج لو جاية الدوحة كتري لينا من التاء (Re: khaleel)
|
نوكيا 3310
Quote: وهو ضياع موبايلي في صالة الحفلة وبه اكتر من الف رقم |
ذو قيمة أثرية والأخير في العالم من ذلك الطراز...
دايرين كشف يا ناس الدوحة..
....
الشابة يا جميل تجلت واخذت معها قلوب الكثيرين
أمتعت وانداحت فانداح معها خليل..
بس ولا بد من بس:
السينما لم تكن مهيأة لهكذا ابداع
| |
|
|
|
|
|
|
|