|
Re: يا أخوانا أعمل شنو ؟؟ وأسمع كلام منو ؟؟؟ (Re: معتز القريش)
|
أبناء دارفور بدول الإتحاد الأوربى يتظاهرون أمام مقر محكمة الجنايات الدولية بلاهاى
إنطلاقاً من إحدى المحاور الرئيسة لبرنامج عمل الإتحاد العام لأبناء دارفور بالمملكة المتحدة وأيرلندا الشمالية لهذه الدورة ٢٠٠٨/٢٠٠٩م والمتمثلة فى أن قضية السودان فى دارفور هى نقطة إرتكاز أنشطتها المتعددة، فقد فرغت وبحمد الله اللجان التى تم تكوينها منذ وقت مبكر من الإعداد لمظاهرة حاشدة أمام مقر محكمة الجنايات الدولية بلاهاى ، وذلك من أجل إيصال رسالة مفادها أن شعب دارفور لن يرضى بغير العدالة وأن أهل الدم لم ولن يتنازلوا عن حقهم مهما طال الزمن.
سوف تتحرك عدد من البصات والمركبات من بريطانيا العظمى صوب هولندا حيث تم التنسيق مع روابط وإتحادات أبناء دارفور بدول الإتحاد الأروبى خاصة فرنسا، إيطاليا، ألمانيا، بلجيكا، السويد، النرويج، الدنمارك و سويسرا ، هذا فضلاً عن هولندا الدولة المضيفة للمشاركة فى هذه المظاهرة الفريدة.
إننا فى الإتحاد العام إذ نشيد بأبناء دارفور بدول المهجر لدورهم المتواصل فى إيصال قضية أهلهم للرأى العام العالمى، نهيب بكل المهمشين من شرائح الشعب السودانى بدول الإتحاد الأروبى بمختلف روابطهم الإجتماعية وتنظيماتهم السياسية وكل الأحرار ومحبى العدالة بدول العالم من المشاركة الفاعلة فى هذه المظاهرة تحقيقاً للعدالة الدولية ودعماً للإنسانية.
تجدون أدناه تفاصيل الحدث:
· تأريخ المظاهرة ٣١/١٠/٢٠٠٨
· بداية التجمع الساعة الحادية عشرة صباحاً بتوقيت هولندا
· موقع التجمع مدينة دنهاك
DENHAAG – MALIE VELD
(Near DENHAAG station)
· يبدأ التحرك صوب مقر المحكمة عند الثانية عشرة منتصف النهار.
· سوف تستمر المظاهرة لستة ساعات متواصلة وتنتهى عند السادسة مساء.
عاش دارفور نبراساً مضيئاً لكل المهمشين وعاش السودان وطناً للجميع،،،
محمد إبراهيم عبدالوهاب
أمين الإعلام و الناطق الرسمى[email protected]
20/10/2008
لمزيد من الإستفسار يرجى الإتصال على الأرقام التالية:
إيطاليا - سليمان أحمد - ٠٠٣٩٣٤٨٧٩٣٧٩٨٢
فرنسا - عبدالله حسن - ٠٠٣٣٦٧٧٥٣٩٤٥٩
هولندا - جمال عبدالله - ٠٠٣١٧٠٧٨٥٢٥٩٣
بريطانيا - نورالدائم محمد أحمد - ٠٠٤٤٧٩٤٩٠٥٢٣٠١ - الصادق يوسف - ٠٠٤٤٧٥٠٥٤٠٠٢٩٥
| |
|
|
|
|
|
|
Re: يا أخوانا أعمل شنو ؟؟ وأسمع كلام منو ؟؟؟ (Re: معتز القريش)
|
سيف مساعد يا أخوي أنا أقول ليك عايز حل تجي انت تلصق لي كلام ما عندي علاقة بيهو؟؟؟ بعدين يا أخي المفروض انك زول متعلم ومثقف وعايش في دول العالم الأول ... تجي تدخل بكل سخف وتلصق لي كلام خارج موضوع البوست ؟؟؟ ثانيا يا أخي ملعون أبو أوكامبو وأبو المحكمة الجنائية وأبو العين أوكامبو ... أوكامبو بتاعكم دا لو راجل خليه يمشي يحاكم بوش ولا بلير ولا أي واحد من اليهود قوموا لفو كدا ... أرجوك تسحب الكلام بتاعك دا من البوست عشان ما تسمع مني كلام ما يرضيك ... عالم سخيفة ... نغيب مية سنو نجي نلقاكم في سخفكم
| |
|
|
|
|
|
|
Re: يا أخوانا أعمل شنو ؟؟ وأسمع كلام منو ؟؟؟ (Re: khaleel)
|
Quote: قريش
امشي السودان واضرب خروف الضحية
وامشي كحل عيونك في الاحفاد والتقانةومامون حميدة
والفارغة يملاها سيدك |
ان شاء الله ماشي يا هندسة بس المشكلة كل واحد يديك كلام مختلف تمشي السفارة تلقى كلام مختلف تتصل السودان لناس ال....... شنو كدا ما عارف يقولوا ليك لازم تصريح من عندنا الواحد ذاتو ما عارف يصدق منو ولا منو
يا خليل ما عارف ليك زول يساعدني وينالك ثواب وأجر
| |
|
|
|
|
|
|
Re: يا أخوانا أعمل شنو ؟؟ وأسمع كلام منو ؟؟؟ (Re: Hassan Makkawi)
|
Quote: ود القريش
وجهك صباح الخير
تعمل شنو؟ على كيفك!!
تسمع كلام منو؟
( اسمع كلام امك ما تسمعش كلام ابوك )
تسعد انت و امك و ابوك |
يا ود مكاوي هو في خير أكتر منكم حضورك اسعدناوريحنا بس لا أمي لا ابوي ليهم دخل في الموضوع كدي انت أسألني قول لي مشكلتك شنو ؟؟؟
| |
|
|
|
|
|
|
Re: يا أخوانا أعمل شنو ؟؟ وأسمع كلام منو ؟؟؟ (Re: سارة علي)
|
يا سارة كيفنك والله ليك وحشة أنا عامل حسابي ومجهز مصاريفي المشكلة في المصيبة دي
قولي لي كيف ... أنا أقول ليكي فورد اكسبلورر اشتريته بخمة مال عشان أسافر بيه الاجازة وبعدما اشتريته وقالوا ما بدخل السودان وناس تانين قالوا بدخل ... وناس قالوا عاوز تصريح من الجمارك وناس قالوا عاوز تصريح من الأمن ... وناس قالوا ممنوع زي الهمر
| |
|
|
|
|
|
|
Re: يا أخوانا أعمل شنو ؟؟ وأسمع كلام منو ؟؟؟ (Re: Hassan Makkawi)
|
Quote: يا ود القريش صباحك خير
الموضوع بسيط جداً
تصريح العبور يمكن استخراجة من السفارة
السودانية بجدة!!
لو غلبك رسل لى ( سكان ) لصورة الملكية
وماعندك مشكلة
0097339672313 __________________
منع ال 4X4 بيعتمد على صاحب الحلال!! ممكن يشحن موز ولا لالالالالا... |
والله يا حسن خجلتنا عديييل كدا وان شاء الله ح أتصل عليك وح أرسل ليك صورة الملكية وصورة الجواز وح أطلب منك كمان تحجز لي في الباخرة .... ودا كله هين المشكلة لما أصل سواكن يقومو يقولو لي عايزين تصريح شنو وشنو وشنو
| |
|
|
|
|
|
|
Re: يا أخوانا أعمل شنو ؟؟ وأسمع كلام منو ؟؟؟ (Re: عماد محمود علي)
|
Quote: ياود قريش يافردة مشتاقين وكده ...
يازول أتوكل على ربك وسافر بالسلامة ... ماممنوعة ولا حاجة .... ربنا يعدل طريقك وترجع لينا بالسلامة وفي أمان الله ....
عماد محمود |
يا سلاااااام يا عمدة ياخ والله العظيم الشوق قطّع أطرافنا عديييل كدا والله يا عمدة متوكلين على الله والحمد لله بس لو قالو ممنوعة إلا أجيك في بيتك وأخلس منك حقي . قال ما ممنوعة قال يعني انت بتعرف أكتر من ال ...
| |
|
|
|
|
|
|
Re: يا أخوانا أعمل شنو ؟؟ وأسمع كلام منو ؟؟؟ (Re: elameen)
|
ود القريش
والله حاجه تحير !!
لكن ما بقول ليك غير أمشي شوف أبوك بأسرع فرصه ،
وأبوك دا لو مليت ليهو الإبريق وختيتو جمبو أحسن من البتسوي فيهو دا مية سنة !!
السفر بي العربية دي بجيب ليك الهواء في السودان !!
والعين دي بقت في السودان مع ختم جوازات القدوم !!
الأيام دي عروض الخطوط الجوية ( آي واحدة عدا ...) كويســـــة وما كعــبـة !!
العربية دي بتلحس إسبوعين من إجازتك !! ودي ما عاوزه شــــرح !!
عرس أخوك دا ما تلتفت ليهو كتير ،، لأنو الوهم والعطالة في السودان بتمو بعد ترمي لي أخوك ببعض الشرتيت لزوم ال....
أوعكـــ تنسى هييييييييييييييييييييي !!!
هشام
| |
|
|
|
|
|
|
Re: يا أخوانا أعمل شنو ؟؟ وأسمع كلام منو ؟؟؟ (Re: Hisham Ibrahim)
|
عليك بالكمون الاسود والحصن الحصين وطوبة وتقع اخونا ســــاني هو اخر واحد ركب الطريق ده.. بعدين شيل معاك كم عراقي خفيف النوع القروش بتكون ظاهرة من الجيب لزوم المنجهةوانت سايق في البراري والسهول السودانية شوف كان ما جابت ليك الهوا املصوك قروشك كلها في الطريق عليك الله سوقوا واتجدع لينا هناك
| |
|
|
|
|
|
|
Re: يا أخوانا أعمل شنو ؟؟ وأسمع كلام منو ؟؟؟ (Re: محمد سنى دفع الله)
|
محمد السني أستاذي الفخم الضخم
Quote: عليك بالكمون الاسود والحصن الحصين وطوبة |
أنا ديل بسويهن بس انت الباثفايندر داك موديل ال 8 سويت ليهو شنو ؟ وحاة كتاب الدين دا لو عندي أنا إلا أأكلو كبدة
Quote: وتقع اخونا ســــاني هو اخر واحد ركب الطريق ده..
|
محمد ساني مشى بي صالون ونحنا مشكلتنا في ال فور ويل
Quote: بعدين شيل معاك كم عراقي خفيف النوع القروش بتكون ظاهرة من الجيب لزوم المنجهةوانت سايق في البراري والسهول السودانية شوف كان ما جابت ليك الهوا املصوك قروشك كلها في الطريق
|
أكون بيلو ــ هههههه والله كان في جلابية حديد إلا ألبسا قال عراقي خفيف قال كدا يا عوضية ... انت قايلني فارة ولا شنو ؟؟؟
Quote: عليك الله سوقوا واتجدع لينا هناك |
دي أسألني منها تببببببب
| |
|
|
|
|
|
|
Re: يا أخوانا أعمل شنو ؟؟ وأسمع كلام منو ؟؟؟ (Re: Hisham Ibrahim)
|
هشام ود ابراهيم كيفنك يا أخوي
Quote: ود القريش والله حاجه تحير !! |
صدقت والله أنا فعلا محتار والموضوع مو هظار يشهد الجبار
Quote: لكن ما بقول ليك غير أمشي شوف أبوك بأسرع فرصه ، وأبوك دا لو مليت ليهو الإبريق وختيتو جمبو أحسن من البتسوي فيهو دا مية سنة !!
|
والله وماك طالبني حليفة دا سبب السفرة الأساسي
Quote: السفر بي العربية دي بجيب ليك الهواء في السودان !! والعين دي بقت في السودان مع ختم جوازات القدوم !! |
والله يا هشام أخوى الهوا والعين أخير من شحدة العربات يا فلان تعال وصلني ويا فلان أديني عربيتك واحد يديك والتاني يحميك .. تعرف اقول ليك حاجة أ،ا آخر مرة سافرت فيها بالطيارة رجعت قبال أكمل اجازتي ... زعلة ساي واحد أخونا الله يطراه بالخير قال لي انتظرني بجي أوصلك ... انتظرت متجبص بالبنطلون والقميص والجزمة والعجب الكرفتة... كانت خانقاني خنقة ما يعلم بيها إلا الله من الساعة 10 صباحا تعرف جاني متين ؟؟؟ الساعة 3 عصر أها من ديك ركبتني الجعلية وحلفت ما أنزل اجازة إلا عربيتي معاي ... مو جعلي عوير سااااي
Quote: الأيام دي عروض الخطوط الجوية ( آي واحدة عدا ...) كويســـــة وما كعــبـة !!
|
الطيارة ما بتفع معاي كان أدوني ليها مجاني ماني دايرا يا اخوي أنا عندي مرتين في الخرطوم وواحدة في الدويم والبرنامج بكون (4) يوم في الدويم و(8) يوم في الخرطوم أها أقعد أسوي المينا البري ساساقة . والحمد لله أولادي مع زوجاتي صالون ما بتشيلهم يعني لازم الفور وويل ... مش أي سيارة نصيحة ليك _ أوعك تعرس أكتر من واحدة
Quote: العربية دي بتلحس إسبوعين من إجازتك !! ودي ما عاوزه شــــرح !! عرس أخوك دا ما تلتفت ليهو كتير ،، لأنو الوهم والعطالة في السودان بتمو بعد ترمي لي أخوك ببعض الشرتيت لزوم ال.... أوعكـــ تنسى هييييييييييييييييييييي !!!
|
ديل مقدور عليهن بس هم يدخلوا لي الفورد وان شاء الله ما ح أنسى ...
| |
|
|
|
|
|
|
Re: يا أخوانا أعمل شنو ؟؟ وأسمع كلام منو ؟؟؟ (Re: elameen)
|
Quote: ود القريش ربنا اديك خيرها ويكفيك شرها .... ويحفظك من الطريق ويوصلك بالسلامة...
يلا ياناس بورسودان والناس العندها خبره في الحاجات دي رجاء الحقوا اخونا معتز...
ربنا يسهل ليك يا معتز.
تحياتي الامين |
اللمين آآآخوي والله دعوتك دي براها بالدنيا تسلم يا غالي وربنا يفتحا عليك دنيا وآخرة قول آمين
| |
|
|
|
|
|
|
Re: يا أخوانا أعمل شنو ؟؟ وأسمع كلام منو ؟؟؟ (Re: حسن مضوي)
|
الأخ العزيز / معتز القريش السلام عليك و حمدا لله على سلامة رجوعك للمنبر أنا طبعاغايب من كم شهر ، و أول ما جيت الجماعة قبلوا علي !! داير فزعتك بهناك !! فقولوا جميعا : نريد السلام !! نعم للسلام .. نعم للسلام !!
و نبارك ليك الفورد الفخم بعد الوظيفة الشحمانة ! الله يديك خيره و يكفيك شره ، موضوع الجمارك أسأل أخوك المجرب ، خايف يحبسوه زي ما حبسوا لاندكروزري السن ةالماضية ، لكن حسب علمي أنه مسموح\ دخوله ، و يمكن تتصل علي أديك رقم واحد مقدم و واحد نقيب و واحد مخلص في الميناء و هم مطلعين على المستجدات اليومية . و الله يوفقك .
| |
|
|
|
|
|
|
Re: يا أخوانا أعمل شنو ؟؟ وأسمع كلام منو ؟؟؟ (Re: عبد الرحمن الطقي)
|
Quote: و يمكن تتصل علي أديك رقم واحد مقدم و واحد نقيب و واحد مخلص في الميناء و هم مطلعين على المستجدات اليومية . و الله يوفقك . |
شيخ الطقي يا صاحبي مشكور والله على المعلومات القيمة طمنتني الله يطمنك دنيا وآخرة قول آمين بس الله يستر ما يحصل للفورد زي ما حصل مع لاندكروزرك . . آخر طلب يا شيخ الطقي سألتك بالله تديني كم دعوة كدا من حقات آخر الليل ربنا يسهل طريقي ويسلمني ويسلم كل المسافرين
| |
|
|
|
|
|
|
Re: يا أخوانا أعمل شنو ؟؟ وأسمع كلام منو ؟؟؟ (Re: حسن مضوي)
|
Quote: يا ود القريش سلام وتحيات أصلو المسألة مسألة دفع قروش تدفع قروش حرم لو عندك دبابة تقطعها بي هناك ولو القريشات وقفن قدامك قول عوووووووووووووك حرم نحن أخوان فزعة من الله خلقنا
تسلم وإجازة سعيدة بين الأهل والأحباب |
والله يا حسن كلامك دا بالدنيا تسلم يا أخوي وان شاء الله كان وقف لي شي بكلمك
| |
|
|
|
|
|
|
Re: يا أخوانا أعمل شنو ؟؟ وأسمع كلام منو ؟؟؟ (Re: عماد محمود علي)
|
Quote: شيخ الطقي يا صاحبي مشكور والله على المعلومات القيمة طمنتني الله يطمنك دنيا وآخرة قول آمين بس الله يستر ما يحصل للفورد زي ما حصل مع لاندكروزرك . . آخر طلب يا شيخ الطقي سألتك بالله تديني كم دعوة كدا من حقات آخر الليل ربنا يسهل طريقي ويسلمني ويسلم كل المسافرين |
أبشر يا معتز إن شاء الله ما نقصر و ربك يستجيب و الجماعة كلمتهم و أرسلت ليك تلفوناتهم و الحمد لله ما في حظر إلا على الهمر و اللكزس ، و السيارات موديل 2009 الماشية أقل من 1000 كم و ملكيتها أقل من 3 أشهر .
| |
|
|
|
|
|
|
Re: يا أخوانا أعمل شنو ؟؟ وأسمع كلام منو ؟؟؟ (Re: معتز القريش)
|
معتز ياعزيزي صباح الخير
عشان تعرفنا ناس بورسودان ومابنلعب تم عمل اللازم وممكن تسافر طوااااااالي والجماعة في انتظارك في ميناء سواكن وايضا ممثلنا في ميناء سواكن البوردابي الجميل / ابو بكر علي وياعمك كان ماشالتك الفورد يشيلك فندق الحرمين بس المصيبة المالح ده البشرب منوا لازم يرجع ليهو عشان كده شيل معاك موية صحة من هنا عشان ماتشرب مويتنا وتجي راجع نحنا ناقصين ظلاميين.....!!!!
| |
|
|
|
|
|
|
Re: يا أخوانا أعمل شنو ؟؟ وأسمع كلام منو ؟؟؟ (Re: معتز القريش)
|
Quote: معتز ياعزيزي صباح الخير
عشان تعرفنا ناس بورسودان ومابنلعب تم عمل اللازم وممكن تسافر طوااااااالي والجماعة في انتظارك في ميناء سواكن وايضا ممثلنا في ميناء سواكن البوردابي الجميل / ابو بكر علي وياعمك كان ماشالتك الفورد يشيلك فندق الحرمين بس المصيبة المالح ده البشرب منوا لازم يرجع ليهو عشان كده شيل معاك موية صحة من هنا عشان ماتشرب مويتنا وتجي راجع نحنا ناقصين ظلاميين.....!!!! |
والله يا هارون ما قصرت تتتتب انت قائل نحنا ندهناكم ساي يا ناس بورسودان . . عليك الله يا هارون كلم آمنة مختار تجي تعزمني في بيتن وكان ما عزمتني برضو بمشي وكان عزمتني بجليكم يا هارون وبمشي بيت ناس آمنة
| |
|
|
|
|
|
|
|