قندهار الشية والراكوبة والعنقريب الهبابي أريج قادر الله في سماه تلك الجميلة التي تشبه السودان في أصفى بهائه
حضرنا نحمل كل مغسة الدنيا كلنا بلا إستثناء حتى إبراهيم الطفل ذو الرابعة كان يبكي ويردح وينوني خرجنا نبتغى الخروج من روحنا العليلة تهنا عن المكان أصحاب المروة دلونا تحركنا نمشط السوق بحثا عن راكوبة باردة لمجناها بثوبها الأخضر
قلت ليكم جني وجن الثوب الأخضر؟؟ لكن عليها ما كان ثوب حركة كدة بتاعة سندس وإستبرق دييييك
المهم أصرينا أنا وأمل صديقتي للعودة شدتنا ذات الرداء الأخضر أزهري صديقي وزوج أمل خاف مننا قال الحريم الزهجانات ديل لو إتلفت بيجيبوا خبري أصرينا عمل رايح المهم قعدنا صاحبة الراكوبة والشواية سيدة جميلة أربعينية جمالات ببسمة وذوق كلمناها بي طلبنا وقلنا نتصبر بي قهوة يا زوووووووول القهوة بتعملها أريج السرور
لم أتمالك نفسي إلا أن هتفت عليكم النبي الدنيا دي ما بت كلب؟؟ أسة أريج دي بي سماحتها تسوي القهوة في الخلا ده وأنا بي شناتي دي أصر على الخرطوم تلاثة
سبحان الله الذي أسرى بعبده وأخفى عنا حكمته
عليكم الله طلبتكم بالنبي وأهل بيته تمشوا تشوفوا أميرات السودان مبعزقات كيف في الخلا والحر والشرا
وتجي وزيرة الرعاية الإجتماعية تقول بي حلول 2009 ثاني ما حتكون في ست شاي
سعدت بمرورك ياسلمى أيما سعادة والفكرة هي الأسى الذي تملكني عندما رأيت هذه الشابة الجميلة تعاني الحر والشر لتوفير لقمة العيش ربمالأسرة كاملة تقوم بواجبها بكل المودة والجدية وتجد حكومة بكاملها تقيم الورش وتضع القوانين لا لتوفر لهذه الشابة ومثيلاتها فرص التعليم والعيش الكريم بل لتمنع عنها حق العمل وبالتالي الحق في الحياة الكريمة
وهي تتصدى لكل هذا فقط بالإصرار على أن تعمل وتلقط رزق اليوم باليوم وتتكافى شر بلطجية النظام
و الله سوق فيهو كمية من الكادحين و الكادحات ... ربنا يعينهم شربتي الزبادي بالسفن اب ؟ ....... ما عارف ليه في البيت ما بطلع بي نفس الطعم ... المرة الجاية جربي ببسي بالزبادي .....
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
سلمى الشيخ سلامة
أبو ساندرا
Isam Widaa
فيس بوك
تويتر
انستقرام
يوتيوب
بنتيريست