|
|
 فريق سوداننا يا قومي عائزنك تغلب يومي
|
السودان مع الكنغو اليوم
ما شغالين بيها شائفكم
وللا ناس الشبيبة وانيمبا طمموا بطنكم
والله ياذي الاذانة
امنياتي للسودان بالنصر الذي يفتح له فرص الصعود للمراحل القومس
|
|
 
|
|
|
|
|
|
|
|
Re: فريق سوداننا يا قومي عائزنك تغلب يومي (Re: علي مزمل)
|
Quote: رغم حالة الاحباط التي تسود
والحالة الصعبة نتمني لمنتخبنا التوفيق
بس يا الله ما يخذلونا
اصلوا اتعودنا !!!!!!!! |
علي مزمل
سلامات
رغم ان هولاء افضل لاعبي السودان لكن لا يلعبون جيدا مع الفريق القومي
لا ادري اين المشكلة
| |
|
|
|
|
|
|
|
|
|
Re: فريق سوداننا يا قومي عائزنك تغلب يومي (Re: khaleel)
|
Quote: رغم ان هولاء افضل لاعبي السودان لكن لا يلعبون جيدا مع الفريق القومي
لا ادري اين المشكلة |
المشكلة الضحاكات يا خليل
اللاعب في الهلال او المريخ يلعب ويلعب ويلعب حيث يوجد
المال والحوافز المليونية !
ولكن في الفريق القومي اين الحوافز اصلوا غيرة علي شعار المنتخب بقت مافي
قروش وبس!!!!!!!!!1
| |
|
|
|
|
|
|
|
|
|
Re: فريق سوداننا يا قومي عائزنك تغلب يومي (Re: khaleel)
|
خليل سلام ....ياخينا
| Quote: كل مرة خمسة وعشرين دولار للقناة وهي لا تنقل لنا المباريات |
ما دايرين نشوفها... و انشالله يزعمطو الكنغو يارب
وعمر النقي وكمال شداد ومازده والشرق الاوسط كلو
وصلاح ادريس كمان
..................
| |
|
|
|
|
|
|
|
|
|
Re: فريق سوداننا يا قومي عائزنك تغلب يومي (Re: عبدالله كع)
|
Quote: ما دايرين نشوفها... و انشالله يزعمطو الكنغو يارب
وعمر النقي وكمال شداد ومازده والشرق الاوسط كلو
وصلاح ادريس كمان
.................. |
كع
من السنة الجاية
انا حاشجع ناس العاب القوي بس
لا هلال ولا مريخ لا موردة ولا تحرير
تعرف نميري كان عنده بعد نظر
| |
|
|
|
|
|
|
|
|
 Re: فريق سوداننا يا قومي عائزنك تغلب يومي (Re: khaleel)
|
الي المـــيدان .. الي المـــيدان..
كلنا ســـودان ..
كلنــا اليــوم جــديان ..
بالتـوفيق ان شـــاءالله .
_______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال.
د شهـاب الفاتح ـ كـوالالمبور
| |
|
|
|
|
|
|
|
|
|
Re: فريق سوداننا يا قومي عائزنك تغلب يومي (Re: khaleel)
|
ياخليل
برغم صعوبة المهمة حيث يجب علي منتخبنا
الفوز باكثر من هدفين لينافس علي التواني
الا اننا نتمني ان يخرج اللاعبين من حالة الاحباط
وينتصر المنتخب ليعزينا في الخروج الحزين للهلال
والمريخ......
وبرضوا ربنا يستر من مازدا....!!!
كل الود
| |
|
|
|
|
|
|
|
|
|
Re: فريق سوداننا يا قومي عائزنك تغلب يومي (Re: خالد عبد الله محمود)
|
رائحة بنبان من الجهة الشمالية الإذاعة تقول مصدره من خارج الإستاد
رجال الأمن مراراً وتكرارا طلب منهم عدم إستخدام البنبان فى مثل هذه الجموع الحاشدة
التى لن تستطيع سرعة المخارجة من منطقة إنتشار البنبان .. عدم مسؤوليه وفى رأى شروع
فى القتل العمد. يجب التحقيق والعقوبات الرادعة لمسؤولى الشرطة
الجماعة شافوا الالعاب النارية فى الجزائر مفتكرنها كلو دخاخين فى دخاخين
الأثر الغير المباشر .. إرهاب أفراد الفريق الكنغولى.
| |
|
|
|
|
|
|
|
|
|
Re: فريق سوداننا يا قومي عائزنك تغلب يومي (Re: khaleel)
|
يقال أن المباراة ستلعب بعد خمسة دقائق
و الغريبة أن محمد فضل الله يصر على أن الجمهور خارج الملعب هو السبب ؟؟؟؟؟؟؟؟
شوف عيني الإستاد نصو فاضي ... يعني مافي أي داعي للبمبان حتى لو كان عدد الجمهور خارج الملعب كبير
| |
|
|
|
|
|
|
|
|
|
Re: فريق سوداننا يا قومي عائزنك تغلب يومي (Re: khaleel)
|
سكرتير الاتحاد مجدي شمس الدين يقول للإذاعة (إنهم ما عارفين الحاصل شنو)،
و(الظاهر إنو في تدافع خارج الإستاد وبمبان)، و(في ريحة تأثروا بيها بعض
اللاعبين خاصة في المرمى الشمالي). ثم قال للمذيع (أنا آسف خليني هناي مع
المراقب).
عاد مجدي بعد اجتماع قصير مع المراقب، وأفاد بأن المباراة ستستأنف بعد دقائق.
| |
|
|
|
|
|
|
|
|
|
Re: فريق سوداننا يا قومي عائزنك تغلب يومي (Re: khaleel)
|
هدف أول للسودان من مهند الطاهر، بعد مجهود كبير من فيصل العجب.
_________________________
الرشيد بدوي يؤد أن الحكم نقض ضربة جزاء صحيحة للسودان، قال له زميله المذيع يوسف
محمد يوسف (معليش يا أخ الرشيد)، الرشيد قال ليهو : (لأ يا يوسف، ما معليش) 
الرشيد قال: ما شاء الله مدافع الكنغو صحـابـي
| |
|
|
|
|
|
|
|
|
|
Re: فريق سوداننا يا قومي عائزنك تغلب يومي (Re: عبدالوهاب علي الحاج)
|
Quote:
تشكيلة المنتخب:
المعز، ريتشارد، سفاري، موسى الزومة، قلق، عمر بخيت، مجاهد، هيثم مصطفى، مهند الطاهر، فيصل العجب، هيثم طمبل. |
تشكيلة غير موفقة
لتفوز بفارق هدفين أو أكثر
البركة فى الحلول الفردية للعجب
موية وروب أسماء لاعبين بفريق الكنغو
فهل ستكون المبارة موية للسودان ..
وناس الكنغو يقولوا الروب .. أم العكس
| |
|
|
|
|
|
|
|
|
|
Re: فريق سوداننا يا قومي عائزنك تغلب يومي (Re: khaleel)
|
| Quote: هيثم مصطفي كعب يجب خروجه وعودة العجب للوسط |
حسب الوصف الإذاعي يا خليل؛ لم يظهر هيثم كثيراً في الشوط الأول،
وممكن يكون كلامك ده هو الأمثل، بس المشكلة كمان إنو مهند الطاهر
لا يعتمد عليه، يعني ممكن عادي جداً يكون أكعب في الشوط الثاني،
بالإضافة لإنو مجاهد -حسب الوصف الإذاعي برضو- ما لاعب كويس.
معالجة أوضاع خط الوسط مطلوبة كإجراء وقائي/تدعيمي.
| |
|
|
|
|
|
|
|
|
|
Re: فريق سوداننا يا قومي عائزنك تغلب يومي (Re: khaleel)
|
طرد لأحد لاعبي منتخب الكنغو بعد اعتداءه على سفاري،
كرتان معكوستان للكنغو وخروج خاطئ للمعز محجوب في المرتين (عادي جداً)
بالمناسبة المعز ده بتعامل في الملعب كأنو بيتشاكل في المواصلات
__________________
بطاقة حمراء لعمر بخيت، هي الأولى له -حسبما أذكر- مع المنتخب، ولم يسبق له
التعرض للطرد مع الهلال -حسبما أذكر أيضا- منذ انضمامه له في ديسمبر 2002.
لكن، كيف للاعب ذي خبرة مثل عمر بخيت أن يعرض نفسه للبطاقة الصفراء
الثانية في مباراة كهذه؟!
| |
|
|
|
|
|
|
|
|
|
Re: فريق سوداننا يا قومي عائزنك تغلب يومي (Re: khaleel)
|
كلنــا اليــوم جــديان..
الف مــــبروك ..
جيل كروي ممــــيز ..
وفي انتظـــــار المزيد ..
تحيه ممــــيزه للـــوطـني الراقي الذي اشترى تذاكـــر المباراه بمبلـغ خمسين مـــليون..
_______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال.
د شهـاب الفاتح ـ كـوالالمبور
| |
|
|
|
|
|
|
|
|
|
Re: فريق سوداننا يا قومي عائزنك تغلب يومي (Re: فتحي الصديق)
|
مبروك للسودان
هذا الفيصل العجب ساحر يمارس السحر الحلال
العجب هو الفيصل ما بين الصعود والخروج
وفى مرجيحته الحد ما بين النصر والهزيمة
يلعب الصعب الممتنع .. الله يديهو الصحة والعافية
المرحلة القادمة تحتاج إعداد أكبر وتجديد
فى دماء الفريق وخططه لسنة 2010
| |
|
|
|
|
|
|
|
|
|
Re: فريق سوداننا يا قومي عائزنك تغلب يومي (Re: نادر الفضلى)
|
مبروك للسودان الفوز ..
ولكن هناك الكثير من السلبيات
بداية بالبمبان .. ليه شنو ماعارف
يعنى نطالب الجمهور ليل ونهار بالحضور
وبعدين ( نبنبنم )
فنيا كاد ت المباراة تضيع بدقسة
دفاعية فى الدقائق الاخيرة
ورغم ذلك فالتحية لسفارى
المقاتل وريتشارد كذلك
العجب فنان ولاعب مميز فى كل شىء
اما مهند الطاهر ( الغزال ) فقد
كان هو العلامة الفارقة فى منتخبنا
لتحقيق الفوز بالهدف الذى احرزه
وبالثانى الذى صنعه
وهو الاكثر تسديدا تجاه مرمى الكونغو
فمن خمس تسديدات تقريبا سجل هدف
وصنع الثانى وخرجت تسديدتان بجوار
القائم و صد الحارس الاخرى بعد
اصطدامها بالمدافعين
المعز يحتاج لمراجعة نفسه فى الخروج
من المرمى للكرات العرضية والاحتجاجات
الاستعراضية دون داعى
| |
|
|
|
|
|
|
|
|
|
Re: فريق سوداننا يا قومي عائزنك تغلب يومي (Re: عامر تيتاوى)
|
الفنان تيتا
كاد ان يخرج السودان في الثانية الاخيرة للمباراة
استغرب لماذا يضيع العجب فرصة الهدف الثالث بهذه الطريقة
هل ابو تريكة يضيع مثل هذه الفرص
ولماذا يضيع هيثم طمبل وهو بانفراد بالمرمي
مجاهد عاد لعادته القديمة والتي كان يفعلها بالهلال وهي خرمج يا خرماج
هيثم تعبان
الزومة اشتر وما بعرف اعكس
سفاري ممتاز
قلق لم يوفق في العكسات
عمر بخيت يجب ان يعاقب
وبرضو مبروك للسودان
| |
|
|
|
|
|
|
|
|
|
Re: فريق سوداننا يا قومي عائزنك تغلب يومي (Re: khaleel)
|
مبروووووووووووووك للسودان .
والله فرحتا لي فرحه .. زي حقت العيد زمان ..
ومااااااااادارين غلاط . .. ولا كلام كتير ..
نجوم المبارة عمك فيصل العجب ... والود مهند الطاهر
فيفتي فيفتي
ومبروووووووووووووووووك للسودان
ـــــــــــــــــــــــــــــــــــــــــــــــ
بس كورتنا حبه !( الباء مشدووووووووووده للطيش)
| |
|
|
|
|
|
|
|
|
|
Re: فريق سوداننا يا قومي عائزنك تغلب يومي (Re: عبدالله كع)
|
Quote: المشكلة يا نادر
سنتعمد علي نفس الوجوه في المجموعات لكاس العالم
هل صعد السودان لانغولا ام سيلعب ايضا تصفيات
اعتقد صعد السودان |
خليل
لم نتأهل لأنقولا بعد و ما زلنا ننافس لنهائى
أفريقيا والعالم أيضاً
المرحلة الثانية (الحالية) للتصفيات سيتأهل منها 12 أوائل + 8 أحسن توانى
مجموع 20 فريق سيصعدون للمرحلة الثالثة والنهائية للتصفيات
سيتم حساب نتائج ثوانى المجموعات لإختيار أحسن ثمانية،
ريما جماعتنا بالسودان حاسبنها صاح ونتيجة اليوم بهدفين تضمن صعود السودان
المرحلة التالية (الثالثة) نهائى التصفيات
ستقسم ال 20 فريق إلى 5 مجموعات بكل مجموعة 4 فرق
اوائل المجموعات الخمسة سيتأهلوا لكأس العالم
بالإضافة للبلد المضيف جنوب أفريقيا.
أما لكاس أفريقبا سيتأهل الثلاث الأوائل من المجموعات الخمسة
بالإضافة للبلد المضيف أنجولا (مجموع 16 فريق)
أى بمعنى ما تطلع الرابع (طيش المجموعة) ستتأهل لنهائى أفريقيا
هنالك بعض التعقيدات فى الحسابات إذا وصلت أنجولا للمرحلة الثالثة
حيث لن تحسب نتائجها فى المجموعة للتأهيل لكأس أفريقيا
وفرق مجموعتها الثلاث الأخبر ترتيباً سيقيم مقارنة
بروابع المجموعات الأخرى لتأهيل لنهائى أفريقيا
ونفس الشئ بالنسبة لكأس العالم إذا وصلت جنوب أفريقيا لهذه المرحلة
(أظنها خرجت) ففى حالة تصدرها لمجموعتها، فثانى مجموعتها سيقارن بثوانى
المجموعات الأخرى للتأهيل لكأس العالم
ومعذرة إذا لم أتمكن من التوضيح
| |
|
|
|
|
|
|
|
|
|
Re: فريق سوداننا يا قومي عائزنك تغلب يومي (Re: نادر الفضلى)
|
Quote:
هذا الفيصل العجب ساحر يمارس السحر الحلال
العجب هو الفيصل ما بين الصعود والخروج
وفى مرجيحته الحد ما بين النصر والهزيمة
يلعب الصعب الممتنع .. الله يديهو الصحة والعافية |
| Quote: ومعذرة إذا لم أتمكن من التوضيح |
وتوضيحـك واضح يا فضـلي
دوري المجموعات خمس مجموعات كل مجموعه اربع فرق ..
اوائل المجموعات فقط الي كاس العــالم ..
و الثلاث الاوائل بكل مجموعه الي النهائيات الافريقيه بانجولا..
حبابك مجهـــود
_______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال.
د شهـاب الفاتح ـ كـوالالمبور
| |
|
|
|
|
|
|
|
|
|
Re: فريق سوداننا يا قومي عائزنك تغلب يومي (Re: khaleel)
|
مبروك
فعلا مبرووك
على الانتصار والاداء الراقى
ولابد أن نشيدبما امكن تحقيقه رغم المثبطات التى نعرفها جميعا
مهند الطاهر كان مفتاح النصر فى هذه المباراة
اربك الخصم بتحركاته و تسديداته القوية
هذا اللاعب الفنان حيرنا فى تبدل مستواه
واعتقد أنه لو كان بهذا المستوى مع الهلال فى مباريات جورى ابطال افريقيا لما خرج الفريق
فيصل العجب كان حاضرا فى هذه المباراة وقدم مردودا طيبا وصنع الهدف الاول ببراعة
هيثم مصطفى لم يكن سيئا بل قشر اكثر من هدف خاصة لقلق فى انفرادتين
المعز يجب أن يسأل عن الحركات البايخة والرقاد الغير مبرر على الارض
سفارى كان راقى المستوى
الفريق باكمله لعب مباراة كبيرة خاصة فى الشوط الثانى
فى بعض الاحيان كانت الكرة سريعة تقول اوربية
مبروووك
| |
|
|
|
|
|
|
|
|
|
Re: فريق سوداننا يا قومي عائزنك تغلب يومي (Re: khaleel)
|
لو كانت نتائج منتخبنا خارج قواعده مثل نتائجه بأرضه؛ فسيصعد لكأس العالم بجدارة، ولو
كانت نتائجه بأرضه مثل نتائجه خارجها؛ فسيتذيل كل المنافسات بجدارة أيضا!
في معظم المباريات التي يلعبها منتخبنا في السودان يكون هو المسيطر على مجرياتها والأكثر
خلقاً لفرص التهديف، بينما يتحول خارج السودان إلى فريق قليل الحيلة في معظم الأحوال،
يدافع عن مرماه باضطراب ظاهر، ويهاجم على استحياء!
صحيح أن استغلال عاملي "الأرض والجمهور" أمر معتاد في كرة القدم؛ لكنّ ما أعنيه تحديداً
هو أنّ منتخبنا لا هو بالضعيف جداً فيخسر على ملعبه باستمرار مثل سيشل وموريشيوص
وجيبوتي، ولا هو بالقوي جداً فيعود منتصراً أو متعادلاً -باستمرار- من ملاعب منافسيه
مثل مصر ونيجيريا والكاميرون!
وعشان كده، وحتى إشعار آخر، يبدو أننا سنتكفي بإضفاء أجواء الإثارة على المنافسات التي
نشارك فيها دون أن نعرف الطريق إلى منصات التتويج!
...
حال منتخبنا يشبه حال لاعبيه تماماً، يوم في السما (غالباً في السودان) ويوم في الارض (غالباً
بره السودان)، لكن كمان مهند الطاهر ده حكاية براهو...
مهند ده في المباراة الواحدة ممكن يخليك تصفق ليهو (ويكون بيستاهل)، وممكن بعد شوية
يخليك تكره الكورة بسببو (ويكون بيستاهل)!! أحسن زول في السودان بيشوت من بعيد (من
حيث القوة والتركيز)، و"أحسن" زول في السودان بيلعب باص غلط وبيفقد الكورة بطريقة
مثيرة للأعصاب!
...
الحوجة لمدرب أجنبي مقتدر تظل ملحة، وأقصد بالمقتدر: المدرب القادر على جعل الانضباط
الخططي لدى لاعبي المنتخب هو السمة الغالبة وما دونها هو الاستثناء. وعندما يسود هذا
الانضباط يمكن لمنتخبنا أن يلعب بمستوى ثابت بملعبه وبعيداً عنه.
...
في آخر دقائق الوقت المضاف لمباراة الأمس، أضاع لاعبونا الكرة بسهولة في وقت تتطلب فيه
"الظروف" أن يحافظوا فيه على النتيجة. تحولت الكرة سريعاً لهجمة كنغولية عبر لاعب تلقى
الكرة في الجهة اليسرى لمنتخبنا، فتخطى بها موسى الزومة "بعد فاصل من المراوغة انتهى
بلاعبنا إلى أرض الملعب"، ثم قذف -الكنغولي- بالكرة إلى داخل "خط ستة بتاعنا"، فمرت
-بحمد الله- من ريتشارد الذي لو لمسها لكان أسكنها الشباك! بقي المعز ماكثاً في مرماه
بعد أن أكثر من الخروج الخاطئ -وكان حرياً به أن يخرج هذه المرة-، ومرت الكرة بغرابة
من أمام مهاجمين كنغوليين بعيدين عن الرقابة... وصعدنا!
| |
|
|
|
|
|
|
|
|
|
Re: فريق سوداننا يا قومي عائزنك تغلب يومي (Re: Ahmed Alrayah)
|
Quote: بلاعبنا إلى أرض الملعب"، ثم قذف -الكنغولي- بالكرة إلى داخل "خط ستة بتاعنا"، فمرت
-بحمد الله- من ريتشارد الذي لو لمسها لكان أسكنها الشباك! بقي المعز ماكثاً في مرماه
بعد أن أكثر من الخروج الخاطئ -وكان حرياً به أن يخرج هذه المرة-، ومرت الكرة بغرابة
من أمام مهاجمين كنغوليين بعيدين عن الرقابة... وصعدنا!
|
احمد الريح
لو احرز الفريق الكنغولي هذا الهدف لذبحنا فيصل العجب لاضاعته الهدف المضمون
السودان قد يذهب لانغولا لانه سيفوز بكل مباريات الخرطوم في التصفيات
ووممكن تعادل خارج الديار
| |
|
|
|
|
|
|
|
|
|
Re: فريق سوداننا يا قومي عائزنك تغلب يومي (Re: نادر الفضلى)
|
Quote: وتوضيحـك واضح يا فضـلي
دوري المجموعات خمس مجموعات كل مجموعه اربع فرق ..
اوائل المجموعات فقط الي كاس العــالم ..
و الثلاث الاوائل بكل مجموعه الي النهائيات الافريقيه بانجولا..
حبابك مجهـــود |
دكتور شهاب
مبروك النصر والتقدم فى التصفيات
وشكراً لتلخيصك للتصفيات النهائية! | Quote: و الثلاث الاوائل بكل مجموعه الي النهائيات الافريقيه بانجولا.. |
طموحات السودان!
| Quote: اوائل المجموعات فقط الي كاس العــالم .. |
هل مجرد الحلم مباح بتصدر السودان لمجموعته؟ أنا من أنصار Aim High
مع ودى وتقديرى
*#*
| |
|
|
|
|
|
|
|
|
|
Re: فريق سوداننا يا قومي عائزنك تغلب يومي (Re: نادر الفضلى)
|
Quote:
السودان قد يذهب لانغولا لانه سيفوز بكل مباريات الخرطوم في التصفيات
ووممكن تعادل خارج الديار |
خليل .. نتمنى ذلك
التأهل لن يكون سهلاً، أى مجموعة من المجموعات الخمس سيصنف فيهامستوى السودان كثالث أو رابع مستوى. ولن تخلو المجموعة من فريقين ثقلين (ثقالة وزن مستوى عال، وثقالة حريصين على غلبنا رايح جاى).
أنطر القائمة أدناه 15 فريق إضافة لأنجولا، توزيع كل ثلاثة منها على المجموعات الخمسة، يجعل إحتمال مجموعة السودان قد تضم ساحل العاج، تونس، توجو .. وعينك ما تشفش إلا النور:
الكامرون
ساحل العاج
غانا
نيجريا
سينغال
تونس
الجزائر
المغرب
توجو
زامبيا
غينيا
مالى
ناميبيا
الكنغو
أنجولا
| |
|
|
|
|
|
|
|
|
|
Re: فريق سوداننا يا قومي عائزنك تغلب يومي (Re: نادر الفضلى)
|
الفضلي
قد نصل لانغولا
عشان نحن في امدرمان لن ننهزم الا اذا وقعنا مع ساحل العاج في مجموعة واحدة
حيث انهزمنا من ساحل العاج تلات مرات في السودان واخر انتصار علي ساحل العاج بالسودان
كان في السبعينات اتين صفر حموري ومصطفي النقر
ولكن لا بد من تجهيز البدائل حيث كل الفريق تعدت اعماره الخمسة وثلاثين
| |
|
|
|
|
|
|
|
|
|
Re: فريق سوداننا يا قومي عائزنك تغلب يومي (Re: khaleel)
|
كتب: كريم سعيد- تأكد وقوع مصر ضمن التصنيف الاول للفرق الـ20 التي تأهلت الي التصفيات النهائية الإفريقية المؤهلة الي كأس العالم وكأس الأمم الإفريقية في الوقت الذي جاء فيه المنتخبين التونسي والمغربي في التنصيف الثاني.
وقال شريف احمد المسؤول الإعلامي للاتحاد الإفريقي لكرة القدم (كاف) في تصريحات لقناة (النيل للرياضة) عقب انتهاء مباراة مصر وجيبوتي " ستكون مصر في التصنيف الأول بجانب منتخبات الكاميرون ونيجيريا وغانا وكوت ديفوار".
وأضاف " ستكون تونس والمغرب في التصنيف الثاني بجانب الجزائر وغينيا ومالي".
وأكمل " أما التصنيف الثالث فسيضم كل من بوركينا فاسو والجابون وزامبيا وكينيا وبنين".
وواصل " وسيضم التصنيف الرابع كل من رواندا وتوجو وموزمبيق والسودان ومالاوي".
وسيتم تقسيم الفرق الـ20 الي 5 مجموعات تضم كل مجموعة 4 فرق، وسيتأهل بطل المجموعة فقط الي نهائيات المونديال بجنوب افريقيا 2010، فيما ستتأهل المنتخبات صاحبة المراكز الثلاثة الأولي إلي كأس الأمم الإفريقية القادمة في انجولا 2010.
وفيما يلي تصنيف المنتخبات الـ20 كاملا:
التصنيف الأول: الكاميرون ونيجيريا وغانا وكوت ديفوار ومصر.
التصنيف الثاني: المغرب وتونس ومالي والجزائر وغينيا.
التصنيف الثالث: بوركينا فاسو والجابون وزامبيا وكينيا وبنين.
التصنيف الرابع: رواندا وتوجو وموزمبيق والسودان ومالاوي.
الجدير بالذكر ان قرعة التصفيات النهائية ستجري في مدينة زيوريخ السويسرية يوم 22 اكتوبر الجاري.
SOURCE
================
غايتو الله يستر ...
| |
|
|
|
|
|
|
|
|
|
Re: فريق سوداننا يا قومي عائزنك تغلب يومي (Re: khaleel)
|
لو محظوظين نقع في مجموعة تضم مصر، مالي وكينيا
مصر للحساسيّة الكبيرة البتخلّي أولادنا يلعبوا بكل قوّة، ومالي لأننا غلبناها قبل كده في السودان ولاعبيننا حتكون ثقتهم كبيرة في إنّهم ممكن يعملوا كده تاني، وكينيا لأنّها ما بالقوّة التخليها تغلبنا في السودان
ولا رأيكم شنو؟
| |
|
|
|
|
|
|
| |
khaleel
حسين محي الدين
علي مزمل
عبدالله كع
شهاب الفاتح عثمان
haroon diyab
معتصم محمد صالح
خالد عبد الله محمود
نادر الفضلى
Maawya Hussein
عبدالوهاب علي الحاج
عماد الشبلي
فتحي الصديق
عامر تيتاوى
هشام المجمر
Khalid Osman Jaafar
فيس بوك
تويتر
انستقرام
يوتيوب
بنتيريست