الأسلحة الكيميائية وحقيقة استخدامها في السودان في منتدى ميديكس للحوار
|
|
 يبدو ان البوستات الغذره فقط تجذب الناس هنا، و يا عصام الخواض بالجد كتيرة منك
|
تعرف ياعصام...دخلت هنافي المنبر ده وانا شخصيا لم يعن اسمك لي اي شيء ولم استعجل قرأتك وسط خضم البوستات التي اعلنت عن وصولك وعن مهاجمتك، وكنت من بين المخفضين لحدتها عندما علت الاصوات التي نصبت لك محاكم كنت ارى انها لاجدوى منها اولا، ولا احقية لها ثانيا....هذا بخصوص ماسبق..
بوستي ده مالركوب الموجة لكن فلتعتبره بوست "غذر" من ضمن البوستات الغذرة المالية المنبر ده...والله رغم اني كنت باخد لي نفس طويل بعيد عن المنبر لكن عبارتك الواردة اعلاه دي رجعتني...لانك بالجد بالغت فيها..وبالغت شديد كمان...عشان كدة ياود امي خليني النقولوا ليك..
فيعاديك ولتعادي من تحب ومن يحبون في هذا المنبر...
ولتصادق ويصادقك من يود ومن تود في هذا المنبر....
فلتكتب ولتنتقد كما تحب فالمنبر كما مكتوب عليه حر...
لكن المامسموح ليك انك تقلل من قدر زملاء واشخاص محترمين في المنبر ده...اقلاه ياعصام احترم ناس لابعرفوك لاغلطوا عليك ولابتعرفهم وغلطت عليهم..
يعني الكترابة والكتاحة الداخل بيها سيستم جديد دي ياعصام غير تخسرك وتعكرنا مابتسوي شيء...
وبالجد جد وقف الدويرة المدورنا بيها دي...وخت الكورة واطة...ثمح
بكري ابوبكر...احتراما لينا ماتسحب البوست ده...لحدي ماكل زول يعرف نقاط التماسوا شنو...
|
|
 
|
|
|
|
|
|
|
|
Re: يبدو ان البوستات الغذره فقط تجذب الناس هنا، و يا عصام الخواض بالجد كتيرة منك (Re: حنين للبلد)
|
الله ...تصدقوا نسيت انه الليلة دعوة نادية لبورداب مصر احتفاء بأساسي...اتمنى النجاح للدعوة ..وياندوية زولة واجب انشاء الله دائما لامة الناس على المحنة...
نرجع لي موضوعنا....منتظرين ردك ياعصام الخواض .....
تليشة
تحياتي لشلة الانصرافيين
ود البشرى...ود طيفور...ود الصايم...رغيم...سارة علي...اميرة الشيخ...ومن لف لفهم
وياعصام الخواض هذا البوست اعتبره ايجابي لتوضح العجاجة المكتحة المنبر الايام دي لانه انت كزميل حقك علينا وحقنا عليك الاحترام...لا اكثر ولا اقل
| |
|
|
|
|
|
|
|
|
|
Re: يبدو ان البوستات الغذره فقط تجذب الناس هنا، و يا عصام الخواض بالجد كتيرة منك (Re: وضاحة)
|
الحبيبه
حنين
اولا انا لم اوصف الناس المشاركين معاى بى القذاره ...
القذاره انا قصدت بيها واحد عايز يعمل فيها ناصح ومهذب وهو كان فاتح اكبر بوست قذر قريته فى حياتى ...وكان عدد الدخلو عليه يمكن خمسه الف وكنت السبب فى حذفه وعملت بوست قلت يا بكرى ده منبر والله زقاق ابو صليب
وهو فهم الرساله ومياده والشباب فاهمين ....
والله ما كده يا مياده .....اشكرك يا حنين على الاهتمام لتوضيح الحقيقه ما رديت فى البوست بتاعى عشان ما اغير موضوع البوست هناك ونخش فى مواضيع جانبيه
| |
|
|
|
|
|
|
|
|
|
Re: يبدو ان البوستات الغذره فقط تجذب الناس هنا، و يا عصام الخواض بالجد كتيرة منك (Re: حنين للبلد)
|
Quote: الحاصل شنو ؟
والراجل ده عمل شنو ؟
والبوست مهدد بالسحب لي شنو ؟
شوية فهامات (على رأي أبوحتوت)
باقي أخوك كان غايب وفاتتوا حصص كتيرة ..!! |
كمال الزين...يازين
اولا كل سنة وانت طيب
ثانيا
يااخي بالجد المنبر ده بقى يتور علينا كل احباطات الدنيا....البوست ده لو صبح علي نور بتفهم شيء ولو ماصبح علي نور اعرف انه لحق اخواتو...
القصة ملخصها ا نه في فرد عضلات في المنبر الايام دي "الكلام ده ماتاخدو ليك ياعصام انا بتكلم في العموم"..وكل زول داير يثبت انو مجضمها وانو شفت وانو قرد قهاوي وانو هو سيد الشيء...قلنا مامشكلة خلي الناس تتنفس وتاخد راحتها...لكن لمن تبقى على حساب احترام كل منا للاخر بتبقى كتيرة شوية...
الناس شغالة ليك مهند ولميس، ديجانقو واكامبو ..انا زاتي زيك كدة بسأل هو الحاصل شنو...
دايرين نفهم...
عصام الخواض مليونير ملياردير...لي روحو يااخي انا من الناس المن جوة قلبي اتغظت لمن الناس نصبت لي محاكم ومشانق هنا...ولازلت افصل العام من الخاص...بهمني هناعصام الخواض الزميل في المنبر...يعني بي وضوح...عصام الخواض غلطوا علي بنقيف مع الحق..غلط على الناس ياخد في راسو عادي...زيو وزي غيرو...
قرات لك ايضا ياعصام بوست غير موفق علق علي الاخ ود البشرى ابو حتحوت ...وبالجد ده برضو بالغت فيهو ...يعني الدخل خصوصيات الناس واعراضها في المنبر شنو...الكلام ده غير مقبول وسلوك يجب ان يبتر...
كلنا ياعصام بنغلط
وانا اول الناس ...
لكن لازم وقفة...هديء اللعب اخد نفسك...
ولا شنو...
| |
|
|
|
|
|
|
|
|
|
Re: يبدو ان البوستات الغذره فقط تجذب الناس هنا، و يا عصام الخواض بالجد كتيرة منك (Re: حنين للبلد)
|
Quote: العزيزة حنين
سلامات يا زولة يا راقية
يعني انتي تسبقيني بالبوست
بس تعرفي انا بالرغم من اني عندي مداخلة بي هناك في البوست المعني واللي اتوصفنا بيه بالقذارة
لكن خفت منك/م عشان ما تقولو بتاعة مشاكلة وطالعة في الكفر ودورت مشكلة تانية بعد مشكلة بقال وكدا
تقومي تسبقيني وتنزلي بوست
خلاس انامشاركاي فيه |
مياااااااااااااااااااااادة
سلامات وسلامات
من ناحية بتاعت مشاكل يا ميادة فأنتي ذاك الرجل
طالعة في الكفر...دي مافي ليك...
من ناحية سبقتك يابت امي..ماتشيلي هم...افتحي ليك بوست براك..وانا حاكون اول الغزرين البجوك
| |
|
|
|
|
|
|
|
|
|
Re: يبدو ان البوستات الغذره فقط تجذب الناس هنا، و يا عصام الخواض بالجد كتيرة منك (Re: حنين للبلد)
|
يا حنين
يا لذييييييييييذة
Quote: سلامات وسلامات
من ناحية بتاعت مشاكل يا ميادة فأنتي ذاك الرجل
طالعة في الكفر...دي مافي ليك...
من ناحية سبقتك يابت امي..ماتشيلي هم...افتحي ليك بوست براك..وانا حاكون اول الغزرين البجوك |
خلاص دا كلامك
انا من الليلة دي مع الخيانة.... وفي دربي بشوف ناس آل البيت ديل لو نفعوا ببقى لي معاهم شوية.. لكن البعرفه من الليلة ما معاك...
اها شايلة بنبري ونازلة
وحقي ادوني ليه نااااااااشف
دا طرفي من البوست ... بوب
| |
|
|
|
|
|
|
|
|
|
Re: يبدو ان البوستات الغذره فقط تجذب الناس هنا، و يا عصام الخواض بالجد كتيرة منك (Re: حنين للبلد)
|
(*)
سلامات يا(حنين) ..
أنا بطلتا أقول راي في أي حاجة , ..
لكن حا أتجاسر شوية و(الله يستر )..
(عصام الخواض) ده الله يزيدوا كمان وكمان , ..
في البداية كده كان لطيف وظريف وفتح بوست ما(قذر) عن (روزمين ) على ما أذكر ..
وكان متوازن كده , ..
زمان كنتا بشوفه في (الحلة الجديدة) لو كان (عصام باسطة) يعني , وكان زول كويس , ..
(أيام الماسورة) وشفوتا (الله يطراهم بالخير ) من لدن (عصام حسبو) لحدي ناس ...
المهم ..
أسي الجدا شنو ..؟
زولك إتقلب يطلع من مشكلة يخش في التانية ..؟
وأغلب الظن إنو الحال مشى معاهو في تدهور كده من يوم بوست الهجوم عليهو داك , ..
وأظن أن صديقي (أسعد العباسي) ورط نفسو معاهو كمان ..
وأنا عشان ما أورط وماعايز مشاكل وطالما الحكاية جابت ليها تفتيش (جوازات) وتوصيف (نضارات) ..
ياأخانا (عصام) ,..
إعتذر لمن ظلمتهم بوصفك لهم بالقذارة أو الغذارة ..
وكمان إقحامك لأخينا (عماد) ومأساته التي هي مأساتنا نحن جميعاً كان خطأ آخر , ..
وهو خطأ (منى خوجلي ) أولاً وما بشبها ,لأنو (عماد) ده ما أظن وصل مرحلة إنو نستجدى ليهو الناس ,وقبل ماتجي إنتا هنا وبدون أموالك عالجنا وإتعالجنا بمحبة وتوادد كان مفخرة دون من أو أذى وإنتا طالما جيت هنا ولماك معاهو المكان فمامحتاج يفتحوا ليك (بوست) مناشدة فيهو قسوة على مشاعرنا أو مشاعري أنا (عشان ما أعمم) كأخ لي عماد(لايملك أن يمد له يد المساعدة إلا نذراً يسيراً)
(ومنى عزيزة علي وماحبيت أقول ليها الكلام ده ) ..
أها ..
أسي أنا بلومك , رغم إنو (البوست) التشهيري بيك برضو كان خطأ من الأخوان الفتحوهوا لأنهم ماعندهم (مستندات) أو (أدلة) تدينك ..(حسب متابعتي القليلة) ..
لكن ردودك للناس بقت ماياها وكدي ..
وعموماً , رغم إني حالف من فترة ما أخش لي بوست فيهو خطاب شخصي عشان ما أشتم وأتشتم , إلا إنو الليلة , يدي أكلتني باين , ..
..
..
أما بخصوص بيع المنبر من عدمه (فبكري يملكه ) ولا يملكنا وما كان له ..
نحن لا نباع ولا نشترى رغم أننا لا نملك (شروي نقير) ..
..
..
أها ياخوي .. أمسك نفسك عن الكتابة كم يوم كده ..
وأنسى المساجلات الفاتت , إلا مايستوجب إعتذاراً منك ..
وتعال من جديد ..
تجدنا إنشاء الله أغنياء من دونك , وأخوان في الله ..
وكان ثبت إنك ماكل حقوق الشعب السوداني المسكين ده (بي دلايل وبراهين ماقيل وقال) ..
تلقانا أعداءك ومساكين في حلقومكم ..
:::
والذي يستحق الإعتذار في خضم معاركك هذه هو أخانا (عماد) , ..
نعتذر له عن (عجزنا وقلة ذات يدنا) ..
ودعتكم الله ..
(عدل بواسطة كمال علي الزين on 10-10-2008, 07:47 PM)
| |
|
|
|
|
|
|
|
|
 Re: يبدو ان البوستات الغذره فقط تجذب الناس هنا، و يا عصام الخواض بالجد كتيرة منك (Re: حنين للبلد)
|
يا حنين .. كل سنة و انتي طيبة و القابلة على امنياتك يا خية
انا يا حنين لاقيتك قبل كده؟ عندي شعور (عميغ) انو اتلاقينا وقعدت في كمبيوترك 
و الشعور ده جاني اول امس فجأة وقلت إلا اسألك ... إذا حصل اديني امارة وانا بافهم
وليك مني شكر عميق على وقفتك معاي يومها .. ولو ما اتلاقينا، الله يكتب لينا لقا في ساعة صفا
اها .. نجي للكتاحة
عصام بالغ و شزّا (بالزاي) وكدي نخليهو على جنب ...
فرد العضلات و شتارة الكيبوردات بقت فوق العد و الحساب هنا ده
نمسك البرلوم و نخلي كبارات البلد؟
يعني جات عليهو هو؟
علشان قال انو في بوستات ما عارف شنو بتجذب ناس ما عارف منو؟
يا زولة بسيطة كان جات على كده ... لانو الاتهام مبطن والمعنى مغتت و حمال اوجه
بس يوميا في ناس بتتشتم في صمة خشمها هنا ده و بتتقصد بالاسم عديل كده، حصل شنو؟
وحياتك ولا شيء ..!! اونكل بكري يشيل البوست لا من شاف ولا من دري و الناس تلف صينية لغاية الفيلم البعده
يوم يومين كتاحة قايمة في حلة تانية و ما تفرزي الناس إلا باليوزر نيم لانو الصور زاتها بقت تتوه الزول
يعني يا ستي هذا ديدن المنبر (حتة ثقافة كده في النص لزوم البريستيج)
وانا اظن (وما تاخدي على ظني كثير لانو في حمى سالقاني ليها يومين) مهند ده ما مفروض يكون الموضوع
لو الاعتراض على اسلوب التجريح من طرف حقو ترخي عصام ده و ابتدي بالفلاطحة الجد جد ...
ولو طاوعتيني و بديت بالفلاطحة ...
أوعدك .. وعد شرف ...
انو اخلي قلبي عندك يا اختي
| |
|
|
|
|
|
|
|
|
|
Re: يبدو ان البوستات الغذره فقط تجذب الناس هنا، و يا عصام الخواض بالجد كتيرة منك (Re: حنين للبلد)
|
Quote: الحبيبه
حنين
اولا انا لم اوصف الناس المشاركين معاى بى القذاره ...
القذاره انا قصدت بيها واحد عايز يعمل فيها ناصح ومهذب وهو كان فاتح اكبر بوست قذر قريته فى حياتى ...وكان عدد الدخلو عليه يمكن خمسه الف وكنت السبب فى حذفه وعملت بوست قلت يا بكرى ده منبر والله زقاق ابو صليب
وهو فهم الرساله ومياده والشباب فاهمين ....
والله ما كده يا مياده .....اشكرك يا حنين على الاهتمام لتوضيح الحقيقه ما رديت فى البوست بتاعى عشان ما اغير موضوع البوست هناك ونخش فى مواضيع جانبيه |
عصام الخواض
كدي في الاول...النسالك..الدعوة بتاعت نادية مختار كانت كيف انشاء الله كانت لمة حلوة .. ..
نهايتو نرجع لي موضوعنا....
تعرف ياعصام ..في الأول جيت بي نفس هاديء..وما استعجلنا نقراك..ولي اسه مامستعجلين..لكن عملت ليك طبزات كدة بتعرفها براك..
يعني زولك المكاجرو دا..ماتفتح لي بوست منفصل و "غزروا" على كيف كيفك وبي مزاج كدة .."حميدة كان ممكن يساعدك في الموضوع ده ، لكن شايفاهو زي البقى مختلف معاك ايدلوجيا..انا حميدة ده دايرة لي شبكة معاهو لكن قدر ماختيت لي حجر يعتر فيهو...بزوغ منو...المهم طلعنا من الموضوع نرجع لي موضوعنا"
زولك الانت قاصدو ده كان ممكن تحسم بي روقة ونار هادئة..لكن بي جمعك للناس حسمت نواياهم الطيبة تجاهك..
وتانيا اكبر طبزة لمن دخلت الخاص في منبر عام..انا دي بالجد زعلتني منك جنس زعلة خليها ساكت...
وثالثا...ليه ماعارفة جاني احساس ياعصام انك فجاة نزل عليك حماس انك تخسر الناس...رغم انو ده لا في مصلحتك ولا مصلحة زول..
رابعا...اسمح لي ماتتحسس لمن الناس يتكلمو عن قروشك "اعوذ بالله من حسد الناس" يعني طالما انت ساقتك اقدارك وشقاوة الحال للمنبر ده استحمل اي شيء ...ماتتحسس...انا يعني اسه بالجد دايرة اسالك سؤال لافي حسد ولا أر زي مابقولوا اهلنا المواصرة....انت بتلقى زمن بي وين ...والله انا لو كنت مليونيرة ...مااعبر ليك اي زول هنا..واعججهم بي كتاحة عربيتي..يعني الزي وضاحة دي ولا انزل القزاز عشان افرز معالمها. ، وميادة دي ولا ارفع معنوياتها بقولة اهلا...وبكري ابوبكر ده يدخل على سبعة سكرتارية عشان بس يعمل مواعيد مع سكرتيري عشان يعمل لي مواعيد معاي...
يااخي........الللله خليتنا سرحنا مع الاحلام وسبنا الموضوع الاساسي..
ياعصام الخواض ....خت الكورة واطة ود امي..ماااابتستاهل مابتستاهل مابتستاهل...مابتستاهل الدنيا دي نغلط فيها على زول ولا يغلطوا علينا فيها...
فهمتني ود امي ..ولا...اعد
وضاحة غيري لينا الأغنية دي...بي البكتبوا ديل كشكمشة ديل بكتبوا دايرين عشا...هوام وكدة
ااي نسيت
صبري الشريف بالله ماتجيني داخل في البوست ده ...لانه بالجد غير مرحب بك...في بوست منفصل بقول ليك ليييييه...
| |
|
|
|
|
|
|
|
|
|
Re: يبدو ان البوستات الغذره فقط تجذب الناس هنا، و يا عصام الخواض بالجد كتيرة منك (Re: حنين للبلد)
|
Quote: المهم ..
أسي الجدا شنو ..؟
زولك إتقلب يطلع من مشكلة يخش في التانية ..؟ |
شفت ياعصام الخواض
اقرا كلام كمال الزين ده..حيلخص ليك تجربتك من دخولك للمنبر ده...وحيفيدك شديد...
اما موضوع الاخ عماد "شفاه الله" برضو اقرا كلام الاخ كمال..وبرضوا حيفيدك شديد...
عصام لو قلت ليك كلام...خايفة اخسر ناس عزاز بنعزهم...وحيكون كلامي فيهو تطاول على خصوصياتك...لكن بالجد خليني اقول لانه الايام دي الحزن موجو عالي...
انت ياعصام "ومامن حقي اقول الكلام ده للمرة المليون اقولها" لو داير كنت تساهم في علاج الاخ عماد بغلبك تسويها براك..ماكان ممكن تبقى بدون هوليلة وبوست وهيجة...يعني حتطلع كم مليون...اريت لو كانوا عندي والحداث ماسواي..لكن لو ربنا اداك نعمتو مامفروض زول يملي عليك ت سوي شنو...ده انا عارفاهو..لكن طالما بادرت انت بانك داير تعالجوا كان ممكن تعملها براك ومابتغلبك تسويها..بدون هوليل وبدون فتح بوستات تفتح عليك مهاترات ..وتفتح جروح على عماد..
عموما انا بعتذر لو كلامي جرحك باي شكل من الاشكال ..لكن انا عندي تلاته يوم في الشهر بكون بالعة فيهم حبوب الصراحة "وتصدق بجي اندم عليهم بعد داك لكن في وقتها بتريحني بتريحني شديد"
نقاط
ميادة ..وحات نظري تمرقي ..الحقك
كلامي لا علاقة له باي احد ممن احبهم واعزهم يعني مافي اي زول يتحسس منو..
عصام الخواض بيني بينك مافي اي شيء غير كل معزة...وتصدق لمن شفت البداية الابتديت بيها ردك علي في البوست ده...قربت تكسر مجاديفي...لكن تقول شنو...
شكرا على تهذيبك في الرد...وتعال على نفسك واعتذر للزملاء الاصابهم رشاش انت ماقصدتوا حسب كلامك...الناس بتدخل هنا ود امي تفرق ضيقتها وكربها وتتلمس محنة وريدة وتاخد نفس عميق مادايرين نحرمهم من السلوى المشروعة دي
عزاز
جاياك براك....جاياك عندي ليك كلمتين...اختاري انتي بتين ووين..عشان نحدد موقفك...دي ريدة جد جد ولا بين..."الله يكفينا سلاطةلسان ود طيفور"
| |
|
|
|
|
|
|
|
|
|
Re: يبدو ان البوستات الغذره فقط تجذب الناس هنا، و يا عصام الخواض بالجد كتيرة منك (Re: حنين للبلد)
|
عين العقل يا حنين
لو كنت دخلت بوست ملامح بتاع التصفيات ووقفت بجانب ود البشرى بوردا
كان بكون في كلام تاني و كنت نقصتى من رصيدك الثر الخلاك تعملي سبق إعلامي مع د خليل أبراهيم .. فشكرآ لك لعدم التعليق لأنو بوردا بشرى ليس هو ذلك المثال الذي يحتذي به أمثالك .. واصلي عملك المفيد و من أجل تصفية و غربلة العضوية ذات العائد المتناقص..
أخوك ملامح
(بلد ....
يعلم الله مشتاقين عديل كدة
حاشاك الغذارة امي
وكدا )
ده مش برضو كلام أبو حتـــــــــوت
| |
|
|
|
|
|
|
|
|
|
Re: يبدو ان البوستات الغذره فقط تجذب الناس هنا، و يا عصام الخواض بالجد كتيرة منك (Re: حنين للبلد)
|
عزوز
| Quote: يا حنين .. كل سنة و انتي طيبة و القابلة على امنياتك يا خية |
وانت بالف الف الف خير
Quote: انا يا حنين لاقيتك قبل كده؟ عندي شعور (عميغ) انو اتلاقينا وقعدت في كمبيوترك
و الشعور ده جاني اول امس فجأة وقلت إلا اسألك ... إذا حصل اديني امارة وانا بافهم
وليك مني شكر عميق على وقفتك معاي يومها .. ولو ما اتلاقينا، الله يكتب لينا لقا في ساعة صفا |
اعتبرينا حبية قساي اتقابلنا...واتشرفنا بالجد بالمقابلة
اها .. نجي للكتاحة
| Quote: عصام بالغ و شزّا (بالزاي) وكدي نخليهو على جنب ... |
عصام دقس ليهو كم دقسة كدة...وعشان عشمانين فيهو "ماعشمانين بتاعت الانتهازية ديك" عشمانين خير عشان كدة قلنا ننفس الكورة الجايطين لينا بيها راسنا ده
Quote: فرد العضلات و شتارة الكيبوردات بقت فوق العد و الحساب هنا ده
نمسك البرلوم و نخلي كبارات البلد؟ |
كبارات البلد ديل قاصدة بيهم ياتو بلد...بلدنا السودان ..ولا السوق الجايط ده...حددي لي عشان ارد بي مهلة وكويعة
| Quote: يعني جات عليهو هو؟ |
جات علي هو..لانه شكلو ود ناس ومهذب..مادايرين نصنفوا غير كدة
Quote: علشان قال انو في بوستات ما عارف شنو بتجذب ناس ما عارف منو؟
يا زولة بسيطة كان جات على كده ... لانو الاتهام مبطن والمعنى مغتت و حمال اوجه
بس يوميا في ناس بتتشتم في صمة خشمها هنا ده و بتتقصد بالاسم عديل كده، حصل شنو؟
وحياتك ولا شيء ..!! اونكل بكري يشيل البوست لا من شاف ولا من دري و الناس تلف صينية لغاية الفيلم البعده
يوم يومين كتاحة قايمة في حلة تانية و ما تفرزي الناس إلا باليوزر نيم لانو الصور زاتها بقت تتوه الزول |
احيييييييييييييي ده بيت القصيد ياعزاز وده الفاقع مرارتنا..كل يوم يومين زول يشخت روحوا بي موس ويجي يستعرض لينا هنا...وكل واحد داير يفرد عضلاتو على حساب وجودنا البقى خزاز في المنبر ده...عليك الله يا عزاز الختا ده بدورو لي ولا بفتشوا ولا بغلب زول...يعني كل زول داير يتشبك اليتشبك مع خيالوا ويريحنا من خلقتوا....والداير يجي هنا يجي يصنف روحو مايصنفوا...يعني للتوضيح الداير سياسة الميدان كترابتو قايمة طوالي يدخل، والداير غناء يمشي يدوزن حتى لو بغني داير عشا، والداير كورة يشوت حتى لو مامسجل في الاحتياطي ودون مازول يحدد ليك "ملامحك" ، والدايرة الانصرافية مافي احلى منها ولا اكتر في المنبر ده...يجي طوالي ينضم لينا المشكلة وين....
| Quote: يعني يا ستي هذا ديدن المنبر (حتة ثقافة كده في النص لزوم البريستيج) |
يااخي انتي البرستيج ستوا...اتفسحي زي مادايرة مرفوع عنك القلم...اها البعدو
Quote: وانا اظن (وما تاخدي على ظني كثير لانو في حمى سالقاني ليها يومين) مهند ده ما مفروض يكون الموضوع
لو الاعتراض على اسلوب التجريح من طرف حقو ترخي عصام ده و ابتدي بالفلاطحة الجد جد ... |
اهااااااااااااااا جينا للغلط...فلاطحة وما ادراك مافلاطحة...قلتي لي كدة...يعني انتي المقدمة الحلوة ديك كلها لابدة لي دايرة تدقسيني...تلقيها عند الغافل دي
والله راجعة ليك تاني .......كيتا في دكين...
انو اخلي قلبي عندك يا اختي
| |
|
|
|
|
|
|
|
|
|
Re: يبدو ان البوستات الغذره فقط تجذب الناس هنا، و يا عصام الخواض بالجد كتيرة منك (Re: حنين للبلد)
|
Quote: (*)
سلامات يا(حنين) ..
أنا بطلتا أقول راي في أي حاجة , ..
لكن حا أتجاسر شوية و(الله يستر ).. |
اتجاسر ابوي اتجاسر
| Quote: (عصام الخواض) ده الله يزيدوا كمان وكمان , .. |
يااااااااااااااااااااااااااااااااارب "زي الزول داير ينفي عن نفسه تهمة انه حاقد "
في البداية كده كان لطيف وظريف وفتح بوست ما(قذر) عن (روزمين ) على ما أذكر ..
وكان متوازن كده , ..
زمان كنتا بشوفه في (الحلة الجديدة) لو كان (عصام باسطة) يعني , وكان زول كويس , ..
(أيام الماسورة) وشفوتا (الله يطراهم بالخير ) من لدن (عصام حسبو) لحدي ناس ...
المهم ..
أسي الجدا شنو ..؟
| Quote: زولك إتقلب يطلع من مشكلة يخش في التانية ..؟ |
والله انا زاتي فترني وتعبني ..كل يوم لافحة توبي احاجزو في الحلة...بقى متالقي حجج مش...
Quote: وأغلب الظن إنو الحال مشى معاهو في تدهور كده من يوم بوست الهجوم عليهو داك , ..
وأظن أن صديقي (أسعد العباسي) ورط نفسو معاهو كمان ..
وأنا عشان ما أورط وماعايز مشاكل وطالما الحكاية جابت ليها تفتيش (جوازات) وتوصيف (نضارات) ..
ياأخانا (عصام) ,..
إعتذر لمن ظلمتهم بوصفك لهم بالقذارة أو الغذارة ..
وكمان إقحامك لأخينا (عماد) ومأساته التي هي مأساتنا نحن جميعاً كان خطأ آخر , ..
وهو خطأ (منى خوجلي ) أولاً وما بشبها ,لأنو (عماد) ده ما أظن وصل مرحلة إنو نستجدى ليهو الناس ,وقبل ماتجي إنتا هنا وبدون أموالك عالجنا وإتعالجنا بمحبة وتوادد كان مفخرة دون من أو أذى وإنتا طالما جيت هنا ولماك معاهو المكان فمامحتاج يفتحوا ليك (بوست) مناشدة فيهو قسوة على مشاعرنا أو مشاعري أنا (عشان ما أعمم) كأخ لي عماد(لايملك أن يمد له يد المساعدة إلا نذراً يسيراً)
(ومنى عزيزة علي وماحبيت أقول ليها الكلام ده ) .. |
اوافثك تمااااااااااااما خاصة فيما يخص معزتنا لي الأخت منى خوجلي ...
Quote: أها ..
أسي أنا بلومك , رغم إنو (البوست) التشهيري بيك برضو كان خطأ من الأخوان الفتحوهوا لأنهم ماعندهم (مستندات) أو (أدلة) تدينك ..(حسب متابعتي القليلة) ..
لكن ردودك للناس بقت ماياها وكدي .. |
انت قاصدني هنا ولا شنو يامان.........
وعموماً , رغم إني حالف من فترة ما أخش لي بوست فيهو خطاب شخصي عشان ما أشتم وأتشتم , إلا إنو الليلة , يدي أكلتني باين , ..
..
..
Quote: أما بخصوص بيع المنبر من عدمه (فبكري يملكه ) ولا يملكنا وما كان له ..
نحن لا نباع ولا نشترى رغم أننا لا نملك (شروي نقير) .. |
..
..
غايتو لو نزلت السوق...دلوية قالت ليك اشترينا...
Quote: أها ياخوي .. أمسك نفسك عن الكتابة كم يوم كده ..
وأنسى المساجلات الفاتت , إلا مايستوجب إعتذاراً منك ..
وتعال من جديد .. |
الله يريحك دنيا وعافية
| Quote: تجدنا إنشاء الله أغنياء من دونك , وأخوان في الله .. |
اختصرت لينا...وللباندوث
Quote: وكان ثبت إنك ماكل حقوق الشعب السوداني المسكين ده (بي دلايل وبراهين ماقيل وقال) ..
تلقانا أعداءك ومساكين في حلقومكم ..
:::
والذي يستحق الإعتذار في خضم معاركك هذه هو أخانا (عماد) , ..
نعتذر له عن (عجزنا وقلة ذات يدنا) .. |
اوجزت وكفيت
التعديل لإضافة كلمة "وفيت"
(عدل بواسطة حنين للبلد on 10-10-2008, 09:25 PM)
| |
|
|
|
|
|
|
|
|
|
Re: يبدو ان البوستات الغذره فقط تجذب الناس هنا، و يا عصام الخواض بالجد كتيرة منك (Re: حنين للبلد)
|
عزاز شامي
Quote: انا يا حنين لاقيتك قبل كده؟ عندي شعور (عميغ) انو اتلاقينا وقعدت في كمبيوترك
و الشعور ده جاني اول امس فجأة وقلت إلا اسألك ... إذا حصل اديني امارة وانا بافهم
وليك مني شكر عميق على وقفتك معاي يومها .. |
عزاااااااااااااز الليلة ووووووووووووب على قول اميرة الشيخ ولا سهام المجمر ولا غيرهن
بالله تتخيلي فجاة كدة...بعد مااستبعدت انه اتلاقينا اتذكرتك..فجاة اتذكرتك...يااخي بالله انتي عزاز...عليك الله شوفي الدنيا دي ضيقة كيف..انتي قعدتي في كمبيوتري ..ولا "سجلت ليك"...حددي
اجي يابت امي..يحليلك على قول حبوبتي..وين الحي بيك ياحبيبة
والله اتحيرت؟؟؟؟؟؟؟؟؟؟؟؟؟؟
ياهو...ياهو زاتو...
| |
|
|
|
|
|
|
|
|
|
Re: يبدو ان البوستات الغذره فقط تجذب الناس هنا، و يا عصام الخواض بالجد كتيرة منك (Re: حنين للبلد)
|
تخيلي قلقت و خفت اكون خرفت و لحقت ناس هنا
يا هو زااااتو يا بت امي
سجلتي لي و بعدين مشيت اتلحت الكمبوتر الليلك ..
تخيلي اول امس بطلع في هديمات الشتا قوم امرق يا اسكرتيني بتاع يوم داك ومرقت معاهو الزكتة ...
قومي يا عزاز اعملي فلاش باك ..... قومي اتذكري المشوار الطويل و التسميع في العربية و تفاصيل اليوم من أوله
فطوري و قهوة كاريبو و ضياعي في highway 60 ... قومي فجأة تعال لي يا وشيك السمح ...
قومي يا عزاز اضربي قورتك و قولي: "لا ياااااخ!"
ياخي شكرا كثير و الله ....رسلت ليك كرتونة شكر و شوال تقدير مع قريبي لعله بلغك السلام ..
امانة سلمي لي على مواطنينا في الدور الارضي و قولي ليهم وين الحي بيكم ..
يا سلام ياخ ... الدونيا دي صغيرونة بشكل؟!!
| |
|
|
|
|
|
|
|
|
|
Re: يبدو ان البوستات الغذره فقط تجذب الناس هنا، و يا عصام الخواض بالجد كتيرة منك (Re: حنين للبلد)
|
ياعزاز ...ياعزااااااااز بالله دي انتي...والله دنيا...
يااخي ازيك ووين الحي بيك..ومن ديك وعيك
ود اهلك اسه في بلدا طيروا عراقي..
والدور الأرضي والفوق كلوا بسلم عليك...
وياحبيبة ياريت لو عملنا ليكي حاجة كان اقلاها زدنا شرف يا امي...يحيليك والله...لكن الغريبة اصلي ماعرفتك ولاربطت الاسم ...تتخيلي الزهايمر ده مدخلني في حتت ضيقة خلاص...زي يوم الليلة دا...
سعيدة اتعرفت عليك وياريت الزمن كان اكول وياريت لو بقت عرفة يوماتي....
انتي عاملة كيف...وامورك شنو...وماعندك جية تاني..هوووووووي ياناس المنبر الحاضر يكلم الغايب...نحن وعزاز الشامي زمرة معرفة وناس بيت كمان...سعيدة بيك
انتوا الموضوع اساسا كان شنو..........
| |
|
|
|
|
|
|
|
|
|
Re: يبدو ان البوستات الغذره فقط تجذب الناس هنا، و يا عصام الخواض بالجد كتيرة منك (Re: حنين للبلد)
|
يا حليلك ياخ ..
تخيلي كنت لاحقة ود اهلنا و الله فكاني في آخر لحظة ... ناسكم بيطوطحوي بي ليهم زمن و دخلوني في الدرب سنتين
جيت شهر خمسة الفات و لاقيت داني تاني و كانو أول مرة يلاقيني ..!!!
غايتو ... الشكية لابد يد قوية لو كنت شقرا معوج لساني كنت لقيتني بقدم في نشرة الساعة ستة
الليلة ووووب حسي نبقى في حقد طبقي و بتاعات
اهن، نرجع للدافوري و البقية في الماسنجر يا خية البوستات ليها ودان
قلت لي عصام قال انحنا ما مستحمين ؟؟؟
| |
|
|
|
|
|
|
|
|
|
Re: يبدو ان البوستات الغذره فقط تجذب الناس هنا، و يا عصام الخواض بالجد كتيرة منك (Re: حنين للبلد)
|
Quote: ازيك يا حنة وضيوفها
شايفة اليومين دى زى عشرة بوستات أو يزيد معنونة بأسم عصام
وكنت بقرأ أول مداخلتين وأقفل البوست لأنو الزول بقى مشبع من نوعية العبارات المتداولة فى أى شجار طرف فيه عصام
جبت قروشك من وين وورينا الطريقة وو الأنتهازى وآكل قوت الشعب
لكن لما لقيت البوست بأسمك قلت أكيد ما حيكون زى غيره |
شكرا على العشم...ولو بتعرفيني تعرفي انو ما ممكن تقري لي كلامات زي الفوق دي...لاني بي بساطة ياروز..من اول الناس الوقفت ضد انه الناس تحاس عصصام الخواض ...وتنصب ليه محكمة هنا...قروشو ماقروشو جابها ن وين...ماجابها من وين...جاتو في ليلة القدر..قلعها...لقى ليهو لقية...دي ماشغلتنا...ولا موضوع بخصنا
اها البعدو
Quote: المهم
تحدثتى عن فرد العضلات وقلتى لأنك عشمانة فيه الخير وشكلو ولد ناس
طيب يا ستى ما أهو حميدة وتمبس فاردين عضلاتهم فى أى زول بغلط عليهم أو بشوفو أنه غلط ومافى زول بقول أنه مقطوع فيهم العشم أو ما أولاد ناس
وزى ما قريت لآخر أنه ماسك عصايته وحايم لأنك لو ما رديت بطلعوا ليك فى رأسك ويدلدلو رجليهم وضحكت يومها من سخافة الطرح
لكن تصدقى بديت أفكر فى كلامو جادة وأحترم رأيو دا
وأنه فى ناس بتتعامل بالطريقة دى |
رغم اني ماكنت حابة اني اجيب امثلة...لكن القال ليك انو اسلوب تمبس وحميدة انا موافقة علي منو...لكنه بيني وبينك احيانا لايخلوا من طرفة..
Quote: نجى للنقطة الثانية
عصام طرح نفسه كفرد وزميل مثله مثل غيره وليس كمؤسسة أو جهة معينة كشركة الخواض أو مركز الخاتم عدلان
وسرعان ما تناولته الأتهامات والأساءات
ربما رد ببعض الحماقة ولا تخلو جملة له من خطأ أملائى
لكن لماذا نطالبه أنه يكون ملاكا وأن يتحمل كل هذا القدر من الأتهامات ويحافظ على هدوءه ويفتعل التعقل
هو أنسان فى المقام الأول وتعاملنا معه ومع غيره من هذا المنطلق بعيدا عما يمتلك أى منا |
اجبت على الكلام ده....هو انسان زي زي غيره...غلطوا علي بنقيف معاهو..غلط بندي في راسو
البعدو
Quote: ثالثا
مطالبتك له بدفع قيمة علاج الحبيب عماد كاملة
الذى نتمنى له من صميم قلبنا أن يهون له أمور علاجه وينعم عليه بالشفاء
فيها قليل من التجاوز نحن لا نعلم بكم ساهم ولا نود معرفة ذلك لأن تلك أمور خاصة كما لا نستطيع أجبار أحد ربما لا تسمح ظروفه
أو لديه ميزانية معينه يقوم بتقسيمها فى وجوه خير لا يعلمها سواه |
كلامك ده اوافقك في جملة وتفصيلا...ولو راجعتي كلامي تحديدا في النقطة دي...سبقت قولي وقلت لي رغم انو ياعصام ده موضوع مابخصني لكن طريقة طرح موضوع عماد بالطريقة دي ماكانت موفقة ورغم انو انا مابحدد لي قروشو يعمل بيها شنو ولا موضوعي ولا شغلتي..لكن انا لو كنت في مكانو كانت لن تعرف يساري ماقدمت يميني...الموضوع واضح ياروزمين..واضح لكن زي الشايفاك مادايرة تشوفي ...عصام الموضوع بخصوا لكن طالما اتبنى الفكرة مايدفع العلاج كلو ويريحنا وينال ثواب من الله ومننا...كلامي ده مافوكو حاجها "الكاف معنية للمصحيين اللغويين" وكلامي ده حبيبتنا منى خوجلي قالتوا قبلي وفتحت لي بوست كامل حدادي مدادي..
Quote: رابعا
مطالب عصام بالأعتذار أو سحب مداخلته أياه فى البوست المعنى كزميل فقط لا أكثر أرتكب حماقة مثله مثل عشرمية زميل آخر
رأينا فيه خيرا وكان يمكننا كتابة رأينا فى نفس بوسته من غير فتح بوابة جديدة تطير منها الكراسى وتصيب مزيدا من الرؤس |
طيب ياروزمين لو كتبت ردي في نفس البوست المعني...حأتشهور كيف..والفت النظر...مالازم افتح بوست منفصل ولا شنو..........
روز شكرا لي راييك...واظن انا برضو عندي رايي ورؤيتي للموقف ..وانا قلت ليك ياروز انه انا الليلة بالعة حبوب الصراحة...استحملونا...احترم رايك..ومتاكدة حتحترمي خياري ..انا حابة افتح بوست منفصل للموضوع ده..اتمنى انه الحاجة دي ماتزعلك..
| Quote: تحياتى وآسفة للأطالة يا صاحبة |
لا حبيبة طولي زي مادايرة ...انا لاقياك وين ..ياروزمينتنا
Quote: أضف الى ذلك أستيائى الذى لا يعنى كثيرا لأنه أمر شخصى من معالجة صديقى عصام لموضوع خلافه مع صديقتى تراجى للمطالبة بتوقيفها لكن لا أستطيع فرض رأى أو التدخل فى قناعته أو قناعة
تراجى فى معالجة خلافاتهم أو أختيار أسلوب ما يعكس منهجهم فى الحياة وأى شاه معلقة من عرقوبها ومن عرقوب ما يخطه كيبوردها |
بخصوص تراجي..وعصام...لاتعليق
اها تاني شنووو
ااي
روزمين ...ازيك.....
عصام الخواض
لاشيء شخصي......واحترم ردودك بس تاني مرة لو سمحت برضو احترم انو في نص اي شبكة بين طرفين في اطراف لاعلاقة لهم بالموضوع
تحياتي ..وجل من لايسهو
التعديل لأضافة الفقرة الأخيرة
| |
|
|
|
|
|
|
|
|
|
Re: يبدو ان البوستات الغذره فقط تجذب الناس هنا، و يا عصام الخواض بالجد كتيرة منك (Re: حنين للبلد)
|
| Quote: حنين ازيك وكل سنه وانت طيبه الي حين عوده |
عمر بوب
وكل عام وانت كما تتمنى....
للاخ عصام الخواض...نتناقش هنا ود امي زملاء في منبر اسفيري...لاشيء شخصي ولا اميزك من غيري من الزملاء..مع احترامي لشخصك..
وللحبيب عماد ...ادعو له بالشفاء وان يبلغه الله الصحة والعافية وان يتم عليه نعمة الشفاء يارب...وشكرا ياعصام على مبادرتك الطيبة ومبادرة كل الاخوان هنا...
بالمناسبة مفعول حبوب الصراحة ...بدأ يختفي...
استغفرتك يامالك روحي...احمد الله مافي ضحايا..يااخي انا من غير ريدتكم بضيع...
| |
|
|
|
|
|
|
|
|
|
Re: يبدو ان البوستات الغذره فقط تجذب الناس هنا، و يا عصام الخواض بالجد كتيرة منك (Re: حنين للبلد)
|
انتي يا عزاز يا كافي البلا حتي باليوزرنيم ما قاعده تفرزي الناس (وجه ضاحك)
لووووووووووول يا عمر ما تسترنا ياخ ..!!
بعدين انا مشكلتي انو اليوزرنيمات بتتشابه ..؟؟
افرزكم كيفن يعني؟
________
حنين،
صدقيني عصام بيكون شايف بوستيك ده زي النسمة مقارنة بالكتاحة و الكترابة القايمة هنا
فبالله اخدي ليك حبتين ثلاثة حبوب صراحة و بالعدم كباية شاي و تعالي تمي المحاكمة دي
و نحن هنا ...حاعمل ليك حائط بشري ضد اي محاولات نيل من شخصكم
انحنا هيئة المحلفين
| |
|
|
|
|
|
|
|
|
|
Re: يبدو ان البوستات الغذره فقط تجذب الناس هنا، و يا عصام الخواض بالجد كتيرة منك (Re: عزاز شامي)
|
Quote: ود البشرى...ود طيفور...ود الصايم...رغيم...سارة علي...اميرة الشيخ...ومن لف لفهم
|
والله ياحنين انا اول زول وقفت للاخ عصام الخواض فى اول بوست فتحو لصبرى الشريف
وقلت وقلت وقلت وتانى فى بوست كدا دخلت قلت وقلت وتالت ورابع وخامس .....
لكن ولازول بسمعك مافى لمن العجاجة تقيف ..... والحل الوحيد لوقف العجاجة بكرى يدخل ويسحب البوست
ودا الحصل عشرومية بوست ندخل نلقى روحنا فى الشارع ....
وفقدتك فى الكترابة دى لكن قلت فى الوضع دا احسن انك ماتجى ...
اها لمن تعبت فتحت لى بوست اسمو غالى الحروف .. وحاتك جانى حميدة طاير قال لى انت فى شنو
والناس فى شنو.... وسودانيز اون لاين حيشتروها وشنو كدا ما عارفة ....
الحاصل دا كلو مافى زول مستفيد منو حاجة وكل يوم مستوى الحوار فى البورد ماشى فى النازل
لحدى مانلقى روحنا شايلين سكاكين وخناجر لبعض .....
الحل شنو؟؟
__________________________________
والله ياحنين انتظرتك لما الواطة صبحت ...... مارجعتى
مشتاغووووووووووووون
| |
|
|
|
|
|
|
|
|
|
Re: يبدو ان البوستات الغذره فقط تجذب الناس هنا، و يا عصام الخواض بالجد كتيرة منك (Re: عزاز شامي)
|
قالت الأخت الكريمة عزاز شامي ( فرصة نبارك ليها العيد ولها الأماني السعيدة )
Quote: حنين،
صدقيني عصام بيكون شايف بوستيك ده زي النسمة مقارنة بالكتاحة و الكترابة القايمة هنا
فبالله اخدي ليك حبتين ثلاثة حبوب صراحة و بالعدم كباية شاي و تعالي تمي المحاكمة دي
و نحن هنا ...حاعمل ليك حائط بشري ضد اي محاولات نيل من شخصكم
انحنا هيئة المحلفين |
فتذكرت بالتداعي مداخلة سابقة لي عن ( الشكلات المؤصلة )
Quote: أكملنا في نهاية السبعينات المرحلة الثانوية في مدينة رفاعة وتعلمنا السهر في حفلات الأفراح لا يهم في ذلك كون الحفلة لزواج أو سماية أو ختان . إشتهر ( س ) بفتونته الشديدة , وافتعاله المشاكل وضربه المؤذي لخصمه الذي يكون نتيجته أخذ الضحية للمستشفى على عجل وأخذ ( س ) لمركز الشرطة . ومن ثم ( تتفرتق ) الحفلة رغم ما صرف عليها وعلى فنانها أو يتم مواصلتها داخل المنزل لأهل الفرح ( دكاكيني ).
ثم
جئنا للخرطوم لنلتحق بالجامعة ومارسنا نفس هواية الحفلات في أندية الخرطوم . ذهبنا ذات خميس للنادي الكاثوليكي وكانت حفلة كاربة ، وبعد الفاصل الأول لفت نظرنا ونحن نتجول في أنحاء النادي وقوف ( ولدين ) من أولاد الخرطوم في موقف ( شكلة ) ، وجدناها فرصة لنرى كيف ( يتشاكل أولاد الخرطوم ) ، طال إنتظارنا وكلاً من الخصمين يدعو صاحبه ( اضربني كان إنت راجل ) ويرد صاحبه ( لا ---- اضرب إنت الأول عشان أوريك ) . طال إنتظارنا ولم يضرب هذا ولم يرد ذاك . إستفز هذا الموقف صديقنا الساخر عمر النور فسحبنا من أيدينا قائلاً
" ياخ بالله خلونا نمشي نشوف لينا حاجة تاني .... والله الشكلة دي لو كانت في حفلة في رفاعة ، الحفلة قبييييييل كان إتفرتقت و( س ) ودوهو السجن و( زولو ) ودوهو العناية المركزة "
|
الأخت الكريمة حنين
بعد مباركة العيد والأماني الطيبة
يقولون " نية المرؤ خير من عمله "
فتحت بوست لشكلة
فأتاك بصداقة عزاز شامي الأخت التي تحظي باحترام الكثيرين
رسلي لينا من حبوب الصراحة دي شوية
| |
|
|
|
|
|
|
|
|
|
Re: يبدو ان البوستات الغذره فقط تجذب الناس هنا، و يا عصام الخواض بالجد كتيرة منك (Re: حنين للبلد)
|
Quote: تحدثتى عن فرد العضلات وقلتى لأنك عشمانة فيه الخير وشكلو ولد ناس
طيب يا ستى ما أهو حميدة وتمبس فاردين عضلاتهم فى أى زول بغلط عليهم أو بشوفو أنه غلط ومافى زول بقول أنه مقطوع فيهم العشم أو ما أولاد ناس |
روزمين...مداخلتك دي....ماااااااااااااريحتني...ماريحتني نهائي...لكن بنعديها ومابندقق فيها ..لانه انتي روزمين..
ياروزمين يابت الناس...مانا البحدد منو ودناس ومنو ماود الناس... وكلمتي انو انا بتكلم مع عصام لانو ود ناس دي اتت لتضمين ان لاشيء عدائي لي مع عصام ..وازيدك ولا مع اي زول هنا..
كل الناس هنا..عندي اولاد ناس..وكل البنات بنات الناس ده كلام ولا فيهو تمتمة...البغلط ياروز بنتكلم في بدون ان يمتد الحديث الىاي شيء الى من هم خارج هذا المنبر...الاهل ديل برة برة الموضوع والنقاشات التي تصل احيانا الى درجة السخافة..
اما عن ذكرك لتمبيس وحميدة...زيهم زي غيرهم في المنبر ده...وامكن مرات كتيرة بحس بحدتهم وسلاطة لسانهم في ردهم على البعض هنا...لكن طالما ماوجهو لي لي شخصيا او ضمن العامة اساءة ماعندي معاهم شغلة...وده اسلوبهم وهم حرين فيهو ...يعني دي ماشغلتي...
وردي ليك...وللمثل الضربتي ,,لا مافي زول بقول انه مقطوع فيهم العشم او ماولاد ناس..لكن ممكن اقول عليهم شفاتة ومرات مرات بعملوا لينا كك في راسنا ده ...ويغيظوا ..ويتطاولوا في الكلام...وبتاعين شبك لمن زول يتشبك معاهم الله يحلو...اها وتاني شنو....اي شيء لكن زي ماقلتي ضمنا ..هم اولاد ناس ...واكتر من اولاد ناس..المشكلة وين...
اقول ليك شيء كمان...وانتي ست الناس كمان......
| |
|
|
|
|
|
|
|
|
|
Re: يبدو ان البوستات الغذره فقط تجذب الناس هنا، و يا عصام الخواض بالجد كتيرة منك (Re: حنين للبلد)
|
تعرفى يا حنة أنا سعيدة بأنى تداخلت معاك لأنك ما خيبتى نظرتى فيك وما سارعتى لسوء الظن وتفسيرات غير مبررة لما أوردته
وزيادة فى التوضيح حتى يطمئن قلبك الذى لا نرضى بأن نتسبب فى حيرته | Quote: وردي ليك...وللمثل الضربتي ,,لا مافي زول بقول انه مقطوع فيهم العشم او ماولاد ناس..لكن ممكن اقول عليهم شفاتة ومرات مرات بعملوا لينا كك في راسنا ده ...ويغيظوا ..ويتطاولوا في الكلام...وبتاعين شبك لمن زول يتشبك معاهم الله يحلو...اها وتاني شنو....اي شيء لكن زي ماقلتي ضمنا ..هم اولاد ناس ...واكتر من اولاد ناس..المشكلة وين... |
أيوة أوردت أسم حميدة وتمبس لأنهم شباب زى عصام
وأدراة الخلافات فى المجتمع الذكورى تختلف كثيرا عنها فى المجتمع النسائى أو الأنثوى
فغالبا ما تنتهى شجاراتهم بمثل لما الاقيك وتعال لى بالدرب وأنا جاييك وحأوريك الرجالة عنى الموضوع ليس له علاقة باولاد ناس او غيرها
لكن له علاقة بطريقة الشباب الخاصة بهم فى حسم صراعاتهم
ما عنيته أن الرجل أو الشاب منهم يحمل أى أساءة كأساءة الى رجولته أو شىء من هذا القبيل لذا يسارع بحسم النزاع بأبراز قوته البدنية
ولا غرو فى ذلك فهو حال الشباب ولهم طريتهم التى لا نستطيع
وعصام كشاب مثلهم لا أعتقد أنه سيصبر أن يكون (ملطشة ) لأى واحد ويمرر الموضوع لبرستيجه كشاب غنى
فهو فى النهاية يمثل فكر وأسلوب شاب كغيره من الشباب
بعدين ما تحكيها صحى الشباب أصحاب لكن لو كترنا حسة بجو يعلقونا
| |
|
|
|
|
|
|
|
|
|
Re: يبدو ان البوستات الغذره فقط تجذب الناس هنا، و يا عصام الخواض بالجد كتيرة منك (Re: حنين للبلد)
|
حنين وضيوفها
الود كله
فقط هناك جزئية في هذا النقاش الدائر قمة في الألم
هذا الشخص الجميل المدعو عماد محمود
اجد ان اسمه ومحنته زجت في مهاترات ونقاشات هو ليس طرفا فيها
الكثير زي ما قال حبيبنا ود الزين طرحت مشكلة علاجهم هنا دون ضوضاء
وكانت النتائج مزهلة حقيقة
فقط اود ننتبه الى ان هناك زميل وصديق لنا يعاني من المرض
والزمن ليس في صالحنا...
ن لم نستطع من مالنا فضعف الايمان نرفع اكفنا لله ان يشفيه ويعيده
لاطفاله وزوجته سالما معافى...
دي النقطة المهمة في اللغط الدائر الآن
اتمنى ان نتجاوز خلافاتنا (جميعها) وننتبه لوضع اخونا عماد
محبتي للجميع
| |
|
|
|
|
|
|
|
|
|
Re: يبدو ان البوستات الغذره فقط تجذب الناس هنا، و يا عصام الخواض بالجد كتيرة منك (Re: كمال علي الزين)
|
وعليك السلام (كمال الزين )
لم تورد غير عناوين المحورين ومع هذا سأرد على ما فهمته منها
أفضل أن لا ندرج أسماء من لا نملك الا الدعاء لهم فى خلافات ومواضيع جانبية وبما أنك رأيت فيه ما قد يحبط فاليك مزيد من الشرح
حديثى كان عن عصام ( وأنه تم أحراجه بما تدفع القروش كلها يعنى بتغلبك ) ودى وجهة نظر وأسلوب خاص بالعزيزة حنين لا أملك الا أحترامه .
فقط أدليت برأيى فى الموضوع من ناحية طريقة الخطاب ولا أجزم بصواب رأيى, مع تأكيد توافر حسن النية ومسعى الخير فى خطاب حنين .
أما بخصوص المقارنة فأعتقد أنى كتبت كثيرا بهذا الخصوص فى المداخلة الأولى والثانية
وهى وجهة نظرى فى موضوع ما يدور من خلافات فى وسط الشباب عموما مع أدراجى أمثلة لأخوان أعزاء لهم منهجهم الخاص فى أدراة حواراتهم أو خلافاتهم وقد لا توافقنى الرأى
وهذا لن ينتقص من كلانا شيئا ومن الطبيعى أن لا تتوافق وجهات النظر .
مودتى وأحترامى
ويهمنى جدا أن تكون الرؤيا قد أتضحت
| |
|
|
|
|
|
|
|
|
|
Re: يبدو ان البوستات الغذره فقط تجذب الناس هنا، و يا عصام الخواض بالجد كتيرة منك (Re: Hussein Mallasi)
|
الاخت حنين / تحية نضرة
تعرفي ناس المؤتمر الوطني سمعت بانو بشترو عضوية الناس قلت امشي ابيع ..
قابلت الاخ ود الباوقة قلت ليها انا جائيكم كموتمر وطني عديل .. اندهش جدا
وقال لي مرحب بيك .. قلت ليه لكن نتفق على الثمن قبل الدخول في اجراءات العضوية
قال لي ما عندي مانع بس طلباتك .. قلت ليه اتمام علاج اخوي عماد محمود ... سكت برهة
وقال لي بكرة امشي قابل ناس السفارة وانا بتصل بيهم .. مشيت ونحن في حوجة ل 48الف ريال
( ثمانية واربعون الف ريال ) ل 4 جرعات قيمة الجرعة 12000 ريال ...
ناس السفارة قالو لي بنديك 1500 ريال !!!!
قلت ليهم ده ثمن بخس جدا لتحولي للمؤتمر الوطني .. ورجعت لود الباوقة قال طيب حا نشوف المسألة دي ..
هم لسه شكلهم بتشاوروا في المسألة وحالة عماد لا تتحمل ادراجها في الخطة الخمسية ...
لم اقل ذلك الا بعد علمي بما جاد به الاخ عصام الخواض ( وربنا يجعله في ميزان حسناته) ..
لكن طلبي الصغير من الاخ عصام لو جاد بمثل ما دفع فسوف يحل مشكلة اخوي عماد من جذورها
فالمتبقى يا اخ عصام هو قدر ما دفعته بالتمام ..
وفي النهاية تفكني من ورطة التحول ..
شكرا حكيمتنا حنين وشكرا اخي عصام ..
| |
|
|
|
|
|
|
|
|
|
Re: يبدو ان البوستات الغذره فقط تجذب الناس هنا، و يا عصام الخواض بالجد كتيرة منك (Re: حنين للبلد)
|
Quote: الاخت حنين / تحية نضرة
تعرفي ناس المؤتمر الوطني سمعت بانو بشترو عضوية الناس قلت امشي ابيع ..
قابلت الاخ ود الباوقة قلت ليها انا جائيكم كموتمر وطني عديل .. اندهش جدا
وقال لي مرحب بيك .. قلت ليه لكن نتفق على الثمن قبل الدخول في اجراءات العضوية
قال لي ما عندي مانع بس طلباتك .. قلت ليه اتمام علاج اخوي عماد محمود ... سكت برهة
وقال لي بكرة امشي قابل ناس السفارة وانا بتصل بيهم .. مشيت ونحن في حوجة ل 48الف ريال
( ثمانية واربعون الف ريال ) ل 4 جرعات قيمة الجرعة 12000 ريال ...
ناس السفارة قالو لي بنديك 1500 ريال !!!!
قلت ليهم ده ثمن بخس جدا لتحولي للمؤتمر الوطني .. ورجعت لود الباوقة قال طيب حا نشوف المسألة دي ..
هم لسه شكلهم بتشاوروا في المسألة وحالة عماد لا تتحمل ادراجها في الخطة الخمسية ...
لم اقل ذلك الا بعد علمي بما جاد به الاخ عصام الخواض ( وربنا يجعله في ميزان حسناته) ..
لكن طلبي الصغير من الاخ عصام لو جاد بمثل ما دفع فسوف يحل مشكلة اخوي عماد من جذورها
فالمتبقى يا اخ عصام هو قدر ما دفعته بالتمام ..
وفي النهاية تفكني من ورطة التحول ..
شكرا حكيمتنا حنين وشكرا اخي عصام .. |
الاخ حيمورة
شكرا ليك وانت بتضرب في الوتر الحساس واحمد الله انه البوست ده ما انساق الى اي تهاتر، ولا مس اي جروح
انا مع الاصوات التي تنادي بالتركيز على موضوع وحالة الا خ عماد ووضعه الصحي شفاه الله يارب ..وشكرا لللاخ عصام وشكرا للعشم في الاخوة والاخوان..
نتابع معك الوضع الصحي للاخ عماد وندعو له من قلوبنا...
عماد.....ربنا يشفيك لاسرتك ..ولنا
| |
|
|
|
|
|
|
|
|
|
Re: يبدو ان البوستات الغذره فقط تجذب الناس هنا، و يا عصام الخواض بالجد كتيرة منك (Re: حنين للبلد)
|
Quote: الحبيبه
حنين
اولا انا لم اوصف الناس المشاركين معاى بى القذاره ...
القذاره انا قصدت بيها واحد عايز يعمل فيها ناصح ومهذب وهو كان فاتح اكبر بوست قذر قريته فى حياتى ...وكان عدد الدخلو عليه يمكن خمسه الف وكنت السبب فى حذفه وعملت بوست قلت يا بكرى ده منبر والله زقاق ابو صليب
وهو فهم الرساله ومياده والشباب فاهمين ....
والله ما كده يا مياده .....اشكرك يا حنين على الاهتمام لتوضيح الحقيقه ما رديت فى البوست بتاعى عشان ما اغير موضوع البوست هناك ونخش فى مواضيع جانبيه |
الاخ عصام
ردك واضح ومحدد، شكرا ليك واتمنى ان لاتفسدحبوب الصراحة للودقضية ويظل الاحترام بين الكل ...
روزمين.....لخبتي في ردك لي بعض الشيء لكن يازولة مابينا...لكنك بنتي لي على غير ماتعودنا...عموما ياستي الود بينا في محلو...
اميرة الشيخ...حارد ليك بتفصيل بكتب بي كي بورد انجليزي
| |
|
|
|
|
|
|
|
|
|
Re: يبدو ان البوستات الغذره فقط تجذب الناس هنا، و يا عصام الخواض بالجد كتيرة منك (Re: حنين للبلد)
|
Quote:
حنين،
صدقيني عصام بيكون شايف بوستيك ده زي النسمة مقارنة بالكتاحة و الكترابة القايمة هنا
فبالله اخدي ليك حبتين ثلاثة حبوب صراحة و بالعدم كباية شاي و تعالي تمي المحاكمة دي
و نحن هنا ...حاعمل ليك حائط بشري ضد اي محاولات نيل من شخصكم
انحنا هيئة المحلفين |
العفو ياعزوزة لا انا قاضي ولا عصام ولا غيرو متهمين...بت امي بنتدابر فيها الحياة دي لا اكتر ولا اقل العفو......
شكرا للدعم...حبوب الصراحة قلت لدكتوري يغيرهم لي لي حقن ...اتالم انا ولا حباني....
| |
|
|
|
|
|
|
|
|
|
Re: يبدو ان البوستات الغذره فقط تجذب الناس هنا، و يا عصام الخواض بالجد كتيرة منك (Re: حنين للبلد)
|
سلام يا حنين للبلد..
قرأت اول مره هذا البوست في بدايته واعتبرته لوم وانتقاد لاسلوب عضام في الحديث مع زملائه او ان شئنا الدقه في استخدام كلمه
مشينه في حقهم..وبدا لي الموضوع عادي.. فللجميع الحريه في ان ينتقدوا او يلونوا كل ما يرونه خطأ وجارح بالنسبه لهم او لما يحيطهم..
الا انه بنفس القدر اري عدة نقاط أخري تحتاج منا لمواجهه للنفس..
ان عصام تعرض للشتائم الكثيره جدا والتي صعب عليه بعدها التحكم في رد فعله.. ولم نري اي انسان يدين الشتائم الشخصيه له..وذلك
في رأيي لتصنيفه (ليس منا)
الانتقاء في اللوم هنا في رأيي فعل غي عادل ..فعلي الرغم من عشمك في ان يغير عضام من طريقته او اسلوبه في مخاطبو زملائه الا انه هذا أيضا امرا فيه انتقاء..فلماذا لا يصبح فلان او علان مثلا وهم السابقون بالاهانات محل لوم وانتقاد ايضا؟؟
..........
..........
يهمني ان ارد علي كمال الزين مادام قد خصني ايضا باللوم لأنني طلبت من عصام بالاسم ان يدفع لعماد..
فأنت تري يا كمال في طلبي اهانه للجميع وان قررت ان تؤكد انها اهانه لك علي الاقل ..
Quote: كما تري ان انها ليست مرحله نستجدي لها الناس..
إعتذر لمن ظلمتهم بوصفك لهم بالقذارة أو الغذارة ..
وكمان إقحامك لأخينا (عماد) ومأساته التي هي مأساتنا نحن جميعاً كان خطأ آخر , ..
وهو خطأ (منى خوجلي ) أولاً وما بشبها ,لأنو (عماد) ده ما أظن وصل مرحلة إنو نستجدى ليهو الناس ,وقبل ماتجي إنتا هنا وبدون
أموالك عالجنا وإتعالجنا بمحبة وتوادد كان مفخرة دون من أو أذى وإنتا طالما جيت هنا ولماك معاهو المكان فمامحتاج يفتحوا
ليك (بوست) مناشدة فيهو قسوة على مشاعرنا أو مشاعري أنا (عشان ما أعمم) كأخ لي عماد(لايملك أن يمد له يد المساعدة إلا نذراً يسيراً)
(ومنى عزيزة علي وماحبيت أقول ليها الكلام ده ) |
..
اولا انا يا كمال لا استجدي..انا طلبت..ولانه لم يسبق لي ان طلبت من قبل فانني كنت متردده ومتلعثمه..ولا اطنك تلومني ايضا في مشاعري الخاصه..
تري ان كانت لك من الاموال او اي انسان أخر غيرك هنا أموال..وطلبت منك أن تدفع هل كنت ستغضب؟
او تنظر للأمر بنفس النطره ويكون رد فعلك مماثل لود فعلك الآن؟؟
هل كان من الممكن ان يكون من حق الآخرين الغضب لأني توجهت لك بالطلب؟؟
ماهو الفرق يبن ان اطلب منك او منه او اي زميل أخر أن يتبرع مادام الموضوع تم في اطار نفس الزماله وفي نقس "الحوش" الذي
يجمعنا؟؟
مش امكن عصام ماكان شايف قضية عماد؟؟
وانا لفت نظره؟؟
هل من حق اي انسان يمنع اي انسان تاني انه يساعد المحتاج؟؟
.......
..........
للان يا كمال لم تخيرني عن سبب اعتراضك المحدد علي فتح البوست لعصام الخواض..
هل تري ان امواله حرام لا يجب بها مساعدة الخيرين امثال عماد؟؟
هل تري في ذلك تحقيق مكسب سياسي لعصام وسط "المعارضه"؟؟
تري لو لم يستجب عصام للاستفزاز..ويرد علي كل من شتموه..ولا اقصد البوست المذكور لانه شرح وجهة نطره فيه أعلاه..
هل كان سيتغير موقفك وموقف البعض الاخر في هذا الموضوع؟؟
هل تابعت كل البوستات ياكمال الخاصه بعماد ورايت من بدأ في الاساءات والتجريح؟؟
ليس لعصام وحده بل لي أيضا..هل انتقدت تلك التصرفات؟؟
هل للخطأ..نفس الخطأ المرتكب رد فعل مختلف عندك باختلاف مرتكبه؟؟
........
.........
لا أدري علي أي اساس بنيت انت ظنك بأن وصع عماد لا يحتاج..
ولكني أعلم انه يحتاج..ويحتاج جدا..يحتاج علي الرغم من كل ماجمع من اموال كبيره..وعلي الرغم من كل المجهودات التي تمت ليس في السعوديه فقط ولا في السودان فقط بل في مناطق عده..محهودات كلل بعضها بنجاح وفشل البعص الآخر..
فقل لي بريك..هل تتحمل كل الامراض الانتظار؟
هل يجوز لمشاعرنا الخاصه ان تعاني ونعلنها علي الملأ لاننا نطن أو نشعر أن كرامتنا قد جرحت ..بينما هناك شخص آخر يعاني من
مرض عصال يحتاج كل العلاج السريع؟؟
لا تكفي يا كمال ان تكون وجهة نطرك صائبه..ولا ان تكون وجهة نظري أنا صائبه..بل تكفي ان تكون الأحداث امامنا وتتطورها هي المقرره للصواب والخطأ..
مع تقديري وحبي لكم جميعا..واعتذاري عن أي اهانه قد سببتها لكم دون قصد..
| |
|
|
|
|
|
|
|
|
|
Re: يبدو ان البوستات الغذره فقط تجذب الناس هنا، و يا عصام الخواض بالجد كتيرة منك (Re: حنين للبلد)
|
الحبيبة حنين،
إنشالله طيبة،
ومشتاقين كتير،،،
أحكى ليكى قصة قصيرة كدة على الماشى،
أنا و زوجة أخوى كنا راجعين من مشوار كدة عطشانين شديد،
وقفناقدام محل عصير مشهور،
لقيناه قافل (مقفل يعنى..)،
جنبو طوالى واحد من المحلات الجديدة دى فى الخرطوم (coffee shop)،
دخلت هى عشان تجيب عصير،
طلعت مخضوضة،
قالت لى: المحل ما مريح أبدا،
ضلام عجيب و قعدات عجيبة كدة،
أنا كنت خايفة تجى الكشة و أنا جوة،،،،
حسه، أنا أتذكرت الحكاية دى،
لأنو لمن قريت الكلام الفوق داك فى البوست الأصلى،
خفت أدخل و أشارك، تجى الكشة،،،،
_____________________________
غايتو يا عصام الخواض،
الليلة ما بنسيبك إلا توضح لينا شروط و معالم البوستات إياها،
عشان بدربها ما نعتربها.....
| |
|
|
|
|
|
|
|
|
|
Re: يبدو ان البوستات الغذره فقط تجذب الناس هنا، و يا عصام الخواض بالجد كتيرة منك (Re: Hala Hassan)
|
Quote: الحبيبة حنين،
إنشالله طيبة،
ومشتاقين كتير،،،
أحكى ليكى قصة قصيرة كدة على الماشى،
أنا و زوجة أخوى كنا راجعين من مشوار كدة عطشانين شديد،
وقفناقدام محل عصير مشهور،
لقيناه قافل (مقفل يعنى..)،
جنبو طوالى واحد من المحلات الجديدة دى فى الخرطوم (coffee shop)،
دخلت هى عشان تجيب عصير،
طلعت مخضوضة،
قالت لى: المحل ما مريح أبدا،
ضلام عجيب و قعدات عجيبة كدة،
أنا كنت خايفة تجى الكشة و أنا جوة،،،،
حسه، أنا أتذكرت الحكاية دى،
لأنو لمن قريت الكلام الفوق داك فى البوست الأصلى،
خفت أدخل و أشارك، تجى الكشة،،،،
_____________________________
غايتو يا عصام الخواض،
الليلة ما بنسيبك إلا توضح لينا شروط و معالم البوستات إياها،
عشان بدربها ما نعتربها..... |
هولا صحبتي
ضحكتيني لاني مريت بنفس التحربة في زيارتي الاخيرة للخرطوم...كنت محتاجة ارسل حاجة اسكنار مشيت معاي ود اختي لمن دخلت كافية نيت والله العظيم الخوفة الدخلت فيني لي اسه مامرقت...طبعا طوالي اتخارجت...انتي في شنو الحصل شنو؟؟؟؟
| |
|
|
|
|
|
|
|
|
|
Re: يبدو ان البوستات الغذره فقط تجذب الناس هنا، و يا عصام الخواض بالجد كتيرة منك (Re: حنين للبلد)
|
العزيزه حنين
سلام
موضوع البوست فعلا مهم لانه يتطرق لعضو في راي غير عادي ,,فعصام شخص معروف وسط رجال الاعمال
ولكن وجوده بيننا كعضو لايسحب منه هذه الصفه ...
كنت فقط متابع ما يدور هنا وفي البوستات المسحوبه والتي بقي فيها نفس حتي الان ...
ولكن اثارني حديث الاخ علاءالدين حيموره
::
Quote: لم اقل ذلك الا بعد علمي بما جاد به الاخ عصام الخواض ( وربنا يجعله في ميزان حسناته) ..
لكن طلبي الصغير من الاخ عصام لو جاد بمثل ما دفع فسوف يحل مشكلة اخوي عماد من جذورها
فالمتبقى يا اخ عصام هو قدر ما دفعته بالتمام .. |
حديث غير موفق تماما ,,,وليس المجال هنا للحديث عن ما دفعه عصام او غيره ,,,
والدفع ان كان لوجه الله فلا مجال لذكره وان كان لغير ذلك فاربا بنفسي في الحديث عنه ,,,
علاء اخي لم توفق في هذا الامر ولا اظن ان الخواض يقبله اصلا ...
كامل الود للجميع
| |
|
|
|
|
|
|
|
|
|
Re: يبدو ان البوستات الغذره فقط تجذب الناس هنا، و يا عصام الخواض بالجد كتيرة منك (Re: حنين للبلد)
|
Quote: لكن طلبي الصغير من الاخ عصام لو جاد بمثل ما دفع فسوف يحل مشكلة اخوي عماد من جذورها
فالمتبقى يا اخ عصام هو قدر ما دفعته بالتمام .. |
الأخت حنين سلام وإحترام
كنت من أوائل من أصابهم الرشاش بتلك العباره ( الغزاره )
وكتبت كلام كتير للأخ عصام في البوست المعني وفي عدد من البوستات
قام بعدها الأخ عصام بإرسال ماسنجر داخلي يوضح موقفه وقصده من تلك العباره
فرددت عليه شاكراص تجاوبه ومطالباً بأن يكون هذا الكلام في البوست
حتى تأخذ شكل الإعتذار وهو أمر لا ينقص من قدره شيئاً
هو الآن هنا كتب مضمون ما أرسله في الماسنجر ومن مداخلته وأضح إنه أرسل الرساله
لكل الأخوان الذين أصابهم الرشاش .
عموماً فائده هذا البوست في رأي المتواضع تكمن في التركيز على أصل المشكله وهو الكلام الذي أقتبسته من مداخله علاء حيموره فوق
وفائده شخصيه لك يا حنين نعرفك على صديقه قديمه هي الأخت عزاز
وفائده لي شخصياً .................................................. لقيت لي سبب أتداخل معاك
| |
|
|
|
|
|
|
|
|
|
Re: يبدو ان البوستات الغذره فقط تجذب الناس هنا، و يا عصام الخواض بالجد كتيرة منك (Re: Mohamed Ibrahim Ahmed)
|
Quote: أما بخصوص بيع المنبر من عدمه (فبكري يملكه ) ولا يملكنا وما كان له ..
نحن لا نباع ولا نشترى رغم أننا لا نملك (شروي نقير) .. |
كمال الزين ..
رغم ترتيب كلامك و المظهر المنطقي الفيهو .. لكن كما يبدو لي انه فاتك المغزى من البوست المفتوح في ما يتعلق بهذا الامر ..
السخرية و النكتة .. دايرة الزول يفهمها وهي طايرة .. لانه تحميلها فوق طاقتها بظهر جميع الاطراف بمظهر بااااايخ ..
اقرأ البوست مرة آخرى .. وستجد انك اخطأت في تفسيرك للامر ..
| |
|
|
|
|
|
|
|
|
|
Re: يبدو ان البوستات الغذره فقط تجذب الناس هنا، و يا عصام الخواض بالجد كتيرة منك (Re: humida)
|
Quote: رغم ترتيب كلامك و المظهر المنطقي الفيهو .. لكن كما يبدو لي انه فاتك المغزى من البوست المفتوح في ما يتعلق بهذا الامر ..
السخرية و النكتة .. دايرة الزول يفهمها وهي طايرة .. لانه تحميلها فوق طاقتها بظهر جميع الاطراف بمظهر بااااايخ ..
اقرأ البوست مرة آخرى .. وستجد انك اخطأت في تفسيرك للامر |
..
اخى حميد ...
قبل ان ادخل هذا المنبر لم اكن اعرف ان لدى كل هذا الكم من الكراهيه بغير سبب الا ان الله قد فضلنى على بعض عباده ...ليس لى يد فى ذالك فهو من قال | Quote: ..الله لا إلَه إلا هُو الحَيُّ القَيّومُ يعز من يشاء ويذل من يشاء وهو على كل شيئ قدير ... قران كريم .. |
لماذا لم ينظر الناس الى عظمه الله فى خلقه فى شخصى الضعيف ...
شكرا منى خوجلى ...مجرد سؤال
هل كان هناك منطق للكلام لو انها خصتك انت كمال على الزين بهذا البوست .....
اخى كمال حورت كل شى لصالح لا شى...
وحملت كل شى ما لا يحتمله ...
اخى كمال ...نعم انا ابن السجانه وصديق امير حسبو وكل من تعرفهم فى الحله الجديده فهم اصدقايئ وتربيت بينهم ولا اخجل من ذالك
| |
|
|
|
|
|
|
|
|
|
Re: يبدو ان البوستات الغذره فقط تجذب الناس هنا، و يا عصام الخواض بالجد كتيرة منك (Re: صلاح ليون)
|
الاخ صلاح
تحية واحتراما
وشكرا ابوي على التهاني بانه البوست قارب على الوصول للصفحة الثانية....عزائي في التهنئة والتهكم انك مابتعرفني ولا بعرفك..مع احترامي لك..
صلاح...
حنين للبلد مابتتشهور بي بوست ...الشهرة ابوي باعدين منها واكبر دليل انه متخفيين في اسم حنين للبلد..ماشخصيتنا الحقيقة...مامشكلة..شكرا على الواجب نردو ليك في المناسيات الحلوة...
Quote: وفي رواية سابقة العذرة أو العزرة وحتى الآن ما معروف المقصود
حسب رأيك في البوستات التي تجذب الناس
في المرة الجاية تمهلي قبل أختيار العنوان
استعجلت ابوي....
اولا ماحسب رايي ده حسب راي كاتب الكلام...اللهو وضح فيما بعد في تسلسل هذا البوست انه لم يكن يعني الكل...بل اشخاص محددين |
ود العم...انت قرات العنوان واكتفيت لم تفرا البوست وجيت مبادر بالتهنئة...البوست ياابوي اسمه مقتبس من العبارة التي اوردها احد الاخوان في بوست اخر وزعلتنا منو.يعني اخترت البوست وكلمة غزرة بالطريقة دي لانها وردت هكذا؟؟؟اما كيف تكتب "قذرة" دي لو ماعرفتها تكون طامة لانه ده من اساسيات عملي..وانا متاكدة انه الاخ عصام الخواض ايضا يعلم بس كتبها على عجل...عموما شكرا على التوضيح ولا مانع عندي اطلاقا من تصحيحي ..لكن العنوان هو عبارة وردت وانتقدتها مثلك لذا فتحت هذا البوست بها.
نصحتني واردها لك اخي باحسن منها..نصيحتي لاتستعجل في الحكم على الناس...لو راجعت الموضوع كان عرفت الحاصل...سعيدة بي معرفتك..وبالنوايا الحسنة
| |
|
|
|
|
|
|
|
|
|
Re: يبدو ان البوستات الغذره فقط تجذب الناس هنا، و يا عصام الخواض بالجد كتيرة منك (Re: حنين للبلد)
|
Quote: جدولي رجاء ياحبيبة من حفك توضيح موقف فتحك البوست المعني بعلاج الاخ عماد لكن بعد هذا التوضيدالتوضيح هل من الممكن ان
اطلب منك رجاء ان نفصل موضوع الاخ عماد من النقاش.
تقييمي لك بلا حدود ولي عودة |
شكرا حنين..
العباره اعلاه فهمت انها موجهه لي..
وبالتالي اتسائل..
كيف افصل بين موضوع عماد وموضوع عصام؟؟
القضيه الاساسيه اطرافها عماد وعصام وانا..
ثم انه اصابني ما اصابني بسبب هذا الموضوع..
علي كل حال كل المواقف والنقاشات والاهانات التي دارت فيها كانت مقروءه..
وعن نفسي سأحاول ان لا اتحدث فيها مرة أخري ..فقط لان الحديث فيها مؤلم وسخيف..
تحياتي لك..
| |
|
|
|
|
|
|
|
|
|
Re: يبدو ان البوستات الغذره فقط تجذب الناس هنا، و يا عصام الخواض بالجد كتيرة منك (Re: حنين للبلد)
|
Quote:
الأخت حنين سلام وإحترام
كنت من أوائل من أصابهم الرشاش بتلك العباره ( الغزاره )
وكتبت كلام كتير للأخ عصام في البوست المعني وفي عدد من البوستات
قام بعدها الأخ عصام بإرسال ماسنجر داخلي يوضح موقفه وقصده من تلك العباره
فرددت عليه شاكراص تجاوبه ومطالباً بأن يكون هذا الكلام في البوست
حتى تأخذ شكل الإعتذار وهو أمر لا ينقص من قدره شيئاً
هو الآن هنا كتب مضمون ما أرسله في الماسنجر ومن مداخلته وأضح إنه أرسل الرساله
لكل الأخوان الذين أصابهم الرشاش .
عموماً فائده هذا البوست في رأي المتواضع تكمن في التركيز على أصل المشكله وهو الكلام الذي أقتبسته من مداخله علاء حيموره فوق
وفائده شخصيه لك يا حنين نعرفك على صديقه قديمه هي الأخت عزاز
وفائده لي شخصياً .................................................. لقيت لي سبب أتداخل معاك |
الاخ محمد ابراهيم
شكرا لسببك الخلاني برضو اعرفك
تسلم ابوي
وشكرا على التوضيح الاخ عصام اوضح..وتوضيحه كان مقنع تقبلناه وشكرناه عليه..نحن لسنا في مقام محاسبةكلنا بنلخبط وبنخطى لكن عصام لو اكتفى بمداخلته الاولى كان احسن لي...ولينا...عموما ربنا يسهل للكل
| |
|
|
|
|
|
|
|
|
|
Re: يبدو ان البوستات الغذره فقط تجذب الناس هنا، و يا عصام الخواض بالجد كتيرة منك (Re: حنين للبلد)
|
Quote:
شكرا حنين..
العباره اعلاه فهمت انها موجهه لي..
وبالتالي اتسائل..
كيف افصل بين موضوع عماد وموضوع عصام؟؟
القضيه الاساسيه اطرافها عماد وعصام وانا..
ثم انه اصابني ما اصابني بسبب هذا الموضوع..
علي كل حال كل المواقف والنقاشات والاهانات التي دارت فيها كانت مقروءه..
وعن نفسي سأحاول ان لا اتحدث فيها مرة أخري ..فقط لان الحديث فيها مؤلم وسخيف..
تحياتي لك.. |
منى حاساك بتتكلمي عن شنو..ى=وتابعت البوست بتاعك ..لست مفوضة عن كمال لكن الجميع ويما فيهم انتي مصلحتكم واحدة وهدفكم واحد...حقو نركز علي...
عموماخلينا نتجاوز الموضوع ده
احترامي وودي
ميادة...ازيك
| |
|
|
|
|
|
|
|
|
|
Re: يبدو ان البوستات الغذره فقط تجذب الناس هنا، و يا عصام الخواض بالجد كتيرة منك (Re: حنين للبلد)
|
Quote: الاخ حيمورة
شكرا ليك وانت بتضرب في الوتر الحساس واحمد الله انه البوست ده ما انساق الى اي تهاتر، ولا مس اي جروح |
حنين ازيك ..
كدي يا قول سمؤال صنفي لي الحتة دي ؟؟؟ يعني قاصدة شنو بي كلامك دا ؟؟!!
وكمان قلتي لي حيمورة نتابع معك الوضع الصحي لعماد .. وبتقولي لي منى خوجلي افصلي لي بين موضوع
عماد والبوست دا ..
في شنو هو ؟؟!!!!!!
* هسى انا كان طلبت من العوض المسلمي ولا اي بوردابي آخر بيفتح بوست لعلاج عماد كان حا تكون نفس الهيصة الدورت دي ؟؟؟؟!!!!!
سلام
| |
|
|
|
|
|
|
| |
كمال علي الزين
mayada kamal
وضاحة
Esam El-Khawad
doma
محمد البشرى الخضر
معتصم الطاهر
د.محمد حسن
osman righeem
rosemen osman
تبارك شيخ الدين جبريل
Omar Bob
محمد الطيب حسن
عاطف عمر
طارق جبريل
عمر سعد
Muna Khugali
Hussein Mallasi
علاء الدين حيموره
WAD ELGAALI#4
العوض المسلمي
humida
السمؤال بدرالدين
Mirghani Ali AlAmin
صلاح ليون
ALMURADABI
انعام حيمورة
فيس بوك
تويتر
انستقرام
يوتيوب
بنتيريست