|
|
 رزقنا مولودة جديدة لنج.. اقتراحات الأسماء معقولة برضو..
|
رزقنا مولودة جديدة وأذان العصر شغال... شايفين كيف؟؟ 24/10/2008م
ترتيبها الخامسة بين أخوانها... مآب ومحمد وملاذ ومصطفى والجعلية الجديدة دي.. قاعدة ساي كدا لحد هسي خارج قاعدة البيانات بدون إسم... كمان عملية قيصرية ... غايتو.. البيحل أمه كلو كويس..على قول أمي لما تكون متوقعة ليها ولد.. لكن بالمناسبة مدامنا دي أنا قايل حلوها الدكاترة المرة دي يا حاجة..
نقوم نرصد جائزة لأحلى إسم ولا شنو؟؟
وآخر دعوانا أن الحمد لله رب العالمين..
وكل عام والجميع بخير وعافية..
|
|
 
|
|
|
|
|
|
|
|
Re: رزقنا مولودة جديدة لنج.. اقتراحات الأسماء معقولة برضو.. (Re: Hassan Makkawi)
|
| Quote: رزقنا مولودة جديدة وأذان العصر شغال... شايفين كيف؟؟ 24/10/2008م |
الاخ العزيز محمود والاسره الكريمه
الف الف حمد الله على سلامة المدام اولا
ومبروووكه البنيه تتربى فى عزكم ان شاء الله
ربى يخليها ليكم ويخليكم ليها ان شاء الله..
ما شاء الله وعينى بارده شايفاكم ماسكين مملكة الميم
وعشان ما نكسر ليكم الموسيقى ممكن ترشيحاتنا تكون على نفس الحرف (حرف الميم )
وايضا رأى اخونا حسن مكاوى رأى محايد وجميل
ما عشان انا جندرية طبعا 
اللهم الا المدام برضو تكون دايرانا نشاركها التسميه.. وفى الحالتين نحن جاهزين
نجدد التهنئه وملايين التبريكات
تحياتى للجميع
اسماء الجنيد/ مسقط
| |
|
|
|
|
|
|
|
|
|
Re: رزقنا مولودة جديدة لنج.. اقتراحات الأسماء معقولة برضو.. (Re: Hassan Makkawi)
|
Quote: بما انو البنوتة شرفت بعملية قيصرية
متعبة للمدام الموقرة...
ارجو ان تترك التسمية للمدام فقط لا غير
انت كريم وهى تستاهل |
عمو حسن مكاوي...
شاكرين مرورك وذوقك العالي وحسك الجندري..
لكن القيصرية قالوا ساااااااهلة موية بس..
لا وجع ولا يحزنون..يتبنجون وينامون ويصحوا يرضعون طوالي..
بالعكس أنا والله هسي كرعيني "مهكرات" عديل.. والدليل "آالولو..".. لحدي هسي ما نمت..
عشان كدا صادرت حق التسمية من المدام.. وعملتو نظام public utility في كل المنابر..
دقيقة دقيقة دقيقة.. هسي اسم "منابر" مااااااالو؟؟؟ زي الترتيب والله..
لك صادق المودة والاحترام..
| |
|
|
|
|
|
|
|
|
|
Re: رزقنا مولودة جديدة لنج.. اقتراحات الأسماء معقولة برضو.. (Re: أسامة الفضل)
|
اولا حمدا لله علي سلامة المدام
وتتربي في عزكم وتكون باذن الله من بنات بلادي الصالحات
ثانيا بخصوص الاسم فاقترح اسم يبداء بحرف الميم وذلك لاني لاحظت ان اخوانها جميعهم اسمائهم بالميم وكذلك اسمك انت و اسم ابوك وجدك كلهم بحرف الميم لذلك اقترح الاسم ادناه وعندك اختياركم للاسم اخبرنا عبر هذة الزاوية .
اقترح اسم
مودة
وادام الله المودة والاخاء بيننا
| |
|
|
|
|
|
|
|
|
|
Re: رزقنا مولودة جديدة لنج.. اقتراحات الأسماء معقولة برضو.. (Re: emad altaib)
|
محمود صديقنا الجميل ألف مبروك المولودة الجميلة ربنا يجعلها من بناتنا الصالحات يارب وألف حمدعلي سلامة أمها
في كم شئ كده مشترك بين الأمورة دي وأحمد ولدي الولادة قيصرية واليوم جمعة أحمدآذان الجمعة ودي العصر والتاريخ 24/10 وأحمد 4/1ودي
بالأربعة والواحد نحجزه من الآن ومقترحات الأسم (مرام- مها - مروة-منتهي).
 أبوقصي
| |
|
|
|
|
|
|
|
|
|
Re: رزقنا مولودة جديدة لنج.. اقتراحات الأسماء معقولة برضو.. (Re: Mohamed Foto7li)
|
صديقي واخي محمود
حمدالله أل على السلامة
وكويس السمعنا صوتك الكيبوردي
عقبال ما نسمعك بالاضان
يازول
اميراطورية ميم دي قاسم مشترك اعظم في اسرتكم الجميلة
لذا دعني اقرنه بحرف واحد فقط
فلتكن
مــي
يا مي
أين مي
وهذا مع عملي التام بحقوق المدام المحفوظة في التسمية
بس انت ما تسمي
عشان تسميتك بتديك سيك في قبولك
الف مبروك
تسلل :
ناس صلاح سري جاهزين للعقيقة مع اماسي الموسيقية ده حسب اتفاقي معهم
اها قلت شنو
| |
|
|
|
|
|
|
|
|
|
Re: رزقنا مولودة جديدة لنج.. اقتراحات الأسماء معقولة برضو.. (Re: Mahmoud Mustafa Mahmoud)
|
الغالية أسماء الجنيد.. كيفك يا أستاذة.. والله كلامك زي العسل ودعواتك الله ما حرمنا منها... يخليك يا أصيلة..
وهاتي المقترحات.. نحن لاقيين كلامك وييييييين؟؟؟
عماد الطالب.. شاكرين تهنئتك الرقيقة واقتراحك الجميل.. تابع معانا ... جايز تفوز..
جمال السنوسي صاحبي.. ومجدي أبو قصي ود أمي.. وبشير الجميل.. عشان إنتو بورداب جدة... يمكنكم مشاهدة صاحبة الصورة على الطبيعة.. ولكن للمصلحة العامة.. قلنا نعلق الصورة دي هنا... سجن سجن غرامة غرامة..
تاني تجوا حفلة؟؟؟؟
| |
|
|
|
|
|
|
|
|
|
Re: رزقنا مولودة جديدة لنج.. اقتراحات الأسماء معقولة برضو.. (Re: السر عبدالله)
|
الأخ الغالي السر عبد الله..
ضم صوتك طوالي مع جمال السنوسي.. إن شاء تعملوا كورال زاتو..
مي اسم جميل فعلاً..
لكن سارة بالين دي موش أخت صاحب بالين كضاب؟؟
عايزة تلقاهن الاتنين: سماحة وسياسة.. مستحيل.. كان غيرك أشطر..
الأميرة ديانا أميرة القلوب ما لقت السياسة والسماحة..
شكراً أخوي.. نجيك في السمح إن شاء الله
| |
|
|
|
|
|
|
|
|
|
Re: رزقنا مولودة جديدة لنج.. اقتراحات الأسماء معقولة برضو.. (Re: امير مصطفى احمد)
|
الأخ المرهف المهذب الوديع الأمير أمير مصطفى..
أول حاجة ربنا يكتب سلامة الوالدة إن شاء الله.. وقدامها العافية..
وتاني حاجة كتر خيرك على شعورك النبيل ..
اقتراحك يصادف هوى عند أم العروس.. خاصة إنه فاطمة تطلع حبوبة العروس أم أمها..
لكن الكلام دا حا يخلينا تاااااااااااني نفكر نجيب بنت نسميها على اسم أمي أنا..
شفت الصعوبة وين؟؟
فاطمة اسم حلو والله .. الزهراء بنت أشرف الخلق..
يخليك يا أمير ويطمنك وإيانا على صحة الوالدة الغالية..
| |
|
|
|
|
|
|
|
|
|
Re: رزقنا مولودة جديدة لنج.. اقتراحات الأسماء معقولة برضو.. (Re: الجندرية)
|
أماني بت أمي البريدها..
زغرودتك مالها ميتة كدي؟؟
أفو أفو أفو.. أنا ما بجيب التفاح؟؟
دي وحمة أم فتفت يا مطرطشة..
أم زفت دي قبل كدا جبناها في فطور جمعة كدا... وحاتك العشاء كلنا في الحوادث..
أها قلت لي بت خالك السنة دي ما في أم فتفت حتى لو تلدي ليك أبو القنفذ..
Quote: بخييييييييييتة وسعيدة
وقديمها قديم خير اكيد |
غايتو ما في داعي لكشف الحال..
هسي أمانة في ذمتك.. في زول بيلدوهو يوم 24؟؟ يعني الرواتب لسه..
والناس طالعة من رمضان والعيد.. والمدارس فتحت وغايتو..
النشوف قديمها قديم خير دي حدها وين؟؟
نجيك في السمح وجديد الوليدات..
تحياتي وصافي الوداد..
| |
|
|
|
|
|
|
|
|
|
Re: رزقنا مولودة جديدة لنج.. اقتراحات الأسماء معقولة برضو.. (Re: محمد عبد الماجد الصايم)
|
ود الصايم "المهكر"..
حمداً لله على سلامتك..
ونشكرك على الشعور والتواصل المقدر..
| Quote: بعدين شنو جديدة لنج .. اليومين دي بقى في مولود سكن هاند ولا شنو |
كدي خليني أكمل ضحكتي العالية دي وأشوف لي مخارجة من سؤالك "البرئ" دا..
قبل كدا كنت عايز تكتلني بالضحك لما قلت لزول كدا .. شنو كدا ما "فوق راسي الغليد دا"... لوووووووول..
بالمناسبة اقتراحك "منار" حلو برضو والله..
تسلم يا "عمك"..
| |
|
|
|
|
|
|
|
|
 Re: رزقنا مولودة جديدة لنج.. اقتراحات الأسماء معقولة برضو.. (Re: Mahmoud Mustafa Mahmoud)
|
الاستاذمحمود
تحياتي
مبروك البنتوتة وربي يحفظها وتكون من بنات الوطن الناجحات
الاسم مسألة صعبة جدا ومن الحاجات المابيشاورا فيها صاحب الحق !!
انا عندي ولدين الاول سميتو اياس تيمنا باياس بن معاوية قاضي البصرة واحد اذكياء العرب وكان فلتة زمانه في الذكاء والفطنة حتى ان العرب لها مثل يقول " اذكى من اياس !"
الابن الثاني اسمته والدته وارف وهو اسم جميل ولافت اسما ومعنى
ولانو اولادك الله يحفظهم كلهم بحرف الميم انا في صف اسم مي
مي اسم جميل
ومبروك تاني وسلامة الزوجة
| |
|
|
|
|
|
|
| |
Mahmoud Mustafa Mahmoud
Osama Mohammed
Hassan Makkawi
بشير حسـن بشـير
أسامة الفضل
احمد محمد بشير
عبدالعزيز الفاضلابى
emad altaib
Magdi Ahmed Elsheikh
مجدي عبدالرحيم فضل
Mohamed Foto7li
جمال السنوسي
السر عبدالله
haroon diyab
اساسي
ابراهيم محمد الحسن
امير مصطفى احمد
الرفاعي عبدالعاطي حجر
tmbis
mekki
الجندرية
salee
محمد عبد الماجد الصايم
omar arbab
خالد العبيد
Omer Abdalla Omer
مرتضى الكجم
عبدالله كع
محمد علي ياسين
عبد الدائم سيد أحمد
نصر الدين عثمان
Hisham Ibrahim
Dania Elmaki
Muna Khugali
Alsa7afa_30
عادل فضل المولى
هويدا شرف الدين
Mohammed Ibrahim Othman
هند محمد
Mayada
حواء سليمان ابراهيم
فيس بوك
تويتر
انستقرام
يوتيوب
بنتيريست