جوزي وأنا حرة فيه !!!

Quote: اية رائك يا أستاذة فى فكرة اضبح /ى الكديسة دى عند بداية مرحلة الزواج كمقولة اجتماعية ممكن يكون فيها ايضاحات كثيرة ممكن الناس تتداولها ؟؟؟؟؟؟؟؟؟؟؟

Quote: جوزي وأنا حرة فيه !!!

Quote: وحرك شفتيه يمنة ويسرة كما تفعل خالتي بخيتة

غايتو يا ميدو ضحكتني جنس ضحك .. التعليق عندك !!!

Quote: حسابك يا بنيتي كلامي لا تابا كلامي كم أبيتيه تكوسيه ما تلقا

Quote: حتّي عجاج بيتك ، عنقريبو فرشيه وكورة أم قعر تحت سريرو جيبيه ختّيه توبك المجنقر دا ب إبرة أمسكيه رجلينك المشقق دا أدرشيه حننيه ***

Quote: نصائح غالية) ياريت تستفيدوا

بلا تعليق .. مشكور على المرور الزاهي

Quote: زوجك ..أغسلي وصفيهو .. زوجك .. أنشري وأكويهو ولو قال أي كلام ماتسميعهو .. ولو زعل منك ما تعبريهو .. ولو إتاخر برة يا عبيطة ما تعشيهو .. ولو جاب هدية يا هبلة أوعك تشكريهو ..

غايتوا نصائح السرور


نطبق على مسؤليتك؟

Quote: ما في نصائح لينا نحن الرجال نستخدمها مع الستات .

هذه نصيحة للاخ:
عندما تذهب لشهر العسل وفى الفندق الغرفة عادة يوجد بها سرير وكرسى فى الكورنة كده..العروس من المفروض ان تكون من الحياء بقدر انها مفروض تمشى عدل الى الكرسى الفى الكورنة..اما اذا مشت للسرير مباشرة فهذه مشكلة كبيرة جدا يا ولدنا..

Quote: غايتوا نصائح السرور نطبق على مسؤليتك؟

Quote: معقولة يا وضاحة تكوني لي هسة ما طبقتيها !!!

Quote: مابلاش تحريض ... مالك علينا خلينا زي ما نحن سمن على عسل ....

Quote: غايتو حسادة شيقا دي مابتخليها ورثك ليها وراثة .... الله في

شيقا !!!

هو الإسم دة وين ؟

يبدو لي ذهب مع الريح !!

Quote: احيييييييييي انا منك يا عطووووفة

Quote: .. خليك دايما صارة وجيهك أوعك تبتسمي ليهو ..

Quote: أغلب النصائح من النوع ده بتهدم البيوت وأصحابها ناس حاسدين وما عارف ليه البنات بطبقوها بحذافيرها استعداء الرجل بهكذا أشياء هو بداية النهاية

Quote: أشبع جوفها = أحرص على تلبية رغباتها الجسدية..و.. لا تبخل عليها بما يُشعل و يُشبع أحاسيسها. أستر ظهرها = كن سنداً و حامياً و ملاذاً لها...كن فارسها و حامي حماها....إحترم لحظات ضعفها..واسيها في محنها..تقبل عيوبها...و كن كاتم سرٌها. عطٌر بشرتها بالدهان = كن حنوناً و رحيماً و عطوفاً و لا تبخل عليها بلمساتك الحانية...كن جوارها في مرضها و سقمها ..أثني على جمالها و مظهرها..و ساهم في توفير ما يُسهل ذلك. أسعد فؤادها= أغدق عليها كلماتك المعسولة الدافئة حتى تُفرح قلبها و وجدانها...أثني على نجاحاتها و شاركها إنتصاراتها..أشكر الله أمامها على وجودها في حياتك.. أستمل قلبها بعطاياك = كن كريماً مجواداً...أحسن إليها و لمن يحتاج من أهلها و من حولها و لا تمن عليها بذلك....أحبب من تحب و قرٌب إليك من يهمها أمره.. حقل نافع = هي أم أبناءك و بناتك..ما تزرعه فيها من حب..تحصده محبة و تقدير من فلذات أكبادك... من يزرع حباً..لا يجني إلا حباً و مودة و رحمة و سكينة كافية لإستقرار و إخضرار ذلك الحقل. * النصائح تصلح لكل زمان و مكان.. و لكل زوج و لكل زوجة.

Quote: السكن والمودة والرحمة المن خلالهم بيجي الاحترام هم الاساس والراس

Quote: عشا الفانين ساهل أصلوا بقو واحد ينبح وواحد يعزف اورغن، يعنى ساندوتشين كفاية عليهم.

Quote: نصيحتى ليك اسمعى كلام زوجك..وهو يسمع كلامك برضو وما تسمعوا كلام الناس ..الناس ما بعجبهم العجب ولا الصيام فى رجب..وحايجنينوكم فى راسكم.وبعد شوية حا يجوك ويبدء موال مابقيتوا تلاتة ومابقيتو اربعة وما ادراك التقول ماشين يربوهم معاك ويشتروا الدايبر معاك..وفيهم من يقول ليك هى بتين عرسوها وولدت.. وغايتو عذاب عذاب كده خلى ساكت..وبعدين يا عواطف حاتعرفى كيف انو الناس ديل ما فيهم واحد هكر يديك نصائح مسمومة يدمر ليك بيها بيتك عشان هو عايزك لى روحو ؟ ..ولا واحدة عايزة زوجك ده ومكسرة فيه.. ولا بس حساده ساى كده بس لانو ما قدر يلقى واحدة زيك كده..او تلقى واحد زيه.. الف مبروك الزواج يا اخت عواطف وان شاالله ربنا يسعدكم ويهنيكم ويبعد عنكم اولاد وبنات الحرام . والنصيحة دى باقى انا شايف انها مهمية بالحيل عشان كدى كتبتها ليك بالاحمر لا قدام آ زولة.