|
تمســـاح ســاره
|
: تتحرك الحاجة وبنتها في سيارة صهرها وعند الإشارة الحمراء لاحظت الشرطة أن السيارة ترتفع وتنخفض وعندما اتت بالقرب من السيارة اتضح أن السائق لديه أبو الشهيق " Hang – over " وبعد لحظات توقفت السيارة أمام منزل البنيه سارة مدني ، ونزلت نازك وأمها وطرقن الباب فتأتي سارة وترحب بهن ويدخلن في الحوش ويلاحظن بحيرة كبيرة بقدر مساحة المنزل وعلى الشاطئ تمساح عشارى في حالة استرخاء وأطفاله الصغار يستمتعون بالسباحة في البحيرة الاصطناعية ؛ وعندها يدور الحديث التالي :- الحاجة : عجبنى يا يمه تمساح السرور الضارب الليه . سارة : كتر خيرك ياحاجة ما قصرت وعقبال لي نازك . الحاجة : الرسول راجلك شغال شنو ياسروره يابتي . سروره : والله سامعاه يقول رجل أعمال ، لكن الأعمال شنو والله ما عارفاها ، بس غايته القدامي التمساح ده ، والله تربيته تاعبانه تعب شديد ، لكن المعايش وعلى العلينا المستثمرين حاميننا النوم ، البيت الليل كله كو كو ، عاوزين شيخ لطفى ده زوجى . الحاجة : وديل بجو دايرين شنو ، الشئ ما شافوا ليهم تمساح . سروره : كيف ياحاجة ، الدائر الرأس للزينه ، الجلد للأحذية ، الإبط لاستخراج المسك، بالإضافة لـ ...... قالو حاجة مقيده ، وأكثر المستثمرين بجو ليه هو . كدى أن نقوم اضوقكم الانتاج بشوية ريحه . نازك : والله يا د. سروره ماقصرت وإنشاء الله ابونا إكون زبون دائم ليكم ، بس تجاملوه شوية عليكم النبي ، هو لابتاع زينة ولا بتاع مراكيب لا بتاع ريحه . سروره : ليك علي مما أجى أبونا أخليه إرسل ليكم " home delivery " مجاناً . نازك : شكراً ليك ياسروره وكما الوقت ضايق وماشين لي ندوية بتعرفيها ندا تل كنا قعدنا معاك أكتر وأكتر ، لكن لازم نمشى ليها قالوا جابو ليها قرد من شاد . سارة : شكراً ليكن وانشاء الله نجيكن في الخير . نازك والحاجة: ودعناك الله .
|
|
|
|
|
|