|
|
|
 Re: بدل تكتبو ملح اي زول فيكم يدفع مائة دولار لحماية المنبر (Re: Adam Mousa)
|
Quote: اقتراح عملى يا وليد ..ولو ال100 كتيره يمكن تقسط او تقسم او يتم فيها
مراعاة الاعضاء الطلبه . .المهم اقتراحات تنفيذيه لعمل حمايه للموقع..
نؤيد ونبصم بالعشره يا وليد.. |
ادم ولدنا
مائة دولار مناسبة جدا عشان الناس قاعدة تصرفها في التمباك والسجائر
واذا انقطع المنبر قطع شك الناس حاتمشي تعمل حاجات تانية
باكتر من مائة دولار
افتكر فاهمني يا فردة
| |
 
|
|
|
|
|
|
|
|
Re: بدل تكتبو ملح اي زول فيكم يدفع مائة دولار لحماية المنبر (Re: khaleel)
|
سلام
للجميع وحمد الله على السلامة
قال 100 قال
هو نحن قادرين نلم 100 تعريفة عشان نلم مية دولار
غايتو يا ناس اروبا وامريكا والدول المتقدمة
please consider the other ob thinking on financial issues
ممكن يعني تقول اشتهراك شهري ويكون الحد الادنى متفق عليه والعندو وعاوز يزيد يزيد اما الزام اي عضو بدفع مبلغ زي ما حددتها بتكون صعبة aوية
ما كفاية اي حاجة عندنا هنا بقت سوق Market economy اللي ما معاهوش ما يلزموس حتى دي
لينا الله وعيشة السوق نحن الفقراء ديل
وهو ذاته market economy راحت عليه
please rethink on approach that combines Capitalism and communism
Thanks
الدنيا اخر شهر ومارقين من عيد واقساط المدارس وتجي تقول لي 100 وما 100
حسع انا صدعت
| |
|
|
|
|
|
|
|
|
|
Re: بدل تكتبو ملح اي زول فيكم يدفع مائة دولار لحماية المنبر (Re: khaleel)
|
تحياتي خليل،
مع احترامي لرايك...و لكن..
بصراحة قصة ادفعوا لسودانيز اون لاين البتنطرح كل مرة في المنبر دة بتحيرني، و باقول و الله السودانيين ديل طيبين طيبة !
نحن هنا ما بنكتب ملح يا خليل يا اخوي، و لا القاريء بيقرا ملح، نحن بندفع زمنا، و احيانا مجهودنا في البحث او التصوير، او مجرد الإدلاء براينا، وكتيرا جدا بندفع اعصابنا و راحة بالنا.
الموقع مصدر لدخل جيد جدا لصاحبه، ما شاء الله ، فسعر الاعلانات فيه مرتفع ناهيك عن العلاقات الاجتماعية الواسعة التي تفتح له ابوابا كثيرة ما كانت لتفتح لولا هذا الموقع، اقول هذا و ادعو الله ان يزيد بكري ابو بكر و يبارك له فيما رزقه ان يقيه شر الحسد، و شر من يريد به او بالسودان سوء.
على اننا يجب الا نغفل دور كل الاعضاء فيما وصل اليه الموقع ، فبدون كتابات من يكتبون هنا، لكان الموقع مثل مئات الصفحات المهجورة على النت، اليس كذلك؟ و كل ما زادت جماهيريته، كلما زاد سعره و سعر ما يعلن فيه، صحيح؟
المصلحة هنا متبادلة بيننا و بين بكري، و هو الرابح الأكبر بلا شك.
و ان كنا يكفينا منه و نشكر له فتح هذا الحوش، فلا نطالبه باكثر من ان يكون الاحترام بيننا متبادلا، و ليس من الاحترام ابدا شطب موضوع ما لم يرق له، او فصل عضو ما بشكل تعسفي و دون ادنى اعتبار لما يبذله الجميع هنا من زمن و جهد!
لا اعتقد ان كثيرين سيتحمسون لدفع دولار واحد ليكتبوا شيئا قد يفيقوا ليجدوه و قد ازيل من المنبر، او ليجدوا كلمة السر خاصتهم لا تعمل!!
| |
|
|
|
|
|
|
|
|
|
Re: بدل تكتبو ملح اي زول فيكم يدفع مائة دولار لحماية المنبر (Re: khaleel)
|
Quote: سناء خالد
لم يطلب منك احد ان تضيعي زمنك في المنبر
|
صحيح كلامك يا خليل، انا باكتب هنا بكامل حريتي، و لمن زمني يسمح ، لكن انا احب ان تكون حريتي ( مكفولة)، مش (مخنوقة)!! واكيد ما عايزاها (مطلقة)!!
كنت اتوقع منك رد موضوعي اكتر، يؤكد انو لينا حقوق زي ما علينا واجبات، و يثبت الاحترام كأساس للتعامل مهما كان حجم المسؤوليات، او الفوائد المرجوة!!
من حقك ان تثمن ما جنيته انت بشكل شخصي بأي قيمة تراها مناسبة، و لو كنت مكانك فمكان يجمعني بصداقات الزمن الجميل لا يقدر بثمن ، و تهون حتى النجومية جنب الحاجة دي!!
لكن بالتأكيد دا ما احساس (اي زول)!!
ــــــــــــــــــــــــــــــــــ
اتمنى حرارة النفس الفي ردك فوق ما تكون حساسية بأثر عجاجة تانية!
| |
|
|
|
|
|
|
| |
khaleel
ahmed shaaeldin
Akoy Deng
Adam Mousa
haroon diyab
حمد عبد الغفار عمر
ALazhary2
السمؤال بدرالدين
مرتضى الكجم
Safia Mohamed
ASHRAF MUSTAFA
الحاج حمد الحاج
Rawia
عبدالله كع
الرفاعي عبدالعاطي حجر
Sayed Bekab
داليا حافظ
فيس بوك
تويتر
انستقرام
يوتيوب
بنتيريست